Kungimi i pare

[NoName]

12. D R I T A

PRINDI dhe KATEKISTI

Që ta kuptojnë fëmijëtë sa më mirë dritën, duhet ta përjetojnë mirë terrin. Bisedojmë me fëmijë në një dhomë të errësuar. Çka mund të bëjmë në terr, e çka nuk mundemi? ... Të theksojmë se bimët nuk mund të rriten në terr... Mos të kishte dritë aspak, krejt tokën do ta mbulonte akulli... Do të thotë se pa dritë s’ka jetë... Bukurinë dhe dobinë e dritës e kuptojmë kështu që më së pari e ndezim shkrepsën (qibritin), pastaj qiriun, e më në fund llambën elektrike... Duhet të theksojmë se çdo dritë në këtë botë një herë do të fiket, do të vdesë. Ekziston edhe një dritë më e madhe: Dielli, yjet... Mirëpo, edhe këto janë vetëm krijesa të Zotit. Edhe ato një herë do të fiken... Ndërkaq, ekziston një dritë, që është shumë më e fortë se çfarëdo drite në këtë botë. Ajo dritë është aq e fortë, sa që ne as nuk mund ta shohim me sytë tanë... Ajo dritë nuk shuhet kurrë. Kjo dritë është drita e Zotit... Vetëm kur të arrijmë në Qiell, vetëm atëherë do të mund ta shohim këtë dritë të Zotit... Kjo dritë e Zotit nuk fiket kurrë dhe ajo të gjithëve ua jep jetën. Për këtë arsye edhe në lutje për të vdekur themi: “Jepua, o Zot, pushimin e pasosur. E u ndrittë drita e pambaruar!”

ZOTI ËSHTË DRITA IME DHE SHËLBIMI IM.

[NoName]

13. D A S H U R I A

PRINDI dhe KATEKISTI

Bisedojmë me fëmijë për dashuri. Kush i do: nëna, baba, vëllai, motra, gjyshi, gjyshja, daja, tezja, shoku, shoqja... T’ua tërheqim vëmendjen edhe kah ata që punojnë për ne: bukëpjekësi, shitësi, mjeku... mësuesi, meshtari, motra... Të gjithë ata na duan.

Fëmijët i përmendin njerëzit, që ata vetë i duan... Të gjitha ato dashuri e përbëjnë një dashuri të madhe... Si dëftohet, si tregohet dashuria?... Shembulli i nënës... Ajo prej mëngjesit heret deri në mbrëmje vonë kujdeset për krejt familjen - edhe kur jemi shëndosh e mirë, edhe kur jemi të sëmurë... Mirëpo, është Dikush që na do më shumë se baba e nëna... Ai që na ka dashur edhe para lindjes sonë... Ai për ne e ka krijuar këtë botë të bukur... Ai gjithmonë është me ne, edhe pse ne nuk e shohim... Ai na do edhe kur s’kemi më prind. Ai na do gjithmonë... Ky është Zoti ynë i mirë... Prandaj themi: ZOTI ËSHTË DASHURI...

Të përsërisim: ZOTI ËSHTË JETË, ZOTI ËSHTË DRITË, ZOTI ËSHTË DASHURI.

Shkruani në këtë zemër emrat e të gjithë atyre që i doni!

O ZOT, TI NE NA BEKO! DHE VEPRAT TONA TI SHEJTNO.

MBARË BOTËN NDEZE TI ME TËNDE DASHURI!

[NoName]

14. KOHA E ARDHJES

PRINDI dhe KATEKISTI

Të gjithë besimtarët çdo vit festojnë festat e ndryshme. Numëroni disa prej tyre (Pashkët, Zoja e Madhe, shën Nikolla, shën Sebastiani, shën Mihilli...). Pse na pëlqejnë festat? - Sepse për festë shkojmë mysafirë, apo i presim miqtë (mysafirët)... Krejt shtëpia rregullohet më mirë. Përgatiten edhe ushqime të veçanta... Ndezim qiriun natën e festës... Lutemi... Përveç festave fetare edhe te na fëmijët festojnë edhe festat e veta. Cilat? - Ditën e emrit dhe ditëlindjen. Si festojmë? Na vijnë shokët e shoqet. Luajmë me ta. Hamë ëmbëlsira, pimë lëngje, këndojmë... Festa më e bukur, më e gëzueshme, më e njohur dhe më e dashur për fëmijë gjithsesi është Krishtlindja, Kërshëndellat. Çka festojmë atë ditë? - Ditëlindjen e Jezu Krishtit! Cila ditëlindje e Krishtit është sivjet? (2001-ta, ...) Për Krishtin më tepër do të mësojmë vitin e ardhshëm. Për sivjet të mbajmë mend se Jezu Krishtin Zoti e ka dërguar për t’u ndihmuar njerëzve. Krishti jetonte në këtë botë, i mësonte njerëzit dhe u ndihmonte... Krishti jeton edhe tash, te Zoti. Ai gëzohet kur ne festojmë ditëlindjen e tij... Koha e përgatitjes për ditëlindjen e Jezu Krishtit quhet KOHA E ARDHJES. Kjo kohë zgjat katër javë para Kërshëndellave... Nëpër kisha, po edhe nëpër shtëpi familjare besimtarët në këtë kohë bëjnë “Kurorën e Ardhjes”, me 4 qirinj, për secilën javë nga një... Si përgatitje për Krishtlindje bëjmë edhe “grazhdin e Betlehemit” dhe e stolisim “Pemën e Kërshëndellave”...

Ngjyrose dhe stolise këtë pemë Kërshëndellash dhe "grazhdin" e Betlehemit!

PO AFROHET DITË E LUME PO AFROHET DITË E BARDHË

KUR NDËR NE PREJ ZOJ’S BEKUME VET SHËLBUESI KA ME ARDHË.

[NoName]

15. K R I S H T L I N D J A

PRINDI dhe KATEKISTI

Si do të festojmë më së miri ditëlindjen e Jezu Krishtit? Para së gjithash atë ditë do të shkojmë në kishë dhe do të marrim pjesë në Meshën e shenjtë... Me të gjithë fëmijët do t’i këndojmë këngët e Kërshëndellave në nder të Krishtit të vogël... Pas Meshe gjithsesi do të shkojmë për të parë “grazhdin” e Betlehemit, që është përgatitur në kishë. Atje do ta përshëndesim me ndonjë uratë Krishtin Foshnje, Nënën e tij, Zojën e Bekuar, dhe shën Jozefin. Te shtëpia me diçka do t’i gëzojmë prindërit tanë, vëllezërit e motrat. Të gjithëve do t’ua urojmë Krishtlindjen: “PËR SHUMË MOT KËRSHËNDELLAT!” ... Do të vizitojmë shokët e shoqet tona, si edhe ndonjë plak ose plakë të vetmuar, që s’kanë kurrkë. Edhe atyre do t’ua urojmë Krishtlindjen...

* * *

Para Kërshëndellave ngjyrosni këtë figurë dhe zgjidhni detyrat në faqen e ardhshme!

Ndihmoni Marisë dhe Jozefit që ta gjejnë rrugën deri te shpella e Betlehemit! Rrugën e saktë dhe figurat ngjyrosni me ato ngjyra që ju pëlqejnë më së shumti!

Këto dy figura të nënës dhe të foshnjes duken të njëjta, por ato kanë 10 ndryshime. A mund t’i gjeni? Ndryshimet që i gjeni, rrethoni në figurën nr. 2. Pastaj ngjyrosni figurën e parë.

BUKURI NA DUEL KJO DITË SEPSE DIELLI NA KA SHNDRITË TERR’ I MNERSHËM NA KALOI MBI TOKË KRISHTI KUR VEGOI.

[NoName]

16. K R E S H M E T

PRINDI dhe KATEKISTI

Me siguri tashmë keni dëgjuar fjalën “Kreshmët”... Kështu quhet koha e përgatitjes për më të madhen festën tonë, për PASHKË. Megjithëse Jezu Krishti, derisa jetonte në këtë botë, njerëzve u ka bërë vetëm mirë, prapëseprapë kishte shumë njerëz të këqij, të cilët nuk e donin. Ata e urrenin, e arrestuan, e rrahën, e paditën rrejshëm në gjyq dhe e vranë, duke e gozhduar në kryq... Të gjitha këto ngjarje ne përkujtojmë gjatë Kreshmëve... Për këtë arsye gjatë Kreshmëve nëpër kishat tona mbahet UDHA E KRYQIT, një përshpirtëri, që fëmijët e ndjekin me dëshirë. Kreshmët përfundojnë me JAVËN E SHENJTË, apo JAVËN E MADHE... Në faqën e ardhshme keni pasqyrën e festave kryesore të Javës së Madhe dhe simbolet e ngjarjeve që i përkujtojmë...

J A V A E M A D H E


O ZOT I DASHUR, BABË I MIRË:

NEVE NA NDIHMO!

PËR ÇDO NJERI TI KI MËSHIRË:

NEVE NA NDIHMO!

[NoName]

17. P A S H K Ë T

PRINDI dhe KATEKISTI

Të Dielën e luleve shkojmë në kishë me një buqetë lulesh në dorë, që gjatë meshe bekohen... Për Pashkë veshim petka të reja, më të bukura që i kemi, sepse Pashkët janë më e madhja festa jonë... Pashkët i mbajmë mend edhe me vezë të kuqe, apo të vizatuara, që i përgatisim për atë festë... Mirëpo, çka festojmë ne ditën e Pashkëve? ... Duhet të mbajmë mend këtë: Ditën e Kërshëndellave ne festojmë ditëlindjen e Jezu Krishtit, kurse ditën e Pashkëve festojmë ringjalljen e tij... Jezu Krishti kishte vdekur, por Zoti ynë i mirë pas tri ditësh e ka ringjallur... Pra, Krishti është i gjallë dhe nuk do të vdesë më kurrë. Ai ka jetën e pasosur. Ai ka premtuar jetën e pasosur edhe të gjithë njerëzve, të cilët në këtë jetë do të jenë të mirë... Edhe ne do të jemi të mirë, që të jetojmë gjithmonë me Krishtin... Qengji me flamur, në të cilin shihet kryqi, është simbol i Krishtit të ringjallur.

* Ngjyrose me ngjyra sa më të bukura simbolin e ringjalljes së Krishtit!

* Preni gjashtë figura të vogla, e pastaj i ngjitni në vend të duhur në figurën e madhe. Nëse i rreshtoni mirë, do të fitoni një figurë shumë të bukur. Pastaj ngjyrosni atë figurë!

PËR SHUMË MOT PASHKËT!



[ Gjakovë, 2001 ]