Kanceri i gjirit, pse shkaktohet

[gesti_7]

A ka sherim kanceri i gjirit? Qoft i kapur ne kohe apo jo?

Kush ka ndonje info te fresket do ju lutesha ta postonit.

Faleminderit!

Nqs kapet ne kohe kanceri i gjirit mund te sherohet. Punoj me dokumentare dhe kam bere nje dokumentar para ca kohesh qe jepte disa raste ne SH.B.A. qe ishin diagnostikuar dhe sheruar me ane te terapive te ndryshme dhe vazhdonin jeten te qeta. sipas shkalles se avancimit varej edhe terapia qe ndiqej. megjithate ka sherim, gjithmone nqs kapet ne kohe. Uroj te sherohet sa me shpejt personi per te cilin interesohesh.

[shefqeti11]

Faleminderit nga zemra te gjithve ju....

Me keni ndihmuar shume me informacionet qe keni sjell.

Ju falenderoj dhe per urimet tuaja.

Faleminderit per gjithcka!


Ju pershendes te gjithve.





Me respekt per ju:
Shefqeti A.D

[Marijuana85]

tung ! se pari me falni se nuk kam "pergjegje" reale per ket pyetje por si kan than edhe tjert : nuk duhet me i hup shpresat !!
mirepo kam lexu ne nje gazet online se femrat se i bejn punet e shpis ( i pastrojn dritaret e tjera sene .... ) kan me pak probleme me kancer te gjirit ... byeee

[jessi89]

Po te burrat a keni ndonje te dhene lidhur me kete semundje?

[miki_al2001]

Po te burrat a keni ndonje te dhene lidhur me kete semundje?

tek burrat kanceri i gjirit eshte me i rralle.Por ne rastet kur ndodh eshte me i rrezikshem se tek femrat.Zakonisht ndodh gjate moshes 60-70 vjecare.
Faktore risku mund te jene ekspozimi ndaj rrrezeve radioaktive,thistori familjare me ca gjiri apo niveli i larte i estrogjenit ne gjak.

Simptoma mund te jene prekja e ndonje mase ose gjendre ne gjoks,ndryshimi i ngjyres se gjirit ose kokrres se gjirit (nipple).etj.
eshte shume here me i shpeshte tek zezaket se tek te bardhet.
Trajtimi i kancerit te gjirit tek meshkujt eshte zakonisht heqja e plote e gjirit (mastectomy).

[jessi89]

Thnx miki_al2001 per informacionin.
Per me teper,ne 1000 gra te semura,ndodh qe 1 te jete burre.
Di nje rast, qe nje 81 vjecar u operu nga kjo gje.Skishte dhimbje fare por e diktoi me sy,pasi kokra e gjirit (nipple) i ishte terhequr ne brendesi dhe kjo u be shkak per nje vizite mjekesore te metejshme.Rezultati,operimi me sukses.....

[D@mian]

Per me teper,ne 1000 gra te semura,ndodh qe 1 te jete burre.

Eshte 1 ne 100 (dmth 1%)!

[YaSmiN]

Rreth nje ne tete gra amerikane preken nga kanceri i gjirit
Barry Newhouse

Shkencetaret thone se sipas nje studimi te ri, grate qe marrin rregullisht aspirine mund ta pakesojne rrezikun per t'u prekur nga kanceri ne gji. Korrepondenti i Zerit te Amerikes Barry Newhouse na informon lidhur me kete zbulim te ri.

Shkencetaret thone se sipas nje studimi me pjesemarrjen e rreth 3 mije grave nga New Yorku, rezultoi se ato gra qe merrnin aspirine ishin me pak te rrezikuara per te patur kancer ne gji se sa ato qe nuk merrnin aspirine.

Doktor Alfred Neugut eshte profesor i mjekesise ne Universitetin Columbia te New Yorkut dhe nje prej autoreve te studimit.

”Marrja e nje aspirine ne dite mendohet se pakeson rrezikun e kancerit te gjirit me rreth 25 per qind dhe se nje tip i vecante te kanceri te gjirit qe kushtezohet nga hormoni i estrogjenit.”

Doktor Neugut thote se aspirina duket se zhduk prodhimin e hormonit te estrogjenit ne gji. Estrogjeni eshte pjeserisht faktori qe shkakton 70 per qind te kancerit te gjirit.

Rreth nje ne tete gra amerikane preken nga kanceri i gjirit

Mjeket thone se nga perfundimet e studimit, nuk del se grate duhet te fillojne te marrin rregullisht aspirine, per arsye se nevojiten me teper kerkime lidhur me efektet anesore te aspirines. Por grate qe aktualisht marrin aspirine per semundje te tjera, mund te pakesojne edhe mundesine per te patur kancer ne gji.

Studjuesi Andrew Dannerberg thote se ky studim eshte i rendesishem edhe se ai shenon nje moment te rendesishem persa i perket parandalimit te kancerit te gjirit.

"Ne kardiologji, per shembull, tashme dihet se perdorimi i aspirines, qe eshte nje substance e cila lufton hipertensionin, ka efekte mbrojtese nga semundja e arterieve. Onkologjia eshte ndoshta 15-20 vjet prapa ne kete fushe. Por, mund te them se studimi ne fjale perben nje moment te rendesishem, per arsye se tregon qe mund te merren masa per parandalimin e kancerit, ne vend qe thjesht te qendrosh pasiv dhe te prekesh nga kjo semundje, thote studiuesi Dannenberg."

Rezultatet e studimit u botuan ne numrin e fundit te Revistes Mjekesore, botim i Shoqates Amerikane te Mjeksise.

[J@mes]

Studimet e fundit tregojne se ushtrimet fizike mund te pakesojne rrezikun e kancerit te gjirit. Por studiuesit kerkojne te dijne nese ushtrime te tilla mund te ndihmojne edhe ato gra qe jane te prekura tashme me kancerin e gjirit.

Autoret e studimit zbuluan se ushrimet fizike mund te ndihmoje dhe se rezultatet pozitive u vune re qe ne fazen e pare te fillimit te veprimtrarive apo ushtrime fizike. Ne shume menyra, 43 vjecarja Susan de Vries, nene e tre femijeve, eshte ne forme te mire fizike, vecanerisht po te kihet parasysh se kater vjet me pare u diagnostikua me kancer ne gji.

"Menjehere pas operacionit fillova te ece. E kujtoj shume mire, nje jave pasi u operova, fillova ecjen sportive dhe ndjehem shume krenare qe kam arritur deri ketu", thote Susan. Tani ajo stervitet gati 4 ore ne jave, qe sipas studimit te ri eshte kohe e mjaftueshme per ta pergjysmuar rrezikun e vdekjes nga kanceri i gjirit. Studimi u publikua ne revisten Jama te Shoqates Mjeksore Amerikane. "Grate me kancer ne gji qe ecin 3 deri ne 5 ore ne jave kane 50 perqind me pak te ngjare te vdesin nga kanceri i gjirit krahasuar me grate jo aktive qe kane kancer ne gji." Doktoresha Michelle Holmes dhe koleget e saj ne spitalin Brigham ne Boston moren ne studim gati 3 mije paciente me kancer ne gji, duke vezhguar shendetin dhe edukimin e tyre fizik per 18 vjet. Mjeket arriten ne perfundimin se levizjet fizike te cfardo mase ulin rrezikun e vdekjes nga kanceri i gjirit. Por kjo nuk do te thote se pacientet me kancer ne gji duhet te vrapojne maratona per te marre frytet e punes. Mjeket pane se grate qe bejne aktivitete fizike 3 deri ne 5 ore ne jave perfitojne me shume. Doktoresha Holmes thote se ka te ngjare qe stervitja ndihmon ne uljen e prodhimit te hormoneve ne trup. Hormonet e larta mund te bejne rritjen e qelizave kanceroze te gjirit. Cilado qofte arsyeja, Susana thote se stervitja e ben ate te ndihet me mire. Ajo vazhdon te luftoj kancerin dhe kjo eshte nje beteje qe eshte e vendosur ta fitoj, per vete dhe per familjen e saj.

[J@mes]

Esse

Kanceri i gjirit dhe gruaja shqiptare!
Në reflektim të muajit Tetor, muaj i ndërgjegjesimit ndaj kancerit të gjirit.

Është në kulturën shqiptare që të mos paramendojmë dhe të mos ruhemi për jetën. Në një farë mënyre lejojmë frikën “e ndonjë gjëje të keqe” të na udhëheqë me një shpresë të rremë dhe të evitojmë vizitat në doktori për vite me rradhë. Nuk janë të paktë shqiptarët që nuk bëjnë kontroll vjetor në mjeku, dhe aq më pak të rralla janë gratë që nuk bëjnë kontroll vjetor në gjinekologu, apo vetë-kontroll mujor të gjirit.
Muaji Tetor festohet në mbarë botën si “Muaji i ndërgjegjësimit ndaj kancerit të gjirit!”. Unë nuk jam mjeke, por jam bijë, jam nënë, jam motër dhe mbi të gjitha jam grua. Kur isha në moshë 20-vjeçare, humba nënën që nuk ishte veçse 43-vjeç. Një grua me dëshirë dhe entuziazëm të pa parë për jetën. Optimizmi dhe gëzimi ishin kujtimet që la në mendjet dhe në zemrat e të gjithë atyre që e njohën për kohë të gjatë dhe atyre që e njohën vetëm për disa caste, ndërsa tek unë ajo la një mall të thellë, një boshësi dhe përdëllim të pafjalë. Unë tani jam nënë dhe shoh fëmijët tek rriten. Nuk ka ditë që të mos mendoj për nënën time, për ninullat që nuk këndoi, për perkëdheljet që nuk dhuroi, për vjershat shqip që nuk mësoi, për shqetësimet e mia që nuk dëgjoi… për fjalët e para të vogëlushëve që humbi, hapat e parë që hodhën, qeshjet dhe qarjet dhe mbi të gjitha shprehjen jetëdhënëse të gojëve të tyre: “Të dua nëna!”
Gjithë kjo humbje në kancerin e gjirit. Humbja e një nëne, humbja e një gruaje.
A mund të evitohej humbja e nënës sime? A mund të evitohet humbja e kaq e kaq grave shqiptare ndaj kësaj sëmundjeje që të parën gjë që kërkon është kontrolli?
Të paktën këtu në Amerikë, nëse kanceri i gjirit kapet në fazat fillestare ai mund të kurohet plotësisht Brenda 5-6 javëve të para me rrezatim, ku çdo seancë është 60 sekonda.
Asnjë grua nuk është imune ndaj këtij kanceri, por të gjitha kanë mundësinë ta dallojnë herët dhe të bëjnë një luftë që do u jape jo vetëm beteja të fituara, por dhe një luftë ku ato janë heroinat dhe shpëtimtaret.
Ç’dua unë t’u them motrave dhe nënave të mia? Veç dashurisë dhe përkushtimit dua t’u jap këtë thirrje: kontrolloni veten dhe bëni vizita vjetore te gjinekologu. Shoqata Amerikane e Kancerit këshillon që këto vizita të fillojnë që në moshën 20-vjeçare, dhe takimet profesionale me mjekun të bëhen çdo tre vjet, dhe çdo vit pas moshës 40-vjeç. Nëse nuk e keni zakon, bëjeni. Askush nuk mund t’i përshtatet jetës dhe kërkesave të saj ashtu si i përshtaten grate shqiptare, por le t’i përshtatemi jetës dhe jo kancerit. Bëjeni të domosdoshme, ashtu si keni domosdoshmëri ajrin, të bëni një mamogramë në vit dhe për çdo dyshim sado të vogël të drejtoheni tek mjeku dhe jo tek mitologjitë e plakave.
Ruajeni jetën për gëzimet që vogëlushët mezi presin t’ju dhurojnë dhe mos lejoni që kanceri të përdorë frikën e një analize për t’ju marrë gëzimet,…jetën!
Gjithashtu u kërkoj burrave, baballarëve, vëllezërve t’i nxisin gratë në jetën e tyre të kontrollohen. Nuk e di sa prej tyre mund ta imagjinojnë jetën pa nënë, pa motër, pa të dashurën e zemrës, pa ato që u përkushtohen atyre me gjithë mish e shpirt.
Le të jetë ky muaj jehonë e vitit dhe të na ndjekë çdo çast me perkëdhelje jete dhe me thirrje kujdesi. Kanceri i gjirit nuk është vetëm problem i grave, por i të gjithëve që kanë provuar dashurinë e tyre në jetë.

Tetor, 2007 - Përgatiti Aida Bode