Alergjia

[Mina]

Kush mund te me tregoje se cfar te bejme kur kemi alergji ne polen te luleve?


me respekt,

Duhet te percaktosh llojin e alergjise. Eshte nje mjeke specialiste qe merret me kete diagnostikim. Duhet qe per 6 dite te mos kesh perdorur ilace, sidomos kunder alergjise ose antinflamator (kunder skuqjeve). Drejtohu tek mjekja per te bere proven e alergjise dhe pasi ajo ka percaktuar ekzaktesisht llojin e alergjise, te rekomandon vaksinen e cila te vendos ne trup antikorpin qe te mungon dhe keshtu kthehesh ne normalitet. Nese do adrese ose numer telefoni mund te ta jap ne postimin tjeter.

[Nexhmedin Vishi]

Edhe une pas 12 vitesh ne gjermani me shfaqet nje alergji kur deri tash nuk mundesha ta vertetoj se eshte ALERGJI ose kate bej me te.Une dyshoja se mos vall jam i ftohur por kjo nuk qendron .kete e vertetova te mjeku im i shtepis e tani duhet te gjendet se prej qkafit jam alergjik,tek jan keto simptome djegje sysh frymarrje te veshtirsuar me hunde nga nje her merrrje mendesh,.te shohim qka dote dalin ne kontollimet te metutjeshme .........................

[ARKIA]

Alergjia !
Ne Shqiperi nuk kishim alergji sepse ishim nje rrace.
Po marr rastin e transmetimit njeri-njeri. Ketu jane mbledhur alergjite e gjithe botes ndaj dhe jane mundesite e medha per transmetim.
Gezuar!
Alergjia e jashtme(lekure sy veshe hunde etj)me prejardhje "natyrore" ka shume faktore mijera e mijera qe ndryshojne ne efekt nga nje person ne tjetrin. Kimikatet, jane nje nga shkaqet e alergjive dhe kimikatet qe shetisin ne natyre jane me te shumta ne superqendrat e banuara dhe ato industiale. Larg nga keto qendra dhe mbani maska ne periudhen e polenit.

Nder alergjite e brendeshme(frymemarrjes) nuk duhet te harrojme hazmen nje nga te pasherueshmet dhe te padiadnostizuara per sa i perket shkaqeve. Lendet kimike, mixet midis ketyre lendeve mendohet se shkaktojne edhe hazmen.
Maska nuk eshte gje e keqe.
Gezuar!
Medikamenti me i mire per te luftuar te gjitha llojet e alergjive pa dyshim eshte Rakia. Me vjen shume keq qe shkenca bashkekohore nuk punon ne kete drejtim.
Gezuar!

[Diesel Industry]

Futi nje te ktille dhe je ne regull, 10eurot e shpenzuara me mire ne jeten time :P
Se ke idene sa efekt ben....

[broken_smile]

me ardhjen e pranveres dhe ngrohjen e motit fillojne edhe alergjite tek personat qe jane te ndjeshem ndaj polenit kryesisht. duke e pasur edhe vete kete problem, edhe pse vitet e fundit simptomat me jane reduktuar ndjeshem ne krahasim me fillimin, do ju keshilloja kete gel: allergen block (s'e di ne ekzistojne edhe te tjere te ngjashem). eshte nje gel transparent qe vendoset rreth vrimave te hundes, thithet shume shpejt nga lekura dhe nuk le asnje shenje. ne kete menyre fale efektit elektrostatik te gel-it ndaj grimcave te polenit ndalon hyrjen e ketyre ne hunde. nuk ka asnje efekt anesor. dhe punon shume mire. une qe kur kam filluar ta perdor nuk marr me ilace antihistamina

[PINK]

Me ardhjen e pranveres, kemi shume peme me lule pa mbarim qe I japin nje bukuri dhe atmosfere te vecante, beautiful !! Ka shperthim lulesh aq shume sa level I pollen eshte aq I larte, sa cdo gje eshte mbuluar me pluhur te verdhe. Aq e dukshme eshte. Mire te makinat qe vishen e pluhurosen me ate pluhur verdhosh, po sot dhe asfalti , rruga dukej, dallohej. Por problemi I vertete eshte se ka njerez qe Jane shume sensitive. E fiillojne bezdisen nga Kjo bukuri pranverore. Syte u djegin, itchy. Apshiu too. Claritin marr kete vit, sot biles harrova ta marr, por ndjej si pa ose me Claritin po njelloj. Maledetta Primavera. Thjesht desha te rrefehesha!

[teta]

Vendet e civilizuara kan bere oraret e alergjenve dhe ju shperndahen pacienteve,dmth ne muaj te caktuar cili alergjen eshte aktiv,keshtu qe pacienti di te ruhet ne at sezon dmth ti largohet daljeve ne mengjes edhe ne mbremje kur polenet jan me aktiv.do duhej qe secili vend ne baze te karakteristikave vendore te dal me nje kalendar te tille.

[sirena_adria]

Ushqimet Natyrale Kundër Alergjive Të Pranverës

Myku, parazitët dhe pushi i kafshëve shkaktojnë reagime alergjike te të paktën pesëdhjetë përqind e njerëzve që vuajnë nga astma.

Në raste të tjera, alergjitë nuk shoqërohen nga astma.

Njerëzit preken edhe nga riniti alergjik, që shfaqet kur sistemi imunitar ngatërron barin, pemët ose barishtet me polenin dhe përpiqet të mbrohet duke shkaktuar tështima, skuqje, rrjedhje hundësh dhe lodhje.

Situata ka tendencën të përkeqësohet gjithnjë, edhe nëse vuani nga astma apo alergjia ose nga të dyja së bashku.

Niveli i njerëzve të prekur nga astma në 25 vitet e fundit është katërfishuar ndërsa numri i vdekjeve të shkaktuara nga astma është dyfishuar.

Kohëzgjatja e rinitit alergjik është rritur dhe përkeqësuar.

Tek ky artikull i AgroWeb.org do të mësoni më shumë për ushqimet dhe barishtet që mund t’ju vijnë në ndihmë për të zgjidhur problemet me alergjitë.


Brokoli

Është i pasur me vitaminën C që lufton alergjitë.

1 filxhan me brokoli të pagatuar përmban 80 miligramë të vitaminës C.

Studimet kanë treguar se sa më pak vitaminë C të konsumoni, aq më të larta janë gjasat që të prekeni nga astma.

Agrumet

Janë një burim i jashtëzakonshëm i vitaminës C.

Një portokall përmban 100 miligramë vitaminë C. Gjysmë qitroje përmban 60 miligramë.

Barishtet

Janë të pasura me karotenoidë, përbërës që luftojnë simptomat e alergjisë.

Nëse dëshironi të rrisni aftësitë përthithëse të organizmit, atëherë konsumojini me vaj ulliri.

Spinaqi është një barishte e pasur me folat, një substancë që ul rrezikun e reagimeve alergjike.

Hithra

Nëse e konsumoni si suplement, barishtja në fjalë arrin të mbajë nën kontroll simptomat e alergjisë.

Doza e sugjeruar: 500 miligranë, tre herë në ditë.

Qepa dhe hudhra

Janë të pasura me kuercetinë, një antioksidant që sipas studimeve lufton alergjitë.

Mollët janë një tjetër burim i rëndësishëm i kuercetinës.

Supa kundër alergjive

AgroWeb.org rekomandon që të provoni këtë supë të shijshme kundër alergjive.

1. Zieni një qepë (bashkë me lëkurën) dhe një thelb hudhër.
2. Shtoni një gjysëm filxhani me gjethet e aguliçes dhe rrënjët e saj të prera hollë.
3. Pas zierjes prej 5 minutash, shtoni hithrat dhe kërcenjtë e selinosë. Lërini të ziejnë së bashku për 3-10 minuta.
4. Shtoni uthull vere, piper të zi, piper të kuq, shafran, fara selinoje.
5. Përpara servirjes, hiqni lëkurën e qepës dhe supën konsumojeni të ngrohtë.


/AgroWeb.org

https://agroweb.org/shendet/ushqimet...ive-pranveres/

[sirena_adria]

Trajtimet Më Të Mira Natyrale Kundër Alergjive

E gjithë kjo periudhë shoqërohet me një shpërthim të shfrenuar të alergjive të forta tek shumë njerëz.

Disa prej tyre mjaftohen me solucione farmaceutike e disa duhet të marrin medikamente më të forta.

Studimet të cilave u referohet AgroWeb.org, parashikojnë se deri në vitin 2030, pritet të dyfishohet numri i të prekurve nga simptomat më minimale të alergjive: rrjedhje të hundëve dhe djegie të syve.

Sipas ekspertëve, 200 vjet më parë, numri i të prekurve nga alergjia ishte shumë i ulët.

Por sot, 1 në 4 persona në botë vuajnë nga alergjitë, inflamacioni i mukozës së hundës, syve, sinuseve, veshit të mesëm e të tjerë.

Alergjitë sezonale mund të mbahen nën kontroll nëpërmjet disa barishteve shumë efikase, pa pasur nevojë për medikamente.


Çfarë I Shkakton Alergjitë Sezonale

Alergjitë sezonale janë rezultat i një sistemi imunitar tërësisht konfuz.

Sistemi imunitar reagon në të njëjtën mënyrë sikur të ishte sulmuar nga një bakter apo virus vdekjeprurës.

Kurat Më Të Mira Kundër Alergjive Sezonale

Sipas të dhënave të AgroWeb.org, pikë së pari, është shumë e rëndësishme që një njeri që vuan nga alergji të tilla, të zbatojë një regjim të shëndetshëm dhe anti-inflamator ushqimor.

Hithra

Hithra është një nga barishtet më të fuqishme kundër alergjive sezonale.

Hithra përmban histaminë, një përbërës që çlirohet nga qelizat si kundërpërgjigje ndaj një lëndimi, alergjie apo reagimi inflamator.

Histamina kontrakton muskujt dhe zgjeron kapilarët e gjakut.

Ekspertët thonë se sa më përvëluese të jetë hithra aq më efikase do të jetë ajo.

Tretësirat me hithra të freskëta dhe çaji i barishtes duhet konsumuar rregullisht për të përmirësuar shëndetin e dobët si pasojë e alergjive.

Vitamina C

Vitamina C gjendet me shumicë tek frutat dhe perimet.

Atë mund ta gjeni edhe në farmaci.

AgroWeb.org ju këshillon të konsumoni limona, portokalle, speca.

Kjo vitaminë është efikase për të zhbllokuar hundët dhe shuar simptomat e pakëndshme të alergjive sezonale.

Ekspertët rekomandojnë konsumin e të paktën 2 gramë vitaminë C në ditë.

Xhenxhefili

Xhenxhefili lufton inflamacionin dhe është një zgjedhje e shkëlqyer për ata që vuajnë nga sinoziti apo alergjitë e ndryshme.

Xhenxhefilin mund ta përdorni rregullisht gjatë ditës si çaj duke e shoqëruar me mjaltë dhe limon.

Nenexhiku

Nenexhiku është shumë i mirë për të lehtësuar simptomat e alergjive, sidomos bllokimin dhe rrjedhjen e hundëve.

Nenexhiku rekomandohet të shoqërohet me hithrën për të përgatitur një çaj për një rezultat më të mirë.

Çaji i nenexhikut me hithër përgatitet si çajrat e tjerë bimorë.

/AgroWeb.org


* Ky informacion ka për qëllim të plotësojë, të mos zëvendësojë këshilla nga mjeku juaj ose ofruesi i kujdesit shëndetësor dhe nuk ka për qëllim të mbulojë të gjitha përdorimet e mundshme, masat paraprake, ndërveprimet ose efektet negative. Ky informacion mund të mos i përshtatet rrethanave tuaja specifike shëndetësore.

Burimi: U.S. National Library of Medicine


AgroWeb

https://agroweb.org/lajme/trajtimet-...gjive-agroweb/

[sirena_adria]

Alergjia nga Dielli – Çfarë Duhet të Dini dhe Kujdesi që Duhet të Tregoni

Me ngrohjen e motit, njerëzit shpenzojnë më shumë kohë duke qëndruar në natyrë, por shumë syresh ankohen për alergjinë nga dielli.

Alergjia nga dielli përfshin njollat e lëkurës pas ekspozimit për një kohë të gjatë në diell.

Këto skuqje kanë të bëjnë me çrregullimet e lëkurës së ndjeshme ndërkohë që specifikat e këtij fenomeni të njohur si fotodermatoza do t’i gjeni më poshtë në këtë artikull të AgroWeb.org.

Nëse keni kaluar disa orë në diell, gjasat janë që në pjesën e kraharorit dhe të krahëve të dalin disa njolla të fryra (edemë ose flluska) me ngjyrë të kuqe.

Zakonisht termi i saktë i alergjisë nga dielli është ‘fotodermatoza’ dhe shpërthimi i këtyre njollave është një nga manifestimet më të përhapura të kësaj alergjie.

Simptomat zakonisht prekin femrat nga mosha 20 deri në 40 vjeç.

Njollat ndryshojnë nga njeriu, por zakonisht ato shfaqen në ngjyrë rozë ose të kuqe, në pjesën e krahëve, kraharorit dhe këmbëve.

Këto njolla nuk prekin lëkurën e fytyrës.

Njollat shfaqen zakonisht gjatë stinës së verës. Shkaktohen nga ekspozimi afatgjatë në diell pas një periudhe me ekspozim të kufizuar në dritën e tij.


Alergjitë nga dielli zakonisht shoqërohen nga kruarjet ose ndjesinë e djegies.

Çfarë ndodh nëse këto njolla shfaqen disa minuta pas ekspozimit në diell ose përballeni me një shpërthim të fortë kruarjesh.

Kjo do të thotë se ju jeni prekur nga alergjia diellore që mund të prekë çdo zonë të lëkurës së ekspozuar përveç lëkurës.

Njollat zhduken kur futeni në hije dhe në rastin më të keq ato zgjasin 24 orë.

Ka raste kur lëkura skuqet dhe djeg kur ju trajtoni puçrat dhe aknet me doksicilinë një fenomen i ndjeshmërisë nga dielli të shkaktuar nga medikamentet që merren nga goja ose përdoren mbi lëkurë.

Këto njolla ndryshojnë nga njeriu, por ndjesia e djegies nga dielli është më e përhapura.

Ajo mund të prekë të gjitha pjesët e lëkurës të ekspozuara në diell, përfshirë lëkurën.

Nëse jeni në dijeni mbi llojin e medikamenteve që shumëfishojnë ndjeshmërinë e lëkurës ndaj dielli, është e rëndësishme të shmangni ekspozimin në diell dhe të mbroheni prej tij.

Ndonjëherë dielli mund të përkeqësojë edhe çrregullime si skuqjet e lëkurës.

Nëse vini re që lëkura juaj përkeqësohet nga ekspozimi në diell, atëherë kufizoni daljet në natyrë dhe kujdesuni të lyheni me krem mbrojtës me faktor të lartë.

Por mund të përdorni edhe disa metoda natyrale për të qetësuar lëkurën në rastet e alergjisë siç janë kompresat me ujë me kamomil.

Ose mund të lyeni pjesën e lëkurës së irrituar me xhelin e freskët të Aloe Verës.


Fotodermatoza mund të jetë edhe një problem gjenetik, por kjo ndodh rrallë.

Njerëzit që vuajnë nga ky problem janë tepër të ndjeshëm nga dielli, digjen shpejt dhe shpesh dhe mund të përballen me shpërthime njollash të forta.

Fotodermatoza metabolike mund të shkaktohet edhe nga difektet në enzimat e nevojshme për reagimet kimike në organizëm.

Lloji më i përhapur i saj është porfiria (sëmundja e ndjeshmërisë së lartë nga dielli).

Intensiteti i kësaj sëmundje është i ndryshëm dhe mund të prekë sistemin nervor, lëkurën dhe organe të tjerë.

Nëse kjo sëmundje prek vetëm lëkurën, njollat, flluskat dhe skuqjet janë të pritshme.

Kjo sëmundje nuk kurohet, por ndryshimet në stilin e jetesës – mbrojtja nga dielli, shmangia e tij dhe alkolit- vijnë në ndihmë.

Nëse keni përshtypjen që ndjeshmëria ndaj diellit është e vazhdueshme, AgroWeb.org ju sugjeron të takoheni me një dermatolog që të diskutoni për shqetësimet dhe kurën e mundshme.


/ AgroWeb.org

https://agroweb.org/ne-forme/trupi-s...et-te-tregoni/

[sirena_adria]

Stina e Alergjive të Forta – Si të Mbroheni nga Sëmundjet e Vjeshtës

Vonë ose jo, vjeshta erdhi duke shënjuar nisjen e një stine të mundimshme sëmundjesh dhe teshtimash.

Tështima është një shpërthim i fortë i trupit që arrin të shpërndajë viruse dhe baktere në një largësi prej 2 metrash dhe me një shpejtësi të madhe.

Sidoqoftë, tështimat janë vetëm një prej simptomave drobitëse të alergjive të vjeshtës.

Bllokimet dhe rrjedhjet e hundëve, skuqjet dhe kruarjet e syve janë simptoma të tjera po aq të vështira të këtyre alergjive.


Gjërat Që Nuk I Dinit Për Alergjitë E Vjeshtës

Vjeshta është një stinë shumë e vështirë për njerëzit që kanë ndjeshmëri të lartë ndaj mykut dhe polenit të bimëve.

Fëmijët ekspozohen ndaj pluhurit të shkumësit në shkollë.

Rënia e gjethëve të pemëve gjithashtu mund të shkaktojë alergji në vjeshtë.

Kjo ndodh sepse me rënien e tyre, ato nxisin qarkullimin e polenit dhe mykut në ajër duke shkaktuar alergji dhe azëm.

Për më tepër, shiu është gjithashtu një nxitës i alergjive sepse shpërndan më shumë polenin dhe mykun.

E keqja e alergjive të vjeshtës është se ato nisin shumë herët dhe zgjasin më gjatë.

Në këtë artikull të AgroWeb.org do të mësoni për disa këshilla praktike se si të përballoni stinën e vjeshtës dhe alergjitë.

Kujdesuni Për Stomakun

Në përballjen me alergjitë është shumë e rëndësishme që njeriu të kujdeset për florën bakteriale në stomak.

Njerëzit që vuajnë nga alergjitë e vjeshtës duhet të marrin çdo ditë probiotikë që të garantojnë mbrojtjen e organizmit.

Kujdes Me Ushqimet

Ushqimet e përpunuara, të modifikuara gjenetikisht, sheqeri, bulmeti, gluteni, alkoli përmbajnë substanca irrituese për organizmin.

Këto substanca përkeqësojnë simptomat e alergjisë.

Në Tetor duhet të shmangni bananet, shalqinin, pjeprin, kastravecin, domatet dhe kungujt e njomë që mund të preken nga disa lloje barishtesh të cilat shkaktojnë alergji.

Gjithashtu kujdes duhet të tregoni me çajin kamomil dhe të rubinit të kuq për të njëjtat arsye si më lart.

AgroWeb.org ju rekomandon që nëse vëreni shenja alergjie pas konsumit të tyre, konsultohuni me një mjek.

Ushqehuni Me Perime Ngjyra

Në këtë stinë duhet të merrni me shumë vitaminë A, C dhe antioksidantë që luftojnë inflamacionin.

Konsumoni më shumë brokoli, barishte të egra, karrota, selino, kungull të verdhë, qepë dhe hudhër.

Higjena

Përpara se të bini për të fjetur, mirë është të bëni dush që të largoni sa më shumë elementë alergjikë nga trupi dhe flokët.

Ndërroni rrobat dhe çarçafët më shpesh dhe sidomos këllëfët e jastëkëve me të cilët goja dhe hunda janë më shumë në kontakt.

Nëse punoni në kopsht, mbani doreza dhe maskë.

Për Frymëmarrjen

Përdorni solucione me kripë për pastrimin e hundëve.

Bëni avull për të zhbllokuar rrugët e frymëmarrjes dhe përmirësuar imunitetin.


/ AgroWeb.org

https://agroweb.org/ne-forme/trupi-s...jive-mbroheni/