Emiratet e Bashkuara Arabe do të mbështesin financimin e ndërtimit të autostradës së re mes Tiranës dhe Elbasanit. Konfirmimi vjen nga Sheiku Bin Zaid Al Hanyan, gjatë takimit që pati me ministrin tonë të Jashtëm Lulzim Basha, pikërisht në qytetin e Elbasanit. Bëhet fjalë për një kredi të butë, e cila do të shkojë për ndërtimin e autostradës që shkurton ndjeshëm distancën kohore mes të dy qyteteve.
Për ndërtimin e një autostrade mes Tiranës dhe Elbasanit ekzistojnë disa projekte, si nga ana e kompanive private për marrjen me koncension, ashtu edhe me vetë financimet e shtetit.
- Një prej projekteve parashikon një trase që fillon nga Sauku, shpon përmes Kërrabën me një tunel prej mëse 3.5 kilometrash dhe del në Bradashesh.
- Një varjant tjetër është ai që nis nga Kashari, kalon në Vaqarr, e del në Papër të Elbasanit dhe ku parashikohet ndërtimi i disa tuneleve të shkurtër.
- Ndërsa një varjant tjetër kombinon dy projetektet e para. Kjo autotstradë do të shkurtojë distancën mes dy qyteteve, duke e çuar atë në vetëm 15 minuta.
Në takim, homologu emiratas u shpreh se vendi i tij ka interes të veçantë edhe për fushat energjetike, bujqësore, portuale, turizmit, petrokimike etj, si në zonën e Elbasanit, ashtu dhe në disa rajone të tjera të vendit. Në këtë kuadër, ministri Basha theksoi potencialin e Zonës Ekonomike të Elbasanit për punësimin, prodhimin, dhe krijimin e një tregu të veçantë në rajon e më gjerë.
Ministri i Jashtëm i Emirateve të Bashkuara ka deklaruar se tashmë Shqipëria është anëtare e NATO-s dhe është një vend i sigurtë për investimet. Gjatë takimit numri një i diplomacisë shqiptare ka falenderuar homolugun e tij për mbështetjen e dhënë për vendin tonë në këto 20 vjet, duke financuar vepra të rëndësishme si aeroporti i Kukësit. Basha ka theskuar se Emiratet janë vendi i parë arab që kanë njohur dhe pavarësinë e Kosovës.
© TV Klan
Krijoni Kontakt