Dr. Krist MALOKI

[NoName]

Krist Maloki (1900 – 1972)

Albert Ramaj

Krist Maloki u lind në Prizren më 08. 04. 1900. Shkollën fillore e përfundoi në vendlindje, kurse si nxënës i dalluar që ishte, përfaqësuesit e Austro-Hungarisë në Prizren e dërguan në Austri për t’i vijuar mësimet në shkollën e mesme. Pra, Maloki në Austri erdhi si djalosh qysh në vitin 1912. Studimet i ndoqi në Salzburg, në Vjenë dhe në Graz.

Në Graz i përfundoi studimet për filozofi, histori të arteve dhe pedagogji. Më 1929 doktoroi për filozofi-pedakgogjike me temen „Die Grundprobleme der Kunsterziehungsbewegung“. Kurse menjëherë pastaj filloi studimet në jurisprudencë dhe më 1934 doktoroi edhe në këtë fakultet.

Është i njohur si kritik letrarë. Kritikat e tia më të njohura do të ishin ato mbi Naim Frashërin, Lasgush Poradecin, Gjergj Fishtën etj. Qysh para Luftës së Dytë Botërore Krist Maloki në Universitetitn e Graz-it të Austrisë hapi edhe lektoratin për gjuhë shqipe, ku ai ishte lektori parë dhe i fundit i këtij lektorati. Po në këtë Universitet ishte edhe bashkëpuntorë shkencor dhe shumë kohë punoi në Institutin e Historisë për Europën Juglindore. Këtu Maloki i mbante kompetencat për historinë e popullit shqiptar, ku edhe ligjëronte, sidomos për çështjen e ekonomisë dhe të politikës. Një kohë të gjatë veproi në Akademinë tregtare në Graz, ku po ashtu, ligjëroi ekonominë politike.

Ishte i nderuar edhe me urdhërin më të madh, lartë, të Qeverisë së Styrisë (Steiermark) në Graz nga departamenti i arsimit, për kontributin e tij për këtë akademi. Që bashkpunëtor i shumë revistave shqiptare si „Minerva“ në Graz „Djaleria“ në Vjenë, „Hylli i Dritës“, „Përpjekja Shqiptare“, e më vonë edhe i revistës „Shqiptari i Lirë“, „Dielli“ etj. Ka bashkëpunuar edhe me revista të gjuhës gjermane, me artikuj të ndryshëm. Ishte edhe bashkëpunëtor i enciklopedisë së gruas (Zvicërr) në gjuhën gjermane, ku ai shjellon problemin e gruas shqiptare. Ka bërë edhe disa komponime dhe një prej tyre, që vlen të përmendet, është „Mbi vorr t’Avni Rrustemit“. Ka botuar edhe disa shkrime me pseudonim si: K. Lepeteni, Male Krishna, Krraba Malsore etj...

Ka njohur shumë personalitete shqiptare, pernsoalisht dhe ishte mik i mirë me Avni Rrustemin, Bajram Currin, Lasgush Poradecin, Eqrem Çabejn, Hamdi Oruqin, Ramada Sokolin, e shumë të tjerë. Ka lënë një pasuri të madhe dorshkrimesh dhe letërkëmbimsh me shumë personalitete shqiptare dhe gjarmanofone. Ka lënë edhe një bibliotekë të pasur.
Krist Maloki vdiq më 24 nëntor 1972 në spitalin e Graz-it, pas lëngimit nga një sëmundje shumë e rëndë, madje një pjesë të jetës e kaloi si i verbër.
Një pjesë e dorëshrimeve është prëgatitur për botim nga Albert Ramaj, të cilat shumë shpejt do të botohen në Prishtinë .