FK Vllaznia - Shkodër

[no name]

Festë në Shkodër, kualifikohet Vllaznia

Derguar me: 01/07/2007

• Një gol i shënuar nga Arlind Nora në minutën e 26-të u ka dhënë triumfin shkodranëve, të cilët e patën nisur si jo favoritë takimin e “Loro Boriçit”

Festa pushton Shkodrën. Vllaznia kalon turin e parë të Kupës Intertoto, duke mposhtur 1-0 kroatët e NK Zagreb. Një gol i shënuar nga Arlind Nora në minutën e 26-të u ka dhënë triumfin shkodranëve, të cilët e patën nisur si jo favoritë takimin e “Loro Boriçit”. Humbja 2-1 në Zagreb nuk ka rezultuar fatale dhe ekipi i Mirel Josës ka mundur të shkojë më tej në këtë kompeticion. Vllaznia tashmë do të përballet në datat 7 dhe 14 korrik ndaj turqve të Trabzonspor, një prej skuadrave më të forta të këtij vendi. Ndërkaq, trajneri Mirel Josa ka mundur të fitojë sfidën me Blazeviç, trajnerin më të madh kroat, por që tani rrezikon jo pak postin në pankinën e NK Zagreb.

Rezultati gjithsesi mund të kishte qenë më i thellë, në rast se Sukaj, Osja apo Kaçi do të ishin treguar më të saktë përpara portës. Për të ndjekur takimin ka qenë në stadium edhe ndihmës trajneri i Trabzonsporit, kundërshtarit të radhës për kuqeblutë. Të përkrahur edhe nga një publik i zjarrtë, shkodranët e kanë nisur mjaft mirë ndeshjen edhe pse rasti më i pastër ka qenë për kroatët në minutën e 3-të, por topi ka përfunduar pak centimetra larg portës së Grimës. Pas dy rasteve të humbur nga Sukaj, në minutën e 26-të ka ardhur një gjuajtje nga jashtë zonës e Arlind Norës. Topi i gjirokastritit është devijuar nga një mbrojtës dhe ka përfunduar në rrjetë, duke ngritur në këmbë “Loro Boriçin”.

[Flori]

VLLAZNIA - Nk Zagreb 1-0 (2-1)

Shenues: Nora 26'

Vllaznia: Grima, Lici, Teli, Lika, Kotrri, Nora (A.Beqiri 89'), Osja, Kaci (Tafili 90'), Hoti, Simo, Sukaj (Sinani 71')

Trajner: Mirel Josa

NK Zagrebi: Stovkic, Labudovic (Mikulic 80'), Cutura, Jurendic (Orsulic 86'), Pejic, Lajtman, Nadarevic, Bricic (Gric 60'), Mandzukic, Mujoza, Parlov

Trajner: Miroslav Blazhevic

Gjyqtare: J.Atardi, E.Spiteri, I.Zpiteri (Malte)

Kartone te verdhe: Simo, Kotrri

Stadiumi: "Loro Borici", Shkoder

Kronika

6'- Sinjalin e pare e japin miqte nga Zagrebi. Mbrojtja e Vllaznise hutohet dhe nuk kuptohet me portierin Grima dhe NK Zagrebi eshte fare prane golit. Topi kalon ngjitur me shtyllen e djathte pingule te Grimes.

15'- Jane serish miqte qe imponojne lojen e tyre. Kesaj here eshte Bricic, qe kerkon te shenoje pas nje gjuajtjeje te forte ne hyrje te zones, por Grima ka arritur te grushtoje me veshtiresi ne korner.

18'- Rasti i trete i mire por NK Zagrebin. Nje top i harkuar nga kendorja ka gjetur sakte Cuturen, qe godet me koke, por qe ndesh serish nje Grime te shkelqyer.

20'- Sukaj jep shenjen e pare te Vllaznise. Godet nga 30 metra, por pa asnje veshtiresi per portierin mik.

22'- Tani eshte Vllaznia qe gjen kohe per spektakel. Nje kombinim i mrekullueshem mes Nores, Osjes dhe Sukajt, por i riu shkodran ne nje pozicion te mire brenda zone, gjuan gabimisht, duke e nxjerre topin shume metra mbi traverse.

26'- GOOOOOOL Por Vllaznia nuk mund te gabonte ne rastin e dyte te arte. Eshte Arlind Nora qe ka cuar peshe "Loro Boricin" pas nje gjuajtjeje te devijuar nga nje mbrojtes kundershtar. Topi perfundon pas shpines se Stovikc dhe Vllaniza enderron.

37'- Xhevahir Sukaj ne hyrje te zones gjuan rrepte, pret perseri mbrojtesi ekstrem kroat.

40'- Tenton Kaci, por pret serish Stovkic.

54'- Edhe njehere Sukaj, edhe njehere i pasakte ne hyrje te zones se rreptesise.

62'- Afrikani Simo kerkon te provoje fatin, por i pergjigjet mrekullisht portieri mik, qe e dergon topin ne kendore.

65'- Gilman Lika shperthen me nje aksion personal dhe arrin te caje deri ne mbrojtjen kundershtare, duke dhene nje top te arte per Sukaj, qe me porten e boshatisur, ka bere detyren e tij ne kete mbremje, jashte!

69'- NK Zagrebi prane barazimit. Grcic i vetem perballe Armir Grimes gjuan, por Grima nuk e ka lejuar qe te shenoje duke shpetuar nje rast fatal ne porten shkodrane

76'- Vioresin Sinani godet, rikthen topin ne loje mbrojtja, Lika merr topin ne zoterim, gjuan edhe njehere, por topi vetem ne shtylle dhe "Lori Borici" psheretin fort, sepse kerkon golin e sigurise.

80'- Kaci pason per kapitenin e Vllaznise, Osjen, por ka qene serish portieri mik qe eshte shnderruar ne nje barrikade te pakapercyeshme.

87'- Armir Grima behet serish shpetimtar me nje dalje te shpejte dhe te guximshme, duke zoteruar topin ne kembet e Mandezukicit.

Komenti

Vllaznia ka bere mrekulline duke e kthyer disavantazhin ne feste dhe duke lumturuar tifozerine shkodrane te pranishme ne stadiumin "Loro Borici". Nje mbremje e kthyer ne feste nga djemte e Mirel Joses, te cilet i jane falur nje goli te gjirokastritit Nora. Mbase ishte edhe fati sot, sepse goli u devijua nga mbrojtesit kundershtare dhe kur ne perfundim te takimit te gjithe prisnin vershellimin e kryesorit maltez, Grima u be hero, duke ndalur nje aksion te rrezikshem te miqve dhe duke u dhuruar kualifikimin te tijve ne nje ndeshje plot emocione dhe te pasur ne raste per te dyja palet.

Me te rrezikshem shfaqen miqte, qe dine te shfrytezojne hapesirat e lena bosh nga shkodranet, por qe fatmiresisht per kuqeblute, nuk kalojne dot nje Grime madheshtor. Aksionet e njepasnjeshme te Zagrebit e tulasin disi Vllaznine, por jo per shume kohe. Shkodranet nisin te pergjigjen dhe kunderpergjigjen me rrepte, derisa ne aksion e trete te rrezikshem gjejne golin e shumedeshiruar. Nje gjuajtje e Nores dhe nje bashkepunim i mbrojtjes mike e cojne topin ne rrjete. Vllaznia fluturon, shkodranet jane ne delir.

Por Vllaznia nuk e le me kaq. Shkodranet e kerkojne golin e sigurise me ngulm, por portieri mik ndal gjithcka ne disa raste. NK Zagrebi zgjohet vetem ne minuten e 69-te, kur ka qene shume prane barazimit me ane te Grcic, por serish Grima monumental i ka thene "jo" kroateve. Pjesa e mbetur e takimit zhvillohet mes rasteve sporadike dhe shkodraneve qe kerkojne te zoterojne topin sa me gjate, duke bere minutat te kalojne. Gjithsesi, tifozeve shkodrane u ngrin zemra edhe nje here te fundit, por, fatmiresisht, eshte serish Grima, qe nderhyn guximshem ne kembet e kundershtarit te tij. Vllaznia fiton me merite dhe kualifikohet per ne turin e dyte te Kupes Intertoto.

Deklaruan pas ndeshjes

Mirel Josa, trajneri i Vllaznise: "Para fillimit te ndeshjes ndihesha me i qete, per vete faktin se e gjithe skuadra ishte impenjuar dhe qe te gjithe kishin marre rregullisht pjese ne stervitje. Me ne fund e morem ate qe meritonim, duke fituar ne fushen tone me nje rezultat te ngushte, por pozitiv, i cili na dha fitoren dhe kualifikimin, i cili ishte objektivi yne. Perballe kishim nje shkolle te vjeter futbolli, qe e menaxhon shume mire lojen. Ne fillim te pjeses se pare patem disa probleme te vogla, por qe u rregulluan. Mund te them se ato dy rastet e Zagrbit mund te na kishin ndeshkuar dhe quaj se ishim me fat. Nese do te ishim ndeshkuar ne ato dy raste, sigurisht qe do te ishim keq nga ana psikologjike dhe do ta kishim shume te veshtire rikuperimin. Megjithate, per 90 minuteshin e luajtur jam i kenaqur nga e gjithe skuadra, pasi ka dhene maksimumin ne fushen e lojes. I falenderoj te gjithe lojtaret per ate qe dhane ne fushe. Bile i quaj heronj me ate se cfare bene sot (dje) ne kete takim. Pjesa e dyte ishte shume me mire per ne dhe ketu lojtaret dhane me teper. Kualifikimi me ka kenaqur, por padyshim, qe me ka kenaqur akoma me shume interpretimi i lojes nga futbollistet e mi. Edhe nje here i falenderoj te gjithe pa perjashtim per gjithcka dhane ne fushen e lojes, por duke i bashkangjitur ketij falenderimi edhe ate per tifozerine shkodrane, e cila na mbeshteti si gjithmone gjate 90 minutave dhe besoj se ia kemi shperblyer deri-diku".

Miroslav Blazevic, trajneri i Zagrebit: "Ne fillim dua te pergezoj median. I uroj fitoren kolegut tim Josa, per kualifikimin dhe suksese ne turin tjeter te kupes "Intertoto". Vllaznia e ka meritua plotesisht fitoren dhe kualifikimin, sepse e ka kerkuar ate me shume sesa skuadra ime. Merita e Vllaznise ne kete rast behet akoma me e madhe. E them kete sepse une si trajner i Zagrebit nuk mund ta pranoj se skuadra ime eshte me e mire se ajo e juaja. Perpara disa ditesh, jam shprehur ne shtypin kroat se nuk do ta diskutojme aspak Vllaznine dhe se synojne te shkojme ne UEFA-s, permes "Intertotos", por shkodranet kane nje skuader shume te mire ne te gjitha drejtimet, por ja edhe trajneret humbasin. Tani e kuptova se Vllaznia eshte nje ekip i mire dhe duhet te marrim shembull nga kjo skuader. Na duhet te punojme shume, madje me shume se cfare kam menduar. Per sa i perket ndeshjes se Kroacise mund te them se skuadra juaj ka luajtur mjaft mire, duke paraqitur nje futboll modern. Ne fund dua te falenderoj tifozerine shkodrane, se ishte e mrekullueshme. Edhe nje here i uroj fat Vllaznise".

[goldian]

oleeeeeeeeeeeeeeeee para vllaznia

[zeus]

-------------------------------------------

Me behet qejfi per Vllaznine dhe per qytetin e Shkodres. Urime dhe suksese per ndeshjet e tjera!

-------------------------------------------

[no name]

Vllaznia, sot per te bere surprizen

E Diele, 08 Korrik 2007

Formacioni i mundshem

Vllaznia: Grima, Lici, Teli, Lika, Kotrri, Nora, Osja, Kaci, Hoti, Simo, Sukaj

Trajner: Mirel Josa

Sot ne oren 19:00, kuqeblute do te zbresin ne fushen e "Hysen Avni Aker", stadiumit te Trabzonsporit per te zhvilluar takimin e radhes te Kupes Intertoto. Shkodranet kane eliminuar nje tur me pare kroatet e NK Zagrebit, ndersa turqit e Trabzonit, qytetit-port ne Detin e Zi, fale nje koeficienti vleresimi me te larte, kane hyre ne Kupen Intertoto ne turin e dyte. Por tani e kaluara pak rendesi ka dhe kete e dine mjaft mire te dyja skuadrat.

Ne kampin shkodran, pertej optimizmit per nje rezultat pozitiv, ujerat jane turbulluar kur as dy dite me pare nuk jane marre premiot per kualifikimin ne tyrin e dyte, por burime brenda kampit kuqeblu, konfirmojne se parate do te shperndahen sot, per te stimuluar me shume lojtaret ne transferten delikate kunder Trabzonsporit. Per trajnerin Josa, ndeshja e sotme eshte nje transferte delikate, por skuadra do te luaje lojen e saj: "Jemi perballe nje sfide te veshtire, por Vllaznia do te kerkoje te beje me te miren. Natyrisht qe Trabzonspori eshte nje kundershtar i rrezikshem, por ne shkojme ne Turqi per te bere lojen tone dhe pse jo, per nje rezultat sa me te mire qe te na favorizoje takimin e kthimit".

Por Josa nuk eshte i vetem ne kete kendveshtrim. Edhe lojtaret kuqeblu jane optimiste dhe kampi shkodran nuk e ndjen thuajse fare presionin e kundershtarit, kjo sepse edhe kualifikimi nje tur me pare ka bere efektin e duhur psikologjik. Pare keshtu, Vllaznia nuk ndjehet inferiore ndaj Trabzonsporit, por te verteten vetem fusha do ta thote.

[no name]

Sukaj: Shi në Trabzon, me fat

8 Korrik “Unë besoj në një rezultat premtues në këtë ndeshje të parë, për të pretenduar pastaj në atë të kthimit për një kualifikim të mundshëm”



Pasi ka pushuar paradite, skuadra shkodrane ka zhvilluar pasdite, në orën 19:00 lokale (18:00 me orën tonë), stërvitjen e zakonshmne të para ndeshjes. Seanca është zhvilluar në orën që do të luhet ndeshja e sotme, kur Vllaznia do të përballet me Trabzonspor, në kuadrin e turit të dytë të Intertotos. Siç mësojmë përmes bisedës telefonike me njërin nga lojtarët e Vllaznisë, sulmuesin Xhevahir Sukaj, gjatë gjithë ditës Vllazninë e ka shoqëruar shiu, i cili nuk ka pushur as dhe gjatë seancës stërvitore. “Personalisht e parapëlqej motin me shi, sidomos terrenin e lagësht”, thotë Sukaj përmes celularit, duke shtuar se është me fat në kushte të tilla. “Më pëlqem terreni i lagësht, por jo deri në atë masë, sa të pengojë për të luajtur futboll. Në kushte të tilla më pëlqen të gjuaj me “rrëshqitje”, siç i themi ne, pasi topi merr forcë dhe nuk mund të pritet nga portieri”, thotë për gazetën tonë sulmuesi Sukaj, i cili ka tërhequr edhe vëmendjen e menaxherëve të huaj, sidomos të Rudi Vatës, i cili nuk ka ngurruar të shprehë publikisht preferencën ndaj këtij lojtari të perspektivës. Ndërkohë, Sukaj konfirmoi se stervitja nuk është bërë në fushën e stadiumit, ku do të zhvillohet ndeshja, sepse pikërisht dje në mbrëmje, në orën 20:00, aty është organizuar ceremonia e mbylljes së Lojërave të Detit të Zi. Përveç kësaj, Sukaj thotë se në Trabzon kanë hasur edhe një komunitet shqiptar, të sistemuar prej vitesh atje. Me të marrë vesh lajmin se do të luajë Vllaznia, duke qenë se në mes tyre ka edhe nga Shkodra, kanë shfaqur dëshirën të jenë në stadium, madje të bëjnë tifo për kuqeblutë. Një gjë të tillë ata e kanë shprehur edhe gjatë kohës që kanë takuar me skuadrën në hotel. Ndërsa, duke iu kthyer ndeshjes, Sukaj, i cili do të jetë në majë të sulmit të Vllaznisë, shprehet entuziast. “Eshtë krijuar një përshtypje, sikur ne nuk pretendojmë aspak ndaj kësaj skuadre, por e verteta është ndryshe”, thekson Sukaj. “Unë besoj në një rezultat premtues në këtë ndeshje të parë, për të pretenduar pastaj në atë të kthimit për një kualifikim të mundshëm”. Përveç fatit që pret t’i sjellë shiu, Sukaj nënvizon edhe një tjetër element, kur kujton se më 17 janar të këtij viti, në stadiumin “Ataturk”, u ndeshën kombëtaret U?21 të Turqisë dhe Shqipërisë. “Atë ndeshje e kemi fituar 2?0 dhe golin e dytë e kam shënuar unë, kështu që uroj ta kem këtë fat edhe në stadiumin e Trabzonit”, thotë Sukaj, që dëshiron të shlyejë “thatësirën” e tij në “Loro Boriçi” përballë NK Zagreb.





Zaganjori, reagim pas shkrimit

Pasi kanë lënë Stambollin në orën 05.00 të mëngjest të djeshëm, me orën shqiptare, kuqeblutë e Vllaznisë kanë mbërritur aty rreth orës 06.30 në Trabzon, qyteti piktoresk pranë Detit të Zi. Lajmin na e bën të ditur Ardian Zaganjori, drejtor i marrëdhënieve me jashtë pranë klubit Vllaznia, i cili, pas reflektimit të një kritike në “Sport Ekspres” një ditë më parë, për mungesë informacioni të lëvizjes së skuadrës shkodrane, na ka shpjeguar me hollësi itinerarin e skuadrës kuqeblu, që nga Rinasi, tranziti në Athinë dhe fluturimi për në Stamboll. Kurse në agimin e së shtunës, në orën 05:00, skuadra shkodrane ka fluturuar për në Trabzon, ku ka mbërritur pas një ore e gjysmë. Aty është sistemuar në hotelin me pesë yje, “USTAPARK?AS”. Duke iu referuar edhe presidentit Fushaj, i cili është bashkuar me skuadrën në Stamboll, Vllaznia nuk ka patur asnjë problem dhe udhëtimi është kryer në kushte optimale. Zaganjori ka shpjeguar se avioni “çarter” nuk është siguruar, pasi agjensitë ajrore nuk e morën përsipër, edhe pse interesimi i klubit nuk ka munguar. Meraku tjetër i zyrtarit të klubit kuqeblu ishte të përcillte konfirmimin e presidentit Fushaj, se premiot, për kualifikimin në turin e dytë të Kupës UEFA, do të shpërndahen menjëherë pas kthimit të skuadrës nga Turqia.

Në fushë, formacioni i sprovuar

Duke u nisur edhe nga ajo që tekniku Josa ka aplikuar në stërvitjen e djeshme, formacioni, me të cilin do të zbresë në fushën e lojës Vllaznia, pritet të jetë ai i fillimit të ndeshjes në “Loro Boriçi” ndaj kroatëve të Zagrebit: Grima në portë; Lici në qendër të mbrojtjes, Teli djathtas e Kotrri majtas; në mesfushë, kapiteni Osja në qendër së bashku me Simon, Hoti djathtas dhe Lika majtas; përpara tyre, si sulmues të “maskuar”, Kaçi majtas dhe Nora djathtas, ndërsa në majën e sulmit do të jetë Sukaj. Gjithsesi, si alternativa të Josës mbeten Sinani, Dalipi dhe Ahi, i rikthyer pas shlyerjes së kartonit të kuq, por edhe Arsen Beqiri e Tafili.

[BEHARI]

di gje njeri se ne cilin kanal tv mund ta shikojme vllaznine sot ne tutqi???
faleminderit!!

[Qerim]

Trabzonspor-Vllaznia 6-0.

Ashtu sic gaboi edhe Tirana vjet me kaiserat edhe Vllaznia ,fatkeqsisht i njejti trainer ,luan pa mbrojtje te perforcuar ndaj ekipeve te medha.

[goldian]

u koritem sot

[no name]

Surpriza e Vllaznise... humbet 6-0

Trabzonspor-Vllaznia 6-0

Shenuesit: Ersen 12', 57', Xhejhun 32', Cgadash 39', Serkan 51', Omer Reza 88'.

Trabzonspor:

Ahmet, Ferhat, Tajfun, Cagdash, Xhelaledin, Hysejin, Ajman, Serkan, Xhejhun, Omer Reza, Ersen

Trajner: Zija Dogan

Vllaznia:

Grima, Teli, Lici, Kotrri, Lika, Osja, Norra, Kaci, Simo, Hoti, Sukaj

Trajner: Mirel Josa

Gjyqtare: Nijhuis, Siebert, Olthof (Holanda)

Stadiumi: "Hysein Avni Aker", Trabzon



Vllaznia turperohet ne Turqi! Deklaratat optimiste i ka perpire furia e vendesve te Trabzonit qe kane shenuar plot 6 gola ne porten e Grimes, duke fundosur keshtu endrrat kuqeblu per kalimin e turit te dyte te Kupes Intertoto. 6 gola per t'i vertetuar jo vetem Vllaznise, por mbare futbollit shqiptar se eshte ne nje gjendje mjerane. Kuqebluve u eshte zbehur fanella, 6 gola te Trabzonsporit nuk mund te justifikohen. A do ta bejne valle kete drejtuesit dhe lojtaret e Vllaznise?

Topin e pare e ka shkelmuar skuadra e Vllaznise. Por kaq mund te mbajne mend shkodranet nga ky takim, sepse me tej gjithcka u kthye ne "black-out". Qe ne minuten e 12-te, kuqeblute e shohin veten te shembur, kur skuadra turke kaloi menjehere ne avantazh, duke shenuar golin e pare me anen e Ersen Martinit. Ketu merr fund rezistenca shkodrane dhe fillon "calltisja" turke. Nje ferr i vertete per Vllaznine. Dy minuta me vone do te jete pikerisht ky lojtar, qe do ta vere ne veshtiresi portierin Grima, i cili shpeton porten e tij. Do te jete pikerisht minuta e 32-te e takimit, ku do te jete perseri skuadra vishnje qe do te shenoje me ane te Xhejhunit, i cili nuk mendohet dy here, por gjuan duke dyfishuar rezultatin. Pas ketij goli, duket se shpresat e Vllaznise shuhen. Skuadra mblidhet ne mbrojtje dhe eshte e vaket ne sulm. Pas shtate minutash, turqit do te marrin nje goditje denimi. Per ta ekzekutuar ate e merr persiper Cagdashi, i cili gjuan, dhe topi pasi prek pak murin perfundon ne rrjete dhe 3-0 per Trabzonsporin. Pas pesimit te ketij goli, skuadra e Vllaznise e leshon lojen dhe duket se gjithcka ka mbaruar per skuadren tone. Megjithate shkodranet e provojne perseri te shenojne, por pjesa e pare do te mbyllet me rezultatin 3-0 per skuadren turke.

Pjesa e dyte e takimit do te jete perseri e keqe per ne. Do te jene edhe tre gola te tjere qe do te shkundin porten e Grimes. Kjo pjese vazhdoi me disa sulme te skuadres kuqeblu, por pa rezultat dhe do te jemi perseri ne, qe do te ndeshkohemi ne minuten e 51 te takimit, ku Xhejhuni nxjerr nje asist per Serkanin, i cili e kthen ne gol dhe 4-0 per vendesit. Tashti skuadra e Vllaznise po luan per golin e nderit, por qe nuk do te vije. Ne kete fillojne edhe nderrimet per skuadren turke, ku ne loje futet Hasani ne vend te Ajmunit. Pikerisht dy minuta pas ketij nderrimi vjen edhe goli i peste per te zotet e shtepise. Eshte pikerisht Ersen Martini, qe shenon golin e peste per ndeshjen dhe te dytin per te ne kete takim. Tani skuadra turke e ka siguruar fitoren dhe trajneri i saj, Zija Dogan, ben nderrimet per te mos lodhur lojtaret e tij. Ne minuten e 63-te do te jete perseri skuadra vishnje qe do te rrezikoje dhe per pak sa nuk shenon golin e gjashte. Megjithate, edhe trajneri Mirel Josa po ben nderrimet e tij duke hequr Hotin dhe ne fushe do te futet Bekiri. Nderrime qe nuk bene ndonje ndryshim per skuadren shqiptare. Skuadra e Vllaznise tashme kerkon qe te pakten mos te ndeshkohet perseri, por nuk ja del. Do te jete Omer Reza qe do te marre topin nga mesfusha, dhe do te depertoje ne zone, duke gjuajtur rrepte dhe e denuar Grimen per here te 6-te.

Shanset e Vllaznise jane inekzistente, sepse te permbyset nje rezultat 6-0 eshte thuajse e pamundur, aq me teper per nje ekip qe tregoi apati te theksuar ne lojen e saj ne ndeshjen e pare. Vllaznia turperohet ne Turqi dhe kthehet ne shtepi me nje "pasuri" te madhe, gjashte gola nuk jane pak...

Momentet "clou"

Minuta 12

Xhejhun nxjerr nje kros nga e majta, Ersen Martin gjuan me koke dhe 1-0

Minuta 32

Xhejhun ne zonen e rreptesise gjen nje hapesire bosh gjuan dhe 2-0

Minuta 39

Cagdash gjuan nje goditje kendi nga 30 metra, topi, pasi prek murin, perfundon ne rrjete, 3-0

Minuta 51

Xhejhun kalon ne krahun e majte duke gjuajtur. Serkan kap topin, gjuan duke e kaluar ate mes dy vetave dhe shenon, 4-0

Minuta 57

Xhejhun pasi hyn ne zonen e rreptesise pason per Ersen Martin, i cili pa hezituar e kalon topin ne rrjete, 5-0

Minuta 88

Omer Reza e merr topin nga mesi i fushes, pasi ben disa driblime futet ne zonen e rreptesise dhe shenon, 6-0