Shkodra Live - Realitet i Hidhur

[shkodrane82]

Prefektura ka gardhin dhe hekurat më të kushtueshëm në Shkodër dhe ndoshta për “Guines”.

I bukur dhe i lartë”, madhështor dhe impozant, gardhi i Prefekturës së Shkodrës ja kalon çdo lloj institucioni binjak në Shqipëri. Këshedi mbase po të hulumtohet më mirë mund edhe të mos gjindet asnjë i tillë edhe në botë.
Megjithatë vetëm njëra derë në fund është e hapur nga gardhi ciklopik rreth e përqark ndërtesës së vitit 1905-së. Asnjëherë kjo ndërtesë nuk ka pasur një gardh të tillë, sepse më i larti ka qënë 1.5 metra dhe shërbente si dekor se sa si mbrojtje. Në fakt prefektura është sulmuar mbas rrëmujave e djegjve të Shkodrës dhe përsëri frika ka bërë të vetën edhe në mëndjet e pushtetarëve. Përveç kësaj edhe pamundësia për të vënë rregull nga makinat e zyrtarëve dhe të fortëve ka krijuar bindjen e një rrethimi të tillë në ndërtesën që përfaqëson shtetin e forcën e tij në Shkodër. Më e bukura është se dera kryesore mbyllet me një “kavo motorri” i cili është dhe personifikimi i ruajtje së një diçkaje për të mos u vjedhur. Gardhi i Prefekturës është simboli i “gardheve të rinj” të kohës moderne në Shkodër, duke zënë vëndin e parë në këtë “art” të ri të qytetit tradicional.

[shkodrane82]

Bashkia nuk do, të mbetet pa gardh përpara Prefekturës.


Bashkia e ka parë veten ngushtë që nuk ka gardh dhe shumë vënd për ta pasur atë. Por gjithsesi edhe këtu Shkodra gjen mënyrën për të bërë garë “gardhesh” nga institucioni në institucion. Megjithatë gardhi i Bashkisë në krahasim me atë të Prefekturës lë shumë për të dëshiruar për një gardh pushtetar në rëndësinë e institucionit. Ai pret rrugën, “kërcënon trotuarin e ri”, izolon “Qëndrën Kulturore të Fëmijëve” dhe “Klubin shumëshportësh Vllaznia” dhe mbyll diskutimet mbi lirinë për të zgjidhur punë në vëndin ku janë për tu zgjidhur hallet e tyre. Bashkia me këtë gardh hekurash nuk ka bërë asgjë tjetër se sa ka treguar se nuk ka lekët e prefekturës. Por në të vërtetë kanë treguar se kanë konceptet e tyre vetizoluese. Përveç kësaj tregojnë se nuk kanë fuqinë dhe aftësinë për të vendosur rregullin dhe disiplinën e duhur në hapësirat e saj periferike dhe të jashtëme. Megjithatë edhe gazermat e dikurshme në qëndër të Shkodrës, gardhin me hekura nuk e kanë pasur dhe kjo është një “risi” gardhesh në qytetin e luleve dhe karafilave.

[shkodrane82]

PS-ja hekurat i ka në çdo dritare.

Ndërtesës së Partisë Socialiste nuk mund të mos vendosnin hekura dikur. Kjo edhe mund të besohet, por sot nuk është se duken bukur dhe japin ide “demokracie” këto hekura të shumtë dhe të shëmtuar. Pra në çdo qelizë të Shkodrës qytetare ka hekura të cilat janë një soj preventivi i pa ndryshueshëm në investimet e shkodranëve. Edhe po të ndërtohet ndonjë seli e re, përsëri një nga “zërat” do të jetë: “Gardh dhe dritare me hekura” dhe përbri tyre shifra përkatëse në lekë. Në një qytet kur hekurat janë gati gati “hobi” vendosja e tyre është një obligim dhe këtij obligimi nuk mund të shkëputet as partia e dytë në qytetin e Shkodrës.

[shkodrane82]

Kur janë të lartë dhe tepër të mëdha hekurat, “murlani” i Shkodrës rebelohet dhe i rrëzon në tokë.

Kur ka rënë nga era e fortë kjo reklamë me hekura të rëndë, patjetër që do të kishte dëmtuar njerëz po të kishin qënë poshtë saj. Megjithatë e lartë 6 metra dhe e madhe në sipërfaqe ajo është thyer nga era duke treguar se nuk ka forcë që i bën ballë “zëmërimit” të natyrës. Bashkia këto gjigandë të reklamës i ka vendosur në çdo 30-50 metra dhe hekurat janë të pranishëm po kështu si edhe gardhet e ndryshëm. Shkodra tashmë përdor hekurin dy fish në raport me qytetet e tjerë, sepse harxhon edhe për gardhe dhe për reklama pa asnjë masë dhe me një “bujari” interesante e cila kudo në botë nuk do të ishte lejuar. Por, deri tani ndaj tyre është rebeluar vetëm era e quajtur “murlan” në Shkodër dhe këtë ajo e ka bërë sepse, ka të drejtën e saj të “fryjë e lirë” pa gardhe dhe hekura që i marrin frymën. Askush tjetër nuk po vepron, sepse “lirinë e tyre e kanë brënda hekurave” dhe kjo me të “vërtetë” ju jep siguri.

[xfiles]

Me vjen me te vertet keq,
kam qene ne shkoder vetem nje here per eskursion tek kalaja e rozafatit dhe jam mahnitur me madheshtine e saj.
Vetem nje gje nuk kuptoj, pse gjithe ato gardhe hekurash?
Eshte per arsye sigurie apo çfare?
Me respekt xfiles.

[shkodrane82]

Per arsye hajnie X Files, pasi kane gjane qe u hyjne njerezve ne pune.
Eh medet pis milet eshte bere atje.

[OROSHI]

Nje qytet nuk ndertohet nga banoret e tij,dhe po ashtu nuk mirtmbahet nga banoret!
Shteti,si ai demokrat ashtu edhe ky komunist e kane pa Shkodren me sy te njerkes!
Bukuria dhe madheshtia e Shkodres ka perendu!
Varfnia ka mbyt krejt qytetaret!

Njerezve ose biznesmeneve u intereson me shume ndonji ndertim xhamije(xhamija e Parruces sapo u ndertu nga firma Fishta???)kshu thuhet te pakten,se kur vjen puna per thashetheme Shkodra mban rekord!
Shkodra e cila i dha Shqipnis gjithmone pionieret e par te artit/kultures/politikes per shekuj me rradhe tani po kalbet!

[shkodrane82]

Orosh Firma Fishta po ban namin ne pallate atje, lum e shyqyr qe jane te
zotet me mbush xhepat, e ndertu tulla e llac se per gja tjeter s'po i shifet
hajri kerkuj.

[iliria e para]

KALKUTA E BALLKANIT

Ketu ne kete qytet te trishtueshem me te vertet paska nevoje qe te intervenoje dikushi, po kush ?
Tragjike, tragjike .e mjer ky popull...i mjeri, vendi i Nene Terezes tash u be Kalkuta e Ballkanit....

Te vetmit qe "investojne" ne Shkoder jane misionaret. Plot eshte mbushur me kishe e xhami, por rruget deri te keto jane me gropa e me uje. I then kembet e edhe rrotat duke kaluar neper kete qytet. Bile edhe ndertesa te stilit maroken sheh ne qender. Kafe, pa dyere e dritare, me tulla te kuqe, arkitekture magrebit. Mendon qe je futur ne Marakesh.

[Brari]

Shkoder..

si eshte gjendja me furnizim me uj te pijshem ne qytetin e shkodres?

a shkon uji ne katet e 3 ..4..5 etj?

Kush eshte bosi i firmes Fishta?

a ka shoqat "Shkodra" ..sic ka Tirana Durresi etj?