Fatmir Limaj

[Llapi]

Kosova kurrë nuk do të bëhej shtet sa për parlament dhe qeveri, shtetin e Kosovës e ka bërë lufta çlirimtare e Kosovës dhe të rënët për liri - theksoi nënkryetari Fatmir Limaj


Nënkryetari i Partisë Demokratike të Kosovës z.Fatmir Limaj ka marrë pjesë sot në një akademi përkujtimore në Drenas, me rastin e shënimit të përvjetorit të masakrës që forcat serbe kanë kryer në vitin 1999 në Poklek të Vjetër të Drenasit.
“Dhimbja në këtë përvjetor është shumë më e madhe, edhe për faktin se ata të cilët e bënë këtë masakër, ata të cilët larguan nga jeta njerëzit, pleq, gra, fëmijë, burra, ende nuk janë para drejtësisë. Edhe sot kësaj dite, ata të cilët na flasin në emër të drejtësisë, nuk e kanë parë të udhës të hulumtojnë për krimet e mëdha të papara në këtë pjesë të botës, duke i amnistuar kriminelët, të cilët sot shëtisin lirshëm anë e kënd Serbisë, e aq më tepër ata jo që nuk dënohen, por tashmë bëhen dëshmitarë kundër luftëtarëve të lirisë“
- theksoi nënkryetari për çështje politike i PDK-së z.Fatmir Limaj.

Duke iu drejtuar familjarëve të të rënëve ish-anëtari i Shtabit të Përgjithshëm të Ushtrisë Çlirimtare të Kosovës z.Fatmir Limaj mes tjerash theksoi:

“Liria jonë është paguar shumë shtrenjtë, liria jonë është paguar me dhimbje shumë të mëdha. Dhimbja në këtë përvjetor është shumë më e madhe, edhe për faktin se ata të cilët e bënë këtë masakër, ata të cilët larguan nga jeta njerëzit, pleq, gra, fëmijë, burra, ende nuk janë para drejtësisë. Edhe sot kësaj dite, ata të cilët na flasin në emër të drejtësisë, ata të cilët gjoja përfaqësojnë viktimat, nuk e kanë parë të udhës të hulumtojnë për krimet e mëdha të papara në këtë pjesë të botës, duke i amnistuar kriminelët, të cilët sot shëtitin lirshëm anë e kënd Serbisë, e aq më tepër ata jo që nuk dënohen, por ata tashmë bëhen dëshmitarë kundër luftëtarëve të lirisë”.

Në vazhdim, nënkryetari i PDK-së z.Limaj u shpreh:

“Ngjarja e Poklekut, sado që dikush dëshiron ta fshehë dhe ta injorojë, ajo nuk ka vdekur, ajo flet dhe thërret për drejtësi dhe kjo thirrje për drejtësi duhet para së gjithash të gjejë veshë dhe të dëgjohet nga institucionet e Kosovës, nga qeveria e Kosovës, nga parlamenti i Kosovës. Janë këto dy mekanizma të shtetit që duhet t’i japin rrugë, duhet të kërkojnë që drejtësia në Poklek të vihet në vendin e vet, urdhërdhënësit, ata të cilët kanë kryer këtë masakër të gjinden në bankën e të akuzuarve dhe të japin llogari për atë që kanë bërë.“

“Të gjithë ne të gjallët kemi nevojë t’i nderojmë dhe t’i përkujtojmë ata që dhanë jetën për lirinë e Kosovës. Martirët, dëshmorët nuk kanë nevojë për nderin tonë, atë nder ua ka dhënë zoti me vetë faktin që kanë dhënë jetën për Kosovën, për vendin e tyre. Ne kemi nevojë për ta, ka nevojë politika e Kosovës për të kujtuar, për të vizituar familjet e martirëve dhe dëshmorëve, varrezat e martirëve dhe dëshmorëve, për shumë arsye. Një nga arsyet është që ne kemi nevojë për ta korrigjuar vetveten, duke vizituar varrezat e të rënëve për lirinë e Kosovës korrigjojmë vetveten për të thënë se sado që atje në Prishtinë thuhet se shumë po bëjmë për vendin, vijnë dhe shohin se ka pas shumë burra e gra që kanë bërë shumë më shumë për këtë vend dhe se ata janë atje falë gjakut të tyre” - tha nënkryetari i partisë më të madhe opozitare në vend z.Fatmir Limaj.

Nënkryetari i PDK-së më tej theksoi:

“Kemi nevojë për të vizituar familjet dhe varrezat e martirëve dhe dëshmorëve për të marrë ngapak burrëri atyre që u ka humbur burrëria, për të marrë ngapak guxim, atyre që u ka futur lakmia, për të parë se nuk është kjo botë krejt lakmi, për të parë se në këtë botë jeta ka kuptim kur ka moral, për të parë se vjen një moment dhe një kohë në jetën e secilit prej nesh që kujtojnë se çka lëmë, çka i lëmë fëmijës tonë, shtëpisë sonë, familjes sonë, çka i lamë vendit tonë. Kjo është vlera më e madhe që i jep kuptim njerëzimit, i jep kuptim civilizimit. Nuk është çdo gjë para, nuk është çdo gjë lakmi. Prandaj, ata burra që kanë humbur rrugën është mirë për t’i vizituar varrezat e martirëve dhe dëshmorëve për t’i ikur lakmisë, për t’i dhënë më shumë përkushtim dhe fuqizim njerëzisë, të ndershmes, asaj që ka ngritur popuj, që ka ngritur shtete, asaj që ka lënë vepra, ashtu siç kanë lënë vepra të rënët për lirinë e Kosovës. Asnjëherë Kosova nuk do të bëhej shtet sa për parlament dhe qeveri, shtetin e Kosovës e ka bërë lufta çlirimtare e Kosovës dhe të rënët për liri”.

[Brari]

ne se Limaj do te mesonte te thoshte ndonjihere ndonji te vertete (se deri tash cdo dite thot vec rrena e pallavra) ai do duhej ti thoshte popullit te Kosoves :

Serbine me tenka e arkana ju a sollem ne der me der e shpi per shpi.. e katund me katund.. me ju myt e me ju vra.. .. kurse LIRINE na e solli Nato..

[Llapi]

Nënkryetari Fatmir Limaj takon në Tiranë kreun e PS-së Edi Rama, - i gjithë faktori shqiptar në rajon mban sytë nga Kosova

03.05.2007
Nënkryetari i Partisë Demokratike të Kosovës z.Fatmir Limaj ka përfunduar vizitën disaditore të punës në Shqipëri.
Nënkryetari Limaj ka takuar dje kreun e Partisë Socialiste të Shqipërisë z.Edi Rama, me të cilin ka shkëmbyer opinione rreth zhvillimeve aktuale politike në Kosovë dhe Shqipëri, me theks të veçantë për procesin e ndërtimit të shtetit të Kosovës.
Gjatë takimit me nënkryetarin e PDK-së z.Fatmir Limaj, kreu i PSSH-së z.Edi Rama ka shprehur mbështetjen e Partisë Socialiste për të nxitur procesin e pavarësimit të Kosovës duke shprehur bindjen se i gjithë faktori shqiptar në rajon mban sytë nga Kosova.

Nënkryetari i PDK-së z.Fatmir Limaj fillimisht shprehu falenderimet e tij për mbështetjen konstante dhe qëndrimet koherente në vazhdimësi të Partisë Socialiste të Shqipërisë në lidhje me statusin përfundimtar të Kosovës.

Nënkryetari Fatmir Limaj theksoi se klasa politike kosovare dhe populli i Kosovës është maturuar mjaftueshëm për tu vetëqeverisur në respekt të plotë të standardeve demokratike.

Nga ana tjetër, kryetari i Partisë Socialiste të Shqipërisë z.Edi Rama, pas takimit me nënkryetarin e Partisë Demokratike të Kosovës z.Fatmir Limaj theksoi se “mbetemi me shpresë që procesi i përcaktimit të statusit përfundimtar të Kosovës të përfundojë brenda muajit qershor”.

Gjatë takimit me nënkryetarin e PDK-së për çështje politike, z.Fatmir Limaj, kreu i PSSH-së z.Edi Rama ka shprehur mbështetjen e Partisë Socialiste për të nxitur procesin e pavarësimit të Kosovës duke shprehur bindjen se i gjithë faktori shqiptar në rajon mban sytë nga Kosova. Z.Rama shprehu bindjen se ky proces ka vetëm një përfundim, atë të pavarësisë përfundimtare për popullin e Kosovës.

Nënkryetari i parë i PDK-së, z. Fatmir Limaj, ka mbaruar dje vizitën disaditore të punës në Shqipëri.

[Llapi]

ne se Limaj do te mesonte te thoshte ndonjihere ndonji te vertete (se deri tash cdo dite thot vec rrena e pallavra) ai do duhej ti thoshte popullit te Kosoves :

Serbine me tenka e arkana ju a sollem ne der me der e shpi per shpi.. e katund me katund.. me ju myt e me ju vra.. .. kurse LIRINE na e solli Nato..

brarush keta Trima keta Heroi te gjall arkanit qe se lshon ti prej goje kurr ja kan q...... e sh............. e ty ta kan kup zemren he mizevir e antishqiptari i flliqt.

[Dorontina]

ne se Limaj do te mesonte te thoshte ndonjihere ndonji te vertete (se deri tash cdo dite thot vec rrena e pallavra) ai do duhej ti thoshte popullit te Kosoves :

Serbine me tenka e arkana ju a sollem ne der me der e shpi per shpi.. e katund me katund.. me ju myt e me ju vra.. .. kurse LIRINE na e solli Nato..

---------------
brari edhe ti po din keshtu a ?nuk pajtohem !
...si more .....lirin se solli nato..... po u tut qe po bashkohet diçka .... se beli me na pa qliru qysh po thu sot e kishim ushtrin e flamuri valonte pa ba medyshje a te bajm me ylla te kaltert a me vija !
na mytet ju ....hala jan tuj negociju per te na qliru hah !

[F.M]

Nuk ja vlen te bisedohet për të(për F.L)

[Llapi]

Nënkryetari Limaj: Brezi i Adem Jasharit dhe Hashim Thaçit - shembulli më i mirë për sakrificën, për dijen dhe përkushtimin për të ndërtuar shtetin e Kosovës



04.05.2007
Nën organizimin e Degës së Rinisë Demokratike të Kosovës në Skënderaj, është mbajtur një mbrëmje me maturantët e kësaj qyteze.
Duke iu drejtuar maturantëve skënderajas, nënkryetari i parë i Partisë Demokratike të Kosovës z.Fatmir Limaj, ka theksuar se gjenerata e Adem Jasharit dhe e Hashim Thaçit, është shembulli më i mirë për angazhimin, për sakrificën, për dijen dhe për përkushtimin për të ndërtuar shtetin e pavarur dhe sovran të Kosovës, ku çdo qytetar do ta ndiejë veten krenar për shtetësinë e vet.
Nënkryetari i PDK-së z.Fatmir Limaj, në mbrëmjen e organizuar me maturantët e Drenicës, ka thënë po ashtu se shpirti dhe forca e Partisë Demokratike të Kosovës është rinia, një rini me potencial të madh, që do t’ia kishte lakmi çdo vend i qytetëruar.



Fjala e nënkryetarit të parë të Partisë Demokratike të Kosovës z.Fatmir Limaj është pritur me ovacione të shumta nga gjimnazistët skënderajas.

Duke marrë fjalën në takimin me maturantët e Skënderajt, nënkryetari i PDK-së z.Fatmir Limaj, ka përshëndetur posaçërisht fëmijët e dëshmorëve, të invalidëve dhe veteranëve të luftës, të cilët janë më meritorët për lirinë dhe për shtetin e Kosovës.

Duke vazhduar adresimin e tij të sontëm para maturantëve dhe profesorëve të gjimnazit të Skënderajt “Hamzë Jashari”, nënkryetari i parë i Partisë Demokratike të Kosovës z.Fatmir Limaj, ka theksuar se gjenerata e Adem Jasharit dhe e Hashim Thaçit, është shembulli më i mirë për angazhimin, për sakrificën, për dijen dhe për përkushtimin për të ndërtuar shtetin e pavarur dhe sovran të Kosovës, ku çdo qytetar do ta ndiejë veten krenar për shtetësinë e vet.

Nënkryetari i PDK-së z.Fatmir Limaj, në mbrëmjen e organizuar me maturantët e Drenicës, ka thënë po ashtu se shpirti dhe forca e Partisë Demokratike të Kosovës është rinia, një rini me potencial të madh, që do t’ia kishte lakmi çdo vend i qytetëruar.

Mbrëmjen e organizuar enkas për maturantët e Skënderajt, e ka udhëhequr zinjsh.Ganimete Musliu, sekretare e Rinisë Demokratike të Kosovës, ndërsa të pranishmit i ka përshëndetur edhe kryetari i Rinisë Demokratike të Kosovës z.Memli Krasniqi, i cili ka inkurajuar maturantët drenicas që të vazhdojnë angazhimet e tyre të mëtejme për arritje edhe më të mëdha në universitet dhe në jetën e tyre rinore.

Kryetari i RDK-së poashtu ka potencuar domosdonë e angazhimin dhe participimit aktiv të të rinjve në politikë, duke theksuar se Partia Demokratike e Kosovës i ka dyert e hapura për potencialin rinor, që është edhe perspektiva e skenës së ardhshme politike të vendit.

Takimin me maturantët e Skënderajt e ka përshëndetur edhe nënkryetari i Degës së PDK-së në Skënderaj z.Abdyl Ymeri dhe kryetari i Degës së RDK-së z.Behxhet Maliqi.

[Brari]

e mjera rini.. e drenices.. ka ra ne kthetra te polpotistave..

[Llapi]

e mjera rini.. e drenices.. ka ra ne kthetra te polpotistave..

helmi i shpirtit tane jane Çlirimtaret e Kosoves o brarush qe nji dit do te helmohesh perime dhe do te ngordhesh si g...

[Brari]

lim llapushniki eshte vrases clirimtaresh or llap..
drini ishte clirimtar e ju e vrate..
uka ishte clirimtar e ju e vrate..
brari ska vra asnji clirimtar.. por imbron kur ju i vrisni e i fishkelleni..
per ju antaresohet brenda dites e i jipni dhe rol udhheqes dhe arkani me ju ardh ne seli te pdk-s boll qe tek dera me pershndet me grusht te enverit e me than.. he ja kajsha nanen qati shall rugoviqit..
kaq mjafton per ju ..

krejt udbashet jan anteresue ne pdk..

[Llapi]

lim llapushniki eshte vrases clirimtaresh or llap..
drini ishte clirimtar e ju e vrate..
uka ishte clirimtar e ju e vrate..
brari ska vra asnji clirimtar.. por imbron kur ju i vrisni e i fishkelleni..
per ju antaresohet brenda dites e i jipni dhe rol udhheqes dhe arkani me ju ardh ne seli te pdk-s boll qe tek dera me pershndet me grusht te enverit e me than.. he ja kajsha nanen qati shall rugoviqit..
kaq mjafton per ju ..

krejt udbashet jan anteresue ne pdk..

haaaaaaaaaaaaaaaaaaaaaaaaaa helmi ka me te mbyt

[Llapi]

Nënkryetari Limaj: Për të ndërtuar shtetin, Kosovës i duhen njerëz që mendojnë për vendin e tyre, jo për xhepat e tyre

07.05.2007
Nënkryetari i parë i Partisë Demokratike të Kosovës z.Fatmir Limaj, ka vizituar sot Medresenë “Alaudin” në Prishtinë, ku është pritur nga udhëheqja e medreseses, nga drejtori i saj z.Ekrem Simnica, stafi mësimdhënës dhe nga udhëheqësit e Shoqatës së Nxënësve të shkollës.
Duke folur në një debat të hapur, të organizuar sot në Medresenë “Alaudin” , nënkryetari për çështje politike i Partisë Demokratike të Kosovës z.Fatmir Limaj, ka thënë se tani jemi në peridhën më të rëndësishme, në periudhën kur po vendoset përjetësisht për vendin tonë, për shtetin e pavarur dhe sovran të Kosovës, për të cilin ka sakrifikuar i gjithë populli ynë, për të cilin kanë dhënë jetën dëshmorët e kombit.

Duke e hapur debatin e organizuar me maturantët dhe mësimdhënësit e Medresesë “Alaudin”, drejtori i saj z.Ekrem Simnica, ka falënderuar dhe ka vlerësuar lartë gatishmërinë e nënkryetarit Limaj për të bashkëbiseduar me nxënësit e medresese. Ndërsa, kryetari i Shoqatës së Nxënësve të Medresesë z.Besnik Thaçi, mes tjerash ka shprehur mirënjohjen e maturantëve të shkollës, që dëshira e tyre për të bashkëbiseduar me politikanin eminent të Kosovës z.Fatmir Limaj, është realizuar.

Duke iu drejtuar maturantëve dhe mësimdhënësve të Medresesë “Alaudin”, nënkryetari i partisë më të madhe në vend, Partisë Demokratike të Kosovës z.Fatmir Limaj, ka çmuar lartë rolin e medresesë në të kaluarën, në momentin e pikërishëm dhe rolin që do të vazhdojë ta luajë kjo vatër e edukimit dhe e organizimeve atdhetare dhe politike, që kanë pasur një rëndësi jetike për popullin tonë në kohët më të vështira, nëpër të cilat ka kaluar.

Po të mos ishte sakrifica e popullit tonë, po të mos ishin djemtë dhe vajzat më të mira të Kosovës, që kanë dhënë jetën për lirinë që po e gëzojmë, ne nuk do të ishim këtu ku jemi sot, në rrugën e ndërtimit të shtetit të pavarur dhe sovran të Kosovës, - potencoi nënkryetari Fatmir Limaj.

Lirinë tonë nuk ia kemi borxh askujt, për lirinë tonë kemi derdhur gjakun, kemi dhënë jetën. Ne e kemi fituar lirinë, pasi kemi qenë në rrugën e Zotit, - theksoi nënkryetari i PDK-së.

Ndërtimi i shteti të Kosovës do të varet nga vetë shqiptarët, prandaj duhet të sillemi me përgjegjësinë më të lartë politike si qytetarë dhe si klasë politike e vendit. Duhet mentalitet dhe atmosferë tjetër për qeverisjen e vendit, për ndërtimin e shtetit, duhet të kemi parasëgjithash vullnet dhe gatishmëri për të ndërtuar shtetin funksional të Kosovës – tha nënkryetari i PDK-së z.Fatmir Limaj.

Për të ndërtuar shtetin, Kosovës i duhen njerëz që mendojnë për vendin e tyre, për zhvillimin e vendit. Ndërtimit të shtetit të Kosovës nuk i duhen njerëz që mendojnë për xhepat e tyre, njerëz që po ia vjedhin ardhmërinë vendit tonë - u shpreh z.Limaj.

Ne dëshirojmë ta ruajmë frymën e tolerancës fetare, që ka mbizotëruar në popullin tonë, që ka qenë dhe vazhdon të jetë traditë jona e çmueshme. Ju të rinj që po shkolloheni ne medresenë tuaj, që do të shkolloheni edhe në fakultet, do të jenë bartësit kryesorë të ruajtjes së traditës sonë fetare, - tha nënkryetari demokrat.

Në debatin e hapur me maturantët e Medresesë “Alaudin” të Prishtinës, nënkryetari i PDK-së z.Fatmir Limaj, ka potencuar se investimi në edukim, në shkollimin e brezit të ri, është jetik për zhvillimin e vendit tonë. Kosova ka potencialin e saj rinor, rininë e pastër dhe kreative, që është bazë e fuqishme për një të ardhme prosperuese për vendin, - tha z.Fatmir Limaj.

Duke iu përgjigjur interesimit të maturantëve për zhvillimet aktuale që kanë të bëjnë me procesin përfundimtar të njohjes ndërkombëtare të shtetit të Kosovës, nënkryetari i PDK-së z.Fatmir Limaj, ka thënë se askush, as Rusia, nuk mund ta ndalë procesin e pavarësisë së Kosovës. Ne presim që edhe Rusia të jetë pjesë e përbashkët e botës demokratike për të mbështetur ndërtimin e shtetit të pavarur të Kosovës, që do të ketë reflektime në stabilitetin dhe perspektivën evropiane jo vetëm të Kosovës, por të tërë rajonit, - theksoi nënkryetari Limaj.

[Llapi]

Nënkryetari Limaj: Argumentet për shtetin e Kosovës i kemi ndërtuar në vitet 1998-1999 me luftën tonë çlirimtare

08.05.2007
Nënkryetari për çështje politike i Partisë Demokratike të Kosovës z.Fatmir Limaj, ka marrë pjesë sot në shënimin e përvjetorit të rënies së dëshmorëve dhe martirëve të lirisë në fshatin Guncat të Malishevës.
Në praninë e një numri të madh të banorëve të këtij fshati dhe të fshatrave tjera të komunës së Malishevës, ish-anëtari i Shtabit të Përgjithshëm të Ushtrisë Çlirimtare të Kosovës, z.Fatmir Limaj ka thënë se argumenti kryesor për pavarësinë e Kosovës është lufta e drejtë e Ushtrisë Çlirimtare të Kosovës, gjaku i derdhur i bijëve dhe bijave më të mirë të Kosovës, është sakrifica e çdo qytetari të Kosovës për lirinë dhe pavarësinë e vendit. Prandaj, vazhdoi z.Limaj, lirinë nuk ia kemi borxh askujt, ngase askush nuk na e ka falur, për të kemi derdhur gjakun.



Jemi duke u futur në një proces shumë të rëndësishëm dhe historik për të ardhmen e vendit tonë, në procesin e ndërtimit të shtetit të Kosovës. Në këtë kuadër, ka potencuar nënkryetari Limaj, vlera e sakrificës sublime të luftëtarëve të UÇK-së po rritet, po merr peshë, në funksion të ndërtimit të ardhmërisë së sigurtë të shtetit të pavarur dhe sovran të Kosovës.

Argumentet e shtetit të Kosovës i kemi ndërtuar me luftën tonë çlirimtare. Kosova po bëhet shtet, sepse për të kemi derdhur gjakun, kemi dhënë jetën, gjaku i dëshmorëve po e bën Kosovën shtet. Se sa për parlamentin dhe për qeverinë aktuale, Kosova kurrë nuk do të bëhej shtet, - ka thënë nënkryetari i PDK-së z.Fatmir Limaj në Guncat të Malishevës.

Nënkryetari Limaj ka ftuar të gjithë qytetarët e vendit që të sillen si fitues, pasi për lirinë tonë kemi derdhur gjakun dhe askujt nuk i kemi borxh. Por, ka thënë z.Limaj, ne nuk duhet të sillemi si fitues arrogantë, por si fitues vizionarë, në mendje, në punë dhe në veprim. Duhet ta largojmë logjikën e robit, që e ka mbizotëruar vendin tonë vite me rradhë, ka thënë z.Fatmir Limaj.

Varrezat e dëshmorëve, bustet, përmendoret, pllakat përkujtimore, komplekset memoriale, duhet t’i vizitojmë përherë ngase ato janë vulat e shtetit të Kosovës, - është shprehur nënkryetari demokrat.

[Llapi]

Nënkryetari Limaj: Në Vjenë kemi shkuar si fitues, të gatshëm për ta ndërtuar shtetin e Kosovës – këtë realitet e ka krijuar lufta çlirimtare

09.05.2007
Nënkryetari i parë i Partisë Demokratike të Kosovës z.Fatmir Limaj, ka marrë pjesë sot në manifestimin e përkujtimit të nëntë vjetorit të Epopesë së Grykës së Llapushnikut.
Duke sjellë përshëndetjet e ish-udhëheqësit politik të Ushtrisë Çlirimtare të Kosovës, kryetarit të PDK-së z.Hashim Thaçi, ish-anëtari i SHP të UÇK-së, nënkryetari i PDK-së z.Fatmir Limaj, ka theksuar se sa më shumë që po afrohemi drejt shtetit të pavarur dhe sovran të Kosovës, aq më shumë po vjen në shprehje vlera e luftës çlirimtare, e sakrificës së dëshmorëve dhe martirëve të lirisë, që janë bazamenti i shtetit të pavarur dhe sovran të Kosovës.



Fjala e nënkryetarit të Partisë Demokratike të Kosovës z.Fatmir Limaj, është pritur me ovacione të shumta të qytetarëve, që merrnin pjesë në manifestimin e nëntë vjetorit të Epopesë së Grykës së Llapushnikut.

Duke iu drejtuar pjesëmarrësve të tubimit në Llapushnik të Drenasit, nënkryetari për çështje politike i Partisë Demokratike të Kosovës z.Fatmir Limaj, ka thënë se përvjetori i Epopesë së Grykës së Llapushnikut është një ndër përvjetorët më të rëndësishëm të historisë sonë kombëtare.

“Tani kur jemi në prag të ndërtimit të shtetit të pavarur dhe sovran të Kosovës, vlera e luftës çlirimtare, e sakrificës së dëshmorëve dhe martirëve të lirisë, që janë bazamenti i shtetit të pavarur dhe sovran të Kosovës, po rritet edhe më shumë” – ka thënë z.Fatmir Limaj.

“Po të mos ishte lufta e Ushtrisë Çlirimtare të Kosovës, gjaku i bijve dhe bijave më të mirë të Kosovës, sakrifica e gjithë popullit tonë, ne nuk do të ishim këtu ku jemi sot, drejt ndërtimit të shtetit të Kosovës. Po të mos ishte lufta çlirimtare, në Vjenë nuk do të bisedohej për ndërtimin e shtetit të Kosovës, por do të ishim në pozicionin e lypësit dhe do të bisedonim për zvogëlimin e numrit të ushtrisë, policisë dhe administratës serbe në Kosovë. Por, ne në Vjenë kemi shkuar si fitues, të gatshëm për të ndërtuar shtetin e Kosovës dhe këtë realitet e ka krijuar lufta jonë çlirimtare. Prandaj, nuk duhet ta harrojmë të kaluarën tonë, duhet të jemi të vetëdijshëm për këtë” – është shprehur nënkryetari i PDK-së z.Fatmir Limaj

“Për lirinë tonë nuk i kemi borxh askujt, për lirinë tonë kemi derdhur gjakun vetë. Prandaj, duhet të sillemi si fitues, por jo si fitues arrogantë, sa për të rrahur gjoks. Ne duhet të sillemi si fitues vizionarë, fitues në punë, në angazhim për të ndërtuar shtetin e Kosovës” – ka thënë nënkryetari Limaj.

Duke shprehur bindjen se vitin e ardhshëm shënimin e dhjetë vjetorit të Epopesë së Grykës së Llapushnikut do ta presim në Kosovën e pavarur dhe sovrane, me kryetarin që e meriton Kosova, nënkryetari i PDK-së z.Fatmir Limaj, ka thënë po ashtu se shpresojmë se vitin e ardhshëm do ta shënojmë këtë epope edhe me bashkëluftëtarin Haradin Balaj dhe bashkëluftëtarët tjerë, që po mbahen padrejtësisht në Hagë, të cilët do të kthehen në mesin tonë.

[Llapi]

Pavarësia e Kosovës i ka kaluar interesat e shumicës në Kosovë, ajo është interes i rajonit, - thotë para studentëve të Universitetit të Bremenit nënkryetari Fatmir Limaj

04.06.2007
I ftuar nga Universiteti i Bremenit, nënkryetari i Partisë Demokratike të Kosovës z. Fatmir Limaj mbajti sot një ligjëratë para studentëve të shkencave politike dhe atyre të drejtësisë të këtij universiteti prestigjioz gjerman. Temë boshte e ligjëratës ishte “Zgjidhja e statusit të Kosovës dhe reflektimet në rajon, në kuadër të zgjerimit të Bashkimit Evropian”.
Politika në Kosovë është e interesuar që e ardhmja e Kosovës të jetë e suksesshme, sepse kjo ishte dhe është përpjekje e bashkësisë ndërkombëtare dhe e popullit të Kosovës. Kosova nuk mund të jetë peng i pseudo patriotëve të Serbisë.
- tha në ligjëratën e tij para studentëve të shkencave politike dhe të drejtësisë në Universitetin e Bremenit, nënkryetari i partisë më të madhe në Kosovë z.Fatmir Limaj.



Fillimisht, praninë e nënkryetarit demokrat në Universitetin e Bremenit, e ka përshëndetur udhëheqësi i katedrës së shkencave politike prof.dr. Hagen Lichtenberg, i cili ka përgëzuar z.Fatmir Limaj për angazhimet e tij politike në funksion të ardhmërisë perëndimore të Kosovës.

Duke folur para studentëve për historikun e shkrutër të rrjedhave politike në Kosovë z.Limaj ndër të tjera tha se dhuna, represioni i regjimit serb në Kosovë e ka shtyrë popullin e Kosovës që ta zgjedh rrugën e fundit për të fituar lirinë e tij, luftën. Lufta në Kosovës nuk ka qenë zgjidhje e dëshirueshme jona, ajo ka qenë e vetmja rrugë e mundshme për të arritur qëllimin që edhe në atë rajon të depërtojnë vlerat demokratike evropiane, të cilat kishin munguar.

Në vazhdim nënkryetari i PDK-së ka folur edhe për të kaluarën e afërt të Kosovës.
“Kosovën e përbën si rast të veçantë e kaluara e saj historike, prandaj edhe rasti i Kosovës nuk mund te përdoret si rast model për zgjidhjen e krizave të tjera në botë. Procesin e shpërbërjes së Jugosllavisë e karakterizojnë luftërat e përgjakshme, popujt përbërë të Jugosllavisë, si sllovenët, kroatët, boshnjakët, maqedonasit, malazezët dhe shqiptarë shkëputjen nga Jugosllavia e panë si të vetmen mundësi per te shpëtuar nga presioni i i madh politik, policor dhe ushtarak që ushtrohej nga regjimi serb”.

Në vazhdim, njëri nga udhëheqësit më të shquar të luftës çlirimtare të Kosovës, z.Fatmir Limaj, vazhdoi elaborimin e rrjedhës së zhvillimeve historike dhe politike në Kosovë dhe rreth saj:
“Fundin e luftës më të përgjakshme në territoret e ish Jugosllavisë e shënoi Konferenca e Dejtonit, e cila i dha fund luftës në Bosnjë, por nuk shënoi edhe fundin e procesit të shpërbërjes së Jugosllavisë. Çështja e Kosovës edhe megjithë shpresat e kosovareve, se në Konferencën e Dejtonit do të ishte temë e disukitmeve, e ndoshta edhe do të ofrohej ndonjë zgjidhje e pranueshme për kosovarët, atje as që u diskutua. Kosovarët mbetën të zhgënjyer, ndërsa problemet nuk u zgjidhën dhe luftërat nuk mbaruan me kaq” – tha z.Limaj.

Pavarësia e Kosovës i ka kaluar interesat e shumicës në Kosovë, pavarësia e Kosovës është interes i rajonit. Pavarësia e Kosovës krijon stabilitet ne rajon. Ajo i hapë perspektivë të re për popullin e Kosovës dhe do të shënojë fundin e zgjidhjes se nyjës së Ballkanit, të vendosur nga luftërat e përgjakshme të viteve të 90-ta

Për ne është e rëndëshishme të kemi një qëndrim unik të Bashkimit Evropian. Qëndrimi unik i BE është shumë i rëndësishëm për Kosovën e poashtu edhe për rajonin, theksoi nënkryetari i Partisë Demokratike të Kosovës z.Fatmir Limaj.

Politika në Kosovë është e interesuar që e ardhmja e Kosovës të jetë e sukseshme. Sepse kjo ishte dhe është përpjekje e bashkësisë ndërkombëtare dhe popullit të Kosovës, Kosova nuk mund të jetë peng i pseudo patriotëvë të Serbisë, tha në ligjëratën e tij para studentëve të shkencave politike dhe të drejtësisë, nënkryetari i partisë më të madhe opozitare në Kosovë z.Fatmir Limaj.

[Llapi]

Nënkryetari Limaj: Kosova po shkon drejt ndërtimit të mëvetësisë së saj, subjektivitetit politik e kushtetues dhe pavarësisë në marrëdhëniet me jashtë

05.06.2007
Shpresojmë se miqtë tanë, SHBA-të dhe fuqitë evropiane që janë në Grupin e të Tetëve, do të arrijnë ta bindin Rusinë që të futet bashkë me ta në bord, dhe që në Këshillin e Sigurimit të arrihet një qëndrim unanim, ose të paktën një rezolutë që nuk pengohet nga asnjëri anëtar. Në fund të fundit kjo është në interes të paqes në botë dhe shpresojmë se qëndrimi rus do të zbutet. Samitin e shoh si një rast të mirë që Rusia të reflektojë pozitivisht.
- thotë numri dy i Partisë Demokratike, z.Fatmir Limaj, i cili ndodhet për një vizitë pune në Gjermani.
Në një intervistë për Radio Kosovën, z.Fatmir Limaj shprehet i sigurt se Serbia nuk do të mund t’i pengojë më proceset e bashkëpunimit ndërmjet vendeve të rajonit.
Siç ju kemi informuar, nënkryetari Limaj ka mbajtur një ligjëratë në Universitetin e Bremenit, për statusin e Kosovës dhe reflektimet rajonale.



F. Limaj: Kam qenë i ftuar nga Drejtoria për Marrëdhënie me Jashtë e Universitetit të Bremenit, përkatësisht në Katedrën e Shkencave Politike dhe Juridike të këtij universiteti. Vërtet kishte një interesim të jashtëzakonshëm, si nga personeli akademik ashtu edhe nga studentët. E veçanta e ligjëratës ishte pjesëmarrja e studentëve nga vende të ndryshme të botës, të cilët shfaqën interesim të madh për Kosovën. Mund të them se ishte një eksperiencë shumë e mirë, edhe për ne, duke parë se ata kanë qasje në krejt atë që po ndodh me Kosovën, por edhe për ata, duke marrë informata të dorës së parë rreth procesit të bisedimeve dhe statusit. Jam përpjekur ta sqaroj para këtij auditori pse Kosova nuk mund të shërbejë si precedent, pse ajo duhet të jetë e pavarur dhe pse është në të mirë të rajonit pavarësia e Kosovës.

Radio Kosova: Ju përmendet reflektimet rajonale të zgjidhjes së statusit. Sa mund të ndikojnë kërcënimet e vazhdueshme të diplomacisë serbe në marrëdhëniet e Kosovës me vendet e rajonit pas definimit të statusit?

F. Limaj: Nuk do të mund të ndikojnë. Ne po futemi në një proces kur politikën e Kosovës do të bëjë vetë Kosova. Ajo po shkon drejt ndërtimit të mëvetësisë së saj, subjektivitetit politik e kushtetues dhe pavarësisë në marrëdhëniet me jashtë. Kosova është në rrugën e partneritetit shumë serioz me vendet fqinje dhe ajo që është më e rëndësishme, edhe vendet fqinje kanë interesim të vazhdueshëm për marrëdhënie të mira me Kosovën, si Maqedonia, Mali i Zi, e të tjera. Kjo tregon për perspektivë të qartë në të ardhmen. Partneriteti ndër-fqinjësor në funksion të paqes e stabilitetit rajonal dhe proceseve integruese, jam i bindur se do të ndikojë edhe te vetë Serbia, e cila në fund do të bëhet pjesë e proceseve të bashkëpunimit rajonal.

Radio Kosova: Zoti Limaj, në Gjermani nesër fillon samiti i vendeve më të industrializuara të botës. A mund të pritet zbutje e qëndrimit të Rusisë për Kosovën, kur kemi parasysh edhe takimin Bush-Putin në kuadër të samitit?

F. Limaj: Padyshim edhe vetë Gjermania është në atmosferën e samitit të G 8-s. Të gjithë, qytetarët, mediat, janë të fokusuara në këtë takim që fillon nesër. Jam i bindur se njëra nga temat kryesore do të jetë Kosova, por mos harroni se në samit do të diskutohen çështjet më aktuale dhe më të rëndësishme të të gjithë globit, nga planet e mbrojtjes raketore deri te ndryshimet klimatike. Por, megjithatë ne presim që Rusia të filloja ta zbusë qëndrimin. Shpresojmë se miqtë tanë, SHBA-të dhe fuqitë evropiane që janë në Grupin e të Tetëve, do të arrijnë ta bindin Rusinë që të futet bashkë me ta në bord, dhe që në Këshillin e Sigurimit të arrihet një qëndrim unanim, ose të paktën një rezolutë që nuk pengohet nga asnjëri anëtar. Në fund të fundit kjo është në interes të paqes në botë dhe shpresojmë se qëndrimi rus do të zbutet. Sidoqoftë, nuk është e sigurt se do të ndodhë kështu, por samitin e shoh si një rast të mirë që Rusia të reflektojë pozitivisht.

Radio Kosova

[Llapi]

Kosova po bëhet shtet, mbetet në duart tona se çfarë shteti do të ndërtojmë, - theksoi nënkryetari Fatmir Limaj

18.06.2007
Gjëja e madhe që ka ndodhur këtu është se Kosova është e lirë, përjetësisht është e lirë dhe përjetësisht ky vend nuk do të pushtohet nga të tjerët, por do të qeveriset, do të udhëhiqet nga populli i Kosovës. Tjetra gjë që është e sigurt përjetësisht, është se Kosova po bëhet shtet, dhe do të mbetet në duart tona se çfarë shteti do të ndërtojmë.
Njohja e shtetit të Kosovës po merr kohë dhe këtë duhet t’ua themi hapur qytetarëve, sepse kjo tani nuk është në dorën tonë, është një çështje mes Shteteve të Bashkuara të Amerikës dhe Rusisë. Por, një gjë është e sigurt, ne jemi këtu, dhe kur them që ne jemi këtu, kam parasysh se ne nuk mund të pranojmë dhe nuk do të lejojmë asgjë përveç shtetit të Kosovës.
- theksoi njëri prej udhëheqësve më të shquar të UÇK-së, nënkryetari i PDK-së z.Fatmir Limaj, në një emision televiziv dokumentar, bashkëprodhim i Televizionit Shqiptar dhe Televizionit të Kosovës.



Pikënisja e gjithë luftës çlirimtare të Kosovës, vula e lirisë së Kosovës, që ka ndryshuar historinë e Kosovës, vula e shtetit të Kosovës, është Prekazi legjendar dhe vetë lufta e komandantit legjendar të Ushtrisë Çlirimtare të Kosovës Adem Jashari dhe familjes heroike Jashari. Këtu ka marrë kahen e duhur çlirimi i Kosovës. Çlirimi i Kosovës ka ndodhur atëherë kur komandanti legjendar, i papërsëritshëm në historinë e asnjë populli, ka bërë sakrificën më sublime, vetëflijimin për kauzën kombëtare, për idenë e shtrirjes së luftës çlirimtare anë e kënd Kosovës” – tha njëri prej udhëheqësve më të denjë të luftës së Ushtrisë Çlirimtare të Kosovës z.Fatmir Limaj.

“Vetë mënyra e rënies së komandantit tonë legjendar dhe familjes së tij, i dha kushtrimin shqiptarëve jo vetëm në Kosovë, por kudo që ishin, ndezi gjakun e të rinjve shqiptarë kudo që kanë jetuar dhe Ushtria Çlirimtare e Kosovës për një kohë të shkurtër u mobilizua dhe u shtri në gjithë territorin e Kosovës” – u shpreh nënkryetari demokrat i vendit.

“Gjëja e madhe që ka ndodhur këtu është se Kosova është e lirë, përjetësisht është e lirë dhe përjetësisht ky vend nuk do të pushtohet nga të tjerët, por do të qeveriset, do të udhëhiqet nga populli i Kosovës. Tjetra që është e sigurt përjetësisht, është se Kosova po bëhet shtet, dhe do të mbetet në duart tona se çfarë shteti do të ndërtojmë” – theksoi nënkryetari Limaj.

“Mendoj që qytetarët e Kosovës qe tetë vite jetojnë faktikisht të pavarur, me mendjen, shpirtin dhe veprimin fizik ata jetojnë të pavarur qe tetë vite, qysh nga qershori i vitit 1999. Mirëpo, ne si politikë, ndoshta nuk kemi qenë në nivelin e duhur që njerëzit t’i udhëheqim me mesazhe të qarta dhe me angazhimin tonë politik. Kështu që, nganjëherë kjo ka sjellë nervozë dhe frustrime të panevojshme” – potencoi z.Limaj.

“Tash njohja e shtetit të Kosovës po merr kohë dhe këtë duhet t’ua themi hapur qytetarëve, sepse kjo tani nuk është në dorën tonë, është një çështje mes Shteteve të Bashkuara të Amerikës dhe Rusisë. Por, një gjë është e sigurt dhe ne jemi këtu, dhe kur them që ne jemi këtu, kam parasysh se ne nuk mund të pranojmë dhe nuk do të lejojmë asgjë përveç shtetit të Kosovës dhe kjo po vjen” – u shpreh i bindur nënkryetari i PDK-së.

[Llapi]

Nënkryetari Limaj: Kosova po bëhet shtet, dhe askush nuk mund ta ndalë procesin e shtetit të Kosovës

22.06.2007
Duke folur para qytetarëve të shumtë të mbledhur në Shalë të Lypjanit, në praninë edhe të shumë bashkëluftëtrëve të kësaj ane, ish-udhëheqësi i shquar i Ushtrisë Çlirimtare të Kosovës, nënkryetari i PDK-së, z.Fatmir Limaj, ka thënë se Kosova sot po bëhet shtet falë gjakut të derdhur të djemve dhe vajzave më të mirë të vendit.
“Kosova po bëhet shtet, dhe askush nuk mund ta ndalë procesin e shtetit të Kosovës, për shkak se e kemi fituar lirinë, kemi luftuar për shtetin tonë. Sa për Parlamentin e Kosovës, sa për udhëheqjen politike në Prishtinë, Kosova nuk do të bëhej shtet edhe njëqind vjet”
- ka thënë nënkryetari për çështje politike i PDK-së z.Fatmir Limaj.



“Po të mos ishte lufta e Ushtrisë Çlirimtare të Kosovës, gjaku i bijve dhe bijave më të mirë të Kosovës, sakrifica e gjithë popullit tonë, ne nuk do të ishim këtu ku jemi sot, drejt ndërtimit të shtetit të Kosovës. Po të mos ishte lufta çlirimtare, në Vjenë nuk do të bisedohej për ndërtimin e shtetit të Kosovës, por do të ishim në pozicionin e lypësit dhe do të bisedonim për zvogëlimin e numrit të ushtrisë, policisë dhe administratës serbe në Kosovë. Por, ne në Vjenë kemi shkuar si fitues, të gatshëm për të ndërtuar shtetin e Kosovës dhe këtë realitet e ka krijuar lufta jonë çlirimtare. Prandaj, nuk duhet ta harrojmë të kaluarën tonë, duhet të jemi të vetëdijshëm për këtë” – është shprehur nënkryetari i PDK-së z.Fatmir Limaj

“Para 10 vjetësh, në vitet 1997, 1998, në ato bjeshkë të larta të Kosovës dhe Shqipërisë, qindra shokë na janë vrarë, për të kaluar kufirin e dhunshëm Kosovë-Shqipëri. 78 orë kemi bërë për të kaluar kufirin, me të gjitha ato ngarkesa me nga rreth 50 kg armatim, vetëm e vetëm për ta çliruar vendin. Ndërsa, tani në vitin 2007, po ndërtohet autostrada moderne, katër trakëshe, projekt ky i ndihmuar edhe nga komuniteti ndërkombëtar. Këto ndryshime rrënjësore në integrimin tonë kombëtar, i solli lufta e drejtë çlirimtare e popullit të Kosovës”- theksoi z.Fatmir Limaj.

“Juve fëmijëve, që shkoni në shkollë, juve nxënës të shkollave të mesme, dua t’ju them që çdo ditë kur shkoni në shkollë, ajo është rruga e dëshmorëve, ju do të ecni nëpër jetën dhe veprën e tyre, sepse ata iu kanë krijuar këtë mundësi, që ëndrrat e juaja t’i bëni realitet, që të shkoni lirshëm në shkollat tuaja, që të shkoni lirshëm në qytetet tuaja dhe që të ktheheni lirshëm në familjet tuaja, pa e pasur problem prindërit tuaj se kur do të ktheheni në shtëpi. Sot ndihemi të lirë, për faktin se lirinë tonë e kemi fituar, askush nuk na e ka dhuruar këtë liri që e gëzojmë sot, e kemi fituar me gjakun e djemve dhe vajzave tona, që kanë dhënë jetën për lirinë e këtij vendi. Kosova po bëhet shtet, dhe askush nuk mund ta ndalë procesin e shtetit të Kosovës, për shkak se e kemi fituar lirinë, kemi luftuar për shtetin tonë” – tha nënkryetari Limaj.

“Në qoftë se dje detyrë e jona ka qenë të sakrifikohemi për lirinë e vendit tonë, sot patriotizëm për vendin bëjmë nëse me energjitë tona, me udhëheqjen tonë të suksesshme, do të krijojmë vende të reja të punës. Kjo është detyra më e madhe sot, ky është patriotizmi më i madh sot, që mund t’i ofrohet dhe me të cilin mund t’i shërbehet Kosovës” – theksoi nënkryetari i partisë më të madhe opozitare në vend.

[Llapi]

Nënkryetari LIMAJ: Kundërshtarët e pavarësisë synojnë destabilizimin e Kosovës

25.06.2007
Kundërshtarët e pavarësisë së Kosovës nuk janë të interesuar për të gjetur zgjidhje, por për ta shtyrë këtë në pafundësi, me qëllim që këtu të krijohen parakushte për destabilitet dhe të thuhet ‘ja se çka ndodhi në Kosovë dhe ne duhet të zhvillojmë çdo gjë nga e para’. Prandaj, unë mendoj se është momenti tani, që edhe SHBA-të, edhe BE-ja, dhe të gjitha palët e interesuara për paqe dhe stabilitet këtu dhe përfundim të statusit, duhet t’i japin një rrugëzgjidhje definitive dhe duhet ta bëjnë një ‘dead-line’ apo një linjë të kuqe, që përtej saj më nuk mund të shkohet. Mendoj që tani është koha të bëhet një gjë e tillë.
- i tha sot radios “Europa e lirë” nënkryetari për çështje politike i Partisë Demokratike të Kosovës z.FATMIR LIMAJ.



RADIO EVROPA E LIRË
Zoti Limaj, si i shihni zhvillimet lidhur me rezolutën e re në Këshillin e Sigurimit dhe kundërshtimet e vazhdueshme të Rusisë?

FATMIR LIMAJ
Mendoj se kjo është edhe një përpjekje e miqve të pavarësisë së Kosovës dhe përkrahësve të projektit të Ahtisaarit, SHBA-ve dhe BE-së, që po i ushtrojnë të gjitha mundësitë diplomatike, që rezoluta të kalojë në Këshillin e Sigurimit, që të mos ketë më dështime dhe që në bord të jetë edhe Rusia. Mendoj që ky është një veprim i domosdoshëm, një veprim që të gjithë duhet kuptuar, sepse është në të mirë jo vetëm të Kosovës, por edhe të vetë politikës ndërkombëtare, që të gjithë akterët të pajtohen rreth statusit të Kosovës. Fatkeqësisht, Rusia ende vazhdon të jetë në qëndrimet e vjetra dhe kjo nënkupton që ngadalë po shteren mundësitë diplomatike, që të shfrytëzohen të gjitha kanalet për ta pasur Rusinë me vete në këtë vendim.

RADIO EVROPA E LIRË
Është paralajmëruar edhe mundësia e fillimit të një raundi të ri negociatash. Për çfarë mund të negociohet tani, kur dihet se pakoja e Ahtisaarit tashmë është miratuar nga institucionet e Kosovës, nga Parlamenti i Kosovës?

FATMIR LIMAJ
Për mendimin tim, pikërisht kjo është pyetja, që vështirë mund t’i gjendet një përgjigje e logjikshme, e arsyeshme, një përgjigje që shkon në funksion të gjetjes së ndonjë zgjidhjeje. Ne e kemi një dokument ndërkombëtar, dokumentin e zotit Ahtisaari, i cili ka qenë i mandatuar nga OKB-ja, pastaj i përcjellë vazhdimisht nga Grupi i Kontaktit, me pjesëmarrje dhe të Bashkimit Evropian, të të gjitha palëve të interesuara, me pjesëmarrjen edhe të dy palëve tona. Nga këto bisedime, ka dalë ky rezultat, dokumenti i Ahtisaarit, do me thënë nuk është një dokument privat. Për mendimin tim, për të gjithë është e qartë që shqiptarët dhe serbët nuk mund të merren vesh dhe nuk do të mund të gjejnë një konsensus të përbashkët për zgjidhjen e problemit të Kosovës. Serbia, qysh në kohën e bisedimeve e ka futur Kushtetutën, e cila paraprakisht e ka prejudikuar statusin e Kosovës. Me Kushtetutën e re të Serbisë, Kosova është pjesë e pandashme e Serbisë dhe kjo apriori ta heq çdo mundësi për të hapur negociata të reja. Prandaj, nëse dikush do të dalë të na japë një arsye, se pse duhet të negociohet, ai duhet të na japë argumente pse duhet, me kë të negociojmë tani. Nëse kemi negociuar me OKB-në, me Grupin e Kontaktit, tash me kë? Kush do të jenë akterët e negociatave? Cila do të jetë ajo pala e tretë ndërkombëtare, që do të përfaqësojë palën ndërkombëtare dhe kush garanton që ajo palë ndërkombëtare nesër nuk do të bëhet sikur dokumenti i Ahtisaarit?!

RADIO EVROPA E LIRË
Është përmendur në disa raste se Prishtina nuk mund të presë pa kufi miratimin e kësaj rezolute. Andaj, cilët do të jenë hapat e ardhshëm të Prishtinës? Shpallja e pavarësisë së Kosovës në Kuvendin e Kosovës dhe si do të bëhet kjo?

FATMIR LIMAJ
Unë sinqerisht kam filluar të dyshoj se dikush qëllimisht, duke ditur se do të jetë fundi i së ardhmes së Kosovës dhe duke ditur se nuk mund ta ndalë këtë fund, do me thënë Kosovën si shtet të pavarur, dëshiron që nga kjo shtyrje të krijojë një lloj destabiliteti dhe të prishet procesi. Jam i bindur që komuniteti ndërkombëtar, në këtë rast SHBA-të dhe BE-ja, do ta kenë këtë gjë parasysh, sepse strategjia dhe qëllimi i atyre, kundërshtarëve të pavarësisë së Kosovës, më nuk është. Nuk janë te interesuar për të gjetur zgjidhje, por për ta shtyrë këtë në pafundësi, me qëllim që këtu të krijohen parakushte për destabilitet dhe të thuhet ‘ja se çka ndodhi në Kosovë dhe ne duhet të zhvillojmë çdo gjë nga e para’. Prandaj, unë mendoj se është momenti tani, që edhe SHBA-të, edhe BE-ja, dhe të gjitha palët e interesuara për paqe dhe stabilitet këtu dhe përfundim të statusit, duhet t’i japin një rrugëzgjidhje definitive dhe duhet ta bëjnë një ‘dead-line’ apo një linjë të kuqe, që përtej saj më nuk mund të shkohet. Mendoj që tani është koha të bëhet një gjë e tillë.

RADIO EVROPA E LIRË
Sa konsideroni se janë reale shqetësimet e paraqitura në rajon, se moskalimi i një vendimi për statusin e Kosovës në Këshillin e Sigurimit mund të rrezikojë pjesën veriore të Kosovës?

FATMIR LIMAJ
Normalisht, pala serbe kalkulon në të gjitha kartat e mundshme. Unë përmenda disa nga ato. Njëra nga ato është edhe çështja e sigurisë, përveç të tjerave. Do me thënë, mundësitë e destabilizimit të Kosovës janë gjithmonë potenciale dhe Serbia gjithmonë ka punuar dhe vazhdon të punojë në atë drejtim; fatkeqësisht ka hapësirë të mjaftueshme për të punuar. Dhe, këtu, mendoj se duhet të jetë fokusi kryesor tani, që të ruajmë sigurinë dhe stabilitetin. Dhe njëkohësisht, faktorët që janë përgjegjës për sigurinë në Kosovë, duhet t’i mbyllin të gjitha mundësitë që Serbia të bëjë diçka këtu. Dhe e dyta, loja në territore, loja për të ndarë territoret është një angazhim i vazhdueshëm i palës serbe. Sa do të jetë e rrezikshme? Padyshim që është e rrezikshme, por ne vazhdojmë të qëndrojmë në atë që ka proklamuar Grupi i Kontaktit, që para fillimit të bisedimeve, që nuk ka ndarje të Kosovës dhe nuk ka bashkim me shtet tjetër. Ne besojmë në komunitetin ndërkombëtar dhe besojmë që Grupi i Kontaktit do t’i përmbahet këtij parimi dhe nuk do të lejojë skenarë të tillë, që do të ishin të rrezikshëm për rajonin.

RADIO EVROPA E LIRË
A ka tjetër ofertë Prishtina, përveç asaj që është paralajmëruar në decentralizimin dhe ofertën me pakon e Ahtisaarit, lidhur me pakicat dhe veriun e Kosovës?

FATMIR LIMAJ
Oferta jonë, ofertë që është gjetur në dokumentin e Ahtisaarit, normalisht me shumë kompromise shtesë që ka lëshuar zoti Ahtisaari, është ofertë e përmbyllur, përfundimtare, e pranuar nga pala kosovare. Nuk mund të ketë rihapje të ofertave, nuk mund të ketë rihapje të paketës. Kjo është oferta e palës kosovare deri më tani, dhe mendoj se ky është mendim i Grupit të Unitetit dhe i vetë shoqërisë kosovare. Është një dokument zyrtar për ne. Një dokument i votuar në Parlamentin e Kosovës, një dokument i mbështetur nga partitë politike dhe nga pjesa e madhe e popullatës. Të gjithë qytetarët e Kosovës e dinë që ai është dokument kompromisi dhe ne e kemi bërë këtë kompromis në të mirë të paqes, të stabilitetit dhe në të mirë të perspektivës së të gjithë qytetarëve të Kosovës. Shpeshherë, njerëzit, dokumentin e Ahtisaarit e shohin si dokument pro-shqiptar, në këtë rast pro-shumicës së Kosovës. Nëse shikohet brenda në dokument, shihet që shumica në Kosovë ka bërë kompromise të dhimbshme brenda dokumentit, por kjo është bërë për të gjetur zgjidhje të pranueshme për të dyja palët dhe të mbështetur nga komuniteti ndërkombëtar, e cila zgjidhje do të garantonte stabilitet dhe perspektivë të qartë për Kosovën dhe qytetarët e saj.

INTERVISTOI: ZIJADIN GASHI

[Llapi]

Nënkryetari Fatmir Limaj: Të sillemi me përgjegjësinë më të lartë politike si qytetarë dhe si klasë politike e vendit

28.06.2007
Nënkryetari i Partisë Demokratike të Kosovës z.Fatmir Limaj dhe anëtari i Kryesisë së PDK-së z.Arsim Bajrami, kanë marrë pjesë sot në një debat me qytetarët e Gadimes dhe fshatrave tjera të komunës së Lypjanit.
Duke iu drejtuar qytetarëve të shumtë që ishin mbledhur në Gadime, nënkryetari për çështje politike i PDK-së z.Fatmir Limaj, ka theksuar se asnjëherë në histori, kombi ynë nuk ka qenë në pozita më të fuqishme politike, se sa që është sot, asnjëherë ky komb nuk është ndier më krenar se sa që është sot. Dhe, kombi ynë, populli ynë, duhet ta vlerësojë këtë gjë, populli ynë duhet të sillet kryelartë, si fitues, por jo si fitues për të rrahur gjoks dhe arrogant, për të shkelur të tjerët, por fitues për të punuar dhe ndërtuar shtetin tonë.
Ndërsa, anëtari i Kryesisë së PDK-së z.Arsim Bajrami, mes tjerash ka thënë se Kosovës në momentet vendimtare të saj i duhen politikanë dhe udhëheqës të sinqertë, të vendosur, vizionarë dhe pragmatikë, siç është z.Fatmir Limaj, kjo është tepër e rëndësishme edhe për fazën e ndërtimit demokratik të shtetit të Kosovës.

“Gjëja e madhe që ka ndodhur këtu është se Kosova është e lirë, përjetësisht është e lirë dhe përjetësisht ky vend nuk do të pushtohet nga të tjerët, por do të qeveriset, do të udhëhiqet nga populli i Kosovës. Tjetra gjë që është e sigurt përjetësisht, është se Kosova po bëhet shtet, dhe do të mbetet në duart tona se çfarë shteti do të ndërtojmë” – tha z.Limaj në Gadime.

“Kosova po bëhet shtet, dhe askush nuk mund ta ndalë procesin e shtetit të Kosovës, për shkak se e kemi fituar lirinë, kemi luftuar për shtetin tonë. Sa për Parlamentin e Kosovës, sa për udhëheqjen politike në Prishtinë, Kosova nuk do të bëhej shtet edhe njëqind vjet” – u shpreh nënkryetari Limaj.

“Asnjëherë në histori, kombi ynë nuk ka qenë në pozita më të fuqishme politike, se sa që është sot, asnjëherë ky komb nuk është ndier më krenar se sa që është sot. Dhe, kombi ynë, populli ynë, duhet ta dijë, ta vlerësojë këtë gjë, populli ynë duhet të sillet kryelartë, si fitues, por jo si fitues për të rrahur gjoks dhe arrogant, për të shkelur të tjerët, por fitues për të punuar dhe ndërtuar shtetin tonë” – tha në vazhdim nënkryetari demokrat.

Në takimin me qytetarë në Gadime, ku merrnin pjesë edhe qytetarë të komunitetit rom dhe ashkali, nënkryetari i PDK-së z.Fatmir Limaj u bëri thirrje qytetarëve të Gadimes të vazhdojnë ta ndihmojnë njëri tjetrin, të kultivojnë frymën e bashkëpunimit për një jetë më të mirë, sepse në Kosovën e re, shtet i pavarur dhe sovran, të gjitha komunitetetet do të jenë të barabartë dhe do ta kenë perspektivën e sigurtë.

“Ju familje të dëshmorëve, veteranë, invalidë, unë e di që i keni pasur njëmijë arsye për të qenë të dëshpëruar, e di që nuk e keni pasur lehtë për këto tetë vite, por e di që e keni kuptuar se veprat e mëdha nuk shihen brenda ditëve, as brenda javës, as brenda disa viteve. Veprave të mëdha të kombit, duke u vjetruar ju vije vlera, ju vije fuqia, sikur që po ju vjen sot, sa ditë e më shumë po afrohemi drejt shtetit të Kosovës, po shihet se a thua a ka mundur ky vend të bëhet i lirë pa luftën tonë çlirimtare. Bëni një krahasim ku kemi qenë në vitin 1997, dhe ku jemi sot, ju e dini sa gra, sa pleq, sa fëmijë, sa burra kanë dhënë jetën për këtë vend, dhe sa vështirë qenka për të bërë shtetin. Po, ku do të bëhej shteti pa luftën çlirimtare. Asnjëherë nuk do të bëhej” – u shpreh nënkryetari i PDK-së.

“Ju ftoj fuqishëm, ju ftoj të gjithëve, të fillojmë të punojmë dhe ta ndërtojmë shtetin, që mijëra e mijëra njerëz, mijëra gjenerata kanë pritur këtë fat. Nuk ka asnjë gjeneratë fat më të madh se ne të gjallët, që po e shohim, po e përjetojmë dhe po e ndërtojmë shtetin që ka qenë ëndërr shekullore e kombit tonë. Lavdi atyre që kanë dhënë jetën për lirinë e Kosovës” – theksoi nënkryetari i Partisë Demokratike të Kosovës z.Fatmir Limaj.

“Ndërtimi i shteti të Kosovës do të varet nga vetë shqiptarët, prandaj duhet të sillemi me përgjegjësinë më të lartë politike si qytetarë dhe si klasë politike e vendit. Duhet mentalitet dhe atmosferë tjetër për qeverisjen e vendit, për ndërtimin e shtetit, duhet të kemi parasëgjithash vullnet dhe gatishmëri për të ndërtuar shtetin funksional të Kosovës” – tha z.Fatmir Limaj.