Fatmir Limaj

[ARIANI_TB]

A duhet te dëgjohet zëri i shterrur i qytetarit të nëpërkëmbur...!?-Shkruan Agim Vuniqi

Edhe pse tashmë asnjëherë nuk është përfolur emri i Fatmir Limës, ai u dëshmua se frymon me qytetarët e Kosovës, ata ia dhanë jo votat por zemrat me vizitat kikometërshe, që ia bënin. Ai u dëshmua se është ëmblema e qytetarit të paknaqur, sigurisht që po të pyetej sot çdo qytetar do t'ia kishte dhënë votën për të udhëhequr me njërën nga ministritë e përfolura, sigurisht me ëndje atë të ministrisë së punëve të brendshme, meqë atëherë do të rritej besueshmëria e qytetarëve në institucinin më të rëndësishëm në këtë fazë, nëse ka opinione tjera pse jo atë të drejtësisë.

Dhënia e pëlqimit nga UNMIK-u për formimin e dy ministrive të reja për atë të punëvë të brendëshme dhe të drejtësisë i zgjoi nga letargjia partitë politike të koalicionit qeveritar, çuditërisht jo aq shumë mandatarin e qeverisë z. Kosumaj, i cili është edhe kompetent për të propozuar ministrat, duke dhënë arsyetim domethënës para parlamentarëve. Kjo do të duhej të ishte procedura më kuptimplote për themelimin e dy ministrive kyqe të pushtetit qendror, në rrethana normale, që do të bazohej në sistemin zgjedhor, por logjika juridike flet ndryshe.

Meqë zgjedhjet e fundit të mbajtura sipas sistemit proporscional me lista të mbyllura ishin të përcaktuara për zgjedhjen e deputetëve në palamentin shumëpartiak të Kosovës, nga i cili parlament edhe u zgjodhën kryetari, kryeministri dhe ministrat, me këtë përfundoi dhe u rrumbullaksua në mënyrë të sukseshme zgjedhja e funkcionarëve për ministritë ekzistuese, dmth. votimi dhe vota e elektoratit vendosi përfundimisht procesin zgjedhor.

Pasi që UNMIK-u ndezi dritën jeshile për formimin e dy ministrive të reja partitë politike në pozitë mdezën dritat e kuqe dhe filluan rivalitetin për për të marrë primatin mbi këto dy ministri, që juridikisht do të ishte jo valide dhe shkelje procedurale e vet sitemit zgjedhor, ngase këto dy ministri po të krijohen pas përfundimmit të zgjedhjeve, pra të drejtën e propozimit para deputeteteve para parlamentit e ka PSSP z. Petersen, e kurrsesi partitë në koalicion. Çdo tentim i partnerëve në koalicion LDK-AAK, për të "realizuar" të drejtën e privimit të këtyre dy ministrive do të ishte shkelje e votës së qytetarëve, aq më tepër kur dihet rëndesia e këtyre dy ministrive. Debati i jozyrtar i nxitur nga mediumet e informimit duke dhënë edhe emëra konkret është më tepër uveryrë për rritjen e shqetësimeve për qytetarët e Kosovës, të cilët si duket janë jashtë sistemit juridik dhe legjislacionit vendim-marrës, edhepse demokracia dhe demokratizimi i shiqërisë ka bazamentin në vullnetin e qytetarëve të Kosovës, e kurrsesi në strukturat e koalicionit udhëheqës.

Meqë kryesia e Kuvendit nuk e ka vu ende në rend dite diskutimin për formimin e këtyre dy ministive, që do të kushtëzonte edhe formimin e komisioneve parlamentare të reja që do të kishin kompetenca të qëndrueshme dhe profesionale për fillimin e dëgjimit publik para qytetarëve përmes mediumeve vizuele, duke bërë transparente edhe biografinë profesionale të kandidatëve, meqë bëhet fjalë për krijimin e tërë aparatit adminitrativ, është më se i nevkshëm proflizimi profesional i kandidatëve, biografia e punës, dhe tradita familiare, që është para kusht për emrimin e kandidatëve të mundshëm..

Në këtë fazë qytetarët e Kosovës janë të ngulfatur nga përfaqësuesit e tyre, dhe fare nuk u dëgjohet zëri, të rropatur nga problemet e shumta ekzistenciale ata janë të ngarkuar edhe me nënqmimin permanent që u bëhet atyre, asnjëherë nuk u zhvillua ndonjë debat me qytetarë nga përfaqësuesit e tyre per ta dëgjuar zërin e shterrur të qytetarit të nëpëkëmbur, që është obligativ, edhe atherë kur shtypi jep informacione të bollshme për korrupcion në kreun institucional, blerjen e veturave të blinduara për presidencë, blerjen e veturës superluksoze për kryeparlamentarin, ndërtimin e vilës supermoderne në Gërmi për të pushuar familiarët e të zgjedhurëve të tyre. me parat e tatimpaguesëve, sidomos janë të shqetësuar me faktin se grupet e interesit dhe të nëntokës kanë depërtuar në polici, por edhe në strukturat tjera institucionale. Si mund të pranohet fakti që gruper paramilitare të partive politike që hiqen si qendra të zbulimit të legalizohen, ato duhet te shpërbëhen definitivisht, jo të legalizohen, meqë ato vazhdimisht kanë pasur kontakte me sektore të zbulimit të agjensioneve të huaja, një numër i të cilëve është trejnuar dhe regrutuar të punojnë për interesa sigurisht jo të qytetarëve të Kosovës.

Dersi sa çdo ditë kemi luftë urbane në mes të Prishtinës, ku luftohet për territore nga nëntoka, në të cilën janë të implikuara edhe struktura policore, nga e cila rrjedhin informata sekrete, që rrezikojnë jetën e qytetarëve, dhe fusin frikë për të dhënë informacione të nevojshme për hulumtimin e rasteve të pasqaruara, ku dëshmitari okular i nënshtrohet rrezikut jetësor nëse zbulohet identiteti i tij. Edhe sa do të ngarkohet qytetari i Kosovës po që se në këto dy ministri do të vinin kandidatët e partive politike, atëherë nuk do të kishin institucione të përfaqësimit por do të kishim qendra të partive nga të cilat do të vendosej kush do të jeton, do të kishim anarki totale të institucioneve, ku partitë opozitare do të ishin vetëm dekor e asgjë tjetër.

Edhe pse tashmë asnjëherë nuk është përfolur emri i Fatmir Limës, ai u dëshmua se frymon me qytetarët e Kosovës, ata ia dhanë jo votat por zemrat me vizitat kikometërshe, që ia bënin. Ai u dëshmua se është ëmblema e qytetarit të paknaqur, sigurisht që po të pyetej sot çdo qytetar do t'ia kishte dhënë votën për të udhëhequr me njërën nga ministritë e përfolura, sigurisht me ëndje atë të ministrisë së punëve të brendshme, meqë atëherë do të rritej besueshmëria e qytetarëve në institucinin më të rëndësishëm në këtë fazë, nëse ka opinione tjera pse jo atë të drejtësisë.

[Llapi]

ZIKPRESS
Nënkryetari i PDK-së, z.Fatmir Limaj, pritet në selinë qendrore të LPK-së




Xhemajli dhe Limaj u pajtuan që duhet të forcohet edhe më tej bashkëpunimi ndërpartiak

Prishtinë, 28 prill 2006

Kryetari i LPK-së Emrush Xhemajli, me bashkëpunëtorë kanë pritur sot, në selinë qendrore të LPK-së, z.Fatmir Limaj, nënkryetar i Partisë Demokratike të Kosovës.

Udhëheqësit e LPK-së kanë biseduar me z. Limaj për situatën politike në vend, sidomos për zgjedhjet për të cilat të dy subjektet kanë qëndrim që ato të mos shtyhen.

Me këtë rast u bisedua lidhur me harmonizimin e qëndrimeve mes subjekteve politike opozitare, që janë të përfaqësuara në Kuvendin e Kosovës.

Në këtë takim Xhemajli dhe Limaj u pajtuan që duhet të forcohet edhe më tej bashkëpunimi ndërpartiak, sidomos për çështjet që kanë rëndësi për Kosovën dhe qytetarët e saj.
Kryetari i LPK-së pasi e falënderoi për vizitën z.Limaj tha se “si gjithë qytetarët e Kosovës edhe ne kemi debulesë për qëndresën e z.Limaj në kohën e luftës, për mbrojtjen dinjitoze që i ka bërë luftës së UÇK-së para drejtësisë ndërkombëtare, për triumfin e madh që z.Limaj ka korrur para saj”.
“Qëndrimi i LPK-së është që zgjedhjet të mbahen me kohë sesa që të shtyhen për më vonë. Është shumë spekulative ajo që thuhet që shumica e subjekteve politike janë për shtyrjen e zgjedhjeve”, tha Xhemajli.
Ndërkaq, nënkryetari i PDK-së z.Fatmir Limaj, pasi shprehu kënaqësinë për takimin me udhëheqësit e LPK-së, tha se “në këto momente na duhet uniteti veprues në shërbim të çështjeve të mëdha për vendin dhe proceseve që po na presin. Në këtë aspekt, unë këtu gjeta një frymë bashkëpunimi”.
“Ne kemi paraqitur qëndrimin tonë për mbajtjen e zgjedhjeve me kohë, duke ofruar mundësinë e konsultimeve. Ne si PDK jemi të interesuar që vendimi për zgjedhjet të jetë një vendim koncensual i të gjitha forcave politike të Kosovës” tha me këtë rast z.Limaj.

[ARIANI_TB]

http://uckkla.blogspot.com/2006/03/f...uck-video.html

[Llapi]

ALTERNATIVAT SHPRESËDHËNËSE TË OPOZITËS

Opozita sot, është ofertë alternative për të mirën e qytetarit karshi qeverisjes aktuale. Ajo në vazhdimësi duhet të përcjellë punën e qeverisë, duke kritikuar të gjitha dukuritë negative, keqpërdorimet që ndodhin dhe njëkohësisht të ofrojë alternativat shpresëdhënëse se si do t’i qasej ajo zgjidhjes së problemeve po të ishte në pushtet.

Kolumne nga FATMIR LIMAJ



Në kohën e instalimit të sistemit politik demokratik në Kosovë, të raporteve pozitë – opozitë, është hapur procesi i negociatave për përmbylljen e statusit final të Kosovës. Skena politike kosovare është para dy sfidave të rëndësishme politike për të ardhmen e vendit.

E para: ndërtimet fillestare të veprimit politik, pozitë-opozitë, e paprovuar asnjëherë në Kosovë; Sfida e dytë: procesi negociator nga i cili duhet të dalë një shtet funksional demokratik dhe i pavarur.

Duke marrë parasysh që për herë të parë në skenën politike të Kosovës ka veprim opozitar, i paaplikuar më parë në jetën politike dhe institucionale, është tërësisht e logjikshme që opozita demokratike kosovare është në proces të forcimit të rolit të saj përballë pozitës në njërën anë dhe në anën tjetër marrja e përgjegjësisë së saj në procesin negociator. Shtrohet pyetja: a është duke u kuptuar drejtë roli i opozitës kosovare në këto zhvillime ? A ka nevojë që vetë opozita të qartësohet me tutje rolin e saj ? Shpeshherë ndodh që nuk kuptohen drejtë angazhimet e opozitës në procesin negociator dhe në të njejtën kohë në rolin e saj opozitar karshi qeverisjes së vendit. Psh. Paradite opozita kritikon qeverinë, ndërsa pasditë udhëheqë delegacionin për negociata. Në këtë rast mund të krijohet një përshtypje e gabuar në rolin e opozitës.

Përcaktimi i drejtë i opozitës për të marrë pjesë në Grupin Negociator të Kosovës dhe në komisionet e tij, në asnjë rast nuk duhet kuptuar si heqje dorë nga detyra e saj si opozitë karshi qeverisjes së vendit. Përkundrazi, pjesëmarrja e opozitës në negociata ia ka hequr çdo mundësi koalicionit aktual qeverisës, që për dështimet në qeverisjen e vendit, të fshihet dhe të arsyetohet në emër të angazhimeve për statusin politik të Kosovës. Pjesëmarrja aktive me gjithë potencialet që kanë partitë politike në pushtet dhe në opozitë në këtë proces, i mundëson Qeverisë së Kosovës të mirret me problemet e përditshme të vendit. Për aq sa është obligim i gjithë elitës politike kosovare për të marrë pjesë në Procesin negociator, aq është detyrë e opozitës për të kontrolluar qeverisjen e përditshme të vendit. Prandaj, qasja e ndryshme dhe dalluese që i ka dhënë rolit të vet opozita, tregon shkallën e lartë të pjekurisë politike, duke dërguar mesazhin të qartë se ajo i vë në plan të parë interesat nacionale.

Opozita sot, është ofertë alternative për të mirën e qytetarit karshi qeverisjes aktuale. Alternativa e saj duhet të jetë e dukshme, konkrete dhe shpresëdhënese, në mënyrë që të mbështetet nga qytetarët, të cilët janë ose mund të jenë të pakënaqur me rezultatet e qeverisë. Që kjo opozita të jetë vërtetë një alternativë ndryshe nga qeverisja aktuale, ajo në vazhdimësi duhet të përcjellë punën e qeverisë, duke kritikuar të gjitha dukuritë negative, keqmenaxhimin dhe keqpërdorimet që ndodhin dhe njëkohësisht të ofrojë alternativat se si do t’i qasej ajo zgjidhjes së problemeve po të ishte në pushtet.

Unë mendoj që ky rol dhe kjo qasje e opozitës nënkupton konstruktivitet. Ndryshe, heshtja ndaj problemeve, mosinteresimi ndaj mënyrës se si qeveriset vendi, pajtimi me çdo gjë që vjen nga lartë, pa asnjë analizë serioze, jo që nuk është rol konstruktiv i opozitës, por përkundrazi do të ishte mbështetje e një fillimi të degjenerimit politik, që do të kishte efekte dhe pasoja të paparashikueshme në të gjitha segmentet e shoqërisë kosovare. Prandaj, për aq sa është jetike zgjidhja e drejtë dhe përfundimtare e statusit politik të Kosovës në kuadër të procesit negociator, aq jetik është edhe procesi i ndërtimit të kapaciteteve shtetndërtuese, që garanton të ardhmen demokratike të vendit.

[Llapi]

Vizita e Fatmir Limajt në Shqipëri nën objektivin e parë




RIKTHIMI I DINJITETSHËM POLITIK NGA SHQIPËRIA
- Tetë vjet pas nisjes nga Shqipëria për të përfunduar misionin e çlirimit të
Kosovës, Fatmir Limaj rikthehet shumë dinjitetshëm në Shqipëri, duke dhënë
mesazhin se misoni i madh i shtetit të Kosovës po përmbyllet po ashtu
dinjitetshëm.
- Insitucionet e shtetit, partitë politike dhe personalitetet më të shquara politike,
shoqërore dhe akademike të Shqipërisë, gjatë takimeve të zhvilluara me Fatmir
Limajn vlerësojnë lartë personalitetin dhe qëndrimet e tij politike. Ata ndihen
shumë të impresionuar me vizionin e Fatmirit për ndërtimin e shoqërisë
demokratike dhe të shtetit modern të Kosovës.
- Liderët shqiptarë thonë se Kosova më shumë se kurrë ka nevojë për politikanë të
mençur e të guximshëm, për politikanë mendjehapur, siç është z.Limaj. Këtë e
thonë shumë hapur.


Nga
ARIANIT BYTYÇI
Ishte fillim viti 1998 kur një numër i madh të rinjsh idealistë dhe të përkushtuar për të
sakrifikuar për lirinë e Kosovës, kishin arritur në Shqipëri për të marrë udhë për në
Kosovë. Në mesin e tyre kishte të rinj nga të gjitha rajonet e Kosovës, por edhe nga
trojet tjera shqiptare. Në këtë grup vullnetarësh që po ktheheshin në atdheun e tyre për
ta kryer misionin historik të çlirimit të Kosovës, shquhej një i ri që tashmë kishte
përfunduar studimet në drejtësi dhe e kishte regjistruar studimet pasuniversitare po në
këtë degë. Ky djalë i ri shumë më herët iu kishte bashkuar radhëve të UÇK-së, por tani
po rikthehej në atdhe edhe më i përgatitur, edhe më i bindur se lufta për çlirim është e
vetmja alternativë për të mbrojtur vlerat e qytetërimit evropian në këtë pjesë të Evropës.
Ai kishte një emër që simbolizonte sakrificën për të ndërtuar fatmirësinë e Kosovës.
Quhej Fatmir Limaj.
Gjatë luftës në Kosovë ishte ndër protagonistët kryesorë dhe po ashtu njëri ndër
udhëheqësit më të denjë dhe më emblematikë të saj. Luftën e fitoi bashkë me
bashkëluftëtarët e tij.
Lufta e tij e dytë tashmë ishte përballja me ndërtimin dhe funksionimin e rendit
demokratik në Kosovën e pasluftës. Fatmiri në mendjet dhe në shpirtin e qytetarëve të
Kosovës gjithmonë personifikonte politikanin e angazhimeve konkrete, e gjetjes së
rrugëzgjidhjeve për të përmbyllur suksesshëm procesin e pavarësisë, për të cilën ai dhe
shokët e tij kishin sakrifikuar shumë. Edhe këtë luftë moderne, luftën e politikës, Fatmiri
e fitoi.
Sfida e tij e tretë në këtë kronologji zhvillimesh shumë dinamike, ishte përballja e Fatmirit
me drejtësinë ndërkombëtare. Shumë njerëz do të thoshin që në tërë këtë gjendje, fati
më i mirë i Kosovës dhe i shqiptarëve është se luftën dhe përkushtimin për liri do ta
mbrojë njeriu i duhur, luftëtari dhe polikani i duhur. Fatmir Limaj edhe këtë sfidë e
përballoi shumë suksesshëm, duke arritur që të mbrojë vlerat më sublime të qytetarëve
të Kosovës, vlerat e luftës së UÇK-së.

KOSOVA KA NEVOJË PËR POLITIKANË MENDJEHAPUR SI FATMIR LIMAJ
Nga fillimviti 1998 kur kishte shkelur tokën shqiptare për të marrë udhë në Kosovë për të
vazhduar luftën për çlirim, kaloi shumë kohë. Tani, 8 vjet më pas, Fatmir Limaj i rikthehet
Shqipërisë në rrethana shumë më të favorshme për gjithë hapësirën shqiptare. Pas
përballjes së suksesshme me sfidën e fundit të jetës së tij aq të re, atë të drejtësisë
ndërkombëtare, Fatmiri riaktivizimin e tij politik vendos ta shënojë në Shqipëri, në vendin
ku kishte nisur fuqishëm misionin e tij dhe të shokëve të tij, misionin e lirisë së Kosovës.
Fitimitari i Kosovës, Fatmir Limaj, në krye të delegacionit të Partisë Demokratike të
Kosovës, në të cilin bënte pjesë edhe Adem Grabovci, anëtar i kryesisë së PDK-së, në
Tiranë pritet nga instancat më të larta të shtetit shqiptar.
Insitucionet e shtetit, partitë politike dhe personalitetet më të shquara politike, shoqërore
dhe akademike të Shqipërisë, gjatë takimeve të zhvilluara me Limajn vlerësojnë lartë
personalitetin dhe qëndrimet e tij politike. Ata ndihen shumë të impresionuar me vizionin
e Fatmirit për ndërtimin e shoqërisë demokratike dhe të shtetit modern të Kosovës.
Thonë se Kosova më shumë se kurrë ka nevojë për politikanë të mençur e të
guximshëm, për politikanë mendjehapur, siç e personifikojnë ata z.Limaj. Këtë e thonë
shumë hapur.
Presidenti shqiptar Alfred Moisiu përshëndet triumfin e Fatmirit në përballje me
drejtësinë ndërkombëtare dhe shpreh admirimin e tij për konceptet evropiane të
ndërtimit të shtetit të Kosovës, të cilat i prezanton Fatmir Limaj. “Kosova ka nevojë për
njerëz të aftë si ju” i thotë Moisiu Limajt.


DËSHMIA E KARAKTERIT, INTEGRITETIT DHE PARIMËSISË SË LIMAJT
Kreyministri Sali Berisha në takimin e sinqertë më Fatmir Limajn shprehej shumë i
gëzuar që z.Limaj i është rikthyer atdheut. Duke shprehur kënaqësinë që pret Fatmirin,
kryeministri shqiptar gjatë takimit thekson se “njësitet e UÇK-së ishin aleati tokësor i
NATO-s në betejën e madhe për mbrojtjen e vlerave civilizuese në Evropën Juglindore”.
Mes tjerash Berisha me dinamikën e shprehjes së tij karakteristike i thotë Limajt: “Fatmir,
shkove dhe u ktheve i pafajshëm, mbrojte sakrificat e popullit tënd. Kjo është dëshmi e
karakterit, integritetit dhe parimësisë tënde. Tani, ke mundësi që të kontribuosh në
finalizimin e një procesi që prodhon pavarësi”.
Miku i vjetër i Fatmirit, kryetari i Lëvizjes Socialiste për Integrim, Ilir Meta gjatë tërë
kohës së qëndrimit të Limajt në Tiranë ndihej shumë i gëzuar që miqtë e vjetër Limaj
dhe Meta, po ritakohen pas përballjes me sfida jo të lehta. Ilir Meta së bashku me
kryesinë e LSI-së i organizojnë një pritje të ngrohtë delegacionit të PDK-së në selinë e
kësaj partie. Meta vlerëson lartë personalitetin e Fatmir Limajt dhe konceptin politik të
PDK-së, duke theksuar se finalizimi i procesit të pavarësisë ka rëndësi për stabilitetin në
rajon.


KOSOVËS IU RIKTHYE POLITIKANI I MUNGUAR
Ish-kryeministri Pandeli Majko, tani sekretar i përgjithshëm i Partisë Socialiste të
Shqipërisë gjatë takimit të me njërin nga drejtuesit kryesorë të PDK-së, Fatmir Limaj,
shprehet se “fitorja e Fatmir Limajt është fitore e të gjithë qytetarëve të Kosovës dhe
posaçërisht e skenës politike të Kosovës, pasi asaj iu rikthye politikani i munguar,
Fatmiri, që ka vizionin e ri për Kosovën”.
Ndërsa, ministri i mbrojtjes, Fatmir Mediu gjatë takimit me Fatmir Limajn dhe Adem
Grabovcin vlerësoi të arriturat e klasës politike të Kosovës, duke potencuar me këtë rast
që rikthimi politik i z.Limaj ka rëndësi të posaçme në përmbylljen e suksesshme të
procesit të pavarësisë.
Për nder të Fatmir Limajt, kryetari i grupit parlamentar të Partisë Demokratike të
Shqipërisë, Bamir Topi ka shtruar një darkë speciale. Topi dhe Limaj kanë vlerësuar se
në këtë fazë të rëndësishme për Kosovën, klasa politike në Shqipëri dhe në Kosovë
duhet të tregojë pjekurinë e lartë politike, duke u treguar të ndërgjegjshëm për detyrat që
e presin atë. Bamir Topi gjatë takimit vlerësoi shumë përkushtimin e gjithanshëm të
mikut të tij, Fatmir Limaj për të ndërtuar shtetin funksional të Kosovës.
Gjatë të gjitha takimeve me krerë institucionesh dhe subjektesh politike, por edhe me
personalitete të jetës politike e akademike, Fatmir Limaj ka falënderuar shtetin shqiptar
për ndihmën që i ka dhënë Kosovës në vazhdimësi.
Gjatë qëndrimit në Shqipëri, Fatmir Limaj është takuar edhe me ish-presidentin Rexhep
Meidani, me të cilin kanë biseduar lidhur me zhvillimet politike në Kosovë. Po ashtu
edhe takimi me z.Sabri Godo ishte në frymën e ndërtimit të qëndrimeve unike shqiptare
për ndërtimin e shtetit të qëndrueshëm të Kosovës.


MISIONI I MADH I SHTETIT TË KOSOVËS
Shqipëria, tre vjet pas, shprehej Fatmiri, kishte arritur ndryshime shumë pozitive. Ai
ndihej shumë i lumtur me arritjet e shtetit shqiptar në të gjitha drejtimet. Shumë shembuj
të arritjeve dhe progreseve në Shqipëri, duhet të vihen në jetë edhe në shtetin e
ardhshëm të Kosovës.
Fatmir Limajn në Tiranë e kanë intervistuar shumë televizione dhe gazeta të vendit dhe
të huaja. Vizita e politikanit dinamik të Kosovës, gjatë tërë kohës së qëndrimit të tij në
Shqipëri ishte nën objektivin e mediumeve. Rudina Xhunga e “Top Channel” dhe Blendi
Fevziu i “TV Klan” zhvillojnë intervista ekskluzive me Fatmirin.
Ndër të veçantat e vizitës së parë të Fatmir Limajt në Shqipëri, pas lirimit të tij, është
takimi i ngrohtë me gjeneralin Kudusi Lama, me gjeneralin e lirisë së Kosovës. Edhe pse
në gjendje të vështirë shëndetësore, “Babushi” gjeti mundësinë që ta takojë Fatmir
Limajn. Gjatë takimit në të cilin merrte pjesë edhe z.Adem Grabovci, gjeneral Lama u
shpreh mëse i gëzuar me lirimin e Fatmirit dhe me riaktivizimit të tij në politikë.
Fatmir Limaj dhe Kudusi Lama shprehën bindjen që rrugën e Kosovës për të konsoliduar
shtetin modern të Kosovës, ku të gjithë do të jetojnë e të punojnë të lirë, nuk mund ta
ndalë askush. Për këtë garanci është gjaku i dëshmorëve dhe lufta e drejtë e Ushtrisë
Çlirimtare të Kosovës, të cilës i ka dhënë mbështetjen më të madhe edhe gjenerali
shqiptar i çlirimit të Kosovës, Kudusi Lama.
Pra, tetë vjet pas nisjes nga Shqipëria për të përfunduar misionin e çlirimit të Kosovës,
Fatmir Limaj rikthehet shumë dinjitetshëm në Shqipëri, duke dhënë mesazhin se misoni i
madh i shtetit të Kosovës po përmbyllet po ashtu dinjitetshëm.

[Llapi]

INTERVISTA QË BËRI JEHONË: Fatmir Limaj, në studion e televizionit publik, ka dhënë
intervistën më të guximshme që ka mundur ta japë ndonjëherë ndonjë politikan shqiptar


-Unë iu premtoj sonte qytetarëve të Kosovës, se pavarësisht bindjeve politike që
kanë, veprimtaria ime nuk do të jetë veprimtari politike partiake, por do të jetë
veprimtari politike në kuadër të PDK-së e në shërbim të Kosovës dhe gjithë
qytetarëve të sa



-E vërteta e ushtarit të UÇK-së është e vërtetë e Kosovës




familjen time, pastaj të shoh dhe t’i përcjell zhvillimet politike në Kosovë. Pa dyshim që i
kam përcjellë nga atje ku kam qenë, por është ndryshe kur je brenda në Kosovë. Dhe
kam shfrytëzuar rastin të takohem me shumë miq, njerëz të skenës politike në Kosovë,
qytetarë të rëndomtë, njerëz të fushave të ndryshme, me qëllim që të kem sa më shumë
informacion mbi zhvillimet në vendin tonë. Prandaj kjo kohë pushimi, mendoj se ka qenë
e nevojshme për mua dhe shpresoj që qytetarët e Kosovës nuk do të ma shohin për të
madhe një vonesë të tillë.
Ne arritëm që me kapacitetet tona ta tregojmë të vërtetën
Ndonëse ka kaluar një kohë nga përfundimi i procesit gjyqësor në Hagë, disa
pyetje lidhur me të janë të pashmangshme në këtë bisedë të parë me ju. Ju dhe
dëshmitarët e mbrojtjes, por edhe ata të prokurorisë, i keni hedhur poshtë të gjitha
akuzat e prokurorisë dhe të qasjeve anti-UÇK. A e kishit të vështirë që të mbroni
Kosovën dhe vlerat e luftës së UÇK-së në Hagë?
Limaj: Procesi gjyqësor në Hagë e ka pasur një të mirë sepse përmes televizionit tuaj
qytetarët kanë pasur mundësi të përcjellin procesin që ka ndodhur atje dhe ma merr
mendja që pjesa dërrmuese e qytetarëve e ka përcjellë dhe i ka parë zhvillimet se si
kanë shkuar. Nuk është e lehtë të jesh në situata të tilla, situata të tilla dhe në rrethana
krejt tjera siç dihet. Por, sido që të jetë, ne arritëm që me kapacitetet tona të bëjmë asgjë
tjetër, vetëm ta tregojmë të vërtetën dhe t’ia bëjmë të njohur gjykatës, por jo vetëm asaj
po edhe opinionit ndërkombëtar dhe atyre vendorëve të cilët ka qenë e nevojshme që ta
njohin të vërtetën dhe gjërat që kanë ndodhur në një periudhë kohore shumë të
rëndësishme. Shfrytëzoj rastin t’i falënderoj të gjithë dëshmitarët, si ata që janë thirrur në
emër të prokurorisë por edhe të mbrojtjes të cilët treguan një qëndrim të drejtë, sepse
nuk kanë hezituar ta thonë të vërtetën ashtu siç e kanë ditur dhe e kanë parë. E
posaçërisht i falënderoj dëshmitarët nga komuniteti ndërkombëtar, të cilët mund të them
se kanë qenë jashtëzakonisht të sinqertë në dëshmitë e tyre, të cilat më kanë ndihmuar
jo vetëm mua personalisht, por edhe gjykatën, sepse besoj që gjykatës së Hagës i ka
interesuar e vërteta. Mendoj që ajo e vërtetë dhe kjo e vërtetë e dalë nga këta
dëshmitarë ka qenë në shërbim të paqes, në shërbim të ruajtjes së identitetit të gjykatës
së Hagës.
Ne, shqiptarët në Hagë, nuk kemi pasur përkujdesje institucionale


Ju gjatë dëshmisë suaj keni deklaruar se në Sheveningen e keni ndjerë veten
jetim. Pse?

Limaj: Ndoshta nuk ka qenë tërësisht e sqaruar, sepse në procese të tilla gjyqësore, në
procesin e dëshmisë, duhet të jesh i kufizuar vetëm në çështje materiale të cilat i
interesojnë gjykatës. Prandaj, në shumë sqarime të mia kam qenë i kufizuar të flitet ajo
që është në interes të gjykatës, atë që gjykata e konsideron me interes për ta ditur.
Duhet ikur fjalorit politik ditor i cili nuk ka peshë për gjykatën, prandaj në shumë raste
kemi qenë të kufizuar që t’ia bëjmë sa më të afërt të vërtetën tonë gjykatës. E kam thënë
fjalën që thatë ju për shumë arsye. Një prej tyre është se duke i shikuar të burgosurit
tjerë në Hagë, të gjithë kanë qenë të mbrojtur, ose të interesuar, nga qeveritë e tyre
përkatëse, kurse ne shqiptarët që ishim në atë kohë, pastaj erdhën edhe të tjerët, nuk
kemi pasur një përkujdesje institucionale, një interesim institucional nga ana e vendit
tonë. Unë kam qenë i vetëdijshëm dhe jam edhe sot, se institucionet vendore nuk kanë
pasur kompetencë e ku ta di unë për të bërë hapa të rëndësishëm. Megjithatë, jam i
bindur se institucionet vendore kosovare kanë mundur që të interesohen dhe të mbajnë
një linjë komunikimi me qytetarët e tyre. Ne, në fund të fundit, jemi qytetarë të Kosovës
dhe si të tillë ka qenë obligim i institucioneve që ta bëjnë këtë komunikim me qytetarët,
derisa atje e kemi konstatuar se jemi të pafajshëm, pra të pagjykuar. Nuk është mirë të
distancohet vendi nga qytetari i saj, derisa të kryhen të gjitha formalitetet.
E vërteta e ushtarit të UÇK-së është e vërtetë e Kosovës

Çfarë kanë bërë institucionet tona për mbrojtjen tuaj?

Limaj: E vërteta ka qenë në interes të Kosovës dhe është edhe sot. Nëse jo për diçka
tjetër, vendit tonë dhe institucioneve tona u duhet e vërteta, sepse e vërteta dhe mbrojtja
e drejtësisë do t’i shërbente ardhmërisë së vendit tonë dhe proceseve demokratike në
Kosovë. Për këtë fakt, ne duhet të përkujdesemi për njerëzit që i kemi në Hagë. Nuk
është koha tash vetëm të flasim për Hagën, por është momenti i fundit që mendoj se
kapacitetet e institucioneve tona kanë shkuar në zhvillim e sipër dhe janë aq të
zhvilluara sa që duhet të fillojë përkujdesja edhe për qytetarët e Kosovës që janë jashtë
saj. Këtu e kam fjalën edhe për mërgimtarët që kanë probleme të përgjithshme ditore,
dhe nuk duhet të heqim dorë aq lehtë nga qytetari ynë. Në fund të fundit, njerëzit që
kanë qenë dhe janë të akuzuar në Hagë nuk janë larguar për çështje të tyre private, dhe
është shumë e rëndësishme përfundimi i proceseve gjyqësore, është shumë e
rëndësishme që ne t’iu ofrojmë të gjitha mundësitë për të kuptuar të vërtetën, për të
zbardhur të vërtetën, sepse mbrojtja e së vërtetës dhe ndihma për të mbrojtur këtë të
vërtetë është në shërbim të Kosovës. E kam thënë edhe në Kuvendin e Kosovës, se e
vërteta e ushtarit të UÇK-së është e vërtetë e Kosovës. Ky është një fakt. Ne e kemi
kaluar një periudhë të caktuar kohore të lavdishme, si rezultat i së cilës Kosova e ka
lirinë. Dhe nuk mundet dikush të heqë dorë ose ta kthejë shpinën për zhvillimet që kanë
ndodhur në atë kohë, e njerëzit individualisht të përballen me fatin e tyre, sepse ata atje
nuk janë për çështjet e tyre personale, por ngase këtu ka ndodhur një luftë, dhe pas lufte
dikush ka shpallur dyshime se kanë mundur të ndodhin krime dhe veprime që janë të
dënueshme. Dhe, është e drejtë e tyre dhe e secilit që të paraqesë dyshime që ka
ndodhur diçka joligjore, sikur që është e drejtë e jona për të argumentuar se nuk kanë
ndodhur gjëra të tilla, siç pretendohet nga pala akuzuese.
Institucionet e Kosovës duhet t’iu ndihmojnë djemve që tash janë në Hagë

Sa ju kanë ndihmuar konkretisht institucionet e Kosovës që ta mbroni luftën e
UÇK-së në Hagë?

Limaj: Po mendoj se qytetarët e Kosovës dhe institucionet në përgjithësi e dinë
ndihmën e tyre dhe nuk dua të flas për këtë, por dua të flas për djemtë që janë atje. E
dini se atje janë Haradin Balaj, Lahi Brahimaj dhe Idriz Balaj. Nëse nuk kanë bërë deri
më tani, i thërras, siç kam thirrë edhe në Kuvend, që tani t’iu ofrohet ndihma atyre
njerëzve që janë atje, sepse dëshmia e vërtetës së tyre është në interes të ardhmërisë
së Kosovës. Kosova duhet të hyjë në ndërtimin e shtetit pa hipoteka. Dilemat historike
në historinë e shqiptarëve kanë nxjerrë telashe në të kaluarën. Mendoj se është koha
kur të gjitha dilemat, sado të dhimbshme të jenë, e vërteta duhet të dalë në shesh.
Mendoj se institucionet vendore kanë obligim parësor për të ndriçuar të vërtetën e vendit
të tyre dhe për të ecur përpara.
Ajo që na ka mbajtur gjatë gjithë kohës, ka qenë solidariteti i qytetarëve ndaj nesh

Gjatë kohës së qëndrimit tuaj dhe të bashkëluftëtarëve tuaj në Hagë, ju kanë
mbështetur qytetarët. Po ashtu, pas kthimit tuaj nga Haga ju kanë vizituar qindramijëra
qytetarë nga të gjitha viset shqiptare. Si e konsideroni këtë mbështetje të
tyre?

Limaj: S’ka diskutim, unë e kam thënë edhe në shumë raste, ajo që na ka mbajtur neve
gjatë gjithë kohës, që në momentin që nuk kanë funksionuar ato që është dashur të
funksionojnë, ka ardhur në shprehje ajo që i ka mbajtur shqiptarët me shekuj, solidariteti
dhe ndihma ndaj njëri-tjetrit. Edhe në rastin tonë, duke iu falënderuar qytetarëve të
Kosovës, mërgimtarëve që punonin në perëndim, duke iu falënderuar firmave të
ndryshme që kanë ndihmuar vullnetarisht në të gjitha drejtimet, familjet tona shkuarjeardhje,
na kanë ndihmuar me mjete financiare për qëndrimin tonë atje, do të thotë ka
qenë ndihmë e qytetarëve të Kosovës. Po ashtu, kanë ardhur qindra-mijëra qytetarë dhe
na kanë vizituar e na kanë dhënë vullnet për të qëndruar në situatën që kemi qenë, me
qëllim që ta mbrojmë luftën tonë çlirimtare. Mendoj se si gjithherë qytetarët kanë qenë
burimi i forcës sonë dhe burimi i asaj që e ka vlejtë për të sakrifikuar për këtë vend, dhe
e them që për gati tri vjet të qëndrimit tim në Hagë, se padyshim që ky vend edhe më
tepër ia ka vlejtë, sepse këta njerëz, pavarësisht problemeve, gjithmonë kanë gjetur
kohë dhe mundësinë për të shprehur solidaritetin ndaj nesh dhe për të na dhënë forcë
që edhe ne ta mbrojmë vendin tonë.
Premtoj se veprimtaria ime do të jetë në shërbim të qytetarëve dhe të perspektivës së
vendit tonë

Tani t’u kthehemi disa pyetjeve më aktuale. Pas dy muaj e gjysmë kthimi në
Prishtinë, ju jeni rikthyer në skenën politike të Kosovës. Cili do të jetë roli juaj në
Partinë Demokratike të Kosovës, në mesin e bashkëveprimtarëve tuaj,
bashkëthemelues i së cilës keni qenë edhe ju?

Limaj: Para së gjithash, dua t’i falënderoj të gjithë qytetarët. Atë që e thashë më herët
dua ta them edhe një herë. Gjatë kohës sa kemi qenë në Hagë, për t’u solidarizuar, për
të na dhënë mbështetje, për herë të parë qytetarët e Kosovës kanë reaguar si popull, jo
mbi baza partiake. Mbështetja që është treguar në qytetet e Kosovës, por edhe në
mërgim, ka qenë një mbështetje e gjithë popullit. Kjo për mua ka qenë një shenjë
vlerësuese e veprimeve të mia para se të shkoj në Hagë, që tregon se veprimtaria ime
politike dhe kombëtare ka qenë veprimtari në shërbim të vendit tim, jo me qëllim partiak.
Po ja që në jetën demokratike pa dyshim që partitë politike janë institucione që njeriu e
ndërton vizionin e tij, një vizion që dëshiron t’ua tregojë qytetarëve për të ndërtuar
ardhmërinë e tyre. Është një institucion demokratik nëpërmjet të cilit e merr udhëheqjen
e shtetit dhe e paraqet vizionin për të mirë të vendit. Prandaj, unë kur kam ardhur në
Prishtinë, iu kam thënë qytetarëve se kjo është parti e Kosovës. E kam thënë për arsye
se e kam ditur që aty ka njerëz që e kanë tejkaluar vijën partiake. Ky ka qenë një reagim
gjithëpopullor. Unë iu premtoj sonte qytetarëve të Kosovës, se pavarësisht bindjeve
politike që kanë, veprimtaria ime nuk do të jetë veprimtari politike partiake, por do të jetë
veprimtari politike në kuadër të PDK-së e në shërbim të Kosovës dhe gjithë qytetarëve
të saj. PDK-ja ose partitë politike në Kosovë, tani për tani janë të ngushta për vizionet
shtetformuese. Ne duhet t’i përdorim partitë politike për të ndërtuar shtetin. Unë kështu e
kam konceptuar gjithmonë partinë politike, kështu e konceptoj edhe sot dhe aktiviteti im
partiak është në shërbim të Kosovës, nëpërmjet PDK-së që unë besoj në vizionin e saj,
në qëndrimet e saj. Do të arrijmë që atë vizion ta shtrijmë në shërbim të qytetarëve.
Prandaj, veprimtaria ime do të jetë në shërbim të qytetarëve dhe të perspektivës së
vendit tonë. Tani normalisht që unë jam aktivizuar në jetën politike në Kosovë dhe krejt
normal që jam kthyer në PDK, në të cilën kam qenë bashkëthemelues. Jam kthyer në
PDK aty ku e kam lënë, sepse jam themelues i saj dhe besoj në vizionin e saj politik,
besoj në resurset njerëzore që ka. PDK do të dijë që në këto rrethana të reja të ndërtojë,
të vazhdojë, të ndryshojë çdo ditë që vizioni të gjejë vend te qytetarët e saj, të jetë vizion
modern për një shtet demokratik e funksional. Unë jam i bindur që veprimtarët tanë do të
dinë të ecin me kohën. Vetëm njerëzit që ndryshojnë, ecin përpara. Kjo thënie është e
hershme, që tregon qartë se vendet që kanë bërë ndryshime kanë ecur përpara.
Prandaj, edhe ne shpresojmë që me ndryshimet, duke u përshtatur në rrethana kohe, do
t’i kalojmë sfidat me të cilat ballafaqohet vendi dhe shoqëria jonë, do të dimë të gjejmë
vendin tonë për të luajtur rolin tonë të domosdoshëm në shërbim të atdheut.
Koha sot është krejt ndryshe. Kosovës sot i duhen njerëz me ide shtetformuese
Në opinion, sidomos në disa media ka pasur shkrime të tilla, ku është thënë se
kinse Limaj ka pasur dilema të kthehet apo jo në PDK, dhe se do të formojë parti
të re politike, sa janë të vërteta këto?
Limaj: Ata që më njohin mua e dinë që dy gjëra janë që s’kanë mundur dhe s’mund të
më infektojnë, karrigia dhe paraja. Dmth. unë nuk jam njeri që mund të bëj një hap të
tillë. Dilemat që janë shfaqur janë krejt të arsyeshme, dhe me vetë faktin e pushimit tim
tremujor, njerëzit kanë pasur arsye të shfaqin dilema të tilla. Ndoshta ka edhe të tillë që
janë të dëshpëruar, do të thotë ka nga njerëz të ndryshëm me mendime të ndryshme që
janë për t’u respektuar. Po ndoshta kjo fazë e pushimit tremujor iu ka ndihmuar këtyre
dilemave, por për mua personalisht asnjëherë nuk ka pasur dilemë. E vetmja gjë që kam
pasur nevojë, kam thënë edhe në fillim, se kam pasur nevojë për të pushuar. Asnjëherë
nuk kam pasur dilemë se ku do të kthehem. Dilemat më tepër duhet t’i shohim në atë se
çka duhet të bëjmë në të ardhmen, ballafaqimet tona me të cilat duhet të përballemi, që
sa më mirë t'i kalojmë këto faza në të cilat jemi tani, tepër të rëndësishme. Dhe unë jam i
sigurt, të paktën mendoj, se do ta jap kontributin tim në kuadër të mekanizmave të PDKsë
së bashku edhe me bashkëveprimtarët e mi, por ajo që është më e rëndësishme,
edhe me forcat tjera politike. Koha sot është krejt ndryshe, mendoj se është koha e
fundit që forcat politike kosovare, njerëzit, të mblidhen rreth koncepteve dhe vizioneve
në shërbim të vendit. Kosovës sot i duhen njerëz me ide shtetformuese.

Mbrëmë, në “Hotel Viktoria” në Prishtinë, PDK organizoi një solemnitet rasti me
rastin e kthimit tuaj në këtë parti. Si u prit ky hap i juaji nga përfaqësuesit e
institucioneve ndërkombëtare dhe atyre vendore, dhe të mysafirëve tjerë që ishin
të pranishëm në këtë solemnitet?

Limaj: Mendoj se është pritur mirë, meqenëse kjo pyetje duhet t'i drejtohet atyre vetë.
Ishte një akt, më tepër një mirëpritje nga strukturat partiake, një fillim ose vazhdim i
punës ku e kam lënë, e cila m’u ndërpre para tri viteve dhe normalisht më vjen mirë. Unë
jam i bindur që ne kemi ndërtuar një vizion të ri politik, vizion duke çuar përpara, duke
reformuar, duke iu përshtatur rrethanave të Kosovës.
Ne jemi në shërbim të qytetarëve dhe jo qytetarët në shërbim tonin

Analistët, politikanët dhe të gjitha mediat rikthimin tuaj në PDK e shohin si rast të
mirë për reformimin e kësaj partie. Cili është komenti juaj?

Limaj: Normalisht, njerëzit i falënderoj sepse njerëzit presin edhe nga unë por edhe nga
klasa politike, për të realizuar qëllimet tona të përgjithshme por edhe individuale. Mos
harroni se nuk është çështje statusi krejt çka duhet të bëjmë në Kosovë, por unë
shpresoj që angazhimet e mia do të jenë në shërbim të këtij vendi, në mënyrë më të
mirë të mundshme të prezantuara dhe së bashku me bashkëmendimtarët e mi,
bashkëmendimtarët tanë por edhe me klasën politike në tërësi në Kosovë. Unë shpresoj
se do të angazhohemi të punojmë që të mos i dëshpërojmë njerëzit. Ajo që është më e
rëndësishme sot në Kosovë, është që qytetarët e Kosovës të mos i dëshpërojmë edhe
ashtu të dëshpëruar. Në qoftë se qytetarëve të Kosovës ia merr shpresat, e vetmja gjë
që iu ka mbetur, atëherë shtrohet pyetja, me çfarë do të jetohet? Unë mendoj se duhet
të jemi të sinqertë dhe transparentë me njerëzit tanë. Sado e dhimbshme qoftë ajo e
vërtetë, është momenti i fundit që politikani i Kosovës nuk guxon të bëjë politikë me
qytetarin e saj. Duhet t’ia thotë të vërtetën, duhet t’i tregojë qartë për procesin politik, se
në fund të fundit shtrohet pyetja, për ç'gjë po bëhet politika, dhe në krye të çkafit jemi ne,
dhe në shërbim të kujt jemi? Jemi në shërbim të qytetarëve dhe jo qytetarët në shërbim
tonin. Edhe ne nuk kemi kurrfarë të drejte për ta rezervuar informacionin, por duhet t'ia
themi qytetarit, sepse veprimtaria jonë politike ka efekte të drejtpërdrejta në jetën e
përditshme të qytetarit, dhe ai qytetar ka të drejtë të dijë se në çfarë drejtimi po udhëheq
klasa politike ose institucionet e vendit, në çfarë drejtimi po udhëheq ardhmërinë dhe të
mirën e tij. Prandaj, unë mendoj dhe besoj që në këtë drejtim do të mundohem të jap
kontributin tim, që para së gjithash të jemi sa më transparentë para njerëzve tanë.
Shpresoj që klasa politike e Kosovës do të flasë me gjuhën që e kuptojnë njerëzit e tyre

Thuhet se ky vit është shumë vendimtar për Kosovën. Këto ditë është aktuale
vendosja e statusit përfundimtar të Kosovës. Si e çmoni disponimin e faktorit
ndërkombëtar për ta realizuar ëndrrën e kamotshme të popullit të Kosovës, për
pavarësi dhe shtet sovran?

Limaj: Po më duket se gjërat janë të qarta në raport me faktorin ndërkombëtar.
Mesazhet nga faktori ndërkombëtar asnjëherë nuk kanë qenë më të qarta për Kosovën,
për politikën dhe qytetarët e Kosovës. Problemi është aty se mesazhet e komunitetit
ndërkombëtar duhet të interpretohen në atë mënyrë që ta kuptojë qytetari. Nuk është
mirë që mesazhet e faktorit ndërkombëtar t'i ndryshojmë sipas tekeve dhe dëshirave
tona. Unë mendoj se njerëzve duhet t’u thuhet qartë se cili është mendimi, çka pret
faktori ndërkombëtar nga Kosova. Ne jemi dëshmitarë të zhvillimeve të fundit, të disa
deklarimeve nga faktorë të ndryshëm ndërkombëtarë, shumë të rëndësishëm për
procesin e Kosovës, dhe mendoj se janë jashtëzakonisht premtuese deklarimet e fundit.
Edhe në Këshillin e Sigurimit, në mbledhjen që ishte, por edhe deklarimet e
përfaqësuesit të Britanisë së Madhe, janë më se të qarta se në çfarë drejtimi po shkon
Kosova. Por, unë e kam si shprehi se më tepër merremi ne si faktor politik në Kosovë,
çka ne duhet të bëjmë, se sa të vazhdojmë të mbesim me atë që thotë faktori
ndërkombëtar. Detyrat që ne duhet t’i kryejmë nuk do të na i kryejë faktori ndërkombëtar,
ato duhet t'i kryejmë ne, dhe ne duhet të ballafaqohemi me vështirësitë dhe problemet
që janë paraqitur dhe do të paraqiten në proces e sipër. Është detyrë e kësaj klase
politike të shkojë te qytetari, të flasë me qytetarin dhe t'i tregojë qartë për problemet me
të cilat po ballafaqohemi, detyrat që duhet t’i kryejmë dhe obligimet të cilat na presin.
Standardet e famshme, që unë i quaj më tepër kritere demokratike, njerëzit e Kosovës
kam përshtypjen se nuk e kanë të qartë se çka në realitet janë ato kritere demokratike.
Kam përshtypjen që nuk iu është shpjeguar se çka në realitet janë këto kritere apo
standarde. Nuk mjafton që të përmendet, apo të reklamohen standardet në televizione
në bazë reklamash apo nëpër rrugë me postera, ose me ndonjë vizitë ad hoc në ndonjë
vend. Njerëzve duhet t’iu sqarohet në gjuhën që e kuptojnë, se kriteret ose standardet
demokratike janë ato të cilat sjellin mirëqenie, ato të cilat i zbusin problemet sociale, të
cilat e luftojnë korrupsionin, të cilat krijojnë siguri për të gjithë qytetarët, ato të cilat
kriminelët nuk i lënë në rrugë të shëtisin, por duhet ta marrin atë që e meritojnë; se
qëllimi kryesor i këtyre standardeve demokratike nuk janë pengesë për jetën tonë, apo
për statusin e Kosovës, por janë të domosdoshme për shoqërinë e Kosovës, janë në
shërbim të ardhmërisë së fëmijëve tanë; se ato standarde nuk janë paraqitur për të na
penguar për të ecur përpara, por për ta modernizuar shoqërinë kosovare, për ta ndërtuar
këtë shtet që po e ndërtojmë, shtet i cili do të jetë funksional dhe do të jetë në shërbim
para se gjithash të qytetarit. Domethënë, mbi të gjitha duhet të bisedohet drejtpërdrejt
me qytetarin dhe jo të bisedohet nga distanca. Unë nuk mund ta pranoj që në të njëjtën
mënyrë që na e sqaron faktori ndërkombëtar, të njëjtën zgjidhje ta kemi edhe ne klasa
politike. Klasa politike e Kosovës ka për obligim që mesazhin e faktorit ndërkombëtar ta
shpërndajë në Kosovë. Ne duhet ta kemi të qartë, qytetarët e Kosovës nuk mendojnë
qysh mendojnë katër restorante në Prishtinë. Ka njerëz në Kosovë që më shpesh kanë
shkuar në Shkup sesa që disa kanë dalë nga Prishtina. Duhet të shkojmë në çdo pjesë
të vendit tonë, së pari të njihemi me problemet dhe me shqetësimet që kanë qytetarët
tanë. Duke i njohur ato probleme dhe shqetësime, duke i sqaruar njerëzit, duke u treguar
për pamundësitë që kemi, është e vërtetë që ne jemi në një gjendje të vështirë për t’i
përmbushur ato që presin qytetarët, mirëpo është e lehtë për të shkuar dhe për të
biseduar me ta. Mos të harrojmë një gjë, atë që sot janë duke e sakrifikuar qytetarët e
Kosovës, janë themeluar në emër të statusit final të Kosovës. Gjithë ato probleme
sociale që kanë, gjithë ato probleme dhe vështirësi ekonomike janë për çmimin e shtetit
të Kosovës. Por ne duhet të shkojmë atje dhe t'u sqarojmë e t'u tregojmë se në çfarë
gjendje jemi. Po ashtu, edhe mesazhet që na vijnë nga faktori ndërkombëtar nuk janë
pengesa por janë në shërbimin tonë, në shërbim të vendit tonë. Shpresoj që klasa
politike e Kosovës do të flasë me gjuhën që e kuptojnë njerëzit e tyre. Klasa politike e
Kosovës duhet të flasë më shumë për qytetarin e saj dhe në shërbim të qytetarit të saj,
sesa për ta kënaqur dikë tjetër. Mendoj që çelësi i një procesi të mirëfilltë, çelësi i një
komunikimi të shëndoshë me klasën politike është transparenca, sinqeriteti. Ashtu siç
janë, gjërat duhet të thuhen. Me mijëra herë e kanë dëshmuar këta njerëz se është lehtë
të qeveriset me qytetarët e Kosovës, sepse janë të gatshëm edhe të sakrifikohen, edhe
të ballafaqohen me këto vështirësi. Mirëpo, njerëzit irritohen nëse shohin që veprimet
tona nuk shkojnë në drejtimin e duhur. Veprimet tona e irritojnë qytetarin e Kosovës, ia
kthejnë shpinën qytetarëve të Kosovës, këto janë gjëra të cilat e dëmtojnë procesin e
Kosovës. Unë besoj se ne si klasë politike do të jemi në krye të detyrës, do të jemi para
se gjithash edhe të përgjegjshëm dhe të ndershëm, por edhe transparentë para njerëzve
tanë. Kështu e meritojmë edhe respektin nga faktori ndërkombëtar.
Duhet të luftojmë që në negociata t'i minimizojmë obligimet që do t'i marrë pushteti i
ardhshëm i Kosovës

Çka mendoni për reagimet e Beogradit për Kosovën në Këshillin e Sigurimit, ndaj
vlerësimeve të Grupit të Kontaktit?

Limaj: Reagimet që vijnë nga Beogradi janë krejt të pamatura. Ne këtu duhet të bëjmë
atë që duhet bërë, duhet të jemi në krye të detyrës.
Çka duhet të bëjmë?
Mendoj se klasa politike e Kosovës, duhet ta demonstrojë, jo vetëm ta deklarojë një
barazi të qytetarëve të Kosovës, ajo duhet demonstruar çdo ditë, çdo moment. Jo të
shkojmë të vizitojmë një familje serbe ose boshnjake vetëm kur të na thotë dikush nga
ndërkombëtarët, por këtë duhet ta bëjmë për të mirën e Kosovës, sepse ata janë
qytetarë të Kosovës. Kjo është e ardhmja e Kosovës. Jo të shkohet sipas porosive, por
kur të dalin qeveritarët tanë, kur dalim ne në terren duhet t'i vizitojmë edhe disa familje
shqiptare që janë në kushte katastrofale, probleme sociale, familjet e dëshmorëve,
invalidët e luftës. Dmth. është momenti kur klasa politike duhet ta shohë tërësinë e
qytetarëve të Kosovës pa dallime etnike. Shteti dhe qeveria duhet të lidhen me të gjithë
qytetarët njësoj, pavarësisht përkatësisë etnike. Ne më tepër duhet të interesohemi që t’i
kryejmë obligimet tona si qytetarë, si institucione karshi qytetarëve, ndërsa për sinjalet
që na vijnë nga Beogradi, nuk duhet apriori të themi “nuk na intereson çka thotë
Beogradi”, sepse ne do të bisedojmë me Beogradin. Nesër duhet të shkojmë të
bisedojmë me Beogradin, nuk do të bisedojmë me Bangladeshin, prandaj duhet të na
interesojë çka thotë Beogradi, kush është në Grupin Negociator të Beogradit, sepse në
fund të fundit nesër do ta kemi fqinjin e parë Serbinë dhe duhet t'i zhvillojmë edhe
marrëdhëniet kulturore edhe ekonomike. Por, para së gjithash duhet ta kemi parasysh
se ne e kemi një minoritet që Beogradi ka të drejtat legjitime për t'u interesuar për të
drejtat e këtij komuniteti këtu, dhe natyrisht, ne duhet ta përdorim këtë komunitet si urë
për bashkëpunime dhe integrime rajonale. Prandaj, unë jam ithtar i asaj që me shumë
kujdes të shihen zhvillimet në Beograd, me shumë seriozitet të merren përgatitjet që
është duke i bërë Beogradi. Ju vetëm shikoni delegacionin e Beogradit, aty është një
shkollë politike nacionaliste e cila nuk do të heqë dorë lehtë, do të paraqesë pengesa në
procesin e statusit ose në procesin e ndërtimit të shtetit të Kosovës, duke u nisur nga
kryetari i Serbisë, Boris Tadiq, pastaj Koshtunica, Sandra Rashkoviq-Iviq, e bija e Jovan
Rashkoviqit, ju kujtohet që në vitin 1990 ka ngritur nacionalizmin në Kroaci, e deri te
Dushan Batakoviq, që është një ndër ideologët e kantonizimit të Kosovës, e porositur
nga Kisha Serbe dhe nga Akademia e Shkencave të Serbisë, e deri te Aleksander
Simiq, që e ka bërë planin e decentralizmit, për të cilin do të bisedohet në Vjenë. Do të
thotë, duhet parë mirë këta njerëz për të ditur se me kë kemi të bisedojmë. Mendoj që
Kosova dhe institucionet tona nuk duhet të jenë komode, por të mbledhin ekspertë të
mirë të këtij vendi, pavarësisht a janë në atë parti politike a jo, pavarësisht a janë në
Grup Negociator apo jo, pavarësisht a janë krejt të një partie apo jo, por duhet të jenë
njerëz që dinë t'i mbrojnë interesat e Kosovës. Pse po them interesat e Kosovës? Sepse
neve na duhet sot të luftojmë me negociatat për të ndërtuar një shtet funksional, neve
nuk na duhet një shtet si Bosnja, një shtet i cili nuk funksionon, një shtet i dështuar. Unë
jam i bindur se bashkësia ndërkombëtare nuk është e interesuar të ndërtojë shtet të
dështuar në Kosovë. Mirëpo, para së gjithash ne duhet të jemi ata që duhet të luftojmë,
që në këto negociata t'i minimizojmë obligimet që do t'i marrë pushteti i ardhshëm i
Kosovës, dhe kjo mund të bëhet nëse njerëzit janë me kompetencë, flasin dhe punojnë
në negociatat që na presin.

Në këtë kuadër, si e çmoni ju punën e Ekipit Negociator të Kosovës dhe çka prisni
nga ky proces?
Limaj: Ne e dimë, unë tani kam ardhur nga Haga dhe më tepër po flas për çështjen e
temës sesa për raste konkrete. Është mirë që është një grup i tillë negociator. Ai, në
fund të fundit, është reflektim i botës së qytetarëve të Kosovës, është grup që ka dalë
nga institucionet e Kosovës, në këtë rast parlamenti. Unë dua t’i them vetëm dy gjëra, pa
u futur në hollësira, se si do të funksionojë në të ardhmen ky ekip. Por, Grupi Negociator
duhet ta ketë një gjë të qartë. Më 12 qershor 1999, populli i Kosovës e ka kryer atë që
është dashur ta kryejë, merita pse Kosova sot është këtu është meritë e popullit të
Kosovës dhe e ndihmës së komunitetit ndërkombëtar. Prandaj, unë mendoj se Grupi
Negociator i Kosovës nuk duhet të shtyhet kush do të nënshkruajë i pari pavarësinë,
kush i pari, kush i dyti, kurrfarë meritash nuk kanë ata për pavarësinë, por e kanë
përgjegjësi. Ata më tepër duhet ta shohin si një përgjegjësi që realisht e kanë, ta
formalizojnë dhe sa më mirë të dalim nga ato negociata. Nga qershori ’99, ne si skenë
politike e kemi vonuar procesin e pavarësisë së Kosovës nga gabimet tona. E dini se
kemi pasur lëshime dhe gabime, hezitime në çështje të ndryshme, qoftë në mbrojtjen e
të drejtave të minoriteteve por edhe në vetë problemet që kemi pasur ndërmjet forcave
politike. Mungesa e një uniteti ndërmjet faktorit politik kosovar, marrëdhëniet jo fort të
mira, shpeshherë të tensionuara mes faktorit politik, e kanë vonuar procesin e
pavarësisë së Kosovës. Prandaj, Grupi Negociator nuk është duke shkuar ta
nënshkruajë pavarësinë e Kosovës si meritë të tyre, ata e kanë përgjegjësinë. Çfarëdo
që marrim ne për pavarësinë e Kosovës, është përgjegjësi e tyre, sepse Kosova më 12
qershor e ka përcaktuar fatin e saj. Ata sot e kanë për obligim që në negociata të sillen
si burrështetas, si njerëz shtetformues, të cilët gjeneratës së ardhshme do ia lënë sa më
pak obligime të cilat mund të kryhen. GN mendoj se duhet ta ketë parasysh që të marrë
obligime të cilat Kosova mund t’i përmbushë dhe të ketë parasysh që të ndërtojë një
shtet atje në bisedime, të jetë Kosova si një shtet funksional, si një shtet i cili mund të
funksionojë.

Faktori ndërkombëtar e di mirë se populli i Kosovës e meriton pavarësinë
Po sa janë në nivel të përgjegjësisë dhe të seriozitetit, përfaqësuesit e Kosovës,
për ta bindur botën se ne e meritojmë pavarësinë?

Limaj: Botën nuk mund ta bindin në këtë rast individët nga institucionet e Kosovës.
Botën e ka bindur populli i Kosovës se e meriton pavarësinë e Kosovës. Botën duhet ta
bindim ndryshe, se jemi të gatshëm për ta udhëhequr shtetin e Kosovës. Kjo klasë
politike duhet ta bindë botën, se ne si klasë politike jemi aq të pjekur sa jemi të gatshëm
për të marrë obligime dhe përgjegjësi ndërkombëtare, përgjegjësi të cilat do të
reflektojnë stabilitet, të cilat do të jenë në shërbim të të gjithë qytetarëve të vendit,
përgjegjësi me të cilat do të jemi të gatshëm për të ndërtuar një shtet demokratik, ku çdo
qytetar i Kosovës do të jetë i barabartë para ligjit. Unë shpresoj që në këtë drejtim këto
institucione, dhe vetë ne klasa politike, do të arrijmë ta bindim bashkësinë
ndërkombëtare se jemi të gatshëm për të kaluar në një fazë tjetër në qeverisje. Sa i
përket meritës, faktori ndërkombëtar e di mirë se populli i Kosovës e meriton pavarësinë,
prandaj i kemi deklarimet e tyre që duhet të merret parasysh vullneti i popullit të
Kosovës. Mirë që nuk bazohet në klasën politike. Po të bazohej në klasën politike, nuk e
di a do ta kishim merituar pavarësinë. Me rëndësi është që populli ynë e meriton. Ne si
klasë duhet të punojmë për të demonstruar sigurinë tonë politike, se jemi të gatshëm të
udhëheqim.

Më 20 të këtij muaji, pra të hënën, do të mbahet takimi në Vjenë i përfaqësuesve të
institucioneve të Kosovës dhe atyre të Serbisë, ku do të bisedohet kryesisht për
decentralizimin e pushtetit lokal në Kosovë. A e keni parë ju këtë draft dhe a e
mbështetni?

Limaj: Nuk është këtu çështje e mbështetjes sime personale. Me rëndësi është që këtë
e ka bërë Grupi Politik dhe Ekipi Negociator i ka dhënë pëlqimin, dhe ata janë njerëz që
janë të institucioneve të Kosovës dhe përgjegjësia është e tyre. Ne do të shohim se si do
të shkojë ky proces.
E kemi rastin këtu ta tregojmë humanitetin tonë
Në takim e mbrëmshëm (në Hotel Victory) mes tjerash keni deklaruar se UÇK-ja
nuk ka luftuar për t’i robëruar të tjerët, për t’ua ngushtuar hapësirën të tjerëve, as
për të krijuar armiq, por për të krijuar një mjedis më të mirë për të gjithë qytetarët
e Kosovës që duan të jenë në shtetin e pavarur dhe demokratik të Kosovës.

Si e
elaboroni më gjerësisht këtë?

Limaj: Kjo është një e njohur publike. Ne nuk kemi dalë jashtë Kosovës për të robëruar
territore të huaja. Ne asnjëherë nuk kemi luftuar kundër civilëve në Kosovë, bile-bile ne
thjesht kemi luftuar kundër regjimit të Millosheviqit, kemi luftuar kundër një sistemi
ushtarako-policor dhe politik që ka qenë shovinist. E dyta, ne kemi luftuar që të jemi
shtet, sepse ka ardhur koha që edhe Kosova të jetë shtet. Këto janë gjëra të qarta për
secilin që dëshiron ta dijë. Mirëpo, sado që ekziston tendenca për ta interpretuar këtë në
mënyrë tjetër, ajo është e papranueshme dhe e dëmshme për Kosovën. Ne çdoherë
kemi ditur ta dallojmë qytetarin e thjeshtë nga politika, nga ata të cilët kanë pasur
interesa tjera në Kosovë, për të shfarosur një komb tjetër. Prandaj, ne iu kemi
kundërvënë një regjimi që ka pasur qëllim ta shfarosë apo ta mbajë edhe më tej të
okupuar këtë vend, prandaj Kosova kishte ndërtuar potencial të mjaftueshëm njerëzor,
politik, intelektual, ekonomik, për të qeverisur vetë vendin dhe ta ketë shtetin e saj. Ky ka
qenë qëllimi dhe këtë qëllim nuk guxon askush ta keqpërdorë, sepse ne nuk kemi luftuar
për t’i sunduar pastaj të tjerët në Kosovë. Kjo luftë dhe kjo liri duhet të jetë për të gjithë
qytetarët e Kosovës. Ne nuk kemi faj pse jemi shumicë 95% shqiptarë. Ne si shumicë
nuk kemi të drejtë të sillemi ndaj të tjerëve siç është sjellë Millosheviqi ndaj nesh, por
duhet të jemi shembull pasi që për herë të parë në histori këtu ka rastin shumica të
qeverisë. Ne e kemi rastin këtu të tregojmë humanitetin tonë, sepse jemi njerëz të cilët e
dinë çka është dhuna, okupimi, mosshkuarja në shkollë, mospuna e shumë të tjera.
Shumica e shoqërisë në Kosovë janë të gatshëm që vlerat demokratike dhe të mirat që
do të na i sjellë shteti i Kosovës, t’i ndajmë dhe të participojmë me të gjitha grupet etnike
që do të jetojnë në Kosovën demokratike dhe të pavarur. Kjo duhet të demonstrohet nga
të tjerët. Qytetarët e Kosovës nuk duhet të frikohen nga të tjerët, nuk ka asnjë arsye.
Rreziku për Kosovën nuk janë minoritetet, nëse ka diçka rrezik për Kosovën jemi ne
shumica. Sjellja jonë e papërgjegjshme do ta dëmtojë procesin e Kosovës. Sjellja jonë jo
lehtë në përputhshmëri me dokumentet dhe ligjet që i kemi miratuar do ta dëmtojë
Kosovën, prandaj shumica ka edhe privilegj por edhe përgjegjësi në ndërtimin e shtetit
të pavarur.

Nëse ne do të qeverisim keq, normalisht që do të ketë kompetenca më të pakta
Çka mendoni pas statusit, pas njohjes së pavarësisë, çfarë niveli duhet të jetë
misioni ndërkombëtar në Kosovë?

Limaj: Vizioni i Kosovës është integrimi euroatlantik, Unioni Evropian, prandaj është
normale që Unioni Evropian të ketë këtu një prezencë pas UNMIK-ut, një variant të
ndryshëm. Unë besoj që UE do të ketë prezencën e saj këtu që do të ndihmojë Kosovën
dhe institucionet e saj në përmbushjen e të gjitha obligimeve të saj për të ecur, sepse ne
kemi shumë punë për të bërë që të mund t’i realizojmë objektivat tona. Prandaj, një
variant i UE-së, duke shpresuar që edhe SHBA-të nuk do të tërhiqen, dmth. edhe ata do
të kenë rolin e vet aktiv në procesin e funksionalizimit të shtetit të Kosovës. Prandaj
mendoj që roli i komunitetit duhet të jetë edhe në të ardhmen, por çfarë kapaciteti, kjo
varet shumë nga sjellja jonë. Pse, sepse ne si klasë politike, nuk mjafton që vetëm të
kërkojmë kompetenca, por duhet të tregojmë se jemi të aftë për t'i konsumuar këto
kompetenca. Shtrohet pyetja, a i ka konsumuar të gjitha kompetenca që i ka pasur klasa
politike deri më tani? Pse nuk krijohen ministritë të cilat e dimë mirë se ka kohë që i kemi
kërkuar, Ministrinë e Rendit dhe të Drejtësisë? Kjo duhet të bëhet sa më shpejt. Duhet
sa më shpejt që të emërohen ministrat, është e drejtë e LDK-së, pastaj edhe AAK-së,
për ta kryer punën, me qëllim që pastaj të kalohet në faza tjera, në kompetenca tjera. Me
një fjalë, varet krejt nga ne si do të qeverisim, sa do të jetë efektive kjo qeverisje, sa do
të jetë transparente. Sa do të jetë qeverisja e mirë, aq më pak do të jetë e panevojshme
prezenca ndërkombëtare. Nëse ne do të qeverisim keq, nëse qytetari nuk do të jetë i
kënaqur me atë qeverisje, normalisht që do të jetë prezenca më e madhe
ndërkombëtare, normalisht që do të ketë kompetenca më të pakta.
Po kthehemi te disa pyetje që kanë të bëjnë me partinë tuaj.

Si e vlerësoni punën
brenda PDK-së gjatë mungesës suaj, dhe a mendoni se në kongresin e fundit të
kësaj partie janë pritur reforma më të mëdha?

Limaj: Rreth kongresit mendoj se nuk është e udhës të flas, pasi që nuk kam qenë
pjesëmarrës i këtij kongresi. Unë kam ardhur pas kësaj. Unë e shoh këtë si një rrugë për
vetë PDK-në por edhe për procesin e Kosovës, si një rrugë për të bërë ndryshime
pozitive, prandaj edhe zhvillimet brenda PDK-së i shoh si përpjekje për të gjetur një
profilizim të saj, për të bërë reforma në lidhje me përputhshmërinë e kohës. Këtu nuk do
të kisha veçuar diçka, sepse mungesa ime megjithatë nuk më jep të drejtë për të dhënë
vlerësime në të kaluarën si ju e kërkoni, por atë që e thash është se unë besoj shumë në
potencialin demokratik të kësaj partie. Nuk është që e shoh nga jashtë, por e di sepse
kam marrë pjesë në ndërtimin e këtij potenciali demokratik. Mirëpo, besoj që me
energjitë e reja, ky potencial do të vijë në shprehje duke ofruar mundësinë për të shfaqur
iniciativat politike dhe hapjen e mundësisë për njerëz që duan të kontribuojnë me idetë e
tyre, sepse futet një frymë politike që do t’i shërbejë vendit. Jam i bindur se njerëzit që
kanë vizion për të ardhmen e vendit do të gjejnë vend në kuadër të PDK-së për sfidat që
na presin.
PDK duhet vetë të ofrohet te qytetarët dhe t’ua shpjegojë vizionin e saj
Në Kosovë janë mbajtur 4 palë zgjedhje dhe partia juaj nuk i ka arritur rezultatet e
duhura.

A i keni analizuar shkaqet e këtyre zgjedhjeve?

Limaj: Sigurisht, ka pasur analiza të ndryshme. Nuk dua të futem në këto sepse nuk
kam qenë në disa prej këtyre zgjedhjeve. Një gjë duhet ta kemi të qartë, sot jemi në
rrethana shumë më relaksuese, klasa politike e Kosovës është pjekur. Të gjithë e dimë
se çka na pret dhe çka duhet të bëhet. Mendoj që në këtë kuadër, PDK edhe në
zgjedhjet e fundit ka nxjerrë analizat e saj, sepse ka ardhur deri te një rezultat që nuk e
kënaq partinë, sepse kjo është në skenën politike për të fituar dhe kjo është objektiv i
saj. Shpresoj që me sjelljen e saj, PDK, me veprimin politik dhe me vizionin e saj, do të
gjejë më shumë përkrahje, do të gjejë njerëz që do ta kuptojnë vizionin e saj. Për ta
kuptuar këtë, PDK duhet vetë të ofrohet te qytetarët dhe t’ua shpjegojë. Unë jam i bindur
se njerëzit do ta gjejnë veten në kuadër të këtij vizioni të ri politik.
PDK dhe partitë tjera kanë nevojë për reforma demokratike

Çka mendoni, a keni një vizion të ri për ta dinamizuar jetën politike në Kosovë dhe
si mendoni që do t’i zgjidhni këto?

Limaj: Duhet ta kemi të qartë se nuk mund të kemi një shkop magjik që një individ t’i
ndryshojë gjërat. Një individ është e pamundur të bëjë diçka. Sidomos në këtë rast, unë
mendoj se ka ardhur koha që në Kosovë të mos veprojmë individualisht, ka ardhur koha
për punë ekipore. Duhet të kontaktohen njerëzit që kanë qëllime dhe ide shtetformuese,
pavarësisht grupeve politike, ata duhet të afrohen dhe të punojnë si ekip. Kosovës sot i
duhet një strukturë politike dhe një punë ekipore, sepse vetëm kështu mund të çohen
proceset përpara, mund të reformohen partitë politike. PDK, por besoj se edhe partitë
tjera kanë nevojë për reforma demokratike. Çdoherë ka nevojë për t’u ofruar mundësi të
rinjve. Njeriu një herë vjen në partinë tënde, nëse nuk e gjen veten, nëse nuk i ofron
mundësinë që të japë idetë e tij, largohet. Shikoni sot, një pjesë e madhe e elitës
intelektuale ka mbetur jashtë skenës politike, kjo është e dëmshme për Kosovën. Është
detyrë e jona që ata njerëz t’i afrojmë. Ekspertin, nëse ke nevojë ti, duhet ta thërrasësh
dhe t’ia krijosh mundësinë që të japë kontributin e tij. Nëse iu japin hapësirë këtyre
njerëzve, atëherë neve do të na vijnë në krye njerëz të aftë.

Çka mendoni ju, a kanë mjaft hapësirë kuadrot e reja intelektuale në PDK?

Limaj: Kryetari i PDK-së ka bërë ftesa në drejtim të këtij fokus-grupi, por shpresoj që kjo
do të vazhdojë. E di që partia e PDK-së do të shkojë në këtë drejtim dhe do t’i kërkojë
njerëz të tillë. Unë shpresoj që në PDK do të ketë hapësira të mjaftueshme për njerëz të
tillë.
Një gjë duhet ta kemi të qartë: Çka pas pavarësisë? A do të jetë Kosova shtet mafioz,
shtet i krimit?

Tri vjet nuk keni qenë në Kosovë, a ka ndryshime të mëdha në Kosovë?

Limaj: Pa dyshim se ka ndryshime pozitive, ka ndryshime të cilat mund të shihen, por ka
edhe ngecje. Më shumë ndryshime pozitive ka më tepër nga iniciativat private të
njerëzve. Nuk është ndryshim ndërtimi i një shtëpie apo i një qendre tregtare.
Ndryshimet duhet të shihen në substancë. Fatkeqësisht nuk shoh ndryshime shumë në
substancë. Një gjë duhet ta kemi të qartë: Çka pas pavarësisë së Kosovës, si do ta
ndryshojë këtë shtet? A do të jetë shtet mafioz, shtet i krimit, a do të jetë një shtet ku me
para bën çka don, hyn ku të duash me para? Faktikisht, 90 % e popullit nuk ka mundësi
të bëjë një gjë të tillë. Këtu është një rrezik, siç po na quan propaganda serbe, “banana
republikë”, atëherë cili është qëllimi, cili është plani strategjik nesër pasi të fitohet
pavarësia, çka duhet të bëjnë qytetarët e Kosovës? Kapacitetet tona ekonomike? A
mundet sot Kosova ta mbajë veten në këtë gjendje ekonomike e energjetike? Mendoj se
këtu duhet angazhimi konkret i klasës sonë politike dhe ekonomike, çka pas pavarësisë,
sepse pavarësia nuk të jep me hëngër.
Ka diçka në Kosovë që nuk blihet me pare. Klasa politike e ka obligim t’ia çojë këtë
mesazh qytetarit

Qeveria, Kuvendi i Kosovës, institucionet tjera, çfarë përpjekjesh po bëjnë për të
ndërtuar institucione demokratike që të dëshmojnë se janë të afta të udhëheqin
këtë shoqëri dhe të integrohen në strukturat euro-atlantike?

Limaj: Ne jemi një shoqëri e re. Është një fakt që nuk kemi përvojë shtetërore, ne po
ndërtojmë shtet por edhe po mësojmë. Shumë me rëndësi është që ne si politikanë, kur
nuk dimë, nëse nuk e dimë, është shumë me rëndësi më thënë ‘dua të jap dorëheqje’.
Është shumë me rëndësi që të instalohet institucioni i dorëheqjes. Institucioni i
dorëheqjes është një ndër shtyllat e demokracisë. Prandaj, nuk është marre me thënë
‘nuk di’. Politika nuk matet me atë se sa vjet i ki, apo sa ke stazh në politikë, por me
veprime dhe me rezultate në politikë, prandaj në këtë drejtim ne duhet të marrim përvoja
nga njerëzit tjerë. Kujt? Në këtë rast faktorit ndërkombëtar duhet t’ia shfrytëzojmë
përvojat pozitive në shërbim të vendit tonë. Edhe një gjë dua ta them. Qytetarit të
Kosovës duhet t’i shkojë porosia, por jo porosi me llafe, por duhet t’u thuhet edhe atyre
që i kanë xhepat plot. Në Kosovë nuk mund të blihet gjithçka. Ka diçka në Kosovë që
nuk blihet me pare. Klasa politike e ka obligim t’ia çojë këtë mesazh qytetarit. Jo me
thënë se nëse ke para, të kryhen të gjitha punët. Punët nuk mund të kryhen me para
jashtë ligjit, vetëm nëse jemi brenda ligjit. Qytetarit të Kosovës duhet t’i shkojë edhe
mesazhi tjetër, se në politikë duhet të ketë moral. Nëse ne vazhdojmë ta humbim
besimin te qytetarët, psh. në televizion kur del politikani thonë ‘e dimë që ka me kanë
rrenë’, ky është i dëmshëm për procesin e vendit. Kjo është e dëmshme edhe për
politikanët e ndershëm që mundohen të bëjnë mirë për vendin e tyre. Mendoj se këto
duhet të dihen ashtu siç janë. Këto mesazhe duhet t’iu shkojnë edhe atyre
“biznesmenëve”, se në Kosovë nuk ki me mundur të blejsh gjithçka, sepse ka njerëz
këtu që e duan vendin më shumë se paranë. Këtu ka ligj, ka rregull dhe jemi të gjithë të
barabartë. Parulla ‘askush mbi ligjin’ këtu është duke u keqpërdor me të madhe. Sot
shumë njerëz janë nëpër burgje, kurse shumë kriminelë nëpër rrugë. Njerëzit që kanë
fituar lirinë, që kanë dhënë gjak për lirinë e Kosovës janë në burgje. Këtu po dëshmohet
me proceset gjyqësore se çka po ndodh. Merren njerëzit mbahen 3-4 vjet në burgje,
lëshohen, mbahen prapë me njëfarë fije e ku ta di unë, ndërsa në anën tjetër kriminelët
që janë duke e gërryer këtë vend sillen rrugëve, bile siç ka thënë Gjergj Fishta ‘hajnave
e lahperave zotni duhet me iu than’. Ne duhet të demonstrojmë, pjesa e ndershme, që
është shumica e Kosovës, duhet t’u themi se ku e kanë vendin këta kriminelë. Unë jam
shumë i bindur se nëse ne këtë e bëjmë, atëherë ne mund ta angazhojmë këtë klasë
intelektuale. Duhet t’i themi atij profesori apo atij arsimtari se ‘ti je vlerë për Kosovën’, e
jo ai krimineli që shet drogë me miliona, që del me automobila luksozë. Atë duhet kapur.
Dhe kur të respektohen ata që kanë dhënë kontributin e tij për 16 vjet, atëherë proceset
në vend do të jenë ndryshe. Unë nuk dua që fëmija im të rritet në një shtet mafioz.
Ndoshta gaboj, por koncepti im është ky, më lehtë është të jetohet në një shtet të
okupuar sesa në një shtet të okupuar nga mafia, sepse mafia mund të futet në shtëpi. Ju
e dini se ne e kemi pasur Serbinë, por të paktën në familje s’ka mundur të na hyjë. Por
sot mafia dhe krimi i organizuar të hyjnë edhe në shtëpi, ta bëjnë edhe fëmijën kriminel.
E fut në krim, në drogë, në korrupsion. Prandaj, mendoj se këto gjëra duhet të thuhen
qartë. Ta harrojmë një fjalor politik që thuhet si vjersha, me qytetarin e Kosovës duhet të
flitet me gjuhën që e merr vesh, me shqetësimet që ballafaqohet. Prandaj i ftoj sidomos
politikanët dhe analistët, ose pseudoanalistët që unë jam i sigurt se më shpesh kanë
shkuar në Shkup sesa që kanë dalë jashtë Prishtinës, të shkojnë t’i vizitojnë komunat, le
t’i shohin si jetojnë. Po ju kuptoj se kur të jepet ndihma, sikur pas rastit të trazirave të
marsit, ajo është një gjë që e kemi bërë vetë, por qeveria duhet ta ketë parasysh se ka
edhe shumë të tjerë që duhet t’iu jepet një ndihmë. Kryeministri i Kosovës duhet të
shkojë te familjet e dëshmorëve dhe t’i vizitojë dhe duhet t’iu ndihmojnë. Në këtë drejtim
ne duhet të reflektojmë ndryshe. Është koha dhe momenti për të reflektuar drejt dhe
ndryshe. Nuk mendoj se shkon në drejtim të interesit të Kosovës që ne të mbetemi në
deklarata për t’i bërë qejfin komunitetit ndërkombëtar. Ngjarjet e marsit janë si rezultat i
shkëputjes së komunikimit qytetar-institucion. Ne kemi përvoja të kaluara dhe e dimë se
çdoherë udhëheqja që është shkëputur nga shqetësimet e qytetarit, ajo udhëheqje ose
është larguar ose ka prodhuar krizë.
Nuk duhet të kursehet asnjë që është i implikuar në krim apo në korrupsion

A mendoni se mund të ecet përpara me këto dukuri negative, me korrupsion,
nepotizëm dhe me dukuri tjera devijante?

Limaj: Kjo është një çështje që do ta shqetësojë shoqërinë. Për këtë, mua nuk më
shqetëson statusi i Kosovës. Mua më shqetëson kjo. Nëse arrihet kjo se kush ka para
mund të bëjë çdo gjë, atëherë Kosova ka një fat të paqartë dhe në këtë drejtim po i ftoj
institucionet hetimore që t’i ndërpresin hetimet me vendime politike dhe mos të fillojnë
hetime me vendime politike. Le t’i lejojnë organet hetimore lirshëm ta bëjnë punën e tyre
e jo me veprime politike të lejohet ku duhet hetuar e ku jo, sepse kjo e dëmton shoqërinë
tonë. Në këtë rast sot, gjykata dhe prokuroria duhet të mbështeten, të përkrahen, të
sigurohen që ta kryejnë detyrën e tyre. Ata nuk do të mundin ta kryejnë detyrën e tyre
nëse krimi i organizuar është futur edhe brenda institucioneve. Nëse futet, atëherë
dështon në sistem. Nuk guxojmë ta lejojmë këtë, në këtë drejtim duhet të luftojmë, jo me
komisione ‘ad hoc’, por duke filluar nga standardet, të cilat duhet të përmbushen nga
ministritë, nga Parlamenti, nga Qeveria, nga partitë politike, nuk mundet qytetari i
thjeshtë t’i plotësojë standardet. Shpresoj që kjo logjikë do të fillojë të funksionojë në
Kosovë. Nuk duhet të kursehet asnjë që është i implikuar në krim apo në korrupsion, jo
në emër të politikës, për hir të një deklarate të mirë ose të një veprimi politik të kursehen
njerëzit, sepse ata ia sjellin të keqen popullit.
Institucionet duhet t’i mbrojnë me ligj kategoritë e luftës

I keni vizituar disa familje të dëshmorëve, invalidëve dhe veteranëve të luftës së
UÇK-së dhe i keni parë në kushte të mjerueshme. Çka duhet të bëjnë institucionet
tona në drejtim të përmirësimit të pozitës së tyre?

Limaj: Gjendjen e tyre e dimë të gjithë. Dilni shikoni. Televizioni juaj ka shkuar por kjo
ka mbetur vetëm aty, te media. Dora e shtetit duhet të ndihet tek ata njerëz. Një ligj, që
është miratuar, shpresoj se do t’i rregullojë problemet e tyre. Mos harroni, ushtari i UÇKsë
nuk ka nevojë për lëmoshë, as rast social nuk është, as familja e dëshmorit, ata janë
obligim i shoqërisë kosovare. Ata e kanë shtrirë dorën kur ka qenë koha e vendit të vet.
Ne e kemi obligim. Shpresoj që me miratimin e këtij ligji, përfundimisht do të fillojë
përkujdesja institucionale ndaj këtyre kategorive që janë në gjendje të rëndë. Dhe tash
po del, po e shihni qartë, se çka duhet të jetë ushtari i UÇK-së, në çfarë kushtesh janë.
Tash po shihen uzurpimet që janë bërë në 2000-2001, me dy apo tre ‘komandantë’ që e
kanë shfrytëzuar emrin e luftës, por jo ushtarët. Janë me mijëra djem që askund nuk
janë të punësuar, nuk kanë ku të jetojnë, prandaj në këtë drejtim institucionet tona duhet
t’i afrojnë, për aq sa ka mundësi. Ne e dimë sa ka mundësi kjo qeveri për të ndihmuar,
sepse buxheti i Kosovës është sa ka klubi i Barcelonës. Ato 600 milionë nuk kemi kah i
shqyejmë, mirëpo nëse edhe ai buxhet keqpërdoret, atëherë nuk mbetet asgjë për ata
njerëz. Atë që e kemi - ta administrojmë si duhet. Shpresoj që me këtë ligj do të ketë
përkujdesje institucionale. Vetëm shikoni se çfarë përkujdesje kanë pasur ushtarët në
Kroaci, në Bosnje, por në fund të fundit edhe në Serbi që e ka humbur luftën, shihni se
çfarë përkujdesje kanë, ndërsa këta njerëz që nuk kanë kërkuar asgjë prej këtij vendi e
meritojnë të paktën një respekt ndryshe. Unë e di se edhe në këtë rast qytetarët vijnë në
shprehje. Ata njerëz janë duke i mbajtur qytetarët e Kosovës, me ndihma.
Bashkatdhetarët tanë, që i kemi rrjepë me ndihma, vazhdojnë përsëri t’i ndihmojnë
familjet e dëshmorëve, invalidët. Mirëpo, ata njerëz po kërkojnë përkrahje nga
institucioni, sepse kanë luftuar për ta bërë shtetin. Dëshirojnë përkujdesje shtetërore, jo
solidaritet. Shikoni kategorinë e pensionistëve. Kur isha në Kosovë, ka qenë kryetar
Rasim Domi, ndjesë pastë. Isha në vizitë në Shoqatën e Pensionistëve dhe më treguan
se rreth 30 mijë pensionistë për tri vjet kanë vdekur. Dhe, si kanë vdekur? Ata e
meritojnë një pleqëri të dinjitetshme, sepse kanë paguar.
Në fund të fundit, krejt çka
kemi këtu është investim i tyre.

Zoti Limaj, cili është roli i mediave në këtë fazë të rëndësishme në të cilën po
kalon vendi ynë, sa janë ato transparente dhe në shërbim të interesave të
qytetarëve të Kosovës?

Limaj: Roli i mediave, unë mendoj se në këtë hapësirë demokratike dhe në këto procese
në të cilat po kalon Kosova janë tepër të rëndësishëm. Ky televizion ku jemi sot për mua
është institucion, si institucion demokratik, si pjesë e institucioneve tjera të Kosovës të
cilat e kanë barrën kryesore të ndërtimit të shtetit, atë shtet që po e ndërtojmë. Ato
fenomene që i përmenda janë pikërisht punë që duhet të bëhen nga ky televizion, për t’i
paraqitur këto qëndrime. Unë mendoj që në këtë rast, televizioni publik duhet të jetë në
shërbim të qytetarëve, jo në shërbim të grupacionit, jo në shërbim të një elite të ngushtë
të Prishtinës apo të Gjakovës. Ky TV është dritarja e qytetarëve të Kosovës. Ky duhet të
jetë edukativo-kulturor dhe duhet të jetë në shërbim të qytetarëve tanë, pasi që ne e
paguajmë këtë. Televizionet private janë tjetër, janë komerciale, është në interesin e
tyre, por TV publik ne duhet ta ruajmë, por njëkohësisht edhe TV publik duhet të jetë në
shërbim të qytetarëve. Prandaj në përgjithësi mediat mendoj se kanë një rol shumë të
rëndësishëm në zbardhjen e këtyre fenomeneve, në korrigjimin e politikës, në korrigjimin
e veprimeve tona politike, sepse ne gabojmë, mirëpo media është ajo që nuk na lë të
gabojmë dhe të harrojmë, duke hapur tema që ne pastaj duhet t’i shtyjmë në
institucione. Shpresoj se në këtë drejtim, komunikimi i mediave me politikën dhe
qytetarin duhet të përfshihet pikërisht në këtë rrugë, në drejtim të bërjes së një shoqërie
demokratike e cila ndërton dhe vlerëson vlerat dhe lufton antivlerat. Unë mendoj se
mediat në Kosovë, kushdo që shmanget nga këto vlera ose nga këto probleme negative,
nuk duhet të kursehet, pa marrë parasysh çfarë bindje politike ka. Fenomenet negative
nuk duhet të kursehen. Kushdo qoftë brenda atyre fenomeneve negative, ia paftë hajrin.

Gazetarët ju kanë shpallur personalitet të vitit, konkretisht Klubi i gazetarëve
“Beqir Musliu” në Gjilan, si e vlerësoni ju këtë mirënjohje në këtë fazë?

Limaj: Për mua është një nder i madh për vetë faktin se ka ardhur nga një shtresë e
njerëzve që janë korrigjues të politikës, hapësit e proceseve politike në vend. Prandaj,
kam qenë i nderuar me vetë faktin që ka ardhur një çmim nga një asociacion i tillë.
Shpresoj që komunikimi im edhe me atë klub dhe me të gjithë gazetarët do të jetë
komunikim transparent dhe i hapur dhe në shërbim të përbashkët. Politikani dhe gazetari
kanë diçka të përbashkët. Interesin për të servuar informacionin, gazetari për t’ia servuar
lexuesit të tij, ndërsa politikani votuesit të tij. Lufta është e dyanshme që ai informacion
të jetë sa më i drejtë, sa më i sinqertë dhe sa më shpejt të shkojë te votuesi, lexuesi ose
shikuesi në këtë rast.
Ikja e trurit nga Kosova është rreziku me të cilin do të ballafaqohemi në këto tri vjetët e
ardhshme

Ju gjithmonë i keni mbështetur iniciativat e të rinjve dhe po ashtu ata ju kanë
mbështetur gjithmonë në veprimtarinë tuaj politike. A mund të udhëheqë rinia e
Kosovës në realizimin e reformave konkrete në skenën politike të Kosovës?

Limaj: Unë mendoj që Kosova vlerën më të madhe që ka sot është faktori njeri, resurset
njerëzore. Prandaj edhe ne si klasë politike dhe si institucione duhet ta bëjmë investimin
e parë. Ne duhet të investojmë në njerëzit tanë. I vetmi shpëtim i yni do të jetë që sado
pak t’iu afrohemi atyre që kanë ecur para nesh, është nëse investojmë në gjeneratën e
re, në faktorin njeri. Duke investuar në rininë ne do të investojmë në të ardhmen e këtij
vendi, në të ardhmen e të kuptuarit, të menduarit dhe të jetuarit të jetës më të mirë në
Kosovë, sepse nga njeriu varet çdo gjë dhe në këtë drejtim Kosova ka përparësi,
Kosova e ka një numër, pjesën më të madhe gjeneratë të re, e cila është e pjekur për të
pasur mundësi edhe për të punuar edhe për të studiuar, por mbi të gjitha për të marrë
përgjegjësi. Ne e kemi një rini të përgjithshme, e cila piqet para kohe, për faktin se është
në rrethana jashtëzakonisht të vështira. Nëse kësaj rinie nuk i ofrohet perspektiva, nëse
nuk e sheh nga është e ardhmja e saj, nesër do të ndodhë ajo që po ndodh. Kujtdo që
do t’i jepet mundësia që të largohet nga Kosova. Ikja e trurit nga Kosova është rreziku
me të cilin do të ballafaqohemi në këto tri vjetët e ardhshme. Mundësitë e largimit të
trurit nga Kosova janë jashtëzakonisht të mëdha, prandaj ne duhet shpejt të bëjmë
programe strategjike që njerëzit tanë t’i shkollojmë dhe t’i kthejmë për të punuar në
Kosovë. T’u krijojmë hapësira për të punuar dhe investuar në Kosovë dhe pastaj nga kjo
krijohet hapësira edhe për gjeneratat që vijnë. Dua ta them edhe një gjë që ndoshta nuk
lidhet shumë me pyetjen. Ka mundur të bëhet deri më tani ndonjë gjë krejt e thjeshtë për
sportin kosovar. Ka mundur sporti kosovar të jetë në arenën ndërkombëtare. Mua nuk
mundet askush të më bindë që sporti kosovar nuk ka mundur këto dy vitet e fundit të jetë
në arenën ndërkombëtare. Kjo është çështje politike, kjo duhet të argumentohet. Pse
është e nevojshme që klubet kosovare të jenë në arenën ndërkombëtare? Sepse kjo rini
e izoluar në këtë mënyrë kthehet në depresion, ne edhe ashtu nuk kemi punë, nuk kemi
perspektivë, të gjithë ata talentë po mbesin. Kosova është një oazë e izoluar. Kemi
nevojë për hapje, për komunikime, për ndërlidhje rajonale evropiane, prandaj në këtë
drejtim po të dilnim me disa argumente të shëndosha, sigurisht që klubet kosovare, edhe
të basketbollit por edhe të futbollit, do të ishin në arenën ndërkombëtare. Kam biseduar
edhe me disa ndërkombëtarë që kam pasur rastin këta dy muajt e fundit, si temë që e
kam hapur, se kjo gjë ka mundur të bëhet. Pa marrë parasysh flamurit, klubi nuk ka
nevojë ta ketë flamurin e shtetit në klub, sepse e ka flamurin e vet, Prishtina e ka
flamurin e vet, ashtu edhe Drita e Gjilanit, Dukagjini e Trepça. Por mendoj, në këtë
drejtim nganjëherë gjërave po iu shkojmë ashtu çka po na del në rrugë. Duhet ta kemi
një strategji të qartë si të shkohet me gjërat më të lehta që neve na duket… dikujt i duket
asgjë sporti, por është shumë i rëndësishëm. Kultura pastaj, ajo nuk përmendet, sepse
nuk ka ndoshta shumë tenderë.
Të jesh në pozitë nuk do të thotë që e ke të drejtën ekskluzive për të bërë çka të duash
me Kosovën

Edhe një pyetje në fund zoti Limaj. Zgjedhjet lokale dhe ato në nivel qendror nuk
janë shumë larg, ju thatë se pas zgjedhjeve të ardhshme PDK-ja do t’ia shtrijë
dorën opozitës së re që do të krijohet. Çka do të thotë kjo?

Limaj: Kjo është filozofia politike që duhet ta ndërtojmë në Kosovë. Kjo s’do të thotë që
të jesh në pozitë mund të bësh çkado. Në vendet demokratike me sa di unë, opozita
është gati një lloj pushteti për pushtetin. Dmth. respektohet jashtëzakonisht shumë nga
pozita, por edhe nga opinioni dhe masa kritike. Do të thotë nesër ne si pozitë, do ia
shtrijmë dorën për të gjitha projektet me rëndësi për qytetarët e Kosovës. T’ia shtrijmë
dorën opozitës për ta dëgjuar mendimin e opozitës, por jo vetëm për ta dëgjuar, por
edhe për të marrë çdo amendament në ligjet e caktuara që janë në shërbim të vendit.
Këtu duhet të largohen energjitë negative, nuk duhet të shikohet kush po propozon, i
cilës parti, por çka po propozon dhe sa është në propozim të qytetarit. Pozitën në këtë
rast thuajse e ndihmon nëse nga opozita vijnë propozime që janë në shërbim të
qytetarit, sepse ajo i ndihmon ta bëjë qeverisjen e mirë, qeverisjen e mirë që mbështet
qytetarin. Kjo veçsa ia shton rejtningun pozitës. Pastaj ideja është kjo që të jesh në
pozitë nuk do të thotë që e ke të drejtën ekskluzive për të bërë çka të duash me
Kosovën. Jo. Të jesh në pozitë e ke përgjegjësinë më të madhe, por jo e vetmja, sepse
e ke edhe një opozitë e cila e ka një elektorat që duhet ta respektojë, duhet t’ia dëgjojë
mendimet, të jetë e durueshme. Pozita duhet të jetë e durueshme karshi opozitës.
Nganjëherë i përziejmë gjërat, sepse nga pozicioni që je e ki për obligim ta dëgjosh,
sepse opozita është korrigjuese e pozitës, apo e pushtetit. Domethënë kjo është ajo
filozofia që mendoj se duhet të shtrihet në tërësi në Kosovë dhe në një mënyrë kjo krijon
edhe hapësirën për të komunikuar dhe bashkëpunuar liderët dhe faktorët politikë të të
gjitha partive bashkë njëra me tjetrën.

[Llapi]

Nënkryetari LIMAJ: Kosovës i duhen liderë e jo politikanë

Qeveria aktuale duhet ta dijë se luftimi i korrupsionit nuk mund të bëhet pa zbatimin e masave politike dhe morale që nënkupton shkarkimin e bartësve të funksioneve publike dhe të atyre institucionale. Kjo është ajo që duhet të ndërmarrë kryeministri Çeku nëse vërtetë dëshiron ta luftojë korrupsionin. Ai ka pasur argumente të mjaftueshme për çdo ministër të kabinetit të tij dhe pjesa dërmuese e kabinetit të tij duhej të jepte dorëheqje.
- thekson në intervistën dhënë gazetës “Iliria Post”, nënkryetari i PDK-së z.Fatmir Limaj.



Z. Limaj, si e konsideroni planin e delegacionit kosovar për krijimin e dy njësive komunale në Mitrovicë?

FATMIR LIMAJ: Para së gjithash do të thosha se Kosova duhet shikuar si tërësi, sepse është në një proces shumë delikat, në atë të përmbylljes të përpjekjeve shekullore. Në kuadër të kësaj problemet e brendshme që i ka lënë paslufta dhe zhvillimet e pasluftës, duhet të ballafaqohemi me to në mënyrë të hapur, siç është çështja e qytetit të Mitrovicës. Me vetë faktin se problemi i Mitrovicës nuk është zgjidhur deri më tash, kjo ka qenë një humbje e madhe, sepse këtë problem nuk e kemi zgjidhur me kohë, në mënyrë që mos të futemi në këtë problem në bisedime. Tash edhe mund të kushtëzohemi për zgjidhje të mundshme, e cila mund të jenë jo të favorshme, po sido që të jetë jemi në këtë fazë dhe mendoj se Ekipi Negociator i ka disa objektiva të rëndësishme siç është ruajtja e tërësisë territoriale të Kosovës, e cila është në përputhshmëri me parimet e Grupit të Kontaktit, por në anën tjetër të bëjë edhe integrimin e pjesëve të territorit të Kosovës që deri më tani nuk kanë qenë të administruara as nga institucionet vendore e as nga UNMIK-u. Mund të tingëllojnë të dhimbshme zhvillimet aktuale, mirëpo për ne me rëndësi është që të integrohet vendi ynë dhe të mos krijohen ndarjet. Për integrimin e disa pjesëve duhet të bëhen lëshime sidomos ndaj kërkesave të minoriteteve. Në këtë proces të integrimit duhet të gjenden forma të pranueshme edhe për shumicën edhe për pakicat.

Në bazë të vlerësimeve të analisteve sa i përket dokumentit të Rohanit për decentralizimin, por edhe për planin kosovar për Mitrovicën, ka vlerësime se nëse realizohen këtë plane kriza do të mbete e hapur. Si e vlerësoni ju këtë çështje?

FATMIR LIMAJ: Bisedimet mund të duken rutinë, edhe pse nuk guxojnë të duken rutinë për ata që marrin pjesë në to, sepse ato janë shumë të rëndësishme dhe është një projekt jetësor për vendin tonë. Në këto bisedime çdo fjalë duhet të matet mirë dhe duhet të jemi të kujdesshëm se në çka po hyjmë, çka po përfitojmë dhe si po dalim nga këto bisedime. Për mua nuk është e rëndësishme fjala pavarësi, por është e rëndësishme se si do të duket ajo pavarësi, pra si do të dalë Kosova nga bisedimet, se a do të dal si një shtet funksional apo si një shtet i dështuar. Për të dalë një shtet funksional duhet të angazhohen të gjithë ekspertët, në mënyrë që të matet mirë çdo hap që bëhet në bisedime. Nuk duhet që në këto bisedime të merren obligime që pastaj do të na shndërroheshin në pengesa për zhvillimin e vendit. Ne duhet të marrim obligime të cilat mund t`i përmbushim. Qarqet të caktuara në Beograd kanë qëllime të ndryshme. Qëllimi i tyre i parë ka qenë ta mbajnë Kosovën nën Serbi, gjë që tash nuk është më në tavolinë, kanë pasur qëllime ta ndajnë Kosovën, edhe kjo më nuk është në tavolinë edhe pse Beogradi po vazhdon të ketë tendenca të tilla. Megjithatë, tash është alternativa e tretë që të paktën Kosova të bëhet një shtet jofunksional. Në qoftë se nesër Kosova nuk i ka organet të cilat e kontrollojnë në tërësi territorin e Kosovës, në qoftë se këtu do të kemi lidhje me komuna ekskluzivisht të komuniteteve të caktuara, këto mund të parashihen si vatra krize, të cilat do të pengojnë zhvillimet e vendit. Për këtë, koncepti i decentralizimit para së gjithash duhet ta ketë prioritet qytetarin, pavarësisht se cilit etniteti i takon. Ne patjetër se duhet ta kemi parasysh funksionalitetin e përgjithshëm të Kosovës. Kosova si një shtet i dëmtuar nuk do të ishte dëm vetëm për ne, por do të ishte destabilizuese për gjithë rajonin.

Çka mendoni për planin e Rohanit, kur ai mbështetet mbi baza etnike e jo qytetare?

FATMIR LIMAJ: Projekti të cilin duhet ta mbështesë Delegacioni i Kosovës është projekti që do të marrë parasysh interesat legjitime të minoriteteve në Kosovë, në këtë rast edhe të serbëve. Mirëpo, këto interesa do të merren parasysh deri aty ku nuk e dëmtojnë funksionalizimin e shtetit të Kosovës. Në momentin kur rrezikohet funksionimi i shtetit Delegacioni Kosovar duhet të jetë shumë i qartë dhe nuk duhet të hyjë në ujëra të tilla, një situatë e tillë nuk është na favor të akujt, bile as të minoritetit serb.

KQM-ja ka kërkuar të krijohet një qeveri teknike, a do të thotë se qeveria aktuale nuk është efikase?

FATMIR LIMAJ: Ju mund ta shihni. Në Kosovë është përmbysur atmosfera e punës në qeveri. Kjo qeveria e ka të vështirë ta rikthejë atmosferën e punës në marrjen dhe zgjidhjen e problemeve të qytetarëve. Në opinion dominon përshtypja se kjo qeveri është joprofesionale, e korruptuar dhe joefikase. Kjo është një atmosferë që dominon në opinionin kosovar dhe është e pamundur të mos reflektohet brenda në qeveri dhe në punën e saj të përditshme. Unë dyshoj që me këtë frymë do të mund të ecim përpara. Do të ishte mirë që të ndërrohej kjo atmosferë dhe të bëhej një reformim i qeverisjes, jo duke e ndërruar një njeri, por duke e ndërruar qasjen në qeverisje dhe në ekip. E di që në koalicionin qeveritar ka njerëz që dinë të qeverisin më mirë se deri tash, andaj duhet të veprohet më shpejtë dhe të gjinden zgjidhje të tjera më të mira. Propozimi i KQM-së mund të shihet si një zgjidhje për ta tejkaluar këtë gjendje.

Çka mendoni për auditimin e përgjithshëm që ka filluar?

FATMIR LIMAJ: Megjithëse raportet janë alarmante është mirë kjo që po ndodh me auditimin, por çka do të ndërrojë mbetet të shihet, megjithëse raportet e para vetëm tregojnë për një menaxhim të keq, joprofesionalizëm. Unë e përshëndes iniciativën e kryeministrit Çeku për antikorrupsion, po në anën tjetër nuk mund të kuptoj një gjë, kur Çeku në të njëjtën kohë shpall luftën antikoruptive dhe në të njëjtën kohë mbron kabinetin e tij. Çeku e ka gjetur këtë kabinet dhe ai është bërë pjesë përbërëse e tij, pasi ai ka shkuar aty pa ndërruar asgjë. Qeveria aktuale duhet ta dijë se luftimi i korrupsionit nuk mund të bëhet pa zbatimin e masave politike dhe morale që nënkupton shkarkimin e bartësve të funksioneve publike dhe të atyre institucionale. Kjo është ajo që duhet të ndërmarrë Çeku nëse vërtetë dëshiron ta luftojë korrupsionin. Ndërkaq, provat dhe faktet nuk i dërgohet kryeministrit Çeku, por gjykatës dhe kjo nuk është punë e opozitës, por e gjykatës dhe e prokurorisë. Për t’u thirrur në përgjegjësi politike, kryeministri Çeku ka pasur argumente të mjaftueshme për çdo ministër të kabinetit të tij dhe pjesa dërmuese e kabinetit të tij duhej të jepte dorëheqje, pikërisht për shkak të përgjegjësive politike. P.sh. kemi rastin e rrugës magjistrale Prishtinë-Shkup, e cila për 50 ditë rresht ka qenë e mbyllur. Për këtë problem, qytetarit nuk i intereson se a ka pasur korrupsion ose cila firmë ka punuar në atë rrugë. Unë e di se ka përgjegjës për këtë problem. Ka qenë një ministër dhe ky ministër për 51 ditë nuk ka pasur mundësi ta zhbllokojë këtë rrugë. Ky mosefikasitet i ministrit i ka sjellë dëme me vlerë 50 milion euro Kosovës, që për të janë shumë. Në emër të kësaj, ai ministër do të duhej të japte dorëheqje, kjo është përgjegjësia publike. Ndërkaq, kemi ministra që thonë se për simpati personale ndajnë mjete financiare. Unë nuk jam kundër ndarjeve të mjeteve edhe për videoklipe të tilla, por të thuhet se e bëjnë për simpati, kjo është një fyerje që u bëhet tatimpaguesve kosovarë. Ka edhe shumë e shumë raste kur ministrat është dashur të thirren në përgjegjësi publike. Në përgjegjësinë penale nuk të pyet askush, por të merr dhe ti vë prangat dhe të dërgon në burg. Kur të vijnë provat dhe dëshmitë për korrupsion nuk vepron Kryeministri, por organi policor dhe hetuesi gjyqësor. Kryeministrit duhet të veprojë në menaxhim e keq dhe në rastet kur dëmtohet imazhi i qeverisë.

Për të funksionuar një shtet janë përgjegjësitë edhe të qytetarit. Çka do të garantonte funksionimin e shtetit të Kosovës, posaçërisht në komunat që do të krijohen më shumicë etnike serbe, në kuptimin e obligimeve të këtyre qytetarëve ndaj shtetit?

FATMIR LIMAJ: Detyra jonë është t’u ofrohet hapësira demokratike, t`u ofrohen të gjitha kushtet që ata të ndihen mirë brenda këtij shteti. Mirëpo, ky shtet do t’ia ofrojë qytetarit të gjitha kushtet, në këtë rast edhe komunitetit serbe deri në atë pikë kur nuk rrezikohet funksionalizimi i shtetit. Këtu është vija. Çdo tendencë, jashtë kërkesave për një jetë më të mirë do të jetë e papranueshme, sepse shteti mund t`u ofrojë pakicave kushte deri kur nuk rrezikohen interesat e grupit tjetër të qytetarëve, sepse shteti i ka parasysh interesat e të gjithë qytetarëve.

Megjithatë, decentralizimi po bëhet mbi baza etnike, a po eksperimentohet me Kosovën?

FATMIR LIMAJ: Çdo krizë është rast specifik, dhe në këtë rast mund të përdoret diçka në Kosovë që më herët nuk është përdorur. Procesi i decentralizimit është diçka më shumë, ai është një proces i vazhdueshëm. Në rastin tonë, më shumë kemi të bëjmë me çështje politike dhe kemi të bëjmë me format dhe mënyrat se si do t`u ofrohen garanci minoritetit serb.

Kemi edhe problemin me çështjet pronësore, si do të zgjidhen këto probleme, është edhe çështja e eksterritorialiteti të objekteve religjioze?

FATMIR LIMAJ: Çështja e pronës është shumë delikate dhe unë mendoj se do të gjenden forma për t`u diskutuar edhe ky problem ndoshta do të gjejë vend edhe në bisedimet në Vjenë. Mirëpo, ky problem nuk do të mund të zgjidhet menjëherë. Duhet të përdoren format demokratike të vendeve më të zhvilluara. Është rasti i manastirit të Deçanit, ku 800 hektarë tokë janë të ndaluara për t`u punuar nga pronarët. Kjo nuk mund të bëhet në këtë mënyrë. Manastiri i Deçanit nuk mund të ruhet duke marrë ata hektarë tokë dhe duke i bërë tampon-zonë. Edhe pa ngjarjet e marsit, ne vazhdimisht monumentet tona kulturore historike i kemi ruajtur vetë. Njerëzit që i kanë tokat rreth atij manastiri, janë më të merituarit për mbijetesën e këtij monumenti deri më tash.

A mund të kemi konflikt në rrafshin e sigurisë?

FATMIR LIMAJ: Ne jemi në një fazë të rëndësishme dhe në këtë aspekt të gjithë jemi bashkë. Ekipi negociator është duke punuar shumë mirë në këtë drejtim. Megjithatë, qytetarët duhet të kuptojnë se angazhimi në procesin e statusit nuk nënkupton heshtjen e problemeve të brendshme dhe se opozita duhet të luaj rolin e vet për këtë gjë. Ne duhet t`i përmbushim standardet, jo se kërkohet nga ne, por sepse ato janë në të mirë të jetës së qytetarëve. Standardi për të qenë Kosova një oazë demokratike kërkon kohë. Por, komuniteti ndërkombëtar nga ne kërkon qasje serioze për standardet, sepse ato kanë të bëjnë me diçka që janë në shërbim të vendit tonë. Këto standarde do të na përgatitin që të jemi pjesë e Evropës së bashkuar. P.sh. lufta kundër korrupsionit është punë e jona, transparenca dhe lëvizja e qytetarëve nuk janë çështje të papërballueshme, por janë çështje esenciale për funksionalizimin e një shteti demokratik, sepse askush nuk është kundër një jete më të mirë dhe kundër një sigurie të plotë.

A ka dështuar UNMIK-u në Kosovë?

FATMIR LIMAJ: Nuk do të thosha që UNMIK-u ka dështuar, ka punuar këtu, ka raste kur ka bërë punë të mirë, mirëpo ka fusha edhe ku ka pasur gabime. Marrë në përgjithësi, tash UNMIK-u është para përfundimit të qeverisjes së vetë dhe Këshilli i Sigurimit i OKB-së është ai i cili e vlerëson punën e UNMIK-ut në Kosovë.

Koha kur duhet të mbahen zgjedhjet lokale është afër, a mendoni se do të shtyhen ato?

FATMIR LIMAJ: Ne së bashku do të marrim qëndrim në konsultim me partitë tjera. Mirëpo, PDK-ja parimisht është e pajtimit për t`u mbajtur këto zgjedhje. Është koha e fundit që zgjedhjet të mbahen me lista të hapura, në mënyrë që qytetarët tanë të dinë se për kë po votojnë. Pas kësaj do të shqyrtohet mundësia që kryetari i Kuvendit Komunal të zgjidhet drejtpërdrejt. Zgjedhjet e kaluara kanë qenë demokratike, por nuk kanë qenë në të mirë të qytetarëve, sepse nuk ia kanë zgjedhur njerëzit që i dëshironin. Qytetarët janë kufizuar të zgjedhin partinë. Pra, duhet që t`ia japim qytetarit mundësinë që ai vetë, me votën e tij t`i ndëshkojë individët që menaxhojnë keq.

Cila do të jetë e ardhmja e TMK-së?

FATMIR LIMAJ: TMK-ja e ka kryer punën e saj. Ata ushtarë e kanë kryer punën e tyre dhe tash varet nga politika se çfarë do të ndodhë me këtë trup. Ata kanë përmbushur kërkesat që janë shtruar ndaj tyre si nga vendorët edhe nga ndërkombëtarët. Tash vendimi i mbetet politikës. Megjithatë, unë jam optimist që TMK do të jetë një ushtri e ardhshme e Kosovës, se si do te duket kjo nuk është me rëndësi, me rëndësi është se ajo do të jetë ushtria e ardhshme e vendit.

Çka pas statusit?

FATMIR LIMAJ: Ky është shqetësimi im kryesor. Pavarësia nuk do t`i mbyllë, përkundrazi ajo do të hapë probleme të tjera.
Qytetarët janë të gatshëm të presin sot dhe të durojnë gjendjen e vështirë ekonomike për shkak të statusit, por kjo nuk do të ndodh pas zgjidhjes së statusit. Për këtë elita politike duhet të përgatitet me projekte se si do të qeverisim vendin pas pavarësisë. Ne duhet të ndërtojmë partnership mes politikanëve shtetndërtues dhe biznesmenëve shtetndërtues. Dallimi mes nje lideri dhe politikani qëndron në atë se politikani kalkulon për përfitime të veta politike dhe mund të duket një politikan i suksesshëm, ndërsa lideri është diç tjetër, ai mund të futet në projekte të mëdha edhe pse ato mund t’ia rrezikojnë karrierën politike, por janë në shërbim të vendit. Ne na duhen liderë e jo politikanë.

[ARIANI_TB]

FATMIR LIMAJ: E VËRTETA E KOSOVËS ËSHTË E VËRTETA E USHTARIT TË UÇK-SË, ËSHTË LIRIA E KOSOVËS - Fjalimi i Fatmir Limës mbajtur në Kleçkë

Ne e dimë pse kemi luftuar. Ne kemi luftuar për lirinë e vendit tonë, ne nuk kemi luftuar për të robëruar të tjerët, ne kemi luftuar që këto troje të frymojnë lirshëm për të gjithë, për të gjithë ata që dëshirojnë të jetojnë në këtë vend. Kjo liri nuk mund të kufizohet as për ne, as për dikend tjetër, ajo është e tërësishme dhe ashtu do të frymojë. Kjo ishte edhe ëndrra e atyre që dhanë jetën për lirinë e këtij vendi.
- theksoi ish-anëtari i SHP të UÇK-së, ish-komandanti i Brigadës 121 të UÇK-së, tani nënkryetar i PDK-së z.Fatmir Limaj në manifestimin përkujtimor për dëshmorët e kësaj brigade, që u mbajt në Kleçkë.



Fjalimi i Fatmir Limës mbajtur në këtë manifestim përkujtimor


Të nderuar qytetarë, të nderuara familje të dëshmorëve, i nderuar z. kryetar, të nderuar përfaqësues të institucioneve vendore dhe ndërkombëtare,

Sot për ne bashkëluftëtarët dhe shokët e të gjithë dëshmorëve anë e kënd Kosovës dhe posaçërisht të dëshmorëve të Brigadës 121 është një datë e veçantë, edhe e dhimbshme, edhe krenarie.

Sot jemi mbledhur këtu për të bërë përurimin e Kompleksit të varrezave të atyre djemve dhe vashave, që na dhanë lirinë, të atyre që na dhanë dinjitet, të atyre që këtë popull 100 vjet lypës, e shndërruan në një popull dhënës.

Duke iu falënderuar atyre, ne edhe po jetojmë, edhe po frymojmë, edhe po veprojmë, në lirinë e Kosovës. Nderi dhe respekti iu takon atyre që dhanë çdo gjë për ta krijuar këtë mundësi që e kemi ne sot. Nderi dhe respekti iu takon atyre, të cilët çështjen e lirisë së Kosovës, çështjen e të ardhmes së Kosovës e vendosën në momentin kur i morën armët për lirinë e vendit të tyre.

Të nderuar familjarë të dëshmorëve, të nderuar veteranë, të nderuar invalidë të luftës, qytetarë të nderuar,

Të gjithë e dimë që kategoritë që sakrifikuan më së shumti për lirinë e Kosovës, familjarët e dëshmorëve, veteranët dhe invalidët e luftës, për shtatë vite nuk e gëzuan mbështetjen dhe përkujdesjen ashtu siç edhe e meritojnë.

Në vend që këtë liri për të cilën sakrifikuam të gjithë së bashku, na dolën edhe beteja tjera, angazhime tjera, sfida tjera.

E dimë që fëmija i dëshmorit nuk është në statusin e merituar, gjithashtu e dimë që veterani i UÇK-së ende bën përpjekje për ta siguruar kafshatën e bukës, e dimë që invalidi i UÇK-së ende kuron plagët e tij dhe shëron dhimbjet e tij.

E di që në momente të caktuar janë ndier të përbuzur. Por, ftoj dhe kërkoj në emër tyre që gjithë së bashku t’iu themi të gjithë atyre që kanë menduar që mund të na thyejnë, që mund të na dëshpërojnë, që mund të na largojnë nga ndërtimi i shtetit të Kosovës, se kanë gabuar rëndë, sepse ne kemi kaluar edhe situata më të vështira dhe nuk do të thyhemi në ndërtimin e shtetit tonë.

Beteja për Kosovën nuk është duke u bërë vetëm në bisedime, betejën për Kosovën janë duke e bërë ushtarët e Trupave të Mbrojtjes së Kosovës, betejën për Kosovën janë duke e bërë veteranët dhe invalidët e Ushtrisë Çlirimtare të Kosovës, betejën për Kosovën janë duke e bërë gjithë këta djem që janë në burgjet e Kosovës dhe në burgun e Hagës.

Nëse dikush ka kërkuar që ta paguajmë edhe këtë çmim për lirinë dhe pavarësinë e Kosovës, ne kemi qenë të gatshëm t’i bashkohemi radhëve të amshuar të këtyre burrave, që kanë dhënë jetën për lirinë e Kosovës dhe gjithashtu jemi të gatshëm t’i përballojmë edhe këto sfida, edhe këto sprova, që na i ka paraqitur dikush, në emër të gjoja vërtetësisë së pastërtisë së luftës çlirimtare të Kosovës.

A ka luftë më të pastër të një ushtrie, sesa kur një ushtri mbron mbi 80 mijë civilë të këtij rajoni. A ka të vërtetë më të madhe sesa e vërteta e qytetarëve të Kosovës, e qytetarëve që jetojnë në këto treva. E vërteta e Kosovës, është e vërteta e ushtarit të Ushtrisë Çlirimtare të Kosovës dhe e vërteta e UÇK-së është liria e Kosovës.

Sot në mesin tonë mungojnë shumë shokë, ata të cilët kanë dhënë jetën për vendin tonë, për lirinë tonë, për fëmijët tanë. Ne shokët e tyre i dimë ëndrrat e tyre, ne e dimë se si e kanë ëndërruar ata Kosovën, ne e dimë se çka kanë planifikuar ata në lirinë e Kosovës, se si do të punojnë në lirinë e Kosovës, ne të gjithë kemi pasur ëndrra në lirinë e vendit tonë.

Fatkeqësisht, këto ëndrra nuk kemi mundur t’i realizojmë dhe pjesë e asaj që nuk kemi mundur t’i realizojmë janë shokët tanë që dhanë jetën për këtë liri, për të realizuar ne të gjallët ëndrrat e tyre. Por, një gjë duhet ta keni parasysh, ëndrra e dëshmorëve të Ushtrisë Çlirimtare të Kosovës është thellë në qenien, në ndërdijen, në rrymimin e çdo pjesëtari të UÇK-së, që është në mesin tuaj, sepse të gjallët janë po aq meritorë për lirinë e vendit që e kemi e gëzojmë ne sot, ata janë garanci të pavarësisë së Kosovës.

Ne e dimë pse kemi luftuar. Ne kemi luftuar për lirinë e vendit tonë, ne nuk kemi luftuar për të robëruar të tjerët, ne kemi luftuar që këto troje të frymojnë lirshëm për të gjithë, për të gjithë ata që dëshirojnë të jetojnë në këtë vend. Dhe, kjo liri nuk mund të kufizohet as për ne, as për dikënd tjetër, është e tërësishme dhe ashtu do të frymojë. Kjo ishte edhe ëndrra e atyre që kanë dhënë jetën për lirinë e këtij vendi, prandaj qytetarë të nderuar, ju ftoj të ruani dhe të përkujtoni komplekse, memoriale, varreza, familje të dëshmorëve, mos mendoni që i nderoni ata, ardhja për të kujtuar ata që kanë dhënë jetën për lirinë e Kosovës është nder për ne, jo për ta, ata kanë dhënë çfarë kanë pasur të japin, është nder për ne për të ardhur për të marrë nder dhe burrëri para varrezave të dëshmorëve. Është mirë sidomos për ne politikanët që të zgjohemi dhe të shohim dhe të korrigjohemi se çka duhet bërë për Kosovën.

Asnjëherë nuk është pak ose shumë për të bërë për këtë vend, se argument më i madh për të bërë për këtë vend janë këta djem dhe vasha që kanë dhënë jetën për këtë tokë.

Prandaj, të nderuar qytetarë,

Në këto momente të rëndësishme në të cilat po futet vendi ynë, ftoj që ta nderojmë veten tonë, të vlerësojmë që lirinë tonë nuk na ka falur askush, t’i nderojmë ata që dhanë çdo gjë për ne.

Në këto momente kur po vendoset ajo që është vendosur në vitin 1999 duhet treguar edhe një herë qartë se athua si do të ishte larguar Serbia nga Kosova. Në këtë kontekst, unë dua t’i them vetëm dy fjalë për ta përmbyllur fjalimin tim.

Pas takimit të parë të delegacionit të Kosovës me atë serb, pas kthimit nga Vjena, delegacioni ynë tha se kemi fituar në betejën e parë në bisedime 1:0. Athua po të ishte mbajtur ky takim në vitin 1997, çka do të thoshte delegacioni i Kosovës në aeroportin e Prishtinës? Përsëri do të thoshte se kemi fituar, se e kemi mundur Serbinë dhe nga 50 mijë ushtarë serbë kemi arritur t’i zvogëlojmë në 25 mijë dhe nga 30 mijë policë serbë, në 15 mijë. Pse nuk ndodh kjo sot? Sepse, këtë punë e ka pastruar Ushtria Çlirimtare e Kosovës, qysh në qershor të vitit 1999.

Qytetarë të nderuar,

E shihni se çfarë ndryshime epokale kanë ndodhur në Kosovë. Sot, siç e thashë edhe në fillim, për herë të parë në historinë e vendit tonë jemi në pozita të dhënësit, e jo të lypësit, sot jemi shumicë, e cila ka përgjegjësi. Kemi privilegj për ta qeverisur vendin, por vendi nuk ka vetëm privilegje, por ka edhe përgjegjësi, prandaj duhet të jemi të përgjegjshëm për të krijuar hapësira demokratike të mjaftueshme për të gjithë, që do të jenë garanci për ndërtimin e shtetit të Kosovës.

Në fund, dua ta parafrazojë një varg nga një poezi e një dëshmori të kombit. i cili pat shkruar para se të vritej kështu:
Nëse doni t’i nderoni dëshmorët, mos shkoni t’i vizitoni varrezat e tyre,
Nëse doni t’i nderoni dëshmorët, mos hidhni lule në varret e tyre,
Nëse doni t’i nderoni dëshmorët, mos i vizitoni familjet e tyre,
Nëse vërtetë doni t’i nderoni dëshmorët, vazhdoni rrugës së tyre, aty i keni parë familjet e tyre, fëmijët e tyre dhe aty i keni nderuar vetë dëshmorët.

Lavdi për të gjithë të rënët për lirinë e Kosovës.

[Llapi]

Në asnjë mënyrë dhe me asnjë çmim nuk do ta lejojmë ndarjen e Kosovës – potencon nënkryetari Limaj

29.09.2006
Nënkryetari i PDK-së dhe njëkohësisht anëtar i Delegacionit të Kosovë në bisedime për çështjen e komuniteteve, z.Fatmir Limaj, në një intervistë të drejtpërdrejtë dhënë Radio Dukagjinit theksoi se në asnjë mënyrë, me asnjë çmim, klasa politike e Kosovë nuk do të lejojë ndarjen e Kosovës.
Limaj po ashtu ka thënë se në shtetin e ri të Kosovës, qytetarët shumicë nuk do të sundojmë mbi qytetarët pakicë, por do qeverisim për të ndërtuar realitetin e shtetit funksional të Kosovës, i cili do të jetë në shërbim të interesave të të gjithë qytetarëve.

Nënkryetari i Partisë Demokratike të Kosovës z.Fatmir Limaj, duke folur rreth procesit negociator për statusit të Kosovës dhe rreth njohjes ndërkombëtare të pavarësisë së Kosoës, në emisionin e sontëm të radios Dukagjini ka theksuar:

“Detyrë e Parlamentit të Kosovës është që në momentin kur shfuqizohet rezoluta 1244 e OKB-së, këtë vakum duhet ta plotësojë me mbajtjen e një seance solemne për të shpallur shtetin e Kosovës. Kjo është përgjigjja më e mirë që mund t’i jipet Beogradit dhe Kushtetutës serbe. Dhe atëherë do të vërtetohet se efektet e Kushtetutës së Serbisë janë për konsum të brendshëm dhe nuk kanë asnjë ndikim në zhvillimet politike në Kosovë” theksoi nënkryetari i PDK-së.

Duke folur rreth projektit të Ekipit Negociator të Kosovës për Mitrovicën, projekt ky i iniciuar nga –ish-kryeministri z.Bajram Rexhepi, Limaj theksoi se është i vetmi projekt serioz për ta integruar pjesën veriore të Kosovës në kuadër të tërësisë territoriale të Kosovës. Këtë gjë, sipas nënkryetarit të PDK-së e ka kuptuar edhe bashkësia ndërkombëtare dhe poashtu duhet ta kuptojnë edhe vetë qytetarët e vendit.

Nënkryetari Limaj, vazhdoi intervistën e tij të sontme në Radio Dukagjini, duke siguruar qytetarët e Kosovës se:
“Në asnjë mënyrë nuk do të pranojmë ndarjen e asnjë milimetri të territorit të Kosovës. Këtë nuk do ta bëjmë me asnjë çmim dhe me asnjë presion. Qytetarët e Kosovës duhet ta heqin çdo dilemë rreth kësaj çështjeje. Ne nuk jemi të gatshëm dhe nuk kemi mandat të bëjmë pazarllëqe me territorin e Kosovës”.

“Serbët e Kosovës duhet që sa më parë të kuptojnë realitetin e ri dhe të fillojnë ndërtimin e një jete të re në një shtet të ri të quajtur Kosovë, i cili do të qeveriset nga shumica, por jo që do të sundohet nga shumica, sepse ne nuk do të sundojmë askënd.Ne do të qeverisim vendin tonë në bazë të normave dhe standardeve demokratike, që nënkupton që vullneti i shumicës është përcaktues. Ne në këtë rast nuk po bëjmë asgjë tjetër, veçse po zbatojmë normat ndërkombëtare, në bazë të së cilave funksionojnë të gjitha shtetet e botës” – potencoi nënkryetari i Partisë Demokratike të Kosovës.

Duke u fokusuar më tej në këtë çështje, anëtari i Delegacionit të Kosovës për çështjen e komuniteteve z.Fatmir Limaj u shpreh:
“Serbët do të kenë hapësirën e mjaftueshme për t’u integruar në institucionet tona, edhe në jetën e përditshme dhe do të kenë po ashtu instrumente të mjaftueshme për t’i mbrojtur interesat e tyre, si komunitet dhe si individë”.



--------------------------------------------------------------------------------------------------

Nënkryetari Limaj: Kosovën do ta bëjmë shtet funksional - nuk do ta lejojmë bosnizimin e saj

29.09.2006
Nënkryetari i PDK-së z. Fatmir Limaj mori pjesë sot në Akademinë përkujtimore kushtuar dëshmorit të kombit Ferki Aliu, që u mbajt në shtëpinë e kulturës “Hasan Prishtina” në Vushtrri.
“Ne në asnjë mënyrë nuk do ta lejojmë bosnizimin e Kosovës, sepse kjo nuk është në interes të askujt”
- premtoi nënkryetari Limaj para qytetarëve të shumtë që ishin mbledhur në shtëpinë e kulturës në Vushtrri.

Duke i përshëndetur familjet e dëshmorëve dhe të pranishmit tjerë nënkryetari i partisë më të madhe opozitare në vend, z.Fatmir Limaj theksoi se “Kosova, pavarësinë e saj e ka fituar në qershor të vitit 1999. Kjo është bërë e mundur në saje të luftës së UÇK-së dhe gjakut të mijëra dëshmorëve, që kanë rënë për lirinë e Kosovës”.

Nënkryetari i Partisë Demokratike të Kosovës më tej u fokusua në mospërkujdesjen e duhur institucionale për familjet e dëshmorëve, për invalidët dhe veteranët e luftës së UÇK-së, duke potencuar se institucionet e Kosovës as pas 7 vjetësh të pasçlirimit nuk kanë arritur të ndërtojnë përkujdesje për ato kategori, që kanë kontribuar e sakrifikuar më së shumti për lirinë, që gëzojmë sot.

Politikani karizmatik i PDK-së gjatë fjalimit të tij në Vushtrri garantoi të pranishmit, që me angazhimet serioze dhe të vazhdueshme do të arrijmë ta bëjmë Kosovën shtet funksional, shtet i cili garanton të drejtat e të gjithë qytetarëve, shtet i cili do të garantojë hapësirat e duhura demokratike për të gjithë.

“Ne në asnjë mënyrë nuk do ta lejojmë bosnizimin e Kosovës, sepse kjo nuk është në interes të askujt”.premtoi nënkryetari Limaj para qytetarëve të shumtë që ishin mbledhur në shtëpinë e kulturës në Vushtrri.

Adresimin e tij në akademinë përkujtimore për dëshmorin Ferki Aliu, nënkryetari i Partisë Demokratike të Kosovës e përfundoi duke shprehur nderin, respektin dhe lavdinë për të gjithë dëshmorët e lirisë.
“Nder, respekt dhe lavdi të gjithë atyre që e kanë dhënë jetën për lirinë e Kosovës, ndërsa qofshin faqebardhë ata që vazhdojnë të kujtojnë veprën e tyre dhe ta realizojnë në vepër ndërtimin e një Kosove të re dhe demokratike” përfundoi ish-anëtari i SHP të UÇK-së z.Fatmir Limaj.

[Llapi]

Nënkryetari Limaj: T’i kryejmë detyrat tona si politikanë dhe si qytetarë për të finalizuar ndërtimin e shtetit funksional të Kosovës

05.10.2006
- Kemi shumë për të bërë, duhet ta hartojmë dhe ta miratojmë Kushtetutën e Kosovës, ta finalizojmë aspiratën tonë, për të cilën jemi përkushtuar deri më tani - ndërtimin e shtetit të pavarur dhe sovran të Kosovë, që do të jetë një shtet para së gjithash funksional.
theksoi ndër të tjera nënkryetari i PDK-së z.Fatmir Limaj pas takimit me zëvendësshefin e UNMIK-ut z.Steven Schook.



“Ekipi Negociator duhet të jetë shumë më i angazhuar, më aktiv dhe të jetë karshi përgjegjësisë që ka për zhvillimet që po ndodhin. Procesi negociator për ne është jetik dhe ne si Kosovë, por veçmas anëtarët e Ekipit Negociator duhet të jenë shumë të ndërgjegjshëm dhe të përgjegjshëm për rolin që kanë për përmbylljen e procesit për definimin e statusit të Kosovës”- theksoi nënkryetari i PDK-së, Fatmir Limaj pas takimit me zv.kryeamdinistratorin Schook.

“Jemi në prag të përmbylljes së statusit final, në prag të realizimit të aspiratave tona, mirëpo ne duhet t’i kryejmë detyrat tona. Mendoj që kosovarët duhet të mobilizohen për të kryer pjesën e fundit të punës së tyre. Kemi shumë për të bërë, para së gjithash duhet ta hartojmë dhe ta miratojmë Kushtetutën e Kosovës, ta finalizojmë aspiratën tonë, për të cilën jemi përkushtuar deri më tani, ndërtimin e shtetit të pavarur dhe sovran të Kosovë, që do të jetë një shtet para së gjithash funksional” theksoi nënkryetari i PDK-së z.Fatmir Limaj.

Nënkryetari Limaj po ashtu tha se “ne duhet t’i vazhdojmë angazhimet tona edhe si politikanë, edhe si qytetarë, t’i kryejmë detyrat tona, që nuk janë edhe aq te vogla, në mënyrë që të jemi të përgatitur për të hyrë në një fazë të re të ndërtimit të vendit tonë”.

[Llapi]

Nënkryetari Limaj dhe zëvendëskryeministri i Maqedonisë Selmani shprehen për thellimin e bashkëpunimit mes dy vendeve

16.10.2006
Nënkryetari i Partisë Demokratike të Kosovës z.Fatmir Limaj, priti sot Zëvendëskryeministrin e Maqedonisë z.Ymer Selmani.
Në takim u diskutua për rrjedhat aktuale politike në Kosovë dhe në Maqedoni, me fokus të veçantë në procesin negociator për statusin politik të Kosovës, ku PDK-ja po luan rolin e saj shumë thelbësor dhe konstruktiv.



Pas takimit, z.Limaj dhe z.Selmani u deklaruan para gazetarëve.

Nënkryetari politik i PDK-së z.Fatmir Limaj, i cili në takim shoqërohej nga nënkryetari z.Hajredin Kuçi, sekretari për marrëdhënie me publikun z.Enver Hoxhaj dhe sekretari organizativ z.Fehmi Mujota, fillimisht theksoi se në takim me zëvendëskryeministrin e Maqedonisë z.Selmani është diskutuar për bashkëpunimin midis dy vendeve, bashkëpunim ky që është duke shkuar në rrugën e duhur dhe duke u thelluar edhe më tepër.

Gjithashtu nënkryetari Limaj uroi zëvendëskryeministrin Selmani për ndërtimin e koalicionit qeverisës, që është formuar pas zgjedhjeve të fundit në Maqedoni, duke shprehur besimin se ky koalicion do të avancojë të drejtat e shqiptarëve në Maqedoni dhe do të bëjë implementimin e plotë të Marrëveshjes së Ohrit.

Në takim është biseduar edhe për thellimin e bashkëpunimit mes dy subjekteve politike, Partisë Demokratike të Kosovës dhe Partisë Demokratike Shqiptare.

Zëvendëskryeministri i Maqedonisë z.Ymer Selmani nga ana e tij falënderoi nënkryetarin e PDK-së z.Fatmir Limaj për mbështetjen e Partisë Demokratike të Kosovës për avancimin e proceseve integruese mes dy vendeve.

“Edhe njëherë konfirmuam qëndrimin e Qeverisë së Maqedonisë që definomi i statusit politik të Kosovës duhet të përfundojë në mënyrë paqësore, me respektimin e plotë të vullnetit politik të popullit të Kosovës”, theksoi zëvendëskryeministri Selmani.

Në vazhdim z.Selmani vuri në dukje rolin e PDK-së në procesin aktual politik.
“Ne e dimë vlerën e Partisë Demokratike të Kosovës, e cila si parti opozitare ka një obligim shumë të madh të kontribuojë në përmbylljen e zgjidhjes së statusit përfundimtar të Kosovës”

[Brari]

a po e bani dhe llapushnikin muze per limen o llap..

vendosni nji pllak mermeri qatu me kte mbishkrim..

ktu luftoi kunder katundareve ldk-iste dhe i torturoi ata pa u lodhur dhe fendi papushim duhan mallboro pa pare gjeneralli legjendar fatmir limaj..


ciceron i muzeut bahet isaki.. e merr dhe ni rrog te mir qaty..


...

[Llapi]

Kosova do të bëhet shtet, do ta ketë ushtrinë dhe diplomacinë e saj - shprehet i bindur nënkryetari Limaj



20.10.2006
“Argumentet e fuqishme për pavarësinë e Kosovës janë ndërtuar me luftën çlirimtare, që është zhvilluar në vitin 1998 dhe 1999. Këto janë argumentet tona thelbësore. Nuk mund të ndërtohet pavarësia me angazhimet e sotme të politikanëve. Ajo vetëm mund të vonohet, mund të dëmtohet substanca dhe funksionaliteti i shtetit”
- tha nënkryetari z.Fatmir Limaj në një emison debutues, që u transmetua në Televizionin Publik të Kosovës.

Duke folur në emisionin e debatit “Jeta në Kosovë” që është transmetuar sonte në Televizionin Publik të Kosovës, nënkryetari i Partisë Demokratike të Kosovës z.Fatmir Limaj, ndër të tjera theksoi:
“Kosovarët qe 7 vite jetojnë jashtë sovranitetit, mbikqyrjes dhe administrimit të Serbisë. Qytetarët e Kosovës qe 7 vite jetojnë të pavarur nga një shtet që i ka sunduar ata. Duke u nisur nga kjo, Kosova pavarësinë e saj e ka fituar në qershor të vitit 1999. Kosova qysh nga qershori 1999 angazhohet për të krijuar kushte dhe kapacitete për të ndërtuar shtetësinë e saj. “

Nënkryetari Limaj po ashtu është ndalur edhe në rrjedhat politike, që e kanë karakterizuar vendin në vitet e pasluftës.
“Për 7 vite ne ia kemi vështirësuar vetes angazhimet, jetën dhe e kemi vështirësuar vetë procesin për të ardhur deri te zgjidhja e statusit politik të vendit”.

Ish-udhëheqësi karizmatik i Ushtrisë Çlirimtare të Kosovës z.Fatmir Limaj, gjithashtu ka vënë në dukje argumentet për pavarësinë dhe shtetësinë e vendit.
“Argumentet e fuqishme për pavarësinë e Kosovës janë ndërtuar me luftën çlirimtare, që është zhvilluar në vitin 1998 dhe 1999. Këto janë argumentet tona thelbësore. Nuk mund të ndërtohet pavarësia me angazhimet e sotme të politikanëve. Ajo vetëm mund të vonohet, mund të dëmtohet substanca dhe funksionaliteti i shtetit”.

Duke u ndërlidhur me rrjedhat e procesit negociator, anëtari i Delegacionit të Kosovës për bisedime rreth çështjes së komuniteteve z.Limaj, ka thënë se “në Vjenë po bisedohet për substancën e shtetit të ardhshëm të Kosovës, po bisedohet se si do të duket shteti i ardhshëm, për përmbajtjen dhe funksionalitetin e shtetit të Kosovës”.

Në deklarimin e tij të sontëm në Televizionin e Kosovës, nënkryetari i PDK-së shprehu bindjen dhe siguroi qytetarët se:
“Kosova do të bëhet shtet, do të ketë ushtrinë dhe diplomacinë e saj. Pa këto atribute Kosova nuk është shtet dhe një gjë të tillë nuk do ta pranojnë qytetarët e Kosovës, nuk do ta pranojmë ne”.

Në këtë aspekt Limaj tha se “politikanët e Kosovës kanë për qëllim ta respektojnë dhe ta përmbushin vullnetin e qytetarëve të Kosovës për pavarësi”.

Duke folur për shtyrjen eventuale të përmbylljes së procesit të definimit të statusit politik të Kosovës, nënkryetari demokrat ka theksuar se është me rëndësi substanca e shtetit të ardhshëm të Kosovës.
“A do të zgjidhet me 31 dhjetor apo më 31 janar kjo mbetet të shihet. Për mua është me rëndësi që Kosova të del një shtet funksional”.

Duke folur për pakënaqësitë e qytetarëve për rrjedhën e procesit aktual politik në vend, nënkryetari i partisë më të madhe opozitare në vend, shtoi:
“Kemi një milion arsye për të qenë të pakënaqur me zhvillimet aktuale si qytetarë të Kosovës, por unë mendoj se nuk duhet të prishet ky proces. Duhet ta përmbyllim procesin e statusit dhe të gjithë qytetarët duhet të ndihmojnë në këtë proces, ashtu siç kanë ndihmuar edhe më herët”.

Nënkryetari i PDK-së në këtë emision ka folur edhe për krizën e lidershipit aktual kosovar, i cili sipas tij nuk është transparent para qytetarëve. Por, vazhdoi Limaj, elita aktuale politike në Kosovë është produkt i votës së qytetarëve, pavarësisht a është në shumicë, a në pakicë, në pozitë apo në opozitë.

Fatmir Limaj në këtë emision poashtu ka ngritur edhe domosdonë e ndërtimit të kapaciteteve shtetndërtuese, që do të na nevojiten për Kosovën e pas statusit. Duke folur rreth kësaj çëshjtjeje, Limaj ka potencuar edhe vizionin e Partisë Demokratike të Kosovës për ndërtimin e shtetit funksional dhe stabil të Kosovës, me kushtetutën dhe ligjin e saj zgjedhor, që do ndikonte në krijimin e rrjedhave pozitive për ndërtimin e realitetit të shtetit, ku të gjithë qytetarët do të ndjehen krenarë për shtetësinë e tyre.

[Brari]

perkundrazi.. lima me shok kan krijuar kunder argumentet per pamvaresine e kosoves.. me llapushnikun dhe horlliqe tjera pafund e deri tek vrasja e drinit ku lima ka rol regjisorial.. e mbaro me marsin..

eshte populli i kosoves me sakrificen e tij ..me pambrojtshmerine e tije perballe genocidit serb.. i vetmi argument per pamvaresine..

te vetmet argumenta qe ka prodhuar enverizmi ne kosove.. ushtar i te cilit ka qene lim kup thaq demaq qosja e veton surrat batoni.. kan qene argumentat qe i leverdisen mrekullisht diplomacise serbe per te justifikuar genocidin..

fal zotit e fatit e papes e demokracise perendimore.. fale punes se gjate e te palodhur te ldk-se.. u gjend nje shpetimtar per kosoven e popullin e saje.. NATO..

qe ju beft dita 1000 mije asaj..

ata qe nuk e duan pamvaresine e kosoves jan ata qe krijojne ate komoditet per ju enveristet ne kosove qe sa me shume ju te kini gjith celsat e kosoves ne dore.. e qe sa me e lehte te jete berja fakt i kryer i kosoves se variur nga serbia..

prandaj e mira e do qe ju enveristet te largoheni nga cdo qeliz e jetes politike e shteterore ne kosoven e sotme..
ju jeni aleati me i madh i serbise..

[Llapi]

KJO QEVERI PO E PLAÇKITË VENDIN

Nga Migjen Kelmendi / Petrit Musolli


Oct 26, 2006, 21:06

Ka kohë që kishim planifikuar intervistimin e njërit nga politikanët më të popullarizuar të Kosovës sot, Fatmir Limaj. Procesi gjyqsor në Tribunalin e Hagës, që do duhej ta degradonte këte politikan dhe luftën, përkundrazi, provoi pafajsinë e tij, duke i dhuruar një aso fuqie morale, që rrallë ndonjë politikan do e ketë më. Por, a do dijë zoti Limaj që këtë kredi morale ta shndërrojë në vota dhe përkrahës. Kjo ishte vetëm njëra nga çështjet që biseduam. E zhvilluam bisedën në kafeterinë “Toto”, nën tym, me zhurmë e piskama, dhe për çudi, këto nuk na pengonin me folë mes vete. Tema ishte e madhe: Kosova dhe statusi. Por, ku është opozita, pse po hesht.



Java: A është një percepcion yni i gabuar apo është një e vërtetë që mund dokumentohet edhe me fakte se opozita gati e ka humb identitetin dhe nuk është kah dëgjohet në Kosovë?



Fatmir Limaj: Në qoftë se shikohet nga prizmi i zhvillimeve politike në një vend normal, për jetën mes pozitës dhe opozitës, mendoj që ju keni të drejtë. Opozita në një vend tjetër luan plotësisht një rol tjetër nga roli që luan opozita në Kosovë. Nëse e shikojmë realitetin kosovar, konstatojmë se Kosova gjendet në rrethana krejtësisht specifike krahasuar me vendet tjera normale ku zhvillohet politika. Atëherë, nga kjo prizmë, nëse i shikojmë zhvillimet brendapërbrenda në skemën politike të Kosovës, shohim se opozita është në një situatë krejt specifike, njëlloj si edhe krejt vendi. Ne i kemi dy procese tejet të rëndësishme: i pari dhe mbi të gjithë është procesi nacional – definimi i statusit final të Kosovës, që pritet të përfundohet; dhe i dyti, roli për herë të parë pozitë-opozitë në Kosovë. Për herë të parë kemi një kalim të jetës politike në Kosovë në raportet pozitë-opozitë, andaj edhe këtu kemi mungesë të përvojës. Domethënë , për mendimin tim, janë dy faktorë që e determinojnë rolin e opozitës në këtë zhvillim. Duke e marrë parasysh se ky raport i forcave është një instalim i ri në Kosovën e papërvojë, si dhe duke ia shtuar edhe rastin specifik që e kemi mbi kokat tona e gjithë elita politike, nga e cila kërkohet që të jetë e përgjegjshme, e kujdesshme dhe e involvuar në tërësi për përmbylljen e statusit final të Kosovës, të cilën e presin qytetarët e Kosovës, e po ashtu duke marrë parasysh edhe zhvillimet dhe problemet me të cilat ballafaqohemi rreth definimit të statusit të Kosovës, mendoj se roli i opozitës do të dobësohet edhe më tepër dhe do jetë e vështirë nganjëherë të identifikohet nga njerëzit se cili në të vërtetë është roli i opozitës, ku është opozita – a është opozitë apo pozitë? Domethënë, kemi një situatë ngapak të çuditshme: opozita kosovare është e dërguar dhe është pjesë e Grupit të Unitetit, kurse në anën tjetër angazhohet në mbikqyrjen e qeverisjes së përditshme vendit. Gjë që unë e ilustroj kështu - opozita paradite e kritikon qeverinë, kurse pasdite së bashku me qeverinë shkon në Vjenë. Domethënë ky është rasti specifik.





Qeveria e Kosovës po e plaçkit këte vend





Java: Ky rast specifik ka formuar një humus të përshatshëm me të cilin institucionet provizore, sado të përkohshme, të instalojnë njëfarë sistemi të avansuar të korrupsionit. Po vlerësohet si një nga sistemet më perfekte të korrupsionit në këto vendet e Ballkanit. Si po mundeni me qenë indiferent para krejt këtij dimensioni korruptiv të institucioneve? Ka filluar të degradojë ideja se Kosova asht në gjendje dhe ka forca politike që mund ta udhëheqë dhe qeverisë vendin?



Limaj: Keni të drejtë, këtu qëndron një fatkeqësi. Në këto rrethana aktuale fatkeqësisht është krijuar një komoditet. Nuk besoj që jo vetëm në të kaluarën, por as edhe në të ardhmen ndonjë qeveri e ndonjë vendi do të ketë një kësi komoditeti çfarë e ka Qeveria e Kosovës . Ajo është duke shfrytëzuar në mënyrë perfide situatën në të cilën gjendet vendi - procesin e përfundimit të bisedimeve - dhe në këtë situatë ata pothuaj i kanë krejt duart e lira në emër të statusit të Kosovës, në emër të procesit, në emër të bashkimit. Në këtë proces, ata vazhdojnë lirshëm të zhvillojnë apo të plaçkisin këtë vend.



Java: A mund të themi ‘plaçkisin’? Mos asht nji fjalë e randë?



Limaj: Unë mendoj që nuk është. Mendoj që ky vend është duke u plaçkitur në të gjitha segmentet e mundshme. Nuk ka nevojë t’i thuhet kjo qytetarit të Kosovës, sepse kjo po shihet. Dhe, në këtë moment, e keqja më e madhe për këtë vend është se megjithë këtë që po e shohim, të gjithë, në mënyrë të heshtur, po pranojmë një qeverisje të këtillë - për hir të asaj që thamë - ecurisë së procesit të statusit. Për shembull, po të bëjmë atë që kërkohet nga opozita – me qenë e përgjegjshme, e kujdesshme, brenda procesit, ta ndihmojë procesin e përmbylljes – automatikisht me këtë kërkesë njëkohësisht nënkuptohet se Qeveria nuk do duhej të preket. Edhe pse e dimë që Qeveria është qysh është, nuk duhet të preket sepse ne jemi në një proces të ndieshëm dhe kjo Qeveri vazhdon aktivitetin e lirë, sepse në njëfarë mënyre, ajo ka një mbështetje, apo lloj imuniteti, që po me këtë qeveri, ke qysh ke, duhet të shkohet deri në përfundimin e statusit.



Java: Sipas kësaj del se procesi për statusin final po kuptohet si një strehë për rritjen e një sistemi korruptiv në Kosovë?



Limaj: Jo, unë mendoj që streha e statusit final për gjithë politikanët ka qenë strehë. Çdo njeri që është marrë me politikë, streha e statusit final i Kosovës ia ka fshi të gjitha të këqijat në emër të statusit të Kosovës, në emër të popullit të Kosovës. Në emër të ardhmes së Kosovës, ata i kanë fshehë e kamuflu paaftësitë, jo vetëm profesionale, por edhe keqpërdorimet e tyre. Nuk e di nesër kur të realizohet pavarësia e Kosovës me çka do të merren politikanët e kësaj Qeverie. 90 përqind të tyre, e elitës së Kosovës, identitetin e tyre politik e kanë të ndërtuar mbi dy fjalë: Pavarësia e Kosovës . Por, nuk e di me çka do të merren nesër kur për këtë nuk do të ketë nevojë. Kur Kosova do të jetë e pavarur.



Java: Ndoshta me implementimin e saj?



Limaj: E, te fazat e implementimit…aty fillon përgjegjësia, e në Kosovë pak janë ata që janë të gatshëm të marrin përgjegjësi. Më tepër janë të prirur për privilegje. Zakonisht kur vie deri aty kur duhet të merret përgjegjësia, atëherë, rrallëherë gjenë njerëz që janë të gatshëm për të. Më shumë janë të prirur në Kosovë për privilegje. Ne ende në Kosovë nuk i kemi ndërtuar institucionet përgjegjëse. Ma thuani një njeri në Kosovë që është përgjegjur për veprimet e tij politike deri sot?



Java: Ju jeni gati në njëfarë koalicioni me partinë “Ora”. Sa jeni të sigurtë se jeni partnerë dhe sa jeni të sigurtë që jeni në të njëjtin krahë karshi Qeverisë?



Limaj: Unë kur thashë më herët se mungon përvoja e lojës së opozitës, mungon aktiviteti opozitar në Kosovë, e nëkuptoja jo vetëm në raport me Qeverinë, por në raport të konsolidimit të forcave opozitare brenda vetes, për të qenë një opozitë e fuqishme përballë koalicionit qeverisës. Për mua nuk janë me rëndësi programet politike të partive të vogla apo të mëdha, nuk është me rëndësi numri i votuesve i vogël apo i madh, fuqia politike e partive, partitë që janë në opozitë duhet të formojnë një koalicion opozitar. Nuk është e domosdoshme të nënshkruhen koalicone të tilla, por koalicioni të punojë në luftimin dhe zëbrthimin e dukurive negative. Dyshoj që kemi arritur të ndërtojmë një konsolidim opozitar në Kosovë të të gjitha grupeve politike, ato që janë në parlament dhe ato që janë jasht tij. Dyshoj se kemi arritur të kemi një konsolidim opozitar siç shohim në vendet tjera.



Java: A e keni Veton Surroin dhe Ora-n aleat në opozitë?



Limaj: Ne mund të themi se në raport me qeverisjen, duhet të jetë aleat i logjikshëm, të gjithë duhet të jemi opozitë se ndryshe edhe nuk mund të jesh dhe të funksionosh në politikë. Sa jemi konsistentë për të ndërtuar qëndrimet e përbashkëta, nuk besoj që kjo është parë në skenën politike kosovare.



Java: Në krizën e LDK-së, ju dy partitë u përcaktuat me kahje të kundërta. Një pjesë u përcaktua në përkrahje morale të forcave të Sejdiut, një pjesë në përkrahje morale, dhe kolegiale, të forcave të Dacit?



Limaj: Ne si Parti Demokratike nuk i japim mbështetje asnjë grupi. Ato janë qëllime të brendshme të LDK-së dhe ne nuk dëshirojmë në asnjë mënyrë të ndikojmë në ato qëndrime të brendshme. Ne nuk kemi asnjë preferencë të brendshme. Partia Demokratike e Kosovës ka qëndrim komplet jashtë saj dhe nuk ka asnjë preferencë brenda për brenda LDK-së. Për neve është e rëndësishme vetëm një gjë, që ata njerëz të zhvillojnë aktivitetin e tyre demokratik dhe procesi zgjedhor i tyre të mos ndikojë në asnjë mënyrë negativisht në proceset e vendit dhe asgjë më tepër.





Kosova nuk do rrezikohet nga serbët, por nga vetja



Java: Ju si thoni keni qëndrim shumë kritik ndaj kësaj qeverisjeje, për mënyrën qysh këta po e udhëheqin dhe njëkohësisht si po e praktikojnë qeverisjen në këtë vend. Çka ndodhi me idenë e Qeverive të Unitetit, me ato idetë e Qeverive Teknike. A janë ende në tavolina të bisedave apo përfundimisht procesi i statusit i ka lënë anash?



Limaj: Kjo do ndoshta një përgjegje më të gjatë, për arsye se duhet të merret parasysh zhvillimi aktual i vendit. Pikësëpari, ne kemi deformime të mëdha që kanë ndodhë në vend dhe ne po e paguajmë çmimin e këtyre deformimeve. Frigohem se çmimin më të lartë për këto lëshime dhe deformime qeverisëse të brendshme, Kosova do ta paguaj pas përcaktimit të statusit dhe këtu do të jetë faza më problematike, më e ndjeshme për vendin, sepse gabimet e sotit, ne do t’i paguajmë pas statusit.



Java: Në ç’kuptim ‘pas statusit’? Çka na pret ‘pas statusit’, cilat janë ato rreziqe?



Limaj: Së pari, na pret çështja e zhvillimeve të brendshme, çështja e sigurisë, implementimit të statusit dhe mbi të gjitha lufta kundër krimit të organizuar, që për mendimin tim, ajo do të jetë qenësore dhe rrezik për vendin. Mos harroni, Kosova nuk rrezikohet as nga serbët, për mua, por Kosova është në rrezik nga brenda, nga ne vetë. E ardhmja e këtij vendi rrezikohet nga vetë ne, shumica, dhe nga elita politike e këtij vendi varet se cila do të jetë qasja, se si do ta ndërtojë këtë vend. A ka Kosova kapacitete të mjaftueshme të njerëzve shtetndërtues?





Kush mundet me e mposht krimin e organizuar në Kosovë?



Java: Po këtë pyetje do ua bënim ju, a ka Kosova kapacitete të mjaftueshme morale, politike, për t’u ballafaqu me krimin e organizuar, pa ndihmën e bashkësisë ndërkombëtare? A mendoni ju personalisht se mundeni me qenë ju ajo forcë?



Limaj: Momentalisht, zhvillimet të cilat janë këtu, ne jo që nuk jemi të gatshëm apo s’kemi kapacitete, por kjo qeveri me të gjitha veprimet dhe mekanizmat është duke e toleruar. Mirëpo, në të ardhmen, unë jam shumë i bindur se forca e re politike, forcat e reja, ndryshimet që mund të vinë në vend, do të jenë të gatshme që të ballafaqohen me krimin e organizuar. Do të jetë shumë vështirë, por vullneti, gatishmëria dhe angazhimet e Partisë Demokratike të Kosovë, unë jam shumë i bindur se do të shkojnë në drejtim të luftimit të krimit të organizuar.



Java: A mundeni ju vetë, pa bashkësinë ndërkombëtare me garantu, ta zamë nesër, se Kosova ka me qenë një shtet ligjor dhe se s’ka me qenë si me thanë nji El Dorado për krimin e organizuar?



Limaj: Një gjë ta keni të qartë, sado ndihmë me pas nga bashkësia ndërkombëtare, në qoftë se nuk ekziston vullneti dhe angazhimi nga vet vendorët për të filluar një proces të tillë, atëherë askush s’do të mund të na ndihmojë. Ne duhet t’ia nisim, e pastaj normalisht që do të kemi ndihmë



Java: Kush duhet me ja nisë, partia a qytetari?



Limaj: Ne dhe komuniteti ndërkombëtar, për arsye se krimi i organizuar është e keqja e krejt rajonit. Domethënë, nga ne duhet të niset, e pastaj do të kërkojmë ndihmë nga të tjerët.



Java: Çka me thanë për sistemin e drejtësisë në Kosovë, për sistemin policor, për sistemin e prokurorisë. Pse nuk po funksionojnë?



Limaj: Këtu është problemi. Në Kosovë mbretëron një atmosferë jashtëzakonisht e rëndë dhe kjo është e keqja më e madhe. Në institucionet vendore nuk ekziston atmosfera e punës, asaj konstruktive, dhe e ideve për zhvillimin e vendit. Më tepër mendohet sot për sot - nesër për nesër. Ne jemi në një degjenerim institucional. Nuk mund të presësh nga organet gjyqsore të bëjnë veprime, në qoftë se ekzekutivi i vendit nuk e ka vullnetin politik. Duhet të ekzistojë vullneti politik dhe vendosmëria për ta zbatuar ligjin. Nga kush? Nga ata që e nxjerrin ligjin, nga ata që e kanë obligim kushtetues për të kontrolluar zbatimin e këtij ligji dhe pastaj mund të marrin përgjegjësi mekanizmat tjerë shtetërorë për implementimin e luftës kundër korrupsionit. Në qoftë se në ekzekutivin e vendit, në qeveri, nuk ekziston vullneti politik, dhe aq ma keq, në qoftë se brenda kësaj qeverie ka njerëz, të cilët janë të involvuar në krimin e organizuar, atëherë si mund të pritni ju nga gjykatësit komunalë ta luftojnë krimin e organizuar. Askund në botë gjykata vetë nuk mund ta luftojë krimin e organizuar. Janë organet, është vullneti politik, i cili duhet të ekzistojë, që të jepë rekomandimet dhe të mbështesë mekanizmat tjerë.





S’ka besë n’politikë



Java: Ju thatë krimi i organizuar është një nga rreziqet. Cilat janë rreziqet tjera që ju i parashihni si shumë të mundshme për zhvillimet e mëtejme demokratike në Kosovë?



Limaj: Mendoj se rreziku tjetër është ky - Sa është i gatshëm qytetari i Kosovës të kuptojë që në këtë vend nuk bëhet ndonjë nam i madh pse duhet të ndërrohen qeveritë. Se në këtë vend duhet të ndërrohen qeveritë, ndoshta çdo dy vjet. Nuk bëhet kijameti pse ndryshohet pushteti dhe pse duhet me ia dhanë votën një force tjetër politike. Në këtë vend duhet të mësohen që të votojnë ndryshe. Në këtë vend duhet me lanë ma me thanë po jap besë në politikë. S’ka besë në politikë - “Ja kom dhanë besën filan partie dhe une mbas saj kam me shku”. Duhet të fillohet të mendohet më ndryshe, sepse po u vazhdu kështu të mendohet, atëhere u krijon komoditet politikanëve - komoditet të cilin e kanë të sigurt tash edhe vitet e ardhshme, pavarësisht çka bëhet. Ne për shtatë vite kemi pasur një votim të njëtrajtshëm - për një parti. Këtu duhet të fillohet ndryshimi…



Java: A mendoni se mungojnë debatet për këto punë?



Limaj: Mendoj se po?



Java: Si mungon debati edhe përkundër prezencës së gjithë këtyne mediave?



Limaj: Fatkeqësisht, duhet ta them se ne më shumë kemi televizione protokolare sesa kemi televizione që merren me analiza e debate. Ndoshta rrethanat kanë ndikuar për një drejtim të këtillë, por shpresoj se edhe këtu duhet të fillojë procesi i ndryshimit dhe reformimit brenda sistemit medial në vendin tonë.



Duhet ta shpallim pavarësinë e Kosovës. Prapë!



Java: Kthehemi te statusi, për të cilin me sa po shohim ju po bëni shumë sakrifica si opozitë. Le ta ngrisim një si pyetje hipotetike: nëse me propozimin e Ahtisaarit dhe në rezolutën e re të Këshillit të Sigurimit nuk parashihet fjala ‘pavarësi’ dhe nuk parashihet ulësja e Kosovës në Kombet e Bashkuara, a është kjo pavarësia për të cilën ju personalisht keni luftu?



Limaj: Kosova nuk është e vetmja brengë e komunitetit ndërkombëtar dhe bota nuk sillet rreth Kosovës. Duhet të kemi parasysh një gjë se në proceset e Kosovës më së pari ne kemi bërë shumë gabime për shtatë vite dhe me ato gabime, për shtatë vite, ne ia kemi zgjatur jetën procesit për përcaktimin e statusit final.



Java: A e keni analizuar pse janë ba këto gabime?



Limaj: Janë natyrisht shumë faktorë…Duke u nisur nga paslufta, e pastaj votimet dhe konjukturat politike që nuk dua të ndalem në të kaluarën, por mendoj se kjo është një periudhë ku secili mund ta japë një analizë refleksive nga e kaluara dhe mund ta sheh se ku jemi dhe ku kemi gabuar. Por, ajo që është e rëndësishme është kjo: Ne jemi buzë një faze shumë të rëndësishme, vendi po shkon drejt definimit të statusit të tij, siç thatë edhe ju, ne deri në fund të vitit po presim se zoti Ahtisaari do të japë propozimin e tij. Po ashtu Këshilli i Sigurimit presim ta shfuqizojë Rezolutën 1244 dhe ta bartë mandatin e tij në Bashkimin Europian dhe mendoj se Kuvendi i Kosovës duhet të bëjë iniciativën që të shpallë pavarësinë e Kosovës. Shpallja e shtetit të Kosovës nuk duhet në asnjë mënyrë të vlerësohet si një akt i njëanshëm.



Java: Para rezolutës, pas rezolutës?



Limaj: Politika kosovare duhet ta gjejë momentin e volitshëm të shpalljes së pavarësisë së Kosovës, ama shpallje e cila do të pranohet.



Java: Po sa herë u dashka me u shpall pavarësia e Kosovës?



Limaj: Asnjëherë nuk është bërë analizë e qartë…për atë po them se nuk duhet të bëhen akte të njëanshme…



Java: Mos do të jetë si ato shpalljet e derisotme të pavarësisë së Kosovës?



Limaj: Jo, tani ne e kemi marrë një iniciativë dhe iniciativa jonë do të jetë në koordinim të ngushtë me të gjitha forcat politike të vendit, ku s’do të ketë bajraktarë, por do të bëhet diçka e përbashkët - duhet të gjendet momenti, që pas shfuqizimit të Rezolutës 1244 ose pas propozimit të zotëri Ahtisarrit, duke përcjell për së afërmi zhvillimet politike atje, të shpallim pavarësinë.



Java: A guxon Kosova unaliteralisht, pa paralajmërim, ta shpallë pavarësinë?



Limaj: Kosova duhet ta shpallë unaliteralisht pavarësinë dhe të kërkojë njohjen nga vendet tjera. Por, thashë, duhet ta gjejmë momentin.



Java: Edhe një herë: para rezolutës, pas rezolutës?



Limaj: Mendoj që pas rezolutës. Në asnjë mënyrë para shpalljes së rezolutës. Ne duhet ta shohim propozimin e zoti Ahtisaarit, sepse ne mund ta bëjmë një veprim, i cili mund të jetë i njëanshëm, i parakohshëm, për të cilin nuk kemi nevojë. Nëse kemi një muaj vonesë të shpalljes së pavarësisë nuk bëhet nam i madh.



Java: Ju e parashihni ndarjen definitive të Kosovës nga çfarëdo mundësie e mbetjes nën sovranitetin e Serbisë?



Limaj: Ndarja nga Serbia për mua ka qenë punë e kryer qysh në vitin 1999 dhe këtu s’ka asnjë dilemë. Kjo është e rëndësishme për mua: Kosova është shkëputë dhe do të shkëputet edhe me dokumente ndërkombëtare nga sovraniteti serb.



Java: Po kjo pavarësia pa ulëse a është pavarësia që ju personalisht e keni pritur?



Limaj: Pavarësia? Çka kuptojmë me ‘pavarësi’? Ne ende nuk mund të flasim a do të ketë Kosova ulëse apo nuk do të ketë. Angazhimet tona do të jenë që Kosova të ketë ulësen e saj dhe anëtarësimin e plotë në OKB. Mirëpo, nga e kaluara ne mund të marrim shumë shembuj: Austria…Zvicra…shumë vonë janë anëtarësuar në OKB. Zvicra sot është një nga shtetet më të fuqishme ekonomikisht dhe njëherit ndër më stabilet. Pastaj, e keni Austrinë e cila me vite të tëra nuk ka qenë anëtare e OKB-së. E keni edhe Kinën, e ka shumë e shumë vende, por nuk dua të marrë shembuj për të arsyetuar se ku do të jetë Kosova, por dua të them se fazat e ndërtimit të shoqërisë së Kosovës nuk mund të shkojnë ad hoc, menjëherë të ndërtohet çdo gjë. Ndoshta na duhet një kohë e negociatave për statusin që do ta ketë Kosova brenda OKB-së. Por, për mua është e rëndësishme që Kosova si një shtet i pavarur të ketë në mënyrë automatike të drejtë qasjeje në institucionet ndërkombëtare financiare, si në Bankën Botërore, në Fondin Ndërkombëtar Monetar, në Këshillin e Europës, në mekanizmat europiane, në klubet e Parisit, të Londrës, ku mund të thithen kredi për ta zhvilluar këtë vend dhe për ta nxjerrë nga kjo krizë e madhe ekonomike dhe kjo varfëri që na ka kapluar. Domethënë, që Kosova të ketë mundësinë për të ratifikuar marrëdhënie dhe marrëveshje me të gjitha subjektet tjera ndërkombëtare si çdo shtet tjetër. Kosova, në komunikimin ndërkombëtar të mirret si palë shtetrore si çdo shtet tjetër i pavarur. Kjo është për mua me rëndësi, sepse kjo tregon se një shtet është shtet apo jo. E drejta dhe mundësitë e plota për t’u futur në marrëdhëniet ndërkombëtare me ndonjë vend veç e veç, ose me ndonjë organizatë, e cila merr edhe të drejtën e benificionit, por edhe obligimet.



Nuk ka njohje pa shpallje të shteti



Java: Po e parashohim me një lehtësi mundësinë se çashtja e njohjes së Kosovës ka me shkue në procese bilaterale, ku secili shtet veç e veç do të fillojë me e njoftë Kosovën si shtet. Si mendoni sa ka me vazhdu, qysh po e pritni vazhdimin dhe zhvillimin e këtij procesi pas rezolutës edhe pas shpalljes të shtetit të Kosovës?



Limaj: Duke e njohur edhe pak mënyrën e punës së Këshillit të Sigurimit, unë nuk e di që Këshilli i Sigurimit në mënyrë kolektive ka bërë njohjen e një shteti. Ai ka hapë rrugë, u ka dhënë sinjal vendeve tjera që një vend është i gatshëm për ta njohur, që një vend është i gatshëm për t’u pranuar në bashkësinë e shteteve të botës. Nga ky moment Kosova duhet ta shpallë shtetin - nuk ka njohje pa shpallje të shteti. Ne duhet të kërkojmë njohje. Pra, ‘unë jam gati pranomëni’ dhe këtu ne duhet të gjejmë momentin kur duhet të themi ne jemi të gatshëm, pranonani. Është me rëndësi të niset.



Qeveri Uniteti, e jo derivate si Ekipi Negociator



Java: Na iku ideja e Qeverisë së Unitetit, të cilën nuk e zhvilluam si opcion…



Limaj: Nëse e shikoni të kaluarën, çdo vend, çdo komb që ka kaluar nëpër proceset që ka kaluar Kosova i është nevojitur uniteti veprues. Jo uniteti që të dalin para kamerave e as ai që të përqafohen e as të ulurit rreth një tavoline, por uniteti veprues - duke ruajtur divergjencat, ndryshimet mes veti…por që të zhvillohet Kosova si një çështje nacionale na duhet një unitet veprues, unitet i cili unitet, unë mendoj se ka munguar në të kaluarën në këtë vend, dhe në ato çka na presin në fazën e implementimit. Ne kemi nxjerrë më herët një ide që të shkojmë në një Qeveri të Unitetit. Në qoftë se kërkohet unitet, në qoftë se qytetari i Kosovës dëshiron ta shohë politikën e vet dhe komuniteti ndërkombëtar është i interesuar që ta shohë klasën politike unike, atëherë pse ne prodhojmë derivate, pse shkojmë me “grupe negociatore”, pse nuk mund ta bëjmë një qeveri unike, që të kemi adresë. Pse duhet të kemi një qeveri e cila ka mbështetje në Parlamentin e Kosovës 50+1? Pse kemi qeveri që mund të shantazhohet nga një votë e një ministri - që nëse dëshiron një ministër mos me votu, kjo qeveri bjen. Pse të mos kemi një qeveri e cila do të ketë 90 deputetë, 90 vota. Një qeveri tamam të unitetit, e cila ka përgjegjësi politike, merr përgjegjësi politike për përmbylljen e statusit final dhe fazën e implementimit. Pse nuk vjen në krye të këtij vendi një elitë politike, e cila thotë: po, unë jam përgjegjëse për përmbylljen e statusit dhe unë jam përgjegjëse për fazën e implementimit. Kjo i është dashur vendit qysh nga Qershori. Unë kam qenë i pari i ndërtimit të pozicioneve pozitë-opozitë. Mirëpo, kjo është ndërtuar në kohën kur nuk kanë qenë as shenjat për hapjen e bisedimeve për statusin. Ne jemi në një fazë të ndieshme - para zgjidhjes së statusit. Të gjitha vendet në këto rrethana bëhen unikë që të tejkalojnë një vështirësi, sepse ne kemi pritur me shekuj me ardhë në këtë moment të definimit dhe fazë të implementimit. Ndoshta do të ishte mirë dhe mendoj se më lehtë do të ishte edhe për komunitetin ndërkombëtar, por do të ishte më mirë edhe për qytetarin e Kosovës që ta ketë një adresë të përgjegjësisë, adresë të elitës politike.



Ku prodhohet politika në Kosovë?



Java: Ju po e mendoni këtë si refleksion apo keni plan konkret me të cilin kishit me i dalë bashkësisë ndërkombëtare përballë?



Limaj: Jo, kjo është diçka që ne ia kemi ofruar bashkësisë ndërkombëtare. U kemi ofruar në tavolinë këtë ofertë. Një qeveri e fortë që e ka fuqinë politike, që e ka elitën politike në ballë dhe qytetarin e strukturën politike mbrapa, që e mbështesin në vendimet e kësaj politike. Çka gjej me rëndësi në fazën e implementimi? Mendoj se do të ketë shumë probleme, dhe aty duhet të ketë një fuqi elite politike e cila di ta orientojë Kosovën kah duhet të shkojë. Dhe, implementon atë që jemi dakorduar që ta implementojmë. Nuk mund të themi se jemi marrë vesh, por s’po mund ta implementojmë dhe të dalim joseriozë para komunitetit ndërkombëtar. Ky vend tani duhet të fillojë të funksionojë si shtet, të ndërtohet kapaciteti ynë shtetror. Askush neve nuk na ndalon që të fillojmë të ndërtojmë kapacitetet tona shtetrore sot - që t’i gëzojmë nesër. Por, ne nuk bëjmë asgjë. Pse nuk bëjmë? Për shkak se kemi probleme në ndërtimin politik në këtë vend. Elita politike që qeverisë sot, si thash edhe më herët, nuk prodhon politikë, ajo ka probleme të brendshme.



Java: Kush e prodhon politikën?



Limaj: E mu këtu është problemi. Qeveria nuk prodhon politikë, prodhon koalicioni, partitë politike - ato e japin programin politik e qeveria e zbaton. Por, kush e prodhon politikën sot në Kosovë? Askush. Koalicioni nuk ka politikë. Më thoni a ka Qeveria e Kosovës program politik që e zbaton? Unë nuk e di që ka. Nuk e di që Qeveria e Kosovës sot ka një program politik që të mund të qëndrojë në atë program politik. Ajo thjesht cakton një grup njerëzish që veprojnë nga dita në ditë, nga problemet që i ngrisin mediat, nga problemet që i ngritë pak opozita, dhe nga ajo çka ua merr mendja atyre. Kush është shef i Qeverisë? Ku jep përgjegjësi Qeveria? Kush i bart poenat negativë ose pozitivë? Koalicioni qeveritar ose partitë politike? A keni dëgjuar ndonjëherë që janë mbledhur bashkë dhe kanë bërë ridefinim të programit dhe të pozicioneve politike të tyre? A janë takuar ndonjëherë ata që e bëjnë politikën dhe që ia rekomandojnë Qeverisë se çka duhet bërë? Derisa dalin njerëz nga koaliconi qeverisës dhe thonë ne nuk kemi biseduar asnjëherë për ndonjë projekt për Mitrovicën. Ne nuk kemi biseduar asnjëherë për decentralizimin, si mund të pritet atëherë që Qeveria të nxjerrë apo implementojë ndonjë program të mirë për decentralizmin apo Mitrovicën, kur ata që janë të zgjedhur nuk kanë vakt. Dhe, për hir të kësaj, mendoj se ka qenë e domosdoshme që të formohet një qeveri e tillë, ku merret përgjegjësi për këtë qeverisje.

Merreni me mend, njëri thotë ne e kemi dërguar ekipin e tretë në bisedime!!! Zyrtari nga partia më e madhe thotë se e kemi dërguar ekipin e tretë… do të thotë edhe në procesin e bisedimeve është joserioz …dhe në këto rrethana atëherë ku duhet të kërkohet ajo përgjegjësi dhe çfarë shprese ka për Qeveri? A ka ky koalicion ndonjë program: çka pas statusit?



Java: Kush kishte me e ndërtu politikën e një Qeverie eventuale Teknike?



Limaj: Jo, unë preferoj Qeveri Uniteti… mendoj se kjo duhet të ndërtohet me një marrëveshje paraprake, të respektohen programet politike të grupeve që futen në qeveri, të nxirren dhe të votohen në Parlament dhe mbi bazën e atij programi, kjo qeveri të merr përgjegjësinë e implementimit. Kjo do të mund të bëhet ashtu që partia më e madhe, ajo e dytë dhe e tretë, të krijojnë një program të qartë për me e çu vendin deri në zgjedhje të parakohshme. Cilat janë 5 apo 6 objektivat të cilat duhet t’i bëjë një Qeveri eventuale e Unitetit deri në zgjedhjet e parakohshme, sepse do të ketë zgjedhje të parakohshme dhe pastaj ky program do të vazhdonte në Parlament ku do ta fitonte në Parlament fuqinë e plotë dhe Qeveria do ta implementonte këtë program. Por, njëkohësisht, në vendet normale demokratike gjithmonë ekziston një tryezë prapa Qeverisë së koalicionit, e cila e përcjell dhe e verifikon se sa qeveria po e implementon programin politik të atij koalicioni. Në Kosovë nuk ka ndodhë një gjë e tillë kurrë.



Java: Ju po flisni me aq siguri për Qeverinë e Unitetit sikur Qeverisja do t’i takojë PDK-së?



Limaj: Jo, unë nuk po flas me siguri. Normalisht, nëse do të vinte deri te një qeverisje e unitetit ajo do të ndahej nga dy partitë e mëdha. Nëse dëshirohet të bëhet diçka në këtë vend. Por, ajo çka unë jam i sigurt është se ky vend është në një gjendje shumë të rëndë. Ajo që unë e bartë si një opinion të shumicës së qytetarëve të Kosovës është se institucioni, ndërtesa e Qeverisë së Kosovës është devalvuar në tërësi. Ajo nuk shikohet si ndërtesë e qeverisë së vendit, por si ndërtesë e cila është duke plaçkitur ditë për ditë këtë vend. Ajo nuk shihet si ndërtesë, e cila ka vizion për ta çuar vendin përpara, por më tepër si ndërtesë ku mund të shkojë kush të dojë të futet aty, mund të luaj kush të dojë si të dojë, pa kërkuar përgjegjësi për veprimet dhe kundëveprimet. Kjo është e keqe, nuk është me rëndësi kush është, por është me rëndësi se kjo e keqe është për të ardhmen, se nesër do të vie një qeveri tjetër, por është shumë me rëndësi që institucioni ta ketë autoritetin dhe jo që nga qytetari të shihet si një ndërtesë ku plaçkitet buxheti, taksa e qytetarit.



Java: Pse Grupi i Unitetit kurrë nuk ka pasur ndonjë plan apo ndonjë strategji që t’i kundërvihet sulmeve politike të Serbisë, por ia ka besuar këtë punë bashkësisë ndërkombëtare që të mirret me Serbinë, siç është rasti i Kushtetutës?



Limaj: Ideja për Qeveri të Unitetit, që e thashë më herët, është sakrificë për PDK-në. Asgjë nuk i shkon në kalkulime partiake. Për mendimin tim, përkundrazi, është sakrificë e Partisë Demokratike të Kosovës. Por, mund të jetë një shpëtim për vendin. Ne kemi nxjerrë këtë ide shumë herë në tavolinë, që t’i tregojmë bashkësisë ndërkombëtare edhe qytetarit të saj se pas statusit ne do të bëjmë një politikë opozitare dhe ne nuk do të kursejmë asnjë keqmenaxhim dhe gabime që kanë bërë, dhe gjithashtu është edhe një sygjerim se ne nga definimi, përfundimi, dalja e rezolutës nga Këshilli i Sigurimit, ne do dalim nga Grupi Negociator, nuk do të marrim pjesë në implementimin e statusit, sepse kjo është punë e qeverisë. Dhe kjo është qasje që PDK më nuk do të mund të përdoret për të mbyllur bira kujtdo që i duhen. Ne fillojmë aktivitetet tona dhe këto janë paralajamërime që ne i kemi bërë për hir të vendit për të treguar se ne jemi të gatshëm me të gjitha alternativat të gjejmë se cila është alternativa më e mirë për vendin. Nesër ne nuk mund të sakrifikohemi përsëri për kedo që të mbyll ndonjë birë, sepse e dimë që problemet dhe sakrificat do të jenë të mëdha. Sa i përket raporteve me Serbinë, elita politike e Kosovës që nga fillimi e ka injoruar gabimisht politikën serbe. Ne mendojmë që Serbinë nganjëherë e marrim sikur me qenë Bangladesh dhe këtu është e keqja. Kosova dhe elita e saj politike duhet shumë për së afërmi të përcjellin zhvillimet politike në Serbi - në të kaluarën, sot, por edhe nesër. Një politikan apo parti politike që nuk i merr seriozisht zhvillimet në Serbi, mendoj se do ishte joserioz.



© by Gazetajava

[Llapi]

Nënkryetari LIMAJ: Lufta për transparencë – fitore e opozitës

08.11.2006
Në intervistën e javës të Top Kosova Radios, nënkryetari i Partisë Demokratike të Kosovës, Fatmir Limaj, pos tjerash theksoi se në mbledhjen e fundit të Parlamentit të Kosovës praktikisht ka filluar jeta e njëmendët parlamentare në Kosovë, duke zgjedhur Komisionin hetimor për hulumtimin e keqmenaxhimin e buxhetit të Kosovës dhe shtruar përgjegjësinë politike të drejtuesve të Parlamentit dhe të tjerëve. Kjo ishte fitore e opozitës në luftë për transparencë për shkak të shkeljes ligjore në menaxhimin e buxhetit, pohoi ai.

Nënkryetari Limaj foli edhe për negociatat e deritashme midis Kosovës dhe Serbisë me ndërmjetësim të palës ndërkombëtare, duke potencuar se ato kanë përfunduar pa filluar dhe se pala kosovare ka kryer obligimet e veta dhe shtoi se bota ka kuptuar ne i kemi qëndrimet e qarta për të ardhmen e Kosovës. Çështja e Kosovës dhe e sovranitetit të Serbisë mbi të ka marrë fund në qershor të vitit 1999.

Z.Fatmir Limaj tha se lufta e shqiptarëve për liri dhe vullneti i qytetarëve shumicë të Kosovës duhet të respektohen. Ne presim që zoti Ahtisari ta bëjë të njohur raportin dhe udhëzimet e tij para Grupit të Kontaktit për statusin e Kosovës, pastaj ne do të paraqesim qëndrimet tona, kurse KS i OKB-së duhet të bëjë veprimin e tij politik për legjitimimin e pavarësisë së Kosovës, theksoi nënkryetari i PDK-së, Fatmir Limaj në intervistën për Top Kosova Radio.

[Llapi]

Nënkryetari z.Fatmir Limaj priti ambasadorin William Walker

16.11.2006
Nënkryetari i PDK-së z.Fatmir Limaj priti sot në një takim të veçantë ambasadorin dhe mikun e nderuar të shqiptarëve z.William Walker.
“Miku ynë i vjetër z.Walker, që në ditë të vështira na ndihmoi, në emër të shtetit dhe të qeverisë së tij, tani ka shprehur gatishmërinë për të ndihmuar në krijimin e mundësive të reja, për ndërtimin e kapaciteteve ekonomike, për ndërtimin e kapaciteteve politike për shtetin e ardhshëm të Kosovës”
- tha mes tjerash nënkryetari i PDK-së z.Fatmir Limaj pas takimit.



“Kishim një bisedë miqësore me një mik të vjetër të Kosovës, ku posaçërisht biseduam për zhvillimet aktuale politike në vend, për zhvillimet e procesit negociator dhe në këtë kontekst për zgjidhjen e statusit final të Kosovës, në përputhshmëri të plotë me vullnetin e qytetarëve të Kosovës” tha nënkryetari Limaj.

“Njëkohësisht, ne sot duhet të angazhohemi për Kosovën e passtatusit, për qëndrueshmërinë e saj ekonomike, për investimet që Kosova duhet t’i thithë nga komuniteti ndërkombëtar, e posaçërisht nga Shtetet e Bashkuara të Amerikës” u shpreh z.Limaj.

“Miku ynë që në ditë të vështira na ndihmoi, në emër të shtetit dhe të qeverisë së tij, sot po bisedojmë për mundësi të reja, për ndërtimin e kapaciteteve ekonomike, për ndërtimin e kapaciteteve politike për shtetin e ardhshëm të Kosovës” theksoi nënkryetari për çështje politike i PDK-së.

“E falënderoj edhe njëherë z.Walker për gjithë atë që ka bërë dhe që po bën në shërbim të Kosovës, dhe në forcimin e miqësisë, që mendoj duhet të jetë e përhershme me Shtetet e Bashkuara të Amerikës” tha z.Fatmir Limaj pas takimit me z.Walker.

Nga ana e tij, ambasadori Walker e falëmnderoi nënkryetarin e PDK-së z.Fatmir Limaj për mikpritjen dhe angazhimet e tij dhe të PDK-së në favor të ndërtimit të realitetit të shtetit stabil dhe funksional të Kosovës, duke shprehur edhe njëherë gatishmërinë dhe vullnetin për të dhënë kontributin e tij në këtë drejtim.

[Llapi]

Nënkryetari Limaj fton organet hetimore të ndërmarrin hapa konkretë për zbardhjen e kërcënimit të ministres Tërmkolli – kjo mund t’i hapë rrugë zbulimit të rastit të Smajl Hajdarajt

16.11.2006
Nënkryetari i PDK-së z.Fatmir Limaj sot iu është përgjigjur interesimit të gazetarëve rreth kërcënimit të ministres Tërmkolli në drejtim të kryetarit të Kuvendit Komunal të Pejës Ali Lajçi, të cilit ajo i ka thënë se “me mua nuk të shkon, se ta bëj si Smajl Hajdarajt”.
“Grupi Parlamentar i PDK-së e ka ngritur këtë çështje sot në Kuvendin e Kosovës, por ne nuk jemi të kënaqur me përgjigjen e kryeministrit, prandaj kërkojmë nga prokuroria, nga organet hetimore që të ndërmarrë hapat e saj ligjorë, obligativë, në drejtim të marrjes së deklaratave të këtyre njerëzve, për të zbuluar të vërtetën, në mënyrë që të mos spekulohet në opinion rreth këtyre deklarimeve”.
- tha ndër të tjera nënkryetari i PDK-së z.Fatmir Limaj.

Duke mos u futur në zhvillimet e brendshme të Lidhjes Demokratike të Kosovës, sepse ajo është çështje e tyre, z.Limaj ka thënë se ky rast i tejkalon çështjet e brendshme të një partie politike, ky rast i takon të merren me të organeve hetimore.

“Unë jam shumë i habitur dhe i çuditur se si organet hetimore nuk kanë bërë hapa konkretë për të marrë deklaratë dhe për të zbuluar të vërtetën e thënies, ashtu siç ka qenë e publikuar në shtyp” u shpeh nënkryetari Limaj.

“Unë e ftoj prokurorinë dhe organet hetimore që të ndërmarrin hapa konkretë në drejtim të zbardhjes së këtij kërcënimi, që është një diçka që mund të hapë rrugë rreth zbulimit të rastit të Smajl Hajdarajt, por edhe shumë rasteve tjera” tha z.Limaj.

“Grupi Parlamentar i Partisë Demokratike të Kosovës e ka ngritur këtë çështje sot në Kuvendin e Kosovës, por ne nuk jemi të kënaqur me përgjigjen e kryeministrit lidhur me këtë çështje prandaj kërkojmë nga prokuroria, nga organet hetimore që të ndërmarrë hapat e saj ligjorë, obligativë, në drejtim të marrjes së deklaratave të këtyre njerëzve, për të zbuluar të vërtetën, në mënyrë që të mos spekulohet në opinion rreth këtyre deklarimeve” potencoi nënkryetari për çështje politike i PDK-së.

“Unë jam i habitur edhe me heshtjen e Lidhjes Demokratike të Kosovës rreth kësaj çështjeje ose minimizim i asaj që ka ndodhur në Pejë. Kjo nuk është diçka normale për zgjedhjet e brendshme, kjo është një akuzë e drejtpërdrejtë që bëhet për një ish-deputet të Parlamentit të Kosovës, për një ish-anëtar të LDK-së. Dhe, në qoftë se kjo është dalë në publik, mendoj që vetë LDK-ja duhet ta bëjë një ftesë për të kërkuar që organet hetimore t’i shkojnë deri në fund për zbardhjen e këtij rasti” tha nënkryetari i PDK-së.

“Ne si Parti Demokratike e Kosovës posaçërisht jemi të interesuar për të hapur dhe për të gjetur rrugë në zgjidhjen dhe zbulimin e këtyre rasteve, sepse ju jeni dëshmitarë që për vite të tëra gishti është drejtuar në drejtimin e gabuar nga shumë njerëz. Dhe, kur sot ne i kemi disa elemente, duhet në ndërmerren masa konkrete për të zbuluar rastin, për hirë të familjes, por posaçërisht edhe për hirë të opinionit” përfundoi nënkryetari i PDK-së z.Fatmir Limaj.

[Llapi]

“Miku ynë ambasadori William Walker
që në ditë të vështira na ndihmoi, në emër të shtetit dhe të qeverisë së tij, sot po bisedojmë për mundësi të reja, për ndërtimin e kapaciteteve ekonomike, për ndërtimin e kapaciteteve politike për shtetin e ardhshëm të Kosovës” theksoi nënkryetari për çështje politike i PDK-së z.Fatmir Limaj

[Llapi]

Nënkryetari Limaj


Nënkryetari Limaj: Politika kosovare më zëshëm t´i vlerësojë argumentet e Kosovës për pavarësi

23.11.2006
Politika kosovare duhet më zëshëm t´i vlerësojë argumentet e Kosovës për pavarësi, të ndërtuara në vitin 1999. Duhet të themi me plot gojën që ne jemi fitues, ne e kemi fituar lirinë tonë, së bashku me ndihmën e aleatëve tanë. Kjo duhet thënë fuqishëm, pa pardon, kudo që të shkojmë dhe të veprojmë. Nuk asnjë gjasë që Kosova të kthehet në sovranitetin e Serbisë, sepse Serbia e ka humbur sovranitetin me veprimet e saj dhe me luftën tonë çlirimtare.
- deklaroi z.Fatmir Limaj, nënkryetar i Partisë Demokratike të Kosovës në emisonin debatues Top Show, në televizionin prestigjioz tiranas Top Channel.



Duke folur për shtyrjen e prezantimit të propozimit të presidentit Ahtisari për zgjidhjen e statusit politik të Kosovës, nënkryetari i PDK-së z.Fatmir Limaj, në emisionin e shikueshëm të Top Channel ka thënë se “ne këtë nuk e marrim si shtyrje, por si vazhdim të procesit të statusit final të Kosovës, duke ftuar që edhe për shkak të të gjithë atyre përpjekjeve, duhet të kemi edhe një durim, të vazhdojmë të procesin e statusit final, që për ne është shumë i rëndësishëm. Ne kemi ftuar qytetarët që të fokusohen më tepër në përmbajtjen e statusit final të Kosovës, sesa në kohën e caktuar. Në qoftë se neve na duhen edhe dy muaj që të vazhdojmë procesin, duhet nënkuptuar gjithashtu se jo gjithçka varet nga ne.

Z.Limaj po ashtu ka theksuar se “argumenti që Serbia dhe zgjedhjet atje janë bazë për shtyrjen e procesit, është jo shumë bindës. Nga zhvillimet e fundit ne po shohim që ka edhe diçka tjetër prapa asaj”.

Duke potencuar rolin destruktiv të Serbisë në vazhdimësi në raport me Kosovën, nënkryetari demokrat është shprehur se “Serbia duke kërkuar vazhdimisht që Kosova është pjesë e saj, ka punuar në ndarjen e Kosovës, sepse ka ditur që Kosova më nuk mund të jetë pjesë e saj. Serbia derisa sot flet për ndarjen e Kosovës, punon për krijimin e një shteti të dështuar të Kosovës. Në qoftë se Serbia nuk ka arritur ta mbajë Kosovën si pjesë të pandashme të saj, nëse nuk do të ketë sukses në projektin e saj për ndarjen e Kosovës, vije projekti tjetër – ta bëjmë Kosovën shtet të dështuar funksionalisht, të paqëndrueshëm”.
Këto janë gjëra në të cilat politika kosovare duhet të ketë shumë kujdes, apeloi z.Limaj.

“Ne gjatë gjithë këtij procesi kemi qenë të hapur për të diskutuar për çështje teknike, mirëpo duhet të kemi kujdes që nga këto bisedime, Kosovën ta nxjerrim një shtet, ashtu siç e parasheh edhe Dokumenti i Delegacionit të Kosovës, shtetin funksional të Kosovës. Në dokumentet që kemi paraqitur, unë mendoj që kemi ruajtur funksionalitetin dhe substancën e shtetit” – tha nënkryetari i PDK-së.

“Tendenca serbe do të shkojë në këtë drejtim që këtë funksionalitet ta dëmtojë dhe në një mënyrë apo një tjetër Kosovën ta paraqesë në një variantë si ajo e Bosnjes” rikujtoi anëtari i Delegacionit të Kosovës për bisedime.

“Argumentet e pavarësisë së Kosovës janë ndërtuar në vitet 1998 dhe 1999. Kosova me 12 qershor ka dalë me argumente të fuqishme të krijimit të shtetësisë së saj. Por, Kosova për shtatë vjet, me zhvillimet e brendshme padyshim që i ka dëmtuar argumentet e saj për shtetin e Kosovës, të ndërtuara në qershor të vitit 1999. Për 7 vite i kemi hapur dilema vetes, kemi parë gabime që e kanë dëmtuar perspektivën e vendit tonë” ka thënë nënkryetari i parë i PDK-së.

Por, një gjë duhet të jetë e qartë për të gjithë, tha z.Fatmir Limaj: Serbia moralisht, politikisht, juridikisht, ushtarakisht, e ka humbur Kosovën. Serbia është një shtet i cili ka tentuar ta shfarosë një popull të tërë, një vend në të cilin sot ende janë eshtrat e qytetarëve shqiptarë të rrëmbyer nga Kosova, një vend me të cilin është luftuar dhe nga lufta çlirimtare kemi realitetin e ri të krijuar. Argumentet për shtetin e Kosovës duhet ndërtuar në bazë të asaj që në Kosovë Serbia ka kryer gjenocid dhe si rezultat i saj populli i Kosovës i ka dhënë një përgjigje me luftën e tij çlirimtare” ka theksuar bindshëm nënkryetari i partisë më të madhe opozitare në vend.

“Politika kosovare duhet më zëshëm t´i vlerësojë argumentet e Kosovës për pavarësi, të ndërtuara në vitin 1999. Duhet të themi me plot gojën që ne jemi fitues, ne e kemi fituar lirinë tonë, së bashku me ndihmën e aleatëve tanë. Kjo duhet thënë fuqishëm, pa pardon, kudo që të shkojmë dhe të veprojmë. Nuk asnjë gjasë që Kosova të kthehet në sovranitetin e Serbisë, sepse Serbia e ka humbur sovranitetin me veprimet e saj dhe me luftën tonë clirimtare” deklaroi z.Limaj në emisonin debatues Top Show.

“Është fat historik, në historinë e kombit shqiptar që për herë të parë kemi pasur përkrah nesh aleatin më të fuqishëm – NATO-n, në shërbim të interesave tona dhe atë jo pse jemi ne shqiptarë, por sepse ne shqiptarët jemi rreshtuar përkrah vlerave demokratike dhe ata kanë dalë në mbështetje dhe në mbrojtje të vlerave demokratike. Këtë partneritet të ndërtuar, shqiptarët nuk guxojnë assesi ta rrezikojnë, por duhet të vazhdojnë në partneritet të vazhdueshëm me Shtetet e Bashkuara të Amerikës dhe me Bashkimin Evropian, për të vazhduar procesin dhe për të krijuar stabilitet” theksoi nënkryetari i PDK-së.

Në këtë kuadër, vazhdoi ai, ne me partnerët tanë ndërkombëtarë duhet të flasim hapur dhe të themi se me realizimin e cfarëdo tendence që vjen nga Serbia për ndarjen e Kosovës, ose për krijimin e një shteti të dështuar në Kosovë, të gjitha investimet e komunitetit ndërkombëtar do të shkojnë huq, përfundoi nënkryetari demokrat z.Limaj.