Gripi i Zogut (Avian)

[Davius]

SHKENCËTARËT RUSË PRODHUAN VAKSINË KUNDËR GRIPIT TË SHPENDËVE

Shkencëtarët rusë nga Instituti veterinar shkencoro-hulumtues për kafshë prodhuan vaksinë kundër gripit të shpendëve të tipit H5N1 dhe për tipin H7N1, i cili është shumë i rezikshëm për shpendët, kumtoi sot drejtori i Institutit, Eduard Xhavadov.

Ai theksoi se rezultatet nga hulumtimi do t'i dorëzohen Administratës shtetërore për bujqësi dhe Akademisë për shkenca bujqësore, të cilët do të vendosin nëse vaksina do të prodhohet në mënyrë masive ose do të nevojiten ende testime.

Shkencëtarët nga Instituti rreth vaksinës kanë punuar nga muaji maj i vitit të kaluar, ndërsa me vaksinimin mund të fillohet në mars.

Vaksina është bivalente, që do të thotë se mund të shfrytëzohet kundër virusit të lartë patogjen H5N1, por edhe kundër virusit H7N1, i cili është tejet i rrezikshëm për shpendët.

Ai thekson se vaksina nuk mjafton dhe se duhet të fillohet me asgjësimin e kafshëve të infektuara në vatrat me qëllim që të kufizohen kontaketet të kafshëve me shpendët shtegtar dhe të pamundësohet bartja e virusit në fabrikat për prodhim të mishit dhe bartjen te njerëzit.

[elbed]

Ku e gjete Davius. Ti e poston ne 16.01.06 dhe ne 18.01.06 ne Kine mbahet nje takim nderkombetar ne lidhje me gripin e shpendeve dhe mbledhjen e fondeve per te dhe nuk u permend fare ky lajm. Eshte i konfirmuar apo.......!

[Davius]

Lajmi eshte i konfirmuar, por problemi eshte se disa shtete nuk duan te perdorin vaksina qe prodhohen nga vendet e tjera dhe se kjo vaksine eshte per nje tjeter virus ne lidhje me gripin e shpezeve sepse sic dime ka shume lloje virusesh....

[swat]

hajt te rrojme vet u pa kjo pune
na kan myt viruset ene antiviruset
kete lajm e kam degjuar edhe une dhe qe jane pikerisht shkencetaret ruse por mbase eshte akoma per tu pare se si reagon kunder virusit ne mase qe te shikohen rezultatet efektive .............

[Flori]

Çështja e pranisë apo jo të gripit të shpendëve në Maqedoni këto ditë po paraqitet rishtas pas paraqitjes së këtij gripi në vendet fqinje siç është Greqia apo Bullgaria dhe më herët edhe në Turqi.

http://www.bbc.co.uk/worldservice/images/2006/02/20060210151145_41317118_chicken203.jpg

Në drejtorinë e veterinerisë në Shkup kanë konstatuar se grip të shpendëve në Maqedoni për momentin nuk ka.

Por gjithsesi janë shtuar masat kontrolluese në vendkalimet kufitare, pasi largësia ku ka grip të shpendëve në vendet fqinje është vetëm 80 kilometra.

Drejtori i qendrës së veterinerisë, Sllobodan Çokrevski thotë se Maqedonia nuk i është shmangur rrezikut, sidomos ky rrezik mund të vijë edhe nga shpendët shtegtarë.

Në Maqedoni akoma është në fuqi vendimi i muajt tetor të vitit të kaluar kur ajo me dekret ndaloi importimin e mishit të shpendëve nga të gjitha shtetet ku dyshohet se ka grip të shpendëve.

Po ashtu në të gjitha vendkalimet kufitare vazhdon të aplikohet regjim i veçantë i kontrollimit të mishit dhe prodhimeve tjera të shpendëve që vijnë nga këto shtete.

Në tetor të vitit të kaluar u dyshua se në një fshat në jug të Maqedonisë ka grip të shpendëve, por analizat nuk e vërtetuan këtë.

[hope31]

kisha nje pyetje :

Nqs e ke marre kete virus sa kohe duhet qe ai te shfaqet

apo shfaqet menjehere

[babybell]

po mire tani, gripi ka arritur sot ne france, para ca kohesh ne gjermani duke kaluar nga rumania, bullgaria, greqia dhe turqia. po shqiperise i ka rene tangent kshu?

[shigjeta]

Ndoshta sepse nuk kemi nje fluks te madh te zogjve migrator (qe jane mbartesit e virusit ne shume vende), ndoshta per shkak te siperfaqes se vogel teritoriale....virusi H5N1 nuk eshte akoma prezent ne Shqiperi. Mgjth cdo gje eshte e mundur, edhe mund te jete prezent. Ajo qe do shtoja eshte fakti qe eshte ne interesin e vete njerezve, qe merren me shpendet, te raportojne raste te tilla, pasi ata jane edhe te paret qe bien ne kontakt me virusin, qe ka cuar deri ne vdekje.

[helene]

Gripi i shpendëve mund të ketë hyrë në Shqipëri, ose ka qenë më përpara, por akoma nuk është evidentuar. Kështu u shpreh specialisti i departamentit të virologjisë pranë IKV-së, Aldin Lika, sipas të cilit, mendimi që nuk jemi të infektuar, akoma nuk është krejtësisht i sigurtë. Sipas tij, viruse të tilla që transmetohen përmes zogjve, mund të jenë futur kohë më parë në vendin tonë ashtu si në vendet e tjera, por kjo nuk mund të vërtetohet në mënyrë të menjëhershme. Një gjë e tillë mund të evidentohet pas 15 ditësh, ose pas një muaji, pasi rezultatet dalin pas një kohe të caktuar. Ky është problem pasi, çdo vend mendon që nuk është i infektuar, por gjithmonë rezultatet e tregojnë atë. “Pra mund të jetë futur gripi i shpendëve në Shqipëri, por nuk është evidentuar akoma, sepse mundet që ta kenë virusin vetëm një ose dy zogj të egër, por që nuk është adoptuar dhe në zogjtë shtëpiakë”,- shpjegon Lika. Sipas tij, zogjtë e egër janë gjithashtu më rezistentë ndaj këtij virusi, sidomos rosat e egra, pasi mund ta mbajnë sëmundjen për një kohë të gjatë dhe mund të mos shfaqin as shenja klinike. “Problemi qëndron, nëse ia transmetojnë shpendëve të tjerë dhe shfaqet një epidemi, por më tragjike është, nëse do të shfaqet tek njerëzit”,- përfundon Aldin Lika.


shekulli

[helene]

Gripi i pulave ne Shqiperi....ketu mund te shihni lajmet me te fundit:

http://www.balkanweb.com/