Ku humbi MJAFT-i ?

[Hyllien]

Ku humbi MJAFT-i?

Nga Ilir Kulla


Mjaft-i është organizata joqeveritare rinore që më së shumti është bërë e njohur në Shqipërinë pluraliste që pas 1990 e këtej.
Fillimisht njerëzit e pëlqyen zërin e protestës të kësaj organizate, madje i’u bashkangjitën me simpati. Por shumë shpejt filluan dyshimet mbi mundësinë e përdorimit politik të kësaj organizate të pavarur. Protestat e MJAFT-it kundër Nanos dhe socialisëtve në pushtet, mbështetja edhe pse jo e drejtëpërdrejtë ndaj të djathtës që drejtohej nga Berisha bënë që këto dyshime të rriteshin. Nw të vërtetë hijet mbi besueshmërinë e MJAFT-it janë rritur pas ardhjes së zotit Berisha në pushtet. As edhe një fjalë të vetme kritike kundër qeverisë Berisha për gjëra shumë të rënda. Mesa duket as lajmi se një ministër i qeverisë e shpërblen veten tre herë brenda tre muajve, as fakti se në një rreth shumë të madh dhe të afërt me Tiranën emërohet një zyrtar shumë i lartë që ka qenë shumë vite në burg për drogë, as prekja e administratës civile për shkaqe politike, as emërimet tepër të cuditshme në diplomaci, as trajtimi i buxheteve të disa bashkive të mëdha si dhe sa ato disa komunave të vogla vetëm për shkaqe politike, nuk ka përbërë shkak për MJAFT-in për të ngritur zërin.

Sikur të mos ishte e mjaftueshme nuk ka përbërë për Mjaftin shenjë shqetësimi as licensimi i njw kompanie të re ajrore brenda një jave nga Ministri i ri në moshë e në detyrë i Transportit dhe i Punëve Publike, as shkarkimi i Moikom Zeqos nga Muzeu Kombëtar, as shkarkimi pwr shkaqe politike i vëllait të Igli Tares një nga figurat me të cilin krenohet cdo shqiptar kur del jashtë atdheut, as emërimi i zonjës së zëvendëskryeministrit drejtoreshë në dikasterin e financave pa asnjë konkurs të administratës civile, e madje as për fondet dhe financimeve të PD-së në fushatën e fundit elektorale që e solli në pushtet.

Me të drejtë na lind pyetja cdo të kishte bërë Erion Veliaj sikur në pushtet të ishte ende Fatos Nano? A nuk i gjeti 20 vajza të veshura si nuse për të ironizuar martesën e ish-Kryeministrit? Po studentët a nuk i nxori në rrugë të protestonin për mungesën e dritave? Mjafton të kujtojmë që ky ka qenë viti i krizës më të madhe të mundshme të energjisë elektrike. Po për anullimin e tenderit ndërkombëtar të energjisë dhe blerjet me prokurim të drejtëpërdrejtë në kundërshtim me ligjin a është kujtuar MJAFT-i të protestojë apo këtë radhë në pushtet është Berisha dhe kjo nuk përbën arsye për të protestuar. Me mirësi, qytetari dhe qetësi MJAFT-i duhet të kuptojë se mjafton kjo heshtje e gjatë që të kuptojmë se ndoshta MJAFT-i ishte krijuar vetëm për një arsye: kundër Fatos Nanos dhe Partisë Socialiste.

[Dito]

Cyclotomic pershendetje:
Kjo provoi thjesht faktin qe ishin te ndertuar politikisht dhe asgje me tej.

Dito.

[Iliriani]

Erion Veliaj kandidat i Ramës për kryetar të FRESSH-it
Ashtu siç pritej, duket se Erion Veliaj së shpejti mund t’i thotë “lamtumirë” organizatave të shoqërisë civile duke e braktisur “Mjaft”-in, për postin e kryetarit të FRESSH-it. Ky njoftim bëhet i ditur nga burime brenda kryesisë së selisë rozë, ku është duke u përgatitur katapulka për kapërcimin e Veliajt, në krye të strukturave rinore të Partisë Socialiste. Për këtë arsye, kryetari socialist Edi Rama është duke përgatitur platformën e trajnimit të Veliajt për organizimin dhe drejtimin e rinisë socialiste. Ende nuk janë bërë të njohura modalitetet e këtij ndryshimi, por deri tani dihet saktë se Rama është i pakënaqur nga drejtimi aktual i FRESSH-it, prej kryetarit Gjergji Koja.Megjithëse ky i fundit gëzon mbështetjen e një grupi të madh FRESSHistësh, përsëri Rama kërkon domosdoshmërisht gjetjen e një emri tjetër për kryesimin e këtij forumi rinor. Dhe për këtë arsye njëri prej individëve më të përshtatshëm mund të jetë Erion Veliaj, i cili gjatë kohëve të fundit ka ndërmarrë shpeshherë iniciativa në mbështetje të Ramës. Edhe në rastin e debatit për Zogun e Zi, Veliaj ka organizuar tubime me disa prej mbështetësve të tij, duke kërkuar gjithashtu një referendum në lidhje me të ardhmen e këtij nënkalimi. Në këtë mënyrë duket se Veliaj e ka gjetur nënkalimin e vet të sigurtë nëpërmjet kryebashkiakut për të kaluar direkt në krye të FRESSHistëve socialistë.


Gazeta Sot

[ClaY_MorE]

Ka dal nje xhiro se eshte me pushime.

PS: ca kerkoni nga mjaft ?

[Brari]

Kush eshte ky Ilir Kulla qe ka shkruar artikullin lart dhe pse i kerkon Mjaftit te behet "zan Caush 97-te?
Pse ilir kullat Frroket Edvinat Petro Korab kocet e erionet e ZP e Bollinot e Gsh-s e kerkojne me urgjenc 97-ten?
Krimi i lidh dhe i zgidh dhe i frymezon qe te gjejne njeri tjetrin.

Ja nje skjarim:

---------
Llapi ka postuar kte shkrim para ca javesh. Aty cfaqet ky misteriozi i Nanos Ilir Kulla:

:

--
Ka vazhduar rigjykimi në procesin “Drini”, me dëshminë e vëllait, bashkëshortes dhe djalit të dajës së “Drinit”





Në rigjykimin e procesit “Drini”, të martën ka dëshmuar edhe dëshmitari i prokurorisë, Lulzim Berisha, i cili është djali i dajës së komandant Drinit. Berisha ndërkaq ka dëshmuar lidhur me takimet e Sali Veselit, Kadri Kryeziut, Sadik Halitjahës, Ilir Kullës etj., në hotel “Prizren”, para vrasjes së komandant Drinit



Shkruajnë : Burim Etemaj e Bajram Lani



Prishtinë, 22 nëntor 2005 - Në procesin gjyqësor “Drini”, ka përfunduar dëshminë e tij vëllai i Ekrem Rexhës, Ruzhdi Rexha, ndërkaq dëshminë e ka filluar bashkëshortja e komandant “Drinit”. Hajrije Rexha. Mirëpo, për shkak se dëshmitari Lulzim Berisha nuk ka pasur kohë të dëshmojë ndonjë ditë tjetër, e ka dhënë dëshminë e tij sot (të martën), duke i lënë Hajrije Rexhës që të vazhdojë dëshminë e saj të hënën në mëngjes. Fillimisht, dëshmitari Rexha është marrë në pyetje nga avokatja e Sali Veselit, Sadije Mjekiqi, e cila është interesuar të dijë se si e vlerëson Ruzhdiu interesimin e Sali Veselit për ta marrë një autorizimin nga familjarët e “Drinit”, për ta marrë kompjuterin Lap-Top të cilin e kishte konfiskuar policia e për të cilin ishte shqetësuar familja Rexha. “Në atë moment nuk e kam ditë qëllimin e Sali Veselit, por vetëm e di që ka kërkuar autorizim, por ai sigurisht se i ka pasur qëllimet e mira, por në thonjëza e them këtë ngase nuk e di. Vetë fakti që s’kam dashur t’ia jap autorizimin tregon se kam dyshuar, sepse kam menduar se atë Lap-Top së pari duhet ta ketë familja”, ka thënë Rexha.

Ndërkaq, avokati i Abit Hazirajt, Hasim Loshi, është ndërlidhur me listën e paraqitur një ditë më parë nga prokurori ndërkombëtar, në të cilën gjendej edhe klienti i tij, Abiti. “Me të drejtë klienti im Abiti thotë se është shënuar gabimisht emri i tij, sepse Abiti në të gjitha dokumentet e ka mbiemrin Haziraj e jo Haziri, siç është në listë. Emri i tij është shënuar me dorë dhe këtu shihet se ai që e ka shkruar nuk e di gjuhën shqipe”, ka thënë avokati Loshi.

Dëshmitari është marrë në pyetje pastaj nga prokurori ndërkombëtar, i cili ka ofruar një dokument në të cilin ishte një fjalim, që sipas dëshmisë së Ruzhdiut, Ekremi është dashur ta lexojë këtë fjalim në fshatin Tërstenik të Pejës, ditën që është vrarë. “Gjatë bisedave që keni pasur me ‘Drinin’, a ka ndodhur që të flasë keq për UÇK-në, apo për ndonjë person të veçantë?”, ka pyetur prokurori, ndërkaq dëshmitari ka thënë: “Kurrë s’e kam dëgjuar të flasë keq për UÇK-në, por për disa aktivitete apo individë po. Konkretisht djalin e axhës e ka kritikuar, Nexhmedin Kastratin”. Duke u referuar në dëshminë e një dite më parë, ku Ruzhdi Rexha ka dëshmuar se pas arrestimit të Sali Veselit, Abit Hazirajt dhe të tjerëve, Hashim Thaçi dhe bashkëpunëtorët e tij e kanë vizituar familjen Rexha, kryetarja e trupit gjykues, Lolica Dumlao, e ka pyetur dëshmitarin Rexha se “sa kohë pas arrestimit të tyre ka ndodhur vizita e Thaçit?”. “Nuk jam i sigurt, diku 2-3 muaj pas, sepse në atë kohë ka qenë edhe fushata zgjedhore e PDK-së, por saktësisht nuk e di sa muaj. Atë ditë na ka njoftuar për vizitë, sepse ka pasur disa aktivitete në Prizren, pastaj ka ardhur në familjen tonë dhe e ka vazhduar fushatën në sallën e sportit”, ka thënë Ruzhdiu, duke shtuar se bashkë me Thaçin kanë qenë edhe Fatmir Limaj, Ramë Buja etj., ndërkaq nga familjarët e tij kanë qenë disa axhallarë dhe vëllai më i madh i Ekrem Rexhës, Qamili. Duke treguar për rrjedhën e bisedës gjatë kësaj vizite, Ruzhdi Rexha ka thënë se Hashim Thaçi ka folur për aktivitetin dhe veprën e komandant “Drinit”, se si janë njohur, si kanë fjetur gjatë luftës bashkë, dhe se si vrasja e “Drinit” është një humbje e madhe. “Pas kësaj, axha i madh e ka shprehur mendimin se kushdo qofshin vrasësit, e meritojnë dënimin më të madh. Pas kësaj, Thaçi ka provuar që të na bindë se Sali Veseli nuk ka kurrfarë lidhje me vrasjen e Ekremit dhe po citoj fjalët e tij: ‘Familja e Drinit, duhet të jeni të sigurt se Sali Veseli dhe pjesëtarët tjerë të TMK-së nuk kanë dorë në vrasjen e Drinit’. Pas kësaj unë kam ndërhyrë pasi nuk kam dashur që në familje të diskutohet se kush është apo kush nuk është vrasës. E kam pyetur Thaçin se a ka frikë në jetë dhe ai është befasuar nga pyetja”, ka thënë Rexha, duke treguar se me këtë pyetje ka aluduar tek ajo se a ka frikë edhe Thaçi që sikur pjesëtarët e tjerë të UÇK-së, të mbetet pa privilegje. Ruzhdiu nuk ka përtuar të tregojë edhe se si nëpërmjet “meseleve” ia ka bërë të ditur Thaçit këtë, duke treguar se si në kohën e marshall Titos, siç i ka thënë Ruzhdiu, vetëm me dy dëshmitarë-bashkëluftëtarë, të jepeshin të gjitha të drejtat, banesa, lokali, rruga e mirë, gjithë të mirat, si luftëtar…

I pyetur se, derisa Thaçi ka dhënë mendimet e tij, a e keni pyetur Thaçin se kush mendonte ai se kishte gisht në vrasjen e “Drinit”, dëshmitari ka thënë se nuk e ka pyetur. “Kjo vizitë ku Hashim Thaçi ka kërkuar që ju të kishit mirëkuptim sa i përket arrestimit të Sali Veselit. Çka doni të thoni me këtë se ‘ka kërkuar mirëkuptim’?”, ka pyetur gjykatësja. “Ka kërkuar që mos t’i akuzonim menjëherë Sali Veselin dhe anëtarët e tjerë të TMK-së, ashtu mendoj”, ka thënë Rexha, duke shtuar se ai nuk ka dashur ta pyesë Thaçin se kush mendon se është vrasësi, pasi që hetimet ishin në procedurë. Lidhur me këtë, avokatja Sadije Mjekiqi ka shprehur habinë se si në asnjë seancë gjyqësore deri me tani dëshmitari Rexha nuk e ka zënë në gojë vizitën e Hashim Thaçit në familjen e Ekrem Rexhës, mirëpo dëshmitari ka thënë se nuk është pyetur asnjëherë deri më tani konkretisht, siç ka pyetur gjykatësja. Ndërkohë, dëshmitari ka thënë se përveç Thaçit, në familjen e tyre, në një rast tjetër ka qenë edhe Sami Lushtaku, i cili në atë kohë ka qenë komandant i Zonës së Dytë. “I njëjti është përpjekur të na bindte se Sali Veseli nuk ka dorë në vrasje. Nuk e kam përmend as këtë më herët sepse nuk jam pyetur nga askush. Janë edhe deklaratat e Agim Çekut, ku ka thënë se Sali Veseli nuk ka dorë në vrasjen e ‘Drinit’. As për këtë nuk jam pyetur, por unë këto i kam lexuar në gazeta”, ka thënë Rexha. I pyetur për vizitën e Sami Lushtakut, Ruzhdiu ka thënë se për këtë më mirë është të pyetet bashkëshortja e “Drinit”, pasi që ai vetë nuk ka qenë në shtëpi kur ishte për vizitë Lushtaku.



Dëshminë e ka filluar bashkëshortja e komandant “Drinit”, Hajrije Rexha



Fillimisht, Harije Rexha, bashkëshortja e Ekrem Rexhës, ka folur për kohën kur është martuar me “Drinin”, në verë të ’98-s, dhe për inkuadrimin e Ekremit në UÇK, si komandant në rajonin e Vërrinit. “A ju ka treguar burri juaj ndonjëherë nëse ndihej i kërcënuar nga dikush sa ishte në shtëpi?”, ka pyetur anëtari i trupit gjykues, ndërkaq dëshmitarja ka thënë jo, mirëpo ka pranuar se shpeshherë e ka gjetur të hutuar dhe të menduar. Ajo ka thënë se kur Ekremi kishte mbledhje me Kuvendin Komunal apo me UNMIK-un, ai e ka pasur zakon që njeriut t’ia thotë ndër sy se nuk e ka drejtë. “Shpesh i thosha të mos ua thotë njerëzve në sy atë që ai mendon, sepse njerëzit mund të mllefosen, por ai më thoshte se më mirë ta thotë të vërtetën në sy që mos të përsëritet gabimi dy herë”, ka thënë ajo. “A të ka shkuar në mendje se mund ta kenë vrarë shokët e tij?”, ka pyetur gjykatësi. “I kam thënë gjithmonë ruaju, por ai thoshte, ‘ata që mund të më vrasin janë larg’, duke aluduar tek serbët dhe thoshte se nuk ka pse të ruhet apo frikësohet, sepse s’i ka bërë askujt asgjë”, ka thënë dëshmitarja. Bashkëshortja e Ekrem Rexhës më pas është pyetur për ditën e vrasjes së Ekremit, ku ajo ka përshkruar situatën në ditën e vrasjes së tij. “Isha me fytyrë nga dritarja derisa i merrja gotat që kishim pirë çaj. Në një moment kam dëgjuar disa krisma dhe një makinë që nga zhurma dukej se ishte në shpejtësi të madhe. Pas atyre krismave ka kaluar e njëjta veturë që e kam parë më herët dhe nuk ka qenë duke shkuar shpejt. Pastaj kam thënë me vete, nuk është kjo veturë, edhe burri im nuk e ngiste veturën shpejt asnjëherë. Thashë me vete, ‘o Zot ishalla nuk është ajo që po mendoj unë’. Prej aty kam shkuar te Ruzhdiu dhe i kam thënë se a e ka parë Ekremin”, ka treguar Hajrije Rexha.

Më tej me pyetje ka filluar prokurori ndërkombëtar Dana Urban, i cili më tepër është interesuar për periudhën kur Ekremi dhe Hajrija janë martuar zyrtarisht, shkuarja e Ekremit në Sarajevë, vizita e bashkëshortes së tij në Kosovë gjatë vitit ’98 dhe shtatzënisë së saj. Ndërkaq, duke u ndalur tek paslufta, prokurori ka pyetur se “gjatë kësaj periudhe a ka bashkëpunuar Ekremi me ndërkombëtarët?” Dëshmitarja ka treguar se bashkëshorti i saj ka pasur bashkëpunim të mirë me UNMIK-ut dhe KFOR-in, por në veçanti me IOM-in. Ajo më tej ka sjellë momente nga mbledhja përkujtimore dhe gjatë varrimit të komandant “Drinit”, duke treguar se aty për herë të parë e ka parë Sali Veselin, Halil Çadrakun, Xhemajli Berishën, Sadik Halitjahën e të tjerë që s’i kishte njohur më herët, përveç Halitjahës për të cilin ka thënë se e ka parë më herët në televizor. Dëshmitarja ka thënë se nuk i kujtohet deklarata e mëhershme, për të cilën është pyetur nga prokurori, në të cilën ajo ka thënë se “Drini” ka pasur konflikt me Sali Veselin. Ndërkohë, avokatja Mjekiqi ka ndërhyrë duke thënë se në procesverbalin në shqip nuk përmendet fjala konflikt, por “nuk kanë pasur raporte të mira”. Prokurori, duke u referuar në deklaratat e mëhershme të Hajrije Rexhës, ka thënë se në deklaratë thuhet se Alush Shala e ka ndjekur vazhdimisht Ekremin dhe se ka pasur raporte të mira me Kadri Kryeziun. Dëshmitarja ka thënë për Alush Gashin se nuk i kujtohet, por Kadri Kryeziu është shoqëruar me një tjetër Shalë, emri i të cilit nuk i është kujtuar. Ndërkaq, kur është pyetur për Sadik Halitjahën se a ka pasur ndonjë konflikt me Ekrem Rexhën, dëshmitarja ka thënë: “Më kujtohet një herë në TV Kukës ishte i ftuar Sadik Halitjaha, i cili ishte i veshur me uniformë të UÇK-së, dhe i thashë burrit, shikoje se Halitjaha po pyetet për luftën. Më kujtohet që ai vetë u ngrit dhe e ndali televizorin dhe tha: ‘Kush e dëgjon këtë. Ky është një psikopat, asnjë të vërtetë nuk e thotë’”, ka treguar dëshmitarja Hajrije Rexha, duke shtuar se kjo ka qenë diku në vitin ’99, menjëherë pas luftës.



Dëshmitari Berisha dëshmon për praninë e Sali Veselit, Sadik Halitjahës, Kadri Kryeziut e Ilir Kullës në hotel “Prizren”



Në rigjykimin e procesit “Drini”, të martën ka dëshmuar dëshmitari i prokurorisë, Lulzim Berisha, aktualisht trajner i klubit të futbollit “Liria” nga Prizreni, i cili një kohë ka punuar edhe si kamerier në hotel “Prizren”, për të cilin profesion tha se e ka kryer edhe një kurs treditor në Kopaonik të Serbisë Jugore, konkretisht afër Rashkës, në vitin 1995. Përndryshe, Berisha është djali i dajës së komandant Drinit. Dëshmitari Berisha fillimisht ka treguar se asnjëherë nuk ka qenë pjesëtar i UÇK-së, TMK-së apo PDK-së. Gjatë luftës tha se ka jetuar në Shqipëri. Gjatë kohës sa ka punuar si kamerier në hotel “Prizren”, nga 18 dhjetori i ’99 deri më 8 maj 2000, kur edhe është vrarë komandant Drini, dëshmitari Berisha tha se në këtë hotel kanë frekuentuar shpesh anëtarë të TMK-së si dhe të Partisë së Progresit Demokratik të Kosovës, që më vonë është shndërruar në PDK.

Njerëzit e këtyre dy subjekteve, Berisha tha se nuk e dinin se ishte i afërt i komandant Drinit. Duke përshkruar hotel “Prizrenin”, dëshmitari tha se ky hotel ndër të tjera ka edhe një sallë pak më të veçantë, ku mund të qëndrojnë rreth 16 persona. Dëshmitari Berisha tregoi se gjatë kohës sa ka punuar si kamerier e ka njohur Sali Veselin, dhe se ky i fundit e ka rezervuar disa herë sallën e veçantë të hotelit. Dëshmitarit nuk i është kujtuar nëse në këtë hotel Sali Veseli ka shkuar bashkë me Sadik Halitjahën, kurse me Kadri Kryeziun tha se ka qenë 2-3 herë. Dëshmitari po ashtu tha se Kadri Kryeziu në hotel “Prizren” ka qëndruar më shumë herë sesa Veseli e Halitjaha. Sipas dëshmitarit, të paktën 2-3 herë Sali Veseli, Sadik Halitjaha dhe Kadri Kryeziu kanë qëndruar në sallën e veçantë. Por, dëshmitari tha se ka pasur raste edhe kur Veseli, Halitjaha e Kryeziu kanë qëndruar edhe në sallën e hotelit ku rrinë edhe klientët tjerë.

“Si silleshin ndërmjet vete?”, e ka pyetur prokurori dëshmitarin, i cili është përgjigjur se tre të lartpërmendurit në mënyrë shoqërore bisedonin qetë. Sipas tij, ka pasur raste kur edhe kanë pirë edhe alkool. Prokurori e ka pyetur dëshmitarin se mos e ka parë edhe Rexhep Selimin në ato takime. “Me sa më duket ka qenë një herë”, është përgjigjur dëshmitari. Ndërkaq, Tahir Sinanin tha se nuk e ka vërejtur. “Po Fatmir Limaj, a ka ardhur aty?”, ka pyetur prokurori, kurse dëshmitari është përgjigjur “po njëherë”. Dëshmitari në vazhdim ka treguar se me Sali Veselin, Sadik Halitjahën dhe Kadri Kryeziun ka ndenjur edhe Ilir Kulla, nga Shqipëria. “A ka qenë një rast para vitit 2000, i cili iu ka shqetësuar, kur në hotel kanë ndenjur bashkë Sali Veseli, Sadik Halitjaha?”, ishte pyetja tjetër e prokurorit, ndërsa dëshmitari tha ‘po’. “Gjendja e Halitjahës ka qenë e shqetësuar… ai në një moment bëri me dorë, e çoi dorën lart në drejtim të Sali Veselit, duke e ngritur zërin deri në nivel të bërtitjes, m'u duk sikur po i bërtiste Sali Veselit”, është shprehur dëshmitari Berisha, i cili pas pyetjes së prokurorit se çfarë po thoshte Sadik Halitjaha, është përgjigjur: “Halitjaha tha se është dashur ta kryejë më herët atë punë, kur e kemi zënë me 20 shokët e tij”. Një deklaratë të ngjashme në lidhje me bisedën e dëgjuar, dëshmitari tha se e ka dhënë në polici më 11 shkurt të vitit 2001. Dëshmitari tha se edhe tash qëndron prapa deklaratës që ka dhënë në polici. Në vazhdim dëshmitari po ashtu ka treguar se pas fjalëve të Halitjahës, Sali Veseli ka qenë i humbur (i hutuar). Ai po ashtu tha se Veselin e Halitjahën i ka dëgjuar duke folur për Drinin në momentin kur ua ka servuar kafet e para.

Dëshmitari Berisha tha se për bisedën e dëgjuar i ka treguar edhe Drinit, mirëpo ky i fundit, sipas tij, e ka lutur që të mos shqetësohet. “Mos u mërzitni se askujt asgjë nuk i kam bërë e as nuk i kam borxh, nuk kam pse të frikësohem”, i ka cituar fjalët e Drinit, dëshmitari Berisha. Më pas prokurori ka kërkuar nga dëshmitari që të shikojë në sallën e gjyqit nëse e sheh Sali Veselin. “Nuk e ka të vështirë, më njeh krejt bota”, është dëgjuar duke thënë Veseli. “Po, ky është”, ka bërë me gisht në drejtim të Veselit dëshmitari. Prokurori ka vazhduar me parashtrimin e pyetjeve për dëshmitarin, duke u interesuar përsëri për Ilir Kullën. Kulla, tha dëshmitari, ishte i pranishëm gjithmonë në hotel “Prizren”, dhe nga ajo që ka arritur të kuptojë ka qenë gazetar, edhe pse shtoi ai, asnjëherë nuk e ka parë me mjete të punës së gazetarisë përveç të një aparati dhe telefoni celular. Kulla, sipas dëshmitarit, në hotel “Prizren” ka qëndruar rreth një muaj, për t’u larguar një muaj para vrasjes së Drinit, edhe pse, shtoi ai, teshat nuk i kishte marrë, dhoma e tij e hotelit ishte e mbyllur, ku askush nuk mund të hynte.

Sali Veseli dhe Sadik Halitjaha rrinin në një tavolinë me Ilir Kullën, ka thënë dëshmitari Berisha. Dëshmitari ka thënë po ashtu se ka dyshuar për Kullën dhe pasi që ka pyetur në recepcionin e hotelit për të, numri i pasaportës së tij është regjistruar në polici. Dëshmitari ka treguar se numrin e pasaportës së Kullës, IS 05311795, e ka dhënë vetë në polici. “A kishte diçka të dyshimtë ndërmjet faturave të hotelit dhe pasaportës?”, ka pyetur prokurori, kurse dëshmitari ka thënë se pas disa ditëve, Kullës i ka humbur pasaporta. Sipas dëshmitarit, Kulla po ashtu nuk i ka paguar disa fatura në hotel. “A e shihni Ilir Kullën në sallë?”, e ka pyetur prokurori dëshmitarin, ndërsa ky i fundit ka thënë “jo”. Pas vrasjes së Drinit më 8 maj 2000, pjesëtarët e TMK-së, si Sali Veseli e Sadik Halitjaha, dëshmitari tha se vinin më rrallë në hotel, përveç ndonjë takimi zyrtar me përfaqësues të UNMIK-ut dhe të KFOR-it. “Dmth. takimet pas vrasjes së Drinit nuk i mbanin më?”, ka pyetur prokurori, kurse dëshmitari është përgjigjur “jo”.



Dëshmitari Berisha merret në pyetje nga Sadije Mjekiqi, avokate e Veselit



Pyetja e parë e avokates Mjekiqi ka qenë se sa herë ka dëshmuar dëshmitari në polici për rastin Drini. “Dy herë”, ka thënë dëshmitari. Mjekiqi e ka pyetur dëshmitarin pastaj nëse ka mundur të kuptojë se në çfarë mënyre ka shkuar Ilir Kulla në hotel, kurse dëshmitari ka thënë se nuk i kishte interesuar puna e tij. “Ti the se ke dyshuar në të, e tash qysh nuk të ka interesuar puna e tij?”, ishte pyetja tjetër e avokates, kurse dëshmitari u përgjigj: “Pas atij rasti kam filluar të interesohem për të”. Dëshmitari tha për Kullën se e ka pyetur Ilir Himadunën, i cili sipas tij, i ka treguar se Kulla është gazetar. Pas pyetjes së avokates, dëshmitari Berisha ka treguar se drejtor i hotelit “Prizren” ishte Mustafë Gjana, me të cilin, shtoi ai, nuk e ka biseduar asnjëherë punën e Kullës. Dëshmitari po ashtu dëshmoi se edhe Drini është takuar më Ilir Kullën. “E kam marrë vesh gjatë bisedës me Drinin se është takuar me Kullën”, ka thënë dëshmitari, të cilit nuk i është kujtuar nëse Drini i ka treguar për vendtakimin me Kullën. “Në deklaratën tuaj më 11 shkurt 2001, keni thënë se Drini është takuar me Kullën në hotel ‘Theranda’”, ia ka përkujtuar avokatja, ndërsa dëshmitari ka thënë se ndoshta janë takuar aty, duke u arsyetuar se kjo ngjarje ndoshta i ka dalë nga mendja. I pyetur nga avokatja nëse në lidhje me bisedën që ka dëgjuar për Drinin ka biseduar edhe më dikë tjetër, dëshmitari ka thënë “jo”. Ndërkaq, në lidhje me deklaratën e dhënë në polici, dëshmitari tha se nuk ka shkuar vetë, por e kanë ftuar organet e hetuesisë.



Hasim Loshi, avokat i Abit Hazirajt, merr në pyetje dëshmitarin Lulzim Berisha



Avokati Loshi e ka pyetur dëshmitarin deri kur ka punuar si kamerier, ndërsa dëshmitari ka treguar se deri para dy viteve. Po ashtu, dëshmitari ka treguar se për profesionin e kamerierit e ka kryer edhe një kurs 3 ditor në Kopaonik të Serbisë në vitin ’95.



Dëshmitari Berisha përballet me pyetjet e Sali Veselit



Pyetje për dëshmitarin Lulzim Berisha ka parashtruar edhe gjeneralmajor Sali Veseli. “A e keni kryer shërbimin ushtarak të Ish-Jugosllavisë?”, ishte pyetja e Veselit, kurse dëshmitari u përgjigj: “Po, e kam pasur nderin të jem në çetën e sportistëve në atë kohë”. Veseli e ka pyetur po ashtu dëshmitarin nëse gjatë kryerjes së shërbimit ushtarak e ka ngritur dorën apo gishtin qoftë edhe ndaj një tetari, duke ia përkujtuar deklaratën se Sadik Halitjaha e ka ngritur dorën në drejtim të tij, ndërkaq dëshmitari tha jo kurrë. Veseli më pas e ka pyetur dëshmitarin nëse i ka kërkuar sallën kur i është dashur për ndonjë ceremoni drejtorit Mustafë Gjana, apo dikujt tjetër? “Drejtorit”, tha dëshmitari. “A mos jemi takuar unë e ti te dera e hyrjes apo recepcioni?”, ishte pyetja tjetër e Veselit, kurse dëshmitari u përgjigj: “Personalisht ju kam shërbyer”. Dëshmitari ndër të tjera ka treguar se Sali Veselin e ka parë në hotel “Prizren”, në shoqëri të shumë personaliteteve ndërkombëtare. Dëshmitari Lulzim Berisha do të merret në pyetje të hënën e ardhshme edhe nga trupi gjykues. Seanca e radhës mbahet të hënën duke filluar nga ora 9 e 30 minuta.

Epoka
-----------------

[Hyllien]

Ne vend qe te besh si ndonje telefon i prishur cfare ke per te thene per ato akuza ? Cilat qendrojne dhe cilat jo ?

[Dito]

pash zotin Cyclotomic
se nuk ja vlen me u marr me ket palloshin, ky mer daje paska ik skic se me kujton njerin qe ben ne parlament keshtu: Zemunareeeeee, Dushkallareeeeeeeee, etj... se kujt i vijne ndermend te tjerat.

mendo ti lesh 24 ore pushtet ketij palloshit se cfare ben?

Dito.