Gezuar Kurban Bajramin!

[angmokio]

edhe une e dij se nuk ka lidhje dhe se eshte gabim te festohet te enjten,...
edhe une pajtohem se dita e premte eshte dite feste.
por kemi familje, kemi opion te gjere dhe njerezit diten e enjte do te vijne per feste, sepse kjo dite eshte shpall dite feste dhe dite jo pune nga shteti ku jetojme.
do te vijne per vizite familjare, miq dhe dashamire.
andaj them:
sa tua mbyllim deren, me mire eshte te urojme mes vete dhe tju tregojme se dite feste eshte dita e premte dhe jo ajo dite qe kane ardhe ato.
Ketu e kisha fjalen.

Te kuptoj o vlla ,nuk je ti ai qe e ka vendosur kete date por komunitet muslimane. Mendoj se duhet te jene me te kujdesshem kur i bejne keto percaktime.

Miqve nuk i mbyllet dera si per bajram ashtu dhe per vizite te thjeshte. Problemi eshte qe nese ne e dime daten egzakt se kur eshte , dhe nuk e respektojne per hir te nje lajmerimi te rreme atehere kjo nuk eshte gje e mire . Aq me teper qe nje dite para Bajramit eshte dita e Arafatit.

Gjithsesi ne Shqiperi nuk ka pse festohet ne nje dite me Arabine Saudite, pasi sic tha dhe fisniku specifika e kalendarit henor eshte i tille qe ste jep mundesine te besh parashikime shume dite perpara.

[Hyrjana]

Njoftohen te gjithe besemtaret e fese ISLAME se festa e kurban bajramit eshte diten e enjte me 25. tetor 2012.

Ky vendim eshte unanim dhe zyrtar i dalur nga komunitetet e bashkesive Islame te Republikes se Shqiperise, Kosoves dhe Maqedonise.
Poashtu edhe Republikja e Turqise e ka shpallur daten 25.10.2012 si dite e festes se Kurban bajramit.

Mire se vjen kjo feste e lavderuar.
Te gjithe atyre qe ndodhen ne haxh - Allahu ua pranofte haxhin dhe duate qe i kane bere.
Ata qe do te presin Kurban - Allahu ua pranofte kurbanin.

eshte me 25 apo 26????

[urtesia]

do te festojme me 25 tetor,
dita 10 dhul hixhe sipas kalendarit.
kurse e verteta, ...

[Smth_Poetic]

Lajm i mire vjen nga Kosova.
Mbas Bosnjes edhe Kosova e ndryshone daten, kurban bajramit, do jete te premten ne date 26/10/2012.
Shpresojme qe ta ndryshojne daten KMSH dhe BFI e Maqedonise.

[Mexhid Yvejsi]

Njoftim për opinion

Prishtinë, 22 tetor 2012
N
Kurban - Bajrami të premten më 26 tetor
Kryesia e Bashkësisë Islame të Kosovës, njofton besimtarët dhe opinion e gjerë se dita e parë e festës së Kurban - bajramit është të premten më 26 tetor 2012.
Megjithëqë, në Takvimin e këtij viti ka qenë e paraparë që dita e Kurban - Bajramit të jetë më 25, caktimi i ditës së Arafatit nga autoritet e Arabisë Suadite, ka bërë që Kryesia e BIK të marrë vendim që dita e parë e Bajramit të jetë më 26 tetor, kjo edhe për faktin se fetarisht prerja e kurbanit nuk mund të bëhet derisa haxhilerët janë në Arafat.

Kryesia e Bashkësisë Islame të Kosovës të gjithë besimtarëve dhe opinionit të gjerë ua uron festën e Kurban - Bajramit duke e lutur Zotin që të na pranoj Haxhin, kurbanin, lutjet e ibadetet tona.

Me fat festa e Kurban –Bajramit!

[urtesia]

Lajm i mire vjen nga Kosova.
Mbas Bosnjes edhe Kosova e ndryshone daten, kurban bajramit, do jete te premten ne date 26/10/2012.
Shpresojme qe ta ndryshojne daten KMSH dhe BFI e Maqedonise.

E VERTETE,

BFI ne Kosove mbreme doli me vendim se ne kosove festa e kurban bajramit eshte me 26 tetore diten e XHUMA ( e premte ).

Shkupi dhe Tirona akoma jane ne percaktimin e vjeter me 25. Tetor 2012.


( Lutem deri tek gjithe ata qe kane ndikim, te bejne lutje tek Shkupi dhe Tirana zyrtare qe per hire te unitetit dhe nga fakti qe kurban bajrami eshte 4 dite, falja e namazit te bajramit te behet 45 min pas lindjes se diellit ne diten e XHUMA, ...
pasi qe nuk jemi me agjenim, nuk kemi obligime tjera qe e pengojne kete gje, ateher pse mos e gjejme nje gjuhe te perbashket.
nuk insistoj qe te ndryshojne daten dhe vendimin e tyre sipas kalendarit, por vetem kohen se kur do te behet falja e namazit te bajramit.

Inshaallah gjendet gjuhe e perbashket per hire te se mires se pergjitheshme.

[angmokio]

na tregojne arabet se si duhet te veprojme, futja kot......

Evenimentet Muslimane kane per baze kalendarin henor qe normalisht duhet te jete i njejte ne te gjithe boten. Aq me teper ne kohet e sotme ku teknologjia eshte e avancuar dhe merret vesh lehte se c'ndodh ne bote.

Uroj qe se shpejti Komunitetet Muslimane te Shqiperise dhe Maqedonise te dalin me nje version zyrtar per ndryshimin e dates se Bajramit ne 26-10-2012 sikurse do festohet ne te gjithe boten.

[Mexhid Yvejsi]

KURBAN BAJRAMI – FESTA E SAKRIFICËS,
E DASHURISË, E MIRËSISË...


Jemi në pragun e një feste të madhe, festës së Kurban Bajramit. Gjatë vitit, besimtarët myslimanë, kudo që janë, dy festa kryesore kanë, të cilat janë: Fiter Bajrami dhe Kurban Bajrami.

Ç’është Kurban Bajrami?

Kurban Bajrami është festë fetare Islame gjatë ditëve të të cilit besimtarët muslimanë të cilët kanë mundësi financiare flijojnë kafshë në emër të Allahut dhe një pjesë nga mishi i tyre ua dhurojnë të varfërve.
Pra, ky flijim, duke prerë një kafshë, në rrethanat tona lopë, dele, qengj ose cjap etj. si kurban. Sipas rregullave këto kafshë duhet të jenë të shëndosha, së paku të jenë një vit e vjetër. Për këtë flijim duhet bërë kjo lutje:

Në emër të Allahut بسم الله
Dhe Allahu është më i madhi والله أكبر
O Allah, kjo me të vërtetë është për ty اللهم إن هذا منك ولك
O Allah, pranoje nga unë اللهم تقبل مني


Që nga dita e parë e Kurban Bajramit, deri në ditën e katërt, kur të kryhet flijimi i kafshës, atëherë, sipas Kur’an-it, mishi duhet të ndahet në tri pjesë:
Një pjesë ju dhurohet të varfërve, një pjesë për të afërmit dhe fqinjët dhe pjesa e fundit mbetet për familjen tënde.

Çfarë simbolizon Kurban Bajrami?

Kurban Bajrami simbolizon dashurinë, paqen, gëzimin, begatinë, kënaqësinë... Vetë fjala Bajram do të thotë kënaqësi, gëzim, begati... Në këtë ditë, patjetër, të zemëruarit duhet të pajtohen, sepse kjo është dita e gëzimit dhe lumturisë së përbashkët me të afërmit, fqinjët, shokët miqët dhe të gjithë njerëzit e lagjes, komunitetit, fshatit apo qytetit. Për këtë arsye, Muhammedi (a.s.) i porosiste kështu besimtarët:
”Në ditët e Bajramit haet, pihet dhe shkëmbehen vizita”. Ai, gjithashtu, porosiste që të mos i harrojnë të varfërit dhe nevojtarët. Gjithashtu, profeti Muhamed (a.s.) na thotë se në bajrame duhet të tregohet gëzim e hare me qëllim që të manifestohet bashkimi, toleranca, forca dhe vëllazërimi.
Festa e Kurban Bajramit është simbol i sakrificës, i flijimit, i ngadhnjimit të së mirës mbi të keqen; është obligimi ynë fetar që në këto momente të vështira, t'ia shtrijmë dorën e ndihmës atyre që kanë nevojë. Dhe prerja e kurbanit, është një prej treguesve të afrimit tek e vërteta, të flijimit drejt asaj rruge të vërtetë.

Kurban Bajrami në trojet shqiptare

Ndër shekuj, në trojet shqiptare, Kurban Bajrami është festuar duke flijuar, duke festuar gjithmonë, që nga koha e Osmanlisë, e Sërbisë, e mbretërisë, në kohën e fashizmit, nazizmit, komunizmit, deri në ditët tona, edhe pse sot pakëz të hutuar, kjo festë po vazhdon si gjithmonë...
Sipas traditës islame, festa e Kurban Bajramit fillon me faljen e namazit në xhami, nëpër rrugë, sheshe, nëpër borë e shi, por tek shpirtërat e besimtarëve po sjellë freskim, energji, mallëngjim...Pas faljes, Bajrami po vazhdon me prerjen e kurbanit dhe mbaron me vizitat në të afërm, fqinj, shokë e dashamirë, miqë, që po sjellë bashkim, afrim, dashuri, mirësi...

Prejardhja e Kurban Bajramit

Prejardhje e kësaj feste njerëzore ka prejardhje Hyjnore. Prerja e Kurbanit ka filluar, sipas Kur’anit të madhëruar, që nga njeriu i parë, që nga familja e parë njerëzore në sipërfaqen tokësore. Ka filluar prej hz.Ademit dhe bijve të tij, Kabili dhe Habili.
Në Kur'an, në suren Maide, Allahu (xh.sh.) urdhëron e thotë: "Lexoju o Muhammed atyre, ngjarjen e vërtetë të dy djemve të Ademit, kur të dy flijuan kurban, nga të cilët njerit iu pranua ndërsa tjetrit jo.." Nga ky ajet Kur’anor shihet se, urtësia kryesore e kryerjes së këtij obligimi fetar është afrimi tek Allahu me vepra të mira.
Më pas kemi shembull ngjarjen e hz. Ibrahimit, kur ky vendosi të flijojë djalin e tij, Ismailin, për t'iu bindur urdhërit të Zotit. Këtë ngjarje Kur'ani e shpjegon si më poshtë:
"Kështu, Ne e përgëzuam Ibrahimin me një djalë të mirë e të sjellshëm. Kur djali (Ismaili) filloi të angazhohej në jetë me të atin, Ibrahimi i tha:- O biri im! Pashë në ëndërr sikur po të bëja kurban. Çfarë mendon ti? Ismaili tha:- O babai im, vepro ashtu siç të urdhërohet e do shohësh se në dashtë Zoti, do të jem i durueshëm. E kur ata iu nënshtruan plotësisht urdhërit të Allahut dhe Ibrahimi e përmbysi të birin për ta bërë kurban, e thirrëm:- O Ibrahim! Ti e përmbushe ëndrrën. Ne kështu i shpërblejmë bamirësit. Në të vërtetë kjo ishte një sprovë e madhe dhe e qartë. Ne e shpaguam (Ismailin) me një kurban të madh. (Safat, 102-107).

Bindja, devotshmëria dhe dashuria

Krijuesi i Gjithësisë, prej të Cilit jemi, tek i Cili do të kthehemi, nuk ka nevojë për asgjë dhe për askënd, por jemi ne që kemi nevojë për mëshirën e Tij. Atij nuk i shtohet as nuk i pakësohet asgjë, pse presim ose jo ne kurban për Të, por Atij i intereson devotshmëria e zemrave tona, siç thotë në Kur'an:
”Tek Allahu nuk arrin as mishi e as gjaku i kurbaneve. Ajo që arrin tek Zoti, është bindja dhe devotshmëria juaj ndaj Tij." (Haxh: 37).
Festa e Kurban Bajramit është festa e pastrimit të zemrës. Zemra pastrohet me bindje, devotshmëri, me dashuri.
Po, ç’është dashuria?
Poeti thotë:

Dashuria

Më e rëndë se toka
Më e lehtë se hija
E vjeter sa lindja
Pafund sa gjithësia
Syri nuk e sheh
Veshi nuk e dëgjon
Zemra është folea
Ku ajo banon...

Mexhid YVEJSI, Gjakovë

[Sayan2003]

Po edhe tek festa bajramit do dalim kundra botes ne Shqiptaret mo?

[Mexhid Yvejsi]

Arsyet perse Turqia vendosi daten 25 Tetor per Kurban Bajramin.

Numri: 1065 Ankara 17/10/2012

Me emrin e Allahut Mëshiruesit Mëshirbërësit
Falënderimi i takon Allahut, Zotit të botëve, i Cili krijoi diellin dhe hënën për llogari. Përshëndetjet dhe selamet qofshin për Muhamedin a.s., i cili e largoi umetin e tij nga injoranca dhe analfabetizmi, duke e ngritur në shkallën më të lartë të shkencave dhe arteve në botë.
Vërtetimi i fillimit të muajve hënorë, në përcaktimin (takvimin) e kryesisë për çështje fetare, realizohet në varësi të vendimeve të Konferencës për pamjen e hënës, e mbajtur në Stamboll më 27-30/11/1978m.



Disa nene prej vendimeve të marra:
1. Thelbësorja është që hëna të shihet, pa marr parasysh, se shikimi është thjesht me sy (pa mjete) apo shikimi bëhet përmes mjeteve vrojtuese shkencore moderne.



2. Sipas mendimit të astronomëve, fillimi i muajit hënor të përcaktuar sipas llogarive, për të qenë i konfirmuar sipas sheriatit islam, duhet të mbështetet edhe në pamjen e hënës me sy (pa mjete) në horizont, dhe atë pa pengesë dhe pas perëndimit të diellit. Kjo pamje quhet “Shikim vendorur”



3. Për ta parë hënën, duhet plotësuar këto dy kushte esenciale:
a) Distanca e këndit të fituar mes diellit dhe hënës të mos jetë më pak se 8 (tetë) shkallë. Siç është e ditur, pamja e hënës fillon në distancën 7/8 shkallë. Janë pajtuar mendimet e të gjithëve se shkalla 8 (tetë) është thelbësorja.
b) Këndi i fituar nga ngritja e hënës nga horizonti gjatë perëndimit të diellit të mos jetë më pak se 5 (pesë) shkallë. Në bazë të kësaj, mund të realizohet pamja e hënës së re me sy (pa mjete).



4. Nuk kushtëzohet që shikimi i hënës së re të bëhet vetëm nga një vend i caktuar. Dispozita e fillimit të muajit mbështetet në mundshmërinë e shikimit të hënës së re në çdo vend të rruzullit tokësor.
Sipas këtyre vendimeve është formuar parimi i vërtetimit të fillimit të muajit hënor, pra me pamjen e hënës së re, kudo qoftë ajo në mbarë rruzullin tokësor. Andaj kryesia e çështjeve fetare turke llogaritjet e saj i ka mbështetur në këto bazamente.



Në bazë të llogaritjeve të cilat i ka realizuar Kryesia me observatorin e austronomisë në Kandeli, hëna e re e muajit Dhulhixhe për vitin 1433 h, pas mbledhjes së realizuar e cila i plotëson kushtet e cituara më lart, vërteton se është bërë shikimi i hënës së re në orën 1:20 pas mesnate, sipas orës botërore, dhe atë në këto vende:


1. Në Oqeanin e Qetë, për datën 15/10/2012 dielli ka perënduar në orën 21:20 të mbrëmjes, kurse hëna ka perënduar në orën 22:44. Në jug të kontinentit të Antarktikut dhe në jug të Amerikës Latine, e cila bie në meridianin e jugut 69 shkallë, 20 minuta dhe 44,952 sekonda, dhe në meridianin e perëndimit 86 shkallë, 17 minuta dhe 56,58 sekonda.


2. Gjithashtu, në Oqeanin e Qetë dhe në fillim të kontinentit të Amerikës së Jugut, me datë 15/10/2012 m dielli perëndoi në orën 18:20 sipas orës vendore, kurse hëna perëndoi në orën 18:58. Ky vend bie në meridianin jugor me 36 shkallë, 51 minuta dhe 56,38 sekonda, dhe mes meridianit perëndimor me 105 shkallë, 51 minuta dhe 48,528.


3. Po ashtu, në Oqeanin e Qetë, pranë Perusë dhe Ekuadorit, me datë 15/10/2012m dielli perëndoi në orën 18:20, kurse hëna në orën 18:45 sipas orës vendore.




Këto bien pranë meridianit jugor me 4 shkallë, 23 minuta dhe 7,836 sekonda, dhe mes meridianit perëndimor me 112 shkallë, 11 minuta dhe 12,372 sekonda.
Kur fillon të shihet hëna e re për herën e parë në viset e përmendura më lartë, në atë kohë ende nuk ka mbërritur koha e sabahut në Turqi e as në Mekë. Prandaj, pjesa e fundit e natës në të cilën është parë hëna e re e prekën edhe Turqinë, d.m.th. edhe Turqinë e përfshin nata në të cilën është parë hëna sipas sheriatit islam dhe sipas rregullave të fik’hut, të cilat e përcaktojnë fillimin e natës së muajit të Dhulhixhes.
Në dritën e këtyre të dhënave, dita e martë, që përputhet me datën 16/10/2012, është dita e parë e muajit Dhulhixhe për vitin 1433 h, kurse dita e enjte, që përputhet me 25/10/2012m, është dita e parë e Kurban Bajramit të bekuar.
Kryesia më e lartë për çështje fetare, në kryesinë e çështjeve fetare turke.