Gezuar Kurban Bajramin!

[ruela]

gezuar kurban bajramin

fat,shendet,mbaresi per ju dhe familjet tuaja.

selam alejkum
ruela

[Erlebnisse]

gezuar e per shume vjet

[XH.GASHI]

Te gjithe Shqiptareve te Besimit Islam,
Urime
Festa e Kurban Bajramit!

[bklyn_kid]

Per harj bajrami, gezuar edhe fat e mbarsi!

[Drini_i_Zi]

I uroj gjith muslimanet per festen e madhe te Kurban Bajramit , Allahu na pranoft lutjet , agjerimin dhe kurbanet.
Lutem qe gjendja e pergjithshme e muslimaneve te permisohet dhe qe Islami edhe me shum te gjej vendin e tij mes popujve.
Inshallah Kosova ruan tersin teritoriale , ne shqiptaret e Maqedonise te clirohemi nga pushteti sllav , Shqiperia te clirohet nga ndikimi i huaj negativ, camet te fitojn te drejtat e tyre , te fitojn pronat , inshallah Cameria nje dit ti kthehet shqiptareve.
Lutem qe shqiptaret tu largohen elementeve shkatrruese , sic jan droga , alkooli , prostitucioni , lutem qe shqiptaret te vrapojn pas kerkimit te dituris , te behemi popull i afte per te udheheq me vetveten , lutem qe femra shqiptare te mos hezitoj te zbukuroj shpirtin e saj , qe lakuriqsia mos te ket vend ne trojet shqiptare...
Inshallah te kemi zhvillim ekonomik , te kthehen mergimtaret ne atdhe ...
...te ket respekt dhe perkrahje vllazerore ...
Amin

[Drini_i_Zi]

Besimtarët myslimanë në Maqedoni po festojnë Kurban Bajramin


Në Maqedoni ceremomia kryesore e faljes së Kurban Bajramit u mbajt në Shkup, në xhaminë e Sulltan Muratit, ku mori pjesë i gjithë kreu Bashkësisë Fetare Islame.

Mirëpo, çuditërisht, në këtë xhami, ndodhi diçka e paparë. Si asnjëherë më parë mungonte xhemati. Besimtarët myslimanë, me të marrë vesh se lutjen e mëngjesit do ta kryente, personalisht kryetari i BFI-së Sulejman Rexhepi, ndërronin rrugën dhe niseshin drejt xhamive tjera që gjenden përreth xhamisë së Sulltan Muratit. Përpos besimtarëve, munguan edhe liderët politikë, të cilët tradicionalisht në festa të këtilla ulen në rreshtin e parë. Përkundër kësaj, imami që mbajti hutben atyre pak besimtarëve që ishin në xhami, u bëri thirrje për paqe dhe solidaritet, ndërsa foli edhe mbi rëndësinë e kurbanit.
“Therja e kurbanit dhe flijimi hasen në të gjitha civilizimet dhe kulturat botërore, por në civilizimin Islam ai ka mare konotacion edhe vlera të cilat kanë të bëjnë drejpërsëdrejti me besimin dhe gatishmërinë për ta flijuar vehten në rrugën e Allahut. Kurbanet që ne i flijojmë dhe vet festa e Kurban Bajramit poashtu janë një përpjekje për t’iu afruar mëshirës së krijuesit tonë dhe për të dëshmuar vullnetin tonë”, tha imami në mesazhin e tij të Bajramit.
Kurse pas faljes së namazit, për të ikur përgjigjes se pse në xhami mbretëronte ajo atmosferë aq e zymtë, kreu i BFI-së, foli për dallimet mes Fitër Bajramit dhe Kurban Bajramit.
“Sipas parimeve fundamentale islame, në islam nuk kemi shumë festa por kemi vetëm dy, ajo e Fitër Bajramit dhe ajo e Kurban Bajramit. Realisht dhe tradicionalisht në mendimin dhe praktikën e popullit tonë njihet ky si Bajram i vogël, ndërsa Fitër Bajrami si Bajram i madh, realisht e kundërta është, Fitër Bajrami në parimet Islame llogaritet si Bajram i Vogël, ndërsa Kurban Bajrami llogaritet si Bajram i madh, për arsye se me rastin e Fitër Bajramit ka filluar zbritja e Kuranit, pas 22 viteve me rastin e Kurban Bajramit përfundon zbritja e Kuranit”, deklaroi Sulejman Rexhepi – kryetar i BFI.
Si do qoftë, nëpër xhamitë tjera, që në orët e hershme të mëngjesit turma besimtares falën namazin dhe më pas uruan njëri- tjetrit këtë ditë gëzimi.

Valmir Kuçi
ALSAT-M

[Drini_i_Zi]

Kurban Bajrami, kreret urojne shqiptaret

08/12/2008 15:05

Ne festen e Kurban Bajramit, qe simbolizon sakrificen njerezore dhe paqen drejtues te larte te shtetit, te opozites por dhe perfaqesues te trupit diplomatik ne Tirane, uruan te gjithe besimtaret myslimane per me shume begati dhe harmoni.
Ata i shprehen urimet e tyre ne seline e Komunitetit Mysliman ne Tirane, ku dhe kryen vizitat e rastit. Nje dite e vecante u konsiderua dita e Kurban Bajramit nga presidenti i Republikes Bamir Topi, per te gjithe besimtaret.

"Uroj te gjithe besimtaret myslimane qe kjo te jete nje dite e paqes dhe e begatise per cdo familje shqiptare", u shpreh Topi.

Edhe kryeministri Berisha shprehu urimin e tij per festen e Kurban Bajramit, por edhe kjo feste fetare nuk shpetoi pa nje sfond politik te batutave te kryeministrit.

"Kjo dite e bekuar koincidon me Diten e Rinise, diten e lirise dhe vlerave te medha", u shpreh Berisha.

Drejtues te larte te Partise Socialiste, Gramoz Ruci dhe Valentina Leskaj shprehen urimet per gjithe besimtaret myslimane.

Urimeve iu eshte bashkuar edhe kreu i LSI-se, Ilir Meta.


TCH


http://www.top-channel.tv/new/video.php?id=2114

[Drini_i_Zi]

Mesazhi i Kryetarit të Këshillit të Bashkësisë Islame në Gjakovë, Fatmir ef.Iljazi me rastin e festës së Kurban Bajramit


Çdo popull i ka festat, traditat, momentet dhe ngjarjet me rendësi historike të cilat i përkujton dhe me të cilat në një mënyrë edhe e identifikon dhe prezanton veten në arenën e madhe historike e botërore të zhvillimit të popujve, kulturave e civilizimeve.

Festat në mësimet islame nuk i janë lënë stuhisë dhe pasioneve, por vetë akti i promovimit të tyre nga ana e Pejgamberit të Allahut, dhe përcaktimit të kohës dhe mënyrës së tyre nga autoriteti përkatës, i jep karakter spiritual, e jo thjesht vetëm historik e dialektik.

Kurban Bajrami, festohet në vazhdën e kryerjes së kushtit të pesë të Islamit-haxhxhit, demonstrimit të solidaritetit islam përmes kurbanit dhe përkujtimit për domosdoshmërinë e kryerjes së llogarive të veprave të njeriut gjatë periudhës njëvjeçare.

Një prej formave të sakrifikimit në Islam është institucioni i kurbanit, i cili është prej karakteristikave më të theksuara të festës së dytë Islame, sipas të cilit edhe e mori emrin, në gjuhën arabe i'du-l-ed-ha, apo festa e kurbanit, për shkak se në këtë ditë muslimanët në katër anët e botës therin kurbana.

Pra, kurbani është institucion fetar i cili synim të vetin kryesor dhe objektiv parimor ka humanizimin e njeriut, pastrimin e tij shpirtëror, begatimin e tij me vlera dhe aspirata të larta, edukimin dhe kalitjen e tij. Thënë shkurt, përmes këtij institucioni tentohet të kontribuohet në formimin e personalitetit dhe bashkësisë së shëndoshë njerëzore.

Krahas gjitha dimensioneve tjera, kurbani ka edhe dimensionin social. Gjegjësisht, është dëshmi e preokupimit të njerëzve për njëri-tjetrin, dhe ndihma materiale që i jepet atij. Me këtë bëhet edukimi i shpirtit të njeriut dhe afirmimi i tij, e njëkohësisht edhe ngadhënjim mbi egoizmin dhe daljen në skenën e madhe dhe humane të solidaritetit, ndihmës dhe bashkëpunimit ndërnjerëzor.

Shfrytëzoj rastin që në emër timin personal dhe në emër të K.B.I.GJ-së t'ju shpreh urimet dhe përgëzimet më të ngrohta e më të sinqerta për këtë festë, në rradhë të parë familjeve të cilët falën bijtë e tyre vetëm e vetëm për të kontribuar në dobi të vlerave më sublime njerëzore: lirisë dhe demokracisë. Ata janë dëshmorët tanë, nuk vdesin kurrë, janë të gjallë dhe ushqehen te Zoti i tyre. Le të jetë, pra, festa e Bajramit të Kurbanit rast, që t'ia zgjasim dorën njëri-tjetrit, ku ka ngatërresa, t'ua zgjasim dorën e ndihmës dhe të solidaritetit invalidëve të luftës,fëmijëve të dëshmorëve dhe të gjithë atyre që kanë nevojë për ndihmë.
Allahu i Madhërishë në Kur'anin fisnik thotë: "Le të jeni populli më i mire që thërret për atë që është e dobishme, urdhëron për punë të mbara dhe ndalon nga e keqja. Të tillët janë ata të shpëtuarit." (Kur'an, 3:104)

I lutemi Allahut të Madhëruar që t'i pranojë ibadetet tona, të pranojë prerjen e kurbanëve që bëjmë vetëm për hir të Tij dhe t'ua pranoj haxhin atyre, që kanë shkuar ta vizitojnë Qabenë.
Në fund i lutem All-llahut xh.sh. që kudo në botë të ndalet lufta, gjakderdhja, terrori dhe gjenocidi, dhuna dhe tirania e të dominojë paqja dhe arsyeja si rrugë e vetme e progresit të njerëzimit.








08.12.2008.islamgjakova.net

[Omeri r.a]

faleminderit shum urime gezuar kurban bajramin e madhe ALL-LLAHU XH.SH juve shperbleft

[LaCosTa]

Urime gjithe muslimaneve ane e mban botes Festen e Kurban Bajramit.