Gezuar Kurban Bajramin!

[no name]

Na erdhi Kurban Bajrami , mysafir i nderuar,
me shpërblime nga Allahu , për ata që kanë merituar.
Gëzohet varfnjaku, që ka për të pranur,
Gëzohet i pasuri, që ka për të dhuruar.

Nënat përgaditen me pastëri e ëmbëlsi,
Ta presim bajramin me plot buajri.
Na mësoi Ibrahimi alejhis-selam,
Si të jemi bujar edhe zemërgjër.

Lutej Ibrahimi me djalin e tijë,
Ti besnikësrojn Allahut, pas ardhësit e tijë.
Vepra Ibrahimit ka shumë urtësi,
Për ata që mendojnë dhe kanë shpirtëdlirësi.

Prandaj hape zemrën dhe preje Kurbanin,
Vish rroba të bardha dhe kremto bajramin.
Sakrifiko fëmijën , mallin dhe jetesën
Se kështu do të arrin, ta mbronë të Vërtetën.

P.S
Kurban Bajrami është më 8 Dhjetor 2008 (dita e hënë).

[hajla]

Per gjithe muslimanet shqipta/e nga do qe jeni....GEZUAR

[altruisti_ek84]

Paqja Dhe Meshira E Allahut Qoft Mbi Ju Dhe Familjen Tuaj, Urime Nga Zemra Per Shum Vite Ne Lumturi, Shendet Qetsi.

Urime Festa E Bajramit Te Kurbanit

[celyy]

Gezuar festat per besimtaret muslimane.Paqja dhe dashuria qofte mbi ju dhe familjet tuaja.

w/k

Pse boheni kshtu njerz me 10 ftyra. Me nje an nuk le gje pa thon per muslimant, e tash ktu kishe po ju uroj festen.

Ikni nga ktu, mos na uroni kurxho , se jeni bo si maxhupt e bugarijes.



Ju uroj te gjith muslimaneve ku do qe jan festen e Kurban Bajramit, begati, furnizim dhe lumturi ne familjet tuaja.

[Drini_i_Zi]

Myftiu Mr. Naim Tërnava priti Iv De Kermabon

Në prag të festës së Kurban – Bajramit, shefi i EULEX-it Iv De Kermebo është pritur sot në selinë e Kryesisë së BI të Kosovës nga Myftiu Mr. Naim Tërnava me bashkëpunëtorë.
Shefi i misionit të Eulex-it e ka uruar e përgëzuar Myftiun e përmes tij edhe të gjithë besimtarët e Kosovës më rastin e festës së Kurban – Bajramit, si dhe e ka njohur Myftiun me planet dhe përgatitjet e fundit për shtrirjen e misionit EULEX në Kosovë.

Iv De Kermabo tha se të gjitha përgatitjet e duhur janë bërë dhe presim që me 9 dhjetor misioni ynë do të filloj me punë në tërë territorin e Kosovës.

Misioni i Eulex-it do të jetë në mbrojtje të rendit e ligjit për të gjithë qytetar e Kosovës pa dallim etnie, feje a gjuhe. Eulex në bashkëpunim me institucionet e Kosovës do të angazhon që të krijojë në çdo cep të Kosovës një ambient ku mbretëron rendi e ligji.



Ndërsa Myftiu Tërnava pasi ka falënderuar shefin e Eulex-it për vizitën, falënderoj të gjitha shtetet e BE dhe ShBA-së për kontributin që kanë dhënë për funksionalizimin e misionit të Eulex-it. Ne jemi të përkushtuar që të bashkëpunojmë të me miqtë tanë ndërkombëtarë për krijimin e premisave ku sundon rendi e ligji.

Ndërsa për shtrirjen në terren të Eulex-it Myftai tha:

“Për ne shtrirja e misionit të Eulex-it është e mirëseardhur por vetëm nëse ky mision shtrihet në tërë territorin e Kosovës dhe vetëm nëse ka bazë planin e presidenti Ahtisari dhe Kushtetutën e Kosovës”

[Drini_i_Zi]

Njoftim për media (Ftesë)


Njoftim për media

(Ftesë)

Njoftojmë mjetet e informimit se nesër më 07 dhjetor 2008, në ora 11:00 në selinë e Kryesisë së Bashkësisë Islame në Prishtinë, Myftiu i Kosovës, Mr. Naim Tërnava u drejtohet opinionit me mesazh urimi me rastin e festës së Kurban - Bajramit.



Mjetet e informimit të interesuara për të përcjell mesazhin e Myftiut, duhet që të jenë 15 minuta më herët në selinë e Kryesisë së BI.

Paraprakisht ju falënderojmë për bashkëpunim!

Ju mirëpresim!

[Drini_i_Zi]

Kurban Bajrami dhe therrja e kurbanit


I Dërguari s.a.v.s. ka thënë: "Çdo popull i ka festat e veta, e festat e muslimaneve janë dy: Fiter Bajrami dhe Kurban Bajrami".
E ne pasi që jemi pranë një festë madhështore të Kurban bajramit vlen që t'i themi disa fjalë rreth kësaj feste dhe çka ka të bëjë me të.
Nga vetë fjala Kurban, kuptojmë se kemi të bëjmë me kurban, që do të thotë sakrificë për hir të Allahut.
Allahu xh.sh në Kur'an thotë: " Ne vërtet të dhamë ty shumë të mira(kevtherin). Andaj t'i falu dhe prej kurban për hir të Zotit tënd!" (El-Keuther: 1-2)
"Thuaj: namazi im, kurbani im, jeta ime dhe vdekja ime janë thjesht për Allahun Zotin e botëve!" (El-En' am:162)


Kurbani
Kurbani është kafshë që therret për hir të Allahut, gjate ditëve të Bajramit. Allahu s.v.t. në Kur'an thotë :"E Devetë (therrjen e tyre për kurban)ua kemi bërë prej dispozitave të Allahut, e ju prej tyre keni dobi, andaj përmendeni emrin e Allahut..." (El-Haxh:36)

Me prerjen e kurbanit shprehet devotshmëria ndaj Allahut, ngase Allahu nuk ka nevojë për mish e as për gjak. E Ai në Kur'an thotë: " Tek Allahu nuk arrin as mishi e as gjaku i tyre, por te Ai arrin bindja e juaj..." (El- Haxh:37)




Dispozitat e therrjes së kurbanit

Therrja e kurbanit është vaxhib (obligim i domosdoshëm) për ata që kanë mundësi, materiale, ngase Pejgamberi a.s. ka thënë: "Kush ka mundësi të therr kurban e nuk ther, mos t'i afrohet xhamisë sonë."
Nga kjo nënkuptohet se ai i cili ka mundësi të therr kurban e nuk e bën këtë nuk do t'i sjellë dobi as falja e namazit të tij (falja e namazit të Kurban Bajramit) pasi që e ka lëshuar një vaxhib. Poashtu transmetohet nga Muhafel ibn Selim r.a. se ka thënë: "Ishim me të Dërguarin s.a.v.s. në arafat e ai tha: "O ju njerëz çdo familje e ka obligim të therr kurban për çdo vitë. "



Cilat kafshë mund të therren për kurban

Kafshët të cilat mund të therren për kurban janë: lopët, devetë, dhentë dhe dhitë.
Për të qenë i vlefshëm kurbani duhet t'i plotësoj këto kushte: lopët duhet të kenë më shumë se dy vjet, devetë më shumë se pesë vjet, dhentë më shumë se gjashtë muaj, ndërsa dhitë më shumë se një vjet. Poashtu Pejgamberi s.a.v.s. ka thënë: "Katër lloje të kafshëve nuk mund të therren: kafsha e verbër, kafsha e sëmurë, kafsha e gjymte, kafsha e çaluar"
Në therrjen e një lope për kurban mund të marrin pjesë shtatë persona, në deve dhjetë persona, ndërkaq delja mund të therret për një person dhe familjen e tij. Transmeton ibn Abbasi se ka thënë: "Kemi qenë me të Dërguarin s.a.v.s. në udhëtim kohën e Kurban Bajramit. Një deve e kemi therrur për dhjetë persona e një lopë për shtatë persona.



Kur duhet therrur kurbani

Transmetohet nga Xhundeb ibn Sufjan el-Bexheli r.a. se ka thënë: " E kam dëgjuar Pejgamberin s.a.v.s. duke thënë: "Ai i cili e ka therrur kurbanin para se të falet, le ta zëvendësoj atë me një tjetër, ndërsa ai i cili nuk e ka therrur ende, le ta therrë"



Mishi i kurbanit

Mishi i kurbanit është i preferuar që të ndahet në tri pjese: me një pjesë gëzon të varfrit, një pjese të afërmeve, kurse pjesën tjetër e ndal për vete.



Çka preferohet të bëhet në ditën e Kurban Bajramit

Në ditën e Kurban Bajramit është e preferuar të bëhen këto gjera:
1. Të pastrohet trupi
2. Të vishen rroba të reja dhe më të mirat.
3. Ditën e Kurban Bajramit është e preferuar që të mos hahet asgjë deri sa të therret kurbani dhe të hahet prej mishit të tij.
4. Të falet namazi i Kurban Bajramit.
5. Ndërrimi i rrugës gjate kthimit ne shtëpi (kur të kthehesh nga xhami-falja e namazit të bajramit)
6. Të madhërohet Allahu gjatë ditëve të bajramit.
7. Është mirë që në këto ditë të organizohen lojëra dëfryese, kuize, shëtitje etj.
8. Të urohet Bajrami ndërmjet njëri tjetrit.

[e panjohura]

Te gjithe besimtarve te besimit Islam: ME FATE KURBAN BAJRAMI!

[Beran]

Urime të gjithëve Muslimanëve festë e Kurban Bajramit.

[Drini_i_Zi]

Kurbani dhe dispozitat e tij


Kurbani është një lloj ibadeti i cili nënkupton sakrificën e një lloji të caktuar të kafshëve, bagëtive ose gjedheve, në kohën e caktuar, me qëllim për t’iu afruar Allahut, xh.sh.
Ky lloj ibadeti është vaxhib, kurse është i themeluar në bazë të urdhrit të Kur’anit dhe të hadithit të të Dërguarit të Allahut, s.a.v.s. Allahu i Lartësuar thotë: “Ne, vërtet, të dhamë ty shumë të mira. Andaj ti falu dhe prej kurban për hir të Zotit tënd! E s’ka dyshim se urrejtësi yt është farësosur.” (El-Kevther, 1-3.)
“Tek All-llahu nuk arrin as mishi e as gjaku i tyre, por te Ai arrin bindja juaj. Ai ashtu ua nënshtroi ato juve që ta madhëroni All-llahun për udhëzimet që ua bëri. Bamirësve merru myzhde.” (El-Haxh, 37.)
“Thuaj: “Namazi im, kurbani im, jeta ime dhe vdekja ime janë thjesht për All-llahun, Zotin e botëve.” (El-En’am, 162.)

Ebu Rafi, r.a., transmeton se kur i Dërguari i Allahut, s.a.v.s., blinte kurban, kërkonte që ta zgjidhte më të mirin, e kur mbaronte hytben në ditën e Bajramit, zgjidhte njërin prej dy kurbaneve të blerë dhe vetë e priste duke thënë: “Zoti im, ky është nga gjithë ummeti im, për çdo njërin që dëshmon se vetëm Ti je Një dhe që dëshmon për mua se e kam kumtuar Shpalljen”, pastaj merrte të dytin dhe vetë e therte duke thënë: “Ky është nga Muhammedi dhe nga familja e Muhammedit.”

Kur e pyetën të Dërguarin e Allahut, s.a.v.s., se çfarë paraqesin këto kurbane, ai është përgjigjur: “Sunnetin e babait tuaj, Ibrahimit, a.s.” Përsëri e pyetën: “E ç’dobi kemi ne prej tyre? Ai u tha: “Për çdo qime të kurbanit ju shkruhet nga një vepër e mirë.” E pyetën: “E çka nëse është lesh?” “Edhe për çdo qime leshi ju shkruhet nga një vepër e mirë”, u përgjigj i Dërguari, s.a.v.s.

”Kush posedon pasuri dhe nuk ka therur kurban, mos t’i afrohet vendit tonë ku falim namazin e Bajramit”.

“Askush le të mos ther kurbanin, gjersa nuk e fal namazin e bajramit.” (Buhari, Muslimi)


Urtësia e caktimit të dispozitës së kurbanit

Me këtë lloj ibadet arrihet:
a) zbatimi i urdhrit të Zotit, respektivisht ndjekja e praktikës së të Dërguarit të Allahut;
b) ripërtëritja e praktikës së Ibrahimit, a.s., dhe përkujtimi i gatishmërisë së tij për ta sakrifikuar atë që më së shumti e donte, djalin Ismailin, si dhe gatishmërinë e Ismailit, a.s., për të sakrifikuar jetën;
c) plotësimi i nevojave sociale të të ngushtuarve në bashkësinë islame, shqetësimi ndaj tyre që ditën e bajramit ta kalojnë në lumturi dhe kënaqësi të plotë, si dhe lidhja dhe forcimi i raporteve ndërmjet qarqeve familjare dhe miqësore.
d) falënderimi ndaj Allahut, xh.sh., për furnizimin dhe dhuntitë me të cilat na ka shpërblyer.



Llojet e kurbanit

Ekzistojnë më shumë lloje të kurbanit, dhe atë:
1) kurban i rregullt i cili theret për çdo vit, për lloj kurbani bisedohet në këtë tekst.
2) kurbani premtues, i cili theret pasi që të plotësohet premtimi i dhënë, si për shembull: “Do të ther kurban nëse më realizohet projekti.”; pasi që të jetë realizuar projekti, është obligative që të plotësohet premtimi dhe të theret kurban, ky lloj kurbani duhet patjetër të shpërndahet në tërësi.
3) kurbani sipas testamentit, çka do të thotë se nëse njëri apo të dy prindërit ua lënë si amanet fëmijëve të tyre ose përmendet në testamentin e vakifit që për to pas vdekjes së tyre të theret kurban; ky lloj kurbani, gjithashtu, shpërndahet në tërësi.
4) kurbani i cili theret në pajtim me rregullat e nijetit të haxhit temettu’, kiran (hedjun).


Kush obligohet që të ther kurban

Zekati dhe kurbani janë dy obligime fetare të cilat muslimanët jo vetëm që pak i njohin, por edhe shumë pak i praktikojnë. Sipas dispozitave islame, çdo musliman dhe muslimane të cilët posedojnë sasi të caktuar të pasurisë (nisab) në ditën e Bajramit janë të obliguar që njëherë në vit të therin kurban.



Çfarë mund të theret si kurban

Kurbani mund të jetë gjedhë (ka, dem (mëzat) ose lopë) dhe bagëti e imët (dash, dele, dhi ose cjap). Për gjedhen është kusht që t’i ketë mbushur dy vjet. Në këtë lloj të kurbanit mund që të marrin pjesë nga shtatë persona me kusht që të gjithë ta kenë bërë nijetin për kurban, gjersa bagëtitë e imta nuk mund të jenë më pak se një vit, përpos nëse nga dukja, sipas madhësisë dhe rëndësisë (kilogramit), i përgjigjet asaj që i ka mbushur një vit. Për çdo rast, gjatë blerjes dhe zgjedhjes duhet të kihet para sysh që kurbani të mos ketë mangësi dhe të meta të caktuara.
Për kurban nuk mund të theren kafshë të mëdha dhe të vogla të cilat janë të prekura nga këto të meta fizike:
- nëse është e verbër në të dy ose në njërin sy;
- nëse është e çalë dhe e dobët sa që të mos ketë mundësi të arrij deri te vendi i therjes;
- nëse veshin ose bishtin e ka gjysmë të prerë, mirëpo nëse është lindur kështu, atëherë mundet;
- nëse e ka bririn të thyer saqë i është lënduar edhe nervi cerebral;
- nëse është e sëmurë sa që s’ka shpresa se mund të mbijetoj;
- nëse nuk i ka dhëmbët, ose i ka të thyer, dhe nëse sisat i ka të prera, saqë s'mund ta ushqejë të voglin e vet.

El-Ber ibn Ajib, r.a., transmeton se i Dërguari i Allahut, s.a.v.s., ka thënë: “Katër kafshë nuk vlejnë për kurban: e verbëta, me verbëri të qartë, e sëmura me sëmundje të qartë, e çala, e cila ka çalim të qartë dhe e dobëta (e holla), e cila nuk ka mundësi të qëndroj në këmbë”.
Aliu, r.a., transmeton se i Dërguari i Allahut, s.a.v.s., e ka ndaluar që kurbani të jetë me vesh të dëmtuar, brirë të thyer më shumë se një të katërtën ose të mos t’i mungoj pjesa më e madhe e veshit dhe bririt.
Nëse pas blerjes vërehet njëra nga të metat e lartpërmendura atëherë besimtari është i obliguar që ta ndërroj kurbanin, mirëpo nëse nuk është në gjendje, për shkak të varfërisë, edhe kurbani i tillë është pranuar.