LDK feston 16 vjetorin e themelimit të saj

[EveryWare]

Shkruan: Bardhyl Metaj

Në Lajmet e RTK-së të 23 dhjetorit, mysafir në studio ishte analisti Ibrahim Berisha. Me rastin e gjashtëmbëdhjetë vjetorit të themelimit të kësaj partie, ishte ftuar njeri ndër themeluesit.
Me të drejtë, ngaqë, në ato pak minuta interviste ishte vështirë të thuhet më shumë, seç tha z. Ibrahim Berisha. Por e keqja ishte se duke shpalua kujtime themeluesish, ai, kishte “harruar” kaq shpejt, shumëçka, nga ato të paharrueshmet!
Televizioni ka edhe atë forcën e transportimit të emocionit, të klimës, gjestikulacionit e të mimikës. Natyrisht se edhe kjo komponentë po e ndihmonte që të kuptohej më drejtë, analisti në fjalë, njëri ndër themeluesit e LDK-së… - kurse mua dhe shumë kujt, të na e humbas apetitin...!

Për cilat keqinterpretime është fjala?

Kur analisti i nderuar deklaron dhe thotë ashtu siç e tha, që “përveç Rugovës, asnjë nga themeluesit nuk është më në Kryesi të LDK-së...” dhe se „ata të gjithë i janë kthyer profesionit…“, z. Berisha, sikur dëshironte të imponojë komente dhe përfundime, e të krijojë përshtypje të cilat nuk qëndrojnë…! Krijohej përshtypja sikur kryetari Rugova të kishte ndjek një itenear spastrimesh permanente të themeluesve...apo sikur aty s’kishte më pse të qëndroje, çka të jepje, pse të sakrifikoje, d.m.th. nuk ia vlente barra qiranë, ishte vendnumërim pas 93-ës, ishin “vitet e humbura”, etj...!
Por këto mund të ishin vetëm përshtypjet e mija! Apo një keqkuptim! Ngjanë, njerëz jemi.

Por çka u tha, e çka nuk u tha, që s’kishe si ta keqkuptoje?

“Përveç Rugovës, asnjë nga themeluesit nuk është më në Kryesi të LDK-së..., ata (themeluesit), të gjithë i janë kthyer profesionit…“?
Të ketë harruar kaq shpejt Ibrahim Berisha – atë, të paharrueshmen? Të mos e ketë përjetuar aspak, si njëri ndër themeluesit e LDK-së, si ish kolegë, si bashkëveprimtarë apo si njeri - atë komponentë tragjike, që ka përcjell dhe është pjesë e historisë së LDK-ën? Se besoj? Pse harron ndërkaq? Nuk e dijë!
Por e dijë, se sikur të kishin të drejtën të jetojnë, edhe sot në kryesi të LDK-së, bile si dorë e djathtë dhe e majtë e Presidentit Rugova, do të ishin që të dy, Prof. Dr. Fehmi Agani dhe Xhemail Mustafa. Të dy themelues të LDK-së. Dhe të dy të vrarë!
Nuk dijë ndonjë rast, të ketë zgjedh kush në këtë botë, që ti kthehet profesionit në këtë mënyrë – si i vrarë! E dijë se të dy, kishin çfarë ti japin edhe profesionit, edhe familjeve të tyre, por edhe LDK-ës. Dhe ishin themelues! Dhe vepruan aty, bashkë e pandarë, deri në frymë të fundit. Me Rugovën.
Apo ka ndonjë të vërtetë tjetër për Fehmi Aganin dhe Xhemail Mustafën, të cilën nuk po e dijë unë dhe opinioni? Me siguri analisti Ibrahim Berisha, si njëri ndër themeluesit, dinë më shumë? Apo ndoshta ai dinë detaje dhe sipas tij, ka “themelues” dhe themelues? Tash, si i akomoduar për më shumë se dhjetë vjet në profesion ka mund të nxjerr përfundime profesionale. Thonë se lypset distancë për analiza historike. Me të drejtë, e besoj. Por nuk e dija, ndërkaq, se edhe harresa ndihmon.

Por unë nuk po kuptoja edhe shumëçka nga ato konkludime të Ibrahim Berishës?
S`po e kuptoja, përveç nëse vërtet ka “themelues” dhe themelues, ngase aty në LDK-ë dhe në Parlament, është edhe zonja Nekibe Kelmendi. Anëtare e kryesisë së parë të LDK-ës. Bile anëtare kryesie, para se të kooptohej në atë kryesi edhe vetë Ibrahim Berisha (në korrik të vitit 1990, bashkë me dr.Rexhep Gjergjin, Anton Kolajn dhe të ndjerin, Xhemail Mustafa)!

Por nuk kam si të mos përmend edhe ndonjë tjetër, të cilin z. Berisha si duket e ka harruar kur konkludon “vetminë aktuale” të Presidentit Rugova dhe të LDK-së – vetminë pa “themeluesit e saj”...të cilët kanë shkuar e “i janë kthyer profesionit”.
Mendoja se ishte një mik i tij, prandaj s’kishte si ta harronte, se ku ka shkuar. Por do ta ndihmoj z.I. Berisha, meqë morra këtë obligim që t`ia përkujtojë - të paharrueshmet.
E kam fjalën për Enver Malokun!
I ndjeri, ishte ndoshta më pak “fisnik”, sipas atij kriterit të mbi theksuar “të themeluesve”, por ai kishte punuar pandarë, prej fillimit, deri në frymë të fundit, një punë dhe mision, që për z. Berisha dhe disa prej themeluesve, edhe mund të quhej apo kuptohej, si diçka që nuk ia vlente barra qiranë, si një vendnumërim pas 93-ës, si “Vitet e humbura”, etj.

Kaq. Unë mësova shumë.
Se kaq shpejt, ishte harruar shumëçka. Ndoshta kështu është profesionalizmi.
Por të jem edhe unë i shkurtë...dhe ti harroj sa pjesë tjera - po aq të pa qëndrueshme... e të thanuna nga analisti i nderuar me rastin e përvjetorit të Lidhjes Demokratike të Kosovës!

Zürich, 29.12.2005

Autori është Kolumnist i gazetës Java, Prishtinë

[EveryWare]

...është një gabim i rëndë i Redaktorit të lajmeve të RTK-ës, që ka ftuar pikërisht z. Ibrahim Berisha...qëndrimet e tij diheshin...! Ai kur bjen konkludime mbi çështje madhore siq janë ato mbi një Lëvizje politike si LDK-ja - me rastin e një përvjetori...niset nga prizmi personal...! LDK smë solli asgjë mua prandaj, ska bërë gjë...!
Asnjëherë më parë në histori, çështja e Kosovës nuk ka qenë më e ndërkombëtarizuar dhe e shtruar më drejtë...! Dhe është e kuptueshme për çdo njeri me rezon normal se kjo është e lidhur me veprimtarinë e z. Rugova dhe LDK-në...! Qysh më 1992, në dhjetor, dmth, vetëm dy vite pas themelimit të LDK-së, Presidenti Bush (Senior), pat bërë atë deklaratën e njohur si, "Kërcënimi i Kërshëndellave" me të cilën e kërcnonte Serbinë dhe Millosheviqin drejtëpërdrejtë se nuk guxon të "kalon vijën e Kuqe" respektivisht të nisej me armatën Jugosllave drejt Kosovës. Deri atëherë nuk kishte ende një solidaritet të kësaj shkalle zotimi e solidariteti, që një shtet si SHBA-të, por qoftë edhe më i vogël, të poziconohej apo edhe përcaktohej për të hyrë në luftë me serbine nëse sulmohej Kosova!

Por ti kthehem edhe një herë gabimit të RTK-ës dhe I. Berishës: Nuk ftohet në raste të tilla solemne e Jubilesh një kundërshtar politik apo mohues...por nëse vetëm dëshirohet qasje kritike, atëherë duhej ftuar edhe ndonjëri nga udhëheqësit e LDK-së dhe ish themelues...që të kemi një ballafiqim korekt, ta zëmë zonja Nekibe Kelmendi...etj!