Tifozët e FC Real Madridit...#7

[Hyllien]

Hhahahaah mire ti behet derrave. E ky ishe ai qe do merrte Henryne me cdo kusht ?

[Davius]

Gomez-Montejano, presidenti i përkohshëm!
Luis Gomez Montejano Arrojo, presidenti i ri i Realit të Madridit, është prezantuar të mërkurën në mbrëmje për gazetarët me një komunikatë për shtyp, ku për të shkruhej: "Spanjoll, madrilen, tifoz i përjetshëm i Realit, anëtar i klubit që nga viti 1957, pjesëtar i bordit drejtues që nga viti 2000." Vetëm Gomez-Montejano, i cili do të zërë vendin e Fernando Martinit që dha dorëheqjen, u shpreh përpara gazetarëve: "E kam pranuar rolin e një presidenti të përkohshëm me nderin më të madh. Do të jap gjithçka në mundësitë e mia për të ruajtur një nivel të kënaqshëm si sportiv, ashtu edhe ekonomik.

Kasiljas, kundër ndryshimeve të shumta
Iker Kasiljas, portieri i Realit të Madridit, shprehu habinë e tij për dorëheqjen e dhënë nga presidenti Fernando Martin: "Ndryshimet e shumta nuk sjellin asgjë të mirë, edhe pse jam i bindur se gjithçka po bëhet për të mirën e Realit. Nuk po kalojmë një periudhë të lumtur dhe këtë e kuptojnë të gjithë." Më pas, numri 1 i kombëtares spanjolle vazhdoi: "Duhet të presim presidentin e ri, por gjithmonë me mendjen te futbolli i luajtur. Të dielën na pret një ndeshje thelbësore ndaj Osasunës. "Pamplona" është një fushë e vështirë dhe na duhet fitorja ndaj një kundërshtari të drejtpërdrejtë për Championsin."

Guti, në dyshim kundër Osasunës
Mesfushori i Realit, Guti, ka lënë përgjysmë stërvitjen e djeshme pas një goditjeje të pësuar në këmbën e djathtë dhe kësisoj prania e tij në ndeshjen ndaj Osasunës është vënë në dyshim. Spanjolli ka punuar për rreth një orë me fizioterapistin, por as ky i fundit nuk ka dhënë garanci për praninë e Gutit në "Pamplona". Ndërkohë, në stërvitjen e djeshme nuk ka marrë pjesë as Karlos Diogo, për shkak të disa problemeve me stomakun. Mungesat e Gutit dhe të Diogos u shtohen atyre të sigurtave të Zinedin Zidanit dhe brazilianit Ronaldo.

[Davius]

Madrilenët në "kaos" pas largimit të Martinit. Ekipi s'ka trajner për sezonin e ardhshëm! "Imponohen" zgjedhjet... 28-04-2006

Real Madrid, "kriza" që thellohet!

Reali i Madridit ka përpara një të ardhme gjithnjë e më të pasigurt. Presidenti Fernando Martin dha dorëheqjen, dy muaj pasi kishte marrë drejtimin e klubit, gjatë një mbledhjeje të bordit drejtues. Aktualisht, vendin e tij e ka marrë 83-vjeçari Luis Gomez-Montejano, i cili do të jetë numri 1 i "merengesve", derisa 85 mijë anëtarët e Realit të zgjedhin presidentin e ri. Kushtu, të gjitha planet e "merengesve" për sezonin e ardhshëm mbetet pezull. Klubi, që ka fituar më shumë në historinë e futbollit, nuk ka zgjedhur ende një trajner dhe e ardhmja e futbollistëve të tillë si Roberto Karlos, Raul apo Devid Bekham mbetet në dilemë. Lamtumira e Zinedin Zidanit lë një boshllëk në mesfushë, që duhet mbuluar me kujdes gjatë merkatos së verës.

"Kemi të bëjmë me një krizë institucionale dhe tani i takon bordit drejtues të dalë nga kjo situatë, - tha Arturo Baldasano, kandidat për presidencën e Realit në vitin 2004. - Florentino Perez u largua kur e kuptoi se projekti i tij sportiv nuk funksiononte. Duhet të bëhen sa më parë zgjedhjet e jashtëzakonshme." Kur Perezi mori vendimin e habitshëm për t'u larguar nga Reali, në fund të shkurtit, pasardhësi Martin pati mbështetjen e bordit drejtues dhe krijoi përshtypjen se do të drejtonte për të paktën tri vitet e ardhshme Realin. Gjithsesi, dëshira e Martinit për të qenë numri 1 i madrilenëve deri në vitin 2008 u mposht nga presioni i një dorëheqjeje që do të sillte si rrjedhojë zgjedhjet e parakohshme presidenciale. Martini nuk diti të bëjë për vete bordin drejtues dhe deklaratat e tij kundër drejtorit teknik, Benito Floro, dhe trajnerit Huan Ramon Lopez Karo nuk u pëlqyen në Madrid.

Ai, gjithashtu, guxoi të pohonte se e kishte gjetur edhe trajnerin e Realit për sezonin e ardhshëm dhe se emri i tij do të bëhej i ditur vetëm në qershor. Martini, në konferencën e parë për shtyp, "kërcënoi" edhe me largimin e futbollistëve "galaktikë", nëse ata nuk jepnin maksimumin. Por edhe pse Reali i Madridit nuk humbi asnjë ndeshje që kur Martini u bë president, tifozët e "Bernabeut" nuk u "dashuruan" për asnjë moment me të. Kësisoj, problemet vazhdojnë dhe Reali i drejtohet sezonit të tretë radhazi pa asnjë trofe të fituar. Kjo është ecuria më e dobët e nëntë herë kampionëve të Europës, në 50 vitet e fundit. Ndërkohë, zgjedhjet për presidentin e ri të Realit do të zhvillohen në fillim të qershorit dhe kandidatët e deklaruar janë Lorenzo Sanz, Arturo Baldasano dhe Ramon Kalderon.

[Davius]

Ish-presidenti i Realit akuzon: Florentino ka ndikuar te bordi drejtues 29-04-2006

Martin: Perez, shkaku i largimit

Ish-presidenti i Realit të Madridit, Fernando Martin, beson se paraardhësi i tij, Florentino Perez, ka ndikuar te bordi drejtues i klubit për ta detyruar të japë dorëheqjen. "Unë mendoj se Perezi qëndron prapa asaj që ndodhi, - tha Martini 48 orë pas dorëheqjes për një radio spanjolle.

- Më thanë se Perezi kishte pasur një takim me disa drejtues të lartë të mërkurën, por unë preferova të mos mendoj rreth kësaj dhe vazhdova të shihja përpara." Martini nuk arriti të durojë presionin e krijuar rreth tij dhe u hapi rrugën zgjedhjeve presidenciale në qershor të këtij viti, pavarësisht se kishte një mandat deri në vitin 2008. Ai qëndroi në krye të Realit vetëm për dy muaj, pasi mori vendin e Florentino Perezit, i cili dha dorëheqjen në fund të shkurtit. "Unë ndoqa punën e nisur nga Perezi, duke vazhduar gjërat që ai kishte bërë mirë dhe duke korrigjuar ato që kishte gabuar, - shtoi Martini. - Unë gjithmonë këshillohesha me Perezin, por tani nuk e kam më atë marrëdhënie. Nuk e prisja implikimin e tij, pasi nuk kam thënë asgjë kundër tij, që kur kam marrë drejtimin e klubit." Perezi qëndroi për gjashtë vjet në krye të Realit, duke e ngjitur klubin në majat e futbollit botëror.

Reali i Perezit dominoi ekonomikisht, duke formuar të ashtuquajturën skuadrën "galaktike". Tri vitet e para ishin të mbushura me trofe, por tri sezonet e fundit, pa asgjë të fituar, sollën krizën te klubi nëntë herë kampion Europe. Martini e mbylli kështu deklaratën e tij: "Unë jam jashtë, sepse bëra gjëra që bordi drejtues nuk pëlqeu dhe sepse nuk e fitova besimin e tyre për të qenë president. Kam planin tim për fushatën elektorale, por nuk është koha e duhur për këtë temë." Zgjedhjet presidenciale te Reali do të zhvillohen në fillim të qershorit."