Tifozët e FC Real Madridit...#7

[bavarezi5]

roni me mire te largohet nga Reali,me mire do te gjente hapsire ne ndonje ekip si Interi apo diku tjeter.
Reali edhe Morientesin e largoi,por ai tash shkelqen ne Liverpol,si me duket edhe me Ronin don te veproje njejte.

[Davius]

Ronaldo përgatit valixhet dhe "thumbon" Pelen

Eliminimi nga Liga e Kampionëve vjen pak ditë pasi në krye të Realit të Madridit është vënë presidenti i ri, Fernando Martin. Pra, një shenjë që epoka e "galaktikëve" është mbyllur përfundimisht. Midis të parëve që po bëjnë gati valixhet, është edhe Ronaldo. Braziliani ka lëshuar mesazhe të tjera drejt Serisë A, gjatë ditës së mërkurë, para ndeshjes në "Hajbëri". "Në Itali më duan ende dhe jam i lumtur për këtë. Kam dëgjuar se Berluskoni dhe Morati janë gati të bëjnë oferta për mua," - tha "Fenomeni". Disa orë më vonë, në lidhje me eliminimin ndaj Arsenalit, Ronaldo u shpreh:

"Nuk mund të flitet për fundin e një cikli. Jemi profesionistë dhe japim maksimumin. Nuk jemi përpara një testi se kush do të qëndrojë dhe kush do të largohet. Unë jam gati të pranoj vendimin e trajnerit dhe të jap gjithçka kur të aktivizohem. Luajta në maksimumin tim ndaj Arsenalit, pasi ruajta qetësinë e duhur, pavarësisht zërave të shumtë. Gjithsesi, e pranoj se kam kaluar ditë të vështira dhe se më duhet të shënoja në Londër." Sulmuesi gjen kohë t'u përgjigjet ashpër kritikave të bashkatdhetarit të tij Pele: "Nuk duhet t'i kushtojmë rëndësi atij. Kritikon shpesh kombëtaren, por jo gjithmonë ka të drejtë. Personalisht nuk më shqetësojnë shumë gjërat pa kuptim që ai thotë."

[Davius]

"Merengesit" synojnë ta harrojnë Championsin ndaj Valencias, që nuk humbet prej 15 ndeshjesh 11-03-2006

Valencia-Real, "luftë" për vendin e dytë

Gravesen u shtohet mungesave "merenges"
Mesfushori i Realit, Tomas Gravesen, nuk do të jetë në dispozicion të trajnerit Lopez Karo për ndeshjen e radhës në kampionatin spanjoll ndaj Valencias. Danezi është dëmtuar në ndeshjen ndaj Arsenalit dhe është këshilluar nga mjekët "merenges" të qëndrojë pushim. Mungesa e Gravesenit u shtohet atyre të Devid Bekhamit dhe Roberto Karlosit.

Valencia do të kërkojë të përfitojë nga momenti jo i mirë i Realit të Madridit për të fituar në sfidën e mbrëmjes së sotme ndaj dy skuadrave që renditen në vendin e pestë të Primera Divizonit. Kjo ndeshje do të përcaktojë ekipin që do të ndjekë Barcelonën, e cila kryeson me dhjetë pikë avantazh. Reali, i eliminuar nga Liga e Kampioneve ndaj Arsenalit, vjen në këtë takim në momentin më të keq të këtyre tre vitetve të fundit. "Eshtë një ndeshje shumë e rëndësishme për ne, - tha mesfushori i Valencias, Albelda. - Janë në lojë tri pikë mjaft të rëndësishme për vazhdimësinë e sezonit.

Reali është në të njëjtin pozicion si në sezonin e kaluar. Ata nuk po luajnë si një skuadër e vërtetë, por kanë ende futbollistë që mund t'i vendosin fatet e ndeshjes me një goditje të vetme." Te Reali priten disa ndryshime, në krahasim me skuadrën që barazoi 0-0 në "Hajbëri" të mërkurën. Forma jo e mirë e brazilianit Ronaldo ia jep mundësinë Kasanos të pretendojë për një vend si titullar. Italiani bindi me paraqitjen në derbin e javës së kaluar dhe mund t'i jepet një tjetër mundësi nga trajneri Lopez Karo.

Së bashku me Kasano pritet edhe rikthimi si titullar i dyshes Robinjo-Baptista, ndërsa Rauli do ta nisë ndeshjen nga stoli. Mbrojtësi i majtë Roberto Karlos është i skualifikuar. Nga ana tjetër, Valencia vjen në këtë takim pas një barazimi zhgënjyes ndaj Malagës, por edhe nga një seri prej 15 rezultatesh pozitive radhazi. Valencia fitoi në ndeshjen e fazës së parë ndaj Realit 2-1 në "Bernebeu". Për këtë takim, trajneri Sançez Flores shpreson te rikthimi, te goli i David Vilës. Sulmuesi spanjoll, autor i 15 golave në këtë kampionat, nuk shënon prej tri ndeshjesh.

Martin: Kush nuk e pëlqen Kapelon?!
Presidenti i Realit të Madridit, Fernando Martin, ia ka hapur pjesërisht derën kalimit të Fabio Kapelos te stoli i Realit. Zëvendësuesi i Perezit tha, në lidhje me trajnerin e ri të skuadrës madrilene: "Nuk e kemi përcaktuar ende emrin e trajnerit të ri të Realit, por ju siguroj se do të jetë një trajner i madh. Ne kërkojmë maksimumin. Kapelo? Kush është ai president që nuk do të dëshironte të punonte me një trajner si Fabio?!"

[Davius]

Helgera: S'do të përfundoj si Solari


Ivan Helgera po kalon një nga periudhat më të vështira të karrierës së tij në Madrid. 32-vjeçari është lënë rregullisht në stolin e rezervave, që kur Lopez Karo mori drejtimin në vend të Luksemburgos. "Janë gjëra që ndodhin, - thotë spanjolli që u jep kështu edhe lamtumirën shpresave për një grumbullim për në botëror nga Aragonesi. - Trajneri më ka lënë në stol dhe kësisoj më duhet të punoj për të rifituar vendin tim. Më vjen keq që nuk do të luaj në botëror, por kam ende shanset e mia te Reali." Helgera nuk dorëzohet, por kritikon disa nga vendimet e drejtuesve "merenges":

"Largimi i Luksemburgos nuk ishte një zgjidhje. Lopez Karo nuk ka bërë asgjë më shumë se braziliani. Shpeshherë largimi i trajnerit është zgjidhja më e thjeshtë, por mund të mbartë shumë pasoja." Helgera, së bashku me Salgadon, Roberto Karlosin dhe Ronaldon bëjnë pjesë në grupin e futbollistëve që mund të largohen nga Reali në fund të sezonit. Gjithsesi, spanjolli sqaron: "Nuk do të përfundoj si Solari që pas rinovimit të kontratës me Realin, u shit në merkaton e verës. Unë jam i bindur se do të qëndroj në "Bernabeu" edhe në sezonin e ardhshëm, në bazë të kontratës që kam me drejtuesit e klubit."

[Davius]

Braziliani ka gabuar 11-metërshin vendimtar ndaj Valencias, ndërsa trajneri nuk është dorëzuar ende 13-03-2006

Ronaldo në "tunel", L.Karo shpreson

Ronaldo vazhdon të ketë një eksperiencë jo shumë të mirë te Reali i Madridit momentalisht. Për të dytën ndeshje radhazi, ai nuk u fut në formacion nga trajneri i skuadrës madrilene, Huan Roman Lopez Karo. Kur Reali udhëtoi në "Mestaja" për t'u ndeshur me vendësit e Valencias, sulmuesi brazilian qëndroi në stol, gjithsesi arriti të ketë shansin të luajë disa minuta dhe për më tepër të jetë protagonist. Ai u fut në fushën e lojës në minutën e 63-të, duke zëvendësuar kapitenin Raul, dhe në minutat e fundit të lojës kishte në dorë shansin për t'i dhënë fitoren skuadrës së ti


j. Ndeshja ishte 0-0 dhe në fund të lojës, falë aftësive të tij, braziliani fitoi një penallti, pasi kaloi portierin kundërshtar Santiago Kanizares dhe ky i fundit ndërhyri në mënyrë të gabuar. Por kjo gjë nuk e përmirësoi situatën e tij te Reali, për t'i dhënë ndonjë sinjal pozitiv, pasi nuk arriti ta shënojë gol penalltinë që fitoi vetë. "Unë kam arritur të shënoj shumë gola, madje edhe shumë të vështirë, por kur situata nuk është e mirë, atëherë çdo rast bëhet i vështirë për t'u shënuar. Unë dua vetëm që ta kaloj këtë situatë dhe e di që duhet punë e madhe dhe shpirt i lartë," - tha Ronaldo. Ndërkohë, për sa i përket faktit që u la në stol, braziliani tha: "Trajneri nuk ka folur me mua dhe, me thënë të drejtën, nuk e ka të detyruar ta bëjë një gjë të tillë."

Reali i Madridit nuk po arrin të paraqitet mirë në kampionat, me synimin për të kapur Barcelonën, duke qenë se në Ligën e Kampioneve e përfunduan aventurën e tyre. Gjithsesi, trajneri madrilen, Lopez Karo, është optimist. "Ndaj Valencias pashë një lojë të bukur, e cila më tregoi se të dyja ekipet që ishin në fushën e lojës, janë pretendente për titull. Duhen shumë pikë për të fituar, por nëse ekipi vazhdon të jetë i motivuar dhe të lërë pas vështirësitë që duhet të kalojë, gjithçka është e mendur. Reali i Madridit është një ekip i mbushur me yje të futbollit dhe ata janë të aftë të bëjnë mrekullira. Unë shpresoj ende.

Mund të ndodhë gjithçka," - tha ai. Në fakt, trajneri i Realit tha edhe që skuadra e tij dha maksimumin në fushën e lojës, duke parë edhe vështirësitë. "Futbollistët nuk ishin në një moral të mirë, pasi u eliminuan nga Liga e Kampioneve. Për më tepër janë në një gjendje jo shumë të qartë, duke qenë se presidenti i klubit është i ri. Por në fushën e lojës, kundër Valencias, u munduan t'i harrojnë të gjitha. Është për t'u përmendur që kundërshtari ynë është një nga ekipet më të forta në Europë, kështu që është e vështirë të krijosh raste për shënim ndaj tyre. Gjithsesi, ne treguam shpirt të lartë gare, madje patëm rast edhe për të fituar," - përfundoi ai.

[Albanian^Boy]

Ja pra po e hapi kete tem per tifozet e Real Madridid.Pasi jam nje tifoz i flakt i Realit edhe e hape kete tem.
Skemi qa me bisedu per kete skuader nje skuader majft zakonisht e mir.
Po i numroj disa lojtar...
Raul
Robinho
Babtista
Cicinho
Ronaldo nuk po e permendi pasi nuk ashte aq ne form tash

Real Forever :PpP
__________________
Pround To Be Real-MaDriD..!

[Albanian^Boy]

Davius mer dreq edhe pse ram nga liga e kampionit nuk prish pun besojm se vjetin tjeter jo vetem qe do shkojm ne ligen e kampionit por edhe do e marim kupen.
Une kisha degjuar se reali i madridit kete sezon do e jape Ronaldon edhe Gutin do i dergoj ne Inter ndersa prej atje do e mare Adrianon,edhe trajneri i Juves do vije ne Real bashk me Ibrahimovicin.
Kjo ishte informata ime qe kisha degjuar forza Real :PpP

[Davius]

Ish-trajneri: Unë kam fituar gjithçka. Barça? Luan futbollin më spektakolar, ndërsa Milani është më konkret 17-03-2006

Del Boske: Mund të kthehem te Reali

Visente Del Boske ka qenë trajneri i fundit që katër vjet më parë i dha Realit të Madridit Ligën e Kampioneve. Për më shumë, spanjolli është i fundit që ka arritur të fitojë në stolin "merenges". Del Boske ndodhej në Itali, ku ka lëshuar intervistën e radhës, në të cilën analizon futbollin në Serinë A dhe pjesën tjetër të Europës.
- Del Boske, në tri vitet e fundit ka pasur gjithmonë një skuadër italiane në finalen e Championsit dhe sivjet tri prej tyre janë ndërmjet tetë më të mirave. Një rastësi apo një tendencë e futbollit të sotëm?
- Futbolli është i përbërë nga cikle të ndryshme dhe për momentin Italia komandon në Europë. Kjo duket edhe me kombëtaren. Lipi ka krijuar një skuadër që do të luajë si favorite në botëror. Për më shumë që futbollistët nuk vijnë si në të kaluarën nga të zakonshmet Milan, Juventus dhe Inter, por janë grumbulluar edhe nga skuadra të tilla si Palermo, Roma dhe Fiorentina. Kjo tregon se po zbulohen të rinj interesantë dhe është një nga faktorët që ndihmon në arritjen e rezultateve, por...
- Por? Çfarë i mungon futbollit italian?
- Nuk kam parë ende një cikël. Pra një skuadër që të arrijë ecurinë e të mëdhave të së kaluarës si Ajaks, Bajern, Liverpul, Milan dhe Real Madrid. Ndoshta ka ardhur koha e një tjetër cikli për futbollin italian. Gjithsesi, në Itali janë tri skuadra që kanë mundësinë të fitojnë gjithçka.
- Ju cilën skuadër preferoni?
- Milanin. Ndoshta në dy sezonet e fundit nuk ka qenë konstant sa duhet, por luan futbollin më të bukur të Europës. Ndoshta më pak spektakolar se ai i Barcelonës, por me siguri më konkret. Prej pesë vitesh, Ançeloti qëndron në majë.
- Po Interi dhe Juventusi?
- Interi është i mbushur me kampionë, por nuk arrin të jetë një skuadër. Mançini po reziston gjatë në një klub që ka ndryshuar shpeshherë trajnerin. Ky duhet parë si një rezultat i rëndësishëm i trajnerit zikaltër. Te Juvja është Kapelo, dhe... Eshtë një skuadër e fortë, ndoshta pak spektakolare, por e vështirë për t'u mundur. Kapelo është një trajner që fiton gjithmonë.
- Kush do ta fitojë Ligën e Kampioneve?
- Të gjithë mendojnë për Barcelonën, sepse është skuadra më spektakolare. Por në Europë nuk mjafton vetëm futbolli i bukur. Finalja ime ideale do të ishte Milan-Barça, por kjo është e pamundur. Më duhet të shikoj nga gjysmëfinalet e tjera.
- Ku mund të jetë Interi dhe Juventusi...
- Po, por nuk duhet nënvlerësuar as Arsenali dhe as Vilareali. Anglezët kanë të rinj të talentuar: Fabregas, Rejes, Ebou, Hleb dhe Henri mund të bëjnë gjithçka. Ndaj Juves do të jetë një përballje stilesh. Ndërkohë, Vilareali është një skuadër kompakte në transfertë dhe nuk trembet. Në një turne të tillë mund të jetë surpriza.
- Pse Reali nuk është më në lojë?
- Sepse momentet e krizës kanë qenë pjesë e historisë së kësaj skuadre dhe bëjnë shumë bujë. Por mos mendoni se është faji i shumë yjeve, edhe unë kam pasur plot të tillë. Futbollistët e mëdhenj duan të fitojnë.
- Flitet për një rikthim tuajin te "merengesit"...
- Jam gati. Mund të hedh kandidaturën time për atë vend. Kam fituar gjithçka si trajner dhe si futbollist te Reali. E kaluara ime është mëse e denjë për të synuar rikthimin.

Parreira, "pro" Ronaldos te Flamengo
Trajneri i Brazilit, Karlos Alberto Parreira, bëri të ditur se do ta mirëpriste kalimin e Ronaldos nga Reali te Flamengo. Trajneri i "Selesaos" tha për të përditshmen braziliane "Lance": "Do të ishte mirë për të gjithë. Për Ronaldon, për Flamengon, për skuadrën kombëtare dhe ndoshta për vetë Realin. Mendoj se rikthimi i Ronit në Brazili do të ishte mjaft pozitiv për fundin e karrierës së tij."

Martin-Bekham, gati rinovimi
Presidenti i Realit të Madridit, Fernando Martin, po mendon të fillojë bisedimet me Devid Bekhamin për rinovimin e kontratës. Martini ka bërë të ditur se do të vazhdojë bisedimet në atë pikë që ishin ndërmjet mesfushorit anglez dhe Perezit. "Jam optimist se gjatë kësaj vere Bekhami do të firmosë një marrëveshje të re me Realin deri në vitin 2008," - tha numri 1 i Realit.

Salgado: Do të qëndroj në Madrid
Mishel Salgado, mbrojtësi i Realit të Madridit, deklaroi dje se nuk e shqetësojnë aspak zërat që flasin për një largimin të tijin nga skuadra "merengese". Spanjolli është i bindur se edhe në sezonin e ardhshëm do të luajë te Reali. "Çdo vit jam në listën e futbollistëve që do të largohen sipas gazetarëve. Por ka ndodhur e kundërta dhe prej gjashtë vitesh luaj si titullar te kjo skuadër. E kam shumë të qartë të ardhmen time. Do të vazhdoj të luaj për Realin."

[Davius]

Mbrojtësi brazilian ka deklaruar se kur të tërhiqet nga futbolli, fanella e Realit me numrin 3 të mos përdoret 19-03-2006

Roberto Karlos, "merenges" i përjetshëm

Mbrojtësi brazilian i Realit të Madridit, Roberto Karlos, është shprehur i qartë për planet e tij në të ardhmen. Ai ka deklaruar se do të luajë edhe disa kohë me Realin dhe do ta përfundojë karrierën aty, ndërkohë që ka thënë gjithashtu se ka shumë besim se viti tjetër do të jetë një sukses i vërtetë për skuadrën. Ai e thotë një gjë të tillë, duke u bazuar edhe në grupin e futbollistëve që është formuar.

- Çfarë mund të na thoni për situatën në kampionat?

- Barcelona është në vendin e parë dhe ka nëntë pikë më shumë se ne. Në fakt, diferenca do të kishte qenë shtatë nëse do të kishim fituar ndaj Valencias. Ne jemi shumë optimistë për të arritur skuadrën katalanase dhe për një gjë të tillë do të japim maksimumin tonë. Ndeshjet, duke filluar që kundër Betisit, do të jenë shumë të rëndësishme, pasi vënë nën presion ekipin që kryeson renditjen.

- Mendoni se Barcelona do të bëjë hapa fals?

- Nuk mund ta përcaktoj unë një gjë të tillë, por në futboll gjithçka mund të ndodhë. Kjo pjesë e sezonit është shumë e rëndësishme dhe nuk ka skuadra të dobëta. Shumica e ekipeve japin maksimumin në fushën e lojës, pasi u duhet të realizojnë patjetër synimet që kanë dhe më duhet të them se ekipet që rrezikojnë të bien nga kategoria, janë shumë të rrezikshme tani. Ndaj nuk është çudi edhe nëse Barça gabon. Gjithsesi, më e rëndësishmja është që ne të marrim të gjitha pikët e mundshme.

- Besoni se Barça ndihet nën presion?

- Nuk e di, por është normale nëse ndodh një gjë të tillë. Ata duhet që petjetër të fitojnë.

- Për sa i përket karrierës suaj, do të vazhdoni të jeni pjesë e Realit apo keni menduar edhe largimin?

- Kur kam ardhur te skuadra Madrilene në vitin 1996, e kam bërë me kokën lart. Dua ta përfundoj karrierën time këtu dhe kur të largohem, kokën ta kem akoma më lart. Kam ardhur dhe kam fituar respektin e të gjithëve, pa pasur probleme me njeri. Kam arritur të jem pjesë e rëndësishme e skuadrës dhe kjo ka qenë një nga gjërat më të rëndësishme, pasi Reali gjithmonë ka qenë i mbushur me yje të futbollit të botës. Në kontratën time ka mbetur edhe një vit, por unë nuk do të largohem nëse nuk fitoj edhe një herë titullin kampion. E di që kam fituar shumë trofe me fanellën e klubit, por kërkoj edhe më shumë. Më kanë ardhur shumë oferta, madje kam menduar edhe që ta përfundoj karrierën në Brazil, gjithsesi tani e kam vendosur.

- Si mendoni, sa i rëndësishëm ka qenë roli juaj në skuadër?

- Jam munduar gjithmonë që të transmetoj besim, si brenda skuadrës, ashtu edhe jashtë saj. Asnjëherë nuk kam luajtur futboll për para dhe kjo më ka ndihmuar të jem vetvetja. Gjithmonë kam pasur marrëdhënie të mira me drejtuesit dhe mbase kjo do të thotë se kam dhënë një kontribut të mirë.

- Si është Ronaldo?

- Roni ka stilin dhe mendimet e tij. Kërkon të shënojë sa më shumë gola dhe jep maksimumin në fushën e lojës. Ai është stërvitur shumë mirë dhe mendoj se ka një rol të rëndësishëm në ekip.

- Ka nevojë skuadra për blerje të reja?

- Ndonjëherë, klubi duhet të mendojë për futbollistë të rinj. Por kjo ndodh kur nuk vijnë rezultatet e mira, ose kur trajneri e dëshiron një futbollist tjetër. Në fakt, nuk e di se çfarë do të bëjë klubi në të ardhmen, por di të them se jemi një grup i jashtëzakonshëm. Mjafton të stërvitemi sa më shumë dhe të formojmë një grup kompakt. Kjo do të na çojë te sukseset. E rëndësishmja është që asnjë prej futbollistëve aktualë të mos largohet, ndërkohë që të tjerat bëhen për më mirë. E them këtë me siguri, pasi të gjithë futbollistët që kanë ardhur te reali, kanë qenë nga më të mirët në botë.

- Robinjo tregoi shumë besim në fushën e lojës dhe shënoi shumë gola në fillim, ndërkohë që tani nuk luan.

- Kam folur shumë me të për këtë fakt, por trajneri ka mendimet e veta dhe ne duhet t'i respektojmë. Robinjo është shumë i ri dhe ai e di që duhet të mësojë edhe shumë gjëra të tjera. Në fakt jam shumë i kënaqur me punën që ai bën dhe më vjen mirë për të, pasi jam i sigurt që do të bëjë diferencën në arenën botërore në të ardhmen.

- Çfarë mund të thoni për zërat që e lidhin Kapelon me postin e trajnerit të Realit?

- Kapelo është një nga trajnerët më të mirë në botë, por mendoj se nuk do të vijë. Kam folur me drejtuesit e klubit dhe ata më kanë thënë se është më mirë që mos të ketë ndryshime në drejtimin e skuadrës. Trajneri Lopez Karo ka treguar shumë aftësi dhe ka fituar respektin e të gjithëve.

- Në një sondazh të bërë, shumica e tifozëve kishin thënë se futbollisti që do të largohet sezonin tjetër, është Roberto Karlos.

- Nuk është aspak e vërtetë. Unë nuk di asgjë për një sondazh të tillë, gjithsesi unë flas, sepse i di pozitat e mia në skuadër.

- Keni marrë oferta nga klube të tjera gjatë kohëve të fundit?

- Unë kam pasur oferta vërtet interesante për të luajtur në Katar, por i kam refuzuar ato. Dua të vazhdoj të jem pjesë e Realit të Madridit. Jam sjellë gjithmonë mirë me të gjithë, jam munduar të fitoj respektin e të gjithëve dhe mendoj se të gjithë duan që unë të qëndroj në skuadër. Në fakt, unë e thashë edhe më parë që dua ta përfundoj karrierën te Reali dhe shpresoj se dëshira ime të realizohet. Dua që fanella me numrin 3 që kam mbajtur gjithmonë, të mos vishet nga ndonjë futbollist tjetër në të ardhmen.

- Për stolin e Realit janë përmendur shumë emra trajnerësh, por të gjithë e kanë përgënjeshtruar dhe refuzuar një lëvizje të tillë.

- Duhet të theksoj se të gjithë emrat që janë përmendur, janë trajnerë që kanë kontrata me klubet e tyre. Nuk besoj se ndonjëri prej tyre do të thoshte, - po do të shkoj te Reali, - ndërkohë që është trajner i një skuadre tjetër.

- Çfarë mund të na thoni për Florentino Perezin?

- Ai është presidenti që e bëri Realin klubin më të pasur në botë. Ai ka arritur shumë suksese gjatë periudhës që ishte në detyrë dhe për më tepër gjithmonë ka qenë i respektuar. Kam pasur marrëdhënie shumë të mira me të dhe më erdhi shumë keq kur mora vesh dorëheqjen e tij.

- Si përfundim, çfarë mund të na thoni për ndeshjen e kampionatit kundër Betisit?

- Nuk është një përballje e lehtë, gjithsesi ne duhet të marrim patjetër tri pikët. Na duhet të japim maksimumin, pasi, siç e thashë edhe më parë, në këtë pjesë të kampionatit nuk ka skuadra të dobëta dhe të forta, pasi secila duhet të realizojë synimet e veta.

[Davius]

U luajtën dje ndeshjet e javës së 28-të të kampionatit spanjoll. Reali i Madridit është ndalur në një barazim zhgënjyes 0-0 në "Santiago Bernabeu" nga Betisi i Serra Ferrerit.

Skuadra që në mesjavë u eliminua nga Kupa UEFA, diti të mbrohej me rregull ndaj Realit, që me këtë rezultat u jep lamtumirën shanseve për të fituar titullin. Tani Barcelona është 11 pikë larg. Rastet sporadike të Kasanos, Robinjos dhe Ronaldos ishin shumë pak për "merengesit", që dolën të mbuluar nga vërshëllimat e tifozëve të tyre. Reali i drejtohet kështu sezonit të tretë radhazi pa trofe.

Trajneri Lopez Karo kishte lënë në stol Ronaldon dhe Devid Bekhamin. Për sulmuesin brazilian, kjo ishte ndeshja e tretë radhazi në Primera Divizion, të cilën e mis nga stoli, pas atyre ndaj Valencias dhe Atletikos. Ndërkohë, Bekhami nuk ka luajtur me "merengesit" që pas eliminimit në Champions përballë Arsenalit. Nuk kanë qenë titullarë në takimin e djeshëm as Hulio Baptista dhe Tomas Gravesen, futbollistë gjithnjë e më larg "Bernabeut".