Vritet presidenti i Tomorrit

[inter_forever]

Dje ne darke eshte bere viktime e nje atentati presidenti i Tomorrit te Beratit Edmond Malollari . Ishte ne hyrjen e pallatit mbreme rreth ores 20:45 kur e kane qelluar me pistolete me silenciator .
Policia ka hedhur shume hipoteza lidhur me vrasesit . Malollari ka qene edhe president i ekipit ballshiot Bylis .

Me kete vrasje vazhdon mallkimi mbi presidencen e klubit beratas , pasi ne vitin 2000 u vra presidenti i atehershem Adrian Cobo.

[FЯODO]

Malollari ka qene edhe ish-presidenti i Bylisit

[Davius]

Vrasja e Malollarit, për hakmarrje


Dashamir Biçaku

TIRANE- Ekzekutimi i presidentit të “Tomorit”, Edmond Malollari, ka lidhje me atentatin e përgjakshëm të ndodhur në qendër të Lushnjes, një ditë pas zgjedhjeve të 3 korrikut. Ky është dyshimi më i fortë i grupit hetimor të ngritur fill pas atentatit që iu bë mbrëmjen e dy netëve më parë Malollarit. Burime nga grupi hetimor pohojnë për “Shekullin” se viktima kishte një konflikt të vjetër pronësie me pronarin e karburantit, Baki Taullau, i ekzekutuar më 4 korrik nga Leonard Prifti. Të njëjtat burime pohojnë se së paku tre njerëz, anëtarë të të ashtuquajtuarës bandë e Lushnjes janë në listën e personave që kanë dijeni mbi ekzekutimin e Malollarit. Pista e hakmarrjes për truallin e tokës në Lushnje, e njëkohësisht për vrasjen e Baki Taullaut mbetet dyshimi më i fortë mbi të cilin po heton grupi hetimor, për zbardhjen e ekzekutimit të presidentit të “Tomorit”, ndërkohë që policia, nëpërmjet një njoftimi për shtyp, ka renditur si pista hetimore edhe atë të borxheve, apo problemeve të tjera që mund të ketë pasur Malollari.
Mbrëmjen e së mërkurës, policia e komisariatit nr.2 ka shoqëruar disa persona nga familja Taullau në Lushnje, e pasi janë marrë në pyetje, ata janë lënë të lirë nga hetuesit. Tashmë, grupi hetimor ka marrë në dorë dosjet e hedhjes në erë të karburantit të Taullaut si dhe ekzekutimin e dyfishtë të tij dhe të Leonard Priftit në qendër të Lushnjes, për të zbardhur atentatin që i solli vdekjen Malollarit.
Hetimi
Gjatë mbrëmjes së mërkurë, hetuesit e policisë dhe të prokurorisë kanë marrë dëshmitë e një numri të madh personash, të cilët mendohej se kishin dijeni mbi lidhjet, problemet dhe konfliktet e Malollarit. Versioni i parë që u ka dalë në shteg inspektorëve të krimeve dhe oficerëve të policisë ka qenë ajo e borxheve që 37- vjeçari nga Berati u kishte një numri të konsiderueshëm personash. “Falë një pune të mirëfilltë operative mbi bazën e informacioneve të grumbulluara në vendngjarje dhe deklarimet e marra, rezultoi se viktima në vitin 1998 i ka marrë hua një shtetasi, një shumë të konsiderueshme parash, duke u bërë aksioner në një firmë turke, e cila merrej me përpunimin dhe prodhimin e hekurit”,-thuhet në deklaratën për shtyp të policisë së Tiranës. Po kështu, një proces gjyqësor i fituar prej viktimës pak kohë më parë për një copë truall ishte një version në të cilin policia mund të hetonte, për të zbuluar autorët e vrasjes. Gjatë verifikimit të këtyre të dhënave, është zbuluar edhe një tjetër konflikt pronësie ku ishte përfshirë Malollari, për të cilin janë shkaktuar dy viktima: konflikti mes presidentit të sportklub “Tomorit” dhe Baki Taullaut, tashmë i ekzekutuar nga banda e Lushnjes. Secila nga palët pretendonte për një sasi toke në qytetin e Lushnjes, e pikërisht për këtë konflikt, anëtari i bandës së Lushnjes vrau Baki Taullaun, e djemtë e këtij të fundit e ekzekutuan, pak minuta pasi panë të vdekur të atin.
Të afërmit
Disa nga të afërmit e familjes së presidentit të klubit të futbollit “Tomori” i kanë pohuar policisë se ata e dinin se kush e kishte kryer vrasjen e njeriut të tyre. Ata mësohet se i kanë pohuar grupit hetimor të policisë konfliktet që 37 -vjeçari Edmond Malollari kishte pasur. Një ndër konfliktet më të ashpra që viktima sipas hetuesve ka pasur, ka qenë edhe ai me familjen Taullau në Lushnje. Për këtë fakt, Malollari dyshohet të ketë angazhuar edhe pjesëtarë të “Bandës së Lushnjes” për të hequr qafe një nga rivalët e tij në çështjen e pronave në qytet. Mesditën e djeshme, grupi hetimor që po punon për zbardhjen e çështjes ka marrë për më shumë se tri orë në pyetje kunatin e viktimës. Ky i fundit jetonte në familjen e Malollarit prej rreth 6 muajsh në banesën e marrë me qera në afërsi të stadiumit “Dinamo” në kryeqytet. Mësohet se ai ka pohuar se kunati i tij kishte pasur një proces gjyqësor që tashmë e kishte fituar dhe kjo sipas tij mund të ishte edhe pista kryesore e krimit të ndodhur mbrëmjen e së mërkurës në kryeqytet.

VERIFIKIMI

Policia: Malollari, aksioner i “Kurum” me lekë borxh

TIRANË-Në një konferencë shtypi të dhënë nga drejtoria e Policisë së Tiranës mesditën e djeshme, është pohuar se nga verifikimet e kryera prej tyre është zbuluar se viktima Edmond Malollari u kishte borxhe në shuma të mëdha personave të ndryshëm, të grumbulluara prej një kohe të gjatë. “Falë një pune të mirëfilltë operative mbi bazën e informacioneve të grumbulluara në vendngjarje dhe deklarimet e marra, rezultoi se viktima në vitin 1998, i ka marrë hua një shtetasi shuma të konsiderueshme parash, duke u bërë aksioner në një firmë turke, e cila merrej me përpunimin dhe prodhimin e hekurit”, -pohohet në deklarimin e policisë. Sipas të njëjtit burim, pas kësaj kohe Malollari ka përvetësuar një sipërfaqe tokë në autostradën Tiranë-Durrës dhe ka filluar të punonte me tregtinë e importit nga Turqia të vajërave lubrifikantë. Sipas njoftimit të policisë, për të kapur autorin e dyshuar të këtij krimi, ishin angazhuar dhe kombinuar operacionet me komisariatet e policisë së Lushnjes, Beratit dhe Laçit, ndërsa janë ngritur pika kontrolli dhe postblloqe të ndryshme nga shërbimet e policisë dhe Forcat Speciale.

SHPËRBLIMI

1 milion lekë shpërblim informatorëve

TIRANË- Një milion lekë të reja është shpërblimi që policia e Tiranës ka vënë në dispozicion të informatorit të mundshëm, që jep të dhëna dhe detaje në lidhje me autorët e atentatit që i mori jetën Edmond Malollarit. Fakti i mësipërm u pohua dje gjatë një konference për shtyp të zëdhënëses së policisë së Tiranës, Alma Katragjini. Sipas saj, strukturat e drejtorisë së policisë, kërkonin bashkëpunimin e komunitetit dhe vënë shpërblim për çdo informacion të vlefshëm që do të finalizohet me kapjen e autorit. Një shumë të tillë, policia e vuri edhe në dy raste të tjera në kryeqytet, për të kapur Bashkim Kullën dhe dy të arratisurit nga burgu i Shën Kollit në Lezhë, tri javë më parë. Shuma më e madhe për informacionin ndaj një të kërkuari është vënë në rastin e arratisjes së Frederik Durdës, më 6 tetor të këtij viti. Ai u arratis nga materniteti i Tiranës, ndërsa vizitonte të shoqen e tij, Blertën, e cila kishte dështuar në shtatzaninë e saj të dytë.

HETIMI

Vrasja, shoqërohen tre familjarët Taullau

TIRANË- Tre pjesëtarë të familjes Taullau nga Lushnja janë marrë disa herë në pyetje gjatë ditës së djeshme, në mjediset e komisariatit numër 2 të Tiranës. Burime nga ky komisariat pohojnë për “Shekullin” se Saimir Taullau, Bajram Taullau dhe Ahmet Taullau, të afërm me njëri- tjetrin dhe viktimën e 4 korrikut, Baki Taullau, janë marrë në pyetje deri në orët e vona të mbrëmjes së djeshme. Mësohet se rreth orës 22.00 ata janë lënë të lirë, pasi nuk kanë rezultuar të implikuar në vrasjen e Malollarit. Më së shumti, policia i ka shoqëruar ata për të mësuar më tepër rreth konfliktit që presidenti i “Tomorit” kishte me njeriun e tyre tashmë të vrarë, për një copë truall në hyrje të Lushnjes, ku Baki Taullau dhe djemtë e tij kishin ndërtuar një karburant. Veç shoqërimit të anëtarëve të kësaj familjeje, policia pohoi dje se ka shoqëruar së paku 21 persona deri në orët e para të mëngjesit, ndërsa deri mbrëmë vonë, ky numër kishte shkuar në më shumë se 35 persona.

[Tulipani Zi]

Me kete vrasje vazhdon mallkimi mbi presidencen e klubit beratas , pasi ne vitin 2000 u vra presidenti i atehershem Adrian Cobo.

Ky posti i presidentit te Beratit me duket qenka i mallkuar.

[ClaY_MorE]

Aspak nuk eshte i mallkuar po nuk mund te mbash nje ekip futbolli me leke borxh.
Sipas zerave thuhej se kishte gati 50.000 Euro borxh.

[Juvi]

amon, se eshte gjynof se osht rob, por nji kokerr legeni ka qene. I myt ne borxhe. Madje ndonjehere lojtaret i merrnin makinen kur nuk u jepte leket (Bubeqi psh).

[fioreal]

Ndoshta seshte mire te flasesh per te vdekurit po sme harrohet njehere qe skishte leke per ti dhene nje futbollisti dhe i dha plot nje kamion me vaj makine hahahah dhe ai mendoi ti shiste po askush sia bleu.. nejse te shkuara te harruara

[inter_forever]

Me sa shifet e kane vrare per nje gjyq pronesie ne Lushnje . Atje eshte nje sherr i vjeter mes fisit Taullau dhe Malollarit .
Thone qe Malollari ka futur per tu hakmarre ndaj Taullaut , nje nga grupi i Aldo Bares .
E ndodhi ajo vrasja ne mes te Lushnjes , ku vdiq Baki Taullau , me pas cunat e tij vrane ne vend Leonard Priftin ( i grupit te Aldo Bare ) .
Thone qe kane dore edhe disa borxhlinj ne kete vrasje .


Habitem sesi nje person ka borxhe dhe mban nje ekip futbolli .I iken truri tjetrit , kur shef qe nga njera ane nuk i jep borxhin , nga ana tjeter paguan futbolistat.


. Po i dhe leket borxh quaji te humbura , se nuk i merr dot me . Tek ne nuk mbeshtetesh dot as tek ligji , se jemi shtet vari tajaren ..keshtu qe ngelen duke marre peng e duke vrare robt , e gjithe kjo per te marre leket e tua ...

[shkodrane82]

Gjynah femite dhe gruaja qe ka lene, per para borxh nuk vritet njeriu..pfff
se si ka ardhe kjo dyrnja.

[Mateus]

Habitem sesi nje person ka borxhe dhe mban nje ekip futbolli .I iken truri tjetrit , kur shef qe nga njera ane nuk i jep borxhin , nga ana tjeter paguan futbolistat.

Nuk e di plako se ku jeton por ne shqiperi Mbajtja e nje ekipi futbolli ka disa perparesi.

1) Ke mundesi te pastrosh para te pista
2) Ke perparesi ne taksat qe paguan
3) Behesh dhe person publik. (Permendim arrestimin e Xhanit, Delijorgjit dhe çfare probleme hasi policia me personalitetin publik te tyre).


Ky (i ndjeri) ishte mbushur ne borxhe qe ne fillimet e demokracise duke mbledhur para dhe duke i investuar ne firmat piramidale.

Megjithate nuk i eci edhe pse arriti te bente diçka te madhe per ekipin e Beratit (Tomorrin) duke e kthyer ne shoqeri aksionere.

[Del Monako]

Ca nervi te keq qe kan kto Beracit mer ncnc.

Ne 97' e digjnin njonin te gjall edhe rrinin e shifnin si ulerinte. Bahh

Vallaj me mir nje plum me silencatior se sa ashtu.

Sa per ate presidentin e pare qe kan vra e dinin te gjithe qe ishte kriminel. Ishin nja 3 vllezer ato Cobot qe te hiqshin qafe. Shoket e Altin Dardhes etj etj.
Po thuj gjynof qe e hongri edhe arbitri Luan Zylfo qe po pinte kafen me ate nga zorri. Rahmet past se ishte burr i mire. Luani them.

Ama ket Malollarin se njof. S'duket mafioz nga foto, po kush e merr vesh. Ndonjeher ngaterohesh me gjona edhe s'del dot . Gjynof kalamojt edhe gruja qe mbesin mes 4 rrugve.


Tomorri ka kohe qe ka falimentu si klub.

[inter_forever]

Mos na i kujto ato kohera o trim , se na iken petlla ..

Ne Shqiperi cfare nuk te shef syri ...Behet president i Tomorrit , Adrian Coba , qe vetem me grabitje dhe gjoba i ka bere leket ... Me thoshin qe ato vite Tomorri lozte per te dale kampion dhe kur ishte ndeshja barazim e shkonin ekipet ne pushim te ndeshjes , shkonte presidenti duke rrotullu pistoleten e bente 2 pare muhabet me arbitrat ... Kerciste penalltia pjesen e dyte , per qef...
E the mire ti , e hengren arbitrat hallexhinj , por Coba e kishte mbushir kupen , aq shume krime kishte bere...

Ky Malollari me duket se nuk eshte ne nivelin e presidentit te dikurshem ...Do kete bere ndonje lek me ''te bardhe'' se ka qene ne Hollande ne vitet e rinise dhe me pas i eshte futur ''lekeve me perqindje'' ... Ndaj thashe qe i eshte futur halleve vet , nese ka kerku ndihme nga grupi Aldo Bares...



Mateus mire e ke me ato favorizimet ... Pastrim parash nuk ka bere miku , se te ksihte lek nuk arrinte deri ne kete pike , plot borxhe...Por me siguri do kete shfrytezuar '' emrin'' per te marre lek borxh ....
Mateus se me kujtove PD ...Ky Coba , presidenti para 5-6 viteve , ka qene miku i Nanos ...

Ti marresh jeten tjetrit per para borxh jo vetem qe hap hasmeri dhe i gezon pranverat ne burg , por ben edhe budallallekun qe bashke me ate qe vdiq , te iken edhe leket ... Kur eshte gjalle te pakten i merr ndonje kafe , kurse keshtu qaji leket....

[Del Monako]

Me thoshin qe ato vite Tomorri lozte per te dale kampion dhe kur ishte ndeshja barazim e shkonin ekipet ne pushim te ndeshjes , shkonte presidenti duke rrotullu pistoleten e bente 2 pare muhabet me arbitrat ... Kerciste penalltia pjesen e dyte , per qef...

Mos shko shume larg mer. Te them une ty. Lute ne ate kohe Partizoni ne Berat. Pjesa pare 0-0. Ma ka treguar nje shoku im qe ate kohe lunte sulmus me Partizonin.
Tomorrit i duhej fitore se i dilte Tirona para edhe humbte venin e pare. Tomorri ne ven te pare s'kishte bo vaki per sa kohe qe kemi qen Republik. lol Ne pushim te neshjes i bo nje vizit Adrian Cobo ne dhomat e zhveshjes te Partizonit.

I tha ca i tha, pak renci ka. Renci ka qe pjesa dyt maroi 3-0 per Tomorrin.

E mir o mir.