Mazhoranca socialiste eshte ne pritje te nje "doreheqje" eventuale te ish-prokurorit te pergjithshem, Arben Rakipi gje qe do t'i hapte rrugen zgjidhjes se krizes institucionale qe eshte pervijuar pas vendimit te Gjykates Kushtetuese. Burime te aferta me kryetarin socialist thane per "KJ" se ditet e ardhshme, prokurori Rakipi mund te deklaroje heqjen dore nga "beteja" e tij per t'u rikthyer ne krye te institucionit te akuzes. Sipas krereve socialiste, nese Rakipi do te deklaronte doreheqjen nuk do te rrezikohej as dekreti i presidentit Meidani per emerimin e Theodhori Sollakut ne postin e kryeprokurorit. Por, nese ish-prokurori do te vendoste ta vazhdonte betejen e tij ne parlament, atehere mazhoranca mund te vendose te mos ta marre ne shqyrtim kete ceshtje ne parlament. Eksperte te ligjeve ne kete parti thane per "KJ" se Kushtetuesja nuk mund te detyroje Kuvendin te marre ne shqyrtim kete ceshtje, por vetem te gjykoje per procedurat. "Gjykata Kushtetuese nuk mund te detyroje serish opoziten te paraqese nje tjeter mocion per debat ne parlament per ceshtjen Rakipi. Gjykata duhet te vendose por jo te urdheroje Kuvendin ne kete drejtim. Ky eshte mendimi im personal, por gjithsesi vendimet e Gjykates Kushtetuese jane te detyrueshme per t'u zbatuar nga te gjithe", u shpreh dje eksperti socialist.