Merkato e dimrit

[Qerim]

Jam kurioz te di a do te fuqizohen me tej ekipet ne superlige me kete merkato lojtaresh?
Tirana dhe Dinamo kane premtuar se do te blejne lojtare te tjere.
Edhe Elbasani per mendimin tim ka nevoje per lojtare me cilesore n.q.s do te mbetet ne krye.Edhe Vllaznia, edhe Besa etj.Per Partizanin nuk e di.
Nese do te blejne nga cili vend do te jene lojtaret?Tirana ka premtuar lojtare nga Rumania.Dinamo ruan lidhjet me Kroacine.Elbasani ka thene se do te bleje lojtare nga Maqedonia.

A do te kete shkembim lojtaresh brenga superliges ?

[Juvi]

hallall qerim, na duhej nje teme e tille. Une per vete e kam thene dhe me pare dhe do ta them qe Partizanit i nevojetin dy mbrojtesa, tre mesfushore dhe te pakten dy sulmues. Ne preferencat e mia do te ishte padyshim Vior Sinani, me Dorin do te benin nje dyshe te forte sulmi. GJithashtu do te doja qe lojtaret te ishin vendes, jo se jam kunder elementit cilesor te huaj, por sikur me ngjit me shume kur shikoj nje partizan me shqiptare (kjo nuk do te thote se Delain, Karder, Rodrigo jane lojtare te keqinj, perkudrazi jane shume te mire)

[Qerim]

Ide shume te mira per Partizanin.Duhet qe keto ide ti kete parasysh edhe Stafi i Partizanit dhe te mos beje gabime ne te ardhmen.

[Juvi]

007 e veme nje bast bashke qe do te jene rreth 5 lojtare te larguar nga skuadra dhe rreth 7 qe do te vijne? A do te ti them emrat e atyre qe do te largohen?
Oliveria, Drobnjak, Halili, Pinari, Sheta ketu do te jemi dhe do ti shohim ngjarjet

[Qerim]

Geshovski, goditja e parë e Dinamos në merkaton e janarit

Aurel CELIBASHI

Bllagoje Geshovski hap merkaton e janarit për blutë. Sulmuesi maqedonas mbërriti dje paradite në Tiranë, i shoqëruar nga menaxheri i vet, teksa menjëherë iu drejtua kompleksit sportiv. Menjëherë sapo shkeli në klub, Geshovski pati një bisedë të shkurtër me trajnerin Ivan Kataliniç, ndërkohë që më pas ndoqi stërvitjen e skuadrës. Nga informacionet e marra, u mësua se ky sulmues vjen nga ekipi i Pobedës, është 1.90 i gjatë dhe 87 kg, teksa luan edhe me kombëtaren maqedonase. Dje ishte dita e parë e mbërritjes së tij në kryeqytet, ndërkohë që gjatë kësaj jave ai pritet të hyjë në bisedime me presidentin Besnik Sulaj në lidhje me kontratën e re. Nga burime të besueshme brenda skuadrës bëhet e ditur se sulmuesi shtatlartë kërkon një shifër prej 50 mijë eurosh në sezon. Çdo gjë në lidhje me këtë marrëveshje do të bëhet e ditur në vazhdim, por ajo që duhet thënë është fakti se dinamovitët, ende pa u mbyllur viti 2005, e kanë hapur merkaton në pritje të lojtarëve cilësorë që mund të mbërrijnë. Trajneri kroat Kataliniç kërkon me çdo kusht një sulmues "race" dhe Geshovski duket se i përmbush kërkesat e tij, duke parë fizikun dhe gjithashtu faktin se është pjesë e përfaqësueses maqedonase. Me ardhjen e tij në skuadër, njëshi i stolit blu do të zgjidhte edhe një problem të madh, që është gjuha, sepse të dy mund të komunikojnë në serbo-kroatisht. "Topi" tani është në dorën e presidentit Sulaj, i cili duhet të hapë kasafortën për Bllagoje Geshovskin, një prej talenteve të kampionatit maqedonas, i cili sapo ka mbushur 24 vjeç.


14/12/2005

[Qerim]

Ja disa lojtare per tregun shqiptar.Kisha edhe une nje pyetje.Si eshte tregu i futbollistave ne Kosove.Ku eshte me i shtrenjte ne Kosove apo ne Shqiperi?





lir Nallbani - Futbollisti më i mirë i Kosovës për vitin 2005
vleresimi: (0 vota) Versioni për tu shtypur Email shokëve Diskutoni për këtë artikull
Artikujt të tjere
Muhamet Idrizi - Tani ndihemi shumë të fortë dhe do të mendojmë për suksese Europiane
• Kryetari i KF Shkëndija 79, rrëfen për ambiciet e klubit dhe vështirësitë me të cilat ballafaqohen si ekip
Minifutboll - Turneu dimëror “Prishtina 2005”
• Mitrovica e Dogana shënojnë fitore bindëse
Ilir Mehmeti - Në klubin tonë profesionalizmi do të ngrihet vrullshëm
• Bisedë me kryetarin e KF Vëllazërimi nga Kërçova
Botuar: 2005 Dhj 24 - 11:46
• Besa e Pejës u zgjodh si skuadra më e mirë e vitit

Në Shtëpinë e Sportit në Prishtinë, është bërë shapllaj e futbollistëve, trajnerit, klubit, gjyqtarit dhe punëtorit sportiv të Federatës së futbollit për vitin 2005. Juria në përbërje Bakir Burri,kryetar, Afrim Tovërlani dhe Muharrem Sahiti në bazë të kritereve për vlerësimin e laureatëve, në bazë të dokumentacionit përkatës që disponon Federata e futbollit e Kosovës, për futbollist më të mirë të vitit 2005, ka shpallur mesfushorin e Besës së Pejës, Ilir Nallbanin.

Klubi më i suksessshëm për vitin 2005 është shpallur Besa e pejës, kampione aktuale dhe fituese e Kupës së Kosovës dhe kampione vjeshtore për vitin 2005. Epiteti i trajnerit më të mirë i ka takuar Erdogan Celinës (Liria-Prizren), kurse punëtorit sportiv, Agim Elshanit, drejtor i KF Besa të Pejës. Gjyqtar më i dalluar është shpallur Përparim Hasani nga Prishtina, kurse me mirënjohje janë nderuar edhe Ramush Gashi dhe Alber Bunjaku, për kontributin e dhënë futbollit kosovar dhe afirmimin ndërkombëtar.

1. Ilri Nallbani (Besa), futbollisti më i mirë i Kosovës 2005.

2. Haxhi Zeka(Besa)

3. Ismet Ramushi(Besiana-Gjilani)

4. Fitim Krusha(Prishtina-Liria)

5. Uliks Emra(Prishtina)

6. Sunaj Keçi (Flamurtari)

7. Labinot Qosa (Prishtina)

8. Namësor Gjonbalaj (Prishtina)

9. Benis Krasniqi (Besa)

10.Elvis Osmani(Trepça ’89)

Me mirënjohje të është nderuar edhe futbollisti nën moshën 20 vjeçare, Dukagjin Gashi, që ka qenë më i dalluari në vitin 2005.

[Qerim]

Trajneri i bluve i ka bërë kërkesë presidentit Sulaj për tri përforcime në merkaton e dimrit &nbsp25-12-2005
Kataliniç, me "kartë krediti" në Kroaci
Aurel Celibashi


Dinamo e vitit 2006 pritet të jetë një skuadër "e blinduar" në të gjitha repartet, kjo pasi trajneri Ivan Kataliniç kërkon me ngulm edhe afrimin e tre lojtarëve cilësorë. Përpara se të largohej në vendlindje për pushimet e fundvitit, nga burime brenda klubit mësohet se kroati ka pasur një takim me presidentin Besnik Sulaj, të cilit i ka parashtruar kërkesën për blerjen e një sulmuesi, një mesfushori dhe një mbrojtësi. Bosi i bluve ka dhënë menjëherë miratimin për një gjë të tillë, duke ia lënë Kataliniçit në dorë përzgjedhjen e elementëve që pritet të afrohen në muajin janar.
Me sa duket, edhe në këtë merkato dimri blutë janë të orientuar nga tregu i huaj dhe pikërisht ai kroat, ku në përbërje të tij ka shumë futbollistë të nivelit të lartë. Dy blerjet e fundit të Dinamos, mesfushori Goran Vinçetiç dhe mbrojtësi Zoran Kastel, me kaq pak ndeshje në skuadër konsiderohen titullarë të padiskutueshëm, falë formës së mirë që kanë shfaqur. Kjo është edhe arsyeja kryesore pse drejtuesit dinamovitë kanë bërë "divorc" me Amerikën Latine, për t'u përqendruar në Ballkan, pasi këtu shihet burimi kryesor i lojtarëve që mund të bëjnë diferencën në kampionatin shqiptar. Në këtë mënyrë, trajneri Ivan Kataliniç nuk do të jetë i qetë gjatë këtyre 10 ditëve pushime pranë familjes së tij, sepse i duhet të mendojë dhe më pas të nisë negociatat me ata futbollistë që i njeh mirë. Pra, mësohet se trajneri kroat ka me vete "kartabiankën" dhe "kartën e kreditit" nga presidenti Sulaj për blerjet e mundshme. Se sa do t'ia arrijë këtij qëllimi, kjo mbetet për t'u parë në ditët në vazhdim, ku kroati sigurisht do të ketë biseda telefonike me presidentin Sulaj, duke e informuar për shumat financiare që do të duhen për prishjen e kontratës që lojtarët mund të kenë me klubet e tyre aktuale.
Tashmë për blutë merkatoja e dimrit i ka hapur dyert dhe sigurisht që, përveç prurjeve të reja, ka pak mundësi që dikush nga ky grup aktual të largohet, duke parë faktin se pjesa më e madhe ka kontrata dyvjeçare. Presidenti Besnik Sulaj është i vendosur që ta forcojë edhe më shumë Dinamon, sepse diferenca me kreun është vetëm shtatë pikë dhe titulli kampion mbetet objektivi primar. Para së gjithash, skuadra ka nevojë për tri përforcime të rëndësishme, ku nevoja kryesore mbetet sulmi, pasi Gudjabi nuk mund ta mbajë i vetëm mbi shpatulla një repart të tërë, duke parë që Marinjo dhe Pema shënojnë rrallë, ndërkohë që Mile është aktivizuar fare pak.

[Qerim]

Presidenti i kuq shprehet se do të ndërhyhet në merkato, ku përparësi do të ketë sulmi &nbsp25-12-2005
Xhani: Abilaliaj i shkëlqyer, por i vetëm
Adi Metaliu


Megjithëse Partizani i ka bërë një mbyllje shumë të mirë fazës së dytë, duke mposhtur në derbi Tiranën kampione, prapseprapë te kjo skuadër shihet qartë se ka vend për përforcime. Pas përfundimit të derbit ka qenë vetë presidenti i kuq, Albert Xhani, që është prononcuar për mediat, duke shprehur dëshirën e drejtuesve të kësaj skuadre për të përforcuar organikën me lojtarë cilësorë. E ndërsa Xhani është shprehur se emrat e futbollistëve që do të përforcojnë skuadrën do të bëhen të ditur vetëm pas datës 10 janar, kanë qarkulluar zëra se në fazën e tretë do t'i bashkohet Partizanit sulmuesi i Vlaznisë, Vioresin Sinani. Xhani nuk e fsheh dëshirën për ta pasur këtë futbollist në gjirin e Partizanit, por në të njëjtën kohë shprehet se nuk ka asgjë zyrtare që e sjell Sinanin te të kuqtë. "Faktikisht, Vioresin Sinani është një nga sulmuesit më të mirë të kampionatit tonë, që Partizani e ka kërkuar që në merkaton e verës, por ai ka një kontratë me Vllazninë dhe nuk është në dorën tonë afrimi i tij te Partizani. Nuk mund ta fsheh se Partizani e ka zili një futbollist të tillë si Sinani, por kjo s'do të thotë se në janar ai do të veshë domosdo fanellën e kuqe. Deri tani nuk ka gjë zyrtare që provon kalimin e tij te skuadra jonë," - ka deklaruar njëshi i të kuqve.
Që në momentin e ardhjes së Starovës, skuadra e kuqe ka funksionuar shumë mirë, madje bilanci prej 6 fitoresh dhe vetëm një humbje është treguesi më i mirë i ecurisë së rezultateve të fundit. Kjo ecuri tregon se Partizani ka funksionuar siç duhet edhe në repartin e sulmit, ku pritet të ndodhin ndryshime në janar. Sipas Xhanit, për funksionimin e sulmit meritë të veçantë ka sulmuesi i ri vlonjat, Arbër Abilaliaj, i cili e ka justifikuar plotësisht besimin e drejtuesve, por ai, për nga mosha dhe eksperienca që ka, nuk mund ta përballojë i vetëm sulmin e Partizanit, kur kanë ngelur për t'u luajtur edhe gjysma e ndeshjeve të sezonit. "E kam theksuar edhe më parë se pika më e dobët e Partizanit është sulmi. Ne kemi një fubollist të shkëlqyer, Arbër Abilaliajn në këtë repart, i cili e ka bërë mjaft mirë punën e tij, por deri në fund të sezonit janë për t'u luajtur shumë ndeshje të tjera, kështu që kjo barrë e rëndë do t'i mbetej atij në kurriz. Për këtë arsye, ne po mundohemi të gjejmë një futbollist cilësor në këtë rol, që të jetë përkrah sulmuesit tonë të ri. Përmenda sulmin si repartin më në emergjencë, por nuk përjashtohet mundësia që të afrohet edhe një mesfushor i majtë dhe një mbrojtës. Këto lëvizje kërkojmë t'i bëjmë jo se Partizani nuk ka lojtarë të mirë, por për të rritur konkurrencën, çka do të sillte fryte në lojën e skuadrës," - ka vijuar më tej presidenti i Partizanit.
Gjatë merkatos së janarit pritet te përforcohen të gjitha skuadrat që kërkojnë të fitojnë kampionatin. Elbasani, Tirana dhe Dinamo janë tri rivalët e të kuqve në luftën për titull, të cilat edhe ata pretendojnë të përforcohen, sidomos Tirana. Për këtë arsye, konkurrenca mes këtyre skuadrave pritet të jetë edhe në merkato, përveçse në kampionat. Gjithsesi, drejtuesit e kuq pritet të tregohen mjaft aktivë në këtë merkato, pavarësisht se do të jetë shumë e vështirë të gjesh lojtarë cilësorë pa kontratë.

[asteri]

hallall qerim, na duhej nje teme e tille. Une per vete e kam thene dhe me pare dhe do ta them qe Partizanit i nevojetin dy mbrojtesa, tre mesfushore dhe te pakten dy sulmues.

Me pak fjale partizanit i duhet nje ekip i dyte se ata qe ka kan ik per lesh

[Qerim]

Pas Dhëmbit, drejtuesit e kuq pretendojnë të sjellin në ekip edhe ish-sulmuesin dinamovit dhe mesfushorin e krahut të majtë

F. Xhafa e Ahmataj, ata që mund të kompletojnë Partizanin

AdiMETALIU

Partizani është një nga skuadrat e kryeqytetit që po tregohet më aktive për sa u përket afrimeve të lojtarëve në merkaton e janarit. Fjodor Xhafa dhe Julian Ahmataj janë dy emrat e fundit që në janar mund t'i shohim të luajnë me Partizanin. Xhafa, aktualisht sulmues i Tiranës, i dhënë borxh nga Dinamo, pritet të jetë përforcimi i parë i sulmit, duke parë se ardhja e Vioresin Sinanit nuk është e sigurt, madje drejtuesit shkodranë kanë deklaruar se nuk kanë ndërmend ta lëshojnë sulmuesin e tyre. Ndërsa Ahmataj, aktualisht futbollist i Dinamos, shihet si lojtari që do të mbushë boshllëkun e krijuar në krahun e majtë të mesfushës, duke pasur parasysh dëmtimin e Rodrigos, të cilit i duhet kohë për t'u rikuperuar plotësisht. Lufta mes klubeve për fitimin e titullit nuk është përqendruar vetëm në fushën e lojës, por edhe në merkato, ku skuadrat ndjekin politikën e dobësimit të kundërshtarëve. Në këtë aspekt, Partizani dhe Dinamo duket se po bashkëpunojnë ngushtë me njëri-tjetrin, ku si qëllim kanë dobësimin e kundërshtarit të përbashkët, Tiranës, që e ka dominuar prej vitesh kampionatin shqiptar. Fjodor Xhafa, i përjashtuar nga Dinamo në muajin tetor, kaloi hua te Tirana deri në dhjetor, ndërsa në janar ai mund të veshë fanellën e një ekipi tjetër. Me letra Xhafa është futbollist i Dinamos dhe vetëm në merkaton e janarit mund t'i përkasë një ekipi tjetër. Sulmuesi vlonjat njihet mirë nga trajneri i Partizanit, Sulejman Starova, sepse ata kanë punuar bashkë për një vit te Tirana. Starova e pëlqen shumë Xhafën dhe dëshira e tij ka qenë prej kohësh për ta afruar te Partizani, kështu që ai ka pritur merkaton e janarit për të vepruar konkretisht. Ndërsa Julian Ahmataj, i cili ka luajtur më parë me të kuqtë, plotëson më së miri kushtet për të zëvendësuar Rodrigon e dëmtuar në krahun e majtë. Madje Xhani ka deklaruar në media se Partizani është përqendruar pikërisht në repartin e sulmit dhe mesfushës për të afruar lojtarë cilësorë. Nga burime të besueshme pranë lojtarit elbasanas mësohet se drejuesit e kuq, pikërisht Albert Xhani, ka nisur tratativat me futbollistin në fjalë, për ta marrë në janar te Partizani, por ende nuk është bërë gjë zyrtare. Për kalimin e Ahmatajt te të kuqtë sigurisht mund të ndikojë edhe miqësia që kanë dy presidentët respektivë, Xhani e Sulaj, që si qëllim duket se kanë dobësimin e Tiranës. Miqësia mes dy klubeve u duk qartë me kalimin e Dhëmbit te të kuqtë në merkaton e tetorit, edhe ky i dhënë borxh. Megjithëse Dhëmbi në janar është i lirë të zgjedhë skuadrën me të cilët dëshiron të luajë, zor se drejtuesit e Partizanit do ta lëshojnë të largohet. Ardhja e Dhëmbit te të kuqtë ka qenë një goditje e rëndë për kundërshtarët, sidomos për Tiranën dhe Elbasanin, që u desh të përballeshin me një kundërshtar edhe më të fortë, si Partizani i përforcuar. Gjithsesi, ardhja e Xhafës dhe e Ahmatajt te të kuqtë është vetëm në kuadër të tratativave, por në janar ka shumë mundësi që ata t'i shohin të atkivizohen me Partizanin, që këtë vit ka synime të qarta për sa i përket arritjes së objektivave të sezonit.

Disa nga të huajt largohen nga Partizani
Drobnjak, Norko e Kangua i kanë thënë lamtumirë skuadrës së kuqe. Malazezi është përjashtuar nga vetë drejtuesit e kuq, ndërsa Kangua dhe Norko thuhet se nuk kanë ndërmend të kthehen në Shqipëri. Portieri polak mbeti i zhgënjyer nga trajneri Starova, i cili i dha përparësi Orges Shehit si titullar. Ndonëse largimi i Norkos u deklarua i përkohshëm, nga burime pranë lojtarit mësohet se ai nuk dëshiron të kthehet përsëri te Partizani. Edhe sulmuesi zambian, Kangua, është larguar nga Shqipëria dhe zor se do të kthehet përsëri. Drejtuesit e Partizanit janë hedhur fuqishëm në sulm për blerjen e një sulmuesi cilësor, duke e anashkaluar praninë e Kanguasë. Zambiani zhgënjeu shumë në mundësinë që iu dha në ndeshjen me Dinamon, duke demostruar një formë fizike që linte për të dëshiruar.

28/12/2005
KATEGORIA: Sport