Korridori 8, BE e kthen në prioritet

[Vinny_T]

Korridori VIII, "me forcat tona"
Ministri Poçi sqaron sot vendimin e BE


--------------------------------------------------------------------------------



Korridori VIII tashmë duket se do të realizohet vetëm me "forcat" e vendeve nga ku kalon ky korridor. Sot, ministri i Transporteve Spartak Poçi pritet të deklarojë se cilat do të jenë rrugët e financimit të Korridorit VIII. Ky i fundit mund të financohet nga vendet ku kalon ky korridor dhe me mbështetjen financiare të Italisë. Një tjerër rrugë për realizimin e Korrodriot VIII është fianancimi nga biznesi dhe dhënia me koncension. Megjithatë, ministriat e Transporteve të vendeve nga ku kalon Korridori VIII kanë parashikuar dhe mundësinë e marjes së një kredia nga bankat e fuqishme botërore. Ambasadori i Shqipërisë në BE, Artur Kuko, tha dje se Korridori VIII nuk ishte në listën e financimeve të BE-së për shkak se në këtë listë janë futur vendet anëtare të BE-së dhe vendet kandidate për anëtarësim. Kuko shtoi se megjithatë Shqipëria nuk është e braktisur në lidhje me investimet në infrastrukturë. Edhe pse Bashkimi Europian tashmë e ka lënë Korridorin VIII përfundimisht jashtë prioriteteve të fazës së dytë të financimeve, Shqipëria së bashku me vendet e rajonit nga ku kalon ky korridor ka vendosur që ta realizojë me ose pa ndihmën financiare të vendeve të BE-së. Deri tani, Italia është i vetmi vend anëtar i BE-së që ka mbështur projektin e Korridorit VIII, duke kërkuar që ky të jetë një nga prioritetet e Bashkimit Europian për financim. Deri tani kanë përfunduar disa pjesë të Korridorit VIII në Maqedoni, Shqipëri dhe Bullgari. Tashmë duhet të përfundohen me projekte dhe financime segmentet që mungojnë në këtë korridor. Ndërkohë, veprat që përfshihen në Korridorin VIII do të kalojnë në një dokument të vetëm në Bruksel. Brenda pak ditësh pritet që të vijë në Shqipëri kryetari i komisionit të posaçëm të BE-së për korridoret paneuropiane, Van Miert, i cili do të kryesojë grupin e ekspertëve të BE-së. Miert së bashku me ekspertët do të inspektojnë punimet që janë bërë nga qeveria shqiptare për Korridorin VIII. Ka qenë ministri i Transporteve, Poçi, i cili gjatë takimit me homologët e tij në Bari të Italisë u ka kërkuar me ngulm Miert dhe ekspertëve të tjerë të BE-së që të inspektojnë nga afër rezultatet e deritanishme të arritura nga Shqipëria.

[Harley]

Me pelqeu shkrimi yt DetiJone ti e sqarov shume bukur arsyet se pse ndalohen dhe se pse nderpriten fondet.Nuk desha te shtoj asgje me teper nga sa ti ke shkruajtur por ke bere shume mire q e ke bere kete shkrim sepse shume nuk e dine pse u be bllokimi i Korridorit te Tete.
Pershndetje

[Albo]

Nga ana tjetër, mbulimi i 75% të punimeve nga kjo bankë ka ndodhur vetëm me Portugalinë dhe Irlandën, një rast i rallë dhe vetëm për vende anëtare në BE”, shpjegon Fabio Bargali

Italia insiston për Korridorin 8
“Ne do të këmbëngulim që të njihet si një vepër strategjike”

Nga korrespondenti ynë në Bruksel, Ernest Bunguri

Dëshira e mirë e italianëve për realizimin sa më të shpejtë të Korridorit 8 ngelet për momentin në nivelin politik, ndërkohë që angazhimet financiare nuk varen vetëm nga këta të fundit.

Në takimin e Këshillit të Ministrave të Transporteve të Bashkimit Evropian, të premten e kaluar në Luksemburg, Pietro Lunardi, ministri italian i infrastrukturave si dhe drejtues i takimit në kuadrin e presidencës italiane, ka shprehur zhgënjimin e tij në lidhje me mospërfshirjen e Korridorit 8, në listën e prioriteteve të rrjetit transevropian të propozuar nga Komisioni Evropian. “Megjithëse ky projekt nuk u përfshi në listën e parë të prioriteteve, Italia do të këmbëngulë që Korridori 8 të njihet nga të gjithë si një vepër strategjike me interes të veçantë”, ka deklaruar ministri Lunardi. Deklarata e këtij të fundit, që i bashkangjitet asaj të Kryeministrit italian Silvio Berluskoni (Panorama 12/10/2003), tregon një marrje përgjegjësie politike më serioze ndaj Korridorit 8, gjë që normalisht duhet të ishte bërë gjatë hartimit të raportit Van Miert, ose dhe përpara përcaktimit të këtyre prioriteteve nga Komisioni Evropian. Por, ndërsa nga njëra anë premtimet politike tregojnë dëshirën e mirë të italianëve për realizmin sa më të shpejtë të Korridorit 8, nga ana tjetër, angazhimet financiare nuk varen vetëm nga italianët, sidomos kur bëhet fjalë për investime që rrjedhin nga buxheti i Komunitetit Evropian.

Kështu, gjatë takimit të së premtes në Luksemburg, sipas ministrit italian Lunardi, është Banka Evropiane e Investimeve (BEI) ajo që duhet të ndihmojë në realizimin e Korridorit, me një huadhënie 35-vjeçare, që duhet të mbulojë 75% të punimeve, pa sqaruar nëse bëhet fjalë për segmentetet që kalojnë vetëm në Itali, apo dhe për ato segmente që përshkojnë Shqipërinë, Maqedoninë dhe Bullgarinë. “Eshtë e rëndësishme të bësh një dallim të këtillë, pasi huadhëniet maksimale të BEI-së brenda kufinjve të BE-së kanë një kohëzgjatje prej 25 vjetësh. Nga ana tjetër, mbulimi i 75% të punimeve nga kjo bankë ka ndodhur vetëm me Portugalinë dhe Irlandën, një rast i rallë dhe vetëm për vende anëtare në BE”, shpjegon Fabio Bargali, drejtues i projekteve për Ballkanin pranë BEI-së. “Deklarata e ministrit Lunardi është thjesht politike, dhe s’besoj të ketë folur për segmente të Korridorit që ndodhen në vende që s’janë kandidate, siç është dhe Shqipëria. Vende për të cilat huadhëniet e Bankës Evropiane të Investimeve janë shumë më të vogla”, shton më tej Bargali. Sipas këtij të fundit, që BEI-ja të financojë në Shqipëri sipas dëshirës së Lunardit, duhet që më parë të vendosë Këshilli i Ministrave, gjë që është e vështirë kur dihet që ka shumë prioritete të tjera më të rëndësishme në Evropë, për çdo vend anëtar dhe, kur Shqipëria nuk është akoma as kandidate. Nga ana tjetër, edhe premtimet e Kryeministrit Berluskoni për financimin e Korridorit me një pjesë të parave të Komunitetit të destinuara për projekte të infrastrukturës italiane (Panorama 12/10/2003), nuk është e lehtë të mbahen. “Financimet e BE-së vendosen mbi projekte të përcaktuara mirë dhe për të cilat kërkohet llogari dhe, nuk mendoj që Berluskoni mund të luajë me para që jepen vetëm për Italinë, si vend anëtar, si dhe për projekte brenda kufinjve të Evropës”, shpjegon Fabio Bargali.

Ndërkohë, të premten e kaluar, ministrat e Transporteve të BE-së, vetëm sa u njohën me propozimet e Komisionit Evropian mbi rrjetet transevropiane. “Korridori 8, që është një projekt shumë i rëndësishëm për Italinë, do të diskutohet gjatë takimit të ardhshëm të të Pesëmbëdhjetëve. Aty ku do të vendosen dhe përfundimisht prioritetet e vërteta transevropiane, dhe ku ne shpresojmë të pranohet dhe Korridori 8”, përfundon Manuela Tomassini, zëdhënëse për transportet pranë përfaqësisë italiane në Bruksel.


Reagimi i Kryeministrit
Berluskoni: Korridorin 8 do ta bëjë vetë Italia

Korridori 8, i cili do të lidhë Barin me Kievin, do të bëhet dhe do të jetë njëri nga projektet e financuara nga fondet e BE-së. Kjo u bë e ditur nga Kryeministri italian, Silvio Berluskoni, në takimin e tij me gazetarët në fund të mbledhjes së kabinetit. Gjatë konferencës së shtypit, Berluskoni kujtoi sukseset e qeverisë në politikën e jashtme dhe, sidomos, vendimin për të ndërtuar Korridorin Tetë dhe atë të Pestë, që do të lidhin Lisbonën me Kievin në Ukrainë, duke bërë të mundur që ato të kalojnë nëpër Itali. “Unë konfirmoj se Korridori Tetë do të përfshihet në projektet e financuara nga BE-ja. Siç e dini, aksioni i propozuar nga Italia për Ecofin, i cili do të merret në shqyrtim nga Këshilli i Evropës”, dhe do të financohet me rreth 70 bilionë euro në vit, do ta rendisë vendin tonë në marrjen e tetë deri në nëntë bilionë për “katër vepra të rëndësishme, midis të cilave renditet edhe Korridori Tetë, që niset nga Bari dhe vazhdon më pas, si rruga e re Appia nëpër Shqipëri, dhe më pas në vendet e tjera të Ballkanit e në fund deri në Kiev”. Dhe Berluskoni tha se si këto lidhje “do t’i japin shansin industrisë italiane të jetë më prezente me prodhimet e saj në tregjet që po zhvillohen me energji të reja”.

[raku]

BE CEL FONDET PER KORRIDORIN 8

Bashkimi Evropian ka vendosur riaktivizimin e projekteve qe kane te bejne me Korridorin 8. BE i ka kerkuar Italise te te cele kredine e Bankes Evropiane te Investimeve per projektet rrugore dhe hekurudhore ne aksin Tirane-Sofje-Varna si edhe ne rindertimin e Portit te Durresit. Rendesia e Korridorit 8, per me teper e arteries se saj kryesore, naftesjellesit Ambo ka bere qe ushtaraket amerikane te rishohin strategjine e tyre ne Ballkan. Per te siguruar kete investim strategjik, Shtetet e Bashkuara mendojne te ngrene nje baze ushtarake ne Burgas e me pas te shtrijne pranine ushtarake ne te gjitha vendet e Evropes Juglindore.

[reporter]

Ajo shprehja me u ngop me lugen bosh me duket se qenka hymni yne kombetar. Nga njera ane po na mbushin mendjen se jemi ne rruge te mbare ne luften kunder trafiqeve, terrorizmit], krimit te organizuar e korrupsionit, nga ana tjeter kur bie fjala per vendime konkrete te lidhura me keto "arritje" te qeverise shqiptare na fusin jo vetem GISHTIN.......
Financimin e korridorit 8 na e lane per pas vitit 2020, dhe po te shohesh se cilat projekte jane vendosur te financohen, te vjen edhe per te qeshur. Parate qe duhet te perdoren per zhvillimin e vendeve te varfra te Europes juglindore do te shkojne per ndertimin e hekurudhave dhe rrugeve automobilistike qe do te lidhin Italine me Zvicren, A ustrine, Greqine etj.
...........

[dodoni]

E Shtune, 21 Shkurt 2004


KORRIDORI 8 SERISH PRIORITET I BE-SE

Van Miert, eksperti i zgjedhur nga komisioneret e BE-se per te perzgjedhur projektet qe duhet te ndertoheshin nga ana e Bashkimit Europian, duket se deshtoi ne faktin se listes se tij iu shtuan edhe 9 projekte te tjera. Ne listen e pare te paraqitur prane komisionit te BE-se per Transportet, drejtuar nga Lojala De Palacio ishte perjashtuar deri ne vitin 2020 financimi i Koridorit 8. Ai nuk eshte quajtur nje projekt prioritar per shkak se ne nje pjese te mire te tij kalon ne vendet qe s'jane anetare te BE-se. Kjo arsye duket se mjaftonte per te penalizuar Ballkanin Perendimor por edhe zonat jugore te Italise qe shpresonin shume nga ndertimi i ketij Korridori ne zhvillimin e rajonit te tyre. Ne liste u futen shume Koridore te tjera si ne jug ashtu edhe ne veri, u fut edhe ndertimi i Korridorit 10. Nderkohe qe ne rajonin e Pulias nisi te permendej ideja se Italia, duhet ti hedhe syte nga Greqia per ndertimin e korridoreve dhe per hyrjen ne vendet ballkanike. Kjo ide u permend kur po dukej se nuk kishte me asnje shprese per Korridorin 8. Pales Shqiptare i ishte thene se duhet te punonte vete per ndertimin e ketij Korridori te rendesishem te infrastruktures. Nderkohe, gjate diskutimeve ne Parlamentin Europian, u mbeshtet ideja e shtimit ne listen e projekteve proritare, te 9 projekteve shtese, si dhe te Korridorit 8. Vendimi deri me tani eshte dhene nga ana e komisionit te transporteve, dhe eshte bere publik dy dite me pare nga ana e eurodeputetit italian Enzo Lavara. Me pas ishte kryebashkiaku i Barit, Simeone di Cagno Abbrescia, qe pershendeti kete iniciative. Vendimi perfundimtar per Korridorin 8 jepet ne mars, kur do te behet edhe votimi perfundimtar e me pas do behet vendimi ne keshillin e ministrave te BE-se. Shanset jane shume te medha, ndersa eurodeputetet qe e mbeshteten kete iniciative jane shprehur qe edhe vendet nga kalon Korridori 8 te bejne me shume ne lidhje me gjetjen e financimeve per kete projekt gjigand.

[ganoid]

Korridori i 8-të, 6 milionë euro për 10 kilometrat e segmentit Rrogozhinë-Elbasan

Pjesa prej 10 km nga Papri në Elbasan iu dha firmës maqedonase "Granit", por punimet u pezulluan për shkak të mungesës së burimit të financimit


Pjesa e segmentit të Korridorit të 8-të Rrogozhinë-Elbasan, një nga segmentet më problematik në vendin tonë, pikërisht 10 km nga Papri në Elbasan, do të rifillojë së shpejti. Sipas burimeve zyrtare, është arritur të gjendet financimi i plotë për përfundimin e projektit.
Në një vizitë pune fundjavën që shkoi në Elbasan zëvendësministri i Ekonomisë Luan Shahollari konfirmoi se në bashkëpunim me donatorët e huaj është siguruar fondi prej 6 milionë eurosh, i mjaftueshëm për ndërtimin e pjesës së mbetur të këtij segmenti, njëkohësisht edhe për asfaltimin e plotë të gjithë gjatësisë nga Rrogozhina në hyrje të qytetit të Elbasanit, përkatësisht në pikën lidhëse të autostradës së ish-kombinatit metalurgjik. Burime për gazetën "Biznesi" konfirmuan gjithashtu se ky fond është garantuar
nga dy donatorë: Banka Botërore dhe qeveria shqiptare, dhe tashmë është vënë në dispozicion të firmës ndërtuese për të rifilluar punën. Sipas krerëve të pushtetit vendor, firma maqedonase "Granit", fituese për realizimin e pjesës së mbetur të rrugës (pas braktisjes nga firma turke "Be-Ha-Se") do të fillojë nga puna në prill të këtij viti me synim dorëzimin sa më të shpejtë të gjithë segmentit Rrogozhinë-Elbasan. Sipas burimeve për "Biznesin”, me sigurimin e 6 milionë eurove dhe rifillimin e punës nga ndërtuesit maqedonas pritet që në afatin e një viti të dorëzohen të përfunduara 32 km të këtij segmenti.
Problemet
Segmenti Rrogozhinë-Elbasan, 32 km i gjatë, një prej 5 segmenteve të Korridorit të 8-të në Shqipëri, për nga kohëzgjatja e punimeve, ndërrimi i firmave ndërtuese dhe vështirësitë në fluksin e lëvizjes së automjeteve, nga specialistë shqiptarë dhe drejtues të institucioneve shtetërore është cilësuar si më problematiku në ndërtimin e rrugëve shqiptare të dekadës së fundit.
Segmenti i Korridorit të 8-të Rrogozhinë-Elbasan me dy korsi, gjerësi 11.5 metra dhe i financuar
me 21.42 milionë euro nga Banka Europiane e Investimeve, ka filluar të ndërtohet më 1 shtator 1998 e, në bazë të kontratës së lidhur nga qeveria shqiptare dhe firma fituese e tenderit duhej të dorëzohej në shtator të vitit 2001. Ndryshe nga planifikimi, kur nuk kishte kaluar as një vit e gjysmë nga puna, me pretendimin e fondeve të pakta, pengesave nga të shpronësuarit dhe probleme të vetë firmës, përfaqësuesit e firmës fituese braktisën punimet dhe u larguan nga Shqipëria, duke mos paguar njëkohësisht edhe dhjetëra punëtorë e shoferë shqiptarë. Megjithëse shteti shqiptar në bazë të një vendimi gjyqësor mbajti peng një sërë makinerish, pajisjesh e ndërtesash në kampingun në Pajovë të Peqinit, rruga mbeti në fazën e realizimit 80 për qind, duke krijuar probleme të shumta në qarkullimin e automjeteve.
Pas ikjes së firmës turke "Be-Ha-Se", fituese për distancën e mbetur në këtë aks rrugor u caktua firma e njohur maqedonase "Granit", e cila nisi nga puna në Papër rreth 6 muaj më parë. Por mungesa e fondeve, bëri që përsëri punimet të ndërpriteshin dhe segmenti të vazhdojë të jetë problematik.

[ganoid]

Fundi i zanatit të lypësit

Vendet e rajonit, tashmë përfshi edhe Shqipërinë, nuk mund të vazhdojnë ta mbajnë shpresën vetëm tek dora e shtrirë e lypjes dhe dhe sytë e drejtuar në formë të mëshirshme nga të tjerët për projekte, që në radhë të parë u interesojnë vetë atyre


Rihapja e diskutimit të financimit të korridorit të 8-të si një projekt prioritar i BE-së dhe mënyra e diskutimit të kësaj çështjeje në Bruksel në thelb ishte goditja përfundimtare për zanatin e lypsarit profesionist të ushtruar prej shumë kohësh nga vendet ballkanike, përfshi Shqipërinë. Fare qartë u shpreh se financimi i kësaj rruge kaq të kërkuar nga ne nuk mund të ishin vetëm financimet europiane, por do të kërkohej edhe bashkëfinancim plus sigurimin e kushteve të tjera të natyrës politike dhe ligjore nga vendet përfituese. Është rasti të gjykojmë edhe njëherë për të analizuar dhe ndryshuar sa më shpejt mënyrën tonë të të sjellurit me donatorët ndërkombëtarë.
Ndryshimet demokratike në dhjetëvjeçarin e fundit të shekullit të kaluar e gjetën vendin në një situatë tepër të vështirë ekonomike. Niveli mjaft i ulët i jetesës së qytetarëve shqiptarë u bë edhe më i ndjeshëm në momentet e kolapsit të sistemit socialist dhe në kontaktet e para me shtetet fqinje. Izolimi i pashembullt 50-vjeçar i vendit, për më shumë në mesin e vendeve më të zhvilluara të botës siç janë shtetet e Bashkimit Europian, ndikoi fuqishëm duke deformuar psikologjikisht qytetarët shqiptarë. Inferioriteti psikologjik i shqiptarëve ndaj të huajve u shtua edhe më shumë kur filluan të vinin ndihmat e para ekonomike në vendin e shkatërruar dhe më të varfër të rajonit. Pikërisht çastet e para të hapjes së Shqipërisë me botën, varfëria ekstreme e qytetarëve tanë dhe mësimi me të jetuarit duke u mbështetur vetëm në ndihmat e huaja, ushqyen ndjenjat e inferioritetit edhe të vetë politikës shqiptare.
Për një kohë mjaft të gjatë ndjenja e inferioritetit u shndërrua për politikën dhe vendimmarrësit shtetërorë shqiptarë deri në mësimin e përhershëm, që vazhdon ende edhe sot të shtrirjes së dorës dhe bazimit në ndihmën e botës për zgjidhjen e problemeve tona. Por kalimi i kohës tregon që jo çdo gjë është e mirë në ndihmën e huaj dhe pasojat e kësaj ndihme dhe psikologjie janë të dëmshme dhe bllokuese në një fazë të caktuar të ndërtimit të institucioneve, ekonomisë dhe zhvillimit të vendit.
Më tepër se në çfarëdo fushe tjetër pasojat e dëmshme të mësipërme kanë filluar të ndihen në çështjen shumë të rëndesishme të Korridorit të 8-të. Si një projekt me rëndësi të jashtëzakonshme për Shqipërinë dhe gjithë vendet e rajonit, tashmë ka filluar të bëhet gjithmonë e më shumë i përfolur nga politika dhe qytetarët shqiptarë. Duke qenë një vepër infrastrukture komplekse, që përfshin rrugët, lidhjet energjetike, telekomunikacionin etj., sipas standardeve të Bashkimit Europian dhe si pjesë përbërëse e Hartës Europiane të Rrjetit Rrugor, kostoja e realizimit të saj është e konsiderueshme, që arrin në shumë miliardë dollarë. Shifra e mësipërme është mjaft e madhe për vendet e rajonit për t’u përballuar në mënyrë të njëanshme, kështu që sytë si zakonisht janë kthyer nga mbështetja financiare e Bashkimit Europian. Pikërisht në këtë çast fillojnë edhe problemet e trashëguara nga psikologjia tradicionale e të lypurit. Natyrisht, kur flasim për psikologjinë e të lypurit kemi parasysh edhe politikën dhe vendimarrësit e vendeve të tjera të rajonit, që nuk bëjnë përjashtim nga ne.
Bashkimi Europian në përfshirjen e vendeve të rajonit të Ballkanit dhe Europës Juglindore në procesin e integrimit ka përparësitë e tij në financim, që jo gjithmonë shkojnë në të njëjtën paralele me interesat tona. Është e pamundur të mbështesësh gjithë shpresën te donatori në kushte të tilla, aq më tepër duke ditur se ka interesa të ndryshme edhe gjeostrategjike brenda vetë shteteve të Bashkimit Europian si një mozaik ende i pambaruar shtetesh.
Vendet e rajonit tashmë përfshi edhe Shqipërinë, nuk mund të vazhdojnë të mbajnë shpresën vetëm tek dora e shtrirë e lypjes dhe dhe sytë e drejtuar në formë të mëshirshme nga të tjerët për projekte, që në radhë të parë u interesojnë vetë atyre.
Së pari, vetë shtetet e rajonit të Ballkanit Perëndimor nuk janë në gjendjen fare të mjeruar të para një dekade, por mund të gjenerojnë vetë burime financiare, për të mbuluar të paktën një pjesë të konsiderueshme të kostos së projekteve të tilla të rëndësishme si rasti i Korridorit të 8-të. Mjafton të marrim rastin e Shqipërisë, ku nga vetë institucionet shtetërore pranohet një ekonomi informale në mbi 50%, një dalje e pakontrolluar e burimeve financiare jashtë vendit në një deficit korrent prej 500 milionë dollarësh dhe një deficit tregtar në mbi 1,2 miliard dollarë në vit.
Së dyti, ka edhe forma të tjera të realizimit të pjesëve të rëndësishme të Korridorit të 8-të nëpërmjet politikave koncesionare dhe investimeve të drejtpërdrejta të sektorit publik dhe privat, si dhe marrja e kredive dhe huave me kushte të mirëfillta tregtare në pjesë të caktuara të projektit.
Së treti, është shumë më e lehtë dhe bindëse të paraqitesh para donatorëve me një pjesë të financimit të mbuluar nga vetë përfituesit, pa përmendur edhe rritjen e dinjitetit kombëtar në sytë e mikpritësve.
Së katërti, vendosja e objektivave madhorë të tillë si Korridori i 8-të nga vendimmarrësit e rajonit, përfshi Shqipërinë, do të ndikojë fuqishëm në vetë formalizimin e ekonomive kombëtare të këtyre shteteve si pasojë e shtrëngimit të gjenerimit të domosdoshëm të burimeve financiare të nevojshme.
Kushti kryesor i kërkimit të formave të reja të financimit të projekteve me rëndësi rajonale është ndërgjegjësimi i vendimmarrësve të shteteve përfituese për të harmonizuar vetë politikat kombëtare të zhvillimit në shërbim të realizimit të projekteve me rëndësi strategjike të tyre dhe paraqitja si një grupim i vetëm para donatorëve.
Por, para së gjithash, duhet të heqim dorë nga psikologjia orientale dhe përulëse tradicionale e të lypurit. Të shohim nëse mund të vazhdojmë të ndryshojmë vetveten për hir të zhvillimit dhe të së ardhmes dinjitoze!

[dodoni]

E Enjte, 03 Qershor 2004


LOBI: PORTA E KORRIDORIT 8 NE VLORE

Teuta Shamku

Porta e Korridorit 8 duhet te jete ne Durres apo ne Vlore?

Kjo eshte pikepyetja qe ka ngritur lobi i deputeteve te Korridorit 8, perpara autoriteteve te transportit shqiptar. Lobi i deputeteve per Korridorin 8 u mblodh dje ne Tirane per te shqyrtuar hapat e realizimit te ketij projekti paneuropian. Sipas anetareve te lobit, Korridori 8 duhet te nise nga porti i Vlores, si nje pike kyce e kalimit te mallrave drejt Mesdheut. Kryetari i lobit, deputeti Prec Zogaj, kerkoi qe ne Ministrine e Transportit te ngrihet nje sektor i vecante per Korridorin 8.

Lobi i deputeteve e beri kete propozim duke pare se Porti i Vlores eshte me i pershtatshem per te qene porta e Korridorit 8, pasi ne te do kaloje edhe projekti AMBO i naftesjellesit.

Ndersa ish-kryeministri Aleksander Meksi theksoi se realizimi i Korridorit qe lidh lindjen me perendimin permes Shqiperise varet me se shumti nga vullneti i qeverise. Ndersa lobi i korridorit 8 propozon qe pika kyce e ketij korridori te jete porti i Vlores. Disa kohe me pare Ministri i Transporteve dhe Telekomunikacioneve, ne nje interviste dhene per "KJ", ka theksuar se porta e Korridorit 8 do te kaloje nga Porti i Durresit.

"Ndertimi i ketij Korridori ne menyre te vecante do t'i jape nje impakt te ri Portit te Durresit si porte hyrjeje e ketij Korridori duke rritur ne menyre te ndjeshme shkembimin e mallra nepermjet nje transportit modern intermodal ne vendet qe pershkon ky korridor edhe me gjere, ne levizjen e lire te njerezve, te artit, kulturave etj", eshte shprehur Ministri Poci disa kohe me pare.

Vendet ku kalon Korridori 8

Ministrat e vendeve nga ku kalon Korridori 8 kane percaktuar kufijte nga ku do te kaloje ai. Ne muajin shtator te vitit te kaluar (date 9) ne Bari te Italise, 6 ministrat e Transportit dhe Komunikacioneve te shteteve ku kalon Korridori 8 Paneuropian i Transportit nenshkruan Memorandumin e Mirekuptimit per zhvillimin e ketij korridori me rendesi jetike per keto vende. Ministrat e Italise, Shqiperise, Turqise, Bullgarise, Greqise dhe Maqedonise nenshkruan Memorandumin, i cili percakton kufijte nga do te kaloje Korridori i 8-te. Sipas ketij memorandumi, Korridori 8 Paneuropian i Transportit do te realizoje nje lidhje intermodale nga Perendimi ne Lindje drejt zonave Paneuropiane te Transportit te deteve, Adriatik, Jon dhe Detit te Zi, linja kryesore e te cilit do te jete Bari-Brindizi-Durres-Vlore-Tirane-Qafe-Thane-Shkup-Sofie-Plovdiv-Burgas-Varna. Ky Korridor Intermondal Paneuropian ne rruget e percaktuara me siper perfshin portet, rruget, hekurudhat, aeroportet dhe infrastrukturat e transportit intermodal dhe te kombinuar, perfshire investimet ndihmese si rruge hyrje, stacione pikash kufitare, stacione sherbimi, terminale udhetaresh dhe mallrash, magazina dhe investimet e nevojshme per menaxhimin e trafikut, si dhe bashkeveprimet e vecorite e siperpermendura me aktivitetet e transprtit te te gjitha menyrave me rruge te pershtatshme te lidhura me te. Bashkepunimi per permiresimin e aktiviteteve portuale dhe lidhjeve te tyre detare do te drejtohet ne kontekstin e zonave te perfshira Paneuropiane te Transportit (PETRA).

Perkufizimi i Korridorit te Tete Paneuropian

Termi "Korridori i 8-te ose "Korridori" i referohet nje lidhje intermodale Perendim-Lindje nepermjet zonave Paneuropiane te Transportit te Deteve Adriatik, Jon dhe Detit te Zi, i cili perkufizohet si me poshte:

Linja kryesore lidh Bari/Brindizi-Durres/Vlore-Tirane-Qafe-Thane-Pogradec-Shkup-Sofie-Plovdiv-Burgas/Varna.

Korridori gjithashtu perfshin:

-Rrugen lidhese Ormenion-Sivilengrad-Burgas, qe lidhet me Korridoret IV dhe IX dhe rrjetin Transeuropian;

-Byala/Gorna Oriahovica-Pleven-Sofia, qe lidhet me Korridoret IV dhe IX-Qafe-Thane-Kapshtice-Kristallopigi qe lidhet me Rrjetin Transeuropian. Korridori ka gjithashtu lidhje me Korridorin IV (Sofie-Stamboll), Korridorin IX (Rusi-Byala-Dimitrograd-Aleksandropulis) dhe Korridorin X (Nis-Sofie-Shkup-Selanik)





Copyright ? KOHA JONE - E perditshme e pavarur

[Iliriani]

“HOROSKOP” I TRISHTE PER KORRIDORIN 8


Skënder Shkupi

Debati i hapur në Kuvendin Popullor për të ardhmen e Korridorit 8 përbën faqen e fundit të një zhgënjimi të gjatë, tashmë shumëvjeçar. Ai u ndoq nga deputetët me po atë interes që përcjellin gratë e moshës sime kampionatin botëror të futbollit. Në sallë sikur kishte rënë bomba. Tre deputetë në një cep, dy në ballë, katër a pesë në anën tjetër që bisedonin qetësisht, duke qeshur, për cikërrima partiake, mezi shquheshin në sallën e zbrazët.
Ku ishin ata, të tjerët? Ku ishin liderët e partive të mëdha? Kishin punë, takime, angazhime të tjera? Po a ka punë më të rëndësishme, më preokupuese, më kardinale për një deputet sesa zgjidhja e problemit shekullor të varfërisë e të izolimit në Shqipëri? Si është e mundur të vazhdojë ende sot injoranca e thellë, në konceptimin e së ardhmes sonë, të lidhur aq ngushtë me infrastrukturën moderne të munguar? Përkushtimi i zotërinjve Zogaj e Hoti ngjante si një zë në shkretëtirë. Shumë më i rëndësishëm për Kombin dhe për përfaqësuesit e tij në Kuvend paska qenë debati mbi kazinotë ku nuk munguan shefat e mëdhenj të të dy partive që bëjnë diellin dhe shiun në Shqipëri si dhe diskutimet e sherret e tyre plot pasion. Me sa duket ne jetojmë në një shtet – kazino.
Për të sabotuar një vepër ka tri rrugë:
Të pohosh se nuk e bën.
Ta zvarritësh pa fund, me sot me nesër.
Të bësh diçka tjetër në vend të saj.
Korridori 8 është viktimë pjesërisht e zvarritjes por në radhë të parë e tjetërsimit të tij.
Tjetërsimi i parë është ai që ne po na e shesin sapunin për djathë. Ndonëse është përsëritur me qindra herë se autostrada pa korridor ka me qindra nëpër botë por korridor pa autostradë nuk ka, përsëri me këmbëngulje prej mushke injoranca qeveritare dhe ajo mediatike kumtojnë se edhe kaq apo aq kilometra andej nga Qukësi apo Librazhdi dhe Korridori 8 qenka gati. Ndërkohë ne ende nuk kemi asnjë kilometër autostradë pra as që kemi nisur nga alfa e Korridorit 8.
Tjetërsimi i dytë është ai që mund ta perifrazojmë me shprehjen “po rëndon bishti më shumë se sqepari”. Gjithëfarësoj linjash të dyta ndihmëse apo aksesore si segmenti Rrogozhinë – Lushnje, ai Pogradec – Kapështicë, Durrës – Morinë apo tani së fundi ai që quhet Rruga e Arbërit, segmente që mund të jenë shumë të rëndësishme për vendin tonë por jo për fluksin madhor ndërkombëtar të mallrave dhe udhëtarëve, jepen si realizime parësore të Korridorit 8, pikërisht për të mos bërë atë kryesoren, autostradën 3 + 3: Durrës – Tiranë – Elbasan – Qafë Thanë.
Tjetërsimi i tretë është ai që na kujton një nxënës të prapambetur të cilin mezi e mbajnë në shkollë por që kërkon, megjithatë, të korrigjojë profesorin.
Terminalet e korridoreve nuk janë kompetencë e vendeve të veçanta nga kalojnë ato, pasi për vijëzimin e gjurmës së tyre janë marrë parasysh interesa të mëdha ekonomike, gjeopolitike e kulturore të të gjithë Europës dhe si rrjedhojë pasi janë përcaktuar itineraret askush nuk mund të eksperimentojë variante të reja, aq më tepër kur donatore janë kompanitë e mëdha nga BE dhe SHBA. Mirëpo ne po bëjmë studime për ta zgjatur atë gjurmën 132 km të Korridorit 8 edhe me 30 apo 40 km të tjera deri në Vlorë pasi na paska dalë më me leverdi për Shqipërinë. Të bën përshtypje shprehja e z. Ngjeqari, ithtarit të zëvendësimit të Durrësit me Vlorën si portë kryesore e Korridorit 8, që thotë se “nuk duhet përqendruar çdo gjë në Durrës”. Mirëpo nëse sipas projektit AMBO naftësjellësi i nisur nga Burgasi përfundon në Vlorë dhe njëherësh trafiku i madh i mallrave dhe i udhëtarëve po ashtu në Vlorë atëhere kësaj i thonë “çohu prift të ulet hoxha”! Pra çdo gjë do të përqendrohet në Vlorë, në atë rrip të ngushtë hapësinor ndërmjet bregut dhe malit ndërkohë që, sipas variantit ekzistues, askush nuk e ka menduar deri sot Vlorën të përjashtuar nga porta hyrëse e Korridorit 8. Ky është një debat fare i kotë pasi portet e Durrësit dhe Vlorës janë një binom i pandarë që plotësojnë njeri tjetrin.
Së fundi tjetërsimi i katërt është ai që dëshmon se ne pak kemi ndryshuar në thelb që nga koha e Qoftëlargut i cili kishte alergji për rrugët e gjera që mund të na e sillnin armikun shpejt në Tiranë ndërkohë që dashuronte hekurudhat. Janë fort mallëngjyese fotografitë e tij me shall vullnetari në qafë tek udhëtonte për herë të parë në linjën e re me trenin Rrogozhinë – Fier.
Para viteve ‘90-të kishte një kontrast të dukshëm ndërmjet Europës Lindore komuniste dhe asaj Perëndimore kapitaliste në konceptet e infrastrukturës. Lindja, ithtare e kolektivizmit, aspironte që edhe udhëtimet e njerëzve të bëheshin me grupe të mëdha, pra me trena, që ishin tek e fundit lehtësisht “të kontrollueshme” për çdo rast problematik. Perëndimi individualist synonte autostradat, lëvizjen e njerëzve apo mallrave me automjete, pra me një pavarësi pothuaj të plotë zhvendosjeje. Kuptohet se përse edhe ne ishim me hekurudhat kundër rrugëve të gjera.
Në prononcimin në Kuvend të z. Poçi, Ministër i Transportit, ka një djallëzi të lehtë: ai pohon se për Korridorin 8 element kryesor qenka hekurudha. Duke shpallur si përparësi udhën e hekurt tek opinioni publik krijohet bindja se autostrada qenka dytësore kështu që një rrugë, si 28 m e gjerë, si 11 m, nuk na prish punë. Revizionohet kështu parimi bazë i korridoreve transeuropiane që kanë si element kryesor autostradën. Kjo është një përpjekje e hollë për të përligjur veprimin e ndërgjegjshëm të Qeverisë Shqiptare për të zbatuar orientimin e dhënë nga Athina për Shqipërinë që dikur ma ka shprehur në një takim pune z. Aleksandër Filon, ambasadori aktual i Greqisë në Uashington: “Juve nuk ka ç’u duhet autostrada. Ja, atë rrugë që keni zgjerojeni pak, shmangni ca kthesa të tepërta, hapni ndonjë tunel dhe kaq mjafton”.
Me sa duket “horoskopi” që na zbërthejnë miqtë astrologë, fqinjët tanë të Jugut për Korridorin 8 qenka tepër i trishtë. Veçse në mbyllje të këtyre radhëve do të desha të theksoja gabimin e madh që bëjmë shumë nga ne kur sulmojmë grekët për politikën e tyre sabotuese ndaj ndërtimit të Korridorit 8. Në të vërtetë ata meritojnë admirim. Përkushtimi i tyre është maksimal për të mos e lejuar ndërtimin e atij korridori pasi do të binte mjaft rëndësia gjeostrategjike e Greqisë në rajon. Edhe unë po të isha grek ashtu do të veproja. Po si shpjegohet që një klasë e tërë politike shqiptare nuk bën as një të qindtën e asaj që bëjnë grekët për vendin e tyre? Vallë nga që nuk ndiejnë interes për ata që i rrethojnë jashtë rrethit të tyre familjar apo e kanë nga injoranca e thellë dhe formimi i cunguar intelektual. Me shumë gjasë janë të dyja njëherësh të pranishme.
Bombardimi i trurit tonë, i ndjenjave tona, i shpirtit tonë që prej 65 vjetësh me ideologjitë antishqiptare të fashizmit, komunizmit dhe kozmopolitizmit çoroditi thellë ndërgjegjen tonë kombëtare. Ky sulm i tërbuar, veçanërisht i egër gjatë sundimit komunist, varrosi nacionalizmin shqiptar. Fara e keqe u mboll me kujdes e ngrohtësi gjarpërore. Dhe frutat i volëm në Kuvend, në mbrëmjen e 26 korrikut.



28/07/2004
shekulli