Miqesia Kinezo-Shqiptare dhe Blatimi i E. Rames

[alumni]

http://www.balkanweb.com/gazeta/gazeta.htm
Faqja 15 - GAZETA E TIRANES Shtator 15, 2002

Kryebashkiaku do të falënderojë qeverinë e Kinës për 1.2 milionë USD
Rama këtë javë në Pekin për metropolin shqiptar
--------------------------------------------------------------------------------
Rezarta Delisula

TIRANE

Kryebashkiaku Edi Rama do të niset në Pekin për 1.2 milionë dollarëshin. Vizita e ministres së Jashtme të Kinës para disa muajsh në Tiranë e favorizoi kryeqytetin me një grant të konsiderueshëm.

Për Bashkinë e Tiranës, mes qeverisë shqiptare, u dhanë 1.2 milionë dollarë që do të përdoren nga institucioni qeverisës për blerjen e mjeteve të rënda dhe realizimin e projekteve të infrastrukturës. Kryebashkiaku i Tiranës këtë javë do të niset për në vendin e largët me një ftesë të homologut të tij. Pekini do të jetë epiqendra e diskutimeve për bashkëpunimin. Po kështu, Edi Rama do ta falënderojë publikisht qeverinë kineze për ndihmën e dhënë. Sipas bashkiakëve të Tiranës, granti kinez është shumë i nevojshëm, pasi mbyll disa "vrima" të rrëmujës metropolitane. Punonjësit e bashkisë ndërkaq janë në fazën e përgatitjes së projekteve të infrastrukturës e përcaktimit të mjeteve të nevojshme. Pajisjet e rënda që do të blehen, do të jenë fadroma për prishjen e ndërtimeve pa leje, si dhe mjete pastrimi. Kryebashkiaku Edi Rama nuk do t'i ketë me vete projektet e gatshme, pasi ato do t'i kalojnë selisë diplomatike në Tiranë për t'ia përcjellë qeverisë kineze. Vendet aziatike duket se po e ndihmojnë së fundmi kryeqytetin e vendit tonë. Kina tashmë ka dhënë një grant prej 1.2 milionë dollarësh, ndërsa financime të tjera priten nga qeveria japoneze. Kjo e fundit do të jepte një fond për rikonstruksionin e bulevardit "Zhan d'Ark" nga ura e Rrugës së Elbasanit te Brryli, por që për shkak të vonesave, Bashkia e Tiranës ka vendosur t'i kryejë punimet me fondet e veta.

[beni67]

Rrofte miqesia Shqiptaro - Kineze...........
TUNG!!!