Turizmi kulturor i Shkodrës

[sirena_adria]

FLAMURI I PËRKUFIZIMIT

‘Boll me ken shkodran të tana i ban’

Një ecje nëpër sheshin e bukur të Shkodrës, të mbetet gjatë në mendje. Ajo që të tërheqë më shumë këtu është pamja e bukur e sheshit e rrethuar nga katër anët me malet e bukura shqiptare, me pikë vrojtimi nga kalaja e Rozafës.

Ndërsa një thënie që e gjen pothuajse pranë çdo dyqani, dhe e dëgjon shpesh nga vendasit është “Me ken shkodran të tana i ban”.

Flamuri i përkufizimit “Me ken shkodran, të tana i ban”, më shumë se një valvitës mburrjeje mbetet një detyrë për t’i bërë të gjitha, si shkodran, me sa më shumë modesti.

Shkodra ishte qendër e madhe dhe plot jetë. Një nga qytetet më të lashta në krejt gadishullin, bashkëkohëse e Romës antike. Shkodra me gjithë furtunat që i kishtin kaluar përsipër e ruante peshën dhe hijen e saj. Hijen e pushtetit të dikurshëm të padronëve të saj, derës së famshme të Bushatllinjve, shpatëndëshkuese e krejt sulltanëve në Gadishullin e Ballkanit, madje më larg, gjer në Hungari e në Kretë, hijen e fesë katolike, kuvendet e kishat e së cilës nuk ishin më pak të fuqishme, dhe së fundi hijen e maleve, atë hije të rëndë tragjike që me mijëra kanale e udhë misterioze zbriste nga Malësia e Madhe, nga Bjeshkët e Nemuna, nga krejt Rrafshi verior i Shqipërisë, për të plotësuar, për të zëvendësuar apo për të korrigjuar diçka në statusin shpirtëror të këtij qyteti. Por nuk ishin vetëm këto.

Përveç kështjellës dhe kishave, kullave, kambanoreve dhe minareve, Shkodra kishte jetë kulturore, biblioteka, arkiva mesjetare, zyra konsujsh, revista letrare që shpërndaheshin në të gjithë vendin.

Ajo kishte intelektualë, sallone ku fliteshin e diskutoheshin gjithfarë problemesh, gra të bukura dhe histori të ndërlikuara dashurie, dyqane ku shiteshin libra, disqe e parfume të Parisit, aventurierë, skandale, maniakë nga ato që pjell qytetërimi etj.


Konica.al

https://konica.al/2023/05/boll-me-ke...-tana-i-ban-2/

[sirena_adria]

‘Ekrani i Artit’, Festivali i Filmit që u zhvillua në oborret shkodrane

Maj 2023


Oborret e bukura shkodrane do të kthehen në kinema të hapura e skena muzikore përgjatë 5 ditëve. Lajmin e dha Ministrja e Kulturës, Elva Margariti, përmes fotove nga posterat e “Ekranit të Artit” që ndau në rrjetet sociale.

Bëhet fjalë për nisjen e edicionit të 6-të të Festivalit të Filmit “Ekrani i Artit”, me drejtor Adrian Pacin.

Festivali do të zhillohej për 5 ditë, në 5 vendqëndrime të ndryshme, përfshirë edhe një hapësirë buzë liqenit.

“Me kënaqësi e mbështetëm edhe këtë vit këtë festival, që bën bashkë filmin, muzikën e performancat artistike, duke i dhënë edhe më shumë jetë Shkodrës, këtij poli kulturor historik”, u shpreh Ministrja Margariti.

Ndërkohë Drejtuesi Artistik i Festivalit, Edi Muka ka deklaruar se ky edicion do të përqendrohet tek kinematografia suedeze.

Programi parashikon shfaqjen e 60 filmave. Ndër mbështetësit e këtij festivali janë Ambasada Italiane dhe Instituti Italian i Kulturës.


/ atsh / KultPlus.com

https://www.kultplus.com/filmi/ekran...en-ne-shkoder/

[sirena_adria]

Festa e liqenit të Shkodrës tërheq vemendjen e vizitorëve, promovohen resurset natyrore të qytetit

[sirena_adria]

https://www.youtube.com/watch?v=1zK1DdnvWFM

Top Channel/ Festa e liqenit të Shkodrës/ Dallgët dhe moti i keq pengojnë gjysmën e eventeve

[sirena_adria]

Festa e liqenit/ Festivali dyditor në Shirokë të Shkodrës për bukuritë e natyrës

"Shkodra thesar i natyrës dhe vlerave njerëzore!"

Me këtë mesazh nisi festa e liqenit, që për dy ditë radhazi e ktheu Shirokën, në pikë takimin e të gjitha moshave, duke promovuar bukuritë natyrore, sportet ujore, gastronominë, artizanatin dhe vlerat që zona ka.


Qershor 2022

[sirena_adria]

Fluks turistësh në Shkodër, fotografitë historike te “Marubi” mrekullojnë vendas e të huaj

Kur viziton Shkodrën është e pamundur të mos bësh një ndalesë në një prej objekteve më të veçanta historiko-kulturore, që gjendet në qendrën historike të këtij qyteti, si muzeun kombëtar të fotografisë “Marubi”, ku gjenden mbi 500 mijë negativë që dokumentojnë periudha e ngjarje historike të Shqipërisë dhe jo vetëm.

Vit pas viti ky muze po thyen rekorde sa i përket vizitueshmërisë.

“Për këtë vit janë mbi 40% më shumë vizitorë sesa viti që lamë pas,” – u shpreh Luçjan Bedeni, drejtor i muzeut “Marubi”.

Me një kalendar të pasur vjetor aktivitetesh, ky muze po bëhet gati të hapë, në bashkëpunim me Arkivin e Shtetit të Republikës së Maqedonisë së Veriut, ekspozitën e vëllezërve Manaki.

Digjitalizimi dhe konservimi është një proces tjetër i rëndësishëm, sikurse konfirmon vete Drejtorin i Muzeut, Lucjan Bedeni.

Turistët që e vizitojnë, sipas tij, janë nga e gjithë bota dhe përshtypjet e tyre për muzeun janë mbresëlënëse.

Turisti 1

“Vij nga Kalifornia dhe është hera e parë në Shkodër dhe Shqipëri. Kjo vizitë më ktheu pas në kohë, kur isha në shkollë kur në dhoma të veçanta ekspozohen fotografi të periudhave të ndryshme, që po ja shpjegoja fëmijëve të mi. Është një hapësirë e këndshme e prezantimit të historisë. Hapësira më e veçantë ishte dhoma që shpjegon të gjithë procesin e realizimit të fotografisë.”

Turisti 2

“Hera e parë që ndodhem këtu. Vij nga Zvicra dhe mund të them se më pëlqen shumë të shoh kohët e vjetra, momente historike dhe detaje të realizimit të fotografisë, pasi edhe unë kam qenë një fotograf. Shumë e veçantë të shohësh dhe kuptosh si ka qenë dikur ky proces. Muzeu është vërtet i këndshëm.”

Familja Marubi përcolli përmes fotografive periudha të rëndësishme të historisë së Shqipërisë, si gjatë periudhës së perandorisë osmane, periudhës së Mbretit Zog dhe regjimit komunist.


JavaNews.al

https://javanews.al/fluks-turistesh-...das-e-te-huaj/

[sirena_adria]

Shkodra mirëpret Za Fest, mbahet edicioni i 7-të i festivalit, synon promovimin e vlerave kulturore

Korrik 2023

[sirena_adria]

Top Channel/ Zâ Fest në Shkodër/ Muzikë dhe të ftuar specialë në festival

Korrik 2023

[sirena_adria]

“Shkodra Jazz Festival 2023”- Aktiviteti Muzikor që bashkon muzikantë të njohur nga Shqipëria dhe të huaj

Nisi “Shkodra Jazz Festival 2023”, aktiviteti muzikor që bashkon muzikantë të njohur nga Shqipëria, vende të rajonit e më gjerë.

Edicioni i 14-të i tij nis me “Rrok Akademi” masterclass për të rinj në instrumente dhe rryma të ndryshme muzikore e vijon me koncerte në qytet, duke na shoqëruar për 3 javë.

Projekti organizohet nga Shoqata Kulturore “Rrok Jakaj”, me mbështetjen e Bashkisë dhe partnerëve të tjerë dashamirës të artit e Shkodrës si qendër kulture.


Koha Jonë

https://kohajone.com/shkodra-jazz-fe...a-dhe-te-huaj/

[sirena_adria]

‘Veshjet popullore të shqiptarëve’ tërheqin vizitorë edhe në Shkodër

Mbi 100 foto u ekspozuan sot në sheshin para bashkisë së Shkodrës në ekspozitën “Rikthim në traditë, veshjet popullore të shqiptarëve”, që solli një retrospektivë të trashëgimisë kulturore të Shqipërisë.

Mbi 100 fotot e kësaj ekspozite njëditore, e organizuar nga Drejtoria e Përgjithshme e Arkivave në bashkëpunim me Bashkinë Shkodër, shpalosin larmishmërinë dhe veçantitë e kostumeve popullore të mbarë trevave shqiptare si dhe sjellin në memorie figura të rëndësishme historike nën petkun e veshjeve popullore (prijës fisnorë, njerëz të letrave, mbrojtës të trojeve amtare).

Bashkia e Shkodrës bëri të ditur se në këtë ekspozitë shëtitëse në qytete të ndryshme të vendit, rajoni i Shkodrës prezantohet përmes fotove të dinastisë Marubi.

Më herët, ekspozita u hap edhe në Krujë, ku zgjoi kuriozitetin e vizitorëve të huaj, që këto ditë gushti kanë zgjedhur të vizitojnë Krujën, si dhe të qytetarëve të shumtë. Ata patën mundësinë të vrojtonin imazhe që shpalosnin larmishmërinë dhe veçantitë e kostumeve popullore të mbarë trevave shqiptare.


/ KultPlus.com

https://www.kultplus.com/lajme/veshj...he-ne-shkoder/

[sirena_adria]

Edicioni i 14-të i “Shkodra Jazz Festival” gjallëron mbrëmjet shkodrane

25 Gusht 2023


Grupi muzikor vienez “Znap” dhe këngëtarja me famë ndërkombëtare Patricia Moreno, kanë performuar mbrëmë në sheshin para Bashkisë Shkodër, në natën e parë të koncerteve përmbyllëse të “Shkodra Jazz Festival 2023”, që do të vijojnë deri më 27 Gusht.

Sonte në skenë do të jetë grupi nga Rumania “Popfolklorica”. Grupi rumun do të performojë në sheshin para Bashkisë Shkodër, në orën 22:00.

Dy karakteristika e bëjnë këtë grup një eksperiment të jashtëzakonshëm. E para, është ideja e drejtorit të grupit, Ovi, laureat çmimesh në Eurovision 2010 dhe 2014, për të bashkuar personalitete tashmë shumë të spikatura individualisht në skenën rumune.

E dyta, është zgjedhja e mënyrës së krijimtarisë, që niset nga pasuria e jashtëzakonshme etnomuzikore rumune për ta pasuruar atë me gjetje interesante të frymëzuara nga stilet jazz, blues, motown ose vintage soul.

Të tjerë solistë dhe grupe të mirënjohura muzikore do të jenë në skenë në dy ditët e fundit të edicionit të 14-të “Shkodra Jazz Festival”, organizuar nga Shoqata Kulturore “RROK JAKAJ”, me mbështetjen e Bashkisë Shkodër dhe partnerë të tjerë.


/ atsh / KultPlus.com

https://www.kultplus.com/muzika/edic...jet-shkodrane/

[sirena_adria]

NGA VENDE TE NDRYSHME TË BOTËS

‘Shkodra Jazz Festival 2023’ ul siparin me koncertin e muzikantëve të rinj


“Shkodra Jazz Festival 2023” ka përfunduar me koncertin e “Scanderbeg Chamber Orchestra”, formacion muzikor i themeluar që në vitin 1996, nga violinisti, i ndjeri Rrok Jakaj, në nderim të të cilit zhvillohet prej 14 vitesh Shkodra Jazz Festival.

Koncerti përmbyllës, në sheshin para Bashkisë, ishte rezultat i bashkëpunimit të muzikantëve të rinj shqiptarë, italianë, rumunë dhe kolumbianë, pjesëmarrës në, Scanderbeg Chamber Orchestra, nën drejtimin e maestro Paçalin Pavaci, artistit shkodran me një karrierë të sukseshme kryesisht në Itali dhe Spanjë.

“Shkodra Jazz Festival 2023”, organizuar nga Shoqata Kulturore “Rrok Jakaj”, me mbështetjen e Bashkisë dhe partnerëve të tjerë, për tri javë me radhë e bëri Shkodrën edhe më tërheqëse në këtë periudhë të sezonit turistik.


Konica.al

https://konica.al/2023/08/shkodra-ja...nteve-te-rinj/

[sirena_adria]

Shkodra Jazz Festival | Rrok Academy Classic - Baladë rumune

Gusht 2023

[sirena_adria]

" TUBA Fest " Në kalanë Rozafa në Shkodër në datat 15 – 16 Shtator

Endri Nasufi & Amarildo Ruçi - Premium Channel