KOKALARI, BERISHES: "HETO PASURINE E LULZIM BASHES"
Nga Londra,
Muhamed Veliu
Lulzim Basha, ministri i ri ne moshe, por karizmatik, i kabinetit Berisha, sipas Geri Kokalarit ka shume llogari te vjetra dhe te reja per t'u dhene pergjigje. Qe nga pasuria e dyshimte deri me tani e paprovuar se nga ka ardhur, moseksprienca e duhur per postin e nje ministrie strategjike e deri tek hapi i fundit teresisht amatoresk i bisedimeve me komapanine kanadeze "Comforce" gje e cila konfirmohet nga nje komunikate shtypi ne faqen e internetit te kesaj kompanije.
Sipas Kokalarit, "Comforce" me te cilen ministria e Bashes ka hapur tratativa ne privatizimin e portit te Durresit eshte pak a shume e ngjashme me kompanine fantazme "New World Telecom". Ne nje interviste per problemet e telekomunikacionit ne Shqiperi, Kokalari hedh dyshime se transparenca e problemeve te "Albtelekom"-it nuk do te kryhet me "duar te pastra" dhe ndershmeri nga Berisha. Kokalari qe duket se do te qendroje mbi "koken" e qeverise Berisha si shpata e Demokleut, beson se Sali Berisha ka frike dhe fsheh dicka, sikurse paraardhesi i tij, Fatos Nano.
Z. Kokalari, ju keni qene nje person qe keni ngritur shume shqetesime ne lidhje me industrine e telekomunikacionit shqiptar ne te shkuaren. Dua te permend ekspozimin e ceshtjes se "New World Telecom", si mungesen e transparences ne privatizimin e "Albtelekom"-it. Njekohesisht keni bere thirrje per te hetuar marreveshjen per nderlidhjet e ndersjellta duke u perpjekur per te ulur keto tarifa per konsumatoret shqiptare. Ditet e fundit, ministri Lulzim Basha po behet protagonist i politikes shqiptare. Fillimisht me deklarimin e pasurise qe posedon, dhe tani me bllokimin e disa punimeve ne akset rrugore te Tiranes.
Fiillimisht meqenese po flasim per nje sektor si telekomunikacioni qe ai e mbulon, do te doja te dija nese e njihni Bashen personalisht dhe cfare mendimi keni per te?
Takimi im i pare me Lulzim Bashen ishte ne muajin shtator ne hotelin "Sheraton" shume pak kohe pasi ai ishte anoncuar nga Sali Berisha si minister i Transportit dhe Telekomunikacionit.
Une kisha kerkuar nje takim me z. Basha duke ia kerkuar ate disa kolegeve te Berishes, pavaresisht nga kjo nuk mora asnje pergjigje nga ai. Mu duk nje dicka disi e cuditshme pasi te gjithe ne Shqiperi e dine qe une kam qene thellesisht i dhene pas zbulimit te shume parregullsive qe jane zhvilluar ne sektorin e telekomit duke perfshire situaten e krijuar me "New World Telecom" qe ju e permendet, e cila rezultoi fantazme sic edhe une kisha paralajmeruar. Mesova se z. Basha po pinte kafe tek "Sheratoni", ku une po qendroja. Shfytezova kete rast per t'iu prezantuar se cili isha. Ai me tha qe me njihte dhe se ishte ne dijeni te kerkeses per ta takuar. I tregova z. Basha se ishte me rendesi te madhe investigimi i "Albtelekom"-it si dhe ceshtjen e lidhjeve te ndersjellta. I tregova se do t'i kaloja detajet e analiz-_ime per lidhjet e ndersjellta, sic edhe e bera me e-mail kur isha ne Shqiperi dhe serish perpara dy javeve.
Cili eshte impresioni qe krijuat ate takim rreth z. Basha dhe cfare pergjigjeje iu ka dhene ne lidhje me analizen tuaj qe sic e thate ia keni derguar dy here?
Me lejoni t'u them se nuk eshte e drejte te gjykosh dike vetem nga nje bisede e shkurter. Ai tha qe nuk do ta lejonte marreveshjen e "Albtelekom"-it te qendroje, me te cilen vazhdohet, ose sepaku duket e tille. Basha nuk ishte aspak familjar me ceshtjen e nderlidhjeve te ndersjellta e cila eshte celesi i te gjithe asaj pse shqiptaret paguajne shtrenjte per sherbimet telefonike. Nuk kam marre asnje pergjigje rreth informacionit qe i kam nisur atij. Asnje fjale qe me surprizon ne nje menyre ose tjetren. Vecse mund te mendoj se qeveria e tij do te kerkoje ndikimin tim nese me te vertete ata duan t'i shkojne deri ne fund kesaj ceshtjeje. E vetmja qe mund te mendoj eshte se kjo nuk eshte nje prioritet per qeverine Berisha.
Nese nuk jam gabim, me sa di une, z. Basha ka deklaruar rreth 1 milion dollare pasuri ne parlament sipas ligjit te pasurive. Cfare mendoni per kete?
Natyrisht qe ia kam bere pyetje vetes si nje djale i ri shqiptar te kete akumuluar gjithe keto pasuri. Nje variant eshte se ai i kurseu keto para duke punuar jashte, ndersa tjetri duke i fituar ne tregun e aksioneve.
Me sinqeritet, nuk i besoj asnjerit nga keto dy variante, por kjo eshte nje pune qe shume thjesht mund te vertetohet.
Nese z. Basha i ka fituar keto para ne rruge legjitime, ai duhet te kete faturat e pagesave qe i jane bere nga punedhenesit ose kopjet e tyre.
Duke respektuar tregun e aksioneve dhe shkembimeve, ne te cilin une jam i licencuar per te kryer transaksione ne shume fusha biznesi cdo dite ne tregun e aksioneve, mund te them se me ligj parashikohen qe te dhenat e transaksioneve te thuhen.
Nese dr. Berisha ka veshtiresi ne gjetjen e dokumenteve te Bashes, une jam shume konfident se mund te jap asistencen time per te gjetur kopjet e faturave.
Do te doja te dija, z. Kokalari, nese jeni ne dijeni te nje spekulimi qe qarkullon ne Tirane se familja e bashkeshortes se Bashes ne nje menyre apo tjetren ishte e perfshire me operatorin me te madh dhe famekeq te firmave piramidale, VEFA?
Po kam degjuar per kete. Do te kisha shume deshire te shikoja verifikime apo nje mohim te mundshen te ketyre spekulimeve. E nese ka te vertete ne kete histori eshte mese e qarte dhe e sqarueshme te shpjegosh si ai e ka fituar kete pasuri ne kundershtim me ate qe z. Basha ka pohuar se e ka fituar nga puna apo investimet.
Nje person cinik mund me lehtesi te rikujtoje pamjet e servirura nga Televizioni Shqiptar, pak perpara shembjes se piramidave se si Sali Berisha paraqitej me Vehbi Alimucen, presidentin e VEFAS, duke u treguar njerezve se ata nuk kane asgje per t'u shqetesuar per kursimet e tyre qe ishin te sigurta. Nje rikthim i shpejte ne te sotmen, dhe ne tani shikojme te na thuhet se ekziston nje lidhje e fuqishme mes VEFA-s dhe nje ministri me rendesi te Berishes. Nje gje e tille eshte shume shqetesuese per popullin shqiptar, i cili meriton te dije se cfare dr. Berisha ka per te thene per k-te gje.
A keni ndonje te dhene per menyren e perzgjedhjes se Bashes ne kete post ministror pasi duket se kemi te bejme po me ate skenar te perzgjedhjes se Edith Harxhit, ku influencuesja edhe ne kete rast ka qene vajza kryeministrit Berisha?
Me sa di une ai ka qene i perfshire si udheheqes ne Forumin Rinor te PD-se. Ne te njejten kohe mund te them se kam degjuar qe Lulzim Basha ka qene mik i ngushte i vajzes se Sali Berishes, dhe kjo ndoshta ka qene nje faktor i rendesishem.
Kemi te bejme me nje kercenim te ngjashem mes perzgjedhjes se Edith Harxhit si ambasadore e Shqiperise ne Amerike dhe perzgjedhjes se Bashes, pasi ata jane miq te vajzes se z. Berisha. Nuk jam ne dijeni qe populli shqiptar te kete votuar vajzen e Berishes per te bere emerime te rendesishme per qeverine shqiptare.
Perpara perplasjes se fundit te Luzim Bashes me Edi Ramen ka patur edhe nje zhvillim goxha interesant ne ministrine e z. Basha per te cilen do te doja qe te jepnit mendimin tuaj.
A keni degjuar rreth nje kompanie e quajtur "Conforce International" dhe per negociatat e saj per te privatizuar portin e Durresit? A kemi ndonje te dhene per kete kompani?
Po, une kam degjuar per kete, dhe mund t'ju them se cfare kam mesuar, e kam mesuar nga adresa e saj ne internet qe per ta ditur te interesuarit eshte www.conforce1.com.
Ne kete adrese une lexova nje komunikate per shtyp te dates 4 nentor 2005 ku thuhet se "Conforce" ka hyre ne negociata me Ministrine shqiptare te Transporteve qe ne muajin shtator per te privatizuar portin e Durresit.
Pasi kam marre ne dore fleten e bilancit te "Coforce" per qershor 2005, jam shume i shqetesuar pasi rezulton se fitimi neto i kesaj kompanie eshte 25 mije dollare.
Dhe se kjo kompani kerkon privatizimin e portit te Durresit. Ju lutem, eshte qesharake. Kjo me perafersi eshte sa vlera e fatures se celularit te Fatos Nanos.
Analiza ime e metejshme tregon se "Conforce" ne burse luan me nje lloj malli qe quhet "Pink Sheets". Ne Amerike kjo do te interpretohet si nje sinjal paralajmerues per kompanine.
Cfare eshte "Pink Sheets"?
Meqenese z. Basha na ka treguar se ka qene investues ne burse, ai duhet qe te jete familjar me kete term.
Por ne rast se ai nuk eshte, pasi ai eshte relativisht nje djale i ri, dhe se ndoshta nuk eshte familjar me backgraundin e industrise shqiptare te telekomit, mbase nje histori ne forme leksioni ia vlente.
Dia vite me pare, une ndermora nje investigim per "New World Telecom", nje kompani fantazme amerikane e cila u mundua te hynte ne tregun shqiptar te telekomunikacionit duke perdorur avantazhin e disa zyrtareve naive ne Ambasaden Amerikane dhe Qeverine Shqiptare. Ate kohe une zbulova edhe dy kompani te tjera qe ishin te interesuara te zhvillonin biznes ne kete fushe: "Crystel Communication dhe Metals Research Group". Te gjitha keto kompani kishin dicka te perbashket.
Se pari, ata kishin plane madheshtore per Shqiperine. Se dyti, ato kishin lidhje me "Pink Sheets".
"Crystel" dhe "Metals Research" benin tregti nen sistemin "Pink Sheets" si dhe "X-Stream Networks",nje filial i "New World Telecom". Per ta bere me dije z. Basha kompani qe bejne tregti me "Pink Sheets" ose jane te dala nga lista e "Stock Exchange" ose jane shume te zbehta ne kapitale per te tregtuar ne shkembime te medha. Pavaresisht se ka kompani legjitime qe kryejne biznes ne kete menyre, "Pink Sheet" njihet te jene themeli baze i tregtise per disa manipulatore dhe mashtrues te tregut te shkembimeve. Ne fakt drejtuesit e "Crystel and Metals Research" jane duke u ndeshur me agjencite e permbarimit ne Angli dhe Kanada per mashtrime ne biznes dhe manipulime ne tregun e nderrimeve.
Keshtu ne tani kemi "Conforce", nje tjeter kompani qe ben tregti me "Pink Sheets", e cila tenton te beje biznes ne Shqiperi. Mbase "Conforce" eshte thjesht nje kompani e vogel, teresisht legjitime. Por nje gje eshte e qarte per mua ne baze te te dhenave financiare. Ajo nuk ka kapacitete financiare per te marre kontrollin e portit te Durresit.
Cfare do te thote e gjithe kjo per ministrin Basha?
Nese ministria e tij do te angazhohet ne te tilla negociata me "Conforce" per privatizimin e portit te Durresit, ne opinionin tim kjo ka disa aspekte.
Se pari, do te na jape indikacionin qe Basha eshte nje minister shume naiv dhe pa eksperience per t'iu dhene pozicioni i ministrit.
Nje teori tjeter e mbrapshte mund te jete se kjo eshte nje vazhdueshmeri e asaj qe na shpjegon si z. Basha e ka akumuluar kete pasuri te madhe.
Sido qe te jete puna, z. Basha duhet te beje nje deklarate te shpejte rreth negociatave me "Conforce" sepse ne opinonin tim, nese kjo ministri eshte me te vertete duke bere negociata me "Conforce", ai eshte i paafte ne te tilla propozime, dhe se dr. Berisha eshte akoma me i paafte per venien e tij ne kete pozicion me rendesi.
Z. Kokalari, ju keni bere disa kohe me pare komente rreth emerimit te Ilirian Kukes si drejtor i "Albtelekom"-it, te cilat jane diskutuar edhe ne parlament. Mund te tregoni me shume detaje?
Kemi te bejme me nje tjeter zhvillim shqetesues per te cilin nese marr vesh se ka qene gjithashtu prape e perfshire vajza e Berishes do te hidhem nga dritarja.
Nje nga ceshtjet kryesore ketu eshte niveli i eksperiences qe z. Kuka ka per drejtimin e nje kompanie te integruar telekomunikacioni, dhe nga ajo qe une di ai nuk e ka. Por nese ai ka, le te shikojme detajet. Apo ai eshte nje tjeter person nga instancat e aferta miqesore te Berishes. Nese eshte keshtu, dr. Berisha qartas nuk e ka marre mesazhin qe u dergua nga populli shqiptar me 3 korrik se ata ishin te lodhur nga rrethet e miqesise se korruptuar te Fatos Nanos. Si per ta bere kete ceshje akoma me te koklavitur del qe Ilirian Kuka eshte vellai i Geri Kukes. Geri eshte nje biznesmen partner biznesi i Xhoana Nanos dhe po ashtu bashkepuntor biznesi me zotin Elidon. Dr. Berisha vazhdimisht ka akuzuar zonjen Xhoana Nano si e perfshire ne trafikun e droges dhe pastrim parash, si dhe ne nje raport qe dr. Berisha e posedon thuhet se Elidoni, ish-truproje e Pandeli Majkos, eshte nje trafikant droge. Edhe nese keto akuza kunder Geri Kukes jane te verteta, natyrisht qe nuk eshte e drejte qe te lidhet Iliriani me gjynahet e te vellait. Por mbi te gjitha po flasim per Shqiperine, o per nje grup te vogel grash qe takohen me qetesi ne kishe se si te bejne nje qytet te ri anglez. Pikepyetjet rreth kualifikimit dhe lidhjeve te Ilir Kukes duhet te ekzaminohen ne thellesi nga dr. Berisha dhe z. Basha. Nese jo, atehere ata po kthehen ne te njejtat taktika qe kontribuan ne "vdekjen" e Fatos Nanos.
Ne nje situate te tille me nje minister qe nuk ka shume dijeni per telekomunikacion, nje drejtor te "Albtelekom"-it me shume pikepyetje, cilat do te ishin rekomandimet tuaja ne kete aspekt?
Une i kam bere disa rekomandime qeverise Berisha se si nje investigim per procesin e privatizimit nga qeveria e kaluar eshte ndermarre, sikurse dhe procesi i ri i privatizimit duhet ndermarre. Paresore ne kete proces eshte nje nxjerrje korrekte e vleres se aseteve, per te cilen jane nje grup i tere kompanish nderkombetare te cilat mund ta kompletojne kete lloj vleresimi. Por une mendoj se mundesia me e mire eshte nje nga ato qe une rekomandova vitin e shkuar ne mediat shqiptare. Privatizoni "Albtelekom"-in si nje kompani shqiptare dhe ofrojani ate publikut shqiptar.
Dhe si mund te arrihet kjo?
Une besoj se kjo do te jete ne forme konkurrence per kompanite ekzistuese mobile, pasi "Albtelekom" mund te shfrytezoje avantazhin e nje teknologjie te caktuar qe pershim mbulimin me linja tokesore si dhe jo kabllore. Ne nje menyre apo tjetren kjo mund te strukturohet, duke u bere nje kompani shqiptare, ku qeveria shqiptare te vazhdoje te kete bashkepronesi te barabarte e cila mund te nderrohet me kalimin e kohes. Ne kete menyre, kjo strukture do te kete ndihmen financiare nga Banka Boterore, IMF dhe EBRD.A ju ka kontaktuar dr. Berisha apo ndonje person tjeter nga kabineti i tij per t'u konsultuar rreth ketyre ceshtjeve?
Kam patur disa komunikime direkte dhe indirekte me anetare te qeverise Berisha, nga te cilat eshte e qarte qe Berisha nuk do qe une te jem pas shpatullave te tij per ceshtjet e sektorit te telekomit apo te tjera ceshtje. Kjo eshte nje kthese 180 grade nga 2004-a, vit ne te cilin ai kerkoi ne menyre aktive mendimin tim per telekomin.
Atehere, pse kjo diference mes te shkuares dhe te tanishmes?
Atehere, ai fitoi zgjedhjet ose qe te jem me i sakte, Nano humbi zgjedhjet. Dr. Berisha duhet qe te kuptoje qe Nano humbi nga korrupsioni dhe pelqimi i vetes se tij, pa permendur abuzimet ne sektorin e telekomit. A do te ishte e logjikshme qe Berisha te kerkonte keshillimin apo ndihmen tuaj per ceshtjet e telekomit nese ai ishte me ndershmeri, eshte gati per te zbatuar vullnetin e votuesve shqiptare?
Une mendoj se pergjigjja e pyetjes tuaj eshte dhene ne pergjigjet e disa pyetjeve te meparshme. A do ai qe shqiptaret te shikojne ate qe mund te jete me pak se transparente ne privatizimin e "Albtelekom"-it apo pozicionin ndryshe te qeverise se tij ndaj marreveshjes se nderlidhjeve te ndersjellta? Sic e thashe me siper, une jam i lumtur qe Basha dhe qeveria Berisha i qendruan anulimit te marreveshjes se "Albtelekomit". Disa veprime te ndermarra nga qeveria kane filluar te krijojne dyshime per motivet e tyre dhe per mundesine berjes pak ne kete drejtim.
A mendoni se dr. Berisha ka logjike?
Natyrisht, dr. Berisha i vjeter nuk ishte ose ai do te kishte nderhyre te ndalonte skemat piramidale sikurse shume veta perfshi mua i rekomanduan. Tani dr. Berishes i pelqen qe ne te besojme se ai eshte nje Berishe i ri dhe i perparuar.
Bazuar ne disa gjera qe une kam pare si perzgjedhja nga ai e Harxhit dhe Kukes, dhe zhvillimet e fundit me Bashen nuk jam i sigurte se ai ka ndryshuar.
A eshte mundur per nje leopard te nderroje lekuren? Mund t'i mesosh nje qeni te vjeter zakone te reja? Une kam dyshimet e mia. Por nese ai me ndershmeri kerkonte t'i shkonte deri ne fund korrupsionit ne telekom ai me shpejtesi do te kerkonte asistencen time. Sherbimet e mia i jane ofruar atij falas e cila duhet pare si nje cmim i drejte. Nese jo, une vecse besoj se ai ka frike dhe fsheh dicka, sikurse paraardhesi i tij, Fatos Nano.
Me duket se gjate fushates elektorale keni mbeshtetur Berishen, mos qofsha gabim, apo jo?
I jap te drejte gjithkujt te me tregoje ku ne shkrimet e mia kam sugjeruar ndonjehere te votohet per Berishen. Cfare kam thene ka te beje me deklarimet e mia qe eshte koha per te ndryshuar, dhe une i qendroj kesaj dhe jam shume i lumtur qe Nano nuk eshte me ne pushtet. Ndryshimet mund te marrin rrjedha te ndryshme. E nese Berisha nuk i therret mendjes se shpejti, sllogani i tij shume kollaj mund te modifikohet nga "Koha per ndryshim" ne "Nje poshte, nje tjeter per te shkuar".
Krijoni Kontakt