Të gjitha pasojat e nepotizmit!

[Xhuxhumaku]

Të gjitha pasojat e nepotizmit!

Sabino Cassese
Il corriere della sera

Eksperti rajonal i Kalabrisë që punësoi bashkëshorten e tij deklaroi: "Nuk kam thyer ndonjë rregull apo ndonjë ligj, duke futur gruan time në strukturën speciale" ("Corriere della sera" 25 tetor). "Mbledhjet dhe këshilli rajonal, janë plot me të afërm. E çfarë se kam futur në punë bashkëshorten time?! Të gjithë e bëjnë këtë". ("Corriere della sera" 27 tetor).
Këto deklarata meritojnë një koment: sa është i përhapur nepotizmi? Cilat janë shkaqet? Si mund të rregullohet?
Eksperti rajonal dëshmon: nepotizmi është i përhapur në maksimum. Është në të gjithë Italinë. Mjafton të shohësh numrin e madh të familjarëve mes farmacistëve, noterëve, profesorëve të universitetit, gjykatësve, punonjësve publikë në përgjithësi. Mes tyre, por edhe mes sipërmarrësve mbizotëron një koncept dinastik. Kush ka një post, pret të "sistemojë" një ose më shumë të afërm. Kjo dukuri vjen nga atributi i postit që ka ose thjesht si shprehje e pushtetit. Mes të afërmeve të emëruar, ka natyrisht persona të shkëlqyer, të cilët e meritojnë postin (nuk mund t'i mohohet një djali të mirë të një noteri, fitorja në një konkurs që bëhet për noterë), të cilët janë dëmtuar nga abuzimi që të tjerët bëjnë për profesionin e tyre, apo për vendin e tyre të punës.
Ky fenomen i shpërhapur i atribuohet "familjaritetit amoral". Ka disa arsye për të cilat ai qëndron në këmbë. Një nga këto është numri i pamjaftueshëm i procedurave të hapura për të gjithë, konkurruese apo seleksionuese. Një arsye tjetër pse ky fenomen ekziston është edhe mënyra e përzgjedhjeve, të cilat i besohen komisioneve të përbashkëta (noterët zgjedhin noterë, gjykatësit zgjedhin gjykatës etj., etj). Ose, nga pamjaftueshmëria e publicitetit të vendeve të lira të punës, nga pamjaftueshmëria e reklamave për konkurset(sa reklama për konkurse janë publikuar në gusht?). Ndoshta një arsye tjetër është edhe nga procedurat e pashpjeguara dhe të turbullta. Fenomeni është përkeqësuar nga informacioni i pamjaftueshëm për rëndimin e gjendjes dhe të pasojave negative që prodhon, siç është zbuluar në deklaratën e fajësimit të autorit, i cili është edhe jurist.
Vetë themelet e shtetit modern, në fakt, qëndrojnë mbi ndarjen mbi trashëgiminë e mbretit dhe trashëgiminë e shtetit, midis interesit të kurorës dhe interesit të bashkësisë. Deri në shekullin e XIX, shumë zyra, bëheshin pronë private dhe arrinte deri aty sa mund edhe të shiteshin (tregtim i zyrave). Më pas u kuptua, se kjo dhunonte principin e barazisë dhe dëmtonte bashkësinë, sepse në një farë mënyre, postet në zyra nuk i merrnin njerëzit e zotë dhe ata që e meritonin. Më pas u fut kriteri i zgjedhjes, në bazë të meritave, e cila përkonte me konkurse të hapura për të gjithë dhe pa vende të rezervuara. U fut edhe krimi i përvetësimit. U stabilizua detyrimi i abstenimit të gjykatësve dhe funksionarëve, kur këta kishin interesa personale.
U diktuan norma mbi konfliktin e interesave. Rregullat dinastike, të aplikuara në shumë ndërmarrje private, sipas disa studimeve ekonomike, reduktojnë vlerën e tyre në treg deri në 10 për qind. Pasardhësi që merr drejtimin e bëhet shef i një ndërmarrjeje, që ka humbur 10 për qind të vlerës së saj. Por në këtë rast, është ai, vetë pronari dhe ambiciet e tij për karrierë ose për të komanduar dëmtojnë vetëm trashëgiminë e tij. Kur e njëjta gjë ndodh me zyrat publike, është bashkësia që paguan koston e këtij nepotizmi.
Po e mbyll me një pyetje: për atë post në Kalabri, a nuk mund të bëhej një konkurs i rregullt, i hapur për të gjithë, për të krijuar një komision provimi i përbërë nga persona të pavarur dhe jo të krahinës?

Tirana-Observer.

[Davius]

Hi xhuxhu, te pergezoj per temen e qelluar..

Nepotizmi si fenomen eshte teper i keq per zhvillimin e nje shoqerie sepse shume here njerez pa merita zene vende qe nuk i meritojne dhe disa qe i meritojne jane jashta lojes.

Jo vetem ne Ballkan ka nepotizem sic na cajne koken ato "evropianet e civilizuar" (e vendoj ne thojza sepse s'kane civilizim ato, cdo gje kane te kopjuar), ai ekziston te te gjithe popujt e Botes, ajo eshte dicka e logjikshme sipas meje edhe pse jam kunder ketij fenomeni si dukuri, ndersa si njeri, si shpirt, me duket dicka normale...

Une dhe cdo kush tjeter, po te jemi ne ndonje funksion dhe le te konkuron gruaja e tij dhe nje person tjeter ne konkurs, te shohim se cilin do e pranon ne vendin e punes

Mashtrojne veten ato qe thuan se une kurre nuk do e beja veten nje nepotist por do punesoja shembull me merite punetore.

Nje fjale e urte thote: "Me afer gusha se fusha"...

[panchovilla]

Hi xhuxhu, te pergezoj per temen e qelluar..

Nepotizmi si fenomen eshte teper i keq per zhvillimin e nje shoqerie sepse shume here njerez pa merita zene vende qe nuk i meritojne dhe disa qe i meritojne jane jashta lojes.

Jo vetem ne Ballkan ka nepotizem sic na cajne koken ato "evropianet e civilizuar" (e vendoj ne thojza sepse s'kane civilizim ato, cdo gje kane te kopjuar), ai ekziston te te gjithe popujt e Botes, ajo eshte dicka e logjikshme sipas meje edhe pse jam kunder ketij fenomeni si dukuri, ndersa si njeri, si shpirt, me duket dicka normale...

Une dhe cdo kush tjeter, po te jemi ne ndonje funksion dhe le te konkuron gruaja e tij dhe nje person tjeter ne konkurs, te shohim se cilin do e pranon ne vendin e punes

Mashtrojne veten ato qe thuan se une kurre nuk do e beja veten nje nepotist por do punesoja shembull me merite punetore.

Nje fjale e urte thote: "Me afer gusha se fusha"...

Apsolutisht qe ku problem nuk ekziston vetem ne Ballkan apo Itali. Edhe ne shtete shume te fuqishme ne nje menyre apo tjeter ndodhin gjera te tilla.
Ja pra Mbret i BUSH i II pas BUSH-it te pare erdhi ne pushtet. E ka mbaru letersine ne Yale Univerisity. Ai s'di ta shqiptoj fjalen `nuclear`(nuklliër). Thote `nukillër` weapons. E forte kjo. lol
Ky person me skuadren e ngelur nga koha e babait te vet eshte president i shtetit me te fuqishem ne bote.