Vetmi Gruaje

[SkenderRusi]

VETMI GRUAJE



Hyra brenda vetmisë

së një gruaje,

Si brenda një shtëpie

të braktisur!

Dorezat e dyerve

ishin ende të ngrohta,

Nga prekja e duarve

që kishin ikur!





Ato ishin vazhdimi

i duarve të saj,

(me to ajo ndërtonte

përqafimet!)

Ndërsa tani lëvizin

si skelete në ajër,

Në gjysmë terrin

e kësaj shtëpie!





Këtu nuk hyn

asnjë reze drite,

(shtëpi pikëllimi,

pa asnjë dritare!)

Veç një qiri

që është duke vdekur,

Hedh dritë mbi këtë natë

të madhe!



26 shtator 2005



DIMËRORE





Loti yt i ngrirë kjo stalaktite,

Varet te strehëza jonë

Si shpata e Damokleut!



As dielli s’e shkrin dot!



Nën të

Koka ime

Kot!



27 shtator,2005


PRILLI YT I MOSHËS

-Nadjas,sime bije-





Ti ende je

në prillin tënd të moshës,

S’ke nisur ende,

ndjenjat t’i pjestosh!

Kjo ndodh me ty

si në çdo vend të botës,

Për muajin maj

ke lënë një vend bosh!





Të shoh kur fle

edhe më dukesh foshnjë,

Bëj të të puth në ballë

edhe të ik,

Po frikë kam

se s’dua që të zgjohesh,

Se brenda ëndrrës

flet me ndonjë princ!





E ja kështu,

largohem pa të puthur,

Vetëm çarçafin që të ka rënë,

e ngre!

Gjersa ti je

në prillin tënd të bukur,

Diku,pas majit,

do na vesh dhe ne!



21 shtator 2005



VJESHTË





Sot jam vjeshtë,e dashur,vjeshtë!

Mua, që kam xhveshur vetëm vajza,

Tani më duhet të xhvesh pemë!





Dhe veç tani e mora vesh:

Pemët nuk qenkan si vajzat

Që të ndihmojnë kur ze i xhvesh!



29 shtator,2005

[Ard]

Urime poet!

[FLORIRI]

Trendafilat ne vazo pothuajse jane thare
Nuk i ndjej qepenat te hapen si me pare
Qe kur komshies i iku burri ushtar
Nuk del as ne porte jo me ne pazar.

Vjehrra e kerrusur numeron cdo dite
Aty para portes ulet dhe mendon
Une nga krahu tjeter dal ne dritare
Pres te shoh komshien ajo nuk del fare.

Zhytur ne mendime dhe se si per dreq
Me vjen ne koke ideja qe naten ti shkoj
Te ngjitem ne ballkoni kapur tek pjergulla
Tja shoh vetem njehere gjinjte e saj si ftonj

Ja na erdhi mbremja dola ne bilardo
Mora dhe qamilin qe mbahet steke e vjeter
E rraha debilin konjakun ma pagoi
U ngrita i thash do dal, ai ne shtepi shkoi

Aty tek caraci prane shtepise komshies
Shoh nje drite cigareje bej te afrohem
E cte shoh i ngrati na kesh qene Zihniu
Shhtt mos ben zhurme lart po pallohen

Zihniu me tha qe mbrenda tek komshia
Paska hyre Zyhdiu dashnori i dikurshem
Une po pres ketu te shoh kur vjen vjehrra
Ti e din si eshte ajo tha ai mendueshem

Me dha nje cigare e shkova te hap shtegun
Zemra me therte per gruan e komshiut
I thash naten e mire mbaje mire kandilin
Te vij ta zej Zyhdiu ti me dore bilbilit

Nga dritarja e pashe kur dolli Zyhdiu
Vjehrra hapi porten ai u hedh ne kopesht
Me koke i cau hithrat e duall prane gardhit
Vuri ne koke xhupin e ia rrasi vrapit

Allahalla sa mire e kalojne grate kur iu iken burri...loool

[SkenderRusi]

SI TË TJERËT



Si të tjerët

frymë marr dhe unë,

Si të tjerët

ec në trotuar!

Si të tjerët

frikë kam makinat,

(Ndodh që edhe vrapit

Ia marr!)



Si të tjerët

kam një shtëpi timen,

Si të tjerët pi

dhe jam i etur!

Si të tjerët

kam dhe net intime,

(Me të motrën e diellit

kam fjetur!)



Si të tjerët

kam dhe unë” kundër”,

Tjetër gjë

se unë ata i fal!

Si të tjerët

këtë shi që bie,

E kam të pamundur

që ta ndal!



Si të tjerët

s’kam asgjë më shumë,

Por jam dhe i ndryshëm,

unë e di!

Sepse brenda meje

është poeti,

Ndaj do vdes,

veç kur të vdesë Ai!

30 shtator,2005