Adem Demaçi

[Disa]

Më duket se për t'iu shmangur krizës institucionale në Kosovë, në situatën kur për çdo ditë po ndodhin gjëra të pakëndshme, autoriteti më i pranueshëm për të gjitha partitë, por para së gjithash për gjithë popullin shqiptar në Kosovë do të ishte Adem Demaçi. Pra duhet që në postin e Presidentit të Kosovës të zgjedhet Bacë Adem Demaçi, simbol i gjallë i rezistencës tonë kombëtare, i cili tërë tërë jetën e vet është duke ia kushtuar Kosovës dhe shqiptarisë në përgjithësi. Kjo mbase do të ishte edhe një sinjal i mirë edhe për botën demokratike, ngase një popull që nderon heronjtë e gjallë, siç është Bacë Adem Demaçi, e cila më në fund do të bindet se ne jemi popull i pjekur, dhe rrjedhimisht një popull me vetëdije politike dhe kombëtare do të mund ta bëjë edhe një shtet serioz, për të cilin dhanë jetën mijëra e mijëra dëshmorë të kombit, në krye me kryekomandantin legjendar Adem Jashari. Kur Parlamenti Evropian më 1990 e nderoi Adem Demaçin me Çmimin Saharov, atëherë përse më në fund edhe ne shqiptarët mos ta nderojmë me postin e Presidentit të Kosovës. Edhe pse dua të them se Baca Adem nuk ka nevojë për neve, për Kosovën, por ne, Kosova, shqiptarët në përgjithësi kemi nevojë për Bacën Adem. Dihet që Baca Adem është njeri i pakompromis kur është në pyetje çështja kombëtare, shteti. Madje është i rreptë kundër korrupsionit dhe kundër devijimeve tjera, të cilat na kanë lodhur aq shumë.
Prandaj edhe njëherë i propozoj Kuvendit të Kosovës që ta zgjedh për President të Republikës së Kosovës Bacën Adem Demaçi, simbol i gjallë i rezistencës sonë kombëtare, fitues i Çmimit Saharov dhe i shumë çmimeve tjera kombëtare dhe ndërkombëtare, ish-Përfaqësues i Përgjithshëm i UÇK-së, dhe një humanist i madh. Uroj që kjo të ndodh, për shkak se Kosovës tani në këto momente mjaft tensionuese, i duhet një njeri në krye të shtetit, siç është Baca Adem Demaçi.

[Llapi]

Shqipëria, rol udhëheqës mbarëkombëtar


01-10-2010 16:51 CET

Prishtinë. Drejtuesi legjendar i rezistencës në Kosovë, Adem Demaçi vlerëson se çështja mbi të gjitha çështjet shqiptare është konsolidimi sa më i shpejtë dhe me themel i klasës së shëndoshë kombëtare kapitaliste në të gjithë hapësirën shqiptare, përfshirë këtu edhe mërgatën e shpërndarë në të gjithë botën.

“Shqipëria është boshti i bashkimit të ideve, të dijes e të kapitalit të kombit shqiptar. Shqipëria më në fund duhet të marrë në dorë flamurin udhëheqës të kombit tonë që i takon dhe që po ia ofron historia
jonë më e re”, është shprehur Demaçi në fjalimin e tij në Konferencë e Pestë ndërkombëtare me moton “Shqiptarët dhe Evropa 2020 – gjendja dhe perspektiva”, e organizuar nga Universitetit AAB-Riinvest.

Kosova, sipas Demaçit, duhet të përfundojë konsolidimin e shtetësisë sovrane dhe pastaj të bëjë depolitizimin e plotë të këtij shteti.

Ndërsa, çështja e dytë thelbësore është vendosja e themeleve të shëndosha të një ekonomie moderne të tregut kombëtar e ndërkombëtar të udhëhequr nga profesionistë e jo nga vartës partiakë, krahinorë e familjare. (INA)

[Disa]

SË PARI, ZGJEDHJA E DREJTPËRDREJTË E ADEM DEMAÇIT KRYTAR I KOSOVËS, PASTAJ KOMBINATORIKA E ZGJEDHJEVE (III)

BAROMETRI DIPLOMATIK

*** Tani, është momenti më oportun që i gjithë spektri politik dhe jopolitik i opozitës shqiptare në Kosovë, si dhe mbarë populli shqiptar i Kosovës, të ngrihej në këmbë, në protesta paqësore demokratike, duke kërkuar që Z. Adem Demaçi, të vihet në krye të Republikës së Kosovës. Hëpërhë ky është PRIORITETI politiko-strategjik, kombëtar dhe demokratik për të paqësuar gjendjen e brishtë politike në Kosovë. Ndryshe, do të vazhdohet “kënga e vjetër”: “Çka po i thotë Dema Kadrisë, nuk ia di renin burrnisë...”, Luftë për pushtet, përçarje, mashtrim, shfrytëzim, manipulime, vjedhje dhe korrupsion në kurriz të popullit dhe të Kosovës.
I lumtur dhe krenar është populli shqiptar i Kosovës, që pati fatin të ketë në gjirin e vet një kolos të kombit, të Shqipërisë Etnike dhe një demokrat dhe humanist të formatit evropian (lauret i “Çmimit Saharov”), Adem Demaçi.
Ndërkaq, të mjerë dhe fatzinj janë të gjithë ata, që në forma të ndryshme po bëjnë përpjekje (ashtu sikurse politika serbo-jugosllave), ta anatemojnë dhe ta njollosin figurën dhe veprën e Tij të ndritshme kombëtare shqiptare dhe evropiane, me qëllim të fundit, që t' ia mohojnë të drejtën legjitime dhe meritat e pakontestueshme, që të zërë postin e kryetarit të Kosovës.

Nuk ka asnjë dilemë se, vetëm armiqtë e brendshëm dhe të jashtëm të shqiptarëve dhe të Shqipërisë Etnike, pa arsye, e urrejnë dhe, politikisht e kontestojnë Z.Adem Demaçi.

Paradoksi dhe flerti apolitik dhe antikombëtar

Qe 20 vjet me zhurmues dhe me shurdhues propagandistikë flertues: “Baca Adem, Baca Adem”, e me vepër: “Gazi alem, gazi alem”!!! – Karrigën e rujanë për vete, kurse Bacën Adem e “ngushëllojnë” me përralla, me tirada politike boshe, si dhe me predikime për demokracinë, për mirëqenien, për “reformat” ekonomike, për lirinë dhe për pavarësinë personalizuese dhe uzurpuese vetëm për kastat e tyre politike dhe më të pasura.

Këtë absurd dhe këtë paradoks amoral, apolitik, antidemokratik dhe antikombëtar, tanimë qe dy dekada e kanë kuptuar edhe çiliminjtë, lere më ata që e njohin, që e duan dhe që e kanë në shpirt dhe në zemër figurën dhe veprën madheshtore kombëtare shqiptare, Adem Demaçi.

Ja, kjo është “dashuria” dhe “devotshmëria” ndaj kryevlerës kombëtare shqiptare, Adem Demaçi!

Ja, kjo është makutëria dhe tradhtia në vepër për një kolltuk të butë, për një xhep evro, për një firmë, për një burektore, për një veturë...,etj., tanimë, qe 20 vjet me vetëdije dhe me pavetëdije e braktisën dhe e mënjanuan nga skena politike dhe shtetërore Z. Adem Demaçi, në mënyrë që të sundojnë dhe të pasurohen vetë, të rrojnë si princër në emër të reformave politike, ekonomike dhe demokratike, duke e lënë popullin me shpresa të vrara, të papunë, të pastrehë, pa ekzistencë, të uritur, pa mbikëqyrje sociale dhe shëndetësore, si dhe të vrafëruar më shumë se kurrë në historinë e tij të derisotme.

“Sa të lumtur që jemi”, shumica dërrmuese klientë të shoqtave të ndryshme humanitare, shumica skamnorë me strajca në krahë-refugjatë në atdhe, refugjatë jashtë atdheut, si pasojë e politikës së gabuar të regjimeve demokratike (që asgjë në praktikë nuk është demokratike, por vetëm deklarative dhe fiktive), që nuk e vrajnë mendjen për hallet dhe për problemet jetike të popullit, por për luftën e tyre për pushtet dhe, se si të pasurohen sa më shumë në mënyrë të paligjshme në kurriz të popullit dhe të Kosovës. Ky ishte dhe ende është preokupimi kryesor i tyre, jo populli as Kosova.

Në një kohë të shkuar, jo fort moti, kur ishim në zor, kur edhe hekuri digjej nga tirania dhe sundimi i egër kolonialist serbo-jugosllav, kush në burg, e kush jashtë burgut, në vend të psherëtimës dhe vajtimit, me guxim dhe krenari thërrisnim, o ku je, o Baca Adem, eja e na shpëto! E sot, çfarë ndodhi me ne, qe 10 vjet në paqe, kush na i mbylli sytë, kush na e qepi gojën dhe , kush na heshti, që të mos kërkojmë zgjedhjen e Bacës Adem për kryetar të Kosovës, sepse Ai vetëm aty, e meritonte të ishte në krye të Kosovës.


Pse hesht opozita?!


Tani, pas dorëheqjes së Fatmir Sejdiu (ish-kryetar i Kosovës) si rrjedhim i pazarllëqeve të fsheta të nëntokës politike, u hap një dritare e vogël dhe shpresëdhënëse për spektrin politik të opozitës shqiptare në Kosovë. Mirëpo, si duket, deri tani përfaqësuesit e saj, ende nuk janë të gatshëm dhe të vullnetshëm që të shfrytëzojnë këtë shans historik, që të dalin para popullit me kërkesën legjitime dhe demokratike, duke kërkuar që Z. Adem Demaçi ta zgjedhin drejtpërdrejt për Kryetar të Republikës së Kosovës, sepse Ai është i vetmi emër që e meriton postin e kryetarit të Kosovës, Ai është i vetmi personalitet që i plotëson të gjitha kushtet dhe kriteret e parashikuara që të jetë në ballë të Kosovës, askush tjetër.


Tash është në potez mbarë POPULLI dhe OPOZITA politike dhe jopolitike, t’i thonë padrejtësisë dhe ligësisë së deritashme, JO më kryetar të partive, por KRYETAR të POPULLIT. Kësaj radhe, me konsensus, POPULLI duhet ta zgjedhë KRYETARIN e vet dhe të Kosovës, Adem Demaçin, jo partitë, as të mëdha, as të vogla, sepse qe 20 vjet populli është ngopur me kryetarët e tyre të dështuar. Ata, asgjë nuk kanë bërë për përmirësimin e gjendjes ekonomiko-politike dhe shoqërore të mirëqenies së popullit, por vetëm për interesat e tyre egoiste dhe karrieriste si dhe për interesat e partive të tyre, në emër të popullit, dhe të demokratizimit të Kosovës.

Këtë mjerisht e provon varësia ekonomike, nënshtrimi dhe shfrytëzimi ekonomik, material, financiar, papunësia afro njëmilionshe, mjerimi social, varfëria, ekzodi..., etj. Me kryetarë të tillë të dështuar të deritashëm nuk mund shkojë më tej zhvillimi dhe përparimi i përgjithshëm i Kosovës, por do të shumohen, do të zhvillohen dhe do të pasurohen vetëm partitë dhe bartësit e tyre në llogari të popullit dhe të Kosovës.

Merita më e madhe politike e kryetarëve të deritashëm të Kosovës, së bashku me “grupet kontaktuese”, me qeveritë dhe me kuvendet e tyre, është statusi i pazgjidhur i Kosovës Veriore, si dhe njohja e statusit të pavarësisë së kushtëzuar të mbikëqyrur të Kosovës.

Po qe se, sa më parë të jetë e mundur, nuk zgjedhet kryetar i Kosovës, Z. Adem Demaçi, atëherë, nuk ka asnjë dyshim se, zhvillimi i dialogut të ardhshëm me Serbinë nën patronazhin e BE-së etj., do të sjellë në gabime fatale politike të “timonierëve” të Kosovës.


Heshtja, oportunizmi, keqkuptimi dhe keqinterpretimi i kësaj teme të nxehtë (për interesa të ndryshme politike dhe propagandistike partike etj.) në interes të përgjithshëm të popullit, të lirisë, të pavarësisë dhe të sovranitetit të Kosovës, nënkupton kapitullimin dhe dështimin tonë kolektiv politik, kombëtar, dhe shtetëror përpara padrejtësisë njëzetvjeçare politike, juridike dhe kushtetuese ndaj Z. të lartnderuar Adem Demaçi.

[KILI MERTURI]

KJO ËSHTË SHUMË E SHËMTUAR:
Nuk ka asnjë dilemë se, vetëm armiqtë e brendshëm dhe të jashtëm të shqiptarëve dhe të Shqipërisë Etnike, pa arsye, e urrejnë dhe, politikisht e kontestojnë Z.Adem Demaçi.

Kili
SHQIPËRIA ETNIKE ËSHTË GJAKU IM QË NUK FALET!
BAC, U KRYMB!!

[Disa]

E perseris prap Adem Demaci eshte nderi dhe krenaria e Kombi ton.

[fazli.n]

Ai qe na beri te shofim atehere kur syte i kishim te mbyllur, Ai qe na beri te flasim kur edhe gojen e kishim te mbyllur, Ai qe me urtin e tij e mundi edhe veteveten se jo ne e armikun, Ai qe dje e sot po edhe neser panderpre na frymezon se si ta ndiejm veten gjalle, Ai qe me frymemarrjen e tij e beri qe i tere populli i kosoves te frymoj, Ai, Ai Ai eshte Baca Adem. Eshte per te ardhur keq kur sot pas sa e sa viteve ne ende sillemi si pa koke kur koken e kemi para hundeve , para syve por qe edhe me tej hunda na pengon ta shofim driten ,ardhmerin. Ai ishte e djeshmja, eshte e sotmja dhe do te ishte mekat nese kete te sotme nuk e shfrytezojm per nje te ardhme me te mire. Per hire te gjeneratave qe po vijn shqiptar ju nga Kosova, hapni syte se dita erdhi. Kjo dite po agon dhe vetem pritet qe ne ta bekojm.

[Drenica 97]

E perseris prap Adem Demaci eshte nderi dhe krenaria e Kombi ton.

Ne poitiken e Kosoves nuk ka vend per nder e krenari,politika ne Kosove eshte m...ttt.

[Disa]

Ai qe na beri te shofim atehere kur syte i kishim te mbyllur, Ai qe na beri te flasim kur edhe gojen e kishim te mbyllur, Ai qe me urtin e tij e mundi edhe veteveten se jo ne e armikun, Ai qe dje e sot po edhe neser panderpre na frymezon se si ta ndiejm veten gjalle, Ai qe me frymemarrjen e tij e beri qe i tere populli i kosoves te frymoj, Ai, Ai Ai eshte Baca Adem. Eshte per te ardhur keq kur sot pas sa e sa viteve ne ende sillemi si pa koke kur koken e kemi para hundeve , para syve por qe edhe me tej hunda na pengon ta shofim driten ,ardhmerin. Ai ishte e djeshmja, eshte e sotmja dhe do te ishte mekat nese kete te sotme nuk e shfrytezojm per nje te ardhme me te mire. Per hire te gjeneratave qe po vijn shqiptar ju nga Kosova, hapni syte se dita erdhi. Kjo dite po agon dhe vetem pritet qe ne ta bekojm.

Te lumte....................................

[kthetrat]

sa shume e ka dashte baca adem bacen enver,,,hajde bace hajde,,,,

[Disa]

Ky eshte shqiptar i madhe............

[Llapi]

Kush president autoritar i sovranit para z. Adem Demaçi !?

Prishtinë, 19 dhjetor 2010 (Kosovapress) Koha 20:34


Qerim Pllana

PËR ZEJEN E POÇARISË EKZISTON NJË SHPREHJE:

(“Poçar mund të bëhet vetëm ai i cili bidonit di t`ia vë çepi e vegë!”)

Zgjedhjet tashmë janë në përfundim e sipër. Ato përfundimisht do të duhej përfunduar pas 9 janarit të vitit 2011 edhe në komunat ku janë përsëritur votimet pjesërisht, apo në total. Prandaj bisedimet për postin e presidenti pothuajse kanë filluar së lakuari me personalitetet si: z. Surroi, z. Hasani, z. Demaçi dhe z. Shala. Prandaj, unë mendoj se presidenti i një vendi siç është Kosova akoma pa plotësinë e saj, pa kufij të caktuar, me një demokraci të brishtë, një mori problemesh ekonomike, sociale, shëndetësore, madje diplomatike dhe politike, mund të jetë vetëm një personalitet i rryer, me autoritet autoritar, dinjitet dhe karakter të fuqishëm, biografi siç e disponon z. Adem Demaçi! Por jo si ndonjë personalitet i moshës se këtij të fundit, për të qenë “lojë e mëtutjeshme” me dhe për të huajt, tani jo më në Vjenë, por diku në Ballkan për bisedime te sërishme me palën serbe.

Z. Blerim Shala, po pse jo edhe z. Veton Durroi, ishin pjesëmarrës në të gjitha diskutimet dhe mbledhjet ku vendosej për fatin e Kosovës. Jo vetëm ai, por dhe të tjerët bashkë pjesëmarrës me ta, qoftë në Rambuje, Paris e sidomos në Vjenë, pranuan aq shumë lëshime në dëm të Kosovës dhe sovranit të saj, sa Kosovën e lanë pa sovranitet, pa të drejtë bashkimi me Trungun, pa simbole kombëtare, flamur, stemë dhe himn, pa siguri dhe pa plotësinë dhe sigurinë e saj territoriale, pra duke mohuar edhe Ushtrinë Çlirimtare të Kosovës, TMK-në etj.!

Prandaj ardhja e ndonjërit nga këta bashkëpjesëmarrës nëpër tubime të tilla, ku u gjymtua shtetësia, territori dhe kombi i Kosovës, do të ishte humbja tjetër e radhës për këtë gjysmë shteti. E nëse poçari e ka kryer bidonin (ibrikun apo kënatën), ai pa tjetër do të duhej të ia venë edhe vegët, çepin edhe grykën çanakut...



Z. Adem Demaçi, të cilin populli dhe qytetarët e Kosovës e njohin si njeriun e tyre, një si baba apo “Mendel” të kombit, si i ndjeri Pjetër Arbnori etj. Do t`ishte jo vetëm nderë për Kosovën në veçanti, por edhe për kombin në përgjithësi. Z. Demaçi disponon karakter, guxim, moral, karrierë të bujshme dhe të pasur njerëzore, humane me virtytet më të larta të një njeriu, i cili jo rastësisht u la anash, por ai kurrë s`u ndal së vepruari për të mirën e kombit të tij dhe me gjer. Këtë për te, nuk e donin dhe e denonconin vetëm kundërshtarët e tij!

Të gjithë kolegët e tjerë në Shqipëri, Kroaci, Bosnjë, Serbi, Mal të Zi, Maqedoni, Gjermaninë Lindore, Çeki e Sllovaki, Rumuni e Bullgari etj., pas ndryshimeve dhe rënies së komunizmit dhe murit të Berlinit, duke filluar nga z. Havel në Çeki, iu mundësuan poste të kësaj natyre (ose kryetar qeverish, president ose kryetar të kuvendeve përkatëse). Kjo s`u bë z. Demaçi, të cilit i vetmi “post” i cili iu mundësua, është ai i kryetarit te Lidhjes së Shkrimtarëve të Kosovës! Kjo anomali është një vesë dhe pjesë e anomalisë në Kosovës. Këtë e respektoj edhe Shqipëria, madje Maqedonia dhe Serbia! Z. Adem Demaçi nuk iu mundësua një post i merituar deri tani, pra vetëm në Kosova! Po pse!? Për ketë duhet dhënë përgjigje jo vetëm politikanët, por edhe intelektualët bashke me popullin e Kosovës!





Pse z. Demaçi para çdo varianti është president autoritar i sovranit

të Kosovës



Sepse, z. Demaçi në krahasim me çdo personalitet tjetër ka një dallim si dita me natën. Vlerat e z. Demaçi janë larg më autoritare dhe të pakrahasueshme me ato të cilit do personalitet ne Kosovë. Duke u nisur nga biografia, guximi, krenaria, virtyti njerëzor, humaniteti, nderi, mosha pjekuria politike, ajo diplomatike, vetëdija kombëtare, sakrifica për komb dhe për atdhe. Gjykimi i drejtë për çështje madhore, mosnënshtrimi, komunikimi dhe humori njerëzor, kultura dhe jo rehatia në momente të caktuara historike si dhe shumë veti të tjera, të cilat i nevojitën njeriut për këtë post të lartë dhe të çmueshëm kombëtar kosovar dhe më gjerë...

Të vendosësh cilindo person për president, e te mbeten anash z. Demaçi dhe një numër personalitetesh, qoftë nga institucioni më i lartë i Akademisë, Institutit Albanologjik, Dega Histori, Arkivi i Kosovës etj., do te thotë, veja vegshit vegët ashtu siç e ka bërë poçari poçarinë e mjeshtërisë (zanatit) qysh në osmanli!..

Z. Demaçi është i afërt, i respektuar dhe i pranuar nga të gjithë jo vetëm në Kosovë. Sepse është i drejtë, i sinqertë, demokrat, ndër të tjera disponon humor njerëzor, ka shpirt mirënjohës. Takimi i tij me çdo burrështetas lë përshtypjen e një njeriu, që mbi supe ka bartur dy pjesë të dy shekujve përvojë njerëzore me 28 vjet stazhi burgjesh të ish-sistemit titist-komunist! Z. Demaçi do të krijonte befasi për të mirë për çdo komunitet, çdo populli, për Kosovën dhe çdo burrë shteti! Sepse ai nuk njeh demagogji, e di se në politikë dy dhe dy nuk bëjnë katër, përkundrazi di të çmojë çdo komb pavarësisht fesë, racës apo bindjes politike e fetare! Ai përherë thërret dhe apelon në bashkëjetesë, paqe dhe liri të çdo kombi kudo në botë. Përherë ishte dhe vazhdon të mbetet besnik i lirisë, demokracisë, zhvillimit ekonomik social, human dhe kulturor të çdo kombi në botë.

Disa nga intriguesit, madje disa nga ata të cilët iu bënë edhe dëshmitar të kohës makaber, për t`u dënuar dhe për t`u sfiduar të gjitha barrierave jetësore, për z. Demaçi, vazhdimisht kanë spekuluar dhe edhe sot e kësaj dite përpiqen për ta njollosur, njeriun i cili tërë jetën ia kushtojë kombit, atdheut, lirisë dhe demokracisë, humanitetit njerëzor dhe paqes kudo në botë! Por, asnjëherë nuk i akuzoj për vepër spiunimi! Kushdo që pranon postin e presidentit (Kryetarit të Kosovës) para z. Demaçi, të paktën duke mos e mohuar, respektivisht duke e theksuar si nevojë, respekt dhe moral kombëtar, lë ta dijë se është karrierist, ka të liga rreth vetes, është jo i sinqertë si ndaj vetes, kombit dhe atdheut! Ai, tek e fundit nuk do të ketë respektin në postin e presidentit!

Unë jo që e njoh për së afërmi z. Demaçi, por për herën e parë e pranojë dhe e publikojë se isha qysh në moshën 17-vjeçare ushtar i denjë i z. Demaçi. Madje për një detyrë që më është dhënë, nga zbulimi dhe torturat që më janë bërë, e kam humbur dëgjimin mbi 40- për qind, për çka disponoj edhe librezën, i paftë për shërbimin ushtarak, të lëshuar në vitin 1971 nga komisioni i kohës në Vushtrri! Por, kjo kurrë s`më ka brengos, nuk më ka ndarë nga z. Demaçi, të cilin e njoh më mirë se çdo shok a mik të jetës, po aq sa të burgosurit politike të kohës makabre...

Të tjerët mund ta kenë ndonjë njollë prapa, për të cilat kurrë nuk do të heshtet. Edhe pse i çmojmë si djem të zgjuar për gjëra të mira, por edhe për lëshime, të cilat i kanë bërë gjatë udhëtimit të tyre nëpër karrierë politike dhe jo-diplomatike!. Ata nuk duhet për t`pranuar, nuk duhet për të lejuar diçka të tillë, sepse do të jenë të zënë peng gjatë gjithë mandatit! Është mendimi im i pastër, pa kur farë interesi, pos atij njerëzor, kombëtar dhe humanitar. Sepse, z. Adem Demaçi është ma meritori për postin e presidentit. Kosova jo vetëm se nuk do të humbte, por përkundrazi do të respektohej dhe do të çmohej shumë më shumë. Sepse z. Demaçi nuk është “amortizuar” në politikë, por as në diplomaci, në çështje kombëtare, por as në ato ndërkombëtare. Fundja, presidentin lë ta zgjedh populli me votën e tij të ndershme me referendum, duke u zgjedhur president jopartiak, i lirë dhe i ndarë nga ndikimet partiake, qeveritare e institucionale të një vendi, që sapo ka shkelur në demokraci, liri dhe paqe në regjion dhe më gjer! Ketë mundet për ta zgjedh edhe Kuvendi. Por, është obligim i çdo kandidati, ne këtë rast edhe i z. Demaçi, që të deklarohet dhe të shpallet i paparti, i pa ndikim, sovran dhe fare i pa varur. Kosova edhe pse pa plotësinë e saj, është shtet i pranuar dhe i respektuar nga mbi 100-vende të botës, të cilin e njohin po aq sa edhe z. Adem Demaçi, “Mendelen e Ballkanit”! Pse atëherë të mos zgjidhet z. Demaçi, president autoritar i vendit dhe i sovranit në Kosovë, për të cilën aq shume bëri, aq shumë u sfidoi katrahurave të kohës për liri, paqe dhe demokraci.

(Autori është publicist dhe shkrimtar, anëtar i Lidhjes së Shkrimtarëve të Kosovës)

[kutje]

Po thue nder i kosoves a,e mire pasha pashen ne stamboll.Krejt serbija edhe gardianat qe e kane ruejt ne burg ti kishin mushun me gazeta se qka kane bamur ne burg me te.Mire e ke nder asht,qashtu edhe per thaqin thame nder ashte me ba se u kone ne rambuje,u kone uqk dhe duhet ai me shpall republik kosoven,kurse na dulen hajdarava.Sa per surroin,shalen po ku i ke syt ata na sakatuen ne grupin e unitetit.nuke ke kerkend ,hiqe,une te kisha propozue dikend prej LLAPI,se ata dine politike shume mire.Po shofe se edhe ti je i afte shume ,ke shkrue shume komente.Ja naj hoxhe te llapit,se ata kane vetem tregime trimnie me hoxha,se sa per heroja ,tashe erdhen pak ne veti si luftare .Dhe prpozimi im ashte Dikend prej PODUJEVE naj mesues.

[Llapi]

[fegi]

Demaçi: Popull mik serb, tundu e mos u manipulo!
2011-01-05
Demaçi: Popull mik serb, tundu e mos u manipulo!
Intervistë Adem Demaçi, shqiptari që ka vuajtur më gjatë nëpër burgjet e Jugosllavisë së vjetër vetëm për shkak të parimeve të tij në mbrojtje të të drejtave të njeriut e veçanërisht të shqiptarëve, gjatë një interviste jep një mesazh pozitiv ndaj serbëve, duke u bërë thirrje për nisjen e një ere të re bashkëpunimi me shqiptarët. Sepse siç thotë, Demaçi, nuk kanë shumë gjëra që i ndajnë...

Tashmë është bërë zakon që të tjerët t’Ju quajnë Mandela i Kosovës. Si Ju duket sot ky titull jozyrtar? Për ndryshim nga Mandela, pas mbarimit të burgosjeve, Ju nuk u bëtë lider i Kosovës. Rruga Juaj civile politike qe relativisht e shkurtër. Përse? Mos vallë brenda jush kishte kundërshti morali dhe politika? A ju mjafton Juve që vetëm t’ju trajtojnë si legjendë dhe të ju rrethojnë me kujdes e respekt? Apo ndoshta mendoni se njerëzit më idealë politikë kurrë nuk duan të jenë pensionistë politikë?

E ndiej veten fort të nderuar sa herë që të tjerët më krahasojnë me burrin e madh të popullit liridashës anzanian, zotëri Nelson Mandela. Ndërkaq, populli heroik anzanian, pas viktimave të mëdha dhe pas rezistencës së gjatë, u çlirua me forcat e veta, prandaj dhe ishte e logjikshme që në krye të atij vendi të lavdishëm të vinte një udhëheqës çfarë i duhej dhe çfarë meritonte ai popull i fortë. Ndërkaq, në Kosovë mbretëronin rrethana krejtësisht të tjera. Është fare e pamohueshme se barrën kryesore të çlirimit tonë e kemi bartur ne, shqiptarët dhe pakicat tjera të Kosovës, mirëpo edhe ndihma e miqve tanë amerikanë e europianë nuk ishte e vogël e prandaj edhe përzierja e tyre në zhvillimet tona të pasluftës nuk ishte dhe nuk është e vogël. Miqve tanë nuk u përgjigjej e edhe më tutje nuk u përgjigjet një udhëheqës i fortë. Dhe, ta them të vërtetën, as unë nuk doja e edhe tani nuk dua që të bëj tregti me parimet e mia për njëfarë pushteti. Unë jam njeri i kohëve të vështira dhe i detyrave të vështira. Mua, më mjafton fare që pothuaj të gjithë, edhe shqiptarët edhe romët, edhe turqit edhe boshnjakët edhe serbët më konsiderojnë si të vetin. Keni të drejtë kur thoni se unë me këtë mendjen time që kam nuk e konsideroj veten si i pensionuar politik. Unë jam i gatshëm dhe gjithmonë do të jem i gatshëm që të flijohem për lirinë e të drejtat e të gjithëve e për bashkëjetesë me të gjithë. E gjithë jeta ime dhe veprimet e mia provojnë këtë që po them.

me gjersisht linku.http://gazeta-shqip.com/politike/321...1119e8896.html

[Llapi]

Demaçi “Doctor Honoris Causa” i UP-së


Demaçi mori titullin “Doctor Honoris Causa”

Nga Express më 17 janar 2011 në ora 12:34

(E plotësuar) Universiteti i Prishtinës (UP), me një solemnitet rasti e ka nderuar të hënën veprimtarin e çështjes kombëtare Adem Demaçin me titullin “Doctor Honoris Causa”.

Ky nderim për Demaçin është dhënë për kontributin e tij të veçantë në realizimin e aspiratës së Kosovës për liri, pastaj për kontributin e shquar akademik, për angazhimin e përfaqësimin dhe ruajtjen e vlerave të UÇK-së, si dhe për vlerat e ruajtjes së demokracisë, sigurisë dhe paqes në rajon.

Në fillimin e ceremonisë prorektori i UP-së, Naser Mrasori ka thënë se Demaçi është personaliteti më emblematik i popullit shqiptar, i cili ka qenë çdoherë i pa thyeshëm dhe i pa kompromis në kërkim të lirisë dhe me veprimet e tij është bërë frymëzues për historinë më të re të popullit.

Një fjalë rasti e ka mbajtur edhe ministri në largim i Arsimit, Enver Hoxhaj, i cili tha se nderimi i Demaçit në prag të përvjetorit të tretë të pavarësisë së Kosovës, është një rishikim i vetvetes, të kaluarës dhe të sotmes, pasi që e kaluara dhe e sotmja nuk mund të imagjinohet pa idealet e Adem Demaçit.

“Baca Adem është i vetmi që e merr një çmim të tillë nderi nga Universiteti i Prishtinës, por baca Adem është një njeri i cili e ka kaluar masën e njeriut, me përkushtimin dhe sakrificën e tij për popullin e Kosovës, me përkushtimin e tij ndaj kombit të tij, si dhe me përkushtimin e tij ndaj njerëzimit dhe të drejtave të njeriut në tërësi”, ka thënë ai.

Kurse rektori i Universitetit të Prishtinës (UP), Mujë Rugova, duke folur për jetën dhe veprën e veprimtarit Demaçi tha se personaliteti i tij është bërë pjesë e pa ndashme e historisë më të re të Kosovës.

“Mund të themi se Adem Demaçi është shembulli më unik në botë i cili ka rrezatuar fuqi të jashtëzakonshme të ndikimit politik e atdhetar në kohën kur pjesën më të mirë dhe më vitale të jetës e ka kaluar në qelitë e burgjeve jugosllave. Ai është jo vetëm disident politik i llojit të vetë, por edhe njeri i spikatur në fushën e krijimtarisë letrare”, vlerësoi Rugova.

Pas marrjes së titullit “Doctor Honoris Causa”, veprimtari Adem Demaçi tha se ndihet shumë i nderuar, pasi më këtë çmim nderohen edhe të gjithë ata që lanë trashëgim vetëdijen kombëtare dhe dëshirën për çlirim.

Më tej, Demaçi theksoi as dhënia e çmimeve e posteve nuk do ta bëjnë të hesht, por prapë do të vazhdon të flasë e mbroj interesin kombëtar.

“Nëse dikush mendon se t’ia japim do tituj të mëdhenj se atëherë bëhet i urtë baca Adem dhe nuk na nguc, prapë kanë gabuar, sepse nuk ka as para, as tituj, as poste që mund të më korruptojnë”, është shprehur ai.

Duke folur për situatën politike në vend, Demaçi iu bëri thirrje shtetasve të Kosovës që më shumë se sa veten ta mbrojnë sovranitetin e Kosovës dhe kur është në pyetje interesi kombëtarë t’i harrojnë ndasitë që kanë ndërmjet vete.

“Udhëheqësit tanë duhet të shtrëngohen .Të mos bëhen të atillë që të mundohen të rrëzojnë njëri tjetrin nga pushteti, por kur të jetë interesi kombëtar të jetë unik, kur të jetë interesi kombëtar të mos bëjnë “hyxhym” nëpër poste, nëpër karrige, e kur të sigurojmë lirinë e plotë, atëherë shtyheni, por edhe atëherë të shtyheni më mirë, jo të shtyheni e të shaheni”, ka thënë ai.

Veprimtari Adem Demaçi është i lindur në vitin 1936. Për shkak të veprimtarisë së tij për çlirimin e Kosovës Demaçi ka kaluar rreth 30 vjet të jetës së tij nëpër qelitë e burgjeve jugosllave. (Kosovapress)

[bili99]

Doktor i qendreses dhe i mbijeteses shqiptare te Kosoves

Urime.......Urime Bacit Adem , eshte nje mirenjohje e qe zen vend plot merite per intelektualin guximtar qe gjithe jeten ia kushtoi lirise kombit te vet.Ai zgjodhi roberine e perjetshme per vehten e tij vetem e vetem te na dhuroje neve lirine e shumepritur, jeta e tij u shkol dhe u nderpre barbarisht nga serbo-jugosllavia per gati tri dekada ,sikur guri dhe hekuri per aq kohe te shkileshin barbarisht nuk do te linin as gjurmen me te vogel , por stoiku i Kosoves baca Adem Demaci mbijetoi ta shohi lirine e Kosoves dhe ta shijoje edhe mirenjohjen .
Tek e shoh daten e postimit 17 Janar dhe nga dritarja edhe sot " qan Janari me lot bore " per tre deshmoret e kombit Jusufin ,Bardhoshin dhe Kadriun, shoh edhe nje lajm te gezuar ne kete dite ,shoh nje mirenjohje per njerin si ata , kjo e ben kujtimin dhe perkujtimin me te dashur dhe e ben sakrificen per atdheun dhe lirine me kuptimplote.
I deshiroj bacit Adem ta Gezoje Kosoven e lire,ta gezoje mirenjohjen kombetare dhe te arrije te festoje edhe bashkimin e Shqiperise .....Gezuar!



me nderime,
bili99

[Disa]

KRYETAR I KOSOVËS VETËM ADEM DEMAÇI!

Prof. Dr. Mehdi Hyseni


BAROMETRI DIPLOMATIK

*** Kosovën nga copëtimi dhe nga tregtimi i territorit të saj, që ka paralajmëruar Serbia dhe varianti i mbetur hapur i axhendës së BE-së, i cili pritet të konkretizohet në negociatat e ardhshme të palëve në konflikt, mund ta shpëtojë vetëm Adem Demaçi, nëse zgjedhet kryetar i Republikës së Kosovës, askush tjetër, pavarësisht se, kush janë pretenduesit e tjerë për postin e kryetarit të Kosovës, sipas kombinatorikës së rezultateve të zgjedhjeve parlamentare në Kosovë (12.12.2010).

*** Sipas meritës, aftësisë politike, kredibilitetit moral, kombëtar, patriotik dhe atdhetar shqiptar dhe, sipas investimit dhe veprës jetësore(1958-2011), kryetar i Republikës së Kosovës, duhet të jetë vetëm Adem Demaçi. Askush tjetër. Vetëm kjo figurë e ndritshme dhe madhështore i plotëson dhe i tejkalon kushtet që të emërohet kryetar i Kosovës. Vetëm ky hero i gjallë, të cilin e do dhe e ndero mbarë kombi shqiptar, mund ta nxjerrë Kosovën nga kriza e thellë politike, ekonomike dhe institucionale. Vetëm ky burrë i madh i gjithë kombit shqiptar dhe i Shqipërisë Etnike, do të mund ta rivendoste Kosovën në rrugën e drejtë dhe të pranueshme ligjore, kushtetuese, demokratike dhe shpëtimtare drejt zhvillimit, përparimit dhe pavarësimit të saj të plotë.


*** Duam kryetar të gjithë Kosovës, jo kryetar, të dëshmuar me “myhyr” të meritave politiko-partiake, mahallore, lokaliste dhe provincialiste, të cilët “imazhin” e tyre etik, profesional, politik, ekonomik dhe tregtar e kanë krijuar në kurriz të përfitimeve dhe të privilegjeve të ndryshme të shoqërisë, para, gjatë dhe pas luftës në Kosovë (1990-2011).

Shpëtimi i Kosovës, Adem Demaçi!

Hashim Thaçi dhe partia e tij më e madhe demokratike, e kanë shansin historik të fundit, që të korrigjojnë padrejtësinë e deritashme politike (mënjanimi nga skena politike), që i është bërë Bacës Adem Demaçi, gjatë dy dekadave të shkuara (1990-2011) nga ana e disa liderëve politikë, të sëmurë për pushtet, për karrierizëm dhe për korrupsion në kurriz të popullit dhe të Kosovës.

Edhe pse me një vonesë të madhe prej dy dekadash, është çasti i fundit që, Adem Demaçi të propozohet dhe të emërohet kryetar i Republikës së Kosovës. Ndryshe, Kosova do të rrëshqet, edhe më shumë në polarizimin politik, si dhe në thellimin drastik të krizës ekonomike dhe të mirëqenies së përgjithshme të popullit në Kosovë.

Gjithashtu, po qe se sa më parë nuk vije në ballë të Kosovës, Adem Demaçi, Kosova do të përballet edhe me krizën e politikës së jashtme, si rrjedhim i zhvillimit të negociatave me Serbinë, të cilat, sipas të gjitha gjasëve, do të përfundojnë me copëtimin e territorit të Kosovës Veirore, ose me njohjen e statusit special autonom politik dhe territorial të minoritet serb.

Prandaj, cilido, që do të vinte në krye të Kosovës, në vend të Adem Demaçit, do ta kishte të garantuar kapitullin edhe në politkën e brendshme, edhe në atë të jashtme, sepse nuk do të ketë kurrfarë autoriteti, as kapaciteti politik dhe diplomatik, që do të mund ta pengonte copëtimin dhe kantonizimin autonom të Kosovës nga ana e Serbisë së ndihmuar nga Evropa dhe nga Rusia.

Pavarësisht nga akrobacionet dhe fizkulturat e kombinatorikës politike të formimit të qeverisë së koalicionit, kushdo dhe, me çfarëdo procedure ligjore, demokratile dhe kushtetuese, të zgjidhej kryetar i Kosovës, duke përfshirë edhe Behgjet Pacollin, asnjëri prej tyre nuk do të jetë në gjendje që ta luajë rolin shpëtimatr të Kosovës, ashtu sikurse ish-gjenerali dhe ish-kryetari i Francës, Sharl dë Gol (edhe gjatë LDB, edhe pas përfundimit të saj në kohë paqeje), përpos heroit të gjallë, Adem Demaçi, i cili më se gjysmë shekulli (1958-2011) sakrifikoi dhe luftoi për pavarësinë dhe lirinë e Kosovës. Po të kishte ndonjë politikan të ndershëm dhe patriot shqiptar në spektrin politik të Kosovës, për kryetar të Republikës së Kosovës, do të propozonte vetëm Adem Demaçin, askë tjetër. Ky është i vetmi luftëtar dhe politikan i gjallë shqiptar, që ka meritat kryesore dhe të pavdekshme për mëvetlsimin e Kosovës nga tirania njëshekllore e Serbisë kolonialiste dhe gjenocidale. Prandaj, do të ishte e turpshme dhe e gabueshme që dikush tjetër, të emërohej kryetar i Kosovës, derisa është gjallë Adem Demaçi. Shpëtimi i gjithëmabrshëm i Kosovës, është vetëm sjellja në krye të saj e Adem Demaçit, ashtu sikurse që ishte dikur roli shpëtimar i Sharl dë Golit për Francën.

Edhe qarqet politike dhe shtetërore të Francës (patën luajtur “dogërgjikun” eliminues të Sharl Dë Golit nga posti i kryetarit të Francës, ashtu sikurse politikanët psikopatë dhe të sëmurë për pushtet në Kosovë, të cilët e eliminuan nga skena politike, Adem Demaçin), pas përfundimit të Luftës dë Dytë Botërore, edhe pse Franca ishte çliruar nga fashizmi gjeramn, si rezultat i luftës heroike çlirimtare kombëtare antifashiste të Sharl dë Golit në emigrim (në Angli) në krye të “Lëvizjes Franca e Lirë” (1940-1945), në janar të viti 1946 (një vit pas ushtrimit të mandatit të kryetarit të Republikës së Katërt Frënge), kryetarin Sharl dë Gol e mënjanuan nga politika e udhëheqjes së shtetit, edhe pse ai i kishte meritat më të mëdha dhe më të pakontestueshme për çlirimin dhe për pavarësimin e Francës nga nazifashizmi gjerman. Fatkeqësisht, pothuajse të njëjtin fat të Sharl dë Golit, e përjetoi edhe heroi i gjallë i Kosovës shqiptare, Adem Demaçi, i cili pas vuajtjes së burgut 30-vjeçar, që nga viti 1990, u margjinalizua dhe u mënjanua nga skena politike e Kosovës, si rrjedhojë e grupeve të ndryshme politike partiake injorante, të cilët, në forma të ndryshme amorale dhe antikombëtare, e rrëmbyen pushtetin, edhe pse plot 18 vjet në Kosovë nuk kishte kurrfarë shteti të njëmendtë (1990-2008), por vetëm luftë për pushtet, për karrierizëm dhe për pasurim të grupeve, të klaneve dhe të partive të ndryshme poltiike.

Te lumte....o Bac ti meriton....edhe me shum......nese do te kishim Mbreteri atehere ky ka qen dashte te behet Mbret i shqiptarve.
Zoti te rujat o Bac dhe ta dhasht shneten.
Zoti te shperbleft o Bac per gjithe kete qe e ke bere per Shqiptarin dhe qe vazhdon te beshe edhe pse ne nje mosh te shtyer.Ne mosh te shyer me letra,por duke e shikuar fizikun tend je shum i ri...je shum i pastert...si loti...,e si mos te jet i pastert ky shqiptar i madhe....qe tere jeten ja kushtoj keti populli.
Vallahina ta qe e kritikojn kete Burr....te madhe le ti frikesohen ZOTIT

[halla mine]

flet Adem Demaci, korrik 2007
bisedoi Mentor Nazarko, per ABC-ne


. . .
. . .

NAZARKO - Le të jemi të drejtë me të gjithë, ose kritikë me të gjithë. Edhe UÇK-ja, e cila pritej që pas luftës të ishte faktori kryesor politik, nuk e fitoi atë rëndësi në jetën parlamentare pluraliste, duke mos bindur intelektualë, duke mos u bërë e fortë në qytetet e Kosovës...
DEMAÇI: Absolutisht, po. Kjo është e vërtetë çfarë thoni ju zotëri sepse UÇK-ja bëri gabimin kryesor që pranoi të shkonte në bisedime për fatin e Kosovës me Rugovën. Ne kemi qenë kundër.

NAZARKO: Mirë, çfarë mangësish shfaqin trashëgimtarët e UCK-së si faktorë politikë sot, si psh, PDK-ja, AAK,?
DEMAÇI: E meta është që luftëtarët e vërtetë të UÇK-së, atdhetarët e vërtetë, prijësit e vërtetë të UÇK-së me në krye Adem Jasharin, u vranë në vijën e parë të luftës, ditën e parë të luftës, duke qëndruar..

NAZARKO - Po ju nuk u vratë psh, nuk është meritë që të vritesh... D.m.th ata që nuk vriten gjithashtu kanë meritë.
DEMAÇI: Ata ishin në vijë të frontit ku shtihej dhe unë i kam vizituar vijën e frontit. Problemi është se ishin ata të tretit e të katërtit që erdhën rrotull atyre që luftuan, pikërisht këtyre i erdhi radha që të vendosnin për fatin e Kosovës në emër të UÇK-së dhe kur e nuhatën se ka shpresa që të mbeteshin gjallë, atëhere e pranuan atë që ishte e papranueshme. Sikur shqiptarët të mos i pranonin ato kushte, rrjedha e zhvillimeve dhe e zgjidhjes së problemit të Kosovës, do të merrte drejtim tjetër dhe shumë më pozitiv se ajo që ndodhi.

. . .
. . .

[halla mine]

Adem Demaci per gazeten Ndryshe, 25.05.2007
intervistoi Apostol Duka


. . .

Apostoli: -Kam biseduar me ish-luftëtarë të UÇK-së dhe të gjithë një zëri thonë se Adem Jashari ishte komandanti legjendar. E saktë?

Adem Demaçi: - Shikoni, bërthama e Prekazit, me Ademin në krye, por edhe me babën e tij, Shabanin, Hamzanë dhe me të tjerë, ka qenë organizimi më i fuqishëm dhe më i vendosur. Rreth saj, ka pasur edhe bërthama të tjera, më të afërta ose më të largëta, por vendimtare për lirinë dhe fitoren tonë ka qenë vetëflijimi i Adem Jasharit dhe i familjes së tij.
Pas ngjarjeve të janarit, unë ia kam dërguar njeriun Adem Jasharit. Ka qenë Rexhep Uka, shok i imi. I kam thënë, thuaj Ademit se lufta e deritanishme ka qenë vetëm provë, që serbët të shohin se sa jeni juve të armatosur, sa jeni të vendosur, sa vetëdije keni etj. Por ata kanë vendosur që bërthamën tuaj ta shkatërrojnë përfundimisht. Në se ju jeni të vendosur që ta vazhdoni kryengritjen, atëherë forcat më të shumta duhet t'i nxirrni nga rrethi, sa ende ai nuk është mbyllur. Kurse të tjerët që do të mbeten, duhet të bëjnë rezistencë të fuqishme, sa te jete e mundur. Dhe Ademi iu përgjigj Rexhepit: "O Rexhë, unë e di çka po thotë baca Adem. Por thuaji Bacës se, me bo vaki me u tërhjekë unë, tërhiqen krejt... Kështu që unë e kam sosë të qëndroj me të gjitha!...
Adem Jashari është ndoshta heroi më i madh i të gjitha luftrave të popullit shqiptar nëpër shekuj. Akti i tij është i pashembullt dhe i papërsëritshëm

[Dashnori_84]

Keta qe e kan pushtetin,e diten qe me ni banes me ta dhan edhe ti ma ,as nuk akuzon as nuk kritikon,te lumt o baci Adem qyshtu punohet per mire per vendin,
tash ju ka mbyll goja,eh pasuria te ben te bashkohesh me gjithekan.