Lorik Cana

[ClaY_MorE]

Futbollisti prishtinas i ekipit Olympique Marseille dhe kombëtares shqiptare, Lorik Cana është zgjedhur ambasador i Vullnetit të mirë të UNDP së (Programi për zhvillim i Kombeve të Bashkuara) në kuadër të Objektivave të Zhvillimit të Mijëvjeçarit.

"Futbollisti i mirënjohur kosovar ka pranuar ftesën e UNDP së në Kosovë, që të bëhet promotor i Objektivave të Zhvillimit të Mijëvjeçarit.

Ai do të mbajë titullin "Kampion i OZhM ve" dhe do të avokojë për rëndësinë e tyre", shkruan në informatën e lëshuar nga zyra e UNDP së në Prishtinë.

Zyret e UNDP së nëpër vende të ndryshme, si dhe zyra në New York, kanë angazhuar figura të njohura për promovimin e OZhM ve.

Ronaldo dhe Zinedine Zidane, dy futbollistët e njohur botërorë, janë promotorë të këtyre ideve.

Në vitin 1999, në kuadër të këtij angazhimi, futbollisti Ronaldo kishte vizituar qytetin e Gjakovës.

Përveq tyre janë të angazhuar edhe ish tenistja e parë në botë Martina Hingis dhe aktualisht tenisti i parë në botës, Roger Federer.

Nga bota e yjeve te filmit dhe muzikës në këtë aksion identik është angazhuar edhe aktori i njohur, Michael Douglas dhe këngëtari, Lenny Kravitz.

"Angazhimi i Canës në avokimin e OZhM ve në Kosovë do të ngrejë vetëdijen e kosovarëve në çështjet si mirëqenia e fëmijëve, varfëria, shëndeti i nënave etj", thuhet tutje në informatën e UNDP së.

Cana, i cili luan me ekipin Olympique Marseille të premten (dje) luajti ndeshjen e fundit ate kundër St. Etienne, do të jetë mysafir i Zyrës së UNDP së në Prishtinë të martën, më 26 dhjetor, në ora 11:00.

Me këtë rast, Z. Frode Mauring, Përfaqësues i Përhershëm i UNDP së në Kosovë, do të nënshkruajë certifikatën me të cilën edhe zyrtarisht do të promovohet titulli i tij.

"Po Loriku e ka pranuar me kënaqësi mundësinë që të jetë pjesë e aksioneve humanitare të UNDP së", ka konfirmuar një familiarë i canës.

Në orën 12:00, Cana do të vizitojë fshatin e fëmijëve, SOS Kinderdorf, ku do të takohet me fëmijët që jetojnë aty. Fshatin SOS Kinderdorf më heret e ka vizituar për qëllime humanitare edhe boksieri, Luan Krasniqi.


Sporti Shqiptar

[Bledari]

Woow mendoj qe ne Shqiptaret kemi ambasadore shume te mire neper bote si ne fushen e sportit dhe te artit dhe per kete Ndjehem Krenar

[terranovesca]

kush prej jush e pa spektaklin e transmetuar nga televizioni telesport te henen ne mbremje , nga ku dolen 17 sportistet me te mire te vitit. a jeni dakort me cmimet e dhena. permend
salihi- futbollisti me i mire
klodiana shala-altetja me mire
sokol kasmi -bashketbollisti me i mire
ornela cuko-gjimnasja me e mire
fetije kasa peshengritesja me e mire

etj etj

[Cimo]

Talentet.com - Mesfushori i Marsejes dhe i Kombetares Shqiptare, Lorik Cana, eshte shpallur lojtari i vitit 2006. Lorik Cana ka grumbulluar 36,2 %

te votave te lexueseve te sondazhit gjigand qe organizoi Zyra e Talenteve ne Gjermani dhe Talentet.com ne bashkepunim me faqet me prestigjioze sportive, si Albania-Sport.com, Albanisoccer.com, Tifozatkuqezi.com, Futbolli.com, …

Ky sondazh ishte e mundur qe te votohej edhe ne ballistet.com,deshirat.com dhe tetovaonline.info , gje gjejme rastin ti falenderojme qe pranuan te bashkepunojne me ne per shpalljen e lojtarit me te mire 2006.

Anketa zgjati rreth nje muaji dhe ngjalli nje interesim jashtezakonisht te madh nga shume sportdashes anembane botes ku me ane te votes se tyre shprehen dhe mirnjohjen per lojtarin e tyre te zemres. Eshte hera e pare qe behet nje sondazh i tille me bashkepunimin e te gjithave mediave prestigjoze sportive.

Gjithsesi, sipas rezultateve te sondazhit, Lorik Cana eshte shpallur lojtari i vitit 2006 dhe grumbulloj 36,2 % te votave. Ne vendin e dyte, ndodhet sulmuesi prolifik i Sienas, Erion Bogdani me 16,7 %, dhe ne vend te trete eshte ngjitur mesfushori energjik qe aktivizohet ne Ukraine, Debatik Curri me 13,6 %. Ne votim kane votuar me shume se 10 mije lexues nga te gjitha trevat tone dhe nga bota.

Ne ditet ne vazhdim pritet qe Lorik Cana, Erion Bogdani dhe Debatik Curri te marri çimimin, i cili sponsorizohet nga tyra e zbulimit te talenteve dhe faqet e tjera qe bashkepunuan perkete sondazh. Vendi se ku do te behet ceremonia e dhenies se çmimit nuk eshte akoma e ditur, por ne ditet ne vazhdim do te ju njoftojme me detaisht

Zyra e Talenteve ne Gjermani falenderon te gjitha faqet qe bashkepunuan per te realizuar sondazhin i cili ju mundesoi te gjithe Shqiptareve te japin voten e tyre per te zgjedhur lojtarin e vitit 2006.

Renditja perfundimtare :

1. Lorik CANA - 36,2%

2. Erion BOGDANI - 16,7%

3. Debadik CURRI - 13,6%

4. Edmond KAPLLANI - 9,7%

5. Besart BERISHA - 9,7%

6. Altin LALA - 4,3%

7. Armend DALLKU - 3.1%

8. Edvin MURATI - 2,8%

9. Arjan BEQAJ - 2,1%

10. Ilion LIKA - 1,8%

[vampiri-femrave]

Per mendimin tim ngelet nje nga futbollistet me te kompletuar qe ka Kombetarja jone edhe per kte duhet te jemi krenar.....

[no name]

Oshte me i mir ..................

[K0rCaRi]

He was also named the best of 2006 in Olympique de Marseille. THE BEST The BEST. Sometimes we take for granted how talented he is.

[AlbaneZ]

Cana: Dua te luaj me Realin!

18 Janar “Persa i perket tripikeshit te arritur ndaj Renes, ai jo vetem na ka cuar ne vend te trete, por ka ardhur ne ndeshjen e 2000 te per klubin ne kampionatin francez. Prezantimi im? Nuk kam marre te verdhe, a nuk eshte e mjaftueshme?”

Mesfushori i kombetares shqiptare, Lorik Cana vazhdon te jetoje me emocionet e gezimit, per fitoren e arritur javen e kaluar nga skuadra e tij Olimpik Marseja, ne ndeshjen e transferes me ekipin e Renes. Nje tripikesh shume i rendesishem, i cili i ka pozicionuar marsejezet ne vendin e trete te klasifikimit provizor te Liges 1 franceze, duke i shtuar shpresat e tyre, per te siguruar te drejten, per marre pjese ne edicionin e ardhshem te Liges se Kampioneve. Gjithsesi, gezimi i lojtarit shqiptar shkon shume me teper se kaq. Ai ka luajtur ne ndeshjen e 2000 te te klubit te tij dhe cuditerisht, nuk ka marre asnje karton te verdhe.

Nje gezim dhe emocion, qe mund ta transmetohet edhe pertej linjes telefonike. C’po ndodh?

Mendoj se kam te drejte te vazhdoj te ndihem keshtu. Fitorja, e arritur diten e diel nga skuadra, ne transferten me Renen na ka dhene te drejten te gezonim. Per te mos folur pastaj qe ky sukses eshte dyfishuar kur kemi prekur vendin e trete te klasifikimit dhe kjo nuk eshte pak. Por perseri, kjo nuk eshte e vetma arsye, qe une vazhdoj te ndihem i gezuar edhe sot, per kete fitore.

Dhe cila eshte arsyeja?

Kjo fitore eshte arritur te regjistrohet ne nje dite te vecante per skuadren tone. Ne kete ndeshje, Olimpik Marseja ka shenuar pjesemarrjen e saj te 2000 te ne kampionatin francez. Ishte me te vertet bukur, qe ne kete ndeshje, jubile per klubin tone, arritem te marrim nje fitore te cmuar.

Edhe per kete ndeshje, vleresimet e shtypit per Canen kane qene shume pozitive...

(Qesh) Me takon dicka me shume se kaq, sepse ne kete ndeshje shpetova pa marre karton te verdhe. Pas cdo ndeshjeje, shtypi do te kryeje detyren e tij, kurse une duhet te jem i motivuar, per t’i sherbyer sa me mire skuadres ne cdo perballje.

Meqe jemi ne kohe merkatoje, a eshte e vertete se pak jave me pare keni shprehur deshiren, per qene ne te ardhmen nje futbollist i Real Madridit?

Ne prag te festave te fundvitit, ne nje intreviste qe kam dhene per shtypin sportiv ne Kosove, jam shprehur qarte se si cdo futbollist, edhe une enderroj, por dhe deshiroj qe te jem pjese e nje klubi te madh europian, si ai qe drejton Kalderon. Por, tani per tani jam ne kontrate me Marsejen, edhe pse ne te ardhmen nuk mund te perjashtohet mundesia, qe te kerkoj te aktivizohem me ekipe te tilla, si Bajerni i Mynihut, Arsenali, Liverpuli, apo edhe Real Madridi.

Nuk po ben shaka?

Jo, e kam me te vertete. Nje dite do ta realizoj endrren tme.

T’i kthehemi realitetit. A keni konfirmuar pjesemarrjen ne miqesoren qe perfaqesuesja e Shqiperise do te zhvilloje ndaj asaj maqedonase, me 7 shkurt ?

Patjeter qe po. Te vetmen detyre, te cilen e kryej me shume deshire dhe kenaqesi, por edhe me nje pergjegjesi te vecante eshte kontributi qe deshiroj te jap ne ndeshjet e ekipit tone kombetar.

Po ndeshjen e radhes ne grup me Sllovenine si e vleresoni?

Jo te lehte per t’u kaluar, por jo e pamundur, per kerkuar nje rezultat pozitiv. Luajme ne fushen tone, ku do te kemi perkrahjen e tifozerise se zjarrte. Detyra qe duhet realizuar eshte shume e qarte per te gjithe. Ne kete ndeshje, duhet te marrim vetem fitoren. Eshte momenti, por dhe pozicioni i ekipit tone, qe kerkon kete lloj rezultati.

Sport Ekspres

[goldian]

edhe une du me lujt ne han

[Davius]

Mbyllet anketa tradicionale "10 sportistet me te mire". Gazetaret sportive percaktojne "ekipin" e vitit 2006

Lorik Cana, ylli i yjeve të Shqipërisë

Sporti Shqiptar

1. Lorik Cana (futboll)
Lorik Cana ka lindur më 27.7.1983 në Prishtinë të Kosovës. Është 23 vjeç dhe pas 3 sezonesh te Paris SG, vesh fanellën e Olimpikut të Marsejës, ku aktivizohet edhe sot. Luan në pozicionin e mesfushorit, rol të preferuar edhe në kombëtaren shqiptare. Kosovari është një prej zbulimeve të futbollit shqiptar, duke qenë gjithmonë një nga lojtarët titullarë dhe më të mirë të kombëtares sonë. Konsiderohet gjithashtu, si një prej talenteve më të mëdha të sportit kosovar. Që nga vitit 2003, Lorik Cana është lojtar i pazëvendësueshëm i kuqezinjve tanë.
Ai fiton për herë të katërt në anketën "10 sportistët më të mirë".

2. Fetije Kasa (peshëngritje)
Ka lindur më 28.10.1985 në Selenicë të Vlorës. Është peshëngritëse e ekipit Dinamo dhe ekipit tonë kombëtar. Është kampione kombëtare dhe rekordmene në peshën 58 kg, por jo rrallë ndryshon peshë dhe konkurron edhe në peshën 53 kg. Në vitin 2006 ajo kalon kufirin e moshës, nga të rejat tek të rriturat. Sukseset e saj në 2006-ën janë: në Kampionatin Europian për të rritura, ka përmirësuar 6 rekorde kombëtare, duke u shpallur edhe fituese e 3 medaljeve të argjendta në të tre stilet: shtytje, shkëputje dhe dygarësh. Në kampionatin botëror është klasifikuar e 7-ta në botë.
Ajo fiton për herë të dytë në anketën "10 sportistët më të mirë".

3. Erkand Qerimaj (peshëngritje)
Ka lindur në Shkodër, më 10.08.1988. E ka filluar sportin e peshëngritjes para 6 vjetësh, ndërkohë, që dy vitet e fundit, mund të quhen si vite të shpërthimit të tij. Ai arrin suksesin më të madh në arenën ndërkombëtare, duke u shpallur kampion bote në Kampionatin Botëror të të rinjve, të zhvilluar në qeshor në Kinë. Konkuron në peshën 69 kg. Në Kupën Mesdhetare, peshëngritësi shkodran, shpallet sportisti më i mirë i aktivitetit, tashmë në peshën 77 kg. Ai është kampion kombëtar dhe karriera e tij ka nisur e suksesshme që më vitet 2002-2003, ku është shpallur dy herë rresht kampion Europe (2002-2003).
Ai fiton për herë të tretë në anketën "10 sportistët më të mirë".

4. Edmond Kapllani (futboll)
Edmond Kapllani ka lindur më 31.2.1982, në qytetin e Durrësit. Sulmuesi aktualisht aktivizohet në Gjermani me Karlsruhen, e cila militon në Bundesligën 2. Përpara se të shkonte në Gjermani, ai është aktivizuar në kampionatin shqiptar me Partizanin në vitet 1999-2003 dhe më pas për një vit tek Besa. Gjithashtu, një eksperiencë të shkurtër sulmuesi e ka pasur edhe në Kroaci me skuadrën NK Rijeka. Në vitin 2004 u bashkua me Karlsruhen. Me lojën e tij ai tashmë është bërë një nga lojtarët më të rëndësishëm për Karlsruhen. Vlen të theksohet se në këtë sezon është golashënuesi më i mirë i ekipit me 11 gola të shënuara. Tashmë, Kapllani është një pjesë e rëndësishme edhe e kombëtares shqiptare.
Ai fiton për herë të parë në anketën "10 sportistët më të mirë".

5. Hamdi Salihi (futboll)
Hamdi Salihi ka lindur në Shkodër, më 20.1.1984. Këtë sezon ai kalon nga kampionati shqiptar, ku luante me Tiranën, në kampionatin austriak me ekipin e Riedit. Luan në pozicionin e sulmuesit. E ka nisur karrierën e tij me ekipin e Vllaznisë. Pas ekipit mëmë ka kaluar një eksperiencë të shkurtër në Greqi me ekipin e Panionionsit, karrierë që mbyllet para përfundimit të kontratës. Pas kësaj u kthyer te Tirana, duke u shpallur dhe golashënuesi më i mirë i sezonit. Falë aftësive të tij në radhët e Tiranës, ai u pikas edhe nga menaxherët e ekipit austriak.
Ai fiton për herë të dytë në anketën "10 sportistët më të mirë".

6. Ornela Çuko (gjimnastikë)
Ornela Çuko ka lindur më 24 shkurt 1991, në Tiranë. Është e vetmja sportiste (gjimnaste) shqiptare, e cila kapi normën kualifikuese për në Lojërat Olimpike "Athina 2004", por që nuk mundi të përfaqësohej për shkak të moshës të vogël (ishte vetëm 12 vjeç).
Ajo është një nga gjimnastet tona më të talentuara. Ornela Çuko është kontigjent i ekipit të Partizanit dhe i ekipit tonë kombëtar. Është shpallur disa herë kampione e vendit dhe është përfaqësuar denjësisht në arenën ndërkombëtare. Medalja saj më e fundit është ajo e fituar në Kampionatin Ballkanik për të reja. Është një nga sportistet, që premton të jetë në Lojërat Olimpike të 2008-ës.
Ajo fiton për herë të dytë në anketën "10 sportistët më të mirë".

7. Klodiana Shala (atletikë)
Ka lindur më 22.8.1979, në qytetin e Tiranës. Është atlete e garave 200m, 400m dhe 400 metrave me pengesa. Përfaqëson klubin "Tirana" në garat kombëtare dhe ekipin tonë kombëtar në ato ndërkombëtare. Është shpallur një herë kampione e Ballkanit dhe 4 herë nënkampione. Numëron më shumë se 20 rekorde kombëtare në karrierën e saj. Suksesi më i madh i saj në 2006-ën është kualifikimi për në gjysmëfinalet e Kampionatit Europian të atletikës. Është e para atlete shqiptare, që arrin në nivele kaq të larta. Në vitin 2006 është fituese e medaljes së artë në garën e 200m në Kupën "Bruno Zauli" dhe fituese e medaljes së argjentë në 400m dhe të bronztë në 400 metra me pengesa.
Ajo fiton për herë të dytë në anketën "10 sportistët më të mirë".

8. Erion Bogdani (futboll)
Erion Bogdani ka lindur më 14.04.1977 në Tiranë. Erjoni në këtë sezon me skuadrën italiane të Kievos, e cila militon në Serinë A. Ky sezon ka qenë mjaft i begatë për Bogdanin, ku gjatë aktivizimit të tij me Sienën, është dalluar si golashënues, çka i detyroi veronezët të kërkonin shërbimet e tij. Falë formës së shkëlqyer që ka shfaqur Erioni ka mundur të rifitojë edhe kombëtaren, pasi arriti të bindë më parë trajnerin Brigel. Ai tani është një nga sulmuesit kryesorë të Kievos, ndërkohë që është edhe një pikë referimi për sulmin e kombëtares sonë kuqezi.
Ai fiton për herë të tretë në anketën "10 sportistët më të mirë".

9. Debatik Curri (futboll)
Debatik Curri ka lindur më 28.12.1983 në qytetin e Prishtinës. Kosovari aktivizohet aktualisht me FC Vorskla Poltava, në kampionatin ukrainas. Përpara transferimit tek Poltava, Curri është aktivizuar me FK Prishtinën. Ai tashmë është pjesë e kombëtares shqiptare, ku në takimet e fundit ka shkëlqyer me lojën e tij dhe trajneri i kombëtares Oto Bariç i ka besuar rolin e titullarit. Mbrojtësi shënoi në takimin Holandë-Shqipëri edhe golin e tij të parë me kombëtaren. Vlen të theksohet se Curri ka qenë një zbulim i trajnerit Medin Zhega, të cilin e ka pasur trajner në kohën kur aktivizohej me Prishtinën. 24-vjeçari ka spikatur me lojën e tij në Ukrainë, madje kohët e fundit është bërë "gjah" për shumë skuadra, të cilat e kërkojnë ta kenë në gjirin e tyre.
Ai fiton për herë të parë në anketën "10 sportistët më të mirë".

10. Palion Zarka (çiklizëm)
Ka lindur më 17.4.1984, në qytetin e Fierit. Është pjesëtar i ekipit Apolonia dhe i ekipit tonë kombëtar. Kampion i Shqipërisë në garën e kronometrit për vitin 2006-të dhe mban rekordin kombëtar në të dyja këto disiplina. Është fitues i rrethit çiklistik të vitit 2006-të. Mban gjithashtu titullin nënkampion i Ballkani për çiklizmin në rrugë. Gjatë vitit të kaluar ai shpallet edhe kampion i Ballkanit, në garën e kronometrit një nga disiplinat më të preferuara të tij. Është i vetmi shqiptar, që sjell një titull kaq të rëndësishëm në sportin e çiklizmit. Është pjesëmarrës dhe fitues në disa ture europiane dhe ballkanike, si ai i "Krajl Nikollës", turi "Presidencial" i Turqisë, etj., si dhe pjesëmarrës në Kampionatin Europian për U-23.
Ai fiton për herë të dytë në anketën "10 sportistët më të mirë".

[Davius]

Një miliardier i “fiksuar” pas Lorik Canës

Pronari i ardhshëm i Olimpikut të Marsejës, Xhek Kashke, i ka thurur elozhe lojtarit të Kombëtares shqiptare, Lorik Cana, i cili, sipas tij, e ka lënë të mahnitur. Miliarderi kanadez nuk e ka fshehur simpatinë për Lorik Canën. “Punon shumë dhe vrapon gjatë gjithë kohës, është një futbollist me zemër”,- ka thënë Kashke. “Kënaqem duke e parë të luajë, kur e takova i thashë se unë dhe fëmijet e mi ishim tifozë të tij. Nuk është shumë i talentuar, por është i apasionuar në atë që bën. Pak si unë”,- ka thënë miliardieri kanadez që do të jetë edhe pronari i ri i klubit të Marsejës. Fjalët e tij janë komentuar me tone pozitive nga ana e shtypit, që e ka cilësuar Kashke si një njeri që merr vesh nga futbolli. Kreu i klubit aktual të Marsejës, Pape Diuf është pranë largimit nga posti që mban sepse bizneset e tij nuk kanë ecur me ritmet e duhura dhe vitin e fundit pozitat e tij financiare janë lëkundur ndjeshëm. Megjithatë ai ka premtuar se nëse do të largohet do ta lërë skuadrën në duar të sigurta, që sipas të gjitha gjasave do të jetë pikërisht miliarderi amerikan kanadezi Xhek Kashke. Ndërkaq, Lorik Cana do të luajë në ndeshjen e bamirësisë mes skuadrave që do të kenë kapitenë Zidan dhe Ronaldo më 19 mars në stadiumin “Velodrome”, aty ku luan ndeshjet Olimpiku i Marsejës.

Gazeta PANORAMA

[Cimo]

Lorik Cana: Pas futbollit, hobi im historia
Nga Dash Frashëri


(INTERVISTE)- Cana, tashmë jeni shndëruar në një idhull i tifozëve shqiptarë në mbarë botën. Tashmë jeni dhe zvëndëskapiteni i ri i Kombëtares, një përsonazh mediatik në Francë dhe për më tepër një ambasador i posaçëm i PNUD-it. Një nga momentet kulmore në karrierën tënde futbollistike është goli i shënuar kundër ish-ekipit ku rrite si lojtar profesionist, Paris Sën Zhermenit, me një gol i cili të bëri botërisht të njohur, video e të cilit bëri xhiro rreth botës.

- E konsideroj një rast të veçantë, pasi goli jo vetëm që i dha tri pikët Olimpikut të Marsejës, por për ta intigruar më shumë momentin u shënua kundër ish-klubit tim, ku nisa dhe karierën time si profesionist. Me PSG luajta p ër tri sezone dhe arrita të aktivizohem edhe në Ligën e Kampioneve.

Përse ndryshove ekip?

Klubi aktual për të cilin luaj, Marseja, është klubi më i madh në Francë dhe një nga legjendat e futbollit francez dhe një nga krenaritë e Francës. Unë mendova se më këtë lëvizje do të mirrja dhe më shumë famë duke u bërë njëkohësisht edhe një futbollist i përmasave të tjera.

Sa i veçantë ishte ai gol?

Besoj se fati më ka ndjekur, dhe në atë ndeshje të zhvilluar në tetor të vitit 2005, ishte e veçantë jo vetëm për mua, por dhe për familjen time. Kjo edhe për faktin se Marseja në nëntë ndeshjet e fundit nuk kishte fituar me Paris Sën Zhermenin. Ai gol ishte një bëfasi për të gjithë, por edhe më solli një kënaqësi të madhe, duke shpërthyer edhe në gjeste të pazakonshme.

Ju jeni djali i një futbollisti të madh kosovar, Agim Cana. Sa ka ndikuar babai juaj në formimin tuaj?

- Ëndërra e babait tim ishte që edhe unë të bëhesha një futbollist i zoti dhe i famshëm. Aq më tepër jo gjithmonë prindërit ia arrijnë të shohin fëmijët t’ia arrijnë kësaj. Im atë e pikasi shumë shpejt talentin tim dhe punoi fort për të më bërë sportist me të dhëna të mira, qysh nga mosha 7-8 vjeçare. Gjithminë e këmi bërë rrugën së bashku. Edhe nëna ime më ka ndihmnuar shumë, madje shpesh herë ka qenë në strërvitjet e mia, e më pas dhe dy motrat. E gjithë familja më ka mbështetur.

Kush të ndjek në stadium gjatë ndeshjeve?

- Babai është gjithmonë i pranishëm, por dhe nëna vjen shpesh. Babai udhëton nga Parisi për të ardhur në Marsejë, gati 850 km rrugë, që sigurisht ai bën me avion.

Sa ndikon fama juaj në botën e televizionit apo medias në përgjithësi?

- Unë kam e konsideruar fat aktivizimin në skuadra të famshme si Paris Sën Zhermeni dhe Marseja. Kur luan për skuadra të mëdha mediat të përcjellin dhe televizoni të kushton vëmendje. Ky është një avantazh i madh për një futbollist.

Sa ngjason Cana me futbollistët e mëdhenj, dhe këtu kam parasysh anglezin Dejvid Bekham apo italianin Françesko Toti, francezin Zidan apo brazilianin Ronaldo, është gjithmonë i pranishëm në media.

- Është normale që janë të mediatizuar pasi kanë mbështetje maramandëse nga televizione apo mediume të tjera. Unë gjithsesi ndodhem në një klub që është më i dashuri për francezët. Rezultatet dhe loja e mirë që bëj ndikon shumë.

Ditën e hënë u bërë pjesë e një evinementi të madh futbollistik, ku luajtë përkrah emrave të mëdhenjë si Zidan, Ronaldo, Rivaldo apo të tjerë. Si u ndje Cana pranë tyre?

- Ishte më të vërtetë një kënaqësi e madhe për mua, për familjen timë, për shqiptarët në Shqipëri dhe në Kosovë pasi e përcollën ndeshjen. Si shqiptari i vetëm në atë takim personalisht më dha kënaqësi të jashtëzakonshme. Kjo është edhe një punë në kuadër të rolit tim si ambasador i PNUD.

Kush ua bëri ftesën Zidan apo Ronaldo?

- Unë e njoh personalisht ish-kapitenin e Francës, Zinedin Zidan dhe padyshim që ftesa ishte e tij, por e nënshkruar nga të dy, Zidan dhe Ronaldo. Në atë takim morrën pjesë kampionë të mëdhenj të botës, Ronaldo, Rivaldo dhe yje të tjerë në futboll.

Me cilët yje ka kontakte Cana?

- Përveç dy lojtarëve të mëdhenj si Frenk Riberi dhe Xhibrik Sise, të cilët luajnë në ekipin, tim njoh shumë lojtarë të tjerë, si Gabriel Heince që luan për Mançester Junaitid, Pauletën e Paris Sën Zhermenit apo Ronaldinjon e Barcelonës, të cilë e kam takuar shumë herë pasi dhe jemi aktivizuar bashkë te PSG.

Ju kemi parë të fotografuar me një tatuazh, një shqiponjë që është në krahun tënd të majtë.

- Atë tatuazh e kam bërë para tri vitesh, e kam patur si fiksim qysh në moshë të re. Por tani, prej pesë muajsh kam edhe një tatuazh të dytë, një përkrenare ilire dhe simbolizon mbretërinë dardane dhe e shkruajtur Dardania dhe merr të githë krahun.

Të shohim gjithmonë në sitet e internetit gjithmonë midis fansave. Si ndihet Cana i rretuar nga adhuruesë të tifozët marsejezë?

- Marseja është një klub i famshëm dhe aty më parë kanë luajtur futbollistë të tillë si Rudi Fëler, Zhan Pjer Papin, Loren Blank dhe trajnerë ka qenë trjaner dikur dhe Franc Bekenbauer. Unë tashmë jam dhe imazh i klubit dhe kur futem në fushë me brohorasin gjithmonë.

Të thërrasin me ndonjë nofkë tifozët?

- Jo, por tani kanë mësuar ta shqiptojnë saktë mbiemrin tim, “Cana”. Kam një raport të veçantë me publikun. Më adhurojnë.

Kë ka model Cana?

- Kur kam qenë i ri gjithmonë kam ëndërruar të behesha si Marko Van Basten. Unë luaj në një rol tjetër, mesfushor dhe nuk kam një idhull, pavarësisht se ka disa lojtarë të mirë.

Pas ndeshjes Shqipëri-Greqi, në një Talk Shoë të Top Channell, një femër e pranishme tha, se tani që shoh një Lorik kaq të bukur do të shkoj gjithmonë në stadium. Për politesë ju u çuat nga podiumi dhe miqësisht e puthët në faqe.

- Ky është problem specifik. Është kënaqësi kur mbështetesh nga femrat. Është e natyrshme që kur ke suksese dashur pa dashur adhurohesh nga gjinia femërore. Jam shumë përson serioz.

A ka ndonjë vajzë Cana?

- Po prej një vit e gjysmë kam marrëdhënie serioze me një vajzë shqiptare nga Gjakova, nga vendlindja ime.

Zoti ka derdhur gjithë dashurinë për ty: i bukur, i famshëm, me emer. Çfarë kishte të veçantë kjo vajzë që fitoi zëmrën tënde?

- Në këtë vendim ka shumë gjëra, pasi duhet dhe koha për ta njohur. Unë e kam zgjedhur sipas dëshirës sime, pasi kam dashur të jetoj me nëj shqiptare. Besoj se ajo është personi me të cilën do të jetoj gjithë jetën.

A ju ndjek në stadium?

- Sigurisht, por jo shpesh pasi nuk jeton në Francë. Këtë vit ajo do ta bashkohet me mua. Gjithsesi e konsideroj ëngjëllin tim.

Kush të dërgon mesazhin e parë, pas përfundimit të takimit?

- Kur luaj jashtë flas në telefon me babain, prej të cilit marr dhe vlerësimin e tij. Por mesazhin më të çmuar kam atë të fejuarës sime

Cili është hobi i Canës?

- Historinë e kam pasion, sidomos atë të popullit tonë, Kam dëshirë që pas futbollit të bëhem historian.

Po nga makinat?

- Kaloj shumë kohë me to pasi i kam pasion. Porsche është makina ime e ëndërruar.

www.albania-sport.com

[Cimo]

Tifozët zgjedhin Canën në ekipin e vitit

Mesfushori fiton në vend në formacionin ideal të kampionatit francez për këtë sezon

Lorik Cana është gjithnjë e më shumë një idhull në Francë, tashmë jo vetëm për tifozerinë e Olimpikut të Marsejës, por edhe për të gjithë dashamirësit e futbollit në këtë vend. Lojtari i përfaqësueses shqiptare është përzgjedhur në formacionin ideal të kampionatit francez për sezonin 2006-07, duke i zënë vendin futbollistëve me më shumë emër dhe eksperiencë. Kjo tregon se ai tashmë është afirmuar si një prej lojtarëve më të mirë të kampionatit francez dhe se shumë shpejt priten të hapen rrugët për kampionatet më prestigjioze në Evropë.

Në sondazhin e organizuar nga faqja e internetit "football.fr", vendi i mesfushorit me tipare mbrojtëse ka qenë ai që ka pasur rivalitetin më të madh, për shkak të lojtarëve të shumtë cilësorë që aktivizohen në këtë kampionat. Për këtë arsye, fitorja e Canës është shumë e rëndësishme, duke parë se zëvendësues të tij në formacionin ideal janë zgjedhur as më shumë e as më pak, por dy emra të njohur të Olimpikut të Lionit, Zhuninjo dhe Tiago, ndërsa rivalë të tjerë në këtë pozicion kanë qenë Kovaçeviç, Makun, Fernando dhe Mavuba. Pa harruar dyshen e Lionit, duhet kujtuar se të katër futbollistët e tjerë janë në epiqendër të merkatos për vitin e ardhshëm, për një kalim në radhët e skuadrave të Serisë A dhe kampionatit spanjoll. Bashkë me Canën, për të formuar dyshen e qendrës së mesfushës është përzgjedhur edhe kapiteni i Lensit, Salif Keita. Në përshkrimin për Canën, në faqen "football.fr", vlerësohet aftësia e tij në lojën mbrojtëse. "Loriku, një mesfushor i talentuar, ka një teknikë të jashtëzakonshme, ka forcë dhe përfaqëson i vetëm një repart solid para mbrojtjes", shkruhet në komentin për formacionin.

Ekipi ideal i kampionatit francez ka bërë të lindin shumë reagime nga tifozët, që në komente të së njëjtës faqe të internetit kanë paraqitur edhe alternativat e tyre. Në pjesën më të madhe të varianteve, Cana ka qenë i pazëvendësueshëm në qendër të mesfushës, pavarësisht partnerëve që ka pasur përkrah sipas preferencave të veçanta.

Për të përforcuar më tepër qëndrimin e tifozerisë ndaj lojtarit, dje Cana është zgjedhur edhe si lojtari më i mirë i ndeshjes për Olimpikun e Marsejës në ndeshjen e fundjavës kundër Lorient më rreth 57% të votave të tifozëve që kanë votuar në faqen "lephoceen.fr". "Lorik ka dhënë shumë më tepër se shokët e tij "ndërkombëtarë", që janë aktivizuar me përfaqësueset, duke mos u dorëzuar asnjëherë. Ai kishte zhvilluar vetëm një ditë stërvitje të premten, por në fushë ka qenë si gjithmonë më i miri dhe nuk është dorëzuar deri në minutën e fundit, duke dhënë një kontribut të rëndësishëm në mbrojtje për të mbuluar gabimet e prapavijës marsejeze", është komenti pas votimit të Canës, si lojtari më i mirë i ndeshjes.




Formacioni i vitit 2006-2007


Landro

(PSZH)


Beje Kris Skuilaçi Armand

(O. Marsejë) (O. Lion) (O. Lion) (PSZH)


S. Keita Cana

(Lens) (O. Marsejë)


Nasri Roten

O. Marsejë) (PSZH)


Savidan Elmander

(Valensien) (Tuluzë)



Zëvendësuesit: Kupe, Demont, Mensah, Afolabi, Abidal, Tiago, Zhuninjo, Maluda, Bodmer, Dindane, Fred

[Michaela]

Lajmi se Arsen Venger kërkon shërbimet e Lorik Canës, ka irrituar jo pak tifozët e Marsejës. Mesfushori shqiptar konsiderohet si një nga “xhevahirët” e skuadrës edhe pse Olimpiku duket se nuk është më në ditët e tij të lavdishme. Në sitet franceze e sidomos ato që kanë lidhje me klubin nga “Velodrome”, bie në sy irritimi i tifozerisë me trajnerin francez që drejton “Topçinjtë” e Londrës. Në komentet e tyre shprehet pakënaqësia që një klub më i pasur dhe me emër të madh në Angli, kërkon të përfitojë nga gjendja ku ndodhet Marseja, duke nisur kontaktet me agjentin e Lorik Canës, që është i ati i tij Agimi. “Venger nuk duket i kënaqur që mori Flaminin disa sezone më parë dhe tani kërkon të bëjë të tijët futbollistë të tjerë të Olimpikut të Marsejës”, thuhet në një koment në sitin football.fr. “Pasi tentoi të merrte Riberi, duke i bërë të ditura atij anët pozitive të Arsenalit me anë të Tieri Henri si edhe duke i bërë oferta joshëse talentit Nasri, Arsen Venger tani është vënë në sulm edhe për Lorik Canën, duke negociuar me babanë e tij për ta marrë mesfushorin që në muajin qershor. Flitet për shumën e 200 mijë eurove në muaj”, shkruhet më tej në komentet e bëra për Lorik Canën. Gjithsesi, klubi marsejez nuk duket i gatshëm për t’u privuar nga një prej mesfushorëve më të mirë të Ligës së Parë franceze dhe joshja e parë për Lorik Canën pritet të jetë ajo e shiritit të kapitenit sezonin e ardhshëm. Mesfushori i përfaqësueses kuqezi ka qenë kapiten në takimin e luajtur dy ditë më parë ndaj Lorientit, por vitin tjetër duket se do të jetë zgjedhja e parë për këtë rol nga trajneri Albert Emon dhe nga tifozeria marsejeze.

Marseja
Edhe në rast se Arsenali do të paraqitet me një ofertë konkrete për Lorik Canën, klubi francez ka ende “armë” për të mbajtur në organikë edhe për dy vjet të tjera shqiptarin. Përveç premtimit për ta bërë kapiten të ekipit më të madh të Francës vitin tjetër, drejtuesit pritet të përfitojnë edhe nga një borxh që Arsenali i ka këtij klubi që në rastin e transferimit të Methju Flaminit për në Londër dy sezone më parë. Mbrojtësi që kaloi në “Hajbërin” e dikurshëm si një talent premtues, tashmë është kthyer në një nga lojtarët më të kërkuar të Premier Ligës dhe një nga shtyllat e Arsenalit. Gjithsesi emri i një klubi të madh si ai londinez mund ta joshë Lorik Canën, i cili në një intervistë për “Gazetën Shqiptare” rreth 10 ditë më parë u shpreh se karakteristikat e tij përputhen me ato të futbollit anglez. Por “beteja” për kartonin e tij, duket se do të zhvillohet në verë.

[strong_07]

Cana, kapiteni, i vetëm, i vërtete...

Tifozët e Olimpikut të Marsejës mendojnë se kapiteni i vërtetë i Marsejës është Lorik Cana. Ata kanë dhënë mendimet e tyre në forumet e internetit, dhe një prej tyre Albania-Sport e ka marrë nga faqja football.fr.

“Beye është një element i rëndësishëm i mbrojtjes së OM. Për më tepër që është dhe kapiten, por këtë sezon për të thënë të vërtetën ka qenë në lartësinë e duhur e përgjegjësisë së tij; por nga ana tjetër, unë konsideroj se i vetmi që mund të shprehë shpirtin e klubit është Lorik Cana. Për mua, Lorik është kapiteni natyral i OM. Unë jam që ai të mbajë shiritin. Mundet, që kështu , OM të rigjejë shpirtin e tij dhe kulturën e të fituarit”., shkruan një nga tifozët në faqen franceze.

[strong_07]

Lorik Cana : "Kemi ende shanse për Champions!"

-Lorik Cana edhe një herë tjetër është kthyer në personazhin mediatik më të kërkuar. Pas intervistës së tij dhënë për faqen zyrtare të klubit të Marsejës, shqiptari ka dhënë një tjetër intervistë të publikuar në gazetën të rajonit të Marsejës, “La Provence”. Futbollisti ndërkombëtar shqiptar u ka bërë thirrje shokëve të tij për ta mbyllur në mënyrën sa më të mirë sezonin: “Kam përshtypjen se nuk kemi nxjerrë ende mësime nga gabimet e mëparshme në përqendrimin e lojës. Nuk na lejohet të pësojmë gola ashtu siç pësuam ndeshjen e mëparshme”. Cana flet edhe për situatën në ekipin e Marsejës. “ Qysh prej fillimit të sezonit po tregojmë se jemi një ekip jo konstant, të aftë për të bërë gjëra të jashtëzakonshme, por dhe të gabojmë në mënyrë qesharake.

E gjitha koi për mungesën e pjekurisë dhe mentalitetit. Një klubi të tillë si Marseja duhet të jetë i pajisur me një mentalitet fituesi”. Cana vazhdon edhe me synimet e Olimpikut të Marsejës në kampionatin francez për të marrë një nga vendet që të çon në Ligën e Kampioneve. Marseja ka pësuar 12 humbje në kampionat. “Sinqerisht, është anormale që një ekip si OM të ketë arkivuar deri në prag të javës së 31 të Ligës 1, një bilanc prej 12 humbjesh dhe 6 barazime, dhe të gjitha këto në një kampionat shumë mesatar. Gjithsesi kemi akoma shanse për të mos qenë të distancuar. Gjithçka është e mundur. Olimpiku i Marsejës nuk duhet të humbasë një mundësi tjetër për të marrë trenin që të çon në Ligën e Kampioneve. Në rast se nuk do të ndodhë kjo, me gjithë stabilitetin e drejtuesve, gjithçka do të shpërthejë në fund të sezonit. Tifozët tanë nuk e meritojnë këtë”, përfundon Lorik Cana, para ndeshjes me Lilë.

[Davius]

Cana, duel Marsejë-Arsenal

Francezët duan rinovim, por varet nga Liga e Kampioneve

Lorik Cana është prej disa javësh në tratativa për të rinovuar kontratën me Lorik Canën dhe dje ka pasur një tjetër tentativë nga ana e klubit për ta bindur shqiptarin që ta zgjasë deri në 2009 marrëveshjen që skadon në qershor të 2008.

Megjithatë sipas të përditshmes franceze “La Provenze” Arsenali është i gatshëm t’i japë dyfishin e asaj që i ofron Marseja Canës aktualisht. Klubi francez duket se nuk i ka bërë ndonjë rritje të ndjeshme pagës së lojtarit dhe kjo mund të shfrytëzohet nga Arsen Venger që është në gjurmët e shqiptarit prej shumë kohësh. Mesfushori i Kombëtares shqiptare merr rreth 25 mijë euro në javë, ose 1.3 milionë euro në sezon, por sipas medias franceze kaq nuk mjafton që klubi marsejez ta bindë xhevahirin e tij që të qëndrojë edhe vitin tjetër në këtë skuadër, sepse “topçinjtë” e Londrës ofrojnë dyfishin. Lorik Cana është shndërruar në një nga lojtarët kyç të Marsejës, madje edhe trajneri i kësaj skuadre Albert Emon e ka cilësuar shqiptarin si liderin e ri të grupit që ai drejton. Rendimenti i gjakovarit ka qenë në nivele të jashtëzakonshme këtë sezon dhe kjo ka bindur përfundimisht drejtuesit e klubit marsejez që të insistojnë që lojtari të rinovojnë për skuadrën. Tratativat për zgjatjen e kontratës kanë filluar prej disa javësh, por Cana është në pritje të përfundimit të sezonit. Shumë gjëra sipas tij do të varen nga renditja në tabelë e Marsejës. “Unë jam në tratativa me Marsejën për të rinovuar kontratën – është shprehur Cana. – Deri tani ende nuk kemi arritur në konkluzione, megjithëse bisedimet kanë ecur mirë. Mendoj se do të jetë shumë e rëndësishme sigurimi i një vendi në Champions. Nëse nuk e arrijmë këtë atëherë nuk përjashtohet mundësia se edhe mund të largohem”.

Media franceze aludon se këmbëngulja e Marsejës për të rinovuar kontratën me Lorik Canën ka për qëllim që të përfitojë sa më shumë nga ndonjë shitje e mundshme e shqiptarit, se sa kujdesi i saj për të mbajtur një nga lojtarët më të mirë edhe për sezonin tjetër. Lorik Canës i skadon kontrata në qershor të vitit 2008 dhe rrezikon të largohet nga Marseja me parametra të ulëta. Për t’u siguruar që kjo të ndodhë menaxherët e klubit francez dëshirojnë që të zgjasin kontratën me të. Në këtë mënyrë Arsenali apo ndonjë klub tjetër që kërkon shërbimet e shqiptarit duhet të përgatitet se duhet të derdhë një shumë të konsiderueshme në arkat e Marsejës për të marrë shërbimet e Canës.

Skeda

Emri: Lorik
Mbimeri: Cana
Data e lindjes: 27.07.1983
Gjatësia: 187 cm
Pesha: 77 kg
Skuadra: Olimpik Marsejë
Numri: 19
Pozicioni: Mesfushor
Karriera: Lozanë, Paris Sg, Marsejë
Gola: 2

Gazeta PANORAMA

[Davius]

Tifozët në kor: Cana është si Gatuzo

Të gjithë të gëzuar pas lajmit se futbollisti po bisedon për rinovimin

Lorik Cana tashmë është një lojtar i padiskutueshëm për Olimpikun e Marsejës dhe drejtuesit e skuadrës po bëjnë gati për të një përmirësim të ndjeshëm të kontratës, me shpresën që ta mbajnë atë deri në vitin 2010. Mesfushori i përfaqësueses shqiptare është kthyer në liderin e marsejezëve dhe ndonëse nuk mban shiritin e kapitenit në krah, me paraqitjet e tij ka treguar se është i pazëvendësueshëm. Normalisht, lajmi i fillimit të bisedimeve për rinovimin e kontratës ka kënaqur më shumë tifozerinë e kësaj skuadre që e ka përzgjedhur shqiptarin si imazhin e saj, ndërsa e vlerësojnë si mesfushorin më të mirë mbrojtës në Francë, duke e krahasuar me italianin Gatuzo.

Presidenti i Olimpikut të Marsejës, Pape Diuf, ka deklaruar dje në faqen zyrtare të klubit se rinovimi i kontratës me Canën ishte një gjë krejtësisht logjike. "Zgjatja e kontratës së Lorik Canës është çështje kohe. Jemi shumë të kënaqur me paraqitjen e tij, ndërsa edhe Loriku është i lumtur me eksperiencën në radhët e këtij klubi dhe në këtë qytet. Nëse të dy palët bien dakord mbi këtë pikë, mendoj se bëhet gjithçka më e thjeshtë dhe zgjatja e kontratës do të vijë shumë shpejt. Deri kur do të jetë ajo? Këtë do ta vendosim ne dhe ai në një bisedë të gjatë duke parë të mirën e të dy palëve. Ne kemi vendosur që të takohemi, por nuk besoj se ka nevojë që të ngutemi, do të bëjmë gjithçka në kohën e duhur", u shpreh presidenti i Olimpikut të Marsejës. Sipas mediave franceze, Diuf po mundohet që të zgjatë edhe një vit më shumë kontratën që përfundon në vitin 2009, duke u nisur sidomos nga fjalët e trajnerit Albert Emon. Ky i fundit e ka cilësuar shqiptarin si shtyllën e skuadrës dhe një futbollist me një rritje të vazhdueshme në lojën e tij. "Ai është një lider, përveç faktit që luan 95 minuta në një ndeshje dhe që është konstant në lojën e tij gjatë kësaj kohe. Ai ka arritur të përmirësohet dhe të bëhet më i matur në lojën e tij, luan me më shumë inteligjencë, duke u menduar më shumë për veprimet e tij. Është e vërtetë që është zhvilluar shumë, por mund të bëhet edhe më i fortë në të ardhmen", deklaroi Emon. Por ky i fundit nuk është i sigurt nëse lojtari do të vazhdojë tek Olimpiku i Marsejës nëse skuadra nuk kualifikohet në Ligën e Kampioneve në sezonin e ardhshëm.

Ndërkohë, tifozeria e Olimpikut është në delir pas lajmit për bisedimet. Në forumet më të rëndësishme, Cana vlerësohet si mesfushori më i mirë në kampionatin francez, ndërsa nuk mungojnë as krahasimet me Xhenaro Gatuzo. Sipas tifozëve, në 2-3 vitet e ardhshme, Cana do të kthehet në futbollistin më të mirë të këtij roli në botë dhe klubi duhet të mendojë për të afruar yje të tjerë apo për të krijuar mundësinë që të përfitojë më shumë ekonomikisht nga një shitje e mundshme e tij.

Gazeta Shqip

[visari9]

Cana, duel Marsejë-Arsenal

Francezët duan rinovim, por varet nga Liga e Kampioneve

Lorik Cana është prej disa javësh në tratativa për të rinovuar kontratën me Lorik Canën dhe dje ka pasur një tjetër tentativë nga ana e klubit për ta bindur shqiptarin që ta zgjasë deri në 2009 marrëveshjen që skadon në qershor të 2008.

Megjithatë sipas të përditshmes franceze “La Provenze” Arsenali është i gatshëm t’i japë dyfishin e asaj që i ofron Marseja Canës aktualisht. Klubi francez duket se nuk i ka bërë ndonjë rritje të ndjeshme pagës së lojtarit dhe kjo mund të shfrytëzohet nga Arsen Venger që është në gjurmët e shqiptarit prej shumë kohësh. Mesfushori i Kombëtares shqiptare merr rreth 25 mijë euro në javë, ose 1.3 milionë euro në sezon, por sipas medias franceze kaq nuk mjafton që klubi marsejez ta bindë xhevahirin e tij që të qëndrojë edhe vitin tjetër në këtë skuadër, sepse “topçinjtë” e Londrës ofrojnë dyfishin. Lorik Cana është shndërruar në një nga lojtarët kyç të Marsejës, madje edhe trajneri i kësaj skuadre Albert Emon e ka cilësuar shqiptarin si liderin e ri të grupit që ai drejton. Rendimenti i gjakovarit ka qenë në nivele të jashtëzakonshme këtë sezon dhe kjo ka bindur përfundimisht drejtuesit e klubit marsejez që të insistojnë që lojtari të rinovojnë për skuadrën. Tratativat për zgjatjen e kontratës kanë filluar prej disa javësh, por Cana është në pritje të përfundimit të sezonit. Shumë gjëra sipas tij do të varen nga renditja në tabelë e Marsejës. “Unë jam në tratativa me Marsejën për të rinovuar kontratën – është shprehur Cana. – Deri tani ende nuk kemi arritur në konkluzione, megjithëse bisedimet kanë ecur mirë. Mendoj se do të jetë shumë e rëndësishme sigurimi i një vendi në Champions. Nëse nuk e arrijmë këtë atëherë nuk përjashtohet mundësia se edhe mund të largohem”.

Media franceze aludon se këmbëngulja e Marsejës për të rinovuar kontratën me Lorik Canën ka për qëllim që të përfitojë sa më shumë nga ndonjë shitje e mundshme e shqiptarit, se sa kujdesi i saj për të mbajtur një nga lojtarët më të mirë edhe për sezonin tjetër. Lorik Canës i skadon kontrata në qershor të vitit 2008 dhe rrezikon të largohet nga Marseja me parametra të ulëta. Për t’u siguruar që kjo të ndodhë menaxherët e klubit francez dëshirojnë që të zgjasin kontratën me të. Në këtë mënyrë Arsenali apo ndonjë klub tjetër që kërkon shërbimet e shqiptarit duhet të përgatitet se duhet të derdhë një shumë të konsiderueshme në arkat e Marsejës për të marrë shërbimet e Canës.

Skeda

Emri: Lorik
Mbimeri: Cana
Data e lindjes: 27.07.1983
Gjatësia: 187 cm
Pesha: 77 kg
Skuadra: Olimpik Marsejë
Numri: 19
Pozicioni: Mesfushor
Karriera: Lozanë, Paris Sg, Marsejë
Gola: 2

Gazeta PANORAMA

edhe pse të gjithë Shqiptarët kan deshirë që Lorik Cana të vije në Arsenal aja gjë nuk do të ndodh edhe pse spiunet e Arsenalit janë prezent në qdo lojë kur luan Lorik Cana , Arsenali as njeher nuk i ka bërë ofert konkrete Lorik Canës por vetum flitet në gazetat Shqiptare dhe as njëher në webin kryesor të Arsenalit

[Gerrard]

Pershendetje!!

Monaco vs Marseil 1 - 2.

Lorik Cana tregon dhe njeher qe eshte lider i ekipit, duke ndihmuar ne repartin e mbrojtjes dhe ate te mesfushes. Mendoj se Lorik Cana duhet te levizi ne rast e Marseilla nuk arin te luaj ne Champions League. Arsenali do ishte ekipi ideal ku mund te luante, pasi ka nje Trainer Francez qe ben nje loje po thuaj se identike si ne ekipet Franceze.

Shpresoj qe te arrij majat si Futbollist dhe ta coj me lart emrin e Shqiptareve.

Kalofshi Sa Me Mire

T-B