Mahmut Bakalli

[Ari-Intimidator]

Mahmut Bakalli, ish lider i larte i Partise Komuniste te Kosoves, dhe njeri nga udheheqesit e Kosovareve gjate periudhes se Autonomise se bashku me Azem Vllasin. Tash, Mahmut Bakalli eshte parlamentar i pavarur ne qeverine e Kosoves.

a eshte e dobishme pjesmarrja e tij ne arenen politike te kosoves? Sa ka efekt pjesmarrja e tij? NEse ka, atehere pse dhe pse jo?

[lum lumi]

Bakalli nuk është deputet i pavarur në Parlamentin e Kosovës, por i takon grupit parlamentarë të AAK-së dhe nuk bënë pjesë në qeveri.

[Albo]

Do te ishte mire qe kur hapni nje teme te tille mbi nje figure ta shoqeronit ate edhe me nje kurrikulum jete te shkurter, ose ndonje artikull nga vete personi ne fjale. Ne kete menyre do te kishim mundesi te gjithe te gjykonim botekuptimin e personit ne fjale.

Personalisht nuk e di kush eshte personi ne fjale por kjo nuk do te thote qe nuk jam i interesuar te mesoj me shume per te.

[Ari-Intimidator]

Mahmut bakalli ishte kryetar i partise komuniste te Kosoves dhe kryetar i Kosoves deri ne periudhen e vitit 1981. pas vitit 1989, ai pothuajse se u zhduk nga jeta politike ne kohen kur LDK se bashku me Ibrahim Rugoven dalin ne sken. Mirepo dhe pse si nje ish-udheheqes komunist, ai nuk u morre me kete ideologji pas shkaterrimit te jugosllavise. Ne vitin 1998, pas protestave studentore, bakalli se bashku me Rugoven, takohet me z. Gelbard. Pas luftes, ai perseri behet aktiv, dhe ne vitin 2002, me duket ne Prill, Bakalli emerohet si deshmitari i pare ne Hage kunder Milloshevicit. Lidhur me shfaqjen e tij si deshmitare ne Hage, ka pasur mendime te ndryshme.
Tash eshte deputet ne parlament i mbeshtetur nga AAK.
Ja nje prej atyre mendimeve

Nga Naim Balidemaj

Politikanët e vjetër shqiptarë të nomenklaturës vetëqeverisëse titiste, edhe sot e kësaj dite vuajnë nga sindromi i inferioritetit ndaj ish padronëve të tyre në Beograd. Kjo u vërejtë gjatë dëshmisë së Mahmut Bakallit në Hagë, i cili dukej i hutuar dhe i pa përgaditur për një ballafaqim të denjë me kryekasapin e ballkanit. Millosheviqi edhe njëherë dëshmoi se pas tij është i tërë llumi serb duke filluar nga Sinodi Shenjtë i Kishës Pravosllave Serbe, Akademia e Shkencave dhe Arteve të Serbisë dhe dora e hekurt e pushtetit serb-armatë-polici. Do të përqendrohem vetëm në disa replika konkrete. Në pyetjen e Millosheviqit për implikimin e terrorizmit islamik dhe rrethit Al-Kaida në Kosovë, Bakalli përgjigjet naivisht se nuk di asgjë. Është shumë e vërtetë se fundamentalizmi islamik është i implikuar thellë me politikën serbe dhe këtë është dashur ta dij Mahmut Bakalli, mbase që në kohën e Titos e deri në ditën e sotme, Jugosllavia dhe Serbia kanë kultivuar marëdhënje të mira me shtetet të cilat propagandojnë terrorizmin. Jugosllavia, si e tillë është vendi i përkrahjes më të madhe të këtyre organizatave shkatërruese dhe anti-njerëzore. Ndërsa sot Millosheviqi, sipas këshillave të disa popave kriminel serb, del "mbrojtës i vlerave dhe qytetërimit të krishterë", gjatë dëshmisë së tij thjeshtë demagogjike por efektive për të deskridituar dëshmitarin e parë nga Kosova. Armata Jugosllave dhe kreu i saj prej kohësh kanë pasur lidhje të fshehta me talibanët. Këtë e kanë dëshmuar edhe disa informacione ndërkombëtare të cilat e dijnë se, Osama Bin Laden ka qenë mysafirë i shpeshtë i Beogradit për të lidhur kontrata mbi blerjen e armëve dhe nga këto marrëveshje për para të majme Armata Jugosllave për vite me radhë ka furnizuar rrjetin Al Kaida me armë të ndryshme të prodhuara në uzinat e Serbisë. Nga fundi i viteve të tetëdhjeta, para shkatërrimit të Jugosllavisë së dytë, kur në krye të Serbisë ishte Millosheviqi, disa Slloven, Janez Jansha, Franci Zaverll, etj. publikuan në "Mladina" lidhjet e Armatës Jugosllave me organizata të ndryshme terroriste me theks të veçantë me disa islamike. Ky fakt mund të shërbente si bumerang për Millosheviqin. Gjatë luftës në gjiun persik, Millosheviqi shumë herë me krenari është krekosur për aftësitë e tankut të prodhimit jugosllav që ishte në duart e Sadam Huseinit si armë e sofistikuar jugosllave. Jo vetëm Tankset jugosllave, por edhe aeroplanët luftarak jugosllav ishin armë e fortë e Sadam Huseinit. Njëkohësisht, Serbia dhe Jugosllavia e Millosheviqit, vite me radhë nëpër akademitë ushtarake jugosllave shkolluan me mijëra oficierë të lartë të Irakut. i vetmi vend që përkrahu Irakun gjatë luftës ishte Millosheviqi dhe Jugosllavia e tij. Në kohën e Millosheviqit, është dëshmuar edhe një rast tjetër i terrorizmit ndërkombëtarë me emblemën e Jugosllavisë. Aeroplani i rrëxuar në Angli, në vitin 1989, ku humbën jetën disa qindra vetë, kishte të kurdisur bombën nga prodhimi i Kragujevcit. Mirëfilli dihet se prodhimi i armëve është nën mbikqyrjen direkte të shtetit dhe këto armë nuk mund të gjenden në treg të konsumit të gjerë, pa implikimin e thellë të aparatit shtetëror, në këtë rast terrorist jugosllav. Pra, Jugosllavia e Millosheviqit vite me radhë furnizonte dhe prfeksiononte terrorizmin ndërkombëtarë. Përveç Rusisë, vendi tjetër në botë që ushtarakisht përbën bërthamën e Moamer Al Gadafit, është Jugosllavia e Millosheviqit. Edhe sot e kësaj dite ekspertët e Armatës Jugosllave janë ekspert nëpër kampet ushtarake të këtij kasapi të shkretëtirës, me të cilin Millosheviqi deri në arrestimin e tij mbante lidhje të përafërta dhe shumë miqësore. Libia, Iraku, Afganistani, si shtete të fundamentalizmit islamik ishin aleatët natyror të Millosheviqit, kundër vlerave dhe demokracisë botërore. Këto shtete ishin përkrahëse morale dhe materjale të Millosheviqit, ndërsa ky për shpërblim i furnizonte me armë të llojeve të ndryshme. Gjatë luftës në Kosovë, në radhë të armatës dhe policisë serbe, përveç mercenarëve rus, ukrainas, bellorus, kishte mjaft militant nga radhët e Gadafit, Huseinit dhe Bin Ladenit, të cilët në emër të luftës kundër qytetërimit përendimor, vepronin me forcat militare dhe paramilitare serbe në Kosovë. Derisa Ushtria Çlirimtare e Kosovës, nuk ka pranua në radhë të veta askend që nuk e pranon emblemen dhe rregullat luftës të parashtruara nga drejtoria politike e saj. Sa i përket akuzës së Millosheviqit për implikimin e UÇK-së me tregëtinë e drogës, është vetëm një truk, për të hedhur gurin e fshehur dorën. Dihet mirëfilli se Jugosllavia e Millosheviqit, por edhe para tij, ka qenë eksportuesja më e madhe e drogës rrjeti i së cilës ka arritur deri në Kolumbia. Diplomatët jugosllav, me pasaporta diplomatike, gjithmonë i kanë pasur të mbushura valixhet me droga të ndryshme dhe ky kriminalitet është organizuar nga vetë shteti jugosllav, boss i së cilës ka qenë Millosheviqi. Në vitin 1989, në Çikago është zënë në aeroport një diplomat jugosllav me valixhen plot heroinë. Ky fakt dëshmon qartë se kush është marrë me drogën dhe shpërndarjen e saj në të gjitha pikat e globit. Një nga bashkëpuntorët e sigurimit jugosllav, i angazhuar në tregëti drogash, padyshim është edhe Daut Kadrioski, i cili Jugosllavisë i ka sjellë fitime të mëdha. Millosheviqi, i bazuar vetëm në gënjeshtra, tha se "shqiptarët kanë filluar të shpërngulen nga Kosova vetëm pas fillimit të bombardimeve nga ana e NATO-s. Bakalli, ose harroi, ose nuk e di, se gjatë periudhës dhjetë vjeçare të Millosheviqit, përmes formave të ndryshme represive, në formë të heshtur nga Kosova janë shpërngulur mbi gjashtëqind mijë shqiptarë. Vetëm gjatë vitit 1998 gadi e tërë Drenica ka qenë e shpërngulur nga vatrat e veta. Fenomeni Bllacë-Stankovec, nuk ka zgjatur vetëm njëzetekatër orë siç pretendon Millosheviqi, por ka qenë një marrëveshje e fshehtë mes Millosheviqit dhe Gligorovit për koridorin e njohur të shpërnguljes së shqiptarëve nga Kosova për në Shqipëri. Janë fakte të gjalla, ku policia dhe armata serbe, të shpërngulurve me dhunë ua kanë konfiskuar dhe asgjësuar të gjitha dokumentet personale. Duke përdorur trendet aktuale të politikës ditore, Millosheviqi pretendoi ta njollosë UÇK-në me pretekst se ajo paska vrarë qytetarë shqiptarë. Ndërsa, Bakalli duke menduar se është në ndonjë mbledhje të aktivit të Lidhjes Komuniste, "dëshmoi" se mund të ketë pasur raste të tilla individuale. Jo, shoku Mahmut, ato nuk janë raste individuale, por me ligjet e luftës kolaboracionistët dënohen. Dënimin e merituar e morën edhe ata "shumarë" dhe spijuj të Serbisë. Ata qytetarë shqipfolës ishin bashkëpuntorë të Millosheviqit dhe parapërgaditës të terrenit për "tokën e djegur". Sa i përket Hashim Thaçit dhe nofkës së tij "gjarpëri", është një fakt se në mitologjinë ilire të ruajtur deri më sot, tek shqiptarët gjarpëri është simbol I rojes së shtëpisë. Hashim Thaçi si njohës i mitologjisë shqiptare, këtë nofkë figurativisht ia dha jo vetëm vetes por tërë UÇK-së, sepse UÇK-ja vërtetë ishte roje e shtëpisë, roje e Kosovës. Dëshmitarët nga kosova kanë shumë adute në duart e veta, e kanë arsyen mbi të keqen, pavarësisht se disa ish politikanë të vjetër kanë humbur orientimin shumë kohë më parë.

[Brari]

BALIDEMAJ ca gjera i ka mire por...

...Akuzat per "fondamentalizem islamik" nuk mjafton ti luftoje Bakalli.
Balidemaj ka te drejte qe ja kerkon pse Bakalli nuk i sqaroj kto gjera ne HAGE..
Mirpo duhet te dime se ne Hage nuk te lejojne te grish shum Sallate.
Balidemaj luften kunder propogandes SERBE per gjoja "fondamentalizem islamik "ne UCK e Kosove duhet tja kerkoje THAQIT te cilin nga Gjarper e ben "Lion King" , Simben e KOSOVES.
Pse e them kete.
Sepse akuzat me serioze per implikime "fondamentaliste islamike" ne Shqiperi e trojet shqiptare i ka popullarizuar PS gjate kohes se Saliut dhe me vone Fatos Klosi miku i Thaqit.
Ishte Klosi, kur erdhi ne pushtet qe ne Londer akozoj se ka "terrorizem islamik" ne Hapsirat Shqiptare dhe per cudi keto dite mbasi Klosi deshtoj ne Arratisjen e tije dolen nga Londra Alarmi per terrorizem islamik ne Veri te Shqiperise..
Une i lidh keto gjera....qofsha i gabuar..
................

Mahmut Bakalli ka merita ne periudhen Titiste qe shfrytezoi momentet per futur ne Kosove fonde per zhvillim. Mjafton te permendim universitetin e prishtines..Elektranen etj objekte industriale e kulturore qe ishin baza per ekonomine dhe Kulturen e Kosoves.
Ta dine te gjithe qe Kosova nuk lindi me 81 me demonstratat e as me daljen e maskave te UCK-se..
Kosova mir ose keq ka pasur njerez qe kane punuar..ne cdo kohe..
Me kostum te Musolinit ose Hitlerit te Titos ose LDK-..gjithmone dikush ka punuar e dikush ka grire sallate.
Natyrisht ne kohen e demonstratave tye 81.. Enveri tha.."mahmut Bakalli-Mahmut Cakalli"..kjo mjaftoi qe per dekada rresht M.bakalli te ishte armik i enveristeve te kosoves..
Enveristet e kosoves kane nji mentalitet te cuditshem..
sikur enveri ose ramizi ose Mejdani e Nano te thone.."kosovar hani m-ut" ata te nesermen do thone.."ka than baca enver ose ramiz ose fatos ju baft mir Pasuli"...lol.
Kjo u vu re kur Qosja ne rastin e Kretes tha "no koment" ose ne rastin e Rugoves ne Hage...enveristet nuk pranojne suksesin e Rugoves por shpifin.. nejse..dihen kto gjera..

Ne se ndonji Enverist e afron Bakallin (haradini esht gjys ramizisti me duket) kete e bejne me sugjerimet e Tiranes.
PS kur pordhi ndrroj taktike. Dikur taktika ishte..enveristet ishin kunder titisteve..Kohet ndryshuan..per PPSH-ne
Ajo hoqi dore nga lufta kunder "armiqve revizioniste titiste te brendshem e te jashtem" etj..dhe ndezi drit jeshile per te gjithe per te forcuar Partine ne Kohen pluraliste dhe nga kjo paten rezultat..
Nji shembull me kete...Tos lubonja nga i burgosur i PPSH-se ne Monizem u be vegel e PS (PPSH-se ne pluralizem.
Edhe ne Kosove psh.. PPSH mbas pordhjes me 90-ten (mbasi i kish ne xhep katundaret enveriste te Diaspores) i afroi dhe ish titistet qytetare te Kosoves..
Prandaj nuk cuditem kur shikoj DEMACin--ish enveristin..me Bakall titistin..ose IMAM arbenat me veton Surrot.etj..ose Berishen kur takon Thaqin..ose METEN kur takon Titiste...jane reminishenca te vjetra e taktika te reja kto.
nesje..no pr.
Haradin ramiz-isti pra prej kesaj taktike besoj eshte i afruar me Bakallin.

Natyrisht afrimi i Bakallit me Haradinajt eshte ndoshta dhe rezultat i nji politike te mbyllur te vet LDK-se e cila si parti e Shumices ne Kosove bart dhe nji vaporr me Enverista brenda te cilet me kohe hedhin shqelma..sic jane lloji i hidajet hysenit e Jakup Krasniqit e plot tjere..

LDK duhet te ri-freskohet e te thithe cdo intelektual te kosoves pamvaresisht nga e kaluara Titiste sepse koha e nji fronti te madh kunder Serbise nuk ka ikur dhe ne kte lufte qe nuk i dihet sa e gjate do jete duhet te gjithe te jene "BRENDA" e te punojne.

................
Mahmut Bakalli nuk shkelqeu ne gjyqin e Hages.
Arsye pse ai nuk shkelqeu eshte per mua, fakti se ai u perpoq te behet avokat i UCK-se.
Ne fakt ne Hage duhet roli i avokatit te popullit, avokatit te Kosoves.
Ne Hage duhet mbrojtur e drejta e Shqiptareve qe te kene Shtetin e tyre ne Kosove dhe kjo e drejte nuk duhet te ngaterrohet me mbrojtjen e X ose Y force politike te Kosoves.
Rugova u perqendrua ne raportin Ushtri e Serbise-Popull i Kosoves.
Ai foli pak dhe sakte dhe fitoi mbi Sllobodanin.
Mahmuti desh te flas shume e ju be per lume.
Mahmuti u perpoq te jete avokat i uck-se se Haradinajt.
Ne kontekst te ligjeve nderkombetare e normave juridike e vetmja pike ku kapet Sllobodani per tu mbrojtur eshte veprimtaria e UCK-se.
Aty ai gjen argumenta nga i cili ai del mbi uje sa here gjendet perballe deshmitaresh injorante pa pergatitje juridike.
Pse kapet ai tek UCK-ja?
Sepse UCK-ja (pamvaresisht se ishte e perbere nga luftetare qe shkuan ne UCK me qellimin fisnik e te drejte per te Mbrojtur popullin nga genocidi 150 vjecar Serb) beri veprime te cilat jo vetem ne kohen e "luftes" por dhe ne gjyq te Hages cuan uje ne mullirin e Serbise dhe kjo fale vijes staliniste te Shtabit te Uck me ne krye "gjarperin" Thaqi e dhelpren haliti..
Vija staliniste ve ne plan te pare "qerimin e hesapeve me armikun e brendeshem" dhe kjo beri qe UCK te formohet jo si Force Ushtarake qe ka qellim te perballohet me Ushtrine Serbe por si levizje guerile e tipit Kolumbian ose Che guevarist e Enverist.
Psh Sllobo kapet tek disa atentate qe uck i bente Rugovistave ose ca vrasje rojesh pylli ose policesh lokaliteti dhe justifikon me kete shum bukur arsyet e futjes se Policise e Ushtrise tije ne Loje.
Ne fakt Sllobo kur fut ushtrine nuk kishte aspak qellim te kapte Thaqin apo Jakupin.
Sllobo duke perfituar nga strategjia Staliniste e Thaq-Jakupit (qe ja ha ***** armikut dhe ja ben sherrin popullit te vet, ose sic thote populli.."qeni keq ta sjell ujkun ne torishte") vuri ne jete strategjine e vjeter Serbe per pastrim total te Kosoves nga Shqiptaret.
Rast me fatlum e me te begate nga pikpamja e te justifikuarit te Terrorit shteteror ndaj nji populli qe i erdhi Serbise me shpalljen pompoze te UCK-se nga disa tru-peshq nuk kish ku te shkonte ma.
Propoganda UCK-iste ishte thesar per Beogradin.
Beogradi nuk kish nevoje fare te gjente pretekse..
Vet TVSH dhe mjetet e tjera qe perdorte Levizja marksiste-enveriste per gjoja popullarizimin e UCK-se sherbenin vetem qellimit final te Serbise..PASTRIMI I KOSOVES nga Shqiptaret.

Shpjegimi qe ky Balidema lart i ben Nofkes THAQIT "gjarperi" si roje e shtepise dhe popullit i ngjan shpjegimeve te Qoses kur justifikon Rebelet dhe lideret e tyre "tre gisht-ore" ne djegjen e Shqiperise.
Pallavra qe i hedh poshte vet realiteti i asaj "lufte" te cilen e kemi te fresket ne Kujtese.
Per THAQIN dhe Shtabin e propoganden e tyre te Komunikatave vlen vetem ky shpjegim qe jep populli ne Proverbin "qeni keq ta sjell ujkun ne Torishte".
QENi mire ..pra Roja i shtepise ose roja i bagetise largon ujkun ose e shqyen ate e ben cop cope e Qeni keq nuk e largon e as e shqyen ujkun po e bjen ne der te Shpise e vet ben ham-ham.


Sot nuk eshte Koha te merremi shume me persona te vecante por koha qe te gjithe ne kosove te mbajne nji qendrim.
Meqense personi me i sprovuar diplomatikisht eshte Rugova duhet lene atij hapsira e nevojshme per te mbajtur timonin.
Rugova eshte i qarte dhe i kujdeshem..

Ja nji shembull se sa bukur RUGOVA ben Diplomaci.

"Mesazhi i Presidentit Rugova për fushatën zgjedhore: Të kemi zgjedhje të qeta e të suksesshme siç u ka hije kosovarëve

Prishtinë, 10 shtator - Presidenti i Kosovës Ibrahim Rugova lidhur me hapjen e fushatës zgjedhore për zgjedhjet lokale të 26 tetorit me një mesazh iu drejtua popullit të Kosovës, duke u bërë thirrje qytetarëve, partive politike, iniciativave të qytetarëve dhe kandidatëve të pavarur, të kontribuojnë që të ketë një fushatë korrekte e tolerente dhe të ketë zgjedhje të qeta e të suksesshme siç u ka hije kosovarëve. "Tashmë kemi përvojë të mirë me zgjedhjet dhe kemi bindjen e plotë se do të kemi zgjedhje të mira. I bëjmë apel masmediave që të përkrahin fushatën, t'u japin shansë të prezentimit të debatit të gjithëve dhe të kemi zgjedhje të lira e të qeta", thuhet në mesazhin e Presidentit Rugova. "


Bakalli ne se punon ne kuadrin e parlamentarizmit le te punoje por ne se punon per Ramushin gabon..
Kosova ska nevoje per me ngrit KALA per Ramushin ose THAQIN..
Kemi nevoje vetem per ti ngritur Kalane..Pamvaresise.e miqesise me NATON askujt tjeter.


tung

Brari: largova nje pjese te materialit i cili ishte krejtesisht large temes. Mendimin tend lidhur me Rugoven mund ta shkruash ne temen kushtuar Ibrahim rugoves. MEgjithate, pjesen e tjeter te shkrimit per Bakallin, nuk e largova. Shpresoj se me kupton. Nuk kam deshire qe njerezit te devijojne prej temes. Kerkoj Mirekutpim.

[Ari-Intimidator]

Pra 'cfare mendoni per Bakallin.

[Ari-Intimidator]

Çfarë mund të dëshmojnë Rugova dhe Bakalli?
E postuar me Sunday, February 17 @ 20:13:31 CET nga kohadb
Në takimin sekret me Bakallin, shefi i policisë sekrete serbe, Stanishiq, i
ka porositur liderët shqiptarë se ata kanë dy zgjidhje: ose ta pranojnë
përfundimisht sundimin serb, ose ta lëshojnë Kosovën. “Në Kosovë kemi rreth
600 fshatra shqiptare dhe neve na duhen përafërsisht 3 muaj për t’i zbrazuar
ato”, ka thënë Stanishiqi

RIFAT BUZUKU
VJENË, 17 SHKURT -
Burime të afërta me Tribunalin e Hagës bëjnë të ditur se ndër dëshmitarët
kryesorë kosovarë në procesin gjyqësor kundër Slobodan Milosheviqit në Hagë,
janë kryetari i LDK-së, Ibrahim Rugova, dhe deputeti i AAK-së, Mahmut
Bakalli. Në intervistat e shumta të mbledhura nga zoti Rugova nga hetuesit e
Tribunalit të Hagës, sidomos për periudhën gjatë bombardimeve të NATO-s, kur
Rugova mbeti i mbyllur në Prishtinë, ka dëshmi që e ngarkojnë rëndë
Milosheviqin. Një pikë interesante në dëshminë e zotit Rugova do të jetë
“detyrimi nga të dërguarit e Milosheviqit për të udhëtuar në Beograd”. I
kërcënuar me vdekje ai dhe gjithë familja e tij, Rugova ishte detyruar të
paraqitej në zyrën e Milosheviqit në Beograd dhe të pozohej para kamerave
serbe duke shtrënguar duart. Rugova ka deklaruar më vonë se ai nuk kishte
çfarë të bisedonte me Milosheviqin, porse ishte sjellë atje me forcë.

Rugova i kërcënuar me Vdekje
“Me Milosheviqin nuk ishte e mundur të diskutosh; por ata donin që me
ndihmën time të manipulonin të vërtetën”, ka theksuar Rugova, në pikën rreth
vizitës së tij në Beograd në mesin e bombardimeve të NATOs kundër forcave
serbe, në pranverë 1999. Asokohe Rugova është detyruar të vërë nënshkrimin
në disa dokumente të parapërgatitura nga Qeveria serbe, përkatësisht nga
Milan Milutinoviqi. Kryetari i LDK-së di edhe shumë gjëra të tjera, që mund
ta ngarkojnë Milosheviqin për përdorim të metodave frikësuese kundër
“kundërshtarëve të tij”, si dhe për bisedimet rreth planeve serbe për ta
spastruar Kosovën etnikisht, në qoftë se shqiptarët nuk do t’i
nënshtroheshin autoritetit serb. Por nuk është vetëm zoti Rugova që mund të
dëshmojë qartë për planet e Milosheviqit për spastrimin etnik të Kosovës.
Ndoshta i vetmi që ka marrë guximin të shprehet publikisht, ishudhëheqësi i
Kosovës në vitet e autonomisë, Mahmut Bakalli, që në fillim të vitit 2000 ka
treguar për metodat që përdorte Milosheviqi për t’i frikësuar dhe nënshtruar
politikanët shqiptarë.

Takimet sekrete në Brezovicë
Tashmë ekziston një dosje në Hagë për ftesat për takime sekrete nga njerëzit
e Milosheviqit. Një prej të dërguarve të Milosheviqit për t’u komunikuar
liderëve shqiptarë dëshirat dhe planet serbe, ka qenë shefi i policisë dhe i
shërbimit të zbulimit të Milosheviqit, Stanishiq. Pasi më 1997 ishte vënë re
se shqiptarët nuk po mund të duronin më represionin në rritje e sipër të
regjimit serb, Milosheviqi kishte ndërmarrë disa hapa “seriozë” për ta
qetësuar gjendjen. Ndër ta ka qenë angazhimi me ndërhyrje indirekte, duke
përdorur një shoqatë të parëndësishme kishtare “Shën Exhidio” si gjoja
ndërmjetëse për zgjidhjen e brengave të shqiptarëve. Këso ndërmjetësimesh
janë bërë nën dirigjimin e drejtpërdrejtë të Milosheviqit, për t’i hutuar
shqiptarët dhe për ta mashtruar komunitetin ndërkombëtar. Në të njëjtën
kohë, duke përdorur Stanishiqin, Milosheviqi ka komunikuar tërthorazi me
politikanët shqiptarë në Brezovicë. Në kujtimet e zotit Bakalli tregohet që
në një nga këto takime Stanishiqi u ka thënë liderëve shqiptarë se ata kanë
dy zgjidhje: ose ta pranojnë përfundimisht sundimin serb, ose ta lëshojnë
Kosovën. “Në Kosovë kemi rreth 600 fshatra shqiptare, dhe neve na duhen
përafërsisht 3 muaj për t’i zbrazuar ato”, ka thënë Stanishiqi. Këso
mesazhesh kanë dëgjuar edhe politikanë të tjerë kosovarë, por deri tani
asnjëri prej tyre nuk është shprehur publikisht. Ndoshta tani që Milosheviqi
po duket se nuk është më në Beograd, por në Hagë, edhe të tjerët do të
marrin guximin dhe të flasin hapur.