Close
Faqja 3 prej 115 FillimFillim 123451353103 ... FunditFundit
Duke shfaqur rezultatin 41 deri 60 prej 2299
  1. #41
    me 40 hajdutë Maska e alibaba
    Anëtarësuar
    12-12-2005
    Vendndodhja
    Ne shpellen e pirateve
    Postime
    5,671
    Persa i perket emrave dhe mbiemrave, me mire ne Shqiperi se sa ne Kosove, Pasi po te shikosh emrat e kosovareve ke pershypjen se jane turq e jo shqiptare, mgjse kohet e fundit edhe ne Kosove po verehet nje priprje per te lene emrat muslimane duke i zevendesuar me emra te rinj me prirje shqiptare. Gje pozitive kjo.
    Pra shqiptaret kane nje prirje per te vene emra te huaj por kjo nuk do te thote qe nuk jane shqiptare! Shqiptar nuk te ben vetem emri por te ben kultura, sjellja dhe aktiviteti qe ti ben ndaj kombit.
    Në Kosovë ka mbiemra muslimanë por kjo nuk të bën turk megjithëse nuk e pëlqej mbiemnat musliman.Mbiemna musliman ka edhe ne shqipni, Enver hoxha,azem hajdari etj etj.
    A të duket turk Migjen Kelmendi?Kolë Berisha?etj
    Sa i përket emnav jena para juve se 80% e shqiptarve ktu n Kosov i kan emnat shqip e ilir.

  2. #42
    Shpirt Shqiptari Maska e Albo
    Anëtarësuar
    16-04-2002
    Vendndodhja
    Philadelphia
    Postime
    30,122
    Postimet në Bllog
    17
    Kane kaluar 7 vjet nga clirimi i Kosoves dhe kjo mendoj une ka qene kohe e mjaftueshme per cdo shqiptar qe te pertypi perdite realitetin, te meditoje pak mbi te ardhmen dhe te analizoje pak opsionet qe i dalin perpara. Dhe ai realiteti eshte i tille ku gjen dy popuj te ndare me nje kufi qe pretendojne te jene nje komb e nje popull, por flasin ndryshe, mendojne ndryshe, jetojne ne dy shoqeri ndryshe, nuk kane te njejtin zhvillim fizik, mendor e politik. Dy te perbashketat e medha midis dy popujve jane:

    a) Identifikimi si nje popull shqiptar.
    b) Mosnjohja e njëri-tjetrit.

    Dhe ne kushte te tilla, te gjithe ata qe flasin per nje "bashkim kombetar", flasin per te njejten gje por e perkufizojne shume ndryshe togefjaleshin "bashkim kombetar". Po ju rendis disa prej kuptimeve ne mendjet e shqiptareve qe shqiptojne ate togfjaleshin "bashkim kombetar":

    Si ta kuptojme bashkimin kombetar?

    - Bashkimi i trojeve shqiptare dhe shkrirja e kufijve.
    - Bashkim i dy shteteve ne nje federate shtetesh.
    - Bashkimi i forcave dhe imponimi me dhune fqinjeve.
    - Bashkimi me spond fale anetaresimit ne BE.
    - Bashkimi shpirteror, rikthimi ne identitetin e te pareve.

    1. Cudia me e madhe ne keto 7 vjet, ajo qe ka shokuar shume shqiptare nacionaliste eshte se shqiptaret e gjejne veten te lire, te lire per te vendosur per fatet e tyre, dhe ajo qe deri dje propogandohej si realizim i endrres shqiptare, bashkimi i trojeve shqiptare, edhe pse eshte mese i realizueshem pasi askush nuk na pengon, duket si nje enderr e rreme. Kush e pengon Kuvendine Kosoves apo Kuvendin e Shqiperise qe te kerkoje e realizoje, qofte edhe me nje njohje verbale te bashkimit te trojeve shqiptare?! Askush, por te dy palet nuk e bejne nje gje te tille pasi jane te ndergjegjshem se shqiptaret mund te jene nje popull i dale nga nje trung, por ata tashme jane dy dege te zhvilluara ne kushte historike te ndryshme. Dhe jo vetem ne syte e te huajve, por edhe ne syte e vete shqiptareve, keto dallime tashme jane shume te prekshme. Kadare do ti permblidhte kujtimet e tij te vitit 1999 si "Ra ky mort e u pame". Dhe ata 500 000 shqiptaret refugjate te strehuar ne Shqiperi dhe ata 3 milion shqiptaret e Shqiperise, e pane mbase per here te pare ne historine moderne sy me sy njeri-tjetrin. Mbase per here te pare te dy palet e kuptuan nga afer se sa ndryshe jane ndertuar jetet e tyre.

    2. Ka edhe nga ata shqiptare, qe pasi dorezohen perpara realitetit te "bashkimit te trojeve", hidhen ne idene tjeter te "federates shteterore". Dhe kjo eshte ide e thjeshte, nese nuk jemi ne gjendje qe te bejme nje bashkim fizik, le te bejme te pakten nje bashkim politik, le te krijojme nje federate te dy shteteve shqiptare. Por edhe kjo ide eshte vetem nje ide e bazuar mbi enderrime se sa mbi realitetin: a mund te ngrihet dot nje federate midis dy shteteve me te varfer te Evropes? A mund te ngrihet dot nje federate midis shtetit me te varfer te Evropes, Republikes se Shqiperise, dhe shtetit me te ri te Evropes, me eksperience zero ne shtetformim dhe dendesine dhe papunenesine me te madhe ne Evrope?! Cili shtet nderkombetar do te shpenzonte miliona per shkaterrimin e federates se sllaveve te jugut, Jugosllavise, per te perseritur te njejtin gabim dy here, krijimin e nje Jugoalbanie?! Cili shtet do te mbeshteste idene e federates kur edhe vete shteti me i fuqishem politikisht dhe ekonomikisht i Evropes, Gjermania, deshtoi ne unifikimin e saj nen nje federate?!

    3. Grupi i te forteve eshte ne te njejten kohe edhe grupi i kokebosheve shqiptare. Keta jane ata qe krijojne ushtri fantazma, organizata, shoqata qe marrin persiper "bashkimin e shqiptareve" ne "Shqiperine Etnike" me forcen e automatikut, plumbit, tritolit. Dhe keta kokeboshe jane me te vertete per te ardhur keq pasi jo vetem qe nuk ndihmojne gje, por minojne edhe autoritetin e institucioneve legjitime shqiptare, institucione qe jane zgjedhur me voten e lire te shqiptareve. Keta jane ata qe ose nuk e kane kuptuar ende qe shqiptaret jetojne ne liri, ose nuk u behet vone fare per lirine dhe voten e shqiptareve. Misioni i tyre nuk eshte aspak "bashkimi kombetar", misioni i tyre eshte rrembimi i autoritetit te institucioneve legjitime shteterore. Predikimi i vetem i tyre eshte urrejtja ndaj armikut te perbashket, packa se ky mund te jete edhe imagjinar ne kohe paqeje.

    4. Grupi i naiveve eshte grupi i atyre shqiptareve qe barazojne bashkimin kombetar me anetaresimin ne Bashkimin Evropian. Per kete kategori shqiptaresh, familja evropiane eshte me e rendesishme se familja shqiptare, dhe per ta rruga e evolucionit shqiptar eshte me e shkurter nese i biem nga Brukseli. Naiviteti i ketyre njerezve per mua eshte qesharak pasi teksa shoqerite e tjera evropiane po debatojne te shqetesuar mbi koston e globalizimit ne identitetin e tyre kombetar, shqiptaret jo vetem qe nuk e bejne nje debat te tille por e shohin influencen e globalizimit si nje gur barazpeshues te disbalancave shoqerore, politike, ekonomike midis trevave shqiptare. Ne nje menyre gati te pandergjegjshme ky grup beson se a) shqiptaret nuk jane te zote per asgje b) Bashkimi Evropian eshte shansi yne i fundit. Harrojne qe e pare ne nje kendveshtrim historik, Bashkimi Evropian eshte vetem nje ideologji, nje ideologji qe mund te ndryshoje ne forme nga komunizmi, por destinacioni final eshte i njejte.

    5. Ne grupin e peste une fus veten time. Une nuk besoj as ne nje "bashkim fizik" dhe as ne nje "bashkim politik", une besoj se ka vetem nje rruge per bashkimin kombetar dhe kjo rruge fillon atje ku e nisen te paret tane. Une nuk pyes se ku duhet te shkojme, pa marre me pare nje pergjigje nga vetja se prej nga vijme? Nese une e di prej nga vi, e kam te qarte edhe ku duhet te shkoj, apo jo? Une nuk jam shume i shqetesuar per identitetin evropian, ca me pak i interesuar per debatin e orientimit lindje-perendim, por jam shume i interesuar te marre pergjigjen e asaj pyetjes tjeter: Cili eshte identiteti shqiptar? Une jam nga ata shqiptare qe nuk irritohen kur shqiptaret mendojne e shprehen ndryshe, por gezohem kur shoh shqiptare te shprehin mendimin e tyre te lire, te fillojne te konsumojne lirine e tyre.

    Teksa akademike, shkrimtare e historiane te nderuar kerkojne te ndertojne nje "identitet shqiptar" ne te tashmen apo ne te ardhmen, une kerkoj qe te filloj te rindertoj atje ku te paret tane pushuan se ndertuari e rilindasit tane ndalen se iluminuari.

    Dhe mbi te gjitha, une nuk e kerkoj bashkimin kombetar as ne hartat politike, as ne dekretet e kuvendeve, une e kerkoj ne mendjen e zemren e cdo shqiptari. Nese cdo shqiptar do te konsumoje sic duhet lirine e tij te fituar per te rigjetur te verteten historike e shpirterore te te pareve tane, kjo do te sjelli ne vetvete nje ndergjegjesim te brendshem qe eshte me i fuqishem se cdo diktat apo force e ushtruar nga jashte.

    Ujrat e lumit turbullohen vetem ne kohe me shira te rrembyeshem dhe kullohen vetem kur qielli hapet dhe dielli shkelqen serrisht. Kur kjo ndodh, kaltersia e ujit te lumit eshte e tille sa reflekton edhe driten e diellit dhe kushdo qe ka syte ne balle mund te shohi nga lart edhe guret qe prehen ne fund te atij lumit.

    Kane marre fund tashme kohet me shirra e rrebesh per shqiptaret, sot eshte koha e dites me diell, koha ku secili prej jush eshte i lire te zbuloje misterin e te qenit shqiptar. Dhe nese ju do te shpenzonit ca me pak kohe per te bashkuar kombin me fjale dhe ca me shume kohe per te zbuluar misterin e te qenit shqiptar, misterin e qenies tuaj, nuk do te jete e larget dita qe do te kuptoni qe ate bashkim qe e kerkonit perreth jush e gjetet brenda jush. Ka vetem nje lloj uniteti qe i ka rezistuar kohes dhe historise se njerezimit dhe ky eshte uniteti shpirteror.

    Albo
    Ndryshuar për herë të fundit nga Albo : 30-10-2006 më 03:35

  3. Anetarët më poshtë kanë falenderuar Albo për postimin:

    Neteorm (09-06-2020)

  4. #43
    i/e regjistruar Maska e skampin
    Anëtarësuar
    12-01-2003
    Vendndodhja
    Spanjë
    Postime
    947
    deri tani politika nuk e ka thene fjalen e vet per bashkim per arsye te thjeshta
    evropa nuk do nje shtet te bashkuar Shqiptar dhe kush thote te kunderten se paska idene fare se per çfare po flet
    evropa e ka thene qarte dhe paster qe nuk ka bashkim te Kosoves me shtet tjeter.Bashkimi do ndodhi per mendimin tim mbas pamvaresis se Kosoves se atehere piqen kushtet per bashkim dhe sa per njerezit Shqiptaret andej dhe ketej kufirit nuk shof ndonje ndryshim aq te madh ndermjet nesh,deri dje nuk kishim pase maredhenie direkte por sot nuk shikoj ndonje ndryshim.e rendesishme qe ndjenja e te qenit SHQIPTAR na ben krenar te gjitheve.
    nje djal nga maqedonia(pa letra te rregullta) kur e ndaloi policia italiane e pyti se çfar je dhe ai ju pergjigj thjesht Shqiptar.te shkretin e kthyen ne Shqipni se e morem per nenshtetas Shqiptar.

  5. #44
    .... ...
    Anëtarësuar
    30-01-2005
    Postime
    4,049
    Citim Postuar më parë nga Albo

    4. Grupi i naiveve eshte grupi i atyre shqiptareve qe barazojne bashkimin kombetar me anetaresimin ne Bashkimin Evropian. Per kete kategori shqiptaresh, familja evropiane eshte me e rendesishme se familja shqiptare, dhe per ta rruga e evolucionit shqiptar eshte me e shkurter nese i biem nga Brukseli. Naiviteti i ketyre njerezve per mua eshte qesharak pasi teksa shoqerite e tjera evropiane po debatojne te shqetesuar mbi koston e globalizimit ne identitetin e tyre kombetar, shqiptaret jo vetem qe nuk e bejne nje debat te tille por e shohin influencen e globalizimit si nje gur barazpeshues te disbalancave shoqerore, politike, ekonomike midis trevave shqiptare. Ne nje menyre gati te pandergjegjshme ky grup beson se a) shqiptaret nuk jane te zote per asgje b) Bashkimi Evropian eshte shansi yne i fundit. Harrojne qe e pare ne nje kendveshtrim historik, Bashkimi Evropian eshte vetem nje ideologji, nje ideologji qe mund te ndryshoje ne forme nga komunizmi, por destinacioni final eshte i njejte.

    Albo
    Hmmm, Albo, fondamentalisht pa vend ky perkufizim. BE nuk eshte ideologji, sesa me shume se cdo ideologji eshte nje domosdoshmeri gjeopolitike, e sjelle pikerisht si rrjedhoje e globalizimit ekonomik, dhe jo aq te ideve. Por tjeter ceshtje kjo se e kemi debatuar tek tema: "C'eshte Europa?"

    Une po te citoj se pak a shume bej pjese ne grupin 4, mgjth jam gjithashtu e ndergjegjshme qe ka opsione te tjera, ne fund te fundit, nje strategji e vetme e bazuar mbi nje faktor nuk mund te jete e sukseshme nqs nuk gershetohet me faktore te tjere. Sic eshte shprehja ne US: "Mos i fut te gjitha vezet ne nje shporte."

    Cili eshte realiteti? Realiteti eshte ky: Dihet qe Kosova kerkon dhe deshiron pavaresi te pakushtezuar. Por nga ana tjeter, entitetet nderkombetare qe po merren me kete ceshtje e kane bere te qarte qe nje nga kushtet eshte mos-ndryshimi i kufinjeve, dmth shkurt jo bashkim me Shqiperine. Qe te jemi vete pragmatiste, si shqiptare, c'do te thote kjo per ne? Do te thote per mendimin tim, pa e dramatizuar, se ne hartat apo dekretet, apo ne organizata te ndryshme nderkombetare, Kosova dhe Shqiperia do te jene dy shtete te ndryshme.
    Por nga ana tjeter, sic kemi pare gjate viteve te fundit, midis Kosoves dhe Shqiperise, "kufinje" po shkrihen pak e nga pak. Kengetaret kosovare kendojne ne koncertet ne Shqiperi, ne universitete studentet shkojne si nga njera ane, ashtu ne tjetren, meqe ra fjala, te mos le menjane Maqedonine, studente nga Shqiperia shkojne dhe atje.
    Miss Shqiperia ishte nga Kosova. Perkatesia "krahinore" nuk pengoi asnje nga ne ta admironim per bukurine e saj, qe eshte ne fund te fundit bukuri shqiptare.

    Gjithashtu, shkembimet ekonomike, investime ka nga te dyja palet. Shpresohet qe ne te ardhmen me konsolidimin e ekonomise, por dhe te institucioneve politike keto investime do te rriten. Per te mos folur pastaj per turizmin, qe sic dihet sidomos nga pala kosovare apo maqedonase eshte ne rritje. (Per nga ana shqiptare, familja ime ka vizituar Kosoven, Maqedonine dhe Malin e Zi, keshtu qe nuk mbaj pergjegjesi per shqiptare te tjere lol.)

    Per mendimin tim, nga njera ane pyetja qe shtron kjo teme eshte pak si para kohe. Ne fund te fundit, Kosova duhet te fitoje pavaresine, qe eshte hapi kryesor, te krijoje dhe konsolidoje institucionet perkatese, dhe nderkohe te vazhdojme kete shkrirje "kufinjsh" qe kemi bere deri tani. A eshte i domosdoshem "bashkimi fizik?" Duke pasur parasysh kushtet qe kane vene entitetet nderkombetare, dhe duke pasur parasysh problemet ne Ballkan? Kete pyetje duhet t'i bejme vetes.

    Nga ana tjeter, me pelqeu ideja qe kishte parashtruar nje anetar me lart, qe ishte shprehur se si dy entitete ne organizata te ndryshme, dhe me shprese ne BE ne te ardhmen, dy vota kane me shume peshe se nje vote, nqs interesat tona i kemi te perbashketa.

    Eshte sjelle shpesh shembulli ketu i Qipros dhe i Greqise, por ne pergjithesi nga ana negative e tentativave per bashkim ne 1974. Pertej asaj date, cfare ndryshimi kane Qiproja me Greqine? I vetmi ndryshim eshte se dy nenshtetasit nuk votojne ne zgjedhjet perkatese, dhe kane dy flamure te ndryshem, por sic eshte pare ne evenimente te ndryshme, qipriotet me shume ngrene flamurin grek se sa te tyrin. Pertej "kufinjve" fizike cdo gje tjeter eshte e shkrire. Ana Visi qe perfaqesoi Greqine ne Eurovision, faktikisht eshte nga Qipro. Nje shembull i thjeshte ky, por e solla per te ilustruar paralelisht te njejten situate. Por, po ashtu nga ana negative, u pane pasojat dhe roli i fuqive te medha kur te dy shtetet tentuan te bashkohen.

    Qe te kthehem serish tek ceshtja ne fjale, nuk me pelqen deshperimi apo toni i master2006, por qe te jemi realist, te dy trevat si rrjedhoje e ndarjes historike kane disa ndryshime. Pak a shume Albo ka adresuar ne postimin e tij kete problem dhe nuk e perseris. Cfare duhet te bejme eshte te mundohemi sa me shume te njihemi me keto ndryshime dhe t'i respektojme ne menyre reciproke, dhe jo duke diskriminuar njeren ane apo tjeter.

    Tema ne lidhje me gjuhen turke nxori ne pah shume nga keto dallime. Ne fund te fundit pas gjithe atij sherri, lol, realiteti mbeti i tille, ne Kosove turqishtja u be gjuhe zyrtare, me sakte ne Prizren, shume anetare kosovare s'e gjykuan si problem, ndersa anetaret nga Shqiperia, shume prej tyre mendonin te kunderten. U thane shume fjale ne emocione e siper, dhe ne fund, asgje nuk ndryshuam, por mesuam pak a shume se cfare dallimesh kemi, mgjth cfare eshte e rendesishme, ndermjet ketyre debateve njohim me shume njeri-tjetrin, dhe per me teper, mesojme te respektojme keto dallime.

    U zgjata ca si shume, dhe filli i mendimeve kaloi sa ketu sa atje. Ne permbledhje, per mua prioritet eshte arritja e pavaresise, zhvillimi i institucioneve ne Kosove, por dhe maturimi i tyre ne Shqiperi, sepse s'jemi pa probleme, zhvillimi ekonomik dhe rritja e marredhenieve dy-paleshe ne te gjitha fushat. Dhe cfare rendesie ka nqs qellimi i te dyja paleve eshte anetaresia per BE? Lexova ne "Foreign Affairs" apo "The Economist" (s'me kujtohet se cila reviste) se shpresa per anetaresim ne BE po ruan ekulibrin e brishte ne Ballkan pas luftrave te 90's, duke ndihmuar vendet te shohin drejt te ardhmes, dhe jo te kaluares se dhimbshme me plage qe do duhen breza t'i mbyllim.

    Albo, kuptohet, qe cdo shqiptar duhet te beje nje pelegrinazh ne te kaluaren e te pareve tane, ne shenje respekti dhe per me teper domosdoshmerie per te kuptuar kush kemi qene, kush jemi, dhe ku do shkojme. Por secili nga ne gjen shtegun e vete drejt atij pelegrinazhi, dhe nuk mund t'i imponojme njeri-tjetrit. Bashkimi shpirteror qe kerkon ti e ka cdo shqiptar qe ka ne zemer flamurin kuq e zi (dhe cdo gje qe personifikon) edhe pse ne qafe mund te kete nje kryq apo nje gjysmehene, apo asgje.

    PS: Ju lutem anetareve te mos gjykojne bardhe e zi, apo te mos hedhin parrulla te tilla si nqs nuk je per bashkim je anti-shqiptar.

  6. #45
    Perjashtuar Maska e gjongjini
    Anëtarësuar
    08-06-2006
    Vendndodhja
    Mbrapa diellit.
    Postime
    15
    Ndoshta pyetja duhet te ishte: Kur do te bashkohet Shqiperia me Kosoven?

    Pergjigjia ime eshte pasi Kosova te fitoje pavaresine.

  7. #46
    Gone!
    Anëtarësuar
    02-03-2006
    Vendndodhja
    Larg nga ketu!
    Postime
    2,871
    Kosova dhe Shqiperia jane te bashkuara shpirterisht e mentalisht, nuk ka lidhje qe bota na sheh si dy shtete te ndara, pasi qe pikerisht jane ata qe na kane ndare. Si shembull jam une qe hyj ne kete forum dhe shume kosovare te tjere dhe anasjelltas, pasi qe zakonisht njerezit hyjne aty ku mendojne se perkasin. Une ne kete forum kam lexuar shume anetare nga Shqiperia apo Maqedonia, qe mendimet e tyra jane te njejta me te miat, mirepo ne anen tjeter kam lexuar kosovare qe nuk e ndaj te njejtin mendim me ta per tema te caktuara. Do te thote jane pikepamje individuale ato qe diskutohen ne tema te caktuara dhe nuk mund te gjykohet tere Kosova duke marr per baze mendimin tim dhe as tere Shqiperia apo Maqedonia ne baze te nje mendimi te nje anetari nga Shqiperia apo Maqedonia.

    Mirepo tashti une nuk ju kam faj qe disa njerez jetojne me iluzione si p.sh. "per t'i dashur shqiptaret nga Kosova, Shqiperia apo Maqedonia ata duhet te ndryshojne". Ndryshimet duhet t'i fillojme gjithmone nga vetvetja, nese deshirojme dicka me te vertete te arrijme.

    Per mos me zgjate shume te "temat politiko-kombetare" une mendoj se kombin shqiptare eshte duke e pritur nje ardhmeri e ndritshme dhe jam shume optimiste per cdo gje lidhur me ceshtjen shqiptare. Dhe kjo eshte krejt si rezultat se e verteta eshte duke folur ne qarqet e rendesishme boterore ku si rrjedhim shteteve tjera ballkanike, po u del ne shesh fytyra e vertete. Ka ardhe koha e renies se maskave, "show duhet te vazhdoj", por jo me ne dem te shqiptareve.

  8. #47
    i/e regjistruar Maska e skampin
    Anëtarësuar
    12-01-2003
    Vendndodhja
    Spanjë
    Postime
    947
    Une mendoj se humnera e madhe qe ishte krijuar nga ndarja e gjate qe nga 1912 dhe sidomos koha komunizmit po mbushet shum shpejt mos te them qe eshte mbushur dhe kjo tregon se kemi qene jemi dhe do vazhdojm te jemi nje popull.

    Lioness per sa ke shkruar me larte un jam plotesisht dakort me ty me perjashtim te rreshtit te fundit ku thua qe sduhet te paragjykojme ata qe jane kundra bashkimit.un do te thoja qe nuk duhen paragjykuar ata te cilet japin mendime se si duhet te bashkohemi psh dikush thote mbas pamvaresise tjetri duke hyre ne evrope apo dikush si konfederate,keto te gjitha kane ne brendesi BASHKIMIN dhe e kane gabim apo jo idene eshte pune tjeter. kurse sa per gjak prishurit qe jane zhveshur nga çdo ndjenje kombetare do te permend vetem tre vargje te te madhit AT GJERGJ FISHTA
    KUJDES nga shkau
    KUJDES nga greku
    KUJDES nga ate qe harruan Atdheun.
    kjo vlen vetem per antishqiptaret dhe jo per ate qe thote nje mendim pa e menduar mire dhe me zemer jane me Shqiperine etnike.

    Rina 87 jam plotesisht me nje mendim me ty.
    pershendes te gjithe ata qe jane po BASHKIMIT.

  9. #48
    i/e regjistruar Maska e Kreksi
    Anëtarësuar
    20-11-2004
    Vendndodhja
    Francë
    Postime
    5,631
    Per mendimin tim, ne vetem qe zyrtarisht nuk jemi te bashkuar se perndryshe jetojm se bashku, flasim e komunikojm se bashku.
    Ne na mungon vetem nje ushtri e perbashkët, nje ushtri e fort per t'ia thy hundet armikut dhe ate pa ndihmen e askujt.....atehere vetem keshtu do mbushin mend serbet se perndryshe gjithnje do jetojmi me ankth, si ujku e qingji i lidhur....

  10. #49
    Shpirt Shqiptari Maska e Albo
    Anëtarësuar
    16-04-2002
    Vendndodhja
    Philadelphia
    Postime
    30,122
    Postimet në Bllog
    17
    Hmmm, Albo, fondamentalisht pa vend ky perkufizim. BE nuk eshte ideologji, sesa me shume se cdo ideologji eshte nje domosdoshmeri gjeopolitike, e sjelle pikerisht si rrjedhoje e globalizimit ekonomik, dhe jo aq te ideve. Por tjeter ceshtje kjo se e kemi debatuar tek tema: "C'eshte Europa?"
    Nuk dua te diskutoj mbi BE dhe ideologjine qe ajo eshte ndertuar, por desha vetem te beja dy obzervime: ideja e Evropes se Bashkuar nuk lindi me globalizimin por dekada me perpara se globalizimi te shfaqej ne skene. Obzervimi i dyte eshte qe vetem amerikanet e shohin Evropen e Bashkuar si nje "treg te perbashket evropian" dhe si nje entitet politik, nese njihesh me perspektiven franceze apo gjermane, dy shtyllat e Evropes se Bashkuar, ata e shohin tregun e perbashket financiar si nje mjet per te arritur nje qellim. Qellimi eshte Evropa e Bashkuar "pa kufij" qe ben te mundur qenderzimin dhe akumulimin e pushtetit evropian me qellim qe edhe BE te kthehet nje superfuqi e te mund te luaje nje rol me te madh ne arenen nderkombetare, sic kane luajtur SHBA apo Rusia ne vite.

    Dhe per temen, te besosh ne te ardhmen e BE nuk ka asgje te keqe dhe ke cdo te drejte per te mos rene dakord me kendveshtrimin tim skeptik mbi te ardhmen e BE. Por theksi nuk duhet vene ne te ardhmen e BE pasi e ardhmja e ndritur e BE nuk nenkupton automatikisht nje te ardhme te ndritur per shqiptaret. Si shembull konkret, fale mareveshjes se shtetit shqiptar me BE, doganat shqiptare nuk mbledhin me taksen e mallrave qe kalojne tranzit ne Shqiperi nga vendet e BE, duke krijuar nje deficit te madh ne buxhetin e qeverise shqiptare. Cfare eshte duke negociuar qeveria shqiptare ne kembim te ketyre leshimeve? Liberalizimin e vizave te shqiptareve me vendet e BE. BE po vjel lehtesirat e veta ekonomike nga vendet ne zhvillim si Shqiperia, kurse shqiptaret po vjelin iluzionet e perkatesise evropiane, deshiren per te levizur lirshem ne kontinentin e tyre evropian.

    Me pak fjale, per mendimin tim, ravijezimi i interesave tona kombetare me te ardhmen e BE eshte nje kendveshtrim naiv pasi ceshtja jone kombetare nuk ka eshte aspak pjese e agjendes dhe interesave te BE dhe detyrimisht, ceshtja jone kombetare do te vazhdoje te jete nje ceshtje e hapur edhe pasi Shqiperia dhe Kosova te jene anetare me te drejta te plota ne BE.

    Dhe ti nuk je e vetmia qe ben pjese ne kete grup, pjesa derrmuese e politikes shqiptare, perfshi ketu kryeministrin aktual Berisha, aderojne ne kete kendveshtrim.

    Albo, kuptohet, qe cdo shqiptar duhet te beje nje pelegrinazh ne te kaluaren e te pareve tane, ne shenje respekti dhe per me teper domosdoshmerie per te kuptuar kush kemi qene, kush jemi, dhe ku do shkojme. Por secili nga ne gjen shtegun e vete drejt atij pelegrinazhi, dhe nuk mund t'i imponojme njeri-tjetrit. Bashkimi shpirteror qe kerkon ti e ka cdo shqiptar qe ka ne zemer flamurin kuq e zi (dhe cdo gje qe personifikon) edhe pse ne qafe mund te kete nje kryq apo nje gjysmehene, apo asgje.
    Sigurisht, ne liri asnjehere nuk ka diktat dhe secili eshte i lire te ndertoje jeten e tij ashtu sic i pelqen. Por kjo liri ne vetvete eshte edhe testi e pergjegjesia me e madhe e kohes per ne shqiptaret. Te paret tane, ne keto 600 vjetet e fundit, asnjehere nuk kane shijuar e provuar kete liri qe ne po shijojme sot. Bile, vete lufta e sakrifica e tyre sublime ne shekuj u be qe ne, pasardhesit e tyre, te jemi sot te lire e te vendosim vete per fatin tone. Dhe kjo na ben ne jo vetem brezin me te privilegjuar te shqiptareve ne historine moderne, por na ben edhe brezin me pergjegjesine me te madhe. Menyra se si ne do ta konsumojme kete liri do te diktoje nese jemi pasardhes te denje te te pareve tane, apo nje popull heterogjen qe e ka humbur vazhdimesine shpirterore me te paret e tyre.

    Sa per simbolet kombetare, ato kane nje vlere simbolike por kane edhe nje vlere shpirterore. Simbolika e nje flamuri shihet me sy, vlerat shpirterore ndihen vetem me zemer. Nese sot ka 7 milion shqiptare ne Ballkan qe ngrehin nje flamur kombetar, nje simbol kombetar, ne te njejten kohe pjesa derrmuese e tyre nuk e kane idene e origjines dhe vlerave shpirterore qe ai flamur kombetar ka percjelle ne shekuj e ne breza.

    Albo
    Ndryshuar për herë të fundit nga Albo : 31-10-2006 më 14:42

  11. #50
    Gezuar Kosoven e Pavarur Maska e dodoni
    Anëtarësuar
    07-11-2002
    Postime
    3,393
    Per momentin, ne vetem mund te diskutojme per keto ceshtje sepse nuk jane pjekur kushtet per nje bashkim, kur te vije koha ne nje te ardhme te afert, edhe do bashkohemi. Prandaj, mendoj qe kjo teme per momentin nuk eshte edhe aq e rendesishme. Tema te tilla ka pasur plot gjithe kohen ketu ne forum.
    Leje mos m'trano, pashe zotin!!!!

    Rrofte Shqiperia Etnike

  12. #51
    i nënshtruar Maska e master2006
    Anëtarësuar
    15-09-2006
    Vendndodhja
    Prishtinë
    Postime
    1,238
    Po pse ore ne duhet patjeter te bashkohemi?

    Jo une nuk jam antishqiptar, por thjeshte eshte deshir e flakte e imja qe ta shoh nje her Kosoven si shtet te pavarur ne rang me shtetet evropiane, nuk e di qka ka ketu te keqe? Nje shtet shqiptar tashme e kemi, pse mos ta kemi edhe nje tjeter? Edhe me mire...Por kjo eshte dobesia e shqiptarit qe menjeher kercen si gjarper dhe flet perralla sikur disa nga ju ketu, pa menduar per te mirat qe i sjell nese jemi 2 shtete te pavarura, por kete do ta vertetoj koha.

    Por sido qe te jet ne do te behemi shtet me emer te Zotit dhe nuk ka kush ta ndal Kosoven ne rrugen e saj SHTET.

  13. #52
    Po mundohem me shkru për këtë çështje me më pak ironi (ndryshe prej shkrimit tim të mëparshëm).

    Shqipëri i them sot tokës në të cilën jetojnë sot Shqiptarët. Kjo tokë ka qenë një pjesë e vogël e tokës ku kanë jetu ata që sot njihen si Shqiptarë - që në gjithë atë tokë çdonjeri tjetër i ka gjetë aty.

    Shqipëria (e sotit) ka qenë një çdoherë - pjesa dërmuese e saj ka qenë (e është) e banuar me Shqiptarë. Por, Shqipëria ka pjesë të saj të pushtuara. Duhet me i liru ato pjesë (në kohë me rend si ka kuptim) e atëher ato nuk bëhen tjetër veçse çfarë kanë qenë (e janë) - Shqipëri.

    Për ata që nuk duan të kuptojnë po shkruaj se liria e një pjese të Shqipërisë - për shembull, e Kosovës - nuk nënkupton se do të jemi të lirë me e marë atë vend e me e bartë në ndonjë Kontinent tjetër (edhe me dashur nuk mundem se e kishim bartë në Amerikë). Pra, mbetet aty ku ka qenë çdoherë - mbetet Shqipëri.

    Lirinë nuk e bjen babadimri sado me meditu duke kërku përgjigje për "misterin Shqiptar". Edhe mister munden me u quajtë Shqiptarët, por sado me kërku përgjigje në vetvete për të qenit Shqiptar: Shqiptari nuk është as grek e as shka.
    "Hyp se t'vrava, zhdryp se t'vrava." Popullore.

  14. #53
    i/e regjistruar Maska e Elian70
    Anëtarësuar
    30-07-2006
    Vendndodhja
    Vlorë
    Postime
    1,938
    ku mbizoteron kaosi, nuk ka kurre bashkim!
    para se gjithash duhet qe vete shqiptaret te jene te bashkuar
    dhe per kete duhet te perdoret diplomacia (jo armet). politikanet tane
    s'dine as nga lidhet gomari (ose nga frika ndjekin nje rruge te tille).
    n.q.s ju mendoni qe armiku eshte i jashtem per mendimin tim personal
    eshte totalisht e gabuar. ai abuzon ne nje gjendje te tille, pasi jemi te percare.
    nje popull qe s'ka marre vesh akoma se c'flamur ka, si mund te jetoje ne paqe ?
    vete shqiptaret jane te percare veri-jug, e jo me kosovaret. nje shtet qe rron me ndihma dhe nuk krijon vende pune, nje shtet qe lejon eksportimin e "trurit" dhe s'eshte ne gjendje t'i paguaje ata, per mua nuk eshte shtet dhe kur s'ka ekonomi
    ka gjithmone percarje. per mua miti i heroit qe krijojne kosovaret apo shqiptaret
    eshte komplet e gabuar. flasim gjithmone per Lirine, per myslymanet, per ortodokset a ku di une pa e ditur qe ato arrihen jo duke ndenjur e folur, por duke punuar e komunikuar. e kaluara duhet te sherbeje si mesim e jo te rrime e te vuajme akoma edhe ne si ne ato kohera. mbetem duke kujtuar te vdekurit.
    gjithe evropa po zhvillohet dhe ne ecim gjithmone e me mbrapa. mos valle duhet te nderrojme rruge??? sigurisht qe po. [Edhe mister munden me u quajtë Shqiptarët, por sado me kërku përgjigje në vetvete për të qenit Shqiptar: Shqiptari nuk është as grek e as shka.]shqiptari mund te behet grek, gjerman
    e c'fare te doje, pasi kjo eshte liria ne fund te fundit dhe jo te ulurijme jemi shqiptare per te bindur veten dhe kerkuar pergjigje, pasi jemi shqiptare. liri nuk do te thote te ndahemi nga te gjithe, por te shkembejme eksperienca, te komunikojme e te respektojme.

  15. #54
    patriot Maska e shoku_tanku
    Anëtarësuar
    18-09-2006
    Vendndodhja
    Tiranë
    Postime
    3,395
    Do te ishte gjeja me e bukur qe do te mund te na ndodhte......pas kaq shekuj vuajtjesh,ti riktheheshim prape Shqiperise se madhe...Shqiperise se endrrave
    Une gjithmone kam besuar se kjo gje nje dite do te ndodhe dhe jam i sigurt se
    kjo dite eshte gjithnje e me afer...

  16. #55
    Perjashtuar Maska e Lunesta
    Anëtarësuar
    09-09-2005
    Vendndodhja
    Dove la..Vittoria.....
    Postime
    1,660
    Kohe me pare mendoja se bashkimi do ndodhte shume shpejt..naturalisht, por tani po shoh qe ka shume probleme. Per ndoshta nja 15 vjet do jemi beashkuar, sa te shoshisim mire punet tona.

  17. #56
    i/e regjistruar Maska e skampin
    Anëtarësuar
    12-01-2003
    Vendndodhja
    Spanjë
    Postime
    947
    elian kush jane ate qe se njofin flamurin se un nuk kam njoft Shqiptar qe nuk njofin flamurin?ndoshta se dine historine fije per pe por te gjithe e dine qe eshte flamuri Gjergj Kastriotit, kurse liri do te thote te qeverisesh shtepine tende jo te vije dhe ta beje tjetri asnjeri ketu nuk do izolim.sa per politikanet shumica jane plehra nuk e shikon ti ngelen duke u zene si qente ne parlament dhe nuk kane kohe ti shtrine doren e bashkepunimit njeri tjetrit ne nje kohe kaq delikate per Shqiperine dhe çeshtjen madhore te Kosoves, tha mire Agim Çeku kur e pyeten per bashkimin e Kosoves me Shqiperine se askush nga politika jone nuk kishte paraqitur asnje plan bashkimi.

  18. #57
    Gezuar Kosoven e Pavarur Maska e dodoni
    Anëtarësuar
    07-11-2002
    Postime
    3,393
    Citim Postuar më parë nga skampin
    tha mire Agim Çeku kur e pyeten per bashkimin e Kosoves me Shqiperine se askush nga politika jone nuk kishte paraqitur asnje plan bashkimi.
    Skampin, shume mire e ka thene Agim Ceku, qe te arrijme bashkimin brenda ketyre 10-15 viteve te ardhshme, duhet qe Akademite tona te Shkencave te Tiranes dhe Prishtines, bashke me specialiste te fushave te ndryshme nga partite politike dhe univerzitetet tona, te mblidhen dhe te pergadisin nje platforme, nje strategji, nje plan veprimi 10-15 vjecar qe do udhehiqte hapat tane te ardhshem drejt bashkimit. Pastaj, politika dhe te gjithe te punojme ne ate drejtim qe bashkimi te arrihet sa me shpejt qe do ishte e mundur.
    Leje mos m'trano, pashe zotin!!!!

    Rrofte Shqiperia Etnike

  19. #58
    i/e regjistruar Maska e skampin
    Anëtarësuar
    12-01-2003
    Vendndodhja
    Spanjë
    Postime
    947
    shpresojm qe politikanet atdhedashes apo akademiket specialistet etj te punojne se keto pune nuk zgjidhen ketu ne forum se ne ketu thjesht sa njofim me mire njeri tjetrin (mendimet)dhe ballafaqojme mendimet tona. shpresoj qe te shifemi nje dite brenda nje kufiri shteteror qofte kjo edhe mbas 10 apo 15 vjetesh.

  20. #59
    Elian70,

    Fjala që e kishit shkru ju - "gjerman" - ma kujtojë murin e Berlinit (prej se ka ra ai murë është vetëm çështje kohe se kur bijnë "muret" si i ndajnë Shqiptarët)... e atëher kështu m'u kujtu muri Kinez e edhe Israeli e ka një muri sot, e edhe SH.B.A. synon me e ndërtu një murë.... e mjaftë u kujtova sa me u ndërlidh e me shkru se ato mure/kufinjë nuk kanë qenë aty prej natyre, por i kanë ndërtu njerëzit. Sot është ëndërr mendimi që një ditë do të zhvillohet njerëzimi për me arritë me i hjeq kufinjtë.

    Pa e jep mendimin tim për drejtësi të atij muri, po e mar shembull murin e Israelit edhe atë prej pikpamjes të shtetit të Israelit. Duke u nisë prej asaj pikpamje ai muri e ndan/mbronë Israelin prej rrezikut/armiqëve, e nuk e ndanë Israelin prej "të gjithëve". Njësoj, lirimi/ndarja e (pjesëve të) Shqipërisë prej shkinisë e greqisë nuk do të thotë ndarje prej "të gjithëve". Kur të janë të lirë Shqiptarët edhe munden me bashkëbisedu (komuniku) me shkije e grekë, e edhe nderimi do të ishte i ndërsjellë.

    Elian70 ndoshta ke qenë pa vetëdije e po ta përkujtojë se shkijet para shtatë vite e gjysmë kanë vra aq Shqiptarë sa kanë mundë, e kanë shkatërru 70% të pasurisë në Kosovë/Shqipëri. Shkijet nuk janë duke kërku falje për atë, që besojë se pajtohesh se do të ishte nismë e mbarë për me fillu me hapë rrugë për bashkëbisedime (së pari se sa kanë borxh dëmshpërblim shkijet), e çfarëdo shkëmbime (edhe përvojash) e nderime. Pra, edhe këto ditë shkijet me veprime të tyre nuk lanë shteg për Shqiptarë me bashkëbisedu me ta deri sa ta kenë në kushtetut të shkinisë se Kosova/Shqipëria është e shkive.

    Prapë po kthehem te Gjermanët me një lajm që është i këtij viti e ka të bëjë me çështje të Luftës së Dytë Botërore:
    http://news.bbc.co.uk/1/hi/business/5285794.stm

    Në lajm thuhet se është vendos prej Gjykatës më të lartë në Gjermani me ju pagu dëmshpërblim (100 e kusur milion euro) një familje Jevreje që janë dëbu me dhunë prej Gjermanie prej Nacistave.

    Kur shteti/gjykata greke e pranon dëbimin e Shqiptarëve prej Çamërije, e bjen vendime sikur ata që po i mbajnë (ekonomikisht) në Evropë - Gjermania - tregon se janë të gatshëm me bashkëbisedu me Shqiptarë. Por, grekët ende mundohen me zapu edhe më shumë tokë të Shqipërisë.

    Nuk janë Shqiptarët ata që janë të mbyllur se përveç se me shkini e greqi që nuk kemi marrëdhënie të mira gati me çdo vend tjetër kemi marrëdhënie të mira. E greqia e shkinia nuk kanë vështirësi vetëm me Shqipëri, por me krejtë vendet përreth tyre e edhe më gjërë.

    Elian70, për fund të këtij shkrimi po të pyes se çka është domethënja e "fundit te fundit" edhe po të tregojë se sot nuk je i lirë as me qenë Shqiptar, e për grek mos e mundo veten se si grekë atëher të duhet me besu se zotërat e tu janë Shqiptarët. Sa për Gjerman je edhe më Gjerman se Gjermani veçse të ka falë Zoti Shqiptar. Për me më bind se mundesh me u bë çkado atëher bënu Bushman.
    "Hyp se t'vrava, zhdryp se t'vrava." Popullore.

  21. #60
    i/e regjistruar Maska e Elian70
    Anëtarësuar
    30-07-2006
    Vendndodhja
    Vlorë
    Postime
    1,938
    skampin----> flamuri s'eshte as i gjergj kastriotit dhe as i ismail qemalit
    flamuri i perket vetem shqiptareve.

    p.s. e shpjegova mitin e heroit, por duhet ta dish qe
    skenderbeu e beri luften (mendimi im, qe per te tjere mund te jete i gabuar)
    me shqiptare dhe per interesa te shteteve fqinje (italia etj).bashkimi ne ate
    kohe u be per interesa te te tjereve prandaj mbeti dhe i perkohshem.

    nosselgae ---> nuk mund te gjykosh tjetrin pa e njohur. po i bie shkurt. sa per luften
    duhet te dish se ajo e ka gjithmone nje shkak dhe nuk lind nga hici. shyqyr zotit qe
    s'je ti qe perfaqeson shqiptaret, se s'ke asnje te drejte te imponosh jam apo s'jam shqiptar. un nuk mohova luften e kosoves dhe me vjen keq per ta qe kane humbur
    pasurite e tyre, por perderisa secili ka te drejte te jape mendimin e vet mendimi im ishte ky dhe mundohuni te respektoni sic respektoj dhe une rregullat e temes.dhe here tjeter mos dil nga tema se flasim per shqiperine dhe jo gjermanine (gjermania ishte vetem nje shembull, sic mund te jene dhe shume shtete te tjera)

Tema të Ngjashme

  1. Kosova duhet ta ketë pasë Hymnin vet qysh në vitin 1935
    Nga RTP në forumin Çështja kombëtare
    Përgjigje: 3
    Postimi i Fundit: 15-06-2018, 11:30
  2. Përgjigje: 19
    Postimi i Fundit: 31-12-2012, 08:27
  3. Kombin shqiptar 7 milionësh në Ballkan e kanë mbuluar retë e zeza
    Nga Davius në forumin Çështja kombëtare
    Përgjigje: 29
    Postimi i Fundit: 01-08-2010, 13:18
  4. Platform For The Resolution Of The Albanian National Question
    Nga saimiri-uk në forumin Çështja kombëtare
    Përgjigje: 0
    Postimi i Fundit: 06-02-2003, 15:52

Regullat e Postimit

  • Ju nuk mund të hapni tema të reja.
  • Ju nuk mund të postoni në tema.
  • Ju nuk mund të bashkëngjitni skedarë.
  • Ju nuk mund të ndryshoni postimet tuaja.
  •