Qeveria, nisin shkarkimet në dogana ...

[BlueBaron]

Me urdhër të Bodes shkarkohen kryedoganierët e Kakavijës dhe Shkodrës. Lëvizin edhe drejtorë të tjerë. Burime të brendshme të Drejtorisë së Doganave konfirmojnë lëvizjen e së paku 9 drejtuesve të lartë.


TIRANË - Doganat kryesore të vendit tonë kanë pësuar ndryshime në stafet e tyre drejtuese gjatë ditës së djeshme. Ka qenë ministri i sapoemëruar i Financave i cili ka vendour gjatë ditës së djeshme që të lëvizë një pjesë të mirë të drejtuesve të doganave kryesore të Shqipërisë, si dhe të shkarkojë disa prej tyre nga detyra. Pavarësisht se zyrtarisht nuk ka pasur ndonjë njoftim nga ana e Drejtorisë së Përgjithshme të Doganave apo nga Ministria e Financave, burime të sigurta për gazetën kanë konfirmuar lëvizjen e së paku 9 drejtuesve të lartë të pikave doganore të ndryshme apo drejtorive të kësaj strukture. Kështu, duke nisur që nga Drejtoria e Tiranës, lëvizjet kanë kapur dhe doganat e Qafë- Thanës apo Kakavijës. Burimet e sigurta brenda Drejtorisë së Përgjithshme, të cilat nuk duan të identifikohen, kanë bërë të ditur se janë së paku 9 emra të cilët janë përfshirë në ndryshimet e urdhëruara nga ministri Bode, prej të cilëve, dy janë shkarkuar nga detyra. Zyrtarisht, zëdhënësja e Drejtorisë së Përgjithshme të Doganave ka bërë të ditur se qëllimi i lëvizjeve nuk është shkarkimi i personelit, por thjesht lëvizje të personelit të organogramës së doganave. Për këtë qëllim, ministri i Financave ka kërkuar organigramën e Doganave për të bërë zëvendësimet. Po dje, gjatë pasdites, zyrtarisht asnjë emër nuk është konfirmuar, apo dorëzuar pranë Drejtorisë së Përgjithshme të Doganave, po është konfirmuar vetëm fakti që ka pasur lëvizje. “Deri më tani nuk ka ardhur asnjë vendim për shkarkim të drejtorëve. Ajo që ne dimë, është se do të ketë zëvendësime të posteve. Ministri ka marrë organogramën dhe po shikon për të bërë zëvendësime brenda strukturave”, - tha dje për gazetën Albana Veleshnja, zëdhënëse e DPD-së.
Ndryshimet
Pothuajse të gjithë personat që kanë lëvizur apo janë shkarkuar kanë mbajtur poste të larta në pikat doganore ku kanë punuar. Po kështu, edhe postet ku ata janë urdhëruar të shkojnë, janë poste të larta, si drejtues të pikave doganore. Përsa i përket shkarkimeve të bëra, burimet për gazetën kanë konfirmuar vetëm dy prej tyre, dhe ata janë drejtori i Doganës së Shkodrës dhe ai i Kakavijës. Përkatësisht në këto poste drejtuese, sipas burimeve që nuk duan të indetifikohen kanë qenë Esat Çallmuri dhe Bardhyl Dervishi, të cilët janë shkarkuar nga detyrat si drejtues të pikave doganore. Lidhur me lëvizjet e bëra, burimet e gazetës në Drejtorinë e Përgjithshme të Doganve bëjnë të ditur se Luan Meçe, i cili mbante postin e drejtorit të Doganës së Durrësit, është emëruar në Doganën e Lezhës, duke ia lënë vendin e tij Arben Bajraktarit, i cili më parë ishte drejtor i Kontrollit të Brendshëm dhe Auditimit në Drejtorinë e Përgjithshme. Ndryshim tjetër i bërë është edhe lëvizja e drejtorit të Qafë- Thanës, Olti Kuke, i cili është vënë në postin drejtues të Doganës së Kapshticës. Lëvizje e “bujshme”, e urdhëruar nga Ritvan Bode, ka qenë dhe lëvizja e Tomorr Kalasë nga posti i drejtorit të Doganës së Tiranës. Kalaja, sipas burimeve të gazetës, është emëruar në Laboratorin e Logjistikës, por nuk dihet nëse do të mbajë postin e lartë drejtues apo është emëruar si inspektor i thjeshtë. Përsa i përket postit që mbante Tomor Kalaja, deri në orët e fundit të ditës së djeshme ende nuk ishte konfirmuar personi që do ta zërë atë. Gjatë ditës së sotshme dhe në ditët në vijim priten ndryshime të tjera, jo vetëm në dogana, por edhe në Drejtorinë e Tatimeve. Për këtë të fundit, burimet zyrtare kanë thënë se nuk ka pasur ndryshime apo urdhra për lëvizjen e stafit drejtues.

Shekulli

[BlueBaron]

... Bodja vetem i paska nderruar vendet. "Barkderrat" po aty qenkan. Kshu do me e luftu korrupsionin doktorri me ndrrime vendesh. Doganat dhe Tatimet jane pikat me te nxehta te korrupsionit. Bodja duhet t'i nise per ne Prokurori emrat e tyre e jo t'i nderroje vendet ...

[Brari]

EDITORIALI

Korrupsioni politik?

Nga Prof. Dr. Apollon Baçe

“Korrupsioni politik (political corruption) krijon atë
gjendje të pashpresë dhe të dëshpëruar, si ajo që
shohim sot në shumë vende. Kjo gjendje çon në
konflikte, dhunë dhe më së fundi në terror” thotë
themeluesi i Transparency International-it Peter
Eigan. Thuaj sinkron në kohë me përcaktimin e
Departamentit Amerikan të Shtetit se në Shqipëri
“Korrupsioni shtrihet në tërë nivelet e qeverisë-
corruption at all levels of the government".
Ky “corruption at all levels of the government” i
përgjigjet pastër përkufizimit të Eigan-it “korrupsion
politik”. Por a është i drejtë përdorimi i termit
“korrupsion politik” nëse personat politikë
shfrytëzojnë postin për përfitime vetiake?
Së pari kjo kërkon ndarjen e qartë të amoralitetit
politik (si pjesë e dobishmërisë partiako- politike)
nga imoralitetit i individit të veshur me pushtet
politik (si pjesë e dobishmërisë vetiake). Nëse për të
parën vlen shembulli i Helmut Kohl-it i akuzuar për
abuzime financiare në favor të partisë së tij, për të
dytën vlen shembulli i Fatos Nanos i akuzuar për
abuzime financiare në favor të tij. Madje deri edhe në
kurriz të partisë së tij (“Unë i dhashë 250 mijë
dollarë për fushatën në maj dhe ai i mori e në vend që
t'ia jepte partisë për fushatë, i mori për vete,”
thotë ish-ministri i tij Angjeli).
Kjo ndarje e amoralitetit të politikës nga imoraliteti
i politikanit fiton vlerë për shkak të sprovave për ta
trajtuar aferën Koka - kontrabandimin e 11
konteinerëve me cigare me vlerë 4.05 milion $ dhe të
kapur nga shërbimet e huaja sekrete - si aferë me
prapavijë politike. Ndërkohë që ajo është një aferë
kristal e pastërt krimi ekonomik. Pavarësisht
përfshirjes në te, të personave politikë.
Tërë personat që mund të jenë të implikuar, që nga
polici më i thjeshtë dhe deri tek kryeministri, janë,
duke e shmangur termin kriminel-ekonomik, thjesht
keqbërës. Ndërkohë para ligjit si keqbërësi - polic i
thjeshtë ashtu edhe keqbërësi kryeministër, janë të
barabartë. Gjyqi dhe opinioni publik e dënuan pa
mëdyshje si ladro-hajdut ish kolegun e Fatos Nanos,
kryeministrin socialist italian Betino Craxi.
Sqarimi se ai që abuzon me pasuritë e popullit,
pavarësisht nga posti, është keqbërës ordiner dhe se
kjo keqbërësi nuk ka të bëjë aspak me politikën, fiton
rëndësi edhe më të madhe për ditët e ardhshme. Kjo
pasi krimi i rëndë ekonomik në Shqipëri në shumicën e
tij ka kostum qeveritar. Në Shqipëri nuk kemi të bëjmë
thjesht me plotone të armatosura siç arritën ta
gënjejnë “kolegët shqiptarë” zv.Prokurorin e
Antimafias Italiane Dr.Françesko Mandoi-n kur i thanë
se Kokat nuk mund të goditen “pasi kanë një grup të
armatosur, që është shumë më i fortë se policia dhe
nëse preken, rrezikohet shpërthimi i një lufte
civile”.
Në Shqipëri në plan të parë qëndrojnë Angjelët për të
cilët ish-kryeministri i tyre Nano thotë “Anastas
Angjeli të qartësojë në organet e drejtësisë faktet me
favoret që vijnë nga detyra e Angjelit për sipërmarrje
dhe pasurim të shpejtë… Nuk qeveriset me Angjelët e
patundshëm me kthetrat e tyre në buxhetin e shtetit”.


tema

[Albi]

shume e vonuan ata te fillojne dhe nga nkset e tjera shpejt e shpejt

[Brari]

shekulli

--


Kameleonët e administratës


Feti ZENELI

Disa ditë pasi isha pushuar nga puna për motive politike në shtator të vitit ’97, u ndodha në ambjentet e Degës së Tatim-Taksave të kryeqytetit, për të shoqëruar një shokun tim biznesmen, ku disa “nëntëdhjetë e shtaçë” të ardhur nga Tepelena në këto zyra më shikonin si ujqër. M’u duk vetja sikur ndodhesha përballë “post-bllokut” komiteto-shpëtues, i ngritur në mars të ‘97-ës tek ura e Memaliajt, e jo në zyrat e shtetit. Për t’ju shmangur ndonjë icedenti të mundshëm, për të cilin isha paralajmëruar me gojë e më shkrim si “këlysh i Saliut” ,gjatë gjithë muajve të revoltave i thashë shokut tim, të vazhdonte vetë më tej dhe unë e prisja tek një kafe aty pranë. Sapo isha ulur i vetëm aty në tavolinë, kur kthehet shoku im dhe më thotë i nervozuar që, “të iknim për ta pirë në një vend tjetër kafen”. “Po t’i ç’pate?”, i them shokut tim sapo zyra vend në sedilen e parë të makinës së tij. “Ç’të kem!”, m’u përgjigj ai. “Nuk deshën t’më mbarojnë punë vetëm sepse isha i shoqëruar me ty(!?)”. “Mirë ta kanë bërë”, iu ktheva me një zgërdheshje të sforcuar inaçore. “Ç’të duhet ty që shoqërohesh me armikun e klasës(!?)”…
Këtë ngjarje të dhimbshme dhe tronditëse në jetën time personale, më shumë se sa thirrjet “për t’mos prekur administratën”, ma kujtoi një telefonatë “miqësore” e këtyre ditëve, nga një prej tatimorëve të sipërpërmendur ku interesohej, “nëse mua më kishin ofruar ndonjë punë të mirë”, pasi sipas tij, “më takonte qoftë profesionalisht, qoftë politikisht”, etj., etj. Nuk ka rëndësi të tregojë me tej ç’i thamë njeri-tjetrit, pasi me kaq sa tregova më sipër mjafton për të ilustruar idenë e shkrimit tim, për përpjekjet e gjithanshme kameleoniste të një grup të madh nëpunësish të administratës së ulët qeveritare për të vazhduar ta mjelin akoma në mënyrë abuzuese “lopën” e të ardhurave tona shtetrore, deri dhe duke bërë miqësi me “armiqtë” e tyre të para 3 korrikut 2005. Në atë telefonatë të pacipë unë ndjeva përsëri kërëcënim, përbuzje, tenativë për kompromis, pasiguri, mosvlerësim; me pak fjalë ndjeva gjithëçka të keqe që kërkon të infektojë dhe paralizojë qeverisjen e re të ndryshimit Dhe të tillët nuk janë pak por rreth 80% e nëpunësve të administratës shteterore, të cilët sipas një studimi të Qëndrës Kombëtare për Zhvillim mendojnë se, qeverisja nanoiste do t’i sillte më shumë zhvillim vendit se sa qeverisja aktuale. Ndonëse i shprehur si një vlerësim tekniko-ekonomik, ky opinion është një bindje e pastër politike, e cila e ngulitur qoftë edhe në kokën e teknicienit më të mirë, shërben vetëm në rolin e shkopinjve të vënë nën rrotat e reformave ndryshuese të qeverisë së re. Ndoshta jo të gjithë prej tyre do të guxojnë të tregohen hileqarë apo matarapazë gjatë kryerjes së detyrës, për shkak orjentimit antikorrupsion të qeverisjes qëndore, por nuk ka diksutim që, që të gjithë do stonojnë përballë këtyre kërkesave të reja, për shkak të mentalitetit dhe motodës nanoiste të punës, ku ti si nëpunës apo sepcialist vlerësoheshe për shkak të aftësive në zhvillimin e korrupsionit dhe ndëshkoheshe në rast se luftoje apo denoncoje publikisht raste të tilla. Rasti “Cikalleshi” është proverbial në këtë drejtim. Ky ushtarak i ndershëm në Ministrinë e Mbrojtjes u pushua nga puna dhe u kritikua ashpër nga kryeministri Nano, për “fajin” e vetëm sepse denoncoi publikisht korrupsionin e ministrit përkatës në këtë dikaster. Është kjo arsyeja që, sipas Bankës Botërore, nëpunësit e të gjithë niveleve të qeverisjes, për 8 vjetë të kenë përvetësuar në formën e taksës së rryshfetit mbi 11 miliardë dollarë (1,4 miliradë dollarë në vit). Dhe pavarësisht se llomkën më të madhe të këtyre parave e kanë marrë ministrat apo qeveritarët e tjerë të lartë, jo pak kanë përfituar edhe nëpunësit e thjeshtë të administratës, deri tek portieri, të cilat tani nuk po lënë gurë pa lëvizur për tu larguar për shkak të reformës nga vende te punës që kanë patur. Këta zyrtarë të ulët janë gati që një pjesë të parave të korrupsioni,t t’i vënë në dispozicion të ruajtjes së vendit të tyre të punës edhe në qeverisjen “Berisha”, ndërkohë që për 8 vjetë me radhë kanë investuar për të blerë diploma, kualifikime të ndryshme, tituj shkencorë apo krijuar shoqëri e miqësi me kundërshtarët politikë për të ndryshuar opinionet e dikurshme. Me këtë pikësynim është përpiluar dhe aprovuar nga ish-mazhoranca e majtë edhe ligji për statusin e nëpunësit civil. Një miku im pedagog më tregonte para pak kohësh, për falsifikimin e dokumentacionit shkollor nga kolegët dhe eprorët e tij, për të diplomuar si ekonomistë të lartë kundrejt pegesave të majme 10-15 doganierë me arsim të mesëm apo tetëvjeçarë, të punësuar këtu qysh nga ‘97-a. Në këto kushte, shqetësimi individual dhe kolektiv i të majtëve për mosndryshimin e administratës nga qeveria e re, më shumë se sa për të mbrojtur vendin e punës, buron nga frika e moszbulimit të skandaleve financiare e falsifikimeve të ndryshme dokumentare. Nga ana tjetër, gjithë kjo luftë e këmbëngulje politike e socialistëve për të garantuar paprekshmërinë e administratës synon edhe përgatitjen e kushteve për “marrjen e kalasë nga brenda” si në ‘97-ën, kur disa nëpunës “demokratë” të asaj kohe lanë “penën” e administrimit dhe morën armët e rrebelimit. Natyrisht sot është e vështirë të dallosh në pamjen e tyre të jashtme gjurmë të tilla sjellje banditeske. Për më tepër këto deformime alucinacioniste nuk mund t’i dallosh lehtë në veshjen e tyre firmato, stilimin në përgjithësi, delikatesën e të ecurit, klasin e lokaleve që frekuentojnë, etj.
Ndaj për të parë karakterin, aftësinë dhe sjelljen e vërtetë administrative të tyre, është mirë t’i përfytyrojmë me rrobat ushtarke të ‘97-ës, deftesën me pesa të atëhershme, rrethin shoqëror të tyre në atë kohë, emërtimin e bandës ku ishin rreshtuar, etj. Është fakt i pamohueshëm që në vitin ’97 administrata u mbush me militantë, duke hequr pa hezitim çdo specialist që në një mënyrë ose në tjetrën, nuk u kishte shërbyer social-komunistëve. Ndërsa ligji i shërbimit civil, i cili u hartua në një periudhë të mëvonshme, nuk bëri gjë tjetër veçse tentoi të garantojë paprekshmërinë e kësaj kategorie nga rotacioni politik. Normalisht ndryshimi i qeverisjes nuk duhet të ndikojë në ndryshimin e nëpunësve të thjeshtë të administratës, por në rastin konkret administrata duhet pastruar nga militantët dhe banditët e ‘97-ës, pasi ata janë shndërruar në grupe hajdutësh të pasurisë publike dhe asaj private. Për të realizuar me sukses reformën antikorrupsion në administratë, nuk ka ç’duhen as spiunët, që kanë përcjellë informacione të ndryshme përtej zyrave të qeverisë, pasi ajo që pritet prej një nëpunësi të përkushtuar e të ndershëm, është që t’i denoncojë publikisht rastet e shkeljeve ligjore dhe formave të ndryshme të korrupsionit prej eprorëve të tyre, duke përfshirë këtu edhe kryeministrin e vendit. Por faktet e deritanishme tregojnë se nuk ka qoftë edhe një rast të vetëm denoncimesh të kësaj natyre, ndërkohë që qeverisja shqiptare i ka ngjitur çdo vit, dy e nga dy shkallët drejt kreut të korrupsionit botëror. Në këto kushte “njëqind ditët e antikorrupsionit” do të jenë të efektshme, nëse krahas ndryshimeve të duhura ligjore, largohen prej administratës të gjithë të korruptuarit, duke përfshirë në këtë listë edhe pjesën e përlyer të nëpunësve të thjeshtë, deri tek roja i portës.
“Qeverisja me duar të pastëra” nuk mund të realizohet pa pastruar administratën nga nëpunësit e korruptuar, militantët ordinerë dhe kameleonët e tjerë politikë të sjellë revolucionarisht në dikasteret dhe institucionet tona shtetrore. Kjo është një ndër reformat e para dhe tepër e domosdoshme për të garantuar realizimin sipas premtimeve të programit qeveritar të kabintetit “Berisha”. Nga ana tjetër, kujdes duhet bërë edhe në zgjedhjen e zvendësuesve që do të drejtojnë jo vetëm antikorrupsionin por edhe veprimtarinë qeverisëse në përgjithësi, pasi siç tregon eksperienca e së kaluarës, problem nuk ka qënë mungesa e ligjeve por moszbatimi i drejtë i tyre. Ndaj zgjedhja e zëvendësuesve duhet bërë përtej grupit të njerëzve që e ngrysin ditën përpara selisë së Partisë Demokratike apo partive të tjera të koalicioni qeverisës, pasi kjo kategori e konsideron postin zyrtar si shpërblim për militantizmin e treguar, sikundër u veprua prej qeverisjes socialiste të pasnëntëdhjetë e shtatës që i mbushi tatimet dhe doganat me pjestarë të komiteteve të shpëtimit kombëtar apo banditë të tjerë ordinerë. Fjala është për të ofruar në administratë njerëz që kanë ç‘të japin në favor të antikorrupsionit dhe jo njerëz që janë kthyer në mjeshtëra të marrjes së parave publike apo private nëpërmjet korrupsionit. Në administratën aktuale përkrahësit e antikorrupsionit numërohen me gishtat e njerës dorë, për shkak të kritereve politike në emërimin e tyre, pavarësisht garancive të mëvonshme që morën nëpërmjet ligjit të shërbimit civil, i cili në një farë mënyre është pengesë serioze për të bërë ndryshimet e mundshme në një qeverisje të konsideruar prej ndërkombëtarëve si e korruptuar në të gjitha nivelet e saj.




19-09-2005

[Genti^Itali]

Ti heqin nga doganat edhe ti cojn me pune ne Bulqiz ne minjer, se boll kan vjeth kelyshat.

[BlueBaron]

X: - Cfare pune ben ???

Y: - Skraparli ...

[Iliriani]

Shumica ketu jane jashte

Kush ka qene ne shqiperi pas 1997 e ka kerkuar te hyj ne pune ne shtet

E di sa e veshtire eshte

Pale po te dinin se ishe i opozites

Per vite me radhe punesimi dhe ai ne vende ordinere qe ne dore te PSse

Bile dhe klane te PSse hiqnin e vinin brenda klaneve

SHUME SHQIPTARE EMIGRUAN

KURSE MEDIOKER INJORANT FALLCIFIKATOR DIPLOMASH

QE NUK I DUHEN VENDIT

QE DUHET TE QENE NJEREZIT QE TE IKIN NGA SHQIPERIA

ZENE POZITA KYCE SOT

[Iliriani]

Nje vend si Shqiperi

Sa nje PLESHT

Ka prodhuar NJE MILION EMIGRANTE

Mes tyre doktora, profesora, intelektuale brilant e njerez me pervoje me vite e vite te tera ne administrate e te trainuar e investuar per te me vite te tere.

Gjithe ata qe u trainuan nga bota ne vitet 92-96 nga bota u pushuan nga puna ne 97ten.

E te mendosh se lufton Gramoz INJORANTI SEKRETARI I PARTISE per te mbajtur '''metastazat e PS ne administrate"??????

Plus kush e njeh elektoratin e PSse ate 400 te 500 mishin --nga 50+8 vjet pushtet---ata jane te lidhur ne njemi menyre e perfitojne nga shteti--kuptohet kane shftytezuar kete periudh per te mbajtur e trajtuar e konsoliduar ---njerezit e tyre.
.................................................. ............................................
E ARDHMJA

Qeveria e re jo vetem te bej reforme
Po te mos jete per nje muaj a dy MUAJ

Jane dy gjera qe garantojne sukses
Per vendin e ata qe do qeverisin per 4 vjet.

Per 4 vjet te kete dy kritere
Qe ta besh administraten nje motor qe funkjonon

Profesjonalizmi aftesia
Pastertia nga korrupsioni

Po hariti per 4 vjet te bej nje ndryshim te tille do jete shume mire
Dhe populli po pa ndryshim ne mardhenie me administraten--do ta vleresoj.
E cdo prurje e re te jete cilesore--e ta bej administraten me profesjonale e me te paster.

Ti lemi genjeshtrat---e dine 5 milion shqiptaret si eshte bere administrata ne keto 8 vjet
Bota e ka quajtur kete administrat komplet te korruptuar e partiake ne perqindje shume te larta.

[Lunesta]

XHEPAT E MINISTRAVE I SHMANGEN SKANERIT

3 tetori, afati i fundit per deklarimin e pasurise nga zyrtaret. Berisha ka deklaruar vetem nje shtepi te vjeter, anetaret e kabinetit hezitojne. Kryeinspektorja Laskaj pret me padurim verifikimin

Ajo cfare ka deklaruar kryeministri Berisha para e pas zgjedhjeve se ministrat dhe zyrtaret e tij te larte nuk do te kene konflikt interesi si dhe do t'ju verifikohet e gjithe pasuria dhe burimi i saj, deri dje ka mbetur nje premtim i thjeshte dhe deshire e parealizuar. Duke vene ne siklet kryeministrin me premtimin e tij te bere publik, ministrat kane hezituar te deklarojne pasurine e tyre ne institucionin perkates, pra ne Inspektoriatin e Larte te Deklarimit dhe Kontrollit te Pasurive. Kjo ka ardhur ndoshta per mosnjohjen e ligjeve ne fuqi apo edhe nga mbingarkesa e ketyre diteve per t'u mesuar me shtepine e tyre te re, por dhe te perkohshme, ne ministri. Nje pjese, sic akuzon edhe politika opozitare, kane direkt konflikt interesi me postin ose nuk po gjejne mundesi e rrugejustifikim te pasurimit te tyre ne keto vite. Ne kohen kur Berisha ishte ne opozite, ai e ngriti vazhdimisht zerin neper seanca parlamentare apo konferenca shtypi duke akuzuar me te drejte kabinetin e Nanos, pikerisht per kete qe nuk po e bejne sot ministrat e tij. Duke qene vete korrekt, kryeministri Berisha i cili ka deklaruar qe nga fillimi i karrieres se tij ne politike vetem nje shtepi te vjeter te kohes se Enver Hoxhes dhe asgje tjeter, duket absurde se si ka mundesi qe ministrat e tij guxojne ta vene ne nje pozite te veshtire kryetarin e qeverise para opinionit? Nese ndonjeri ka arsye te pajustifikueshme qe nuk arrin te firmose deklaraten e pasurise, pasi nuk ka se si t'i "mbuloje" milionat apo pasurite e vena, do te ishte me e udhes qe te shkonte tek kryeministri dhe te jepte doreheqjen. Asgje e keqe nuk i ndodh, vetem se do t'i duhet te shkoje tek institucioni i drejtuar nga Fatmira Laskaj per te raportuar se si i ka vene keto pasuri. Me pas, nese Berisha i qendron asaj cka ka deklaruar ne luften kunder korrupsionit do t'i duhet t'i drejtohet prokurorise per hetimin e atyre qe jane deklaruar. Berisha eshte politikan i pakorruptuar per vete dhe nuk ka perse te mbaje mbi supe akuza te neserme per ministrat e tij, nese vertetohen, sic po pergatitet opozita t'i vertetoje. Nje minister duhet para te gjitheve qe luajne ne politike, te beje deklarimin e pasurise qe diten e pare qe hyn ne kabinet. Afati perfundimtar per te hedhur kete hap eshte 3 tetori, dhe nuk ka perse te vonohen ministrat e Berishes per t'u paraqitur tek Fatmira Laskaj, njeriu qe eshte zgjedhur nga parlamenti per te bere kontrollin e atyre qe percakton ligji dhe qe bejne ligjet. Madje, sic deklarojne burime prane kryeministrit Berisha ai ka kerkuar nga ministrat e tij qe jo vetem t'i deklarojne sipas ligjit, por dhe t'ua japin vete mediave per t'i pare e verifikuar edhe ato nga ana e tyre. Ka nje faqe ne satin e internetit te kryeministrise ku kreu i qeverise dhe ministrat e tij deklarojne formularin e deklarimit qe kane cuar tek Fatmira Laskaj. Sa me shume zgjatet mungesa e mosdeklarimit aq me shume pikepyetje lindin ne opinion. Ka ministra qe kane bere biznes para se te vinin deputete dhe te cilet deri para 3 korrikut nuk i kapte ligji per t'u deklaruar, por duhet te thone se nga ku i kane marre, sa tatime kane paguar, qe media dhe parlamenti te bindet ne zbatimin e ligjit prej tyre, kur ishin jashte dyerve te parlamentit. Ashtu sic ka edhe ministra, zv/ministra te sapoemeruar te cilet kane probleme me drejtesine dhe ligjin. Vartesit e Berishes duhet ta kujtojne ose keshillojne kryeministrin per emrat qe i propozojne atij per t'i emeruar ne poste te larta. Neser nese dalin te perzier nuk do te mund te justifikohet kryeministri me argumentin "nuk e dija" apo "te merret drejtesia", kur vete nuk i con dosjen kryeprokurorit per hetime. Natyrisht qe jemi ne fillim te punes se qeverise dhe nuk ka perse te hamendesohet kaq shpejt, por do te ishte mire qe kryeministri t'i therriste te gjitha ministrat te cilet nuk pranojne ose hezitojne te bejne deklarimin ligjor te pasurise qe kane aktualisht. Nuk eshte me ne opozite qe kishte te drejten per te kritikuar pasi nuk kishte shume pergjegjsi, kurse tani eshte vete atje ku shikohet dhe kritikohet nga te tjeret. Deklarimi i pasurise nga ministrat eshte jo vetem nje detyrim ligjor, por edhe politik, pasi ngarkojne me dyshime mazhorancen ne teresi dhe PD-ne ne vecanti. Hapi i pare eshte deklarimi dhe me pas fillon verifikimi si nga Fatmira Laskaj, ashtu dhe nga opozita, media e opinioni publik i cili do te dije se kush po e qeveris.

KJ.

[Lunesta]

KORRUPSIONI NE DOGANA NUK LUFTOHET ME RROKADE

Qeveria Berisha erdhi ne pushtet me premtimin e madh se do te qeveriste me duar te pastra. U tha se keto duar me shume se kudo do te vihen ne pune per te luftuar korrupsionin, por mbi te gjitha per te denuar dhe ndjekur penalisht ata qe rezultojne se kane bere kete korrupsion. Nga raportet e shumta te nderkombetareve, dhe jo vetem te tyre, ne Shqiperi rezulton se pjesa me e korruptuar e administrates jane punonjesit e doganave dhe tatimeve. Pa mbushur ende 10 dite nga qeverisja e re Berisha, Ministri i Financave firmosi levizjet e drejtuesve te doganave kryesore ne vend. Po te veresh listen duket qarte se kreret e doganave thjesht kane nderruar vendet, pra Bode ka bere nje rrokade ne dogana. Shume emra qe ai i ka emeruar ne dogana me rendesi, jane lakuar disa vite me pare si emra te implikuar ne ceshtje te ndryshme korruptive. Madje, disa syresh, jane pushuar nga puna me kete motivacion nga drejtuesit e meparshem te doganave. Disa nga keto emra qe Bode ka zgjedhur si figura te pastra, jo me pak se dy apo tre vjet me pare kane mbetur disa muaj pa pune, pasi rezultuan te implikuar ne afera korruptive. Korrupsioni nuk mund te luftohet duke transferuar ne detyra te ndryshme te akuzuarit per korrupsion, pasi ne kete menyre do te kishim nje transferim te problemit, por jo zgjidhje te tij. Ministri i Financave duhet te kishte larguar nga detyra te gjithe ata qe kane gllaberuar milionat qe duhet te perfundonin ne xhepat e shqiptareve. Madje, reforma nuk duhet te ndalej ketu. Kryefinancieri duhet te perpilonte dosje per cdo te dyshuar per korrupsion dhe ta depozitonte ate ne prokurori. Ka ardhur koha qe qeverisja me duar te pastra te shnderrohet ne realitet, te zbatohet ne cdo hallke te ekzekutivit dhe sidomos tek ata qe kane per detyre te mbushin arken e shtetit.


KJ.

[BlueBaron]

Bananet, thyhet monopoli 8-vjeçar.
Mbërrin në Durrës anija me ngarkesën 800 tonëshe.


Porosia nga firma fierake "Zin-Pag" sfidon tregun e "Banana-Fruit" dhe "Alban-Fruit".

Për herë të parë pas tetë vitesh thyhet monopoli i importit të bananeve në Shqipëri. Një anije me 800 tonë banane e porositur nga firma shqiptare "Zin-Pag", ka mbërritur në portin e Durrësit duke sfiduar në këtë mënyrë firmën që ka kryer ekskluzivisht këtë aktivitet gjatë këtyre 8 viteve të fundit, firmën "Banana-Fruit", e cila, ashtu si dhe "Alban- Fruit", drejtohet nga të afërmit e ish-ministrit të Financave, Anastas Angjelit. Sipas të dhënave të portit të Durrësit, anija e huaj tregtare frigoriferike me emrin "CHERY" kishte lajmëruar mbërritjen e saj në Durrës pas një ndalese në Ravena, ku ka shkarkuar një sasi bananesh. Firma që e ka porositur këtë sasi bananesh quhet "ZIN-PAG". Por të dhënat e tjera për veprimtarinë e saj do të mbërrijnë pranë autoriteteve portuale vetëm tani që anija mbërriti në port dhe nisën proçedurat për përpunimin e saj. Nga interesimi i "Gazetës", doli se kompania fierake në fjalë ushtron aktivitetin e saj në fushën e importit të fruta-perimeve dhe administrator i saj është Trifon Murataj. Ajo deklaron pranë organeve shtetërore punësimin e 20 vetëve, si dhe shifrën prej 1 deri në 3 milionë eurosh të ardhura vjetore. Veç këtij aktiviteti, firma sfidante ushtron veprimtari edhe në fushën e salloneve të bukurisë, qendrave të estetikës, etj. Kompania është krijuar në vitin 2000. Ndërkohë edhe gjatë kësaj vere tregu është furnizuar me banane të importuara nga Firma "Alban--Frut". Kështu, lista e anijeve që kanë sjellë banane për këtë firmë që nga muaji korrik tregon se më 1 korrik anija PADOVA ka shkarkuar për të në portin e Durrësit 1660 ton banane, më 15 korrik anija Regal Star ka shkarkuar 736 ton banane, më 27 korrik anija PIERRE DOUX ka shkarkuar 940 ton banane, më 8 gusht anija MOGAMI REFER ka sjellë 866 ton banane, më 23 gusht anija SANTIAGO STAR 1326 ton banane dhe më 17 shtator anija PIERRE DOUX është në përpunim e sipër në kalatë me ngarkesën e përbërë prej 1242 ton bananesh. Kjo firmë bananet i ka importuar nga Ekuadori. Sipas të dhënave nga Drejtoria e Përgjithshme e Doganave, gjatë gjashtëmujorit të parë të këtij viti janë importuar në vendin tonë rreth 7 300 tonë banane. Në krahasim me të njëjtën periudhë të një viti më parë, kemi një rënie të importit me rreth 18 për qind, pasi në gjashtëmujorin e parë të vitit 2004 janë importuar rreth 9 mijë tonë.

Interesimi
Ndërkohë, sipas autoriteteve doganore, në port gjatë këtyre ditëve kanë ardhur tregtarë nga disa qytete të vendit si Shkodra,Elbasani,Fieri e ndonjë tjetër, të cilët janë interesuar për tarifat e transportit dhe të përpunimit të anijeve që mund të sjellin banane. Kjo lidhet me normën e lartë të fitimit që ofron një tregti e tillë, por edhe me deklarimet politike të qeverisë së re se do të godasë monopolet e krijuara në ekonominë e vendit tonë gjatë 8 vjetëve të fundit, në biznese të tilla si nafta, materialet e ndërtimit, sendet ushqimore të përdorimit të gjerë. Ka qenë kështu vetë bota e biznesit, nisur nga interesimi për fitim, që ka kapur shpejt sinjalet antimonopol, të paktën në disa importe të caktuara, që ishin "gllabëruar" nga klane të fuqishme, të cilat këto ditë nuk e kanë më përkrahjen e mëparshme nga ana e shtetit.

[Brari]

debati ne qeveri
erdhri


Debati i hapur për makinat nxitoi procedurën


Berisha, urdhër për kthimin e makinave




Eva Gjura
Makinat që kanë marrë ish-ministrat socialistë do të kthehen sërish nëpër ministritë që janë marrë, për t’u vënë në dispozicion të administratës qeveritare.

Sekretari i përgjithshëm i Kryeministrisë, Maxhun Peka u ka dërguar një shkresë zyrtare të gjitha ministrive ku urdhëron kthimin mbrapsht dhe rishikimin e procedurave për të gjitha makinat që kanë rrëmbyer ministrat socialistë për të ribërë edhe shpërndarjen. Ky urdhër i sekretarit të përgjithshëm të Kryeministrisë ka ardhur sepse disa nga ministrat socialistë, që aktualisht janë deputetë, kanë marrë në përdorim makinat që kanë pasur kur ishin ministra. Peka e ka pranuar se ka nisur një urdhër të tillë dhe tani pritet që vendimi të zbatohet.

Urdhri
Ish-ministrat socialistë Arben Malaj, Bashkim Fino, Blendi Klosi, Fatmir Xhafaj, Kastriot Islami kanë kaluar në emrat e tyre por në pronësi të institucionit të Kuvendit të Shqipërisë makina që janë blerë nga ministritë përkatëse. Për drejtuesit e Kryeministrisë kjo është cilësuar një shkelje, ndaj me një shkresë të bërë nga sekretari i përgjithshëm i kryeministrit, Maxhun Peka, kërkohet që të gjitha ministritë të dorëzojnë makinat që kanë në përdorim për të bërë edhe një herë rishpërndarjen e tyre. Sekretari i përgjithshëm i Kryeministrisë, Maxhun Peka e ka pranuar dje se ka nisur një shkresë të tillë me numër protokolli nga Kryeministria në adresë të të gjitha ministrive dhe tashmë pritet që ky urdhër të fillojë të zbatohet. Debati për marrjen e makinave luksoze nga ish-ministrat socialistë ka sjellë mjaft reagime edhe nga deputetët socialistë. Këta të fundit, me ardhjen në pushtet të Partisë Demokratike, kërkojnë që të kenë në përdorim makina më të mira se ata që kanë pasur deputetët e Parlamentit paraardhës. Për mosshpërndarjen makinave ashtu siç duhet u akuzua sekretari i përgjithshëm i Kuvendit Popullor, Artan Banushi që dha dorëheqjen pak ditë më vonë.



SHBA: Shqipëria, shumë sfida

Të gjitë presim të shohim forcimin e institucioneve demokratike, rritje ekonomike, rritje ekonomike, hapje vendesh të reja pune, reforma ekonomike, integrimin në Evropë, sigurisht, ku është e ardhmja afatgjatë për Shqipërinë. Kjo ishte deklarata e bërë dje nga zv.ndihmës sekretari i Shtetit për Evropën Kurt Wolker. Sipas tij edhe marrëdhëniet me fqinjët janë të një rëndësie të veçantë. “Shqipëria do të jetë e angazhuar në çështjet e rajonit” tha ai. Wolker vlerësoi se ka pasur një partneritet të shkëlqyer me Shqipërinë gjatë viteve të fundit. “Mendoj se krahasuar me përvojat e mëparshme në Shqipëri për ndërrimin e pushtetit, kjo ishte një nga më të suksesshmet” tha zyrtari amerikan.



Blendi Klosi
Ministri i Kulturës ka mbajtur makinën Wolfswagen Tuarek, duke e kaluar në emër të tij, por në pronësi të institucionit të Kuvendit të Shqipërisë. Makina ishte e blerë nga dikasteri i Ministrisë së Kulturës.
Bashkim Fino
Ministri i atëhershëm i Rregullimit të Territorit dhe Turizmit, Bashkim Fino, makinën tip Mitsubishi e kaloi në pronësi të Kuvendit, duke e mbajtur njëkohësisht edhe gjatë kohës që ishte në krye të këtij dikasteri.
Fatmir Xhafaj
Makina e ish-ministrit është marrë nga ana e dikasterit të Drejtësisë. Skema që është përdorur është kalimi i makinës së ministrisë si pronësi e institucionit të Kuvendit të Shqipërisë.
Kastriot Islami
Islami si ministër i Jashtëm mori makinën e tij, tip Benz dhe ia kaloi në pronësi të Kuvendit. Pas zgjedhjes së tij si deputet në zgjedhjet e 3 korrikut dhe humbjes së pushtetit, Islami mori makinën e tij personale.
Arben Malaj
Ish-ministri i Financave, Arben Malaj ka marrë me vete makinën e tij Rover, e cila në fakt nuk ka qenë në pronësi të Ministrisë së Financave, por të një projekti që operohej në Ministrinë e Financave.


Këshilli i Ministrave, debat për vendndodhjen e ministrive sipas organikës së re

Basha rrëmben godinën e Leskajt
Troshani pritet të kalojë te Ministria e Kulturës

Këshilli i Ministrave nuk ka vendosur dot lidhur me godinat ministrore ku duhet të ulen ministrja e Integrimit, Troshani dhe ministri i Turizmit, Bujar Leskaj. Edhe pse ishte përcaktuar për të qenë në rendin e ditës së diskutimeve në mbledhjen e qeverisë, debatet e shumta nuk kanë lejuar marrjen e një vendimi. Lulzim Basha e kërkon me ngulm ish-Ministrinë e Rregullimit të Territorit dhe Turizmit, ndërsa Arenca Troshani pranon çdo ministri, vetëm të mos jetë në Pallatin e Kongreseve.
Por burimet pranë qeverisë thanë për “Panorama” se Ministria e Integrimit pritet të kalojë në ambientet e Ministrisë aktuale të Kulturës, Ministria e Transporteve të qëndrojë tek godina e Transporteve dhe ish-Ministria e Rregullimit të Territorit, ndërsa ministri i Turizmit dhe i Kulturës, Bujar Leskaj, ende nuk dihet se ku do të vendoset përfundimisht. Këtij të fundit i duhet të paktën të presë edhe një javë derisa të mblidhet Këshilli i Ministrave për të marrë një vendim përfundimtar.

Konflikti
Debatet mes ministrit të Punëve Publike, Transporteve dhe Telekomunikacionit, Lulzim Basha, dhe ministrit të Turizmit dhe Kulturës, Bujar Leskaj, ka ditë që kanë nisur për godinat e ministrive të tyre. Shkurtimi i ministrive nga kryeministri Sali Berisha ka bërë që të krijohet një amulli përsa i përket vendosjes së godinave të ministrive, stafeve të punës, varësisë së drejtorive etj. Të njëjtin problem për të gjetur një godinë që t’i vendoset emri Ministria e Integrimit e ka dhe ministrja e re Arenca Troshani, të cilës nuk i është përcaktuar ende godina ku ajo do të punojë për integrimin e Shqipërisë së bashku me stafin e saj. Mësohet se në ambientet e Ministrisë së Kulturës që është aktualisht të kalojë Ministria e Integrimit, ndërsa në ambientet e Ministrisë së Transporteve dhe Turizmit të ndahet sektori i turizmit dhe të vendoset ministri Basha së bashku me stafin e tij dhe drejtorët e drejtorive që do të drejtojë. Me vendosjen e Bashës në këtë ministri dhe Troshanit në Ministrinë e Kulturës mbetet Ministra e Turizmit dhe Kulturës që po hidhet si top pingpongu, duke mos ditur se ku do të vendoset.

Takimi
Ndërkaq, ditën e djeshme, të dy ministrat së bashku, Basha dhe Leskaj kanë takuar stafin e turizmit dhe gjithë drejtoritë që merren me turizmin. Përveç ndarjes ka edhe një tjetër paqartësi mes funksioneve që do të mbajnë: kush do të jetë ministri që do të rregullojë territorin turistik, ku përfshihet dhënia e lejeve për fshatrat turistikë në bregdet apo në zonat malore, si dhe pjesën e menaxhimit të tyre, që do të thotë mbledhja e qirave. Pritet që Basha të marrë në dorëzim të parën, ndërsa pjesa tjetër të menaxhohet nga Leskaj. Megjithatë, ende nuk është përcaktuar asgjë definitive.



panorama

[BlueBaron]

Doganat: Një javë afat për borxhet ...


Ultimatumi për firmat që s'paguajnë. Kontroll pasurisë së doganierëve.

Rezultojnë plot 2,5 miliardë lekë detyrimet që subjekte të ndryshme i kanë arkës së shtetit shqiptar. Këtë e ka deklaruar dje publikisht kreu i ri i Doganave shqiptare, Përparim Dervishi, i cili ve në dukje kështu se e merr postin së bashku me një faturë shumë të rëndë debiti. Ai ka dhënë dje një ultimatum duke u lënë vetëm një javë afat firmave që të paguajnë. Kërcënimi ka bërë efekt sepse që dje mësohet se administratorët e firmave Oert dhe Sucrealba kanë paguar 380 mijë dollarë detyrim. Të dyja firmat janë pronë e vëllezërve Koka në Durrës një prej të cilëve (Nar Koka) ndodhet në burg me akuzën e kontrabandës.

Afati.
Në takimin, e zhvilluar, në prani të mediave dhe ku asistonte zëvendësministri i Financave Florjon Mima, drejtori i DPD njoftoi një "kompromis" shumë të shkurtër, pas të cilit dora e autoriteteve shtetërore nuk do të toleronte më. "Ne kemi menduar t'u japim një afat kohor subjekteve debitore prej një jave", theksoi ai, duke shtuar se në këtë periudhë ato ftohen të paraqiten vullnetarisht e të shlyejnë detyrimet ndaj Doganave. Në të kundërt, autoritetet doganore do të zbatojnë të gjithë sanksionet që njeh ligji.

Dervishi vuri në dukje, nga ana tjetër, se shumë shpejt shërbimi i borxhit do të ketë në dispozicion të gjitha pajisjet dhe metodat moderne të evidentimit, ndërkohë që kjo do të shoqërohet me një sistem më efikas paralajmërimi dhe ekzekutimi, në afatet e lejuara me ligj, në mënyrë që debiti të mos arrijë në nivele të tilla. Politika jonë është e qartë, shtoi Dervishi: "Do të vjelim të gjitha detyrimet fiskale, ato aktuale apo të akumuluara, pra edhe borxhin doganor", duke kërkuar nga drejtorët e degëve të bëhen barrikada më e rëndësishme ndaj evazionit fiskal.

Kokat paguajnë borxhin.
Burime nga dega doganore Durrës bënë të ditur për "Gazetën" se dje janë paraqitur vullnetarisht për të arkëtuar detyrimin ndaj shtetit kompanitë "OERT" dhe "Sucralba". Këto dy kompani të mëdha, të njohura për importet e sheqerit, grurit, orizit, etj, ishin në listën e debitorëve ndaj doganës Durrës, përkatësisht "OERT" me 20.745.564 lekë dhe "Sucralba" me 18.063.560 lekë të papaguara, në total rreth 380.000 USD. Sikurse është bërë e ditur në opinion, pronarë të këtyre kompanive janë vëllezërit Koka, njeri nga të cilët është kryetar i Bashkisë së qytetit bregdetar dhe tjetri ka përfunduar në vorbullën e një tjetër skandali financiar për kontrabandë cigaresh me vlerë 4 milionë dollarë, për çka është arrestuar dhe në pritje të gjykimit. Nga dogana e Durrësit njoftohet se edhe disa subjekte të tjera janë paraqitur vullnetarisht për të paguar detyrimin, pas bllokimit të bujshëm të aseteve të kompanive "Olim" dhe "Global Petroleum", që kishin gëzuar favorizime të vazhdueshme nga autoritetet doganore, për shtyrjen e afatit të pagesës së detyrimeve të mëparshme.

Negociojnë pronarët e pallatit.
Përdorimi i forcës ka sjellë rezultat edhe ndaj borxhlinjve tek Tatimet. Pas bllokimit nga Tatimorët edhe të një pallati në ndërtim të kompanisë "Best Construction Albania", që i detyrohej shtetit në masën 6,3 milionë lekësh, dje burume nga DPT thanë për "Gazetën" se përfaqësuesit e saj kanë hyrë menjëherë në bisedime me Drejtorinë e Tiranës, duke negociuar për të paguar me këste detyrimin e mësipërm.

[BlueBaron]

Tatimorët: 30 ditë për të shmangur bllokimin për 63 subjekte tregtare ...


Tatimorët deklaruan se kanë "piketuar" mbi 60 kompani që ushtrojnë aktivitetin e tyre në Tiranë, të cilat kanë kaluar çdo afat ligjor për pagimin e detyrimeve të prapambetura ndaj Drejtorisë të Tatimeve të kryeqytetit. Pas verifikimeve, del se në total këto subjekte kanë për t'i paguar shtetit rreth 100 milionë lekë, ose një million dollarë amerikanë, shumica e tyre "debitorë të këqinj", të cilët kanë një kohë shumë të gjatë që nuk po paguajnë atë çka detyrohen, një pjesë që para vitit 2000.

Në përputhje me konstatimin e këtij fakti, Policia Tatimore e Tiranës ka marrë urdhër ekzekutimi për bllokimin e aseteve të këtyre 63 kompanive, të gjitha biznes i mesëm ose i vogël, por që kanë krijuar këtë "boshllëk" kolosal në vite në arkën e Tatimorëve kryeqytetas. Burime të Drejtorisë së Përgjithshme të Tatimeve vunë në dukje për "Gazetën" se tashmë janë lajmëruar të gjithë subjektet debitorë dhe atyre iu është dhënë një afat i fundit shlyerjeje prej 30 ditësh, pas të cilit policët tatimorë do të "vulosin" aktivitetet e tyre. Burimet nga drejtoria tatimore e Tiranës kanë bërë të ditur se subjektet që pritet të bllokohen brenda një muaji ushtrojnë aktivitet në ndërtim, tregti dhe në sektorin e shërbimeve. Parashikohet që bllokimi të shërbejë si mjet detyrimi për grumbullimin e detyrimit të prapambetur, në të kundërt, me vendim gjyqi, ai të kthehet në sekuestër dhe asetet e debitorëve do t'i kalonin në pronësi shtetit, që mund t'i përdorte vetë, apo t'i shiste ato në ankand.

[BlueBaron]

Prokuroria hetim drejtuesve të Tatimeve.

Denoncimi që dega e Tatim-Taksave ka bërë në prokurori për 41 subjekte tregtare që nuk kanë paguar taksat, pritet të rihapë një hetim edhe për vetë këtë degë. Burime pranë organit të akuzës janë shprehur se, nga shqyrtimi i kallzimeve penale, ka rezultuar se një pjesë e mirë e firmave i kanë patur borxhet që nga vitet 2000-2002, ndërkohë që disa firma në fund të vitit 2003 rezultojnë të kenë mbyllur aktivitetin e tyre.
Konstatimi i këtij fakti ka shtyrë seksionin kundër krimit ekonomik pranë Prokurorisë së Tiranës që të nisë një hetim për drejtuesit e Tatim-Taksave për moskallzim në kohë të firmave debitore. Gjithashtu hetuesit e krimit ekonomik do të verifikojnë nëse ka patur masa administrative gjatë këtyre viteve ndaj firmave debitore. Pas këtij verifikimi, pritet të përcaktohen edhe personat përgjegjës në degën e tatim-taksave, të cilët kanë zvarritur për disa vite denoncimin e firmave debitore.

[BlueBaron]

Ca bohet kshu mer jahu !!!

Ishallah nuk eshte vetem per efekt 100 diteshi dhe vazhdon 4 vjet. Pastaj edhe 4 te tjera, pastaj edhe 4 te tjera, pastaj eshte gje krejt normale dhe vazhdon natyrshem. Ne 2020 nuk do t'i kemi me zili njeriu ... Amin ...

[Brari]

KJ

E Marte, 27 Shtator 2005


IMORALITET NE MBROJTJE TE ADMINISTRATES

Nga Besim Ndregjoni

Keto dite ne te gjitha mediat, politika opozitare po KERKON me te madhe mosprekjen e administrates. Ne pamje te pare ky problem kerkon vemendje dhe trajtim te vecante. Ne nje shtet demokratik, ky fenomen nuk krijon shqetesime dhe nuk diskutohet qe te cenohet administrata, se administrata eshte nje pasuri kombetare per kombin. Por tek ne ky problem eshte shqetesues gjithmone kur ka nderrim pushtetesh. Cdo qytetar ne shtetin e tij ka te drejten kushtetuese qe te mbrohet nga padrejtesite qe mund ti shkaktojne pushtete politike, duke i cenuar te drejtat dhe lirite e tij. Domosdoshmerisht qe edhe administrata aktuale duhet te mbrohet neqoftese me te vertet i shkelet e drejta e saj. Analiza qe mendojme te trajtojme ne kete shkrim eshte: Si u ndertua kjo administrate? A u zbatua ligji per nepunesin civil ne krijimin e kesaj administrate? Dhe ky ligj a i sherbente me te vertet aftesise se nepunesit qe konkuronte. Ne marrjen e punonjesve ne administrate konkurronin per nje vend pune me ligjin per nepunesin civil "aktual) disa specialiste dhe mbas konkurimit perzgjidheshin 3 kandidate. Ne kete treshe kandidatesh shefi "qe perfaqesonte administraten shteterore) do te zgjidhte njerin nga kjo treshe. Keshtu, neqoftese ti ne konkurim do te dilje i treti ne pune do te merreshe i pari se te njihte shefi. Kjo metode pune administrative eshte zbatuar afersisht ne te gjitha nivelet e administrates shteterore. Nuk kishte rendesi se kush kishte fituar nga keta tre pike me shume, apo ishte me i pergatitur. Ate vend ne administrate do ta gezonte vetem neqoftese e njihte shefi apo drejtori i administrates dhe keshtu eshte krijuar administrata e ish-pushtetit te majte duke perjashtuar ketu ata punonjes qe zinin vendet e punes me motiv politik apo sic i quajme poste politike, qe kishte te drejte t'i emeronte pushteti qe kishte fituar zgjedhjet. Keshtu e bene ligjin per administraten ish-pozita, sot opozita, e cila nepermjet medias kerkon te tregoje se qeveria e qendres se djathte po ben "kerdine" ne administrate qe u krijua me mund e sakrifica. Ne kete fushate opozitare eshte perfshire edhe nje drejtues i nje institucioni kushtetues, sic eshte Avokati i Popullit, zoti Emir Dobjani, moraliteti kushtetues kerkon me cdo kusht qe ky institucion te mbroje te drejtat e qytetareve. Bile per ta bere te besueshme kete mbrojtje, ai e jep kete deklarate sebashku me homologun e tij grek duke shfrytezuar viziten e ketij te fundit ne vendin tone. Ne do te monitorojme dhe nuk do te lejojme qe qeveria Berisha te preke administraten, deklaroi i nderuari Dobjani. Sigurisht qe kjo deklarate e Avokatit do te ishte e drejte dhe bindese neqoftese Avokati do kishte mbrojtur me pare nepunesit e shtetit qe pa asnje lloj motivi qeveria Nano i flaku ne rruge duke u deklaruar se ne kemi pushtetin, kur te merrni ju pushtetin hajdeni. Kjo ishte motoja e qeverise qe u largua, per ata mijera nepunes te shtetit qe i hoqi nga puna. Dhe Avokati ne ate kohe heshti, nuk beri nje deklarate ne mbrojtje te te drejtave kushtetuese te ish te perndjekurve politike qe qeveria e majte i hoqi te gjithe pa perjashtim nga punet ne administrate shteterore, dhe kur keta gezonin dhe mbrojtjen ligjore te shtetit qe mos cenoheshin ne pune ne baze te statusit qe kishin dhe qe ishte miratuar edhe nga te majtet. Per lexuesin do te jap nje shembull qe eshte me te vertet sa qesharak aq edhe banal se si keta "mbrojtesit" e nepunesve qe i kane emeruar vete me pushtetin e tyre, vepronin ndaj atyre qe i largonin nga administata qe nuk ishin anetare, apo militant te tyre, dhe kjo ndodhte qe tek ata qe ishin kualifikuar ne Perendim, dhe deri tek nje punetore pastrimi. Sekretari i pergjithshem i Keshillit te Ministrave Ylli Manjani, dhe shefi i kuadrit Arben Shkodra therrasin ne zyre punetoren e pastrimit dhe i thone: ti do te largohesh nga puna se je anetare e Partise Demokratike dhe e perndjekur politike. Keta te fundit po protestojne kunder qeverise dhe keshtu e larguan nga puna punetoren e pastrimit keta shefa administratash shteterore. Mbasi u pushua nga puna, kjo "armike" u drejtua tek i nderuari Avokat i Popullit dhe i tregoi largimin qe i bene padrejtesisht nga puna ku ajo ishte. Pergjigjja e Avokatit ishte: "Zonje, nuk kemi cfare te te bejme, ata kane pushtetin prandaj s'kemi se cfare te te bejme". Dhe kjo ishte mbrojtja qe i beri pastrueses Avokati i Popullit, e cila pas 13 vite pune si punetore pastrimi ne Keshillin e Ministrave vazhdon edhe sot e kesaj dite te jete e papune. Kjo e vertet nuk do te kishte vemendjen e duhur dhe nuk do ta benim te ditur per publikun neqoftese zotin Dobjani nuk do ta shihnim teper te shqetesuar ne mbrojtjen e administrates aktuale, e cila per vendin e punes nuk kane kursyer as edhe nje pastruese.

Shembuj te kesaj natyre ka me shumice, por ne mendojme se nuk i sherbejme shoqerise me veprime apo fenomene te cilat jane parandaluese per ndertimin e nje administrate qe me te vertete te jete ne sherbim te shtetit.

Moraliteti i institucioneve kushtetuese eshte mbrojtja e te drejtave te punonjesve te shtetit dhe te punonjesve ne sektorin privat. Kjo mbrojtje forcon dhe shendosh shoqerine demokratike. Administrata si pasuri kombetare e nje kombi duhet te kete vemendjen dhe interesimin e te gjithe komponenteve te shtetit qe kjo administrate te mos iu sherbeje pushteteve politike, por ti sherbeje shtetit. Kete pasuri mos ta perdorin pushtetet qe nderrohen per interesa politike. Kjo duhet te jete motoja e qeverise se djathte, e cila ne bashkepunim edhe me opoziten dhe me shoqerin- civile te hartojne ligjin per nepunesin civil, i cili te jete ne sherbim te interesave te shtetit dhe te individit, dhe jo ne sherbim te pushteteve politike. Administrata shteterore ka nevoje per nepunes qe kane aftesi dhe jane profesioniste, te cilet dijet e tyre i vene ne sherbim te zhvillimit te shoqerise. Forcimi dhe qendrueshmeria e administrates eshte themelore per te ndertuar nje shtet te se drejtes, por administrata nuk mund te krijohet me deklarata plitike. Keto deklarata "fjala" ne mbrojtje te administrates jane imoralitete qe nuk i sherbejne mbrojtjes se tyre, perkundrazi jane shkaterrimtare per vete ata qe punojne ne administrate, si dhe ne pergjithesi per shoqerine demokratike. Politizimet tek ne gjate ketij tranzicioni na kane shkaktuar deme te pallogaritshme ne ndertimin e shtetit. Keto deme pa diskutim qe kane perfshire edhe administraten e cila eshte perdorur politikisht dhe jo nga ana profesionale. Prandaj cdo vonese ne kete problem eshte humbje per ne dhe shtetin qe duhet te ndertojme nje shtet ne sherbim te qytetareve, me nje administrate profesioniste dhe jo te politizuar.