Shqipëria - Kazakistani (2:1)

[Davius]

Duke nisur nga dita e djeshme, kuqezinjtë do të përgatiten për ndeshjen e radhës eliminatore 30-08-2005

Kombëtarja, me mision "Kazakistan"

Ekipi ynë përfaqësues ka filluar dje grumbullimin në hotel "Adriatik" në plazhin e Durrësit, 5 ditë para ndeshjes me Kazakistanin. Të parët që kanë mbërritur në hotel kanë qenë trajneri Hans Peter Brigel, i shoqëruar nga ndihmësi i tij, Aksel Ros, dhe futbollistët Isli Hidi, Elvis Sina, Ilion Lika, Ervin Skela, Besnik Hasi, Elvin Beqiri dhe Armend Dallku. Pas një pushimi disaorësh, në pritje të kontigjentit tjetër të futbollistëve kuqezinj, është anuluar seanca stërvitore e programuar për në orën 16.30 në stadiumin e Shijakut. Fakti që në dispozicion të trajnerit

Hans Peter Brigel kanë qenë vetëm 8 futbollistë, ka bërë të ndryshojë dhe programi stërvitor, duke zhvilluar një stërvitje në plazhin e Durrësit. Rreth orës 17.30, në hotel kanë mbritur dhe futbollisti i Olimpikut të Marsejës, Lorik Cana, si dhe Florian Myrtaj me Ansi Agollin. Ndonjë prej futbollistëve pritej të mbërrinte në orët e vona ,në një kohë që pjesa tjetër e ekipit me futbollistë të tillë si Tare, Bogdani, Jupi, Edvin Murati, Blendi Shkëmbi, Altin Lala dhe Tefik Osmani, do të bashkohet me grupin ditën e martë, pra sot.

Burime pranë trajnerit Brige kanë bërë të ditur se grupi do të jetë i plotë vetëm sot, kur edhe do të fillojë stërvitja me 2 seanca. Në bazë të programit, stërvitja do të zhvillohet në fushën e futbollit të qytetit të Shijakut dhe vetëm ditën e fundit në stadiumin kombëtar "Qemal Stafa". Një ditë para ndeshjes, trajneri i ekipit tonë përfaqësues, Hans Peter Brigel, pritet të japë dhe konferencën e zakonshme për shtyp. Përsa i përket gjendjes së futbollistëve, mjeku mesazhator i ekipit, Asllan Kasa, është shprehur se akoma nuk dihet gjendja reale, pasi kjo do të duket vetëm në fushën e stërvitjes. Ndërkohë, trajneri i portierëve kuqezinj, Vladimir Ajazi, është shprehur se gjendja e Likës dhe Hidit është optimale dhe se të dy janë të gatshëm për sfidën e 3 shtatorit me Kazakistanin

[Davius]

Brigel: Kazakistani, një ndeshje e rrezikshme

Me Kazakistanin është një ndeshje e rrezikshme. Kështu ka deklaruar trajneri i kombëtares sonë kuqezi, Hans Peter Brigel, i cili ka kërkuar mobilizim maksimal të ekipit të tij për ndeshjen me Kazakistanin. Në të njëjtën kohë, trajneri Brigel ka komentuar dhe mundësinë e afrimit në ekipin tonë përfaqësues të futbollistit Bekim Kastrati, i cili aktualisht po shfaq një formë të mirë sportive në Bundesligë. Sipas trajnerit Brigel, ai nuk ka pasur kontakte direkte me Kastratin, por nga kontaktet që futbollisti ka pasur me përfaqësues të federatës është shprehur se dëshiron të luajë me ekipin përfaqësues. Në lidhje me këtë fakt, Brigeli

ka shtuar se në radhë të parë për të luajtur me ekipin përfaqësues, Kastratit i duhet një pasaportë shqiptare. Brigel ka pranuar gjithashtu talentin e këtij futbollisti, që gjithsesi i përket të ardhmes së ekipit tonë përfaqësues.

[OO7]

Te jap emailin une dhe dergoma me atach nje bilete per ndeshjen, ndersa parate pas 2 min do i keshe ne konto numer.

Forza NE.

LoL sbohen ashtu Davius biletat duhen ne Dore ! Hec ti se so problem per 10 Mije lek Plako ! E ke nga une bileten po erdhe !

[mad]

a e jep nei TV neshjen mer, me e kerku n'satelit????

miqsoren me Azerbjxhanin e dha TVSH-ja, po kte kujt ja kan nda?

me i fitore ishalla, mos me dal t'funit mo!

{^_^}

[Davius]

Sat+ i ka te drejtat e transmetive te kombetares. Nese ke kete pakete satelitore eshte mire, nese jo searching e gjen andej ne ndonje program rus...

[mad]

puna eshte se nuk e jep njeri kombtaren tone...dmth as1 stacion jo-shqiptar nuk do kishte interes. pervec ndo1 stacioni kazak, po edhe ata, me duken shume te kputur ......se edhe ndeshjen e pare, se jepnin.

rrofsh Davius per pergjigjen!

{^_^}

[Davius]

Albania squad for World Cup qualifer against Kazakhstan

TIRANA, Aug 30 (Reuters) - Albania coach Hans-Peter Briegel has called up uncapped midfielder Ansi Agolli for their European Group Two qualifier against Kazakhstan on Saturday.

Albania, fifth in the group have no chance of qualifying for the World Cup finals but are keen to win points to improve their FIFA rankings. Kazakhstan are bottom of the group and looking for their first point.

Squad: Goalkeepers: Isli Hidi (SK Tirana), Ilion Lika (Dinamo), Tefik Osmani (Metalurg Zh), Armend Dallku (Poltava), Elvin Beqiri (Metalurg Donetsk), Elvis Sina (SK Tirana), Altin Haxhi (Anorthosis).

Midfielders: Lorik Cana (Olympic Marseille), Besnik Hasi (Anderlecht), Ervin Skela (Kaiserslautern), Ansi Agolli (Neuchatel), Edvin Murati (Iraklis), Altin Lala (Hanover), Bledi Shkembi (Metalurg Zh), Redi Jupi (Diyarbakirspor)

Strikers: Igli Tare (Lazio), Alban Bushi (Levadiakos), Florian Myrtaj (Catanzaro), Erjon Bogdani (Siena), Edmond Kapllani (Karslruhe).

...........

Formacioni i kombetares kunder Kazakistanit

[mad]

Albania coach Hans-Peter Briegel has called up uncapped midfielder Ansi Agolli for their European Group Two qualifier against Kazakhstan on Saturday.

? ? ? ? Ans Lepri n'kombtare /??????? ca s'ka bo vaki vallaj. edhe kte s'me kishte shku neihere me e kalu neper men. t'ja kisha uru me perpara. per hajer ishalla...

{^_^}

[Davius]

Kuqezinjtë, të plotë ndaj Kazakistanit

Trajneri Brigel, ndryshe nga dita e parë e grumbullimit, ku nuk ka pasur në dispozicion as gjysmën e ekipit, dje ka pasur të gjithë kontigjentin e futbollistëve, pasi kanë ardhur edhe Tare, Jupi, Haxhi, Shkëmbi, Murati, Lala, Osmani, Myrtaj dhe Agolli. Ashtu siç ishte parashikuar, ekipi ynë përfaqësues ka zhvilluar dy seanca stërvitore, paradite dhe pasdite. Të dy seancat stërvitore janë zhvilluar në stadiumin e futbollit të qytetit të Shijakut, fushë e cila, me sa duket, me cilësinë që ka dhe pozicionimin në një vend të qetë, i ka pëlqyer trajnerit Brigel. Në seancën stërvitore të paradites, trajneri Brigel ka zhvilluar një stërvitje të karaterit aerobik dhe vrapime të lehta, si dhe kuadrate me top.

Në seancën stërvitore të paradites, sulmuesi Igli Tare ka zhvilluar stërvitje veçmas, për t'u bashkuar rrallë me grupin. Sipas burimeve nga stafi mjekësor i ekipit përfaqësues, me përjashtim të Tares, që është akoma në pikëpyetje për sfidën me Kazakistanin, për shkak të dëmtimit, i gjithë grupi tjetër i futbollistëve është i gatshëm. Pas seancës stërvitore të paradites, ekipi është rikthyer në hotelin "Adriatiku" në plazhin e Durrësit, ku futbollistët janë çlodhur dhe kanë ngrënë drekë, për të rinisur në orën 17:00 seancën stërvitore të pasdites po në fushën e Shijakut.

Në seancën e pasdites, trajneri Brigel ka zhvilluar një stërvitje krejt të ndryshme nga ajo e seancës së paradites. Janë zhvilluar ndeshje në gjysmëfushë me porta të lëvizshme. Stërvitja ka qenë kryesisht e planit tekniko-taktik. Tare, në seancën e pasdites, ka punuar më shumë me grupin, gjë që jep shpresë për një aktivizim të mundshëm të tij në sfidën me Kazakistanin, të paktën për një pjesë loje. Stërvitja e ekipit tonë përfaqësues është ndjekur me interes nga tifozëria shijakase. Edhe sot janë programuar dy seanca stërvitore në qytetin e Shijakut, në një kohë që një ditë para ndeshjes trajneri Brigel do të japë konferencën e zakonshme për shtyp.

[Davius]

Bogdani: Asnjë nënvlerësim Kazakistanit

"Nuk ka asnjë alternativë tjetër, vetëm për fitore me Kazakistanin." Kështu ka deklaruar për "Sportin shqiptar" sulmuesi i përfaqësueses sonë, Erion Bogdani, sipas të cilit ekipi ynë duhet që ta fitojë këtë ndeshje për të zënë një vend dinjitoz në grup. Bogdani është shprehur i gatshëm për sfidën e radhës, në një kohë që nuk e ka fshehur gëzimin e tij për aktivizimin dhe fitoren e parë me ekipin e Sienës në Serinë A në Itali. Më tej, Bogdani komenton:

- Si ndihet Bogdani në prag të sfidës me Kazakistanin?
- Kuptohet që është një ndeshje që duhet fituar dhe mendoj se i kemi mundësitë ta bëjmë këtë. Nuk them se do të jetë një ndeshje e lehtë, por kam besim se do t'ia dalim me sukses. Duhet të kemi kujdes që të mos pësojmë gol dhe të shfrytëzojmë rastet që do të na krijohen.

- Sa do ta kërkojë Bagdani golin në këtë ndeshje?
- Do të ishte kënaqësi nëse do të shënoja, por më e rëndësishme është ta fitojmë këtë tripikësh.

- A është Bogdani në kondicionin e tij më të mirë fizik?
- Ndihem mirë dhe do të jap maksimumin për skuadrën, ashtu siç kam bërë në çdo ndeshje me ekipin kombëtar. Shpresoj që edhe fati të jetë me mua.

- Sa i ka shërbyer miqësorja me Azerbajxhanin kësaj ndeshjeje?
- Sigurisht që i ka shërbyer. Takimet miqësore janë në shërbim të ndeshjeve zyrtare. Në takimet miqësore ka më shumë rëndësi loja, kurse në ndeshjet zyrtare rezultati. Prandaj edhe trajneri kishte zgjedhur një kundërshtar të së njëjtës shkollë para ndeshjes së 3 shtatorit.

- Sa vlera ka një fitore për ekipin tonë kombëtar në këto momente?
- Çdo fitore ka vlerë, por fitoja e radhës do t'i shërbente ekipit për të zënë një vend dinjitoz në renditje si dhe për të rritur besimin në ekip.

- Mendoni se sulmi do të jetë faktor në këtë ndeshje?
- Shpresoj të jetë kështu, pasi kjo do të ishte edhe për mua pozitive.

- Sa e ka rritur moralin e Bogdanit një fillim me fitore në Serinë A me ekipin tuaj të ri?
- Shumë. Ishte një fillim i mirë, që besoj se do të vazhdojë kështu. Jam i kënaqur që u aktivizova dhe që fituam. Siena do të bëjë gjëra të mira këtë sezon. Shpresoj që edhe unë të kontriboj sa më shumë me gola.

- A do të jetë ky viti i Bogdanit?
- Le të shpresojmë. Kam shumë besim, pasi jam në formën time optimale. Lus zotin të mos kem ndonjë dëmtim.

- A do t'i shërbejë kjo ndeshje të ardhmes së ekipit përfaqësues?
- Çdo ndeshje i shërben ekipit përfaqësues, aq më tepër kjo që është zyrtare.

- A ka rrezik që ndaj një kundërshtari të konsideruar "të vogël", mund të ketë nënvlerësim?
- Nuk ka arsye që ta bëjmë këtë. Kazakistani ka një ekip që mund të rrezikojë çdo kundërshtar dhe ne e dimë mirë këtë. Do të luajmë ndaj Kazakistanit ashtu siç luajmë ndaj çdo ekipi tjetër në grup. Nuk besoj se do të ketë tolerim.

- Ç'do të thotë për Bogdanin fakti që tifozët shpresojnë shumë te ju?
- I falënderoj tifozët për mbështetjen që i japin kombëtares dhe është detyrimi ynë që t'i gëzojmë ata.

- A i trembeni faktit që tifozët mund të mungojnë si me Azerbajxhanin?
- Janë dy ndeshje të ndryshme. Në çdo vend të Europës, në takimet zyrtare ka më shumë tifozë se në takimet miqësore. Unë jam i bindur që tifozët do t'i kemi me vete.