Tifozët e FC Real Madridit...#5

[miki_al2001]

CHIVU:REAL M-1:2
sapo erdha nga stadiumi.loje e bukur e realit dhe fitore 2 :1.golat i bene per
realin garcia dhe guty ne pjesen e dyte.Ato u aktivizuan ne pjesen e dyte.Ne pjesen e pare qe perfundoi 0:0 te dyja palet paten raste per gola por me teper u luajt ne mesfushe.per Realin u dallua Zidane,dhe vecanerisht Beckham.roberto kcarlos poashtu beri ca goditje fantastike.Ronaldo ishte hija e vetvetes edhe pse une e adhuroj shume.owen poashtu sberi ndonje gje te madhe.pjesen e dyte e aktivizoi dhe raul guty,garcia etj.Sidoqofte edhe chivu ishin ekip i pelqyeshem edhe pse luanin si ne shtepine e tyre(plot me meksikane stadiumi).
sidoqofte ndeshje e pelqyeshme.

[miki_al2001]

ne fakt loja ka mbaru 3 me 1.sekondat e fundit te shteses pas 4 minutave shtese eshte bere dhe nje gol nga reali.Une ne fakt dola 2 minuta para kohe qe mos behet shume rremuje nga parkingu.po nejse edhe pse loje miqesore perseri reali i kishte mare te gjith futbollistet qe ka ne dispozicion.

[Davius]

Ja nje foto nga ndeshja....

[Davius]

1.- Chivas Guadalajara: Sánchez; Medina (Pérez, min.78), Reynoso, García, Ramírez; Morales (Parra, min.68), Sol, Alfaro (Magallón, min.71), Vela (Balboa, min.19); Palencia (Rivera, min.81) dhe Bautista.


3.- Real Madrid: Casillas; Salgado (Diogo, min.63), Helguera (Mejía, min.75), Pavón, Roberto Carlos (Raúl Bravo, min.68); Gravesen, Pablo García (Guti, min.46), Zidane (Figo, min.46), Beckham; Owen (Soldado, min.77) dhe Ronaldo (Raúl, min.55).

Golat: 0-1, min.72: Palencia. 1-1, min.79: Mejía. 2-1, min.89: Guti. 3-1, min.94+: Soldado.

[Davius]

Adriano: Real, do të mbetem zikaltër!


Edhe pse zërat e vazhdueshëm të merkatos thonë se ai ndodhet në "shënjestrën" e Real Madridit, Adriano thekson se e ardhmja e tij do të jetë vetëm në Milano. "Të bëhet qejfi kur mëson se puna jote çmohet nga një prej klubeve më prestigjioze në botë, - ka deklaruar golashënuesi, ‑ por të them të drejtën, do të mendohesha gjerë e gjatë përpara se të largohesha nga Milano. Morati më ka shumë për zemër dhe nuk mendoj se do t'i prishet mendja lehtë, duke vendosur të më shesë". Pesëdhjetë milionë euro plus Ronaldon.

Kjo është oferta e fundit që, sipas thashethemeve të merkatos, "merengesët" do t'ia kishin parashtruar klubit të Rrugës "Durini" për të sjellë në Madrid asin brazilian. "Më ka thënë një mik, ‑ ka qenë komenti i futbollistit, ‑ dhe më pas e dëgjova edhe në mediat italiane. Ndihem në të njëjtën kohë i kënaqur dhe i befasuar. Interesimi i skuadrave më të forta në botë nuk ka si mos të ma bëjë qejfin, por për momentin dëshira ime është të qëndroj tek Interi dhe klubi dëshiron gjithashtu që unë të qëndroj."

"Tek Interi po kompletohet një projekt i madh për të fituar kampionatin," - ka shtuar Adrianon, i cili u shpreh se pas largimit të Vierit, mbi supet e tij do të bjerë edhe më tepër përgjegjësi: "Bobo ishte një lojtar i rëndësishëm, i cili mbartte mbi vete përgjegjësitë në momentet vendimtare, por për fat të keq nuk arritëm të fitonim. Tani detyra që la ai tek Interi, më takon mua dhe shpresoj që ta kryej sa më mirë të jetë e mundur." Aktualisht, ylli brazilian i Interit ndodhet me pushime në Rio de Zhaneiro, pranë familjes së tij. Ai pritet t'i bashkohet grupit zikaltër, që po stërvitet në Riskone di Bruniko, më 20 gusht.

[Davius]

Bekham: Erdhi koha për të fituar

Devid Bekham mendon se ka ardhur koha që të fitojë diçka me Realin e Madridit. Mesfushori kërkon që të arrijë sa më shumë suksese me klubin e tij, siç ka arritur edhe me Mançesterin. "Ne do të luftojmë shumë për të fituar një trofe të rëndësishëm këtë sezon. Kemi dy vite që nuk kemi fituar gjë dhe ky sezon është tepër i rëndësishëm, - tha anglezi. -

"Një klub i fuqishëm si Reali e meriton të fitojë dhe ne do t'i arrijmë synimet tona." Kur Bekhami u pyet se kush është më e rëndësishme, fitorja e Ligës së Kampioneve apo e kampionatit, ai u përgjigj: "Të gjitha kompeticionet janë të rëndësishme dhe ne do të luftojmë për të fituar te secili prej tyre." Kapiteni i kombëtares angleze komentoi edhe dy blerjet e reja që janë bërë nga klubi madrilen, Pablo Garsia dhe Karlos Diogo. "Janë që të dy lojtarë shumë të mirë. Do t'i nevojiten shumë klubit dhe do të tregojnë që vlejnë shumë," - tha ai.

[Davius]

Liverpuli qëndron në pritje të Figos

Liverpuli shpreson të sigurojë shërbimet e mesfushorit të Realit të Madridit, Luis Figos, brenda 48 orëve të ardhshme. Edhe pse Figo ka udhëtuar me ekipin e Realit për në turneun e SHBA-së, ai pritet të rikthehet në Europë gjatë kësaj fundjave, për të vendosur mbi të ardhmen e tij. Gjatë javës së kaluar, Liverpuli arriti një marrëveshje prej 2 milionë stërlinash me klubin e Realit, por tashmë çdo gjë varet nga Figo, i cili duhet të zgjedhë midis klubit anglez dhe Interit të Milanos.

Sipas mediave spanjolle, gruaja e Figos ka shprehur dëshirën për të kaluar në Itali, por drejtuesit e Liverpulit janë optimistë, pasi 32-vjeçari ka shprehur disa herë dëshirën e tij për të luajtur në "Anfield Road". Trajneri Rafel Benitez shpreson që Figo, Krouç dhe Gabriel Milito të bashkohen me ekipin e Liverpulit, para seancës stërvitore që do të zhvillohet në Zvicër. Gjithshtu, trajneri spanjoll ka bërë të ditur se Antonio Nunjez dhe sulmuesi Milan Barosh janë pranë largimit nga ekipi kampion i Europës.

[Davius]

Owen: Dua të rikthehem në shtëpi

Majkëll Ouenit i ka sosur durimi te Reali i Madridit dhe është i gatshëm të rikthehet në Angli. Sulmuesi 25-vjeçar është lodhur duke zëvendësuar brazilianin Ronaldo gjatë sezonit të kaluar dhe me Realin në kërkim të një sulmuesi të ri, mundësitë e tij për të luajtur si titullar janë kufizuar shumë. Njukasëlli dhe Blekbërni kanë bërë gati ofertat e tyre për sulmuesin e kombëtares së Anglisë, por Oueni deklaroi se do të ishte i interesuar të luante vetëm në "Anfield Road" ose në "Old Traford". "Nuk ndihem i shqetësuar për faktin që Reali ka ndër mend të blejë një sulmues të ri. Megjithatë, nëse nuk luaj, nuk mund të jem i lumtur.

Në Angli nuk kam pasur asnjëherë probleme të tilla," - deklaroi Oueni. Gjatë ditës së djeshme, drejtuesit e Liverpulit u shprehën të interesuar për marrjen e Ouenit në formë huaje nga ekipi i Realit të Madridit, por trajneri Benitez preferon më shumë sulmuesin e Sauthemptonit, Piter Krouç. Reali preferon ta shesë sulmuesin për 18 milionë stërlina. Liverpuli nuk është i gatshëm të paguajë një shumë të tillë, duke i lënë shpresat e Ouenit për t'u rikthyer në Angli, në dorë të drejtuesve të Mançester Junajtidit, të cilët janë shprehur të interesuar për sulmuesin 25-vjeçar. Mançesteri mund të bëhet ekipi i ardhshëm i Majkëll Ouenit, pas refuzimit të Bajernit për të shitur mesfushorin Mikael Balak.

Nëse Reali do ta ulte çmimin për sulmuesin anglez, Fergusoni do të ishte i gatshëm ta sillte menjëherë Ouenin në "Old Traford". Nga ana tjetër, Reali do të ishte i gatshëm të shkëmbente Ouenin me sulmuesin holandez, Rud Van Nistëlroin, plus një shume parash. Në javët e ardhshme pritet të vendoset përfundimisht e ardhmja e sulmuesit të kombëtares së Anglisë. Oueni pritet të takojë personalisht presidenin Florentino Perez, gjatë turneut të SHBA-së.

[Davius]

Luksemburgo: Zidane do të ketë rolin më të rëndësishëm

Vanderlei Luksemburgo ka komentuar gjendjen e ekipit dhe taktikat e reja që do të përdoren në sezonin e ri, pas ndeshjes që Reali i Madridit bëri me Çivasin. Ekipi madrilen fitoi me rezultatin 3-1 dhe tregoi një gjendje shumë të mirë. Gjithashtu, Luksemburgo u shpreh se Zidane do të luajë pas sulmuesve dhe do të jetë pika kyçe e skuadrës.

"Ekipi bëri një lojë të mirë kundër Çivasit. Ekipi kundërshtar ishte më mirë fizikisht, por ne treguam se jemi shumë profesionistë dhe i zbatuam taktikat me përpikmëri. Zidane do të luajë pas sulmuesve dhe ai rol i përshtatet shmë," - tha trajneri. Luksemburgo vendosi në mesfushë Mekamin, Pablo Garsian dhe Gravesenin, ndërsa përpara tyre ishte Zidane. Lojtarët e sapoardhur bënë ndeshjen e tyre të parë më bluzën e Realit dhe u paraqitën mjaft mirë.

"Në pjesën e dytë, lojtarët luajtën më lirshëm në fushë dhe treguan një shpirt të lartë gare. Më pëlqen që lojtarët kanë një harmoni midis tyre dhe që e kërkojnë suksesin në fushë. Lojtarët e rinj janë të talentuar dhe do ta ndihmojnë shumë ekipin. Ata janë përshtatur menjëherë me lojtarët dhe me lojën e ekipit. Pablo Garsia është një lojtar me shumë cilësi," - tha trajneri brazilian. Ai komentoi gjithashtu edhe rolin e Zidanes në ekip.

"Të gjithë i njohin cilësitë e Zidanes. Ai do të luajë pas sulmuesve dhe do të bëjë lidhjen e sulmit me mesfushën. Mesfushorët e tjerë janë pak të tërhequr dhe francezi është i avancuar. Ai do të ketë një rol shumë të rëndësishëm në ekip, por jam i sigurt se do t'ia dalë shumë mirë." Francezi, në sezonin e kaluar, është përdorur si një "xhol" nga trajneri brazilian, pasi ka luajtur në të gjitha pozicionet e mesfushës.

[Davius]

Të "mëdhenjtë" fillojnë Turin e Botës

Reali i Madridit ka tashmë 2 ditë që është nisur për të zhvilluar Turin e Botës 2005. Do të qëndrojë në udhëtim për 16 ditë, ku do të ndalojë në 5 vende. Janë për t'u zhvilluar më shumë se 35 mijë kilometra, për të zbuluar katër cepat e botës. Gjithçka ka filluar si një turne këngëtari, i cili paraqet këngët e tij, apo si turneu i ndonjë aktori që promovon filmin e tij të ri nëpër kinema të ndryshme të botës. Kështu, Devid Bekham, si Tom Kruiz, ka filluar me reklamat e tij, duke treguar modelin e ri të fanellave.

Filmi i parë, i cili flet për skuadrën e Realit, ka kushtuar 6 milionë euro dhe do të shfaqet në të njëjtën kohë me botërorin, më 25 gusht. Gjithsesi, ai është prezantuar në fillim në Festivalin e Kanës dhe më pas në "Santiago Bernabeu". Regjisori Borja Manso ka bashkuar 5 histori që tregojnë qartë pasionin e Zidanit dhe të shokëve të tij të skuadrës. Për të pasur mundësi publikimi sa më të madh, ky regjisor ka marrë disa aktorë nga disa vende të ndryshme, duke filluar nga Spanja dhe duke vazhduar me Japoninë apo Senegalin.
Të njëjtën logjikë pragsezoni, me sa duket, po ndjek edhe formacioni i Luksemburgos, ka zhvilluar 2 ndeshje në Shtetet e Bashkuara të Amerikës. Më pas do të kalojë në Pekin për të ngritur disi ritmin e merkatos në Kinë, për të vazhduar me Tokion dhe Tailandën.

Të gjitha këto ndeshje që zhvillohen, janë të paguara. Nuk flitet për shifra zyrtare, po,r sipas zërave, thuhet se një takim kushton 2 milionë euro. Për këtë skuadër nuk ka mbetur askush në shtëpi, janë nisur të gjithë. Nëse arrihet marrëveshja, do të jetë i pranishëm edhe braziliani Robinjo. Butragenjo ka bërë të ditur se prania e këtij lojtari ishte parashikuar për të bërë një bum, ashtu si Devid Bekham përpara 2 vjetësh.