Tifozët e FC Real Madridit...#5

[inter_forever]

Figure....ketij postimit me lart piji lengun , se eshte i vjeter....

Viera e bleu Juventus ...eshte zyrtare....

Vete fakti qe ju dogji Juve ne kette blerje eshte turp... Ka Juve me shume leke sesa Real ????

Nuk po ben krahasime njeri , por po them qe po lini nam ne merkato....

Me kete muhabetin e QASHTUS ju ka infektuar Brari te gjitheve...me origjinal figureeeee....hahaahaha....

[Davius]

Roberto Karlos: Robinjo, te Reali bëhesh nr. 1

Roberto Karlos pranon që klubi i Realit të Madridit po gëzon një atmosferë shumë të mirë në grup. Klubi madrilen do të bëjë turne në Shtetet e Bashkuara të Amerikës dhe më pas në Azi. "Kjo gjë tregon rëndësinë e klubit tonë," - tha Roberto Karlosi. Gjithashtu, braziliani komentoi edhe çështjen për bashkatdhetarin e tij, Robinjon, i cili dëshiron Realin e Madridit. "Robinjo do të bëhet numri një i botës në pozicionin e vet dhe këtë gjë do ta arrijë me bluzën e Realit. Jam shumë i bindur se do të transferohet te klubi madrilen dhe do të arrijë shumë suksese, pasi ka shpirt fituesi," - komentoi ai. Roberto Karlos komentoi gjithashtu edhe gjendjen e keqe që po përjeton Brazili. "Me keqardhje duhet të them se gjendja në Brazil është vërtet e keqe. Grabitjet vazhdojnë duke u rritur dhe kjo ndodh për shkak të varfërisë. Siç më ka ndodhur mua një incident, edhe Robinjos i grabitën nënën.

Është normale që ai do të kërkojë një qytet të sigurt dhe të lirë. Nëna ime, kur është në Brazil, duhet të lëvizë me forca policie për të shkuar nga një qytet në tjetrin," - tha braziliani. Mbrojtësi madrilen, përveç se komentoi talentin e Robinjos, kërkon që braziliani të vijë sa më shpejt te Reali i Madridit. "Ne po kalojmë një atmosferë të gëzueshme në grup. Nëse ndonjë lojtar kërkon që të vijë te ne, duhet ta bëjë një gjë të tillë sa më shpejt, në mënyrë që të ambientohet sa më shumë me grupin." Edhe vetë lojtari i Santosit është shprehur se kërkon të vejë te Reali. Problemi i vetëm i transferimit të tij ka qenë presidenti i Santosit, i cili nuk ka rënë dakord me ofertat e klubit madrilen.

PS:
Ne dy flasim tek tema tjeter per kete ceshtje ok

[Davius]

Kasiljas: Dua të qëndroj te Reali për shumë kohë


Iker Kasiljas, i cili është me klubin në turne dhe momentalisht ndodhet në SHBA, u shpreh për një rinovim të kontratës së tij. "Çdo lojtar të pyesësh nëse dëshiron të luajë me Realin, do të përgjigjet që po. Unë pata shansin që të rritem te ky klub dhe të vazhdoj të luaj për të.

Synimi dhe dëshira ime është që të firmos një kontratë të re me klubin dhe të qëndroj këtu për një kohë shumë të gjatë," - tha portieri madrilen. Sipas shumë zërave, Kasiljasi do të transferohet në një klub tjetër europian, por spanjolli e komentoi këtë gjë duke thënë: "Nuk më intereson se çfarë thuhet. Tani dua që të arrij një marrëveshje me klubin dhe që të dyja palët të jenë të kënaqura.

Kasiljasi ka komentuar edhe dy blerjet e reja të klubit. "Pablo Garsia është një lojtar me shumë talent. Ai i ka treguar aftësitë e tij edhe tek Osasuna. Ndërsa Karlos Diogo është një lojtar i gjithanshëm. Ai mund të luajë në pozicione të ndryshme, duke dhënë maksimumin kudo. Më bëhet qejfi që këta lojtarë veshën bluzën e Realit."

[Davius]

Real Madrid arin ne Chicago dhe priten madherishte atje....

[Davius]

Morati: Asnjë ofertë nga Reali për Adrianon

Oferta të shkakton drithërima: 50 milionë euro plus Ronaldon, për të çuar Adrianon te Real Madridi. Në aksin Morati?Perez, gjatë këtyre orëve është shtuar ky propozim i ri shokues. Dhe është një thashethem që rrezikon ta trondisë futbollin e rëndësishëm europian. Prej muajsh flitet për propozime mjaft tunduese si nga Çelsi, ashtu edhe nga vetë Reali, por deri tani Masimo Morati i ka larguar gjithnjë vardisjet. Dhe nuk i dihet se ç'do të ndodhë kësaj here, por një gjë është e sigurt: çështjet e mëdha në aksin Real?Inter dëshmojnë se në zjarr diçka po valon. Dhe mund të jetë vërtet diçka shumë e madhe.

S'është një mister që "Fenomeni" do të kthehej me kënaqësi te zikaltrit dhe ky vullnet nga ana e tij mund edhe ta shtyjë Interin ta marrë në konsideratë këtë propozim. Por jemi ende në hamendësime, nuk ka konfirmime. Por është e drejtë se rreth një muaj më parë, Masimo Morati u ftua nga Florentino Perezi në Madrid dhe që atëherë kontaktet mes dy klubeve kanë qenë të shumta. Më parë, shitja (falas) e Santiago Solarit te zikaltrit, shpejt mund të ndiqet edhe nga Figo. Ajo që është e sigurt, është se Interi po lëviz 360 gradë. Dhe mund të ketë risi në fronte të ndryshme.

Ndërkaq ka rënë "stuhia" edhe për Antonio Kasanon. Sikurse dihet, Roma po kalon një moment delikat dhe bisedimet me bardhezinjtë nuk po ecin. Edhe sepse Juvja e ka përqendruar vëmendjen te Vieira dhe ndaj s'ka ndër mend të shpenzojë para të tjera për sulmuesin, që mund ta marrë me çmimin zero në sezonin e ardhshëm.
Po përse pikërisht tani Interi dhe Milani hyjnë kaq fuqishëm në këtë çështje? Ndoshta sepse ka njëfarë lidhjeje mes dy ngjarjeve. Dhe kjo ndikon shumë në këtë histori kaq të ndërlikuar. Në fakt, mjafton të kthehemi prapa te çësthtja e Bobo Vierit dhe te ndërrimi i tij i papritur i fanellës.

Nuk ka pasur polemika të shpallura, por është e qartë se Moratit s'i ka ardhur mirë për kalimin e tij te kuqezinjtë. Dhe tani çështja ka mbetur se kush do të shkojë "atje". Jo rastësisht atëherë, në orët në të cilat drejtuesit zikaltër bëjnë një sondazh për Kasanon, në të njëjtën mënyrë edhe Milani nis manovrat e mëdha. Si me Romën, ashtu edhe me lojtarin. Dhe sulmi i klubeve milaneze lind nga situata teknike mjaft të qarta. Interi e ka të domosdoshme të kryejë një blerje të rëndësishme, në mënyrë që të mos e ndiejë mungesën e Vierit. Dhe të mos harrohet se si alternativë të Samuelit, Interi këron edhe Çivunë dhe Mansinin, dy yje të tjerë të Romës. Pronari zikaltër, Masimo Morati, nuk ka ngurruar të reagojë menjëherë pas përhapjes së zërave të merkatos që kanë të bëjnë me skuadrën e tij.

"Interi mendon vetëm për blerjet për momentin dhe Adriano nuk do të lëvizë, - është shprehur pronari zikaktër. - Nuk më është bërë kurrë një ofertë e tillë nga Reali dhe ndaj s'është aspak e vërtetë. E njëjta gjë vlen edhe për Kasanon: u intereson të tjerëve, jo ne, aq më pak në këtë moment. Po punojmë për të përfunduar çështjen "Pizarro" me Udinezen dhe po vlerësojmë situata të tjera, sikurse mund të jetë ajo që ka të bëjë me mbrojtësin e ri që mund të marrim. Do të vendosim këto ditë." Ka shumë mundësi që mbrojtësi në fjalë të jetë Valter Samuel, i cili nuk ka vajtur me Realin në turneun amerikan, por zikaltrit janë në bisedime me homologët spanjollë edhe për mesfushorin Luis Figo. Zhvillime të reja priten gjatë ditëve në vazhdim...

[miki_al2001]

Ej Davius edhe per mua Reali eshte ekipi im i zemres dhe sot sapo e morra bileten qe ta shikoj ndeshjen neser .me teper dua te shikoj lojtaret e realit qe ste bien rasti ti shohesh shpesh.bileta ishte 125$ por besoj se do ia vlej.disa lojtare i kam pare sic eshte beckham dhe owen kur erdhen me kombetaren angele ne tirane.por ketu do te shof lojtarin tim me te preferuar RONALDO.pastaj me rradhe.shpresoj qe reali te bej nje ndeshje te mire neser.

[Davius]

Figo lihet i lirë nga Reali

Luis Figo merr një lajm të hidhur në momentin e fundit. Sapo ai i hipi avionit dhe u nis për në Çikago, ku do të bashkohet me shokët e tij të Realit, klubi madrilen ka deklaruar se do ta lërë të lirë lojtarin portugez. Figo u bë protagonist i një anekdode, përpara hipjes në avion. Portugezi pati probleme me policinë, pasi kur po kalonte te "metal detektori" filloi të binte alarmi. Gjithsesi, incidenti përfundoi në pak minuta dhe Figo e la pas, duke buzëqeshur, edhe pse do të ishte buzëqeshja e fundit si lojtar i Realit.

Lajmi që Figo të lihet i lirë u deklarua nga zyrtarë të Realit, që nga ShBA-ja. Ekipi italian Interit ka një periudhë të gjatë kohe që interesohet për mesfushorin, dhe tani i mbetet që vetëm të arrijë një marrëveshje me lojtarin. Bisedimet mund të kenë filluar; gjithsesi deri tani nuk është arritur asnjë marrëveshje. Edhe Figo duhet ta mirëpresë një gjë të tillë, pasi ai kishte deklaruar më parë se nëse nuk dëshirohej më nga klubi madrilen, do të transferohej menjëherë në një klub tjetër.

Reali i Madridit tani nuk do të fitojë asgjë nga transferimi i Figos, dhe lojtari do t'i kalojë orët e fundit me shokët e tij. Presidenti i Interit, Masimo Morati, e ka shprehur qartë se Figo i intereson në klubin e tij, dhe ai po kërkon të sjellë në ekip lojtarë klasi. Por, për të arritur tek ata, duhet të hiqen edhe disa futbollistë nga ekipi. Morati deri tani ka shitur mesfushorin turk Belozoglu Emre, i cili firmosi një kontratë pesëvjeçare me klubin e Njukastëllit, Sabri Lamushinë dhe Gonzalo Sorondon, të cilët janë transferuar respektivisht te Marseja dhe Çarltoni. Gjithsesi, nuk është vetëm Interi që intersohet për portugezin. Edhe ekipi kampion në fuqi i Europës, Liverpuli, ka shprehur interesimin për lojtarin. Figo merr një pagë prej 6 milionë eurosh te Reali, por ai do të pranonte një pagë prej 4-4,5 milionë eurosh nga klubi i ri

[Davius]

Revolucion i madhe nga Futboll Evrope ne Futboll Amerikan...

[bayern]

Haha Raul me Chicago CUBS uniform duke hedhur pitching e pare te cubbies kunder Pirates.
Esto es baseball cabron.

[Davius]

Reali i Madridit, klubi më i pasur në botë


Presidenti i Realit të Madrdit, Fiorentino Perez, deklaroi se klubi spanjoll tani e ka kaluar Mançester Junaited dhe është bërë klubi që fiton më shumë në botë. "Ne kemi vënë re se jemi klubi që fitojmë më shumë në botë, - tha Perez për gazetarët të premten. -Vetëm Mançester Junaited është afër me ne, por këtë sezon ne i kaluam ata. Ne i zgjidhëm problemet tona ekonomike për gjithmonë." Në një raport të një agjencie sondazhesh, Mançester Junaited ka qenë klubi që fitonte më shumë për tetë vite radhazi. Në sezonin 2003-2004 klubi anglez fitoi rreth 171,5 milionë paund (301,7 milionë dollarë). Reali i Madridit ishte në vend të dytë me 156,3 milionë paund, ndërsa Milani dhe Çelsi ishin respektivisht në vend të tretë e të katërt.

Por Perez tha që tani ka ndryshuar situata dhe fitimet janë rritur me 250%, që kur ai u bë president i Realit, pesë vite më parë. Për pak kohë ai bëri që klubi i tij të mos kishte më borxhe. Perezi shpenzoi rreth 200 milionë euro, për të sjellë në ekip lojtarë klasi, siç janë Luis Figo, Zinedin Zidane, Ronaldo, Devid Bekam dhe Majkëll Ouen. Ai i lau menjëherë borxhet e klubit, kur shiti qendrën sportive të klubit te autoritetet lokale për një shifër prej 480 milionë eurosh. Perez tha që në kontrast nga Mançesteri apo Çelsi, Reali nuk kontrollohet nga një president i vetëm, por nga disa anëtarë, dhe ky është një avantazh për klubin. "Çdo natë unë flë i qetë, pasi e di që Reali i Madridit nuk do të përfundojë asnjëherë në duart e një personi të vetëm. Duhet pyetur Mençesteri dhe Çelsi për këtë gjë. Unë e respektoj mënyrën e tyre për ta drejtuar klubin, por Realin nuk do ta ndihmonte një gjë e tillë."

Presidenti i Mançesterit është amerikani Malkolm Glazer, ndërsa presidenti i Çelsit është miliarderi rus i naftës, Roman Abramoviç. Përsa i përket pasurisë sportive të Realit, Perez tha se klubi madrilen nuk rrezikohet, nëse dështon në një sezon futbollistik. "Klubi ynë nuk rrezikon gjë, nëse nuk fiton asnjë trofe brenda një sezoni. Kjo gjë ka ndodhur te Reali, por ne i bëjmë apel lojtarëve që të japin maksimumin për fanelën që veshin, dhe jo se klubi mund të falimentojë." Presidenti madrilen tha për sezonin që vjen se Reali nuk do të bëjë blerje të fuqishme. Deri tani në klub janë afruar Pablo Garsia dhe Karlos Diogo. "Ne kemi bërë dy blerje, që mendojmë se do ta fuqizojnë ekipin. Nuk kemi blerë emra të mëdhenj, sepse kemi në ekip lojtarë si Zidane, Figo apo Ronaldo. Për më tepër, nuk besoj se ka emra të mëdhenj që neve na duhen," përfundoi ai.