Tifozët e FC Real Madridit...#5

[Davius]

Ja edhe numrat qe do te mbajne, Diogo do te mban numrin 21 qe ka pasur Solari qe iku per Inter, ndersa Pablo Garcia do te mbaje numrin 12.

[inter_forever]

Me sa lexova ne nje sit sportiv per ROBINHON jane futur ne loje disa skuadra angleze...Ndera taq mund te jete padroni merkatos Abramovic....ai mund te jape shume here me teper se 25 mil euro te Realit...

Megjithate personalisht them qe Reali nuk ka asnje problem per ta marre...sepse ka firmen e lojtarit ...Gjithcka po zvarritet per 2 arsye :
1...qe Santosi te pranoje oferten e Realit 20-25 mil euro ...
2....te shese Samuel , sepse i ze nje vend extrakomunitari...pas ikjes se Samuel , te nesermen vjen Robinho...

[Davius]

................................

[Davius]

Iker Kasiljas: Objektivi ynë, titulli

Gjatë ditës së sotme, Iker Kasiljas iu bashkua pjesës tjetër të ekipit të Realit, për të nisur seancën stërvitore në prag të fillimit të sezonit të ri në Primera Divizion. Portieri madrilen u shpreh optimist për fitimin e titullit në sezonin e ardhshëm dhe deklaroi se nuk ndihej i shqetësuar për të ardhmen e tij në "Bernabeu". Ja dhe intervista e tij e plotë:

- Si ndiheni në prag të këtij sezoni?
- Jam shumë optimist për arritjen e objektivave që i kemi vënë vetes. Këtë vit duam të fitojmë në të gjitha kompeticionet e mundshme. Dëshirojmë që tifozët tanë të kënaqen sërish, duke na parë në lojë. Objektivi ynë kryesor është fitimi i titullit kampion. Në dy vitet e fundit nuk kemi arritur të fitojmë asgjë, prandaj këtë vit ndihemi të gjithë të motivuar.

- Mendoni se këtë vit do të arrini të riktheni titullin në Madrid?
- Nuk kemi arritur ta bëjmë këtë në dy vitet e fundit, por nuk mund të jetojmë duke menduar për të kaluarën dhe për dështimet tona. Për ne do të ishte një zhgënjim i madh, nëse këtë vit nuk do të fitonim sërish asnjë trofe. Do të luftojmë për të fituar në të gjitha kompeticionet, megjithatë nuk duhet të nxitohemi. Më parë duhet të korrigjojmë gabimet që na kushtuan shtrenjtë gjatë sezonit të kaluar.

- E ardhmja juaj në "Bernabeu" ka qenë në qendër të vëmendjes së mediave. Si janë marrëdhëniet tuaja aktuale me drejtuesit e klubit?
- Të qeta. Kam një kontratë që skadon pas dy vitesh dhe nuk ndihem aspak i shqetësuar për të ardhmen time. Kur të vijë koha, do të flas sërish me drejtuesit e klubit. Gjatë javës së kaluar fola me Arigo Sakin, i cili më tha se klubi dëshiron të më ofrojë një kontratë të re 4-vjeçare. Megjithatë, është ende shpejt.

[Davius]

Butragenjo: Robinjo është i yni

Zv.presidenti i ekipit të Realit të Madridit, Emilio Butragenjo, bëri të ditur kalendarin e ardhshëm të turit të "merengesëve", të cilët do të udhëtojnë në SHBA, ku do të luajnë dy ndeshje miqësore ndaj ekipit të Los Angeles Galaxy dhe ndaj ekipit meksikan të Chivasit. Reali i Madridit, i cili ka fituar 29 tituj kampionë të Spanjës dhe nëntë Kupa Kampionesh, nuk ka arritur të fitojë asnjë trofe në dy sezonet e fundit, pavarësisht se ka në përbërje lojtarë të nivelit të lartë si Devid Bekham, Ronaldo, Zinedine Zidane dhe Luis Figo. Butragenjo pohoi se nuk mund të komentonte mbi ardhjen e mundshme të sulmuesit Robinjo në Madrid dhe nuk mund të konfirmonte nëse ai do të merrte pjesë në turin e SHBA-së.

"Kemi arritur një marrëveshje me ekipin e Santosit, por për fat të keq nuk kemi arritur të përfundojmë burokracitë e fundit për kalimin e tij në "Bernabeu", - deklaroi Butragenjo. Ekipi amerikan i Los Angeles Galaxy do të ketë mundësinë të luajë për herë të tretë ndaj ekipit të Realit të Madridit. Në dy përballjet e mëparshme, Reali arriti të fitonte lehtësisht 3-0, 6-2.

Në vitin 2001, ekipi i Los Anxhelosit arriti të kualifikohej për në kampionatin botëror të klubeve të organizuar nga FIFA. Gjatë vitit të kaluar, Reali zhvilloi një turne të shkurtër në SHBA, por u detyrua të anulonte dy ndeshjet e fundit, për shkak të ndeshjeve eliminatore të Ligës së Kampioneve. Sulmuesi brazilian i Santosit, Robinjo, është shumë pranë kalimit të tij tek ekipi madrilen, edhe pse presidenti i ekipit brazilian është i vendosur ta mbajë 21-vjeçarin te Santosi edhe për dy sezonet e ardhshme. Marrëdhëniet e Robinjos me drejtuesit brazilianë janë acaruar shumë, pas mungesës së tij në seancat e fundit stërvitore të ekipit të Santosit.

[Davius]

Reali, në SHBA me të gjithë "yjet"

Devid Bekham, Majkëll Ouen dhe Ronaldo do të jenë të pranishëm në turin e SHBA-së. Reali i Madridit do të luajë ndaj ekipit kampion të Meksikës, Chivasit dhe ndaj ekipit të Los Angeles Galaxy. Gjithashtu, në këtë turne do të marrin pjesë edhe sulmuesi Raul, portugezi Figo dhe Roberto Karlos.

[inter_forever]

Reali po fundoset ...ca revolucioni ....

Edhe Viera ja mori Juventus , qe nuk ka kokerr leku ...Nami ka ngel tek Reali , por as 15 milion euro nuk gjeten dot te merrnin mesfushorin qe kane vite qe e kerkojne....

Lere qe po dhane Samuelin mbaruan fare ne mbrojtje....

[Davius]

Reali po fundoset ...ca revolucioni ....

Edhe Viera ja mori Juventus , qe nuk ka kokerr leku ...Nami ka ngel tek Reali , por as 15 milion euro nuk gjeten dot te merrnin mesfushorin qe kane vite qe e kerkojne....

Lere qe po dhane Samuelin mbaruan fare ne mbrojtje....

Nese Reali se ka mare Vieren nuk don te thote se eshte funsdos njeri, jemi si te jemi prap me larte se ju do dalim se ju e keni kenaq se cdo vit bleni me shumice lojtare dhe kur vjen fundi duart bosh...

Nuk e dije une ju kam thene qe ato qe kane Interin qejfe te mos e krahasojne Realin ose Milanin me Interin se Real apo Milan jane miliona vjet larg tyre....

Eh qashtu pra .

[Davius]

Ronaldo dhe Zidane dhurojnë 120.000 dollarë për bamirësi

Dy nga "yjet" e Realit të Madridit, Ronaldo da Lima dhe Zinedin Zidane, i kanë dhuruar 120.000 dollarë fondacionit të Kombeve të Bashkuara, për familjet e viktimave të luftës civile të Haitit. Sulmuesi Ronaldo dhe mesfushori francez, Zidane, deklaruan se këto para do të shërbenin për jetimët dhe familjet e Haitit, të cilët po përjetojnë vitin e tretë të luftës civile.

"Gjatë vizitës sime në Haiti, para një viti, mbeta i impresionuar nga dëshira e fëmijëve haitianë për të luajtur futboll, pavarësisht gjendjes së mjerueshme, në të cilën jetonin," - deklaroi Ronaldo. Gjatë javës së kaluar, pesë njerëz mbetën të vrarë dhe 27 të tjerë u plagosën, pas një sulmi të rebelëve në kryeqytetin e Haitit.

Në shtator, ekipi i Realit do të zhvillojë një ndeshje bamirësie ndaj yjeve të futbollit dhe e gjithë shuma që do të përfitohet nga shitja e biletave, do t'i jepet fondacionit humanitar që vepron në Haiti. Në këtë ndeshje do të marrin pjesë emra të njohur të futbollit botëror, si Hernan Krespo, Kaka, Frenk Lampard etj.

[Davius]

Zidane fton Vieiranë te Reali

Mesfushori i Realit, Zinedin Zidane, i bëri thirrje Patrik Vieirasë të bashkohej me të tek ekipi madrilen. Zidane, i cili ka luajtur përkrah Vieirasë me kombëtaren e Francës, ku u shpall kampion bote dhe kampion i Europës, i kërkoi Vieirasë t'i jepte fund karrierës së tij në "Hajburi" dhe të pranonte ofertën e Realit të Madridit. "Pas tetë vitesh të kaluara në Angli, mendoj se do të ishte vendimi i duhur për Vieiranë. Ai është akoma shumë i ri dhe mendoj se do të kishte sukses së kampionatin spanjoll," - deklaroi Zidane.

Vieira është pranë prishjes së kontratës së tij me klubin e Arsenalit, pas mosmarrëveshjeve me drejtuesit e klubit londinez. Ekipi i Juventusit është vënë në ndjekje të 29-vjeçarit, por Reali i Madridit ka ndërhyrë në tratativat e bardhezinjve, pasi ofroi një shumë prej 20 milionë stërlinash për shërbimet e kapitenit të "topçinjve". Vieira ka shprehur disa herë pakënaqësinë e tij për vendimet e bordit drejtues të Arsenalit, të cilët nuk kanë pranuar t'i ofrojnë një rinovim 4-vjeçar mesfushorit anglez. Presidenti i ekipit të Arsenalit, Piter Hillud, gjatë një konference për shtyp, tha:

"Konfirmoj se kemi marrë disa oferta për mesfushorin Patrik Vieira, por largimi i tij nga "Hajburi" nuk është në planet e klubit. Dëshirojmë që Vieira të qëndrojë edhe në sezonin e ardhshëm. Po përpiqemi të arrijmë një marrëveshje për rinovimin e kontratës së tij, megjithatë jam i bindur se kjo çështje do të ketë një fund të lumtur për të dyja palët."

Reali, që është vënë në ndjekje të Vieirasë që para dy vitesh, tashmë ndodhet shumë afër blerjes së 29-vjeçarit, i cili është vënë në qendër të merkatos së kësaj vere. Në këmbim të Vieirasë, përveç 20 milionë stërlinave, Reali do t'i ofronte Arsenalit edhe mesfushorin e sapoardhur në Madrid, Pablo Garsian. Sulmuesi i ri i Arsenalit, Zheremi Aladier, shpreson që Vieira të mos largohet nga ekipi, megjithatë u shpreh se tashmë mund të jetë shumë vonë: "Do të ishte gjëja më e keqe që mund t'i ndodhte ekipit të Arsenalit.

Asnjë nuk mund të zëvendësojë Vieiranë tek Arsenali. Shpresoj që ai të qëndrojë, edhe pse për ta bërë këtë duhet një impenjim i madh i drejtuesve të klubit. Ai është kapiteni i ekipit dhe duhet t'i kushtohet më shumë vëmendje. Nëse ai ka vendosur të largohet, jam i bindur se ka arsyet e tij." Zv.presidenti i ekipit të Arsenalit, Deivid Dein, u shpreh me tone të ashpra mbi këtë çështje: "Po, është e vërtetë që kemi marrë oferta nga Juventusi dhe Reali, por dëshira jonë është që ai të qëndrojë në "Hajburi". Çdo gjë tjetër varet vetëm nga Vieira. Nëse ai dëshiron të largohet, asnjë nuk do t'i lutet të qëndrojë."