Tifozët e FC Real Madridit...#5

[Davius]

Ouen: Faleminderit Saki!
Sulmuesi i Realit, Majkëll Ouen, ka deklaruar se roli i drejtorit teknik, Arrigo Saki, ka qenë vendimtar në qëndrimin e tij te Reali: "Shtypi vazhdon të shkruajë për një largim timin nga Reali, por tani jam i qetë. Kam biseduar me Sakin dhe ai më ka thënë se gjëja e fundit që i shkon ndër mend, është largimi im. Arrigo më ka shprehur të gjithë stimën e tij dhe për këtë e falënderoj. Më vjen mirë që një njeri me aftësitë e tij punon për Realin."

Raul: Besoj te ky Real
Sulmuesi i Realit, Raul Gonzales, pjesëtar i delegacionit që bëri propagandë për zhvillimin e Lojërave Olimpike në vitin 2012 në Madrid, midis të tjerave komentoi blerjet e reja të Realit, Diogo dhe Garsia: "Kam parë aftësitë e Garsias si kundërshtar dhe ato në Diogos në kasetë. Janë dy futbollistë që më bëjnë të besoj më shumë te ky Real."

Robinjo, tjetër mungesë në stërvitje
Robinjo nuk ka ndër mend të humbasë sfidën e tij me Santosin. Sulmuesi, pasi nuk është lejuar nga drejtuesit e klubit brazilian të kalojë te Reali, ka munguar sërish në stërvitje. Trajneri Galo ka vendosur të mos e aktivizojë në ndeshjen e kampionatit ndaj Juventudes dhe përveç gjobës ka paralajmëruar përjashtimin e futbollistit nga skuadra dhe sanksione të reja ndaj tij, në bazë të rregullores së FIFA-s.

[Davius]

Real, Ferdinand, zëvendësuesi i Samuelit?!

Reali i Madridi i ka dhënë virtualisht lamtumirën Valter Samuelit, edhe pse nuk e di ende se ku do të luajë argjentinasi sezonin e ardhshëm. Interi mbetet skuadra favorite për të marrë ish-mbrojtësin e Romës, ndërkohë që "merengesët" kanë filluar të mendojnë për zëvendësuesin. Flitet se Saki dhe Luksemburgo mendojnë se Rio Ferdinand do të ishte blerja e duhur, që është kërkuar më parë edhe gjatë muajit maj. Ferdinandi ka deklaruar se do të rinovojë me fanellën e Mançesterit, por kërkesat e tij janë shumë larg nga realizimi, ndryshe nga ç'do të ndodhte me kalimin në "Bernabeu".

Reali është gati të kënaqë kërkesat ekonomike të shtatlartit anglez, duke i propozuar një kontratë deri në vitin 2008 me "galaktikët". Në rast se Mançesteri do të pranonte të fillonte bisedimet, Reali është gati të paguajë 30 milionë euro për Ferdinandin. Shifër e njëjtë me atë që "Djajtë" e morën 24-vjeçarin nga Lidsi, katër vjet më parë.
E.Lubani

Robinjo, nga zënka në depresion
Robinjo nuk fle më dhe mendon vetëm për Realin e Madridit. Sipas menaxherit të tij, kjo është gjendja që po kalon talenti i Santosit. Vanger Ribeiro tha: "Nuk mendon absolutisht të qëndrojë te Santosi. Do të luajë te Reali dhe po kalon një periudhë depresioni. Për këtë më duhet të gjej sa më parë mënyrën për ta mbyllur këtë çështje."

[Davius]

Kasiljas: Do të fitojmë gjithçka

Reali i Madridit së shpejti do të jetë nën urdhrat e Luksemburgos, duke filluar përgatitjet për sezonin e ardhshëm futbollistik, në të cilin "merengesët" janë të detyruar të fitojnë. Një nga "galaktikët" që po pret me padurim rikthimin në fushën e lojës, është edhe Iker Kasiljas. Portieri spanjoll tha: "Kur kalon dy apo tri javë pushim, pret me padurim të rikthehesh në fushë." Ja dhe intervista e Kasiljasit, në të cilën flet edhe për dy blerjet e reja të Realit, Pablo Garsia dhe Diogo:

- Kishit nevojë për pushime pas një sezoni jo në lartësinë e duhur, në fund të të cilit nuk fituat asgjë...
- Unë jam një njeri optimist, por e pranoj se këto pushime duheshin pas nëntë muajve të mbushura me presion dhe kritika. Gjithsesi, ecuria e javëve të fundit dhe përbërja e skuadrës më bën të pres me padurim fillimin e përgatitjeve për sezonin e ardhshëm.

- Pra keni dëshirë për t'u rikthyer në fushë...
- Sigurisht, një futbollist nuk mund të rrijë qoftë edhe një javë pa futboll, prandaj këto 20 ditë pushime më kanë rikthyer dëshirën për të filluar punën në një sezon që duhet të fitoj patjetër. Kam dy vjet pa trofe dhe të luash me Realin, diçka e tillë nuk është normale.
- E keni ndjekur ecurinë e Realit në përgatitjet për sezonin e ardhshëm?
- Kam lexuar në shtyp për blerjet e Diegos dhe Pablo Garsias, dhe mendoj se do të vijë edhe ndonjë futbollist tjetër. Gjithsesi, nuk më intereson shumë merkatoja, sepse Reali nuk ka vuajtur asnjëherë për futbollistë cilësorë.

- Ç'mendim keni për Pablo Garsian?
- E pres me krahët hapur. Futbollistët e rinj janë gjithmonë të mirëpritur te Reali dhe mendoj se uruguajani do të na shërbejë për t'u përmirësuar.
- Reali gjithashtu ka zyrtarizuar blerjen e mbrojtësit të djathtë Diogo...
- Të them të drejtën, nuk e kam parë asnjëherë duke luajtur. Por e di që sezoni i ardhshëm do të jetë shumë i ngjeshur me ndeshje dhe na duhen futbollistë sa më cilësorë në skuadër.
- Do t'ju pëlqente ta kishit Robinjon te Reali?
- Di që ka disa probleme në lidhje me kalimin e tij te skuadra jonë dhe asgjë më shumë. Kam dëgjuar të flitet për të dhe përveç disa pamjeve televizive, nuk mund të them si luan dhe çfarë karakteristikash ka. Ronaldo dhe Roberto Karlos më kanë thënë fjalë të mira për të dhe do të më pëlqente ta kishim në skuadër vitin e ardhshëm.

- Gjithsesi, numri i futbollistëve spanjollë te Reali po vjen duke rënë...
- Për këtë vendosin presidenti dhe trajneri. Ata vendosin për futbollistët që do të luajnë te Reali. Unë di që te Reali vijnë futbollistët më të mirë në botë. Sigurisht që do të më vinte mirë në rast se do të kishte më shumë spanjollë, por e rëndësishme është ta respektojnë këtë fanellë "merengese".
- Cilat janë synimet e Realit për sezonin e ardhshëm?
- Kemi shumë dëshirë për të fituar diçka të rëndësishme. Dhe me futbollistët që kemi, është e detyrueshme të fillosh sezonin, duke synuar fitimin e gjithçkaje. Kjo është ideja jonë: për të harruar dy vitet e fundit, duhet të synojmë të fitojmë në të gjitha veprimtaritë, ku do të marrim pjesë.

[Davius]

U hodh edhe shorti per ndeshjet e para.......

Valencia v Real Betis
Sevilla v Racing Santander
Cadiz v Real Madrid
Celta Vigo v Malaga
Espanyol v Getafe
Athletic Bilbao v Real Sociedad
Alaves v Barcelona
Mallorca v Deportivo La Coruna
Atletico Madrid v Zaragoza
Osasuna v Villarreal

[Davius]

Figo: Endrra ime është Liverpuli

Luis Figo u ka kërkuar drejtuesve të Realit, me në krye presidentin Florentino Perez, ta lënë të lirë të luajë te Liverpuli, edicionin e ardhshëm. Mesfushori portugez ka filluar stërvitjen për sezonin e ri me fanellën e Realit, por e ardhmja e tij mbetet ende pezull. Pasi mësoi se drejtuesit e Realit mund ta linin të lirë të largohet me kosto zero, Figo ka filluar të ëndërrojë Liverpulin. Flitet se marrëveshja ndërmjet tij dhe drejtuesve "të kuq" është arritur dhe pritet vetëm aprovimi i Realit.

Gjithsesi, "merengesët" duket se kanë ndryshuar mendje dhe kërkojnë para nga Liverpuli, për shërbimet e futbollistit të vitit 2000. Ky i fundit nuk e ka fshehur dëshirën për të luajtur në Premier Ligë dhe ka shprehur haptazi idenë e tij për të kaluar te Liverpuli. "Nuk e kuptoj përse klubi nuk më lejon të largohem. Unë nuk bëj pjesë në planet e tyre dhe është e kotë të qëndroj në Madrid, - tha Figo për shtypin anglez. - Endrra ime është të luaj te Liverpuli, por e di që ëndrrat jo gjithmonë realizohen, për këtë jam ende në pritje dhe e ardhmja e karrierës sime është ende pezull."

Gjithsesi, në favor të Figos ka qenë deklarata e djeshme e trajnerit të Realit, Vanderlei Luksemburgo, i cili deklaroi se si Figo, ashtu edhe Oueni me Gutin janë të lirë të largohen, në rast se nuk janë të kënaqur nga situata e tyre. Trajneri brazilian tha se nuk do të pëlqente që këto "yje" të largoheshin nga skuadra e tij, por gjithashtu tha se nuk do të mbante te Reali asnjë futbollist përtej vullnetit të tij. Luksemburgo tha: "Figo dhe Oueni janë futbollistë të Realit, në bazë të kontratave që kanë me klubin. Nëse dëshirojnë, mund të qëndrojnë, në të kundërt janë të lirë të largohen, por më parë duhet të marrin lejen e drejtuesit e klubit." Leje, e cila nëse në rastin e Ouenit nuk është kërkuar, Figo e ka kërkuar publikisht: "Kam marrëdhënie të shkëlqyera me presidentin Perez.

Kam biseduar edhe me Luksemburgon dhe ai nuk më ka dhënë garanci për sezonin e ardhshëm. Atëherë mendoj se jam i lirë t'i gjej këto garanci diku gjetkë." Nga ana tjetër, drejtuesit e Liverpulit nuk kanë ndër mend të paguajnë para te Reali dhe, sipas menaxherit të Figos, ata presin vetëm lejen e klubit spanoll për të nënshkruar një kontratë dyvjeçare me mesfushorin portugez. Kësisoj, pritet që javën tjetër, e ardhmja e Luis Figos të marrë një formë përfundimtare.


Ouen, "i burgosur" te Reali
Majkëll Ouen duket se do të kalojë një sezon të vështirë te Reali. Pavarësisht nga mbyllja e shkëlqyer e sezonit të kaluar, sulmuesi anglez nuk ka marrë asnjë garanci nga Luksemburgo në lidhje me aktivizimin e tij te "merengesët". Nuk është asnjë klub në gjendje të paguajë 20 milionë euro për të dhe kësisoj Oueni përgatitet për një sezon "të burgosur" te madrilenët.

[Davius]

Guti: Largohem nëse do Reali...

Mesfushori i Realit, Guti, nuk e ka përcaktuar ende të ardhmen e tij, por gjithsesi pohon se në rast se nuk i vjen ndonjë ofertë e leverdisshme për të dhe Realin, do të jetë i gatshëm të luajë për tri vitet e ardhshme në "Bernabeu". Ja cila ka qenë intervista e mesfushorit që synon të fitojë një vend në kombëtaren spanjolle që synon pjesëmarrjen në botëror:

- Si është situata juaj aktuale?- Kam edhe tre vjet kontratë me Realin, por nuk e di nëse do të qëndroj deri në fund. Jam gati të jap gjithçka për të fituar tituj të tjerë me këtë fanellë, por në rast se do të vijë ndonjë ofertë e leverdisshme për mua dhe Realin, do të pranoja të largohesha.

- Përse?
- Dua të luaj më shumë dhe të kem mundësi të bind Aragonesin për të më grumbulluar në skuadrën spanjolle, që do të luajë në finalet e Kupës së Botës. Unë do të largohem vetëm në rast se Reali e sheh të arsyeshme diçka të tillë. Po nuk ndodhi kështu, kërkoj garanci.

- Për botërorin mund të lini Realin. A keni pasur kontakte me klube të tjera?
- Jo, kontakte nuk kam pasur dhe kam filluar me impenjim maksimal përgatitjet për sezonin e ri me Realin. Jam një futbollist profesionist dhe si i tillë dua të marr pjesë me çdo kusht në botëror.

- Cilat janë marrëdhëniet tuaja me Luksemburgon?- Marrëdhënia ime me Luksemburgon është e mirë. Mbi të gjitha jemi profesionistë dhe secili e di detyrën e tij.

[Davius]

Gravesen: Me Garsian, më të fortë

Tomas Gravesen, mesfushori i Realit të Madridit, është shprehur i kënaqur me blerjen e Pablo Garias nga drejtuesit e Realit. Danezi tha: "Në sezonin e ardhshëm do të na duhet të luajmë rreth 70 ndeshje.

Për këtë jam i bindur se me ardhjen e Pablo Garias, mesfusha e Realit është përforcuar. Nuk e shoh Pablon si një rival për vendin e titullarit, por e konsideroj një përforcim të rëndësishëm për ne."

[Davius]

Kasiljas: Objektivi? Si gjithmonë titulli
Portieri i Realit të Madridit, Iker Kasiljas, në faqen zyrtare të Realit në internet ka përcaktuar objektivat e sezonit të ardhshëm: "Jam optimist për vitin që vjen dhe ky optimizëm m'u shtua kur pashë entuziazmin me të cilin skuadra ka filluar objektivat. Jam i bindur se do të rikthejmë Realin te trofetë, pas dy vite dështimesh. Objektivi? Si gjithmonë titulli kampion do të jetë një prioritet, por pa hequr dorë nga Championsi."

Ivan Helgera, nga Reali te Barcelona?!
Ivan Helgera te Barcelona! Mbrojtësi i Realit të Madridit nuk e ka arritur marrëveshjen me "merengesët" për rinovimin e kontratës dhe sipas menaxherit të tij, Zoran Vekiç, në rast se kjo situatë do të vazhdojë, futbollisti spanjoll është i lirë të shqyrtojë ofertat nga klubet e tjera. Një nga këto oferta duket se është bërë nga skuadra katalanase, vetëm një javë më parë.

Brenda 48 orëve, Robinjo te Reali
Janë drejt përfundimit bisedimet ndërmjet Realit dhe Santosit për Robinjon. Sipas së përditshmes spanjolle "Marca", marrëveshja do të arrihet brenda 48 orëve të ardhshme. Orët e fundit janë intensifikuar telefonatat e përfaqësuesit të Realit në Brazil, Huan Figer, dhe presidentit të Santosit, Mareslo Peikseira, aktualisht me pushime në Majemi. Reali do të paguajë 25 milionë euro. Pritet që të martën Robinjo t'i bashkohet skuadrës së Luksemburgos para se kjo e fundit të niset për një turne miqësor në Azi dhe Shtetet e Bashkuara të Amerikës

[Davius]

Real, rikthehet interesimi për Vieiranë

Reali i Madridit ka shfaqur interesimin e tij për të marrë shërbimet e mesfushorit të Arsenalit, Patrik Vieira. Kjo, pasi Juventusi duket se është larg arritjes së marrëveshjes me klubin londinez. "Zonja e Vjetër" nuk është e gatshme të paguajë 25 milionë euro për mesfushorin francez, shifër që Reali mund ta paguajë pa vështirësi, duke parë forcën ekonomike të "merengesëve". Spanjollët mësuan se "topçinjtë" janë gati ta shesin Vieiranë dhe kësisoj u rikthyen të interesohen për shërbimet e tij.
Madrilenët i janë rikthyer kështu dashurisë së vjetër, pasi në tri vitet e fundit të merkatos është përfolur për interesimin e tyre për Vieiranë. Saki dhe Luksemburgo kanë hequr dorë nga Stiven Xherrard, pasi ky i fundit rinovoi për Liverpulin dhe kështu 29-vjeçari francez do të ishte përforcimi i duhur i "galaktikëve".

Megjithëse pas blerjes së Gravesenit në janar dhe të Pablo Garsias në fillim të këtij muaji, skuadra "merengese" konsiderohet e kompletuar për rolin e mesfushorit me tipare mbrojtëse, presidenti i Realit, Florentino Perez, nuk mund të heqë dorë nga luksi për të marrë Vieiranë.
Nga ana tjetër, Arsenali, pas nëntë vitesh bashkëpunim, është i gatshëm ta lërë Vieiranë të largohet kundrejt 25 milionë eurove. Reali mund ta ulë edhe më tej këtë shifër, duke sakrifikuar Ouenin për Vieiranë. Sulmuesi anglez do të nxirrej në shitje, në rast se skuadra spanjolle do të siguronte shërbimet e Robinjos dhe kundrejt 15 milionë eurove mund t'i japë lamtumirën "Santigo Bernabeu"-t.

Trajneri i Arsenalit, Arsen Venger, do të ishte i pari që do të synonte të rikthente Ouenin në Premier Ligë. Kjo tregon se sakrifica e Realit për të marrë Vieiranë nuk do të jetë edhe aq e madhe, kësisoj arritja e marrëveshjes me Arsenalin është plotësisht e mundshme.
Ndërkohë, marrëveshja e drejtuesve "merengesë" me Vieiranë nuk parashikohet të hasë në probleme. Spanjollët do t'i ofronin 29-vjeçarit një kontratë katërvjeçare me të njëjtën pagë që ai merr tek Arsenali. Vetë Vieira ka shprehur disa herë dëshirën për të luajtur te Reali, ku do të ketë përkrah Zinedin Zidanin. Së bashku, këta dy futbollistë fituan kampionatin botëror në vitin 1998 dhe kampionatin europian në vitin 2000.

[Davius]

Ja edhe dy lojataret me te rinje te Realit....
Pablo Garcia dhe Diogo...........shpresojme se do te sjellin dicka te re ne lojen e Realit keto............