Tifozët e FC Real Madridit...#5

[Davius]

Kasiljas: Reali ka rifituar harmoninë në grup

Portieri i Realit të Madridit, Iker Kasiljas, i cili ndodhet në Tokio me shokët e ekipit, është tepër optimist për mënyrën se si po shkojnë gjërat në kampin madrilen. "Ne po punojmë shumë në të gjitha aspektet, madje po fitojmë harmoninë në grup, e cila na mungonte," ? tha ai.

Reali i Madridit tani ndodhet në kryeqytetin japonez dhe ka planifikuar që të qëndrojë aty disa ditë, në vazhdimin e turit të tyre promovues. "Turi ynë ka qenë i mrekullueshëm deri tani. Kudo që kemi shkuar, jemi pritur shumë mirë dhe kjo tregon se sa i njohur është emri i klubit spanjoll. Një gjë e tillë është arritur prej sukseseve të shumta të tij. Jam i sigurt që në sezonin e ri, ne do t'i shtojmë më shumë trofetë," ? vazhdoi portieri spanjoll.

Ai shpjegoi më shumë udhëtimin e ekipit në SHBA dhe Azi. "Në SHBA të gjithë ndjekin NBA?në ose futbollin amerikan. Ne arritëm shumë sukses në Çikago dhe Los Anxhelos, dhe kjo më bën të them se jam i nderuar që jam një lojtar i Realit. Ndërsa në Kinë e dinim që do të kishim sukses, pasi kemi qenë edhe më parë. Njerëzit aty janë të çmendur pas klubit tonë dhe për këtë më bëhet shumë qejfi," ? tha ai. Turi promovues i klubit spanjoll mendohet që t'i sjellë 25 milionë dollarë fitime klubit. Për më tepër, ka shërbyer edhe si tur stërvitor. Kasiljasi ka folur edhe për punën e trajnerit Luksemburgo.

"Të punosh me Luksemburgon, është një gjë shumë e bukur. Në krahasim me filimin e sezonit të kaluar, ne jemi shumë më mirë. Kemi arritur të fitojmë sërish harmoninë në ekip, e cila na mungonte. Kjo gjë na ndihmon shumë në fushën e lojës dhe mendoj se për sezonin e ri jemi gati. Duhet të fitojmë dhe kemi për të fituar." Këtë sezon, Kasiljasi do të stërvitet me një tjetër përgatitës portierësh dhe mendon se kjo gjë nuk do të ndikojë në formën e tij.

"Përgatitësi i ri i portierëve ka një mënyrë tjetër stërvitjeje, por mendoj se do të jem më mirë në fushën e lojës." Gjithashtu Kasiljas, i cili ka shumë kohë në klubin e Realit, ka folur edhe për blerjet e reja të ekipit. "Është normale që është pak e vështirë kur ndërron ekip, pasi duhet të përshtatesh me mënyrë tjetër jetese. Gjithsesi, blerjet e reja që ka bërë klubi ynë, janë shumë të mira, pasi Diogo dhe Garsia janë lojtarë dhe shokë shumë të mirë. Kjo është e rëndësishme."

Kasiljasi u pyet edhe për synimet e klubit në sezonin e ri dhe ai tha: "Ne duhet të fitojmë patjetër një trofe. Jemi të aftë për ta bërë një gjë të tillë. Unë nuk kam preferenca nëse fitojmë Ligën e Kampioneve apo kampionatin. Mjafton që ne t'u rikthehemi sukseseve." Kasiljasi e përfundoi deklaratën e tij, duke lënë të kuptohet që në klubin e Realit gjithçka është pozitive dhe se është gati për sezonin e ri.

[Davius]

p.s
Davius mbyll urgjentisht temen e Realit ...3 dite zi...

Te nderuar tifoz, tema pra duhet te mbyllet per 3 dite. Pas tre diteve jemi perseri mes jush ne kete teme prap.

Caste te kendshme per keto tre dite, se edhe une do te mar pushim nga forumi per 3 dite te shkoj dikund te laje kete turp qe na ka ndodhur...sepse ne nuk jemi si disa qe hane turpin me buk

Shihemi....

[Davius]

Tema u hap prap sepse kemi nje fitore te re ne Japoni keshtu qe turpi u shlye per nje kohe te shkurte.

.................................................. .................................................. ..
1– JUBILO IWATA: Kawaguchi; Suzuki, Tanaka (Kawaguchi 69´), Chano; Ota (Ohi 68´), Fukunishi (Kawamura 45´), Hattori, Murai (Funatana 77´), Naruoka (Nanami 45´); Cullen dhe Maeda.

3 – REAL MADRID: Casillas; Salgado, Helguera (Arbeloa 45´), Pavón (Raúl Bravo 45´), Roberto Carlos; Gravesen (Pablo García 45´), Guti (De la Red 60´), Beckham (Jurado 67´); Raúl, Owen (Figo 45´) dhe Ronaldo.

GOLAT:

0-1, min. 2: Raúl

1-1, min. 23: Naruoka

1-2, min. 27: Ronaldo .

1-3, min. 91: Ronaldo

......................................

[Davius]

R.Karlos: Do të jetë viti i Realit


Braziliani 32-vjeçar i Realit të Madridit, Roberto Karlos, ndihet gati për një sezon delikat, në të cilin "merengesët" janë të detyruar të fitojnë pas dy vitesh duarbosh. Ja cila ka qenë intervista e anësorit të majtë, në të cilën shpreh bindjen se sivjet Reali do t'ia dalë mbanë:

- A forcohen marrëdhëniet brenda skuadrës gjatë turneve të tillë si ai i juaji në SHBA dhe Azi?
- Sigurisht. Këto turne kanë zëvendësuar ato grumbullime të mërzitshme për javë të tëra në mal. Tani skuadra udhëton e bashkuar dhe morali i saj është mjaft i lartë. Ka optimizëm dhe i gjithë ambienti e ndien se sivjet do të jetë viti ynë. Edhe personalisht mendoj se ka ardhur koha për t'iu rikthyer fitoreve.

- A është Luksemburgo njeriu i duhur për të rikthyer Realin te trofetë?
- Sivjet ai ka mundësinë të punojë që gjatë fazës përgatitore me skuadrën dhe kjo është shumë e rëndësishme. Nuk di t'ju them nëse është trajneri më i mirë në botë. Vanderlei ka bërë një punë të mirë gjatë gjashtë muajve në Madrid, por, pavarësisht se e njoh prej vitesh, mua si futbollist nuk më lejohet ta gjykoj më shumë trajnerin tim.

- Jeni të motivuar edhe nga mbyllja dinjitoze që i bëtë sezonit të kaluar?
- Motivimi nuk na ka munguar asnjëherë, por e pranoj se dy vjet pa suksese kanë ndikuar në dëshirën tonë për të fituar. Na pret një betejë e vështirë me Barcelonën në Spanjë, pa harruar Ligën e Kampioneve, të cilën duam ta fitojmë me çdo kusht, për t'u shpallur skuadra më e mirë në botë. Të njëjtën gjë dua të arrij edhe me Brazilin në botëror.

- Në fund, si ndihet Roberto Karlos 32-vjeçar?
- Ndihem shumë i fortë. Fizikisht dhe psikologjikisht jam gati të luftoj për të treguar se Reali është skuadra më e fortë. Ndoshta nuk jam i ri si dikur, por si Gravesen, ashtu edhe Pablo Garisa janë dy futbollistë mjaft të përgatitur dhe që do të mbulojnë vendin tim gjatë aksioneve sulmuese.

[Davius]

Bekham: Oueni nuk ka përse të ikë

Devid Bekham është i mendimit se bashkatdhetari i tij, Majkëll Ouen, e ka të sigurtë vendin në skuadrën e Realit, pavarësisht nga mbërritja e mundshme e 21-vjeçarit të Santosit, Robinjo. "Majkëlli ndihet shumë mirë te Reali, ka mbështetjen e trajnerit, drejtuesve dhe tifozëve, kësisoj nuk shoh asnjë arsye përse të largohet. Personalisht do të ishta shumë i lumtur në rast se Oueni do të qëndrojë.

E kam mik të ngushtë, por mbi të gjitha është një futbollist i madh, i denjë për Realin." Më pas, mesfushori britanik jep edhe mendimin e tij për Robinjon: "E kam parë në disa ndeshje duke luajtur dhe më ka pëlqyer. Për më shumë, Roberto Karlos dhe Ronaldo na kanë folur gjatë për të. Derisa ata mendojnë se ai është një fenomen, atëherë është i mirëpritur te Reali. Nuk mendoj se mbërritja e tij në Madrid do të ndikojë në të ardhmen e Ouenit."

[Davius]

Butragenjo: Po ndërtojmë një Real fitues

Emilio Butragenjo, dikur idhulli i Realit dhe kombëtares spanjolle, tani po përpiqet të fitojë sfida të tjera me fanellën "merengese". Sfida në zyrat e selisë së skuadrës madrilene, ku ai së bashku me Sakin dhe presidentin Perez po punojnë prej një muaji për rikthimin e "galaktikëve" në elitë. Ja si i komenton zv.presidenti i Realit, Butragenjo, disa nga çështjet më delikate të klubit madrilen, i cili është i dënuar të fitojë, pas dy vitesh pa trofe:
Humbja 3-0 ndaj Tokios. "Nuk mund ta mohojmë faktin se skuadra ishte e lodhur nga udhëtimi dhe se kemi luajtur shumë ndeshje në pak ditë. U çlodhëm dhe këtë e treguam me fitoren 3-1 të arritur dje. Gjithsesi, i gjithë ky tur do të mbyllet më datë 28 dhe më pas skuadra do të ketë mundësi të stërvitet e qetë në Austri."

Kritikat për fazën përgatitore. "S'jemi në Azi vetëm për para, sepse ju siguroj që mund të kishim shkuar në pjesë të tjera të botës, ku do të na paguanin më shumë. Paratë nuk janë qëllimi ynë kryesor. Futbollistët përjetojnë momente të rralla gjatë këtyre tureve. Për shembull, jemi të magjepsur nga Kina dhe mendoj të rikthehemi edhe vitin e ardhshëm."
Reagimet e shtypit kinez. "Ishte vetëm një gazetë, së cilës nuk i pëlqeu turneu ynë. Vetëm kaq."

Figo dhe Samuel. "Për momentin mund të them vetëm që Interi është i interesuar për të dy këta futbollistë. Nuk është arritur asnjë marrëveshje zyrtare, por në orët e ardhshme gjithçka mund të ndodhë. Ka kohë që Interi i di kushtet tona për Samuelin dhe mjafton t'i respektojë ato për të marrë futbollistin. Gjithsesi, bisedimet mbeten të hapura."

Guti. "Neve nuk na ka thënë absolutisht asgjë. Biseduam me manaxherin e tij, Zoran Vekiç, para disa ditësh dhe nuk na doli asnjë problem në bisedime. Për mendimin tim, ai ka luajtur shpesh kohët e fundit dhe me talentin që ka, do të ketë gjithnjë një vend te Reali. Në rast se ai do të largohet, do të jetë i lirë ta bëjë diçka të tillë, por më parë klubi që do shërbimet e tij, duhet të paguajë detyrimet ndaj Realit."

Robinjo. "Eshtë një temë për të cilën nuk dua të flas edhe për pak kohë. Kam besim se ai do të luajë me ne vitin e ardhshëm, por, me sa duket, FIFA do të zgjidhë keqkuptimet, sepse as Federata Spanjolle e Futbollit nuk u mor vesh me homologen e saj në Brazil." Udgejt. "Sot u stërvit me intensitet të plotë, edhe pse ndjeu pak dhimbje, por mjeku Alfonso del Koral më ka garantuar se do të jetë i gatshëm për ndeshjen e parë të kampionatit. Gjatë verës ka punuar mirë dhe lajmet që vijnë për riaftësimin e tij, janë gjithnjë e më shumë pozitive."

Blerje të tjera. "Deri në fund të korrikut nuk do të ndërhyjmë në merkato. Do të shohim mundësitë që do të na paraqiten gjatë muajit gusht, pasi jemi duke punuar intensivisht për ndërtimin e një Reali fitues. Duhet të tregojmë kujdes dhe të marrim vetëm futbollistë që i shërbejnë Luksemburgos

[inter_forever]

REAL MADRID blen per rreth 20 milion euro sulmusin brazilian te Siviglias Julio BAPTISTA.
Sezonin e kaluar shenoi 18 gola.

Per Robinhon ka mundesi nuk behet me asgje. Ndoshta do shitet edhe Owen.

[inter_forever]

Mbyllet telenovela ROBINHO.

ROBiNHO eshte lojtar i Real Madrid . Santos me ne fund pranon oferten prej 30 mil dollaresh.
Robinho do nenshkruaj nje kontrate 5 vjecare .


p.s
nuk e marr vesh me sa sulmusa do lozi Reali ????

[kolombi]

E verteta dhe thashethemet,perse Luis Figo largohet nga Reali..............

Gusto gusto kjo dynja.............

[Davius]

Robinjo: Jam gati për Europën

Sulmuesi brazilian Robinjo, beson se nuk do të ketë probleme me përshtatjen në sezonin e tij të parë te Reali i Madridit. Robinjo do të jetë pjesë e skuadrës "merenges" më datë 25 gusht, kur përfundon edhe lidhja e tij me Santosin. "Gjithmonë kam ëndërruar të luaj në Europë dhe sidomos në Spanjë, - tha braziliani 21-vjeçar -. Kjo sepse futbolli i Primera Divizionit është më i ngjashmi me futbollin brazilian. Në Spanjë luajnë shumë me topin dhe ka hapësira në fushë, këto janë mjaft të rëndësishme për karakteristikat e mia si futbollist. "Robinjo nënshkroi një kontratë pesë vjeçare me Realin dhe klubi i tij Santos, përfitoi 30 milionë dollarë nga ky transferim. Sulmuesi i "Selesaos" do të luajë edhe tri ndeshje me Santosin. Robinjo ka besim, se fakti që do të punojë me një trajner brazilian si Luksemburgo, do ta ndihmojë atë të përshtatet me futbollin e rëndësishëm:

"Luksemburgo më njeh mirë mua dhe unë i njoh metodat e tij të punës. Unë kam një stil të veçantë loje dhe Luksemburgo më ka vendosur gjithnjë në rolin që jap më shumë. Fituam kampionatin në Brazil në vitin 2004 dhe shpresoj ta përsërisim këtë sukses edhe te Reali." Në fund, Robinjo tha, se fakti që do të gjente te Reali brazilianët e tjerë Roberto karlos, Ronaldo dhe Baptista, e gëzonte së tepërmi: "Kemi luajtur sëbashku në kombëtare dhe me sukses do thoja. Po pres me padurim të jem përkrah tyre në përpjekjet për të fituar sa më shumë të jetë e mundur."