Ja si nderton Mafia e ndertimit

[Brari]

Blend Gonxhja dhjetoristi..qeflliu i misseve eshte dhe Pronar Pallatesh..por si i ndertojne pallatet Mafia..?
Si kur kali qe leshon nji bajge dhe iken e sdo tja dije se cbehet me me te..
Sa te kete ko... kandari qe blejne sa frangu pulen apartamente te Mafies..mir tu behet..

koha jone tregon..
------------------------------
Permbytja e pallateve luksoze
Niko Todolli/ Banuesit e ketyre pallateve jane ankuar ne forme miqesore vetem tek Blendi Gonxhja, nenkryetari i bashkise, i cili eshte pronar i nje pallati perballe ketyre tre, pallat i cili edhe ai eshte "bezdisur nga uji"

Ankesa mberriti me linje telefonike ne adrese te gazetes "Koha Jone" nga nje qytetar banues ne nje prej pallatet e reja ne rrugen "Komuna e Parisit". E cilesuar si qyteza e re e kryeqytetit, kjo zone, nga shiu i dy diteve me pare u permbyt plotesisht. E jo vetem kaq, por banoret e ketyre pallateve, qe prej dy ditesh jetojne ne erresire te plote dhe pa uje. Sepse gjeneratori i gjendur ne katin e poshtem te pallateve, nuk punon me per shkak te permbytjes se tij nga uji. Askush nuk guxon te shkoje e te kape paisjet me dore, edhe per faktin se kane frike nga ndonje aksident i mundshem.

"Ne duam te na sillni nje gazetar te pasqyroje kete gjendje katastrofike. Une banoj ne pallatet e ndertuara nga Luan Bregasi, te cilit i kemi paguar nga 45 mije dollare ne dore, dhe ai na garantoi se do te perfundonte ne kohe te gjitha punimet e pallatit. Por ai mori leket dhe iku. Dhe ka filluar punimet ne zonen e Durresit. Ne keto gjera i dime, por shteti duhet te reagoje ndaj ketyre njerezve, qe kane edhe pozita ne shoqeri, mbahen si te ndershem nga shteti, dhe lene gjithe keto familje ne pike te hallit", u shpreh qytetari ne linje telefonike.

Plot familje banojne ne pallate te bukura dhe komode ne qytetin e Tiranes, apo edhe ne qytete te tjera te Shqiperise. Jane te kenaqur se shtepia e tyre eshte moderne, te cilen, jo pak veta do ta kishin zili. Kulmi i fatit te keq eshte kur garazhet mbushen pergjysem me uje nga shiu dhe nga ujrat e zeza, kur makinat qe jane brenda mbulohen nga uji dhe diten tjeter cohen ne servis, kur pompa e ujit digjet se bashku me sistemin elektrik.

Keto kane ndodhur ne garazhet e tre prej pallateve qe firma Alban Tirana sh.p.k, e dekoruar me yllin e arte ne Gjeneve 2001, ka ndertuar qe prej tre vjetesh ne rrugen "Komuna e Parisit", tek Blloku i banesave, pa shkuar tek pallatet e arabeve. Si pasoje e rreshjeve te shumta qe rane parmbreme, garazhet e ketyre pallateve jane mbushur rreth 1,5 metra me uje. Niveli i tyre eshte poshte nivelit te tokes dhe kanali kullues nuk mund t`i pengoje ujrat qe vershojne brenda ne garazhe. Banoret ia vene fajin ndertuesit te ketyure pallateve, drejtuesit ligjor dhe inxhiner Gezim Kolaveli dhe firmes se tij te ndertimit. Pasi kur jane ndertuar pallatet eshte ndertuar edhe nje kolektor prej 100 metrash, i gjere rreth 1,5 metrash, i cili perfundon tek rruga "Komuna e Parisit". Aty ai lidhet me kolektorin e vjeter, i cili eshte sa gjysma e tij. Kur bie shi, ujrat e zeza te kolektorit te madh shperthejne, pasi hapen edhe portat e liqenit. Pervec kesaj ne garazh, duke qene rreth dy metra nen nivlin e tokes, hyn edhe uji i shiut. Banoret e ketyre pallateve qahen se kjo permbytje ka ndodhur dy a tri here. Kjo ka sjelle djegien e pompave te ujit, te aparateve te ndryshme elektrike, prishjen e makinave dhe te gjithe paisjeve te tjera. Si pasoje e permbytjes se parbremshme, gati te gjithe banuesit qe kishin makina ne keto garazhe, i kane cuar ne servise, pasi demi eshte i madh, aq sa nje grua thote se "nuk e ze me me dore makinen time". Ne kulmin e merzitjes ajo eshte gati qe ta braktise makinen e saj me te cilen shkonte ne pune perdite. "Kjo pune eshte gjithmone, sa here qe ka permbytje", thote nje vajze e re. Per banoret e pallateve nje, dy dhe tre, shqetesimi i ujit eshte i perhershem. Pasi ne dimer s`kalohet dot para pallateve, ku trotuaret jane te pashtruara me pllaka qe prej tre vjetesh. "Shtimin me pllaka duhet ta kishte bere firma ndertuese", thote nje burre i moshuar. Pa bere share shaka ai thote se banuesit e ketyre pallateve kane blere cizma apostafat per "kohet e keqia" me uje, qe te mund te dalin dhe te hyjne ne pallat. Megjithese keto pallate jane moderne, te bukura, me 12 kate, kjo nuk e shpjegon se pse firma ndertuese nuk sistemon trotuaret dhe hapesiren perreth pallateve, ne menyre qe et mos behet balte sa here qe ka rreshje, sa here qe shperthejne ujrat e zeza. Demi qe ka shkaktuar permbytja e para dy diteve eshte gati 300-400 mije leke te vjetra. "Vetem bateria elektrike kushton 120 mije leke te vjetra", thote nje burre i rreth te dyzetave qe banon ne pallatin nr.1. Kete dem do ta paguajne te gjithe banuesit e ketyre pallateve. Megjithese mund te duket si nje shume e vogel per shume veta, askush nuk pranon te nxerre leke nga xhepi, per te paguar demet qe behen nga shkaku i gjerave jo te bera mire nga ana e firmes ndertuese. "Firma s`e ve fare ujin ne zjarr per permbytjet", thote per "KJ" nje i moshuar, i cili banon ne pallatin nr.1, pa dashur te tregoje emrin e tij. Ai shton me tej se "parmbreme u permbyten mbi shtate vetura, qe tashme jane ne servisa per t'u rregulluar, nje makine prej te cilave sapo kishte erdhur nga Italia". "Per kete presidenti Gezim Kavaleri nuk u shqetesua", sqaron ky banues, duke thene se banuesit e ketyre pallateve jane ankuar kaq e kaq here tek "presidenti", pa pare qe gjerat te rregullohen. Nga mbushja me uje e parkingeve, suvaja e mureve eshte prishur, dhe sa here qe garazhet mbushen me uje, kjo gje rrezikon qe te prishen themelet. "Uji gerryen dhe gurin jo me burrin", thote nje shprehje e urte popullore. Uji qe u fut ne garazh zbuloi disa dropa te vogla qe kishin qene me pare, por dje ato u zune nga firma ndertuese. Gjithashtu impianti elektrik u prish para dy ditesh. Si pasoje e kesaj, banuesit e pallateve ngelen pa drita dhe pa uje te pijshem. "Akoma jemi pa uje", thote nje inxhinjer elektrik, vete banues ne pallatin nr.2, te ketij korpusi pallatesh te ndertuara nga firma Alban Tirana sh.p.k. Por se bashku me impiantin elektrik u demtuan dhe baterite, instalimet elektrike si matesit elektrike, dhe pjese te ndyshme, te cilat banuesit e pallatit i mbanin ne garazhet e tyre. Uji qe permbyti garazhet e tre prej pallateve, u nxorr me nje pompe. Kete gje e bene vete banuesit. Kjo permbytje nuk eshte e vetmja, pasi kane ndodhur edhe kater permbytje te tjera gjate ketyre tre vjeteve, qe kur pallatet jane ndertuar. "Kanalet kulluese te ujrave te zeza u prishen kur u ndertua nje pallat tjeter aty perblle", thote nje banues qe preferon te ngelet anonim. Ai shton me tej se "kjo nuk lejoi qe te ndertohet nje kanalizim i sakte, por lejoi qe ujrat e liqenit dhe ato te zeza te shperthejne dhe te hyjne ne garazhe". Pavaresisht se ka patur permbytje sa here qe bie shi, dritat dhe uji i pijshem eshte nderprere vetem ne keto raste. Ndryshe ka patur cdo dite uje te pijshem dhe drita. Po keshtu edhe pompa qe u prish para dy ditesh u rregullua brenda dites. Por shqetesimi me i madh ngelet demi qe i shaktohet makinave dhe pajisjeve te tjera sa here qe ka permbytje. "Nese bashkia nuk ben gje, ne do te permbytemi sa here qe vie shi", thote nje grua banonjese ne keto pallate. Por me gjithe keto probleme banuesit e pallateve nuk jane ankuar ne bashki. Banuesit e ketyre pallateve jane ankuar ne forme miqesore vetem tek Blendi Gonxhja, nenkryetari i bashkise, i cili eshte pronar i nje pallati perballe ketyre tre, pallat i cili edhe ai eshte "bezdisur nga uji". V. Myftari, banues i njerit prej ketyre pallateve eshte i mendimit se duhet bere nje studim i ri i sitemit te ndertimit. Per me teper keto pallate jane ndetuar ne nje pozicion, i cili dikur ka qene lume. Keto gjera mesa duket nuk jane marre parasysh nga inxhinjeret ndertues. "Duhet patjeter nje studim i ri ne menyre qe ujrat e ndryshme dhe te bardha qe vijne nga ndryshimi i terenit ketu duhet te kalojne aty ku i takon", tha Myftari. Nga banuesit e ketyre pallateve pritet qe bashkia se bashku me firmen ndertuese te marre masa per rregullimin e gjendjes. Keto rregullime do te shpetojne qindra banues te ketyre pallateve, si dhe do te zbukurojne pamjen e ambjentit.

N.Todolli



------------

[Brari]

INTERVISTE/ Flet Drejtori i Zyrës Rajonale: Ja cilat janë më të rrezikuarat në qytet

"Ndërhyrjet po shkatërrojnë Monumentet e Kulturës"


--------------------------------------------------------------------------------

b.sh

SHKODER

Monumentet e kulturës po rrezikohen nga ndërtimet pa leje. Alarmin e jep drejtori i Monumenteve të Kulturës në Shkodër, Marash Plepi.

Sipas tij, pasuritë historike dhe kulturore të këtyre objekteve po shkatërrohen gradualisht nga ndërtimet pa leje.

Ju keni dhënë alarmin për rrezikun në të cilën ndodhen objektet e shpallura monument kulture. Cilat janë ato më problematiket?
Ne e kemi ngritur me të madhe shqetësimin tonë për atë çfarë po ndodh me këto objekte. Banorët po ndërhyjnë në to ose pranë tyre, me ndërtime pa leje të cilat po i dëmtojnë seriozisht këto pasuri që ka kjo zonë. Flagrante është gjendja në shtëpinë e Luigj Gurakuqit, në atë të Filip Shirokës dhe në rrugën "13 Dhjetori".

Mund t'i specifikoni këto probleme?
Shtëpia e Luigj Gurakuqit është e dëmtuar thuajse plotësisht. N.q.s. nuk ndërhyhet këtë muaj me një fond të veçantë, atëherë kjo pasuri nuk do të ekzistojë më. Aq më tepër që pronari i saj ka nisur të ndërtojë, të ngrejë mure mbi ato ekzistuese. Ne si institucion nuk kemi forcë ndalimi, por vetëm konstatimi. E rrezikuar është dhe shtëpia e Filip Shirokës, e cila kërcënohet nga një ndërtim pa leje. Ndërsa në rrugën "13 Dhjetori" ne kemi problem një ndërtim i cili fillimisht ka marrë lejen për ndërtim nga Monumentet e Kulturës, por që më pas pronari i ndërtimit nuk i ka qëndruar strikt projektit fillestar. Ne kemi kërkuar që të ndërhyhet në shembjen e asaj çfarë është bërë, pasi pronari ka nisur të ndërtojë katin e tretë. Problem kemi pasur dhe me ndërtesën e bankës Tirana Bank. Pas vendosjes së gjobës dhe ndërhyrjes tonë është gjetur gjuha e përbashkët dhe objekti ka ruajtur 80 për qind të vlerave të tij.

Ju si institucion keni bërë punën tuaj në drejtim të parandalimit të shkatërrimit të këtyre pasurive?
Sigurisht që ne kemi bërë maksimumin e asaj çfarë na jep ligji. Kemi vënë në dijeni të gjitha institucionet përkatëse për atë çfarë po ndodh dhe kemi kërkuar mbështetjen e tyre. Ne vendosim gjoba dhe nuk ka kush t'i vjelë ato. Ne kemi shqetësim dhe problemin e statusit. Megjithëse mbulojmë një sipërfaqe kaq të madhe, vazhdojmë të jemi atelie dhe jo një drejtori siç janë të tjerët, megjithëse kanë një hapësirë më të vogël se tonën. Ne kemi kërkuar që të na jepet ky status, të ketë një numër specialistësh dhe të ketë një infrastrukturë më të fuqishme, që të marrim një karakter studiues dhe promovues më shumë sesa një karakter ndërtues. Ne kërkojmë që puna të bëhet nëpërmjet firmave të liçensuara të specializuara në këto fusha.

Cila është zona që ju mbuloni si Zyrë e Monumenteve të Kulturës në Shkodër?
Dega jonë mbulon të gjithë zonën e Veriut të Shqipërisë, prefekturën e Shkodrës, të Kukësit, të Mirditës. Objektet janë ndarë në bazë të rëndësisë së tyre. Kemi gjithsej 406 objekte, prej tyre, 28 janë të kategorisë së parë. Shkodra ka peshën kryesore të këtyre objekteve me rreth 130 objekte të tilla.

---------------

[erzeni]

Në rrezik edhe pallatet "Agimi". Shtesat e paligjshme rrezikojnë ekuilibrin e tyre

Minibashkia: "Zoti Nano, Shallvarja po shembet"


--------------------------------------------------------------------------------

Rezarta Delisula

TIRANE

Pallatet e " Shallvares" po rrëzohen". Ky është alarmi që i ka mbërritur mbi tryezë edhe kryeministrit Fatos Nano.

Kryetarja e Njësisë Bashkiake nr.10 ka lajmëruar njëkohësisht edhe kryebashkiakun e Tiranës, Edi Rama, për hapjen e bodrumeve jo vetëm nga ana e fasadave të dukshme por edhe në pjesët e brendshme të pallateve. "Sipas grupit të inxhinierëve që unë kam çuar për inspektim në pallatet e " Shallvares", ata më kanë relatuar faktin se këto pallate nga hapja e bodrumeve, dhe ndërhyrja në konstruksionin e godinave, arrijnë një pikë lodhjeje që do të thotë pallatet të shëmben pa asnjë lloj foktori natyror" - thotë Mira Veizi, kryetarja e Njësisë Bashkiake nr.10.

Alarmi
Edhe banorët e pallateve "Agimi", që janë në varësi të Njësisë Bashkiake nr.5, janë të alarmuar për jetën e tyre. Bodrumet e pallateve " Agimi" janë të gërryera plotësisht e të kthyera në biznese private. Por kësaj ndërhyrjeje i shtohen edhe shtesat e shumëllojshme të ndërtuara në katet e sipërme, në pjesën e brendshme të pallateve "Agimi". Pamja e jashtme duket e pandryshuar, madje fasadat me ngjyra të ndryshme e kanë nxjerrë më në pah pjesën e arkitekturës ruse, ndërsa brenda pallatet janë kthyer në një kantier ndërtimi. Në katet e sipërme punëtorë fiksojnë shina treni në formë kuadrati dhe i saldojnë. Në një tjetër banesë të katit të 5-të punimet tanimë kanë përfunduar. Shtesat që mbahen vetëm me tri kollona duket se nga momenti në moment do rrëzohen. Cilido arkitekt do i kishte zili shtesat në formë trekëndëshi, rombi, katrori e shumë figura të tjera gjeometrike të ndërtuara në brendësi të pallateve "Agimi".

Banorët
Pallatet e gërryera nga poshtë, kontrolli i të cilave ende nuk është bërë, duket se e kanë humbur ekuilibrin nga shtesat e ngritura. Më e keqja është se një shtesë nuk fillon vetëm nga kati i parë në të fundit, por mbijnë në katet e sipërme pa pasur asnjë lloj mbështetje. Banorët e pallateve "Agimi" janë shumë të shqetësuar për atë që mund t°u ndodhë. "Pallati ynë prite kur të bjerëe ndonjë ditë e të na zërë brenda" - thotë një grua, ndërsa shpjegon se tenton t'i telefonojë Policisë Ndërtimore, por numri i tyre, sipas saj, është gjithnjë i zënë. Banorët e tjerë thonë se të njëjtin problem e kanë ngritur edhe në Bashkinë e Tiranës, por aknesat e tyre duken të pazgjidhshme. E, krahas tmerrit e pasigurisë që qëndron te qindra familjet e pallateve "Agimi", ata që kanë më shumë para kanë mundur të hedhin "themelet" apo shinat e trenit për të ndërtuar shtesat e tyre. Me daljen e ligjit "Për Urbanistikën", në vitin 1998, i takon Policisë Ndërtimore të prishë shtesat e paligjshme dhe të gjitha ndërtimet e tjera pa leje. Ndërsa para këtij ligji, Bashkia duhej t'i dërgonte Ndërtimores shkresën për prishje të ndërtimeve. Po,r si në çdo pjesë tjetër të administratës shtetërore, kompetencat janë të ndara, por ende të paqarta.

[Brari]

Nje dhurat per 8 marsin i ben mafia e ndertimit qytetit heroik te Vlores.


gazeta thote:




VLORE, (8 Mars) - Një e moshuar nga Vlora, humbi jetën sot, si pasojë e rënies nga kati i 8-të i një godine banimi, në qytetin jugor bregdetar. Ngjarja ndodhi rreth orës 13.30, në një godinë banimi 10 katëshe. "72 vjecarja Miro Brahimi, vdiq menjëherë pas rënies, nga kati i 8-të i pallatit, ku banonte së bashku me familjen e djalit të saj. Rënia e Brahimit ndodhi, në hapësirën e brendshme mes shkallëve, në rrethana që nuk janë përcaktuar ende. Banorët e pallatit, konstatuan se Brahimi nuk kishte shenja jete gjithsesi, ajo u dërgua me urgjencë në spital, ku mjekët vërtetuan vdekjen. Sipas policisëe, rënia e Brahimit, mund të ketë qenë aksidentale, ndërkaq po punohet për zbardhjen e plotë të kësaj ngjarjeje.


jd/mr (BalkanWeb)


---------

Pra Mafia nderton pallate 8 kateshe me hapsire mes shkalleve.. qe te tmerron ta mendosh jo te shikosh..

Po jo plaka po dhe silvester stalones i meren mente ne kto lloj shkallesh brenda ne pallat ku ka nje humnere ku perdite banori tmerrohet po te shikoj pak matan parmakut te shkalleve..

Mir injorante urbanistika qe i lejon keto po sa injorant dhe populli qe blen apartament ne nje godin te tille te tmershme..

Po te mendosh femijet e vegjel te ketyre lloj pallatesh qe sdine cesht reziku..

Turp..