Fundi i javores 'LOBI'

[babadimri]

Pas katër vitesh e 4 muajve dhe 204 numrave të botuar, por edhe agonisë disamujore, i erdhi fundi javores LOBI. Shikuar në aspektin pesimist, shqiptarët e Maqedonisë mbesin më të varfër për njuz-magazinin e vetëm që e kishin, në një kohë kur nuk mund të lavdërohen shumë me mediat e veta. Nga ana tjetër, shikuar në mënyrë optimiste, ky nuk është fundi i “projektit LOBI” – në vjeshtë janë të mundshme befasi të ndryshme

Iso RUSI

Edhe krahas gjithë asaj që i ndodhi javores LOBI gjatë vitit të kaluar, botuesi nuk e ka të lehtë të bëjë të ditur se javorja më nuk do të shtypet. Ndonëse lexuesve, së paku sivjet, iu bë e qartë se me javoren e tyre po ndodh diçka jo aq e mirë. Muajt e fundit më shumë flisnin për hallet që me çdo çmim të mbetet e pranishme në skenën mediale sesa që paraqet kohë në të cilën LOBI e jetonte jetën e javores.
Për arsyet që sollën deri te shuarja e javores, në disa raste kemi shkruar pikërisht në faqet e LOBI-t dhe për këtë arsye me këtë rast nuk do të përsëritemi. Vetëm do të potencojmë se është shumë vështirë, thuajse e pamundur, që një produkt i këtillë medial të mbijetojë në kushtet e këtushme të tregut. Thjesht, s`ka as publik të mjaftueshëm lexuesish, e as që reklamimi, nga ana tjetër, është vetëm pjesë e sferave afariste dhe larg politikës, çfarëdo që të jetë ajo. Për raportin e shtetit e atyre që e drejtojnë ndaj mediave në përgjithësi, më mirë është të mos bisedojmë fare, meqë situatat më së miri flasin për vetveten – në këtë vend ekzistojnë disa media që ia arrijnë në aspektin komercial të mbijetojnë në treg.
Me këtë rast, madje edhe nëse kjo tingëllon si keqardhje për shkak të largimit, mund ta shprehim kënaqësinë tonë që së paku edhe në nivel të idesë realizuam një njuz-magazin në gjuhën shqipe, mundësuam një numër të madh të autorëve, sado që të jenë të vlefshëm, të gjenden në faqet e tij…
E madhe është kënaqësia jonë që duke ekzistuar në një mjedis të ngarkuar me tensione ndëretnike, klishe dhe stereotipe, duke u paraqitur në kohën e konfliktit të vitit 2001 dhe duke i mbijetuar të gjitha traumat e paskonfliktit të shoqërisë, ia arritëm të mos e luajmë rolin e shëmtuar të një medie të verbëruar nga roli i mbrojtësit të kauzës së vet nacionale.
Shpresojmë se iu kemi përmbajtur standardeve profesionale dhe se ishim të hapur për të gjithë gazetarët pa marrë parasysh përkatësinë e tyre etnike. Shpresojmë se edhe lexuesit tanë, sado pak që të jenë, janë ndier mirë gjatë shoqërimit me përmbajtjet e javores dhe se njerëzit që punonin dhe bashkëpunonin me javoren mësuan diçka nga zeja e gazetarisë, e atje ku tani janë do të kontribuojnë për ngritjen e nivelit tejet të ulët të gazetarisë në gjuhën shqipe në hapësirat e Maqedonisë.
Nuk do të jemi modest dhe do të themi se monitoringjet e shumta, vlerësimet profesionale të javores LOBI na bëjnë krenarë. Numri i autorëve që botuan kontribute në javore dhe cilësia e tyre na bëjnë të jemi të kënaqur. Andaj, edhe ndiejmë nevojë që të gjithë atyre që vendosën një pjesë të mundësive të veta në javoren LOBI t`u falënderohemi përzemërsisht – pa ta javorja s`do të ishte ajo që ishte.
Nuk kemi iluzione se largimi i javores LOBI do të reflektohet dukshëm në situatën e mediave në gjuhën shqipe në Maqedoni. Por, aq për sa mund të na konsiderojnë si të kualifikuar për ta shqiptuar këtë gjykim, do të konstatojmë se situata e mediave në gjuhën shqipe në Maqedoni është edhe më tutje e keqe, edhe krahas përmirësimeve evidente të krijuara gjatë vitit të fundit (tri gazeta të përditshme, TV me koncesion nacional). Vetëm ata që tentojnë t`i drejtojnë mediat ekzistuese nëpër sprovat e mbijetimit të përditshëm e dinë se pse është kjo kështu, konsumuesit e tyre – lexuesit, dëgjuesit dhe shikuesit – mund të jenë vetëm të pakënaqur nga cilësia që u ofrohet.
Në fund të themi edhe këtë: Shuarja e javores LOBI nuk do të thotë edhe fund i “projektit LOBI”. Tashmë prej 1 korrikut starton sajti i ridisenjuar dhe i freskuar tregjuhësor www.lobi.com.mk, me të cilin do të tentojmë të mbijetojmë më gjatë si gazetë e parë e përditshme e këtij lloji te ne. Në vjeshtë janë të mundshme befasi të ndryshme, meqë nuk na mungojnë ide të mira, e diçka prej tyre

[Davius]

Nje humbje e madhe per sferen kulturo-politike te Maqedonise, ka qene revista me serioze qe kishim, se tjera s'kemi...

Njoh personalisht themeluesit e kesaj reviste dhe pronaret dhe shkaku i shuarjes eshte vetem ekonomik, e jo sic pretendojne disa, qe ishin kundra fjales se lire shqipe, se eshte "shuar" per shkak te mungeses se kuadrove gazetareske profesionale tek shiqptaret e Maqedonise...

Ndoshta nje dite perseri do te ringjallet nese dikush nga lart do con zerin per te lexuar edhe ndonje dite shkronja shqipe ne shtypin qe botohet ne Maqedoni.

Eh qashtu puna.
.....................

[Shkupi]

Vetedija nuk ngritet mbi pluhurin qe e ka mbeshtjellur kete vetedije.Mund te them se si ish gazetar jam njohes i mire i ceshtjes se mbijetimit te mediave shqiptare ne Maqedoni.Ne fund kur nje media eshte shuar gjithnje shkaqet ekonomike kane qene te nderlidhura.Ne rastin e Lobit (edhe une i njoh mire drejtuesit e kesaj gazete) si i vetmi ze kritik por edhe xigelues ne momente ndaj pushtet kane qene pikerisht deshirat te mos them motive politike e partise tende qe ky ze kritik te mbyllet.Koheve te fundit prej xigelluesit te BDI-se Lobi e nderroi kahjen dhe kaloi ne "opozite" dhe ketu u mbyll kapitulli "Lobi".E njejta gje ndodhi edhe me Faktin i cili desh u mbyll ne kohen kur ishte kritike ndaj PDSH-se por Emini eshte nje lojtar i zhdervjellte dhe e nderroi kapuqin menjehere duke e xigeluar PDSH-ne(duke marre fonde speciale) mbijetoi ne tregun e gazetave.

Ardhja e gazetave "kosovare" ne tregun e Maqedonise edhe pse na duket e perkoheshme une e shoh si nje mundesi per te shkeputur lidhjet ndervarese midis mediave dhe politikes lokale (sepse fondet vijne e shkojne jashta ombrelles se partive shqiptare ne Maqedoni megjithese nuk jam edhe aq i ngazellyer sepse pushteti shqiptar ne cdo kohe mund te ve dore mbi keto media "kosovare" ngjashem qe e beri PDSH-ja duke e ndaluar "Boten Sot". Cdo parti shqiptare qe ka ushtruar pushtet (ta potencoj pushtet ndaj shqiptareve te Maqedonise) ka luajtur me mediat duke mos e pare interesin e pergjithshem te shqiptareve ne Maqedoni.Si pasoje e kesaj kemi media te plogeshta ndersa gazetaret shqiptar jane shenderuar ne qirak te politikaneve vendor te cilet me telefon diktojne se cka do shkruhet apo emitohet.Ne anen tjeter maqedonasit kane arritur deri diku te shkeputen nga kjo vartesi dhe kane ndertuar media deri diku te pavarura nga politika.Ne rastin e tyre si fjala vjen A1 i cili njihet si me i pavarur dhe me ze kritik ndaj pushtetit ka qene pikerisht LSDM-ja e cila ka pasur nje kontroll te lehte mbi kete medium sepse e ka ditur se nese A1 arrin te paraqitet si i pavarur dhe ze kritik atehere ky medium do te jete edhe zeri i LSDM-se per ceshtje te caktuara madhore.Tashme A1 dhe shume te tjera jane shkeputur nga vartesia edhe pse nje kohe te madhe kane qene pikerisht te sponzoruara nga LSDM-istet dinak.Tek shqiptaret ndodh e kunderta partia ne pushtet e ve doren mbi mediumin dhe luan me stafin si te doje.Paradoksi me i madh ka ndodhur para disa muajve ne zyren e nje kryeredaktori kur partia kishte derguar pizza per gazetaret qe nuk kishin marre rroge per tre muaj.Ndoshta e di kete rast pasi po sillesh neper mediat shqiptare davius.

[Davius]

Ndoshta e di kete rast pasi po sillesh neper mediat shqiptare davius.

Hahahahahha, ani kjo ka qene top teme shume kohe a? Me kryesorja eshte se mandej benim gallate me kete ne...por nejse..

Hajt pac shnet Shkupi

[Dr_Love]

hey qysh osht javore.javores?me falni se se kuptova

[StormAngel]

hey qysh osht javore.javores?me falni se se kuptova

Javore eshte gazete (reviste) qe del vetem njehere ne jave.
Shpresoj kuptove tani.

[babadimri]

pe re te gjithe ata qe jane te apasionuar pas Lobit mund ta lexojne ne internet per cdo dite

shendet

[Dr_Love]

Storm faleminderit per pergjigje .po me fal ajo gazeta apo rezista titullohet Javores?

[StormAngel]

Jo dr_love,
Revista javore ka titullin "Lobi".

[Dr_Love]

oh Storm faleminderit se ka shum ktu qe i japin ate prapashtesen sllave cdo fjale.falminderit per shpjegim rrofsh.

[StormAngel]

Urdhero edhe tjeter here.