Pritet gjykimi i Ramush Haradinaj ne qershor

[Llapi]

Krasniqi: UÇK s’ka bërë krime kundër njerëzimit

Nga Express më 21.07.2010 në ora 16:27
Përfaqësues të institucioneve të Kosovës janë shprehur të bindur për pafajësinë e Ramush Haradinajt, të cilin sot dhoma e apelit e Tribunalit të Hagës e ka ndalur në paraburgim, ndërsa rastin e tij e ka kthyer në rigjykim.

Kryeparlamentari Jakup Krasniqi, në një prononcim për Kosovapress, ka deklaruar se Ushtria Çlirimtare e Kosovës është e pastër dhe se pjesëtarët e saj asnjëherë nuk kanë kryer krime kundër njerëzimit.

“Kam besimin, siç e kam pasur në kontinuitet, se Ushtria Çlirimtare e Kosovës, pjesëtarët e saj, nuk kanë bërë krime ndaj njerëzimit. Andaj në këto momente, sigurisht se unë i bashkohem shqetësimeve të shumë qytetarëve të Kosovës”, ka thënë ish-zëdhënësi i UÇK-së.

Krasniqi ka shprehur bindjen se sikur gjykimi i Limajt, sikur gjykimi i parë i Haradinajt, ashtu edhe ky rigjykim i tij, do të rezultojë me pafajësinë e ish-kryeministrit të Kosovës, Ramush Haradinajt.

“Ne kemi besim që siç ka dalë edhe gjykimi i parë, edhe gjykimi i dytë; e kam fjalën për ‘Fatmir Limajn dhe të tjerët’ dhe ‘Ramushin dhe të tjerët’; në Tribunalin e Hagës, ku kanë dalë të pafajshëm edhe njëri edhe tjetri, shpresojmë që gjykata e Hagës do t’i vlerësojë argumentet, faktet dhe ne kemi besim në drejtësinë e kësaj gjykate”

Edhe Zyra e Presidentit të Kosovës ka shprehur besimin në drejtësinë ndërkombëtare dhe në pafajësinë e kreut të AAK-së. Zëdhënësi Xhavit Beqiri, në emër të presidentit Sejdiu, ka thënë se Haradinaj në këtë rigjykim do ta dëshmojë pafajësinë e tij.

“Institucionet e Republikës së Kosovës, pra edhe presidenti Sejdiu, besojnë në drejtësinë ndërkombëtare dhe ne shpresojmë që edhe rigjykimi i pjesshëm i Haradinajt do të dëshmojë pafajësinë e tij. Po ashtu, ne jemi të bindur se Haradinaj sikur edhe në gjykimin e parë, do të bashkëpunojë me këtë institucion të lartë të drejtësisë ndërkombëtare, në mënyrë që t’i kontribuojë përmbylljes sa më të shpejtë të këtij procesi gjyqësor”, i ka thënë Beqiri, Kosovapress-it.

Vendimi i Tribunalit të Hagës për Haradinajn, Balajn dhe Brahimajn, ka ardhur një ditë para vendimit të Gjykatës Ndërkombëtare të Drejtësisë për legjitimitetin e pavarësisë së Kosovës.

Megjithatë, përfaqësuesit e institucioneve të Kosovës, nuk shohin ndonjë lidhshmëri mes vendimit të Tribunalit dhe mendimit këshillëdhënës të GJND-së.

Kryeparlamentari Jakup Krasniqi ka thënë se nuk beson që këtu raste të kenë lidhshmëri mes vete, ngase në GJND tashmë ka përfunduar gjithçka dhe vetëm pritet vendimi final.

[Llapi]

DEKLARATË E QEVERISË SË REPUBLIKËS SË KOSOVËS


Prishtinë, 21 korrik 2010

Kryeministri i Republikës së Kosovës, Hashim Thaçi dhe Qeveria e Republikës së Kosovës e ka përcjellur me vëmendje procesin gjyqësor të shkallës së dytë dhe shpreh brengosje për procesin e rigjykimit ndaj Ramush Haradinajt dhe luftëtarëve tjerë të Ushtrisë Çlirimtare të Kosovës.

Qeveria e Republikës së Kosovës shpreh keqardhje për këtë vendim të gjykatës, mirëpo është e bindur se z.Haradinaj do të dëshmojë pafajësinë e tij në rigjykimin e pjesshëm, ashtu si në rastin e gjykimit të tij në këtë gjykatë, e cila e kishte shpallur i pafajshëm.

Qeveria e Republikës së Kosovës rithekson se Ushtria Çlirimtare e Kosovës ka zhvilluar luftë të drejtë për liri dhe demokraci, për mbrojtjen e vlerave të qytetërimit, dhe ka respektuar të gjitha konventat ndërkombëtare të luftës.

Institucionet, qytetarët e Republikës së Kosovës dhe vete z. Haradinaj kanë dhënë provat e bashkëpunimit dhe të besimit në drejtësinë ndërkombëtare, një gjë e cila po rikonfirmohet edhe në rastin aktual.

Qeveria e Republikës së Kosovës iu bën thirrje qytetarëve që të kenë besim në drejtësinë ndërkombëtare, duke shprehur besimin e plotë se të bashkuar do t’i tejkalojmë të gjitha sfidat para nesh, për çka qeveria jep garancione të duhura.

[Llapi]

OVL: Vendimi për Haradinajn i motivuar politikisht
Organizata e Veteranëve të Luftës së UÇK-së, kundërshtoi të mërkurën vendimin e Dhomës së Apelit të Tribunalit për krimet e luftës në ish Jugosllavi, për shfuqizimin e vendimit të vitit 2008, ndaljen në paraburgim si dhe vendimin për rigjykim të bashkëluftëtarëve Ramush Haradinaj, Lahi Brahimaj dhe Idriz Balaj....
Postuar: 02:18:50 / 21.07.2010
Në reagimin e OVL të UÇK-së thuhet se ky vendim i padrejtë, që merret vetëm një ditë para shpalljes së mendimit të GJND-së për pavarësinë e Kosovës, është i motivuar politikisht.

“Botërisht njihet dhe është argumentuar se lufta e UÇK-së ka qenë e pastër, çlirimtare, e orientuar kundër forcave të një shteti pushtues dhe gjenocidal. Konsiderojmë se ky vendim i padrejtë është vetëm një tentim për të balancuar krimet që Serbia ka kryer në Kosovë dhe si i tillë për ne gjithmonë do të jetë i papranueshëm”, thuhet në reagim.

Duke besuar në pafajësinë e secilit pjesëtar të UÇK-së, OVL kërkoi lirimin e tyre të menjëhershëm.

[guri79]

Pse je kaq i sigurt se Thaçi do ta ndaj Kosovën?!
Punon në qeveri?!
Rri qaty se sen s'din as ti as unë

pyte Hashimin pse ka hëngër shpulla n'1999 ne prezenc te jo pak njerzve mbasi ha hyr KFORI n veri dhe e kupton se a do ta ndan Kosoven a jo ...

[Llapi]

pyte Hashimin pse ka hëngër shpulla n'1999 ne prezenc te jo pak njerzve mbasi ha hyr KFORI n veri dhe e kupton se a do ta ndan Kosoven a jo ...

hik more se po te vjen ende prej 99-tes era shurr
qe je fut ne dimija te grave
e tash kishe po lehi klam klam klam

[blueton]

une isha skeptik ne gjithe kete qe bene evropjanet per ta larguar serbin nga kosova qe ne 99 , asnjehere nuk u kam besuar sepse ata ta kthejne shpinen, ata jane nje race me serbet dhe vellezer ,nuk e japin te vetin per te huajin , serbise ia hoqen vizat ,do e integrojne ne evrope para te gjithe rajonit , ndersa kosoven e vodhen me te madhe dhe e kane lene ne m...t shifet se ku eshte kosova .

por kenaqem per disa arsye sepse disa forumiste na canin b... duke thene se evropa dhe evropa dhe tani ja ku e kemi evropen ,ne kosove dhe ate na then turinjte per cdo dite e ne rime dhe akoma mendojme me kembe e jo me koke,

[G-2]

edhe kesaj radhe me siguri do ta deshmoi pafajsine rambo!!
ramboja i duhet kosoves dhe i uroi mireseardhje si kryeminister i ardhshem!!

[ARIANI_TB]

Kjo burgosje e serishme e Ramush Haradinajt, nuk eshte gje tjeter perpos qe disa shtete europiane pro Serbe si Italia, Franca, Russia, Spanja, Greqia e tjera dojne me cdo kushte ta njellosin luften heroike te Ushtrise Clirimtare se Kosoves, pra ky paraburgim i serish eshte me pretendime politike. Europe kjo shtrige e vjeter ndaj Shqiptareve, ne vend qe te mirret me Serbine kriminele e te 4 luftrave ne ish Jugosllavi, ajo mirret me Ushtaret e UCK-se dhe me vetevendosjen e kombit Shqiptar.
Ja se cfare eshte europa, ajo shperblen kriminelin me territore: me territor te Bosnjes ka shperblyer Serbine Kriminale me mbi 50 %, dhe tani deshiron qe edhe nja 30 % te territorit te Shqiperise Veriore ( Kosoves ) ti shperbleje Kriminelett e 4 luftrave te Ish Jugoslavise.

Ne si Komb kudo qe jemi Si ne Cameri, Shqiperi, Kosove, Kosove Lindore, Iliride, Lugine e Presheves e Malesi, duhet cuar ne kemb dhe te kerkojme me nje ze te perbashket ajo qe na takon e ajo eshte SHQIPERIA ETNIKE NATYRALE, dhe nese ne nuk e bejme kete gje sa ma shpejte qe eshte e munduar ateher te gjithe armiqte qe i kemi perthet do mundohet qe te na demtojne edhe me shume.

[Falco115]

Nuk me habiti aspak ky lajm , u mesuam tani me keto gjera sa hera qe behet fjale per qeshtje madhore per Kosoven , Ramush Haradinajn e largoin nga skena politike. Vetem disa ore para se Gjykata Nderkombetare e Drejtesise te thot fjalen e saj per Kosoven riburguset Haradinaj, vetem disa muaj para se te shpallet Kosova shtet, dergohet ne Hagë. Kosova ka shume per te bere dhe i duhen pranë bijte e saj me te devotshem , kete duhet ta dije Europ kurva dhe satelitet e saj ne Kosove, qe mundohen te aktrojne kinse u vie keq per kete burgosje. Haradinaj edhe kete here do te deshmoj pafajsin e tije dhe luften e paster te uck.
Uroj te kthehet sa me pare Kosova e pret krahe hapur kryeheroin e saj , legjenden e gjalle Ramush Haradinaj...

[gimche]

Kjo burgosje e serishme e Ramush Haradinajt, nuk eshte gje tjeter perpos qe disa shtete europiane pro Serbe si Italia, Franca, Russia, Spanja, Greqia e tjera dojne me cdo kushte ta njellosin luften heroike te Ushtrise Clirimtare se Kosoves, pra ky paraburgim i serish eshte me pretendime politike. Europe kjo shtrige e vjeter ndaj Shqiptareve, ne vend qe te mirret me Serbine kriminele e te 4 luftrave ne ish Jugosllavi, ajo mirret me Ushtaret e UCK-se dhe me vetevendosjen e kombit Shqiptar.
Ja se cfare eshte europa, ajo shperblen kriminelin me territore: me territor te Bosnjes ka shperblyer Serbine Kriminale me mbi 50 %, dhe tani deshiron qe edhe nja 30 % te territorit te Shqiperise Veriore ( Kosoves ) ti shperbleje Kriminelett e 4 luftrave te Ish Jugoslavise.

Ne si Komb kudo qe jemi Si ne Cameri, Shqiperi, Kosove, Kosove Lindore, Iliride, Lugine e Presheves e Malesi, duhet cuar ne kemb dhe te kerkojme me nje ze te perbashket ajo qe na takon e ajo eshte SHQIPERIA ETNIKE NATYRALE, dhe nese ne nuk e bejme kete gje sa ma shpejte qe eshte e munduar ateher te gjithe armiqte qe i kemi perthet do mundohet qe te na demtojne edhe me shume.

Çdo koment është i tepërt, të lumtë!

[ganimet]

Çdo koment është i tepërt, të lumtë!

Edhe une po them ju lumt dyve,Deri sa po lexoja me ra ndermend nji keng per Bacë Bajram Currin e sidomose ne vargun e kenges Njajo pushk bacë qe te mori ty muar malsin shpi per shpi.Nuk po me dhimset Ramushi po drejtsia o vllezer ,ket e ka then edhe vet Ramush Haradinaj para se te nisej per te deshmuar pafajsin ,vertet ai u kthye faqebardh por ate qe deshiro te genjehet dhe ne ket rast Haga e turpit i mbylli syte ndaj te vertetes dhe serish me kurtha dhe e shtyre nga qarqe anti njerzore e anti demokratike serish po futet ne vallen e turpit .Po me nji ramush nuk do perfundoj siq duket marifetlleqet e Evropes Shtriges se vjeter sa edhe ne te drejten e popujve per vetvendosje kure qe puna per kosoven ngriten nji gjygj qe ne histori do shenohetr me shkronja te turpit nga qarqe te cilat lirsht them se jon vegel e Serbis ecila shkaktoj shum viktima te pa fajshme ne gjith hapsiren e ish Jugosllavis tani Kjo shtrig Evropa i barazon Herojt me tradhtaret dhe kriminelin dhe viktimen Turpi e mbuloft Evropen dhe ata shqiptar qe i gezohen ksaj politike e ksaj drejtsie Hagijane.
Ta ngrem zerin ne mbrojtje te Ramushit ,sepse kshtu e mbrojm te ardhmen tone.

[mesuesi_1]

qe evropi eshte k'u'r'v'e kjo dihet dhe nuk perben ndonje te re .... dhe per kete nuk duhet te habitemi shume .... ma merr mendja se problemi eshte me i koklavitur per faktin se ne kete rast nuk kemi te bejme me evropen thjesht te vendeve qe gjeografikisht bejne pjese ne te por edhe me ate politike ne te cilen ka nderhyrje edhe te jashtme .... gjykata nderkombetare nuk eshte vetem evropi por ka edhe disa te tjere

ajo qe shqiptaret duhet te kuptojne eshte ajo qe te duan me teper njeri tjetrin dhe te ulin tonet e akuzave midis njeri tjetrit se ne kete hapesire askush nuk na don ..... nqse nuk do te duam njeri tjetrin me shume fundi nuk do te jete shume larg ....

[MIRIAM]

EJ SHQIPTAR!

A po e shihni se sa kurvë asht Europa?!

1. Fatmir Limajn e bastis ne zyre e shtëpi...
2. Hashim Thaqin e kontrollon neper xhepa dhe valixhe ne Aeroportin ku asht Kryeminister.
3. Albin Kurtin e rras tash e parë në burg.
4. Ramush Haradinaj e thërret prap në Hagë, kinse do gjykojë Apeli i Rrospiave.

Kjo thirrje në Hagë,ndoshta ka për qëllim për me i tulatë shqiptarët e Kosoves dhe sidomos Lideret e saj qe boll po i klasifikoni si "gratë e Çarshisë së Pejës" etj.etj.
Jo 6 (qe asht numri i Djallit) por edhe 66 akuza (djallzore) me ngritë Haga - Ramushit i marrin te ligat!
Nuk besoj se zotri Thaqi si kryeminister i duhet Kosova pa Ramush Haradinajn! Mos u merrni me ndarje e perçarje.
Mos bini në pesimizëm por qendroni BASHKE! BASHKIMI E BAN FUQINE!
Tung.

Nese je ai Agim Doci qe mendoj dhe kam pas konsiderate,me kete shkrim u binda qe qenke shume i ceket!!!
Perveq Albin Kurtit kjo lista e jote eshte e mbushur me kriminel!
Kriminel qe kane shkelur mbi gjakun e deshmoreve duke vjedhur popullin e duke e varferuar ne ate mase sa na ka mbetur shume pak dinjitet.
Mjere ne cfare populli jemi!!!!
Te tjeret perdite na bejne me dije se politikanet tane na rjepen e ne i quajme kurvare !!!!
Si duket jemi te pashprese
Patriotizem eshte te vetedijsosh popullin ,e pas vetdijesimit vjen zhvillimi, si duket te huajt duan me shume popullin tone se sa vet ne .
Ne mbetem se mbetem me ate patriotizmin folklorik e vullgar.

[MIRIAM]

Nese ka ra Kosova në atë pozitë qe me e nda Hashimi qysh edhe kur te don,veq Ramushi nuk po lejojka ndarje neve nau paska kajt nana.
Se ka Hashimi atë pushtet qe ta dergoi diken ne hagë e as Ramushi nuk mund ta ndaloi ndarjen nese e kan vendos fuqit e mëdha,mitrovica është e ndar qe 10 vite,tash mund te vuloset mbetia formale e sajë në Kosovë apo ne serbi me letra.

E vertete e pakontestuar!!
Veq budalla beson ne ribashkimin e Mitrovices !!
Keshtu eshte kur te clirojne te tjeret !!!
Ku ishin keta "patriotat" ne 99-ten?!

[Mexhi]

A po e shihni se sa kurvë asht Europa?!

Thua se Europa nuk ka pune tjera vec te mirret me burgosjen e Haradinajt. Nuk e kuptoj se pse duhet te akuzoni Europen per faj te serbise dhe "shqiptareve te ndershem"?!!! Apo ndoshta ju vjen me leht t'ia fusni kot.
Riburgosja e Haradinajt ka te beje me deklaratat e "shqiptareve te ndershem" qe jetojne kryesisht ne Beograd, se ata jane kercenuar dhe penguar nga UCK-ja per te mos deklaruar kunder Haradinajt dhe te tjereve. E gjithe kjo eshte pergatitur dhe montuar nga serbia e jo nga Europa, andaj i shohe te pa arsyeshme akuzat ne drejtim te Europes.

[Kreshniku1985]

Dhoma e apelit e Tribunalit të Hagës për krime lufte urdhëroi sot të ndalen në paraburgim Ramush Haradinaj, Lahi Brahimaj dhe Idriz Balaj, deri në marrjen e një vendimi tjetër....


CFAR MENDONI PER RASTIN HARADINAJ,A MUND TE JETE E MOTIVUAR POLITIKISHT KJO NGJARJE,KUR DIHET SE NE VITIN TJETER NE KOSOVE DO TE KETE ZGJEDHJE TE REJA PARLAMENTARE DHE SE ISH-KRYEMINISTRI HARADINAJ VAZHDON TE JETE NR.1 QE AKUZON CDO DITE QEVERINE E KOSOVES PER KORRUPSION DHE KEQMENAXHIM?

[Agim Doçi]

MIRIAM!
Pa lexoje edhe nje here ate qe kam shkruar! Te lutem! Nese ti i quan kriminele lideret e Kosoves, e kuptoj shume mire qe Europa po "lan lesh ndër NE". Pse nuk del deshmitar ne Hage ose kudo ku ta don interesi?????
Une kam respekt per djemt e UÇK-se dhe besoj qe KAUZA e tyre do te fitoje.
Tung MIRIAM

[Llapi]

Haradinaj sërish në Hagë
Tribunali i Hagës paraburgosi Ramush Haradinajn dhe e riktheu pjesshëm në rigjykim rastin e tij. AAK e quajti këtë lajm të keq për Kosovën dhe tha se do të dëmtohen proceset politike. Institucionet e vendit shprehën bindjen se Haradinaj do ta dëshmojë pafajësinë.

Nga Jeton Musliu më 21.07.2010 në ora 10:09
Lahi Brahimaj, Idriz Balaj dhe Ramush Haradinaj
Ramush Haradinaj është nisur për në Hagë, që të ishte i pranishëm në një seancë të thirrur nga Tribunali, të mërkurën, por nga salla ai është dërguar në qendrën e paraburgimit.

Kamerat fokusuan reagimin e tij të ftohtë, kur dëgjoi njoftimin se rasti i tij ishte vendosur të kthehej në rigjykim, duke shënuar kështu herën e parë që në historinë e Tribunalit përsëritet një gjykim.

Gjykata Ndërkombëtare e Krimeve të Luftës për ish-Jugosllavinë ka urdhëruar që rasti i ish Kryeministrit të Kosovës të kthehet në rigjykim të pjesshëm, dy vjet pasi ai u lirua, nga akuzat për vrasje, përdhunime dhe tortura.

Me vendim të Trupit Gjykues, lideri i Aleancës për Ardhmërinë e Kosovës është privuar nga liria, deri në përfundim të tërë procesit gjyqësor.

Nerma Jelacic, një nga Zëdhënëset e Tribunalit të Hagës, ka thënë se Haradinaj është arrestuar të martën, për të dalë në Gjyqin e Tribunalit e Hagës.

“Ai u arrestua në Kosovë, të martën, me një urdhër të lëshuar nga Gjykata, sepse gjyqtarët kërkonin që ai të ishte këtu për gjykim", ka thënë Jelacic, për Express.

Ramush Haradinaj, së bashku me Lahi Brahimajn dhe Idriz Balajn, ngarkohen së bashku me gjashtë pika të akuzës.

Zëdhënësja Jelacic ka shpjeguar për Express se këto gjashtë pika kanë qenë në mesin e 32 akuzave me të cilat ata ngarkoheshin.

“Ky është urdhri i Trupit Gjykues, që të tre duhet të qëndrojnë në paraburgim deri në kohën kur do të rinisë procesi gjyqësor”, ka deklaruar Nerma Jelacic, të mërkurën, për Express.

Por, ajo nuk ishte në gjendje të sqaronte se kur pritet të rifillojë ky proces gjyqësor.

“Nuk dihet se kur do të rifillojë procesi gjyqësor, pasi që kjo gjë varet nga urdhri i Trupit Gjykues. Por, ata duhet të qëndrojnë nën arrest, deri në atë kohë”, ka thënë Jelacic.

Ramush Haradinaj nuk ishte i vetëm në Hagë.

Aty ishte edhe ekipi i tij mbrojtës, drejtuar nga avokati Michael O’Reilly. Ai deklaroi se ishte jashtëzakonisht i befasuar me vendimin e Trupit Gjykues, për të cilin tha se nuk e kishte parashikuar, duke pasur parasysh lirimin e Haradinajt para dy vjetësh.

“Për ne, tanimë çështjet me rëndësi janë: së pari, të sigurojmë kthimin shpejtë të Z. Haradinaj në Kosovë, dhe së dyti, të caktohet sa më shpejtë data e rigjykimit të pjesshëm”, është shprehur O’Relly, në komunikatën për media.

Ai ka bërë të ditur edhe një qëndrim të liderit të AAK’së, i cili ka deklaruar se zhvillimet e fundit rreth rastit të tij duhet të shihen në një kontekst më të gjerë.

“Kosova ka bërë progres të madh dhe ne duhet të vazhdojmë të besojmë në institucionet ndërkombëtare, përkundër prapakthimeve të përkohshme”, citohet të ketë thënë Ramush Haradinaj.

Në Prishtinë, lajmi për paraburgimin e Ramush Haradinajt dhe vendimin për rigjykim, duket se ka i befasuar të gjithë.

Zyrtarët e lartë të AAK’së, në një konferencë të jashtëzakonshme për media, shfaqën brengën dhe befasinë e tyre për vendimin e Hagës.

Ata thanë se lajmi për rihapjen e pjesshme të gjykimit të Ramush Haradinajt është një lajm shumë i keq për AAK’në, për qytetarët dhe për shtetin e Kosovës, ndërsa u shprehën të bindur në pafajësinë e tij.

Nënkryetari i Parë, Blerim Shala, lexoi deklaratën që përmbante qëndrimin e partisë.

“AAK është tej mase e befasuar me vendimin e Tribunalit të Hagës, veçmas kur dihet që me një vendim unanim të Shkallës së Parë të këtij Tribunali, më 3 prill 2008, Haradinaj është shpallur i pafajshëm prej të gjitha akuzave”.

Nënkryetari Blerim Shala shtoi më tutje se ashtu si në marsin e vitit 2005, kur u shpall Aktakuza e Prokurorisë së Tribunalit të Hagës, ashtu edhe tani, kur u mor vendimi për rihapjen e pjesshme të Gjykimit të Haradinajt, Kosova përballet me sprova të mëdha politike dhe të sigurisë.

“Si AAK, jemi të bindur që proceset politike në Kosovë, veçmas ato që do të pasojnë në vijim të shpalljes që qëndrimit këshillëdhënës të Gjykatës Ndërkombëtare të Drejtësisë në Hagë, këtë të enjte, me 22 korrik, do të dëmtohen thelbësisht”, deklaroi Nënkryetari i Parë i AAK’së.

“Si AAK, jemi të sigurt që si herën e parë, ashtu edhe tani, në rigjykimin e pjesshëm që do të pasojë, shpresojmë, sa më parë që është e mundur, se Ramush Haradinaj, Kryetari i AAK’së, do të shpallet plotësisht i pafajshëm”.
Blerim Shala shtoi më tutje se Ramush Haradinaj është dëshmuar si njeri i fjalës, i parimeve, i respektimit të ligjit dhe drejtësisë vendore dhe ndërkombëtare.

“AAK fton qytetarët e Kosovës që të tregohen të matur dhe të pjekur si edhe herëve të tjera, kur Kryetari i AAK’së, me shembullin e vet personal, ka treguar se si duhet të sillemi kur përballemi me sprovat e tilla. Këtë ia kemi borxh Ramush Haradinajt”.

Nënkryetari i Parë i AAK’së, po ashtu, shprehu bindjen se AAK do t’i fitojë zgjedhjet e ardhshme parlamentare dhe që Ramush Haradinaj do t’i prijë si Kryeministër Qeverisë së Republikës së Kosovës.
“Këtë ua kemi borxh qytetarëve të Kosovës”, tha ai.

Ardian Gjini, ndërkaq, bëri të ditur se të enjten pasdite do të mblidhet Këshilli i Përgjithshëm i AAK’së.

“Nga kjo mbledhje, do të dalë qëndrimi ynë, si dhe do të kuptohet më shumë nga Ekipi i Mbrojtjes që është në Tribunalin e Hagës”, ka deklaruar Gjini.

Përfaqësues të institucioneve të Kosovës janë shprehur të bindur për pafajësinë e Ramush Haradinajt, pasi që Tribunali i Hagës e ka ndalur në paraburgim, ndërsa rastin e tij e ka kthyer në rigjykim.

Kryeministri Hashim Thaçi dhe Qeveria e Kosovës kanë përcjellë procesin gjyqësor të Shkallës së Dytë dhe ka shprehur brengosje për procesin e rigjykimit ndaj Ramush Haradinajt dhe luftëtarëve tjerë të UÇK’së.

“Institucionet, qytetarët e Republikës së Kosovës dhe vete Z. Haradinaj kanë dhënë provat e bashkëpunimit dhe të besimit në drejtësinë ndërkombëtare, një gjë e cila po rikonfirmohet edhe në rastin aktual”, është thënë në deklaratën e Qeverisë së Kosovës.

Bazuar në praktikat e Tribunalit të Hagës, duket se procesi gjyqësor kundër Ramush Haradinajt dhe të tjerëve do të marrë shumë kohë.

Duke përshkruar formalitetet që duhet të plotësohen, Zëdhënësja e Tribunalit të Hagës, Nerma Jelacic, si shembull, përmend ndërrimin e anëtarëve të Trupit Gjykues. Sipas saj, në kohën kur do të rinisë procesi gjyqësor, edhe pse as ajo nuk e di saktë se kur do të ndodhë kjo, në panel duhet të jenë gjyqtarë të tjerë.

Pasi Tribunali të kompletojë anëtarët e Trupit Gjykues, ata do të caktojnë datën kur pritet të rinisë procesi gjyqësor. Më pas, Prokuroria do të lexojë pikat e akuzës për secilin, ndërsa më tutje fjalën do ta marrë Mbrojtja e të akuzuarve. Më vonë, procesi duhet të vazhdojë me marrjen në pyetje të dëshmitarëve, nëse eventualisht ka të tillë. Ashtu si Prokuroria, edhe Mbrojtja, ka mundësi të ketë dëshmitarë. Në vijë të këtyre procedurave, pasojnë fjalët përfundimtare të palëve dhe pastaj data kur Trupi Gjykues vendos të caktojë datën për shpalljen e verdiktit.

Me 3 prill 2008, Tribunali i Hagës shpalli të pafajshëm Ramush Haradinajn, duke e liruar atë së bashku me Idriz Balajn, i njohur me nofkën “Togeri”. Në këtë rast, Lahi Brahimaj ishte dënuar nga Tribunali i Hagës me 6 vjet burg.

Por, në lidhje me vendim e Tribunalit për lirimin e Ramush Haradinajt nga të gjitha akuzat, kishte apeluar Prokuroria. Kështu, organi i akuzës ka arritur që të mërkurën ta bindë Trupin Gjykues që Ramush Haradinaj dhe dy të tjerët të akuzohen sërish, por kësaj radhe secili të ngarkohet me nga dy vepra penale.

Gregor Gaj Smith, avokat i ish pjesëtarit të UÇK së, Lah Brahimaj, është shprehur jashtëzakonisht i befasuar për vendimin e Dhomës së Apelit të Tribunalit të Hagës, që të bëhet rigjykim i pjesërishëm, për klientin e tij, për Ramush Haradinajn dhe për Idriz Balajn.

"Vlerësoj se vendimi është shokues. Është shumë gjë e rrallë, që një Dhomë Apeli ta kthejë vendimin për lirim, siç ka ndodhur në këtë rast", tha avokati Gregor Gaj Smith, para gazetarëve në Hagë.

Prokuroria e Tribunalit të Hagës nuk ka dashur të komentojë asgjë në lidhje me këtë vendim të trupit gjykues.

“Ne nuk kemi koment. Ky është vendimi që ka marrë Trupi Gjykues dhe nuk është vendim yni. Ju duhet të bisedoni me ta”, tha për Express, njëri nga zyrtarët për informim të Zyrës së Prokurorisë.

Padia ndaj tyre ka të bëjë me atë se UÇK ka keqtrajtuar dhe ka rrëmbyer civilë gjatë vitit 1998.

Në një komunikatë të Tribunalit të Hagës thuhet se Haradinaj, Balaj dhe Brahimaj ishin përgjegjës për krime përmes një ndërmarrjeje të përbashkët kriminale.

Fakte

Që nga fillimi i funksionimit të Gjykatës së Kombeve të Bashkuara për ish Jugosllavinë, 17 vjet më parë, janë paditur 161 persona për krime lufte të kryera në territorin e ish shtetit të shpërbërë. Ndërkohë, procedurat kundër 126 individëve janë duke përfunduar. Aktualisht, procedurat e hapura janë në lidhje me 33 persona me 18 në fazën e gjykimit dhe 13 në pritje para Dhomës së Apelit. Dy të akuzuarit, Ratko Mladic dhe Goran Hadxhic, janë në arrati.

Haga paraburgos Haradinajn

Ramush Haradinaj do të qëndrojë në paraburgim në Hagë, deri në rifillimin e procesit gjyqësor kundër të tij dhe dy të akuzuarve të tjerë.

Kështu ka vendosur trupi gjykues i Tribunalit të Hagë.

“Ky është urdhri i trupit gjykues që të tre duhet të qëndrojnë në paraburgim, deri në kohën kur do të rinisë procesi gjyqësor”, tha Nerma Jelacic, zyrtare për media në Tribunalin e Hagës.

Ajo sqaroi për Express se nga 32 akuza me të cilat ngarkoheshin më parë Ramush Haradinaj, Lahi Brahimaj dhe Idriz Balaj, ata do të rigjykohen për 6, ose nga dy për secilin.

“Nuk dihet se kur do të rifillojë procesi gjyqësor, pasi kjo varet nga urdhri i trupit gjykues. Por, ata duhet të qëndrojnë nën arrest deri në atë kohë”, thotë Jelacic për Express, duke shpjeguar se janë një sërë formalitetesh që duhet të plotësohen, duke përfshirë edhe emërimin e anëtarëve të trupit gjykues.

Ndërkohë, Prokuroria e Tribunalit të Hagës nuk ka dashur të komentojë asgjë në lidhje me këtë vendim të trupit gjykues.

“Ne nuk kemi koment. Ky është vendimi që ka marrë trupi gjykues dhe nuk është vendim yni. Ju duhet të bisedoni me ta”, tha për Express, njëri nga zyrtarët për informim të Zyrës së Prokurorisë.

AAK mbledh Këshillin e Përgjithshëm

Aleanca për Ardhmërinë e Kosovës (AAK) ka thirrur një mbledhje të jashtëzakonshme të Këshillit të Përgjithshëm, pas paraburgimit nga Tribunali i Hagës, të liderit të saj, Ramush Haradinaj.

Ardian Gjini, anëtar i Kryesisë së kësaj partie, në konferencën e mbajtur rreth mesditës në selinë qendrore të AAK-së, tha se mbledhja e këtij këshilli do të mbahet në orën 16, të enjten.

“Nga kjo mbledhje do të dalë qëndrimi ynë si dhe do të kuptohet më shumë nga Ekipi i Mbrojtjes që është në Tribunalin e Hagës”, tha Gjini.

Meqë këtë çështje, zyrtarë të AAK-së e quajtën si shumë delikate në të gjitha aspektet, e më së shumti atë juridik, nënkryetari i parë i kësaj partie, Blerim Shala, fillimisht lexoi një deklaratë për media, duke mos lejuar gazetarët që të bëjnë pyetje.

“Lajmi për rihapjen e pjesshme të gjykimit të Ramush Haradinajt, Kryetarit të AAK-së, është një lajm shumë i keq për AAK-në, për qytetarët e Kosovës, për shtetin e Kosovës”, thuhet në fillim të deklaratës së kësaj partie, të lexuar para medieve nga Blerim Shala.

Sipas tij, AAK-ja është tejmase e befasuar me vendimin e Tribunalit të Hagës, veçmas kur dihet që me një vendim unanim të Shkallës së parë të këtij Tribunali, me 3 prill 2008, Haradinaj është shpallur i pafajshëm prej të gjitha akuzave.

“Si AAK, jemi të bindur që proceset politike në Kosovë, veçmas ato që do të pasojnë në vijim të shpalljes të qëndrimit këshillëdhënës të Gjykatës Ndërkombëtare të Drejtësisë në Hagë, këtë të enjte, më 22 korrik, do të dëmtohen thellësisht”, tha Shala, duke lexuar deklaratën në emër të AAK-së.

Duke ftuar qytetarët e Kosovës të tregohen të matur dhe të pjekur, Shala tha se diçka e tillë është borxh ndaj Ramush Haradinajt.

“Ne si AAK, edhe kësaj radhe shprehim bindjen tonë të palëkundur që AAK do t’i fitojë zgjedhjet e ardhshme parlamentare, dhe që Ramush Haradinaj do t’i prijë, si Kryeministër, Qeverisë së Republikës së Kosovës”, tha Blerim Shala, nënkryetar i parë i AAK-së.

AAK e habitur me vendimin

Vendimin e Tribunalit të Hagës për rikthimin në gjykim të rastit “Haradinaj”, zyrtarët e AAK-së, partisë së Ramush Haradinaj, e kanë pritur të habitur dhe të brengosur.

“AAK-ja është e brengosur me vendimin e sotëm. Ne besojmë fuqishëm në pafajësinë dhe drejtësinë. Jemi të befasuar me këtë vendim duke marrë parasysh vendimin mëparshëm të gjykatës për lirimin e tij. Ekipi i mbrojtjes së z. Haradinaj do të punojë që ai të kthehet në atdhe”, thotë Besnik Tahiri, anëtar i kryesisë së AAK-së për Express.

Michael O’Reilly, koordinator i Ekipit të Mbrojtjes, është shprehur jashtëzakonisht i befasuar me vendimin e sotëm për kthimin në rigjykim të procesit Haradinaj dhe të tjerët.

“Kjo është diçka që ne s’kemi mundur ta parashohim, posaçërisht duke pasur parasysh lirimin e tij të pamëdyshje dhe unanim të para dy viteve”, ka thënë O’Reilly, nëpërmes një komunikate.

“Për ne tanimë çështjet më me rëndësi janë, së pari, që të sigurojmë kthimin e shpejtë të z. Haradinaj në Kosovë dhe, së dyti, të caktohet sa më shpejt data e rigjykimit të pjesshëm”, ka shtuar ai.

Rasti Haradinaj kthehet në rigjykim

Gjykata Ndërkombëtare e Krimeve të Luftës për ish-Jugosllavinë ka urdhëruar që rasti i ish-kryeministrit të Kosovës, Ramush Haradinaj, të kthehet në rigjykim, dy vjet pasi ai u lirua, nga akuzat për vrasje, përdhunime dhe tortura.

Presidenti i gjykatës, Patrick Robinson, thotë se gjyqi origjinal i Haradinajt dhe dy ish-komandantë të tjerë të Ushtrisë Çlirimtare të Kosovës u pengua nga frikësimi i dëshmitarëve, raporton AP.

Robinson tha të mërkurën se gjykata "dështoi të vlerësojë seriozitetin " e kërcënimit.

Vetëm gjashtë nga 32 akuzat fillestare kundër "Haradinajt dhe të tjerëve" do t'i nënshtrohen rigjykimit, sipas vendimit të gjykatës.

Filloi seanca e apelit për rastin Haradinaj

Ka filluar në Hagë seanca ku do të jepet vendimi i apelit lidhur me rastin Haradinaj dhe të tjerët, raporton Radio Evropa e Lirë.

Në prill të vitit 2008, Gjykata Ndërkombëtare për ish Jugosllavinë vendosi se Ramush Haradinaj ishte i pafajshëm dhe u lirua nga të gjitha akuzat.

Prokuroria ka apeluar vendimin. Vendimi do të jepet sot. Momentalisht po flet përfaqësuesi i prokurorisë, i cili po thekson se dëshmitarët janë tërhequr për shkak të kërcënimeve.

[Llapi]

Dëshmitarë të rinj kundër Haradinajt
22-07-2010 08:11 CET

Në gjykimin e përsëritur kundër ish-kryeministrit të Kosovës, Ramush Haradinaj, dëshmitarët që nuk janë thirrur për të dëshmuar në gjykimin e parë do të paraqiten në dhomën e gjykatës në Tribunalin e Hagës. Siç ka mësuar gazeta “Blic” e Serbisë, ata do të dëshmojnë kundër krimeve të kryera kundër të burgosurve në kampin e UÇK-së në fshatin Jabllanicë afër Deçanit, nga muaji mars deri në shtator të vitit 1998.

Haradinaj u arrestua të mërkurën në Kosovë nga EULEX-i sipas një thirrjeje të mbyllur nga Tribunali i Hagës. Ai u transferua në Hagë kur dhoma e
apeleve dje anuloi vendimin fillestar që e lironte atë dhe urdhëroi gjykim të pjesshëm.

Sipas Nerma Jelaciq, përfaqësues në ICTY, shkruan “Blic”, rigjykimi kundër Haradinaj dhe Lahi Brahimaj e Idriz Balaj ‘ka qenë rasti i parë në historinë e tribunalit që të përsëritet’.

Dhoma e apeleve ka pranuar argumentin e Prokurorisë se gjykimi i parë nuk ka qenë i drejtë pasi që dhoma e gjykimit nuk ka arritur të bëjë përpjekje të mjaftueshme për t’i dëgjuar dëshmitarët kyç të cilët refuzuan të dëshmojnë për shkak të “ngacmimeve” dhe “frikësimeve”, shkruan e përditshmja beogradase, “Blic”.

[Roi]

Athua se qka është arsyeja që sërish u burgos RAMUSH HARADINAJ .

Eshte shume e pa drejt.. Ramushi luftoi per Lirin qe ne e gezojm sot Ramushi eshte nje legjend e gjall.
Ju lutem mos flisni gjtheqka per njerzit qe meritojn shume, per njerzit qe e humben nje pjes te madhe te familjareve te tyre si Ramushi.
Ramushi eshte dhe do te jet nje njeri shume i madh, nje Atdhe dashes nje Pishtar i Liris Ushtar i besueshem i UCK-s.
Une jam shume i merzitur me arrestimin e serishem te tije, Por jam shume i sigurt se edhe kete sfid do ta kaloj dhe do ta mbroj Luften e shejt per liri..