Si duket edhe "PIRAMIDAT" paskan pasur Gjeneral

[Beqari002]

Edhe kjo mund te ndodhe,por ne ato raste kur nuk ke njerez profesionist per nje profesion , por ke njerez me Akademi dy javore apo nje shkolim tjeter qe e kerkon dikush tjetr e jo vendi i yt.


I veshur sportiv, madje në kokë ka pasur një kapele e syze kundër diellit, Rrapush Xhaferri, në harkun kohor 13.00-15.00, ka bërë rrugën Berat-Tiranë nën shoqërinë e policëve

Deshmia e "gjeneralit": Sekuestrimin e vilës e ndoqa nga brenda saj. Në aeroport hyra me pasaportën time

Xhaferri: Në Rinas zbrita në 15 dhjetor
I superkërkuari xhiro në Tiranë që prej 8 muajsh

TIRANE

Në Shqipëri kam hyrë para tetë muajsh nëpërmjet aeroportit të Rinasit, me pasaportën time të lëshuar nga Ministria e Rendit. Ky deklarim i Rrapush Xhaferrit, ish-gjeneralit të fondacionit piramidal "Xhaferri", ka lënë "me gojë hapur" krerët e Drejtorisë së Policisë së Beratit e Tiranës.

Por çudirat e ish-gjeneralit nuk kanë përfunduar këtu. Ai ka qenë dëshmitari më i veçantë kur Policia Tatimore, përfaqësuesit e përmbarimit të mbështetur edhe me Policinë e Rendit kanë sekuestruar vilën e tij më 18 korrik të këtij viti. "Ditën që Arapi po më sekustronte vilën unë isha në shtëpi. Askush nuk u kujtua për mua. Ishte një rastësi që unë nuk dola jashtë, por doli djali që kërkoi vendimin e gjykatës për sekuestrimin e vilës", ka thënë Xhaferri.
I veshur sportiv, madje në kokë ka pasur një kapele e syze kundër diellit, Rrapush Xhaferri, në harkun kohor 13.00-15.00 ka bërë rrugën Berat-Tiranë nën shoqërinë e policëve dhe të inspektorëve të Antikrimit Ekonomik-Financiar të Drejtorisë së Tiranës. Asgjë tjetër përveç disa qeseve me medikamente (thuhet se ai vuan nga diabeti) nuk ka pasur me vete ish-bosi i fondacionit "Xhaferri". Në fillim, Xhaferri, është vendosur në qelitë e Drejtorisë së Policisë së Tiranës, megjithëse ka kërkuar që të jetë në të njëjtin burg me djalin e tij, Asllan Xhaferri, të arrestuar në gjysmën e dytë të korrikut të këtij viti. Sqarimet e para, Xhaferri i ka dhënë përpara drejtorit të policisë së kryeqytetit, kolonel Ilirjan Zylyftari.

Mësohet se, Xhaferri, ka deklaruar se ka hyrë në aeroportin e Rinasit më 15 dhjetor të vitit të kaluar. "Deri atë ditë kam jetuar në Turqi, Stamboll tek disa të afërmit e mi. Më 15 dhjetor kam udhëtuar me linjën ajrore Stamboll-Tiranë. Në Rinas nuk pata asnjë problem", ka thënë Xhaferri. Që nga ajo ditë Xhaferri është strehuar në vilën e tij. "Kam dalë edhe xhiro në Tiranë, por askush nuk është kujtuar", ka thënë Xhaferri para oficerëve të Antikrimit Ekonomik-Financiar. Urdhëri për sekuestrimin e vilës mesa duket ka prishur qetësinë e ish-gjeneralit. Kështu që disa ditë pas arrestimit të djalit të tij, Xhaferri ka udhëtuar për tek daja i tij në fshatin Starovë të Beratit. "Kam tre javë që qëndroja tek daja im", ka thënë Xhaferri. Arrestimi i tij është bërë mbrëmjen e së hënës nga uniformat blu të Beratit.

Gjatë bisedës me inspektorët e policisë, Xhaferri, ka "demostruar" aftësinë e tij për të paguar kreditorët. Ai u është përgjigjur provokimeve të tyre. "Unë nuk kam lypur njeri për të më dhënë paratë. Unë vetëm hapa sportelet, lekët i solli populli vetë tek unë. Megjithatë kam lekë, por i kam të bllokuara", ka thënë Xhaferri. Sot ai pritet të dalë para togave të zeza për t'iu komunikuar masa e arrestit, ndërsa në fillim të shtatorit do të "ndjekë nga afër zhvillimin e procesit gjyqësor".

[Beqari002]

Rrapush Xhaferri transferohet në qelitë e Burgut 313


TIRANE, (29 Gusht) - Ish-presidenti i Fondacioni rentier "Xhaferri", Rrapush Xhaferri, u transferua mesditën e sotme (e Enjte) nga mjediset e drejtorisë së policisë të Tiranës për në qelitë e Burgut 313, po në kryeqytet. Burime zyrtare të policisë lokale thanë për shtypin se, 62 vjeçari Xhaferri, i arrestuar tri ditë më parë në fshatin Starovë të Beratit, u transferua për në mjediset e Burgut nën masa të rrepta sigurie. Ai nuk u paraqit në Gjykatën e Faktit të Tiranës për t'iu komunikuar masa e sigurisë, por kjo e fundit i është bërë e ditur nga gjykatësit menjëherë pas sistemimit të tij në një nga qelitë e burgut Pas disa ditësh, pritet të fillojë edhe gjyqi ndaj ish- presidentit të Fondacionit rentier, nën akuzën e largimit nga vendi i vuajtjes së dënimit. Xhaferri ishte shpallur person në kërkim pasi gjatë trazirave të muajit Mars '97, ai u largua nga burgu, ndërsa po gjykohen në mungesë nga Gjykata e Faktit e Tiranës për "mashtrim në shuma të mëdha

[Beqari002]

Po athua gruaja dhe nusja e djalit te "Gjeneralit" a mendoni ne ate kohe kur "gjenerali"ua grumbullonte parat qyetareve tan dhe ata mbeteshin pa kulm mbi koke se per ta do te jete veshtire te jetojne.Mendoj se jo.
Po pse atehere dikush sot te mendoj per gruan e tij dhe nusen e djalit sot.Kjo besoj se eshte e padrejte te flitet e mendohet,sejcili te mendoj e logjikoj per vete,por pa damtuar te tjeret.Se "gjenerali"ne dim se q beri, e si beri.


Gruaja e Rrapush Xhaferrit dhe nusja e djalit me dy fëmijët e saj duhet të gjejnë strehë tjetër

Dy ditë afat për të liruar vilën e Xhaferrit

TIRANË- Familja e Rrapush Xhaferrit këto dy ditë duhet të largohet nga shtëpia, pasi kjo e fundit është sekuestruar nga shteti. Gruaja dhe nusja e djalit të "gjeneralit", së bashku me dy fëmijët e vegjël, duhet që gjejnë një shtëpi tjetër. Lajmi është pohuar dje nga burime pranë familjes Xhaferri si dhe nga zyra e përmbarimit. Shtëpia është sekuestruar nga shteti që në datën 16 korrik. Kjo shtëpi është pronë e Rrapush Xhaferrit që në 20 shtator të vitit 1995. Zyra e përmbarimit dhe e tatim-taksave i komunikoi familjes Xhaferri këtë vendim dhe i la disa ditë kohë për t'u larguar. Ajo u la atyre një mundësi tjetër për të banuar në shtëpi. Çdo muaj, familja Xhaferri t'i paguante shtetit qiranë e shtëpisë. Kjo gjë u refuzua nga djali i Rrapushit, Asllani. Pak ditë më vonë, tatimorët i dhanë edhe paralajmërimin e fundit. Burime të familjes Xhaferri thanë se këto dy ditë pritet që policia t'i nxjerrë ata forcërisht nga shtëpia. Herën e parë që u tentua sekuestrimi i vilës, tatimorët hasën në kundërshtim e familjarëve. Ata nuk u hapën as derën njerëzve të ligjit. Kur panë se s'kishin ç'të bënin, tatimorët vendosën në hyrje të vilës një letër ku thuhej se ajo ishte sekuestruar. Në vilën trekatëshe, momentalisht, jetojnë e shoqja e Rrapushit si dhe gruaja së bashku me dy fëmijët e Asllanit, djalit të vogël. Ata kanë refuzuar të dalin nga shtëpia, pasi nuk kanë se ku të shkojnë. Duke qenë se janë dy gra dhe dy fëmijë të vegjël, ata nuk kanë me se të jetojnë. Kësaj barre i shtohet edhe shtëpia e re e banimit. Shteti nuk u ka ofruar atyre asnjë vend tjetër ku të jetojnë, vetëm u ka thënë të largohen nga vila, e cila do të shitet në ankand. Procedura parashikon që, një komision i veçantë, të bëjë vlerësimin e vilës trekatëshe. Kjo vilë ndodhet në rrugën "Irfan Tomini" dhe, më parë, është vlerësuar rreth 300 milionë lekë të vjetër. Paratë që do të merren nga shitja e vilës do ti bashkohen llogarisë së ish- firmës piramidale "Xhaferri".
E.Janina

[Beqari002]

PIRAMIDAT
Ish-bosi i fondacionit dhe djali i madh Asllani, për herë të parë në bankën e të akuzuarve

Xhaferri: Jam i sëmurë, më çoni në arrest shtëpie

TIRANË. - Rrapush Xhaferri për herë të parë nga dita e arrestimit u ul dje në bankën e të akuzuarve në krah të djalit të tij, Asllanit. Asnjë kundërshtim në fillim të seancës gjyqësore përsa i përket akuzës dhe arrestimit të bërë nga ana e policisë. Vetëm në fund të seancës gjyqësore, Xhaferri është ngritur në këmbë dhe i ka kërkuar gjykatës të shtyjë gjyqin për shkak se nuk ndihej mirë nga gjendja shëndetësore. Xhaferri dje ka shfaqur shenja të sëmundjes së diabetit madje është shprehur se pak ditë më parë ka pësuar një infarkt që e ka kuptuar me vonesë. Rrapush Xhaferri ishte përgatitur për të dhënë shpjegimet në lidhje me akuzën e vjedhjes me anë të mashtrimit para gjykatës. Por shpjegimet mbetën në mes, pasi ai nuk ka qenë në gjendje të qëndronte për një kohë të gjatë në këmbë para trupit gjykues. Ndërsa Rrapush Xhaferri vuan nga zemra dhe nga diabeti, djali i tij Asllani vuan nga veshkat. Për këtë arsye Asllan Xhaferri i kërkoi gjykatës ndryshimin e masës së sigurimit, nga ajo e burgut pa afat në atë të arrestit shtëpiak. Seanca e djeshme gjyqësore vazhdoi me administrimin e provave shkresore nga ana e prokurorit Genti Xholi, para gjykatës. Prokurori lexoi të gjithë fashikujt brenda të cilëve ndodheshin mandat- arkëtimet e grumbulluar në filialet e rretheve të ndryshme, ku ushtronte veprimtarinë e tij huamarrëse fondacioni bamirës "Demokracia Popullore Xhaferri". Avokati i familjes Xhaferri, Viktor Konomi, kundërshtoi disa nga provat e paraqitura për administrim nga ana e prokurorit. Ai tha dje se prokuroria nuk ka bërë punë të pastër, për të nxjerrë në realitet të gjithë shumat e depozituara nga fondacioni Xhaferri si dhe shumat e dhëna kreditorëve prej tij. Sipas akuzës, Xhaferri, është njeriu që ka mashtruar më shumë kreditorë se sa të gjithë bosët e tjerë të piramidave në Shqipëri. Shuma që Xhaferri u ka borxh kreditorëve është marramendëse dhe nuk mund të krahasohet me asnjë fondacion tjetër. Borxhi që është regjistruar në emër të fondacionit që mban emrin e Rrapush Xhaferrit, është 15.778.786.000 lekë. Ndërsa numri i kreditorëve të mashtruar është 1188372. Aktivitetin e tij Xhaferri e ka ushtruar në fillim në Lushnjë ku ka edhe vendlindjen. Më pas Xhaferri është hapur në të gjithë Shqipërinë. Të pandehur, përveç Rrapush Xhaferrit, janë edhe tre djemtë e tij, Asllani, Pëllumbi dhe Përparimi.
Alma Çuka

[Beqari002]

Sa shpirtmire dhe solidar ka qene "Gjenerali"por si duket askush nuk po ia di.Si dikut ka qene edhe shume "patriot"ja si ka kontribuar ne ngritjen e lapidarit,por ai nuk tregon se si i ka "shkryer"fshgatarat dhe qyetaret shqipetar me firmen e tij te njohur piramidale "Gjaferi".
Pse athua nuk e bene kete?
Pse ?
Dhe si eshte eemundur qe te gjitha keto u bene ne emer te demokracise.

Rrapush Xhaferri:"Dhashe 53 milion per bustin e Ali Pashes"

Ish-bosi i fondacionit "Xhaferri", Rrapush Xhaferri, ka deklaruar dje perpara gjykates aktivitetin e fondacionit te tij, i cili kishte karakter bamires dhe ishte krijuar pas shkrirjes se dy fondacioneve te para, "Fitorja e demokracise" dhe firma "Reci". Sipas Xhaferrit, fondacioni qe ai drejtonte, ka kontribuar me 53 milion leke, per berjen e bustit te Ali Pashe Tepelenes, qe u inagurua disa dite me pare ne qytetin e Tepelenes. Pervec kesaj, fondacioni ka mbuluar financiarisht, varrimet e viktimave te shkaktuara nga shperthimi i autobombes prane supermarketit te VEFA-s ne shkurt te vitit 1996 dhe nxenesve te mbytur ne liqenin e Prespes ne qershor te po ketij viti. Ka kontribuar dhe ka paguar shpenzimet e morgut, per 480 viktima etj. Vlera financiare e ketyre kontributeve si dhe e sponsorizimeve te tjera per botime librash dhe aktivitete te tjera kulturore, sipas Xhaferrit nuk jane perllogaritur dhe nuk jane marre fare parasysh nga organi i akuzes. Gjithashtu ai ka akuzuar Prokurorine se nuk ka bere vleresimin e aseteve te paluejtshme, qe ishin ne pronesi te fondacionit "Xhaferri". "Veprimi per bllokimin e fondacionit ne shkurt te vitit 1997, ka qene i qellimshem, pasi ne donim vetem 1 muaj kohe per te shlyer te gjithe kreditoret", ka deklaruar ish-bosi. Me tej i pyetur nga prokurori i ceshtjes, mbi mbeshtetjen financiare te fondacionit, Xhaferri ka deklaruar se e kishte nisur aktivitetin e tij me 500 milion USD, te cilat ishin depozituar ne Banken Tregtare, gje te cilen e verteton edhe gjykata, ku eshte bere regjistrimi i fondacionit. Sipas tij, kalimi nga firma "Reci" ne fondacionin "Xhaferri", eshte bere me propozim te shtetit dhe e aprovuar prej strukturave te tij. Ne perfundim Xhaferri i ka kerkuar perfaqesuesve te drejtesise, qe te mos influencohen nga deklaratat e dhena nga ish drejtues te SHIK-ut dhe Policise se Shtetit.



G.JANKU




Oj sharki e lehte si era , a ka ardhur ne Shqipei pranvera?

[Beqari002]

"Mos i prekni, djemte e mi te pafajshem"


"Dy djemte, Asllani dhe Pellumbi kane qene punetoret e mi dhe nuk kane pse te mbajne pergjegjesi penale mbi aktivitetin e fondacionit". Keshtu ka deklaruar ne seancen e djeshme, Rrapush Xhaferri, i akuzuar se bashku me djemte e tij, per vjedhje me ane te mashtrimit ne shuma te medha. Ai i ka kerkuar organit te akuzes, qe gjithcka qe ka te beje me fondacionin, ta kerkonin pergjegjesine tek ai, dhe t`i linin te qete djemte dhe familjet e tyre. Gjithashtu Xhaferri ka kundershtuar dje edhe sekuestrimin e viles, duke deklaruar se ate vile e ka patur ne pronesi, qe ne vitin 1982 dhe nuk ka lidhje me aktivitetin e fondacionit.

--------------------------------------------------------------------------------
Korrieri, 09/25


Oj sharki e lehte si era , a ka ardhur ne Shqiperi pranvera?