Dinamo "E Madhe"

[Qerim]

Pas një shkëputjeje 5-mujore, kroati rikthehet të drejtojë blutë me objektiva të qarta për një vend në Europë 01-02-2006
Luka Bonaçiç rimerr frenat e DinamosAurel Celibashi


Rikthehet "diktatori" te Dinamo. Që nga dita e djeshme, Luka Bonaçiç është emëruar sërish trajner i skuadrës, duke zënë kështu vendin e lënë bosh pas shkarkimit të Ivan Kataliniçit. Ishte ora 15:10, kur kroati shkeli barin e kompleksit "Dinamo" i veshur sportiv dhe me një çantë të vogël, të hedhur në krahë. Menjëherë pas tij në klub mbërritën edhe zyrtarët e tjerë të lartë, duke filluar nga zëvendëspresidenti Avni Braçe, drejtori ekzekutiv Mehdi Bushati dhe drejtori teknik Mujo Targaj. Të gjithë së bashku për disa minuta u mblodhën në sallën kryesore të konferencave, pa praninë e gazetarëve, ku u bë edhe prezantimi i radhës. I pari që e mori fjalën ishte zëvendëspresidenti Avni Braçe, i cili përpara lojtarëve u shpreh: "Që sot (dje) Luka Bonaçiç është trajneri i ri i skuadrës, por që ju e njihni shumë mirë, pasi edhe më parë e ka drejtuar ekipin. Me këtë rikthim të tij, nga ana jonë si presidencë kemi besim të plotë se shumë shpejt do t'u riktheheni fitoreve. Besojmë shumë te puna e Bonaçiçit dhe për këtë i kemi thënë se do të ketë dorë të lirë në ekip, me qëllimin e vetëm arritjen e synimit për titullin kampion,"- mësohet të ketë bërë të ditur Braçe.
Nuk munguan as fjalët inkurajuese të kroatit Bonaçiç përpara lojtarëve, ku fillimisht ai u justifikua me faktin se ishin problemet familjare që e shkëputën për afro pesë muaj. "Djema, sot jam sërish pranë jush, për të vazhduar atë punë të ndërprerë që nisëm së bashku në muajt e verës. Për arsye familjare nuk pata mundësi të vazhdoja atëhere, teksa tani jam rikthyer sërish për ta çuar Dinamon sa më lart të jetë e mundur. Sigurisht, nuk duhet t'i presim shpresat për sa i takon titullit kampion, sepse në lojë janë ende dhe 45 pikë. Gjithsesi, nëse ky objektiv nuk realizohet, shpresat do të mbeten te vendi i dytë dhe njëkohësisht Kupa e Shqipërisë, të cilat na japin shansin të luajmë në Kupën UEFA. Për ta bërë një gjë të tillë realitet, nga ana juaj kërkoj mobilizim total në stërvitje dhe ndeshje, më pas do të jem unë ai që do të vlerësoj djersën e gjithsecilit,"- e përfundoi analizën përpara skuadrës trajneri i rikthyer në detyrë, Luka Bonaçiç.
Duke qenë se ishte i lodhur nga rruga, i mbiquajturi "diktatori" preferoi që vetëm ta vëzhgonte skuadrën në stërvitje. Sot, Bonaçiçi do të nisë rregullisht punën, teksa në orën 13:30 do të luhet një ndeshje miqësore me Kastriotin.

Policia rrugore, tri postblloqe kroatit
Sapo shkeli pikën kufitare të Hanit të Hotit dhe derisa mbërriti në Tiranë, policia rrugore i bëri tri postblloqe trajnerit Luka Bonaçiç. Kroati parapëlqen që gjithmonë të vijë me makinën e tij personale nga Kroacia në Shqipëri, ndryshe nga Ivan Kataliniçi, që udhëtonte vetëm me avion. Fakti që ishte me targa të huaja, por edhe tejkalimi i shpejtësisë, me qëllim që të vinte brenda orës 15:00 në klub, bënë që Bonaçiçi të ndalohej nga ana e policisë rrugore. Për gazetën, kroati i stolit blu tregon: "Më ndaloi tri herë policia rrugës, sepse në të vërtetë isha pak me shpejtësi. Megjithatë, sapo u thashë që jam trajner i Dinamos, të gjithë më respektuan, duke më bërë edhe një vërejtje të vogël, që të ecja më avash, sepse Dinamo do të më priste sidoqoftë,"- thotë me të qeshur kroati, që njihet për alegrinë e tij jashtë fushe me të gjithë njerëzit që e njohin.

[Qerim]

Sulmuesi kryeqytetas beson se blutë nuk do të lënë më pikë në 15 ndeshjet e mbetura 04-02-2006Pema: UEFA shpëton sezonin e DinamosFatjon RUPI


Deri në derbin me Tiranën janë edhe 10 ditë, por, edhe pse trajneri Luka Bonaçiç nuk e ka skicuar ende 11-shin titullar, sulmuesi Eleandro Pema pritet të luajë që nga minuta e parë. Ai mendohet të formojë dyshen sulmuese të bluve bashkë me Klodian Asllanin, por gjithçka mbetet për t'u parë. Trajneri që u largua, Ivan Kataliniç, i kushtonte më tepër rëndësi mbrojtjes, ashtu siç veproi në ndeshjen me Elbasanin, rastin më të mirë për t'iu afruar kreut, ku Gudjabi ishte i avancuar, ndërsa Pema luajti pak më i tërhequr në krahun e djathtë. Gjithsesi, ai mundi të shfaqet rrezikshëm para portës kundërshtare. Për ndeshjet e mbetura të kampionatit, sulmuesi në fjalë mendon se Dinamo, pa harruar mbrojtjen, duhet ta sulmojë më tepër portën kundërshtare, pasi, sipas tij, nëse blutë kalojnë të parët në epërsi, mund të fitojnë me lehtësi. "Nuk mendoj se problemi qëndron te sulmi, pasi ky repart nuk mund ta ketë rendimentin 100%. Vërtet që në dy ndeshjet e fundit, me Elbasanin dhe Partizanin, lamë pikë që thuajse na kanë shkëputur nga lufta për titull, por mund të them se ne krijuam pak raste dhe shënuam vetëm një gol. Duke mos harruar të mbrojmë, them se duhet të provojmë më shumë në drejtim të portës kundërshtare. Nëse Dinamo shënon e para, mund ta administrojë më kollaj ndeshjen dhe fitoren. Shembulli më i mirë është ndeshja me Lushnjën, ku ne shënuam plot 4 gola. Shpesh jemi gjendur në disavantazh dhe gjërat na janë vështirësuar, ndaj nuk kemi marrë pikët që duhet të kishim. Skuadra jonë luan mirë dhe meriton të jetë më lart në renditje," - është shprehur sulmuesi i bluve, për të cilin, 15 ndeshjet e mbetura mund të sjellin një rendiment më të lartë. Nuk dihet nëse Bonaçiçi do të jetë më "guximtar" se patrioti i tij Kataliniç, por e vërteta është se Dinamo nuk ka më çfarë të humbasë. Vendi i 4-t është i papranueshëm për të. Sipas Pemës, Dinamo duhet të synojë maksimumin e pikëve, për të arritur të paktën një vend në Kupën UEFA. "Për titullin kampion do të jetë mjaft e vështirë, sepse Elbasani u shkëput shumë, por ne duhet ta bëjmë si dihet detyrën tonë. Duke synuar gjithmonë fitoren, besoj se do të sigurojmë pjesëmarrjen në Kupën UEFA, që është e pakta që meriton skuadra jonë. Mendoj se 15 ndeshje mjaftojnë për të rikuperuar aq pikë sa për të zënë vendin e dytë. Gjithashtu, një mundësi e mirë për UEFA-n është edhe Kupa e Shqipërisë. Fitimi i këtij trofeu do të ishte vërtet një kënaqësi për ne dhe tifozët tanë," - ka shtuar Pema. Ai shpreson të rikthehet te goli në derbin me kampionët, por më tepër dëshiron fitoren e Dinamos. "Çdo lojtar ka dëshirë të shënojë, aq më tepër sulmuesit. Deri në derbin me Tiranën ka ende kohë, por nëse luaj, dua ta bëj sa më mirë detyrën time. Parësore mbetet fitorja e Dinamos, që do të na karikonte për vazhdimin e kampionatit, duke na i shtuar shanset për të arritur aty ku duam. Shpresojmë që këtë radhë të na buzëqeshë fati në derbi," - përfundoi Pema.

[Qerim]

Sipas kroatit, ndaj Tiranës do të ndihet mungesa e Gudjabit dhe e Kastelit, që janë të skualifikuar Bonaçiçi tregon se ku pikon "çatia"Aurel Celibashi


Ndonëse luante në shtëpinë e saj, Dinamo nuk arriti ta fitonte derbin e djeshëm miqësor ndaj Partizanit. Vetëm goli i mungoi këtij takimi, i cili pa shumë eksperimente nga trajnerët e të dyja ekipeve, kjo për shkak të mungesave të lojtarëve të grumbulluar me kombtaren B, por edhe atyre që janë të skualifikuar. Pas përfundimit të ndeshjes, trajneri i Dinamos, Luka Bonaçiç, u shpreh i shqetësuar për gjendjen e skuadrës, kur e ndajnë edhe 6 ditë nga derbi vendimtar me Tiranën për kampionat. Sipas tij, mungesat e qendërsulmuesit El Haxhi Gudjabi, por edhe e mbrojtësit Zoran Kastel, janë të pazëvendësueshme nga pjesa tjetër e skuadrës. Kroati gjithashtu foli edhe për largimet e portierit Lika, së bashku me mbrojtësin Xhafa, të cilët prej ditësh ndodhen në Itali me ekipin kombëtar. "Kemi ende probleme për sa i takon ndërtimit të formacionit në prag të derbit me Tiranën. Mungesat e Gudjabit dhe të Kastelit na i kanë prishur planet, sepse Dinamo është e ndërtuar përreth tyre, për vetë pozicionet delikate që mbajnë. Gjithashtu, deri ditën e ndeshjes do të kem shumë pak kohë për të parë gjendjen fizike të Likës dhe Xhafës, të cilët janë grumbulluar me ekipin kombëtar,"- bën të ditur përpara gazetarëve trajneri i bluve.
Në ndeshjen e djeshme miqësore ndaj Partizanit, Bonaçiçi preferoi në pjesën e parë një formacion me tipare mbrojtëse, ku aplikoi skemën 4-3-2-1. Në mbështetje të Pemës ishin Çaval dhe Alikaj, ndërkohë që në mesfushë vepronin Vinçetiç, Deliallisi dhe Poçi. Për sa i takon mbrojtjes, në të djathtë u vendos kroati i porsambërritur Verhas, më pas Diop dhe Kone', ndërsa i majtë ishte Ahmataj. Debutimin me fanellën blu e bënë gjithashtu edhe dy brazilianët Fedato dhe Daglas, që luajtën respektivisht në qendër të mesfushës dhe të mbrojtjes. Trajneri Luka Bonaçiç nuk preferoi të bënte asnjë koment për ta, kur thotë: "Në ditët në vazhdim mbetet për t'u parë më mirë forma e brazilianëve, sepse dje ishin të lodhur nga rruga. Detyra jonë si staf teknik është ta përgatitim si duhet skuadrën me këtë grup aktual që kemi, edhe pse nuk është e lehtë kur përballë do të kemi kampionët në fuqi të Tiranës. Gjithsesi, në këtë derbi do të bëjmë më të mirën tonë,"- përfundon deklarimin e tij trajneri i Dinamos, Luka Bonaçiç.

Eleandro Pema, sot 21 vjeçPër Eleandro Pemën, sot do të jetë një ditë e veçantë. Sulmuesi i bluve mbush 21 vjeç dhe këtë ditëlindje ai do ta festojë me shokët e skuadrës të Dinamos, kur një vit më parë një gjë të tillë e bënte në radhët e Tiranës. Pema shihet si një sulmues me të ardhme në kampin dinamovit dhe, për koincidencë, ka qenë pikërisht trajneri Luka Bonaçiç që e afroi në ekip në muajt e verës. Një urim për ditëlindjen sulmuesi Eleandro Pema e merr edhe nga redaksia e gazetës "Sporti shqiptar": U bëfsh 100 vjeç!

[Qerim]

Lezhjani do ta drejtojë i vetëm skuadrën dhe ka besim te rezultati pozitiv, pavarësisht mungesave
15-02-2006

Bici merr timonin e skuadrës për derbin

Aurel Celibashi


Vasil Bici do të jetë trajneri që do ta drejtojë sot Dinamon nga stoli pas largimit të papritur të Luka Bonaçiçit. Lezhjani zhvilloi dje në mëngjes stërvitjen e fundit përpara derbit, teksa ka besim se mund të arrihet një rezultat pozitiv ndaj Tiranës, pavarësisht mungesave. "Nuk duhet ta mohojmë faktin se po kalojmë një moment delikat në prag të derbit me Tiranën, ku vuajmë mungesat e katër titullarëve, Gudjabi, Kastel, Asllani dhe Deliallisi. Është shumë e vështirë t'i rikuperosh kaq forca kur përballë ke një kundërshtar të nivelit të lartë. Megjithatë, kam besim se ata që do të aktivizohen sot do të japin më të mirën e tyre në fushë,"- bën të ditur për gazetën Vasil Bici.
I pyetur në lidhje me largimin e trajnerit Luka Bonaçiç, lezhjani shprehet se lojtarët janë profesionistë dhe nuk duhet ta ndiejnë mungesën e tij, pavarësisht se ai punoi me përkushtim gjatë gjithë këtyre 15 ditëve të fundit. "Ishte e papritur për këdo largimi i trajnerit Bonaçiç. Personalisht ruaj mbresat më të mira nga bashkëpunimi disa ditorë që patëm, por ja që ai tashmë është larguar dhe ne që jemi këtu duhet të bëjmë më të mirën për të mos e ndier mungesën. Lojtarët e Dinamos janë të gjithë profesionistë dhe nuk i kanë për herë të parë largime të tilla trajnerësh. Secili prej tyre sot duhet të japë maksimumin në fushë, për t'i dedikuar atij një pjesë të punës shumë të mirë që bëri në kaq pak kohë,"- shton më tej ish-trajneri i Vllaznisë, Teutës dhe Shkumbinit.
Në lidhje me kundërshtarin, Bici deklaron se mbetet i rrezikshëm, pavarësisht mungesave të Duros apo Sinës. Sipas tij, në fushë duhet një Dinamo perfekte në të gjitha drejtimet, nëse pretendohet të rikthehet në luftën për titullin kampion. "Ashtu si ne, edhe Tirana ka dy mungesa të rëndësishme, siç janë Duro dhe Sina. Megjithatë, takimi do të jetë i hapur në çdo drejtim dhe skuadra që do të gabojë më pak, normalisht do ta fitojë derbin. Ne, nga ana jonë, duhet të zhvillojmë një 90-minutësh të shkëlqyer, nëse kërkojmë ta fitojmë këtë përballje dhe njëkohësisht të rifutemi në garën për titullin,"- përfundon fjalën e tij Vasil Bici.

[Qerim]

Dinamo i falet golit të Gudjabit
Ali Hallulli


Nga Peqini, Ali HALLULLI

Shkumbini - Dinamo 0-1
Shënues: Gudjabi 89'
Shkumbini: Llani, Tafaj, Magani (Kalari 75'), Xhyra, Romanishin, Pasha, Dalipi, Ishka, Olivera, Dervishi (Abazaj 55'), Stafa (Ymeraj 83'). Trajner: F.Sejdini.
Dinamo: Lika, Kastel, Vinçetiç (Çaval 87'), Xhafa, Ahmataj, Gudjabi, Poçi, Kone, Verhas, Pema (Diop 63'), Ivanisheviç (Alikaj 70'). Trajner: V.Bici.
Gjyqtarë: B.Pashaj, A.Pregja (Tiranë), E.Biçaku (Librazhd)
Kartonë të verdhë: Dalipi, Kalari, Xhyra, Kone, Verhas

"Radiografia"
2' Kombinimi i Oliverës me Ishkën nxjerr Stafën të lirë përballë Likës, që di ta devijojë gjuajtjen.
4' R.Dervishi vonon në gjuajtje, duke mos përfituar nga dalja e Likës jashtë zone dhe përfiton vetëm goditje dënimi.
12' Gjuajtja e Gudjabit grushtohet nga Llani, ndërsa Pema që vihet në zotërim të topit, gjuan keq.
15' Dalipi merr një "dhuratë" nga mbrojtja mike, por nuk gjuan saktë në kuadrat.
25' Llani tregohet më i shpejtë se Pema jashtë zonës, duke larguar topin me këmbë.
30' Gudjabi nga e djathta, pasi shmang Tafajn, gjuan përballë Llanit, por portieri pret në pozicion.
34' Lika tregohet i saktë, kur pret topin e gjuajtur me kokë nga Dalipi, pas kombinimit me Romanishinin.
47' Gjuajtja me kokë e Oliverës brenda zonës pritet nga portieri Lika.
55' Kundërsulm i Dinamos me Pemën. Sulmuesit dinamovitë shmangin Tafajn, por jo Maganin, që preferon goditjen e këndit, duke larguar rrezikun.
58' Goditje e fuqishme fluturimthi e mesfushorit Pasha dhe Lika bën mrekullinë, duke e grushtuar mbi portë.
61' Kapiteni Magani del fitues përballë Vinçetiçit, duke arritur t'i heqë topin nga këmba në momentin e fundit.
63' Kone preferon goditje këndi, për të larguar rrezikun pas gjuajtjes së Ishkës.
75' Kundërsulmi nga e majta e sulmit mbyllet me gjuajtjen e Gudjabit, që kalon gjithë zonën e portës dhe përfundon jashtë pa u prekur nga sulmuesit.
77' Abazaj ka mundësi të shënojë, por vonon kur ndodhet pranë portës dhe është Kone që largon topin.
79' Gjuajtja e lirë e Ahmatajt nga distanca prej rreth 30 metrash kalon paksa mbi shtyllën e sipërme.
86' Rrezikon Dinamo. Gjuajtja e Poçit pritet me siguri nga portieri Llani.
89' Kundërsulm i Dinamos nga e majta e sulmit. Ahmataj kroson te shtylla ku ndodhet Diop, që me kokë pason për Gudjabin, i cili shënon. 0 1 për Dinamon.
90 95' Përpjekje të Shkumbinit, por Dinamo arrin ta ruajë të paprekur portën.

Komenti
Eshtë rënduar më tej gjendja e ekipit të Shkumbinit pas humbjes së djeshme në fushën e vet përballë Dinamos dhe që pason atë të tri ditëve më parë në Kavajë. Humbja me Dinamon në fushën e vet, që për më tepër nuk e meritonte me lojën që zhvilloi, e lë përsëri ekipin në vendin e parafundit, duke mos ditur të përfitojë nga rezultatet e ekipeve rivale në fundin e tabelës. Të gjithë shpresonim në ndonjë rezultat pozitiv, por kjo mbeti vetëm dëshirë. Shkumbini vërtet luajti me dëshirë dhe zhvilloi një volum më të madh loje sesa kundërshtari, por kjo nuk mjaftoi dhe Dinamo diti të marrë tri pikët. Ekipit i mungoi qetësia e nevojshme në fushë, sidomos në vijën sulmuese. Dervishi e Stafa arritën të krijojnë situata të vështira në portën e Likës, por pa qenë në gjendje të finalizojnë. Ndoshta të pafat, por më shumë se kjo u mungoi qartësia dhe qetësia e duhur. Loja e Shkumbinit u zhvillua më shumë në gjysmëfushën e Dinamos dhe Kone, Kastel, Xhafa e Ahmataj patën shumë punë, por falë qetësisë e përvojës ia dolën dhe arritën ta ruajnë të paprekur portën, duke pasur një portier si Lika, i cili diti të reagonte siç duhet. Fillimi i mirë i Shkumbinit, që zotëron mesin e fushës, bën që me kalimin e minutave të reagojë Dinamo. Me anë të veprimeve të shpejta nga krahët ata vizitojnë shpesh portën e Llanit dhe është meritë e këtij portieri të talentuar dhe me perspektivë që Shkumbini nuk ndëshkohet nga Gudjabi, Pema, apo edhe Kone, që ishin pranë golit në disa raste. Në këtë pjesë gaboi sulmi, por jo pak gaboi edhe mbrojtja me mosharmonizimin e veprimeve mes lojtarëve të këtij reparti, duke ua dhuruar vetë topat kundërshtarit. Në pjesën e dytë, Sejdini kërkon të reagojë, duke larguar nga fusha Dervishin për Abazajn dhe më vonë kapitenin Magani për Kalarin. Në këto minuta ai bëhet më ngacmues në lojë, duke e spostuar lojën në gjysmëfushën e Dinamos. Nga ana e tij, Bici diti të reagojë në aktivizimin e Diopit dhe Aliajt, duke aplikuar lojën e kundërsulmit, ku dallohej veçanërisht Gudjabi, kryesisht nga e djathta e sulmit. Në këto minuta del në pah merita dhe aftësitë e portierit Llani me daljet e tij të sigurta. Minutat e fundit bëhen edhe më të bukura dhe gjithnjë kërkues është Shkumbini, por më i rrezikshëm është ekipi i Dinamos. Kur pritej përfundimi i takimit i bardhë dhe pa gola, Dinamo, falë përvojës e kualiteteve, do të ndëshkojë Shkumbinin kur nuk e priste dhe për më tepër nuk kishte më kohë. Kundërsulmi me protagonist Ahmatajn nga e majta, i cili përfundon me krosim pranë shtyllës së dytë, e gjen të papërgatitur mbrojtjen vendëse dhe Diop, i zbuluar, shërben me kokë për Gudjabin, që shënon golin e vetëm të ndeshjes. Janë të mëdha përpjekjet e Shkumbinit në minutat e fundit për të shënuar golin e barazimit, por rezultati nuk ndryshoi deri në përfundim, duke nxjerrë përsëri fituese Dinamon. Te Shkumbini edhe në këtë takim u ndje shumë mungesa e njeriut-gol, të atij që ka aftësinë të jetë i saktë përpara portës. Dervishi, Stafa, Abazaj në pjesën e dytë, me gjithë dëshirën e madhe që patën dhe rastet përpara portës, nuk arritën t'i koordinojnë mirë veprimet e tyre përpara portës, duke ia bërë më të lehtë mbrojtjes mike të fitojë.

Deklarojnë:
Faruk Sejdini, trajner i Shkumbinit: "Duke i njohur vlerat e kundërshtarit dhe synimet e tij, ishim përgatitur për të arritur një rezultat pozitiv. Ishte një lojë e bukur nga të dy ekipet, ku për mua rezultati më i drejtë do të ishte barazimi. Loja është 90 minuta dhe ne u ndëshkuam në fund. Humbja nuk duhet të na demoralizojë. Do të luftojmë për të arritur objektivin që kemi, sepse mundësitë janë, po ashtu edhe grupi i futbollistëve."
Vasil Bici, trajner i Dinamos: "E patëm parashikuar tepër të vështirë takimin me Shkumbinin dhe ashtu ishte me të vërtetë. Ne u treguam më të saktë në fund dhe arritëm të shënojmë. Ashtu siç u zhvillua takimi, mund të kishte edhe një përfundim tjetër, pra siç fituam ne, mund të fitonte edhe Shkumbini. I uroj suksese këtij ekipi, duke qenë i bindur se do të dijë të dalë nga kjo gjendje. Kampionati është akoma në mesin e tij dhe ka më shumë ndeshje të tjera."

Të veçanta:
Ndeshja ka filluar me disa minuta vonesë për shkak të mosplotësimit të protokollit nga stafi i Dinamos. Mungesa e plotësimit të tij krijoi shqetësim nga të deleguarit e FSHF-së, por pengoi edhe gazetarët në punën e tyre.
Në tribunën "VIP", veç drejtuesve të Shkumbinit, ishin të pranishëm kryetari i Bashkisë Elbasan, Ardian Turku, dhe presidenti i Dinamos, Besnik Sulaj.
Ndodhi që gjatë takimit në pjesën e dytë, në dyluftimin Xhyra Gudjabi, të çahet topi, për t'u zëvendësuar me një tjetër menjëherë.

[Qerim]

Dinamo siguroi vendin per ne kupat e Evropes.Nje pergezim presidentit Sulaj per punen e bere dhe parate e investuara !

[Qerim]

Dinamo, me sulmin "vrasës" të kampionatit
Aurel Celibashi


Nëse do t'u hedhësh një sy statistikave të Dinamos në këtë kampionat, pa dyshim ajo që të tërheq vëmendjen janë golat e shumtë të shënuar në krahasim me kundërshtarët e tjerë. Janë pikërisht 43 gola që blutë kryeqytetas kanë realizuar në 25 javë kampionat, duke u kthyer kështu në sulmin "vrasës" të kampionatit. Gjithsesi, një shifër kaq e madhe golash nuk i ka mjaftuar Dinamos për t'u renditur në tri vendet e para, sepse 11 barazimet e marra kanë ndikimin e tyre. Nëse Dinamo do të kishte rrezikuar më shumë në këtë drejtim, sigurisht sot do të ishte disa shkallë më sipër në renditje. Për sa u takon golave të shënuar, shtrirja e tyre është e njëtrajtshme, pasi në lojë janë futur edhe mbrojtësit. Nëse senegalezi Gudjabi ka shënuar 12 herë, prapa tij vijnë mesfushorë që e njohim mirë golin, duke filluar me Poçin, Ahmatajn, Deliallisin, Vinçetiçin apo Asllanin. Herë pas here këta lojtarë janë transformuar nga trajnerët Bici e Kataliniç si sulmues të fshehur. Një rol vendimtar në rezultatet e Dinamos kanë luajtur edhe mbrojtësit, ku ai që e ka më shumë në gjak golin është senegalezi tjetër, Papa Diop. Prapa tij vjen kroati Zoran Kastel, ndërkohë që i riu Eleandro Pema është basti i fituar për dinamovitët. Për hir të së vërtetës duhet thënë se Dinamo nuk është më ajo skuadra e fillimsezonit, ku ishte e pasigurt në lojën e saj. Skuadra ka fituar një bazë të shëndoshë, por më e rëndësishmja është fryma e grupit që trajneri Vasil Bici ka krijuar me lojtarët e tij. Mënyra e alternimit të tyre në lojë, pothuajse u ka dhënë mundësinë të gjithëve për të luajtur dhe njëkohësisht për të treguar veten. Tri fitoret e fundit me Shkumbinin, Besën dhe Vllazninë e kanë ngritur në maksimum moralin e dinamovitëve, teksa kalendari në vazhdim është mjaft i favorshëm. Nëse do të arrihen edhe dy fitore të tjera deri në përfundim të fazës së tretë, atëhere këtë skuadër duhet me pasur shumë kujdes, pasi nuk është çudi që t'ia rrëmbejë vendin e parë edhe Elbasanit.


E.Xhafa: Dinamo tani beson te titulli
Aurel Celibashi


Tri fitoret radhazi me Shkumbinin, Besën dhe Vllazninë e kanë lënë sërish në vendin e katërt Dinamon, me ndryshimin e vetëm që tashmë e ka shkurtuar në -7 pikë diferencën me kryesuesit e Elbasanit. Javët po kalojnë dhe blutë kryeqytetas e kanë kuptuar se lufta për kreun sa vjen e po vështirësohet, por për fat të mirë kalendari në dy javët në vazhdim duket sikur është në favorin e djemve të Bicit. Nëse do ta mbyllnim me dy fitore të tjera fazën, pikërisht me Skënderbeun dhe Teutën, janë të gjitha gjasat që Dinamo të rikthehet ethshëm në luftën për titullin kampion. Për momentin, të gjithë dinamovitët duhet të mendojnë parakalimin e Tiranës, e cila ka dy përballje shumë të forta me Elbasanin dhe Partizanin. Një gjë të tillë e shpreh për "Sportin shqiptar" vetë mbrojtësi Erion Xhafa, sipas të cilit skuadra duhet të qëndrojë me këmbë në tokë deri në përfundim. "Tri fitoret e fundit në kampionat kanë ndryshuar pak gjëra për Dinamon, sepse kemi mbetur sërish në vendin e katërt. Kjo për vetë faktin se Tirana, kundërshtari ynë më direkt për momentin, ka bërë të njëjtën gjë si ne dhe normalisht diferenca prej një pike është akoma në fuqi. Për fat të mirë, më në fund Elbasani është ndalur dhe tashmë në valle për titullin kampion jemi katër skuadra. Ideja është se ne nga ana jonë duhet të qëndrojmë me këmbë në tokë, duke vazhduar stërvitjen me të njëjtat ritme, pasi tani ka ardhur ndoshta hapi final, ku s'na lejohet më të gabojmë, qoftë edhe një pikë, derisa të vijnë përballjet e fundit direkte,"- bën të ditur numri 6 i bluve.
Në fitoren e së shtunës 0-2 ndaj Vllaznisë, Erion Xhafa ishte një nga lojtarët më të mirë në fushë për Dinamon. Kjo nuk është një rastësi, pasi ai gjithmonë ka mbajtur ritme konstante në ekip, gjë e cila ka tërhequr edhe vëmendjen e trajnerit të kombëtares, Brigel, i cili e grumbulloi në turneun e Norçias. Për sa i takon kësaj sfide, stoperi blu komenton se ishte një fitore e merituar. "Jam i mendimit se në Shkodër morëm fitoren më të rëndësishme të sezonit. Jo vetëm që morëm tri pikë dhe zhvilluam një lojë të mirë, por gjithashtu përfituam nga hapi i gabuar i Elbasanit. Vendimtar për ne ishte goli i shënuar që në minutat e para dhe më pas ditëm të administronim të gjitha situatat e vështira që kaluam. Goli i dytë më pas i mbylli të gjitha llogaritë, edhe pse Lika u tregua shumë i zoti kur priti penalltinë e Sinanit,"- shton më tej Xhafa.
Ndeshja e radhës i vë blutë në transfertë përballë Skënderbeut, ku këtë herë gjërat janë vështirësuar shumë për korçarët. Dinamo është ekipi i vetëm që ka fituar dy herë në Korçë, si për kupë edhe për kampionat, duke pasur kështu një bilanc pozitiv. Për mbrojtësin Erion Xhafa do të jetë shumë e vështirë që në këtë përballje të radhës të përsëritet e kaluara, pasi vendësit nuk janë në një pozicion komod në renditje. "Këtë herë, me Skënderbeun do ta kemi më të vështirë se kurrë. Jo vetëm se korçarët vijnë pas dy humbjeve dhe kanë pozita të lëkundura në tabelë, por edhe për faktin se në krye të stolit është trajneri Agim Canaj, i cili na njeh mirë të gjithëve. Mbetet për t'u parë se si do të rrjedhin ngjarjet, ndërkohë që Dinamo do të synojë maksimumin e pikëve, pasi vetëm kështu do të jemi në vallen e titullit deri në fund,"- përfundon deklarimin e tij mbrojtësi 24-vjeçar Erion Xhafa.

Shiu ndryshon planet e bluve
Pas fitores 0-2 me Vllazninë dhe një dite pushim, dje pasdite blutë iu rikthyen stërvitjes së fillimjavës. Për shkak të reshjeve të shumta të shiut, trajneri Vasil Bici vendosi në momentet e fundit që skuadra të mos zbriste në fushë, por në sallën e forcës që ndodhet në kompleksin "FAR". Për 90 minuta, e gjithë skuadra i kushtoi vëmendje anës fizike, ndërkohë që sot pritet që të zhvillohen dy seanca.

[Qerim]

8 Mars Model i viteve ’70, e pakonceptueshme, praktika te superuara: me keto fjale, kryeministri i Shqiperise, Sali Berisha, eshte pozicionuar hapur dje ne mbledhjen e KRRTRSH se, kur eshte debatuar nje plan rregullues ne zonen e kompleksit sportiv “Dinamo” ne kryeqytet. Njeshi i qeverise ka “urdheruar” kesisoj ate qe pritej prej prej kohesh (madje e tejkaluar): “shpronesimin” e Ministrise se Brendshme. Ne fakt, Dinamo, duke mbetur nje kopje e praktikave te vendeve te Lindjes (te harruara prej kohesh), eshte i vetmi klub sportiv, ndoshta ne tere rruzullin, qe varet nga ky dikaster. Mjaft te kujtohet se prej mese 10 vjetesh, Partizani dikur nen ombrellen e Ministrise se Mbrojtjes eshte shkeputur dhe transformuar ne shoqeri aksionere.

Nje levizje e tille, ndonese fillimisht mund te krijoje probleme te mbarevajtjes se puneve te Dinamo Ministria e Brendshme kontribuon ndjeshem ne pikepamjen financiare do t’i hape rruge nje transformimi te mirepritur. Keshtu, duke lene menjane dyshimet e madje edhe padine e ministrit te linjes, Olldashi, per shkeljet e tentuara ne privatizimin e klubit, ka ardhur koha e rivleresimit te situates, per te hedhur hapin madhor. Per me teper, nje gje e tille kerkohet edhe ne Ligjin per Sportin, ku ne menyre taksative klubet duhet te shnderrohen ne shoqeri aksionere ne harkun kohor te dy vjeteve.

Ne menyre figurative, kryeministri Berisha dje ka bere gol. Dhe ministrit Olldashi nuk i mbetet tjeter, vecse te... shenoje rezultatin!

Pema: Nëndetësja, në sipërfaqe!
8 Mars “Kemi nje ndeshje shume te veshtire ne Korce ndaj Skenderbeut, por, nese arrijme ta kalojme kete dhe nese Tirana mund Elbasanin, atehere mund te

them me plot gojen

se jemi ne “valle”

Fitorja e se shtunes ne Shkoder ndaj Vllaznise ka rritur ndjeshem pretendimet e Dinamos, per t’u rifutur serish ne “loje”, per objektivin madhor, titullin kampion. Edhe pse mund te duket paksa vone per nje gje te tille, per blute, momenti i pershtatshem ka ardhur. “Jemi edhe ne ne loje”, ka thene sulmuesi 20 vjecar i Dinamos, Eleandro Pema, i cili, jo vetem shpreson, por dhe i beson llogarive matematikore se skuadra e tij shume shpejt mund te jete ne krye te kampionatit. “Nese arrijme te fitojme ndaj Skenderbeut dhe Tirana mund Elbasanin, atehere edhe ne automatikisht do te futemi ne kete “lufte” te madhe”, ka vijuar ai. Persa i perket formes se tij, ajo konsiderohet e kenaqshme per sulmuesin. Kurse, per golin, edhe pse e deshiron ate, Pema nuk ngutet per ta “marre”.



Keni arritur te fitoni nje ndeshje shume te veshtire ne Shkoder. Sa ka ndikuar kjo ne moralin e skuadres?

Shume. Nuk eshte e lehte te fitosh jashte, aq me teper ne “Loro Borici”. Ne fillim te ndeshjes do te ishim te kenaqur edhe me nje barazim, por kur shenuam golin e pare, normalisht qe pretendimet u rriten. Dhe kur u shenua i dyti, u qetesuam.

Keni patur edhe raste per ta thelluar rezultatin...

Nese do te na ishin dhene dy penalltite qe na u mohuan, po. Megjithate, tri pike jane tri pike dhe ne na pelqeu ajo fitore, sepse krijon nje shtrat te mire per te vijuar ne kete rruge suksesesh.

Kete jave ne Korce, ndaj Skenderbeut. Ftohte, apo jo?

Nuk ka me ndeshje “te ngrohta”. Skenderbeu ka problemet e tij dhe i duhet patjeter piket, sepse vjen nga dy humbje. Por, edhe ne, ne momentin qe jemi, na duhen patjeter tri piket. Keshtu qe do te jete nje ndeshje shume e forte, ku shpresojme qe te fitojme ne.

E keni mundur gjate te gjitha ndeshjeve Skenderbeun, si per kampionat, ashtu edhe per kupe. Mendoni se ia keni marre “doren” tashme korcareve?

Jo ne kete te ftohte qe ka filluar te beje (qesh). Eshte e vertete qe ia kemi gjetur “thembren e Akilit”, por kjo do te jete nje ndeshje ndryshe nga te tjerat qe ne kemi zhvilluar ndaj ketij kundershtari.

Cfare do te kete ndryshe?

Nese ne fitojme ndaj Skenderbeut dhe Tirana arrin te munde Elbasanin, atehere ne futemi automatikisht ne “lufte” per kreun dhe ka nje mundesi shume te mire qe te arrijme te kapim vendin e pare, pare edhe kalendarin e tri skuadrave, Tiranes, Elbasanit dhe Partizanit, qe do te ndeshen ndermjet tyre. Ja pse eshte ndryshe kjo sfide.

I paskeni bere llogarite domethene...

Sigurisht. Eshte momenti me i mire per ta bere nje gje te tille.

Fundja, kot nuk na quajne nendetese. Njefare kuptimi e ka edhe ky emer: te tregojme se jemi me te vertet keshtu dhe se ka ardhur koha te dalim ne “siperfaqe”.

Si paraqitet forma e Pemes?

Shume mire dhe jam shume i kenaqur per kete. Sidomos ngaqe po shkon paralelisht me formen qe po kalon skuadra.

Po goli?

Do te me pelqente, megjithate tani nuk jam une i vetmi nga i cili Dinamo pret gol. Edhe Gudjabi ka ardhur ne nje forme shume te mire dhe mua me pelqen qe kundershtaret tane nuk kane se kujt t’i ruhen me pare.

[dinamo]

Ore sa per Dinamo Ska Goj te flasi asnje As Tirona As Partizoni Se e kan provu , do te thoja se partizani na ka ber bizz kete sezon me 3 fitore por mos harroni sezonin e kaluar i mundem 4 her , keshtu qe icik me kujdes per Dinamon sepse esht Ekip GRAND , Nqse kalojm Ndeshjen me Skenderbeun Jemi Kampion

[dinamo]

Ka njeri per ne korce pasneser ???? Te nisemi ca cuna se jemi ca ?? Nqse do Shkruani ne Forum Ose te Faqja Dinamos WwW.Dinamo-WeB.CoM Ose Mandi@Tiranalive.com Shnet Me RRESPEKT Mand Dinamoviti

[Qerim]

Demollari, “timonieri” blu!
12 Mars Tirane Dinamovitet kane nderruar perseri “timonierin” e skuadres, qe do te thote se “i riu” behet i gjashti brenda nje sezoni. Vasil Bici eshte shkarkuar dhe ne vend te tij eshte caktuar Sulejman Demollari. Lajmi, per gazeten “Sport Ekspres”, eshte konfirmuar nga presidenti i bluve, Besnik Sulaj. Sipas “bosit” dinamovit, shkaku nuk eshte thjesht humbja ne Korce, por sepse skuadra nuk ka paraqitur siguri ne lojerat e saj. “Skuadra nuk eshte paraqitur mire ka thene Sulaj, ndersa me kane informuar se ne Korce ka qene nen nivelin e vet. Per rrjedhoje, duke i shtuar dhe ndeshjet e meparshme, kur ne Peqin eshte fituar ne fundin e lojes, apo me Besen fitorja u arrit permes mjaft peripecive, atehere e pame te udhes qe te vendosim nje tjeter trajner. Jemi perseri ne “valle” per titullin kampion, ndersa edhe ne Kupen e Shqiperise kemi objektiva te qarta. Ndaj dhe u be kjo levizje”. Dhe Sulejman Demollari, qe rikthehet te blute ne rolin e trajnerit pas dy vjetesh, e ka mirepritur kete levizje, kur ka ardhur ne “shtepine” e tij te dyte, sikurse e quan ai Dianmon. Ne prononcimin e tij te shkurter per gazeten “Sport Ekspres”, Demollari ka nenvizuar faktin se i ka pelqyer oferta qe i kane bere dinamovitet. “Eshte privilegj te drejtosh Dinamon, qe gjithmone ka objektiva madhore. Une u mirekuptova dhe me zevendespresidentin e Lushnjes, Pirro Kice, i cili ka dhene shume per ate skuader, kur te gjithe u munduam te benim dicka te mire. Tashme jam te Dinamo, skuadra eshte e ngritur, ndersa jam i bindur se do te bejme me te miren, si per kampionat, ashtu dhe per Kupen e Shqiperise. Sa per stafin, nuk kam ndonje zgjedhje te caktuar, ndersa pranoj te jete dhe Bici ne grupin tone”, ka nenvizuar Demollari, i cili nis sot stervitjen me blute, kur do te startojne pergatitjet per ndeshjen e pare ne turin cerekfinal te Kupes se Shqiperise, Lushnja Dinamo. Ne te njejten kohe, per kete levizje, edhe pse i ishte komunikuar nga drejtuesit e klubit Dinamo, ish trajneri i bluve, Vasil Bici, nuk ka bere asnje koment. Perfundimisht, Sulejman Demollari eshte trajneri i gjashte i Dinamos per kete sezon...

Sulejman Demollari nuk ka harxhuar shumë kohë për të filluar menjëherë nga puna pas atij emërimi emergjent dhe me pak zhurmë që iu bë prej Presidentit të Dinamos Besnik Sulaj. "Cdo veprim në lidhje me emërimin tim u zhvillua shumë shpejt" tha Demollari për mediat në ditën e parë të prezantimit të tij si trajner i bluve. "Kjo lëvizje do të ishte e pamundur nëse zv.Presidenti i Lushnjes Pirro Kiçe nuk do të kishte dhënë përkrahjen e tij dhe unë e falenderoj për këtë suportin e tij. Kjo për faktin, se dihet qartë lidhjet e mija me Dinamon dhe nuk mund ta lija pa ekonsideruar ofertën e Presidentit Sulaj", vazhdoi Demollari. Pas kësaj lëvizje trajneresh, e gjashta këtë edicion futbollistik për Dinamon, që ngre alarmin e padëshirueshëm reth stabilitetit të skuadrës që në tre edicionet e fundit shifra e levizjeve te teknikeve eshte 16-te, pa përmendur ata që kanë drejtuar si interim ose gjatë periudhës në Kupat e Evropës. Ndoshta, akoma nuk dihet nëse Demollari do të jetë "shpëtimtari i fundit", apo vijuesi "kokë turku" për Presidentin Sulaj

[Qerim]

Drejtuesit blu kërkojnë t’i karikojnë lojtarët e tyre për të siguruar pjesëmarrjen në Kupat e Europës

Dinamo, supershpërblim për një vend në UEFA

Aurel CELIBASHI

Një vend në Kupën UEFA në përfundim të këtij sezoni, do të thotë shumë për Dinamon. Një shumë prej afro 100 mijë dollarësh do t'i shpërndahet të gjithë skuadrës nëse realizohet ky sukses. Ndonëse nuk i kanë humbur shpresat për titullin kampion, bosët e bluve nuk kërkojnë t'u shpëtojë nga duart pjesëmarrja në UEFA, e cila ka dy rrugë për t'u kapur nga lojtarët dinamovitë, pra nëse renditesh i dyti në kampionat, ose fiton Kupën e Shqipërisë. Por ky nuk është problemi i Sulajt dhe i Braçes, pasi kjo dyshe kërkon me çdo kusht që skuadra të cilën e financojnë prej dy vitesh të presë një biletë në këtë veprimtari prestigjioze, e cila sigurisht do të sillte edhe një mbushje të arkave të klubit nga ana e organizmit më të lartë të futbollit europian. Zëvendëspresidenti Avni Braçe konfirmon këtë superpremio që i është akorduar të gjithë skuadrës: "Po, është e vërtetë që në rast se Dinamo këtë vit do të jetë pjesëmarrëse në Kupën UEFA, nga ana jonë si drejtues do ketë një shpërblim prej 6 mijë dollarësh secilit lojtar, ose në total afërsisht 100 mijë dollarë. Duke parë që sezoni ka hyrë në një pikë delikate, së bashku me presidentin Besnik Sulaj e pamë të arsyeshme tua japim "cash" premion, se sa t'i shpërblejmë çdo javë me nga 30 mijë lekë të reja, që sigurisht do të jenë më pak në total se sa do të përfitojnë tani me këtë vendim të fundit,"- pohon për gazetën dyshi i bluve. Kur kanë mbetur edhe 10 javë nga përfundimi i kampionatit dhe Dinamo ndodhet 10 pikë larg Elbasanit kryesues, shpresat e Braçes për titullin kampion nuk janë shuar plotësisht. "Derisa llogaritë matematikore na lejojnë të pretendojmë për titullin, do të vazhdojmë luftën tonë deri në fund, pa asnjë kompromis. Edhe pse premion e kemi vendosur për pjesëmarrjen në Kupën UEFA, për ne si drejtues, objektiv parësor mbetet shpallja kampion, duke ia bërë hyzmetin deri në fund të këtyre 10 javëve. Më pas, nëse nuk ia arrijmë qëllimit primar, sigurisht, vendi i dytë, por edhe fitimi i Kupës së Shqipërisë, mbeten ende në lojë. Personalisht, vazhdoj të besoj te forca e këtij grupi lojtarësh që është në dispozicion, të cilët i kanë të gjitha mundësitë që jo vetëm të nderojnë veten e tyre dhe fanellën që mbajnë të veshur, por gjithashtu të kënaqin edhe presidentin Sulaj, i cili së bashku me mua ka shpenzuar shumë deri tani,"- përfundon deklarimin e tij zëvendëspresidenti i Dinamos, Avni Braçe.

17/03/2006
KATEGORIA: Sport

[Qerim]

Kur ka mbetur edhe një fazë nga përfundimi i kampionatit, Dinamo ndodhet 8 pikë larg vendit të parë. Dy fitoret radhazi me Lushnjën për kupë dhe Teutën në kampionat e kanë ndryshuar atmosferën në kampin blu, ku të gjithë pretendojnë se Europa është shumë pranë. Për mesfushorin Julian Ahmataj, është momenti që Dinamo të tregojë veten, nëse vërtet kërkon të jetë pjesëmarrëse në Kupën UEFA. Duke folur për "Sportin shqiptar", elbasanasi i vetëm i bluve i konsideron 9 ndeshjet e mbetura finale më vete. "Ashtu siç po shkon kampionati, kjo fazë e katërt është vendimtare për të ardhmen tonë. Kanë mbetur edhe 9 takime dhe mendoj se të gjitha duhet t'i konsiderojmë finale më vete në luftën për vendin e dytë, i cili praktikisht është më i arritshëm për momentin. Për vendin e parë, jo çdo gjë varet nga ne, sepse duhet të presim që Elbasani duhet të gabojë dy herë, ndërkohë që duhet të fitojmë në përballjen direkte që do të kemi në stadiumin "Ruzhdi Bizhuta","- bën të ditur Ahmataj. Në ndeshjen e fundit me Teutën, trajneri Demollari preferoi ta aktivizonte Julian Ahmatajn në qendër të mesfushës, ndërkohë që Çavalin e spostoi si alfë e majtë. Një lëvizje e tillë nuk dha fryte në pjesë e parë, ndërkohë që në të dytën, me zëvendësimin e kroatit nga Ivanisheviçi, por edhe me rikthimin e elbasanasit në rolin e vet, menjëherë erdhi goli i Pemës. Në lidhje me këtë 90-minutësh, që e rifuti Dinamon në vallen për vendin e dytë, numri 7 i bluve shprehet: "Personalisht jam i mendimit se java që kaloi foli në favorin tonë, duke parë humbjen e Partizanit, por edhe barazimin e Elbasanit. Tani na mbetet ne lojtarëve që në përballjet direkte me këta kundërshtarë të rrëmbejmë fitoren, për të shpresuar më pas te ndonjë mrekulli për titullin kampion. Sidoqoftë, vendin e dytë nuk do ta tolerojmë deri në fund, pa harruar që për të luajtur në Europë, është edhe Kupa e Shqipërisë, e cila në njëfarë mënyre ka një rrugë më të shkurtër. Ndonëse kemi edhe një ndeshje tjetër për të luajtur me Lushnjën, duhet të futemi në fushë me dëshirën për të marrë maksimumin, sepse jam i bindur se në gjysmëfinale gjërat do të jenë ndryshe. Nëse më pyesni për kundërshtarin që do të dëshiroja në short, do të më pëlqente Tirana, me të cilën kam pasur mundësinë ta njoh mirë për pak kohë që u aktivizova në Ligën e Kampionëve,"- vazhdon idenë e tij mesfushori që ka shëtitur në shumë skuadra të kampionatit shqiptar.
Duke folur për dy përballjet me Lushnjën për kupë dhe kampionat, Julian Ahmataj është i mendimit se nuk duhet toleruar në asnjë aspekt, pasi futbolli gjithmonë ruan surpriza. "Në vazhdim kemi dy ndeshje të lehta në letër me Lushnjën për kupë dhe kampionat, por kjo s'do të thotë që në fushë do të futemi për t'u argëtuar. Lushnjarët, ndonëse i kanë prerë shpresat për qëndrimin në superligë, s'do të thotë që nuk do të luajnë më futboll, pasi ata janë futbollistë profesionistë dhe vitin e ardhshëm sigurisht që do të jenë nëpër skuadra të tjera. Nuk duhet të tolerojmë, pasi në lojë mbeten sërish tri pikë, të cilat mund të na jepnin një shtysë të mirë përpara transfertës me Elbasanin,"- përfundon deklarimin e tij mesfushori dinamovit, Julian Ahmataj.

Demollari nis strategjinë anti-Lushnjë
Brenda katër ditësh Dinamo do të luajë dy ndeshje me Lushnjën, fillimisht të shtunën për kampionat dhe të mërkurën për kupë. Trajneri Sulejman Demollari, që nga dita e hënë, ka nisur strategjinë anti-Lushnjë, ku pritet që të bëhen disa eksperimente në formacion, por edhe në mënyrën e lojës para tri betejave të rëndësishme me Elbasanin, Partizanin dhe Tiranën. Për këtë, njëshi i stolit blu do të kërkojë të aktivizojë të gjithë lojtarët, për t'i mbajtur në tonus, pasi sezoni ka hyrë në pikën më delikate të tij. Dita e djeshme ishte shumë e ngjeshur për sa i takon ngarkesës fizike, ku u kryen dy seanca stërvitore, teksa munguan Lika, E.Xhafa dhe Pema, që janë grumbulluar me ekipin kombëtar.

[Qerim]

Shkarkohet Demollari
Tirane, 25 mars - Humbja e sotme me Lushnjën i ka kushtuar bankines se trajnerit të Dinamos, Sulejman Demollari. Burime te sigurta pran klubit kryeqytetas kane deklaruar per "Futbolli.com" se Demollari eshte shkarkuar pas deshtimin 0-1 me Lushnjen.

Ky ishte takimi i dyte i Demollarit ne krye te Dinamos. Ne ndeshjen e pare, skuadra e Dinamos mundi 0-2 ne transferte Lushnjen, ndeshje e vlefshme per kupen e Shqiperise, nderkohe qe 10 dite me pas kundershtari i tij ishte perseri ish-ekipi i tij, kesaj here per kampionat, por i fituari nga kjo sfide doli befasisht Lushnja.

[Juvi]

hajde dinamo e madhe hajde ncncncncncnnc

poshte besnik sulaj qe poshteron nje legjende si dinamo :@

[Qerim]

Sulmuesi i fuqishëm dinamovit është gati për sfidën e nesërme. Si gjithmonë çdo pasdite pi kafe te kafe “Cosmos”, pranë gazetës “Albania”, së bashku me patriotin e tij, mbrojtësin Papa Diop, ku edhe e takuam për t’i marrë një intervistë për albaniasoccer.com. Me një gazetë “Sporti Shqiptar” në tavolinë, nuk i heq sytë nga televizori ku ndjek një videoklipet, ndërsa bisedojmë me të në gjuhën frenge, që është dhe ajo zyrtare e vendit të tij, Senegalit. 29-vjeçari është në përfundin të sezonit të tij të dytë, ndërsa është i paqartë se ku do të luajë sezonin e ardhshëm. “Ndoshta në Greqi, Turqi, por pse jo dhe në Itali”, thotë ai. “Për ne Serinë B, jam lojtar i mirë”. Sezonin e kaluar shënoi 10 gola në 19 ndeshje, ndërsa gjatë këtij sezoni në 29 ndeshje e ka gjetur rrjetën 14 herë, teksa ka regjistruar edhe 6 kartona të verdhë.



-Gudjabi, nesër ju pret një ndeshje e rëndësishme ajo me Partizanin që ju ka mundur në tri ndeshjet e këtij sezoni?



-Është vërtet një ndeshje e rendësishme dhe skuadra është shumë e motivuar për ta fituar atë, për më tepër ndaj një ekipi ndaj të cilit kemi dështuar në të gjitha ndeshjet në kampionat. Shpresojmë të fitojmë nesër, pasi dhe ne luftojmë për në Kupat e Europës ashtu si dhe Partizani. Kampionatin e kaluar e mundëm katër herë apo jo? Unë besoj se Dinamo është më në formë për ta fituar ndeshjen e nesërme, ndërkohe që në tre takimet kemi humbur vetem me një gol diferencë. Megjithatë Partizani është një ekip i mirë dhe të flasësh para kohe mund të bëhs gabim. Thjesht mua më pëlqen të them se do të fitojmë.

-Jeni golashënuesi më i mirë i Dinamos, ndërkohë që nuk keni mundur të shënoni asnjëherë kundër Partizanit gjatë këtij sezoni?



- Më ka munguar edhe fati.

- Dinamo do të përballet me Tiranën në gjysëmfinale për Kupën e Shqipërisë, ndërkohë që të dy ekipet luftojnë për ta fituar atë?



- Unë mendoj se ne jemi të aftë të mundim Tiranën dhe të kualifikohemi për në finale, dhe duke shpresuar se dhe Elbasani do të arrijë aty, si do të që të jetë do të jemi në Kupën UEFA. Por jam i bundur se do ta fitojmë Kupën. Është rradha jonë.

- Shpesh thuhet në media se pa Gudjabin, Dinamo nuk mund të fitojë?



- Nuk është e vërtetë. Me ose pa Gudjabin, Dinamo është një ekip i mirë dhe ka fituar edhe pa mua e golat e mi. Unë nuk kam aritur të shënoj në 14 ose 15 ndeshje. Për një gjë më vjen keq, që nuk mund ta arrij Salihin si golashënuesi më i mirë. Ai ka më shumë ndihmë në ekip

- Goli më i rendësishëm të Gudjabit në këtë kampionat?



- Dy golat kundër Lushnjës në javën e parë. Ishim në disavantazh 2-0, dhe barazuam në minutat e fundit. Jam gëzuar më shumë për Bonaçiçin. Por ai që më kënaqur më shumë ishte goli kundër Elbasanit javën e kaluar. Ishim mundur 3-0 në fazën e dytë dhe ia dola të heshtja një stadum të tërë.

-Keni punuar me katër trajnerë të ndryshëm gjatë këtij sezoni, dy kroatë dhe dy shqiptarë. Cili është opionini juaj?



- Me Bonaçiç nuk shkova shumë mirë, sepse ishte shumë i rreptë dhe kërkonte shumë përgatitje fizike, ndërkohë që nuk munguan edhe gjobat. Por mendoj se ishte një trajner profesionist. Kataliniç ishtë më i qetë në dukje dhe më i matur si trajner. E njihte më mirë psikologjinë e një lojtari, sidomos për të huajt, por dhe një trajner që e njihte mirë taktikën. Bici? Një trajner që përshtatet shumë mirë me lojtarët. Për Demollarin, qendroi shumë pak dhe më erdhi keq që u largua.

- Me dy kroatët flisje anglisht, por me Bicin si merresh vesh?



- Kam mësuar shqip. Më ka ndihmuar një shoqja ime të mësoj. Por lexoj edhe gazetat sportive, edhe pse nuk kuptoj shumë

- Si mendon Gudjabi, kush do ta fitojë kampionatin shqiptar?



- Duke ditur që Dinamo, nuk mund ta fitojë dot atë, unë mendoj se as Tirana dhe as Partizani, nuk do të arrijnë dot. Unë them se këtë sezon ekipi që e meriton më shumë është Elbasani dhe ata do të dalin kampionë. Luan më fort dhe ka tifozët më të mirë. E pashë vet në Elbasan ditën e shtunë se si bënin. Dinamos i mungojnë shumë tifozët.

- Cila do të jetë e ardhmja e Gudjabit pas përfundimit të kampionatit?



- Nuk e di se si do të veprojë presidenti Sulaj. Por nga ana tjetër mund të luaj vitin e ardhshëm në Greqi, Turqi apo edhe Itali. Në Serinë B mund të luaj pa problem. Jam duke parë edhe një mundësi në Francë, por gjithmonë varet nga ana financiare. Vjet isha në Janinë, por nuk më pëlqeu asgjë. Ishte ekip i dobët dhe pagesa e keqe, kështu që u largova. Menaxheri im po bën përpjekje të më gjejë një ekip, ndwrkohw qw pwr mua dhe Sisokon e Flamurtarit interesohen nw Norvegji.

- Para se të vinit në Shqipëri në cilat vende përveç Senegalit keni luajtur?



- Kam qenë në Marok, Dubai, Algjeri.

- Ju pëlqen Shqipëria?



- Shumë, do ta kujtoj gjithmonë edhe kur të largohem.

Intervistoi: Dash Frashëri

[Qerim]

Pas dy javësh të vështira, më në fund dinamovitëve u është rikthyer buzëqeshja e munguar. Fitorja 0-1 në transfertë përballë Besës ka bërë që në kampin blu të rritet ndjeshëm adrenalina në prag të sfidës së kthimit në kupë me Tiranën. Për trajnerin Vasil Bici, të shtunën Dinamo zhvilloi ndeshjen më të mirë të sezonit, duke u bërë pa përjashtim komplimente të gjithë lojtarëve. Në intervistën e djeshme për "Sportin shqiptar", lezhjani i stolit blu analizon gjerë e gjatë gjendjen e skuadrës.
- Zoti Bici, shumë pak veta e kishin menduar fitoren në transfertë të Dinamos ndaj Besës, kur një javë më parë bëtë një paraqitje turpëruese me Shkumbinin...
- Kjo do të thotë që nuk jemi dorëzuar për sa i takon objektivit për vendin e tretë në kampionat. Nëse gabuam rëndë para një jave, mendoj se të shtunën përballë kavajasve bëmë një autokritikë shumë të mirë. Ishte normale që të reagonim në këtë mënyrë, sepse fanella e Dinamos nuk mund të nëpërkëmbet kaq lehtë, që do të thotë se deri në fund të sezonit kjo skuadër do të luajë me maksimumin e mundësive për të arritur një biletë europiane.
- Keni pasur mungesat e Gudjabit dhe Pemës, megjithatë ju sajuat një modul loje me një sulmues të vetëm, siç ishte Asllani. A mbetët i kënaqur nga ky eksperiment?
- Absolutisht po. Djemtë i interpretuan si duhet detyrat taktike, duke zhvilluar ndeshjen më të mirë të sezonit. Kemi qenë thuajse të përkryer gjatë gjithë takimit, madje, po të ishim treguar pak më të qetë para portës, rezultati do të ishte më i thellë. Dua t'i përgëzoj të gjithë lojtarët për atë çfarë treguan në këtë 90-minutësh dhe mund të them se kjo është skuadra që dua në fushë për ndeshjet e mbetura.
- Pas kësaj fitoreje mbeteni sërish në vendin e katërt. Si i parashikoni tri ndeshjet e mbetura?
- Për fat të mirë, dy prej tyre, pikërisht me Vllazninë dhe Skënderbeun, i kemi njëra pas tjetrës në fushën tonë, që do të thotë se duhet të marrim pikë të plota. Lufta për vendin e tretë midis nesh dhe Partizanit do të mbetet e hapur deri në fund, ku do të luajmë pa asnjë lloj kompromisi, për të pritur më pas se çfarë verdiktesh do të kemi në lidhje me pjesëmarrjen në Europë.
- Të paktën për katër ditë do të hiqni vëmendjen nga kampionati dhe do të përqendroheni te ndeshja e kthimit në kupë, ku të mërkurën duhet t'i ktheni reston Tiranës...
- Është e vërtetë, përpara na presin ditë vendimtare. Për fat të mirë, morali i djemve është i lartë pas suksesit me Besën dhe shpresojmë që deri përpara fillimit të takimit ta kemi përgatitur si duhet këtë 90-minutësh të zjarrtë nga pikëpamja sportive.
- A mendoni se problemet më të fundit të bardhebluve do të jenë në favorin tuaj, ku ju duhet një fitore e pastër 2-0 ose 3-1 për të dalë në finale?
- Po, sigurisht që do t'i shfrytëzojmë të gjitha mundësitë. Nuk do të jetë e lehtë, por gjithsesi jam i sigurt se lojtarët do të japin maksimumin e mundësive. Do të doja që në këtë sfidë të kishim me vete tifozerinë, por edhe fatin, sepse vetëm kështu mund të arrihet një rezultat i tillë me dy gola diferencë.

[Qerim]

26 Prill Dinamo do te synoje sot “misionin e pamundur”: te permbyse humbjen 2 4 te takimit te pare kunder Tiranes e te kualifikohet ne finalen e Kupes se Shqiperise. Nje detyre e veshtire, por e arritshme, sipas trajnerit te bluve, Vasil Bici. Pasi ka rigjetur fitoren ne kampionat, 1 0 ne shtepine e Beses, trajneri lezhian shpreson qe skuadra e tij te arrije nje tjeter sukses, i cili mund te ndryshoje rrjedhen e gjithe sezonit. Dinamos i duhen e pakta dy gola per te arritur finalen, por Bici, krahas sulmit, eshte kujdesur ne menyre te vecante edhe per mbrojtjen. Duke pranuar pikat e forta te kundershtarit, trajneri shton se Tirana ka edhe pika te dobeta, te cilat ai mendon se mund t’i shfrytezoje skuadra e tij.

Nje ndeshje qe vulos fatin e gjithe sezonit: sukses apo deshtim

Do te thosha qe eshte nje ndeshje shume e rendesishme, por qe nuk ndan fatin e gjithe e sezonit. Nese kualifikohemi, do te kemi edhe nje ndeshje tjeter, finalen. Nese eliminohemi, perseri kemi shanse qe te arrijme Kupen UEFA nepermjet kampionatit. Por, e perseris qe eshte ndeshje e rendesise se vecante dhe ne po e trajtojme si te tille.

Sa optimist jeni se mund te permbysni disavantazhin 2 4?

Ne futboll jane permbysur disavantazhe edhe me te thelle. E dime qe do te jete ndeshje e veshtire, por nuk ka pse ta konsiderojme veten te eliminuar para kohe. Kur u hodh shorti, kam deklaruar se finalisti do te njihet vetem pas 180 minutave. I qendroj ketij mendimi dhe besoj vertet se ne mund te kualifikohemi.

Ju duhen e pakta dy gola. Si mund ta arrini kunder nje skuadre si Tirana?

Duke luajtur me te gjitha forcat tona, duke dhene gjithcka ne fushe. Por, pa harruar ne asnje menyre mbrojtjen, se ndryshe Tirana mund te na godase dhe atehere merr fund gjithcka. Besoj se nje gol i hershem do ta vinte nen nje presion te madh kundershtarin, cka do te na e lehtesonte shume punen.

I keni kushtuar shume vemendje mbrojtjes. Druheni nga sulmi i Tiranes?

Tirana ka lojtare cilesore ne sulm, kjo dihet. Pervec kesaj, eshte ndeshje Kupe. Ne kampionat do te mjaftonte nje permbysje 2 1, ndersa neser (sot), nese pesojme gol mund te jete fundi i synimeve tona.

Cilat jane dobesite qe mund te shfrytezoni te Tirana?

Ne radhe te pare une besoj se ne mund te shfrytezojme forcat tona. Ne Kavaje zhvilluam futboll modern, te qarte e me mendim. Pstaj, edhe Tirana, megjithe forcen qe dihet, nuk eshte perfekte dhe kete e tregoi edhe ndeshja e pare, pavaresisht nga rezultati. Gjendja qe po kalon Tirana, me largimin nga kreu apo gjithe kjo atmosfere plot tension, perbejne nje pike te dobet.

Por edhe sulmi juaj nuk eshte se ka shkelqyer. Gudjabi humbet raste, Pema eshte i demtuar, Asllani nuk eshte aktivizuar rregullisht

E drejte, por Gudjabi eshte i vlefshem per lojen tone. Ai luan shume ne ndihme te shokeve, ndersa Asllani e ka marre veten. Ne Kavaje luajti shume mire dhe ka eksperience. Pema ka ende dhembje, por besoj ta marre veten, edhe pse duhet te pres fillimin e lojes.

Intervistoi:

Dritan Ikonomi


26 Prill Dinamo ka vene theksin te veprimet mbrojtese ne stervitjen e fundit para gjysmefinales se sotme, kunder Tiranes. Trajneri Vasil Bici ka paralajmeruar qe me pare se skuadra e tij nuk do te hidhet ne aventure, edhe pse i duhen e pakta dy gola per te permbysur rezultatin 2 4 te ndeshjes se pare. Per kete arsye, Bici eshte marre gjate me mbrojtjen dje, pa neglizhuar sulmin. Ndonese paralajmeron per kujdes, formacion i qe Bici do te hedhe sot ne fushe do te jete sulmues. Nuk do te jete Pema dhe sulmi do te perbeht nga Gudjabi, i mbeshtetur nga Asllani e Caval. Ne mbrojtje ende eshte i pasigurt Kastel, i cili ka qene i demtuar, se bashku me Pemen. Ky i fundit do te qendroje ne stol, per te luajtur me pas, nese do te jete e nevojshme. Ashtu si te henen, edhe dje stervitja e Dinamos ka qene e lehte, pa mundim fizik, nderkohe qe nuk ka te skualifikuar. Formacioni i mundshem i Dinamos pritet te jete: Lika, Xhafa, Vincetic, Kone, Diob, Poci, Deliallisi, Ahmataj, Caval, Asllani, Gudjabi.

[Qerim]

Lika: Dinamo, pa kompromis!
8 Maj Dinamo ka arritur Tiranen, ne vendin e dyte ne renditje, dhe do te beje c'eshte e mundur qe ta kaperceje ate ne javen e fundit te kampionatit. Ne emer te bluve garanton kapiteni i tyre, Ilion Lika, i cili shprehet se skuadra e tij ka vetem nje synim, kualifikimin ne Kupen UEFA, qe mund te arrihet me vendin e dyte, ose edhe me pozicionin aktual, nese Tirana fiton te merkuren Kupen e Shqiperise, kunder Vllaznise. Javen e fundit Dinamo shkon ne Durres, per t'u ndeshur me Teuten e rrezikuar, por Lika deshiron te siguroje se nuk do te kete asnje kompromis dhe loja e bluve do te jete vetem per fitore, ashtu si me Skenderbeun. "Neve nuk na intereson lufta midis Teutes dhe Skenderbeut per te qendruar ne Kategorine Superiore. Na intereson vetem kualifikimi yne ne Kupen UEFA, prandaj dhe ne Durres do te luftojme per fitore, si e vetmja rruge qe na siguron kualifikimin", thote Lika. Portieri i Shqiperise thote se Dinamo nuk pranon asnje kompromis, por edhe shton se askush nuk u ka kerkuar bluve qe te leshojne ne ndeshje. "Keto fjale dalin gjithmone, ndoshta behen edhe me qellim per te tensionuar situaten. Por, si kapiten i Dinamos, une i siguroj te gjithe se jemi kunder cdo kompromisi. Per hir te se vertetes duhet te them edhe se askush nuk na ka kerkuar ndonje leshim, prandaj dhe nuk dua te prononcohem rreth te tillave gjera", thote kapiteni i bluve. Lika i referohet ndeshjes se fundit, te fituar 1 0 ndaj Skenderbeut, per te vertetuar se skuadra e tij nuk eshte e prirur te beje leshime, edhe pse korcaret jane fare prane renies ne Kategorine e Pare. "Ju e pate qe ne fituam me Skenderbeun, edhe pse atyre iu duheshin pike per te shpetuar. Nese do te ishim te gatshem per tolerime, do ta kishim bere qe me Skenderbeun", thote portieri.

Detyra dhe perfitimi

Ilion Lika, ashtu si cdo lojtar i Dinamos ne te tilla diskutime, permend detyren qe ka skuadra si dhe shperblimin ne rast realizimi te saj. "Secili prej nesh fiton nga gjashte mije dollare, ne rast se zeme vendin e dyte ose kualifikohemi ne Kupen UEFA, qofte edhe me vendin e trete. Kete e kemi si objektiv dhe presidenti na e ka kerkuar me cdo kusht qe ta arrijme. Si mund te heqim dore nga nje shperblim i tille dhe te tolerojme ne kampionat? Me duket absurde dhe as nuk mund te mendohet. Askush nuk mund te na kerkoje t'i biem me shqelm gjithe mundit tone, sepse ne per kete po perpiqemi, qe kur ka nisur sezoni", thote Lika. Persa i perket ndeshjes qe do te luhet ne Durres, ai e sheh si tejet te veshtire, por jo si pengese te pakapecyeshme. "Teuten e parashikoj njesoj si Skenderbeun, te impenjuar dhe te vendosur per te luftuar, sepse nuk ka rruge tjeter. Por, mendoj se jemi ne gjendje te fitojme. Kemi skuader me te mire dhe kohet e fundit kemi ngritje ne loje, cka e vertetojne tri fitore radhazi ne kampionat si dhe me Tiranen per Kupen e Shqiperise", parashikon Lika.

Tensioni i se shtunes

Blute arriten nje fitore te veshtire kunder Skenderbeut, por per Liken ketu nuk ka asgje per t'u habitur. "Sic thashe edhe me siper, Teuta e Skenderbeu nuk kane gje per te humbur. Skenderbeu e tregoi kete te shtunen. U shfaq shume luftarak, para dhe pas golit tone. E prisnim nje gje te tille dhe ishim pergatitur per nje takim te veshtire. Patem fat kur nuk pesuam gol pas avantazhit tone, por fitorja ishte e merituar. Ne pjesen e dyte nuk i lejuam te rrezikonin, edhe pse ata luajten shume fort ne mesfushe. Loja ka njohur ngritje, por edhe tensioni eshte i kuptueshem, sepse eshte fundi i sezonit dhe cdo gabim mund te jete fatal, i pakorrigjueshem", komenton Lika ndeshjen e fundit. Ne pjesen e pare, Dinamo hasi veshtiresi ne zonen e saj te rreptesise, por situatat u zgjidhen nga Lika me nje dalje te shkelqyer ne kembet e Licit, nderkohe qe ne rastin tjeter te rrezikshem kapiteni korcar e kaloi topin siper portierit, por goditi vetem traversen. "Ne momentin e pare dola me shume shpejtesi, per te mos e lejuar te gjuante dhe ia arrita, duke ia hequr topin. Ne rastin tjeter, ai ishte me prane topit nga une dhe dola me mendimin per t'i zene rrezen e portes. Ia arrita qellimit edhe ne kete rast, por Lici u tregua i zoti qe e kaloi topin siper meje, ne nje fragment kohe shume te shkurter. Ishim me fat qe nuk shenoi, por edhe fati duhet ne futboll", buzeqesh portieri i Dinamos. Tani, Partizani eshte kapercyer dhe portieri i bluve e konsideron si nje sukses qe duhet ruajtur. "Shpresonim shume se Partizani do te ndalonte ne Shkoder dhe ashtu ndodhi. Ata jane skuader shume e mire dhe eshte nje arritje qe i kemi lene pas, edhe pse nuk ka perfunduar akoma gjithcka. Shpresoj qe te jemi para tyre edhe pas javes se ardhshme, por, natyrisht, na duhet edhe fitorja e Tiranes ne finalen e Kupes, sepse keshtu e kemi te garantuar pjesemarrjen ne Kupen UEFA. Ne te kundert, nese fitojne shkodranet, shpresoj qe Tirana e Partizani te nxjerrin nje rezultat te favorshem per ne. E perseris, vendi i dyte eshte plotesisht i arritshem per ne dhe besimi yne tani eshte ne maksimum. Duam ta mbyllim ne menyren me te mire", premton kapiteni i Dinamos.

Dritan Ikonomi

[King_Arthur]

pershendetje dinamovite , por duhet te keni kujdes kete ndeshjen e fundit ne durres sepse nuk eshte ndeshje e lehte . por nqs ju lini pike ne durres tirana
do kerkoje te fitoje kupen dhe nqs e harrin ate ne ndeshje direkte kunder partizanit ja le te fitoje partizani dhe tirana hyn ne uefa me kupen kurse partizani me vendin e dyte,keshtu qe dinamo del jashte prandaj kujdes ne durres ju duhet fitorja patjeter .



ELBASANI KAMPION URIME
RROFTE SHQIPERIA ETNIKE