Tiranë, 09:00, Sot
Gjykata e Tiranës sot duhet ta shqyrtojë kërkesën për regjistrimin e partisë së parë të maqedonasve në Shqipëri "Aleanca Maqedonase për Integrim Evropian".
Për formimin e kësaj partie të maqedonasve etnikë në Shqipëri, siç lajmëron agjencia e lajmeve "Makfaks", paraprakisht u prononcuan të gjitha shoqatat maqedonase në këtë vend, ndërsa kjo ide u pranua edhe nga përfaqësuesit e minoritetit maqedonas në Shqipëri.
Nëse Gjykata e Tiranës lejon regjistrimin, kjo do të bëhet partia e parë politike e maqedonasve etnikë që do të marrë pjesë në zgjedhjet parlamentare në Shqipëri, të caktuara për 3 korrik të këtij viti.
Të gjitha partitë politike shqiptare e filluan para kohe fushatën zgjedhore, ndonëse sipas ligjit , kjo duhej të fillojë madje nga mesi i javës së kaluar, 30 ditë para zgjedhjeve. Për këtë reaguan edhe përfaqësuesit e organizatave ndëkombëtare, përgjegjëse për ndjekjen e zgjedhjeve parlamentare në Shqipëri.
Në zgjedhjet parlametare të korrikut në Shqipëri do të marrin pjesë 40 parti politike, të cilat, sipas ligjit për zhgjedhje, duhet të sigurojnë mbështetje parazgjedhore me 7.000 nënshkrime. /Makfaks/
Krijoni Kontakt