Efikasiteti i policise shqiptare ne luften kundra krimit

[Brari]

I erdhi fundi me duket dhe Scafisteve.

Ja cthot gazeta shqiptare.

-----------
Me dhjetëra forca policore janë zhvendosur nga Vlora në drejtim të Durrësit e Velipojës. E ndërkohë që në det skafistët u bënin spektakël motovedetave të policisë

Operacioni Qeveritar nga Vlora zhvendoset në Shkodër, një kapet në Durrës, tjetri në Shëngjin

Skafet nga Vlora në Mal të Zi
Malazezët helikopterë e ushtrinë kundër skafeve


--------------------------------------------------------------------------------

VLORE

Skafistët të trembur nga operacioni i policisë shqiptare tentojnë të fshihen në Mal të Zi. Territori i huaj, vetëm disa kilometra larg në vijë detare, iu është dukur skafistëve vlonjatë si një strehë e përshtatshme, për të pritur derisa ujërat të qetësohen në Shqipëri.

Por nga tre skafet e nisura në mesnatë nga Vlora, vetëm një ka mundur të shpëtojë nga ndjekja e gjatë që u është bërë në det. Sipas burimeve nga policia, ata kanë shkuar deri në ujërat malazeze, por këtu sipas agjensisë "Rojter" e cila i referohet agjensisë jugosllave "Tanjug" janë qëlluar me armë nga policia vendase, e cila kishte angazhuar edhe helikopterë për të mos lejuar hyrjen e skafeve shqiptare në ujrat territoriale Malazeze. Në rrugën e kthimit, një skaf është bllokuar në Durrës dhe një tjetër në Shëngjin. Ndërkohë që një tjetër, ka arritur të zhduket pa lënë gjurmë.

Arratisja
Eshtë rikthyer me urgjencë në Shkodër, ish-drejtori i policisë i këtij rrethi, kolonel Pjerin Ndreu. Tashmë i komanduar drejtor i Policisë së Shtetit, ai vazhdon të drejtojë operacionin më të madh antiskaf të ndërmarrë ndonjëherë nga ana e policisë shqiptare. Ardhja e tij në Shkodër, i dedikohet veprimit më spektakolar që skafistët vlonjatë kanë bërë deri tani. Pikërisht, dje ata kanë marrë rrugën për t'u fshehur në brigjet e Malit të Zi. Me dhjetëra forca policore janë zhvendosur nga Vlora në drejtim të Durrësit e Velipojës. E ndërkohë që në det skafistët i bënin dredha motovedetave, policitë lokale nuk ishin aspak në dijeni me atë çfarë bëhej në det. Gjithçka ka nisur rreth orës 01.00 të së mërkurës. Tre skafe gjigandë janë nisur nga brigjet e Vlorës dhe kanë marrë rrugën drejt Veriut. Brenda një kohe të shkurtër ata kanë arritur të hyjnë në derdhjen e Bunës, të ngjitin lumin, kanë përshkuar mes përmes liqenin e Shkodrës dhe kanë kaluar në pjesën malazeze. Por aty kanë hasur menjëherë në rezistencën e forcave kufitare mala-zeze. Duke u gjendur ngusht, të tre skafet janë rikthyer edhe një herë andej nga kanë ardhur. Pasi kanë zbritur brenda pak minutash lumin Buna, ata kanë dalë në Adriatik. Pikërisht këtu kanë tentuar të kalojnë dhe një herë nga territori i Malit të Zi, duke mos u kthyer më nga Velipoja. Por këtu rezistenca e forcave kufitare malazeze ka qenë dhe më e madhe, ku ndjekja në det ka përvijuar me helikopterë dhe skafe. Madje nuk kanë munguar dhe krismat, pasi mësohet se forcat malazeze kanë hapur zjarr ndaj skafistëve shqiptarë. Duke mosgjetur asnjë rrugëdalje, skafet kanë marrë sërish rrugën nga Velipoja për të gjetur ndonjë vend për t'u fshehur përgjatë këtij bregu.

Bllokimet në Durrës e Shëngjin
Sapo kanë dalë në ujërat territoriale shqiptare ndjekja ka nisur sërish e furishme. Sipas burimeve nga Drejtoria e Policisë, pas 6 orësh ndjekje, një skaf është ndaluar në Bisht-Pallë nga ana e policisë së Durrësit. Bëhet fjalë për një skaf të përmasave oqeanike, rreth 13 metër i gjatë, me tre motorrë dhe me 1800 litra benzinë në të. Forcat e policisë kanë vënë prangat mbi dy skafistë që e drejtonin Dilaver Hajdinin, 33 vjeç, lindur në Burrel dhe banues në Vlorë, si dhe Gramoz Meçe, 27 vjeç, lindur e banues në Vlorë.

Sipas burimeve të policisë, skafi mund të transportonte rreth 50 vetë njëherazi. Ndërkohë që më vonë, rreth mesditës, një tjetër skaf është bllokuar në Shëngjin. Policia shqiptare e ka quajtur të suksesshëm bllokimin e dy skafeve që morën arratinë për në Mal të Zi. Por enigmë vazhdon të ngelet fati i skafit të tretë, i cili dyshohet se mos është fshehur përgjatë brigjeve të derdhjes së Bunës.

BILANCI 5-DITOR I OPERACIONIT

¨ 7 skafe të bllokuar
¨ 6 pika karburanti të bllokuara në bregdetin e Vlorës
¨ 3 punishte të bllokuara për riparimin e skafeve
¨ 4 skafistë (drejtues) të ndaluar
¨ 3 bashkëpunëtorë të skafistëve të ndaluar në Fier

------------

Pa te shohëm coc do na kullundrise gjinushi nashti me mafien e Vlores..
Jeshën mësuar keqazi me Sali derdimenin keta kapot e Vlorës po me mjekrroshin e Institutit nuku ja mban bitha.

Hë më te lumte mo Nano se ti ja di zananë atyreve.

-------
Simbas Meros se Bazajve, situata pulitike ne Shqiperi ka ndrishuar kohet e fundit.
Sot ,thot Merua, Nano nuku ka Berishen opozite por trojken MEJDANI-KLOSI-GJINUSHI.

Kushedi pse nuku i kane mire pipzat keta me njeri jatrin.
Une them ta mbeshtesim Shokun Nano nja tre muaj ne keto inisiativat revolucionare kunder ca degeve te Mafies e mos te kakarisim kot.
Edhe gjerat do duken me qarte me vone.

[baobabi]

Ishte rritur shume konkurrenca e skafeve.

Tani do lundroje vetem monopoli Nano

[Brari]

Shoku Stalin ka thene...Pa skafe nuk ka trafik..pa trafik nuk ka prostitucion..

Le te mbyllet nji plage te pakten..

[baobabi]

Do mbyllet thua?

[alumni]

TIRANE (23 Gusht) - Kryeministri Fatos Nano, firmosi sot një kontratë bashkëpunimi me ministrin e Rendit Publik, Luan Rama, ministrin e Drejtësisë, Spiro Peçi, ministrin e Financave, Kastriot Islami, ministrin e Mbrojtjes, Pandeli Majko dhe ministrin e Rregullimit të Territorit dhe Turizmit, Besnik Dervishi. Sipas një njoftimi të Departamentit të Informacionit pranë Këshillit të Ministrave, në bazë të këtyre kontratave qëndron premtimi për luftë pa kompromis kundër çdo lloj trafiku dhe krimit të organizuar. "Marreveshja e neshkruar i referohet programit politik të qeverisë - sqaron njoftimi - në kuadër të angazhimeve që ka marrë në luftën kundër krimit të organizuar, trafiqeve dhe korrupsionit, për arritjen e standardeve të nevojshme për fillimin e procesit të stabilizim-asociimit të Shqipërisë në Bashkimin Europian". Gjithashtu, ne te merren parasysh detyrimet e Republikës së Shqipërisë, që rrjedhin nga marrëveshjet ndërkombëtare dhe legjislacioni i brendshëm për luftën kundër fenomenit trafik te cdo lloji. Duke patur parasysh fushën e veprimtarisë që mbulojnë strukturat në varësi të tyre, si dhe nevojën për rritjen e bashkëpunimit. "Në baze te marreveshjes palet perkatese angazhohen të bashkëpunojnë për realizimin e detyrimeve që rrjedhin nga nënshkrimi i saj duke zbatuar me korrektësi ligjin dhe përgjegjësitë përkatëse. Ato shprehin vullnetin për të rritur nivelin e bashkëpunimit të strukturave respektive të varësisë së tyre, të specializuara në luftën kundër krimit të organizuar dhe trafiqeve të çdo lloji", sqaron njoftimi i Kryeministrisë. in/mr (BalkanWeb)

TIRANE (23 Gusht) - Kryeministri Fatos Nano, firmosi sot një kontratë bashkëpunimi me kreun e Prokurorisë së Përgjithshem, Theodhori Sollaku, dhe atë të Shërbimin Informativ Shtetëror. Sipas Radio RASH, në bazë të kësaj kontrate qëndron premtimi për luftë pa kompromis kundër çdo lloj trafiku dhe krimit të organizuar. Për momentin ende nuk janë bërë publike hollësi të tjera rreth përmbajtjes së këtyre kontratave. in/mr (RASH/BalkanWeb)
_______________________________________________

Nano nuk po le zire pa lidhur kontrate; mos ka marre gje nga Rusoi ki djale?. Mbase e ka te pamundur te kriej detirat me kompetencat qe ka. Mos na merr shembull edhe ndonje eksponent tjeter shteror apo parti te benje te njejten gje - mos eshte edhe kjo e per fshire ne marreveshje?

Po sikur Nano te lidhe (ose te kete lidhur) marrveshje per nje maskarade skafesh, e te marre ne zoterim me pas ate biznes aq fitimprures?

Po sikur Nanos ti shkonje mendja te lidhe kontrate me administratoreet e moderatoret e forumit tone te dashur, cfare te benjem nevej ahere?

[Ema]

Rrugaqerirat politike amballazhohen me te tilla blegerima stilistike
e prodhojne klithma inferiore, ato perdoren nga ustallaret antishqiptare si Nano e te tjere.
Ato nuk gjejne treg tjeter veqse ne shpellat moderne te qeveritarve te tane te "dashur".

[Brari]

Behuni pak tolerante. Ta lem Nanon nja tremuaj te punoje me stilin e tije.
Une kam besim qe ai do bej gjera te mira.
Mos kujtoni se jane me te mire MEKSET, POLLOT e TRITANAT e KOPLIKAT. I pam dhe ata.
Ky ka nji gje qe lepurin e ndjek me zagar ..Cakallin me UJK... dhelpres i gjen panteren..
Saliu i vuri lepujt me kap ujqerit..dhe..deshtoi.

Mafia VLORES po plas nga Inati..Sot vodhen banken ata si SFIDE ndaj Nanos..
Te shohim..Nano do fitoj apo Mafia Vlores..
Mos harrojme se Mafia Vlores talli hallatet me Saliun.


Beso kontrollo thot Partia.

[Vinny_T]

Fatos Nanon asnje nuk e mban per burre te mire, as per te nderrshem, as per njeri me ideale.......lista eshte e gjate me epitete qe mund ti ngjiten.
Fatos Nano eshte ai qe ishte duke e çuar vendin drejt katastrofes vetem per hir te karrieres se tij, qe na beri qesharake perpara keshillit evropian se bashku me salen, qe bllokoi per shkak te situates qe krijoi ne Shqiperi pothuajse te gjitha investimet e huaja per 6 muaj....
Ishte Nano ai qe akuzoi haptazi Meten, Daden, dhe klanet qe ata bejne pjese. Akuzat ishin te drejteperdrejta dhe biles foli dhe me fakte dhe i beri thirrje prokurise qe ti ndjeki penalisht per korupsion, i trajtoi si mafjoza dhe per kete pothuajse i gjithe populli shqiptar e perkrahu pasi u kishte ardhur ne maje te hundes te gjitheve nga gjendja e dhimbeshme ku ndoshej vendi.
Problemi eshte se sot Nano zevendesoi nje qeveri dhe rimori ne pune pas 6 muajsh po ata qe shau e kritikoi, ata qe i quajti mafioza...Nuk diskutohet qe Nano eshte politikani me i talentuar qe eshte ne aktivitet ne Shqiperi ( dhe pse per mua nuk ka me kredibilitet si njeri) po problemi eshte se ne drejtimin e egzekutivit shqiptar Nano ka patur 4 here ne dore te bej reformat e duhura e te udheheqi vendin, dhe kete jo vetem qe se ka arritur dot ta beje por e ka çuar ne katastrofe dhe ka ikur gjithmone si hajdut.
Megjithate duhet te jemi objektiv dhe per momentin me elementat qe kemi duhet pranuar se Nano po usheheq vendin me nje dore te forte, po i heq pothuajse çdo lloj influence ish klaneve te Metes dhe po godet hapur krimin.
Interesat e tija ne nuk i njohim keshtu qe nuk mundet te flasim kot me tifozllik, dhe ta kritikojme pa fakte.
Nano tregoi me keto qe beri vazhdon te jete njeriu me me influence ne politiken shqiptare dhe per ta luajtur vendit duhen njerez te zgjuar qe dine te ndertojne strategji dhe aleanca, perndryshe zorr se luan vendit.
Persa i perket gomoneve per mua ka bere diçka te mrekullueshme per Shqiperine pasi u be gati si profesion legal ne Vlore trafiku i droges, i njerezve, prostitutave....
Me kujtohet qe nje skafist qe kishte trafikuar klandestin per rreth 10 vjet nga Vlora ne Itali dhe pasi pohonte te kishte çuar nga 2 gomone brenda nates per rreth 10 vjet, te kishte bere disa here burg ne Itali, kishte nderruar emra me dhjetra here.......protestonte hapur neper mediat shqiptare kundra nje artikulli te mediave italiane pasi ishte permendur si trafikant!!
Kjo gje ishte qesharake dhe asnje reagim nga ana e ministrise se rendit dhe pse ai fliste ne televizionet nacionale!!
Nano mund te kete bere 100 poshtersira po qe po lufton per momentin trafikantet e klandestineve kete nuk mund ta mohojme.
Pershendetje

[pelin]

Ema,
Me eshte kerkuar nga stafi forumit te te pergjigjem dhe une po e bej.
Se pari,qe te mund te mbash nje qendrim te drejte duhet te degjosh te dy palet.Ti e pate kete mundesi dhe nuk e bere.Eshte puna jote.Po kjo nuk do te thote se une jam 'rrugac' ( jo rrugaq?!)
Se dyti,pavaresisht se cfare opinioni ke ti apo te tjere per Nanon,une kam nje pyetje te thjeshte e modeste per ty : A beri mire Nano,apo beri keq me aksionin policor kunder skafeve e skafisteve ? Nese ti mendon se ka bere mire,se veprimi i ndermarre prej tij ndihmon sadopak disa fatkeqe ne atdheun tone te perbashket,atehere cila eshte arsyeja qe sulmon me gjithe arsenalin tend poetik ? Ti nuk me pergjigjesh dot sepse per ty gjithcka eshte bardhe e zi.Ti nuk mund te mendosh vecse( jo veqse?!) :- Nano eshte i keq ,pra ai mund te beje vetem te keqija,pra veprimi i tij kunder skafeve eshte i keq.Vazhdimin besoj se e ben edhe vete.
Se treti,sa per dijeni,une kam humbur ne ato skafe cnjerezore,njeriun tim te dashur ,dhe jam teresisht pro cdo veprimi kunder tyre,ngado qe te vije,nga Nano,apo babai i Nanos,nga Berisha apo kushdo qofte.Dhe kam minimumin e inteligjences per te kuptuar se nje veprim i mire eshte i mire edhe kur e ben nje i keq,ashtu sic eshte i keq nje veprim i keq i kryer nga nje njeri i mire.
Se katerti dhe se fundi,une nuk kuptoj ,dhe me vjen keq,ku po shkojme me kete indoktrinim te shemtuar politik, me kete 'besnikeri' idioteske,me kete ndarje per jete a vdekje? A nuk te duket edhe ty se 'kush mohon gjithcka ,pohon gjithcka' qe do te thote se 'ekstremet takohen'; a nuk te duket edhe ty se duhet te kulturohemi e te mos mbetemi mjerisht tere jeten duke i 'lehur' njeri tjetrit? A nuk te duket se duhet te zevendesojme pasionin me logjiken per te mundur te gjejme te verteten,se duhet te kemi nje mase te vetme per te gjykuar edhe majtas edhe djathtas? etj
Per sa shkruaje ne adresen time preferoj te te permend Shekspirin :" Me pak art,me teper lende."
Shpresoj te mendohesh pak per sa te shkruajta.
Me respekt.
ps-shpresoj qe edhe stafi te jete i kenaqur.

[Brari]

Mafia ben kunder goditje.

"VLORE ( 23 Gusht ) - Sot në pasdite policia e Vlorës shoqëroi në komisariat 13 persona, për t'u marrë në pyetje rreth grabitjes së degës së Bankës Kombëtare Tregtare të këtij qyteti. Midis të ndaluarve, sipas burimeve zyrtare të policisë, përfshihen edhe punonjës të kësaj banke dhe shoferi i taksisë, që grabitësit përdorën për t'i shpëtuar ndjekjes së policisë. Ndërkaq, prokurori i rrethit Petrit Çano, tha për shtypin se, po vazhdojnë hetimet lidhur me ngjarjen e sotme, por nuk dha detaje rreth tyre. "Ende nuk ka të arrestuar në lidhje me këtë grabitje", shtoi Çano, i cili nuk përjashtoi mundësinë që gjatë orëve në vijim mund të ketë zhvillime të reja rreth hetimeve. Në qytetin e Vlorës kanë mbërritur ekspertët e Ministrisë së Rendit Publik, ndërsa mësohet se në mjediset e bankës janë gjetur gjurmë të vlefshme, që do të ndikojnë në ecurinë e hetimeve. "Po vlerësohen dhe gjurmët që lanë grabitësit në automjetin "Benz", me të cilin u larguan nga vendngjarja", sqaruan të njëjtat burime, sipas të cilave, brenda në automjet, policia gjeti një automatik dhe dy kapele. Dega e Bankës Kombëtare Tregtare (BKT) e Vlorës u grabit rreth orës 09.45 të ditës së sotme. Tre persona të armatosur, por të pamaskuar grabitën prej sporteleve të saj rreth 10 milionë lekë. "
in/mr (BalkanWeb)
-----------

Te shohim si do pergjigjet Nano kto dite.

Pelini mir ke folur ne pergjithsi Por.. Ema nuk te ka then ty "RUGAQ".

Toleranc e mirkuptim duhet.
Ne jemi vec spektatore ne politike.
Tjeret po i privatizojne Hotelet dhe trojet.

[Brari]

Ministri, shifra të ndryshme: "Grabitja, përpëlitje e personave që goditëm gjatë operacionit antitrafik"
Rama: Bankën e vodhën skafistët

Ministri: "Siguria, lë për të dëshiruar. Pati hezitim për t'i dorëzuar policisë kasetën filmike"

TIRANË- "Grabitja e Bankës Tregtare Kombëtare të Vlorës është shprehje e përpëlitjeve të dështuara të personave që janë goditur nga policia gjatë operacionit Antitrafik". Kështu është shprehur ministri i Rendit Publik, gjatë një konference për shtyp, duke fajësuar për grabitjen e Bankës Tregtare të Vlorës trafikantët dhe skafistët që janë goditur ditët e fundit nga policia. Sipas ministrit Rama, dy persona kanë grabitur 1 milionë lekë të reja, (burime të tjera thanë 10.5 milionë lekë) në sportelin e BKT të Vlorës, gjatë mëngjesit të djeshëm. Por uniformat blu të policisë, të cilat kanë mbërritur në vendngjarje kanë bërë të mundur bllokimin e automjetit të grabitësve si dhe kanë ndaluar disa punonjës të bankës, mbi të cilët bie përgjegjësia e grabitjes. Ministri Rama është shprehur më tej se shërbimi i sigurisë së Bankës lë për të dëshiruar. "Madje është vënë re një hezitim nga ana e Bankës për t'i dorëzuar policisë dhe prokurorisë kasetën filmike",-është shprehur më tej ministri Rama. Gjatë konferencës së djeshme për shtyp, ministri i Rendit Publik i ka premtuar opinionit publik se shumë shpejt do të identifikohen grabitësit e bankës dhe do të vihen përpara drejtësisë shqiptare. Ndërsa grabitjen e bujshme të bankës së Vlorës por edhe rikthimin e maskave në Tropojë, ministri Rama i ka cilësuar si përpjekjet e fundit të krimit dhe kriminelëve, që po luftohen "ditë e natë" nga uniformat blu të policisë.
Operacioni
Ministri Rama i ka cilësuar gjashtë ditët e operacionit Antitrafik si tepër të suksesshme për Policinë e Shtetit. "Në Vlorë nuk ka më asnjë gomone dhe asnjë skaf",-tha dje para gazetarëve por edhe para qytetarëve shqiptarë ministri i Rendit Publik, Luan Rama, i cili ka theksuar disa herë faktin se në hapësirën detare shqiptare nuk ka më gomone dhe trafikantë. Prononcimi gati-gati i pabesueshëm i ministrit të Rendit Publik është mbështetur nga fakte të paraqitura nga vetë ai, sipas të cilave sistemet e ndryshme të vrojtimit kanë vënë re vetëm 9 skafe që transportojnë klandestinë nga brigjet shqiptare drejt atyre italiane. "Tetë prej këtyre skafeve janë bllokuar gjatë operacionit, ndërsa skafi i nëntë pritet të kapet së shpejti",-është shprehur më tej Rama. Sipas tij, në gjashtë ditët e para të operacionit, janë bllokuar 8 skafe apo gomone me 3 ose katër motorë, pesë prej të cilëve janë kapur në Vlorë, 2 në Durrës dhe 1 në Velipojë. Gjithashtu, forcat e shumta policore që kanë marrë pjesë në operacionin Antitrafik kanë sekuestruar 3 punishte të riparimit të skafeve si dhe 6 pika karburantesh ku dyshohet se furnizoheshin skafistët. Kanë përfunduar në prangat e policisë 12 skafistë si dhe janë shpallur në kërkim 10 të tjerë, tashmë të identifikuar nga policia. Por pas këtyre statistikave, ministri Rama është shprehur se ky është vetëm fillimi i operacionit Antitrafik, i cili do të vazhdojë i palimitizuar në kohë.
Dekonspirimi
Sipas ministrit Rama, në fillim të operacionit, janë evidentuar 10 punonjës të policisë, të cilët mund të kenë dekonspiruar gjithë planin Antitrafik. Këta persona janë përjashtuar më pas nga dijenia për vazhdimin e operacionit dhe pritet që së shpejti të ndërmerren masa për ndëshkimin e tyre ligjor. Ndërsa lidhur me shkarkimin nga detyra të ish-drejtorit të Përgjithshëm të Policisë, Bilbil Mema, kreu i dikasterit blu tha se nuk ka ndërmend të bëjë eksperimente me drejtues të policisë, që kanë mangësi në drejtimin e strukturave policore. Por ministri i Rendit Publik, Luan Rama, nuk ka bërë të ditur asnjërin prej kandidaturave, që pritet t'i zënë karrigen e Drejtorit të Përgjithshëm të Policisë së Shtetit. "Kandidaturat do të shqyrtohen nga angazhimi në detyrë dhe zotësia që kanë shfaqur deri tani, dhe jo nga lidhjet që ata kanë me ministrin e Rendit Publik",-është shprehur ministri Rama. Sipas tij, të njëjtat kritere do të ndiqen edhe për drejtuesit e tjerë të policisë, të cilët do të shkarkohen dhe emërohen, në Ministrinë e Rendit Publik.

"shekulli"

[Vinny_T]

KORÇE

Grabitet me maska një tregtar mallrash ushqimore sapo del nga shtëpia. Por, pak më vonë, dy të rinjtë ia kanë kthyer shumën prej 4 milionë lekësh, pasi tregtari e kishte njohur njërin.

Ka qenë ora 14.00 e ditës së djeshme, kur Qemal Skënderi, i njohur në këtë qytet si tregtar shumice i mallrave ushqimore, ka dalë nga shtëpia e tij, në rrugën e Kolonjës. Por, pasi ka bërë pak metra rrugë, dy persona me maska e armë i kanë zënë rrugën tregtarit, duke e detyruar të dorëzojë lekët që kishte me vete. Dhe në të vërtetë shuma nuk ishte e vogël. Ishin plot 4 milionë lekë, të cilat menjëherë janë bërë pronë e dy grabitësve. Ndërsa Skënderi, i dëshpëruar është nisur për në Komisariatin e Policisë, ku ka bërë edhe denoncimin. Sipas burimeve policore, pas pak orësh kërkime, Skënderi është paraqitur sërish në polici, kësaj radhe për të tërhequr denoncimin. Shkak për këtë ishte bërë kthimi i paprekur i shumës së lekëve. Siç ka treguar tregtari në polici, njërin prej maskave ai e kishte njohur nga zëri dhe pasi i ka thirrur në emër, ata janë larguar bashkë me lekët. Por, pak më vonë, i riu bashkë me shokun tjetër, emrat e të cilëve nuk janë publikuar, duket se janë bërë pishman, ose trembur, pasi janë diktuar dhe ia kanë kthyer lekët Qemal Skënderit, tregtarit të mallrave të shumicës. Pasi i kanë kërkuar falje për grabitjen, ata i kanë kërkuar atij që ta tërheqë denoncimin, për të mbyllur këtë çështje pa probleme të tjera. Dhe kështu ka ndodhur. Pasi Skënderi ka shkuar në komisariat për herë të dytë, grupet e gatshme që kanë qenë në kërkim të dy të rinjve janë kthyer mbrapsht, pasi çdo gjë ishte zgjidhur.

Pak e çuditeshme te thuhet qe çeshtja u zgjidh kur neper qytet dy grabtes me arme vazhdojne te qarkullojne te lire dhe neser do te grabisin dike tjeter qe nuk do arrije ti njohe, dhe pse policia shume lehte mund ti gjeje qe sot kush jane!

[Brari]

VLORE (27 Gusht) - Kryeministri Fatos Nano morri sot pjesë në djegien e skafeve të bllokuara gjatë operacionit të fundit anti-trafik të koduar "Puna", ku dhe premtoi që aksioni kundër krimit do të jetë i vazhdueshëm deri në përfundim të mandatit të Qeverisë së tij. Sipas Nanos, "toleranca e shtetit ndaj krimit do të jetë zero". "Dua të garantoj vlonjatët dhe të gjithë shtetasit shqiptar, partnerët tanë ndërkombëtarë dhe vendet fqinje, se ky nuk është një aksion i rradhës", tha Nano, duke shtuar ajo që ai drejton "është një Qeveri anti- trafiqe". "Kjo do të thotë - shtoi Kryeministri - se jemi të vendosur dhe të aftë të ç'rrënjosim në realitetin shqiptar gjithashtu çdo lloj trafikimi që dobëson institucionet, administratën civile, shërbimet publike ndaj qytetarëve, që cënon mbrojtjen e lirive dhe të drejtave të tyre themelore". "Ky program aksioni dhe operacionesh të pandërprera që do të zgjasë aq sa mandati i Qeverisë që unë drejtoj, na mësoi se si të zgjidhim problemet që shfaqen, si të evidentojmë dhe plotësojmë vakuumet e bashkëpunimit midis institucioneve në luftën kundër krimit dhe si ti organizojmë e koordinojmë veprimet shumëdimensionale dhe komplekse që sigurojnë suksesin e qëndrueshëm", tha Nano sot gjatë fjalës përgëzuese drejtuar të gjitha forcave që u përfshinë në operacionin "Puna". "Operacinet e nisura anti-trafik - vazhdoi Kryeministri - dëshmuan se kuadri ligjor ekzistues është i mjaftueshëm për t'u aktivizuar në funksion të zbatimit të vullnetit të Qeverisë për të eleminuar trafiqet, korrupsionin, kontrabandën, abuzimet, krimin e organizuar etj. duke plotësuar njëkohësisht kapacitetet funksionuese të shtetit". Nano premtoi se, "ndaj çdo shkeljeje të ligjit, apo abuzime me detyrën, apo mandatin e zgjedhësve, në nivelet qendrore apo vendore, që cënon liritë dhe të drejtat kushtetuese të shtetasve, toleranca e Qeverisë do të jetë zero".

in/mr (RASH/BalkanWeb)

----------
Bjeri.. he me te lumte..

[Beqari002]

Mos e dhente zoti qe Mojsiu te kerkoj te analizohet edhe puna e ish Ministres se punete jashtme Dades ,se perndryshe vaj halli ku do shkoj ndoshta puna por le te mbetet me Memen.
Se biznesi i ministrave shqipetar si duket "i ndyr" pat filluar te luelzoj ne shume aspekte.


Ikjen e Memës e kërkoi Moisiu per trafik makinash me Kosoven


TIRANE (31 Gusht) - Një ndër shkaqet e shkarkimit të Bilbil Memës mund të ketë qenë trafiku i makinave nga Kosova. Gjatë vizitës, më 15 korrik 2002, së kryeadministratorit të Kosovës, Shtajner, në Tiranë, mësohet të jetë diskutuar zgjidhja e problemit të 33 makinave të UNMIK-ut, që deklarohen të humbura në Kosovë dhe që qarkullojnë në Shqipëri. Shtajneri, gjatë takimit me presidentin Moisiu i cili në atë kohë nuk kishte filluar punë akoma "de jure", mësohet të ketë diskutuar dhe të ketë kërkuar ndihmë nga Moisiu për këtë problem. Moisiu problemin e Shtajner dhe të UNMIK-ut ia ka paraqitur Nanos. Ky i fundit ka gjetur edhe një pikë tjetër të dobët te Bilbil Mema për të justifikuar shkarkimin e tij. Janë rreth 33 makina të UNMIK-ut, tip fuoristradash të bardha, që mungojnë në Kosovë. Shtajneri, gjatë takimit me Moisiun, i ka shpjeguar këtij të fundit se për këto makina ka të dhëna të sigurta që qarkullojnë në Shqipëri. Shtajneri mësohet t'i ketë thënë Moisiut se UNMIK-u për këtë problem ka dërguar edhe dosjet në zyrat e Memës, por, sipas Shtajnerit, ky problem akoma nuk është zgjidhur, gjë që nuk ka sjellë reagime të mira nga UNMIK-u. Moisiu, sipas të dhënave, i ka shpjeguar Shtajnerit, se ai akoma nuk kishte kompetenca për ta zgjidhur këtë problem. Kjo pasi në atë kohë Moisiu nuk e kishte filluar akoma mandatin e tij si president. Megjithatë Shtajneri i ka kërkuar Moisiut që ky problem të trajtohej nga ai gjatë kohës së ardhme. Sipas Shtajnerit, UNMIK-u i ka dërguar Policisë së Shqipërisë të gjitha dosjet me të dhënat e të 33 makinave fuoristrada. Në këto dosje ishin të paraqitura të gjitha veçoritë e makinave. UNMIK-u ia ka bërë të qartë Policisë Shqiptare, se këto makina gjenden në Shqipëri dhe i ka kërkuar kthimin e tyre. Nga ana tjetër, Bilbil Mema mësohet t'i ketë kthyer një përgjigje jo të pëlqyeshme UNMIK-ut. Sipas tij, këto makina në Shqipëri kanë pronarë të ligjshëm dhe është e pamundur të sekuestrohen nga policia për t'i kthyer në Kosovë. Pas fillimit të punës si president, Moisiu i ka kërkuar kryeministrit Nano të gjente një zgjidhje për problemin e fuoristradave të UNMIK-ut. Nano këtë kërkesë të Moisiut duket se e ka shtuar në listën e justifikimeve apo të fakteve kundër punës së Bilbil Memës. Kështu, në mbledhjen e qeverisë, të datës 18 gusht, ai ka propozuar shkarkimin e drejtorit të Policisë, Bilbil Mema. Deri tani akoma nuk është gjetur ndonjë zëvendësues i Memës dhe posti i drejtorit të Policisë është akoma bosh. ad/mr (GazetaShqiptare/BalkanWeb)

[Brari]

NANO Shkelmon ZAGARET MAFIOZE NE ADMINISTRATE.

Ashtu i do mushka drute.

NANO ka Flakur kto dite disa plehra..si psh..


Ja cthone gazetat
----------------------------

Ikën dhe Bare, zëvendësi i Klosit
Shkarkohen dhe dy drejtues të tjerë të SHISH-it


--------------------------------------------------------------------------------

TIRANE

Vetëm një muaj pas shkarkimit të Fatos Klosit, është larguar nga Shërbimi Sekret edhe zëvendësi i tij Sokol Bare, njëkohësisht edhe një nga miqtë e Klosit. Por në shkresën e shkarkimit të Bares kanë qenë të shënuar edhe emrat e dy drejtuesve të tjerë të SHIK-ut.

Burime zyrtare të këtij organi pohojnë se janë shkarkuar nga detyra edhe Frederik Ymeri, shef i Antikrimit dhe Eduart Vodica . Kështu Myftarit, drejtorit të komanduar të SHISH, tashmë i duhet të mbajë "mbi supe" drejti-min total të Shërbimit Sekret.

Shkarkimet
Dje paradite kreu i komanduar i Shërbimit Sekret Shqiptar, Petrit Myftari, u ka komunikuar tre vartësve të tij vendimin e shkarkimit. Sokol Bare që mbante detyrën e zëvendësit të Myftarit ka pohuar se e priste këtë largim. Sokol Bare është një nga oficerët e karrierës së Shërbimeve Sekrete. Pasi ka përfunduar ish-shkollën e Ministrisë së Brendshme (dega Sigurim) ai ka nisur punë si oficer i thjeshtë në Sigurimin e Shtetit. E në vitin 1992, kohë kur ai ishte inspektor në Drejtorinë e Policisë së Tiranës ai del i papunë. Deri në mars-prillin e vitit 1997, kur zgjidhet zëvendësministër i Rendit në Ministrinë e Brendshme në Qeverinë e Pajtimit Kombëtar. Por pas rënies së qeverisë dhe largimit të drejtorit të përgjithshëm të Policisë, Agim Shehu, Bare emërohet drejtor policie, detyrë që e mbajti deri në vitin 1998. Pas kësaj Bare shkon në Shërbimin Sekret në detyrën e zëvendësit të Fatos Klosit. Bare ka qenë një nga të dërguarit e posaçëm të Shërbimit Sekret në bisedimet e Rambujesë, dhe për misionin e tij atje pati fërkime edhe me ish-kryeministrin e atëhershëm, Pandeli Majko.

Motivet
Motivi zyrtar i shkarkimit të tre oficerëve madhorë të Shërbimit Sekret ka qenë "reforma në Shërbimin Sekret Shqiptar për t'i hapur rrugë impaktit të ri në funksionet që ata mbanin". Por burime pranë të liruarve nga detyra pohojnë se, shkarkimet e tyre janë më shumë për motive politike. Ata njihen si bashkëpunëtorët më të ngushtë të Klosit, drejtorit të Shërbimit Informativ Kombëtar. Vetë protagonistët nuk kanë preferuar që të komentojnë shkarkimin e tyre. Afro një muaj më parë Kryeministri Nano kishte propozuar shkarkimin e Klosit, propozim që është nënshkruar menjëherë nga Presidenti i Republikës, Alfred Moisiu. Arsyetimet që ka përdorur Nano para presidentit për shkarkimin e Klosit kanë qenë tejkalim i shpeshtë i kompetencave që i ka lejuar ligji, ndërhyrjen në procesin politik të rizgjidhjes së presidentit të ri të vendit. Aftësia në drejtimin e Shërbimit Sekret nuk ka qenë në nivelin e kërkuar dhe shpeshherë nuk është përputhur me progresin e bërë. Lidhjen e Klosit me një nga ngjarjet më të bujshme, vrasjen e deputetit demokrat Azem Hajdari. Për veprimtarinë e Klosit gjatë kohës që ai ka qenë në krye të Shërbimit Sekret, Parlamenti vendosi ngritjen e një komisioni hetimor. Dhe sipas Nanos, largimi i Klosit do të lehtësonte mjaft edhe punën e këtij komisioni. Tashmë kanë nisur thashethemet edhe për kandidaturat e mundshme që do të zëvendësojnë katër drejtuesit e Shërbimit Sekret.
-----------

Ja pse u shkarkua Drejtori i Rinasit
Nano pagoi në lokalin e tij dy shishe 760 mijë lekë


--------------------------------------------------------------------------------

Ilir Babaramo

Zemërimi i Fatos Nanos duhet të ketë arritur kulmin kur kamerieri i ka lënë në tryezë faturën e darkës që ishte plot 1 milionë e 50 mijë lekë të vjetra dhe vetëm dy shishe vere kushtonin 760 mijë lekë. Ky duhet të ketë qenë shkaku që një javë më pas restoranti "të sulmohet" nga 30 policë tatimorë, të cilët e bllokuan menjëherë, konfirmojnë burime të besueshme afër Kryeministrit. Në disa gazeta është shkruar se, lokali që u gjet pa asnjë dokumentacion është pronë e Arben Kokomanit, i cili të shtunën në mbrëmje u shkarkua nga posti i kryetarit të degës së Doganës së Rinasit.

Gjithçka ka nisur të enjten e dy javëve më parë. Nano i shoqëruar nga Xhoana, një qeveritar bashkë me të shoqen dhe tre të huaj shkuan për të darkuar në një rrugicë në afërsi të Prokurorisë së Përgjithshme. Lokali ishte hapur vetëm tre javë më parë, në vilën ku gjatë viteve të fundit të komunizmit kishte banuar ministri i atëhershëm i Ndërtimit, Rahman Hanku. Ajo është pronë e familjes së vjetër tiranase Stërmasi. Ata që e kishin marrë me qira kishin ndërtuar një restorant vërtet shik. Por vetëm kur hyn brenda vilës e dallon se ajo ishte kthyer në lokal. Në hyrje të saj nuk kishte asnjë reklamë apo qoftë dhe një tabelë të thjeshtë ku të shkruhej emri i restorantit. I fshehur diku në një rrugicë, ai dukej si i bërë enkas për njerëz VIP, që kërkojnë të ruajnë privatinë e tyre. Nano ka qenë një ndër frekuentuesit e parë të këtij lokali, i cili gjithçka, si gatimin ashtu dhe verërat i kishte pjemonteze. Sapo Kryeministri bashkë me miqtë është ulur në një tavolinë të veçuar, kamerierët u kanë çuar menutë. Nano ka zgjedhur si fillim verën italiane të markës "Gaja". Në menu ishte e shënuar se kushtonte plot 380 mijë lekë të vjetra. Shtatë klientët e kësaj tavoline e kanë tharë për pak minuta. Nano ka porositur një tjetër shishe nga e njëjta markë. Kur darka po i afrohej fundit Nano është treguar më dorështrënguar. Ka kërkuar një shishe tjetër, e cila kushtonte 100 mijë lekë. Pasi kanë përfunduar dhe këtë shishe, nga të zotët e lokalit u janë çuar si qerasje dhe dy shishe vere e llojit "Moskat" Çmimi i njërës prej tyre ishte 40 mijë lekë. Ndërkohë që ora po i afrohej mesnatës, Nano i ka kërkuar kamerierit llogarinë. Ia çuan menjëherë. Vera që kishte pirë bashkë me miqtë kushtonte 860 mijë lekë, ndërsa ushqimi 190 mijë. Nano ka shtangur. Ka nxjerrë me nervozizëm portofolin dhe ka paguar kokërr më kokërr gjithë shumën.

Shijen e kësaj darke Arben Kokomani e ka ndjerë pak ditë më vonë. Një ekip kontrolli shkon në Doganën e Rinasit. Janë gjetur shumë shkelje, por më e rënda ishte mosfunksionimi i skanerit të doganës. Aparati që bën kontrollin për armë dhe drogë nuk funksionte që prej tre muajsh. Të shtunën, në orët e vona të mbrëmjes u mor vendim për shkarkimin e kryetarit të degës së Doganës së Rinasit. Ndërkohë, pak ditë pasi Nano "shijoi" darkën me çmim të kripur, Policia Tatimore zbarkoi për kontroll. Ishin plot 30 policë me në krye drejtorin e përgjithshëm të Tatimeve dhe atë të Policisë Tatimore. Nuk ishte fare e vështirë për të gjetur shkelje. Lokali nuk kishte asnjë dokument, madje as liçencën për nisjen e aktivitetit. Ndërkohë tatimorët kanë zbuluar se dhe pijet ishin pa pullë fiskale, çka u konsiderua kontrabandë. Kanë sekuestruar rreth 990 shishe vere si dhe disa lloj pijesh tonike. Policia Tatimore urdhëroi mbylljen e aktivitetit si të paligjshëm. Ndërkohë u përgatit gjithë dokumentacioni për t'ia çuar çështjen prokurorisë. Ndërkohë nga organi i akuzës mësohet se ka nisur çështja penale me akuzën e tregtimit të mallrave kontrabandë. Arben Kokomani kishte qenë që prej tre vjet e gjysëm kryetari i Degës së Doganës së Rinasit. Gjatë gjithë kësaj periudhe ai kishte mundur t'i shpëtonte ndryshimeve që bëhen në strukturat drejtuese të doganave sa herë ndryshon dhe qeveria.

-------------------
Si pushoi Nano nga puna dy kamerierët dhe Ardian Maçin


--------------------------------------------------------------------------------

Një tjetër drejtues dogane ka qenë i pafat nga prania e Nanos në një restorant. Ish-drejtori i Antikontrabandës, Ardian Maçi u shkarkua se gjatë orarit të punës po drekonte në të nëjtën kohë me Nanon në restorantin luksoz në afërsi të urës së Farkës, me emrin "Vila 26". Ngjarja ka ndodhur pak ditë para se Nano të bëhej Kryeministër. Ai ishte duke drekuar me disa miq në këtë restorant, kur shikon se kamerierët po i hapnin derën Maçit gjithë përzemërsi. Ka kapur menjëherë telefonin dhe i telefonoi drejtorit të atëhershëm të Doganave, Vaso Pilo. "Nëse ky Maçi nuk largohet nga lokali për dhjetë minuta të pushohet", ishte urdhëri i tij. Pilo mori në telefon mikun e tij dhe i thotë gjithë panik "Ik menjëherë nga lokali ku është shefi". "Të paktën të mbaroj supën", është përgjigjur drejtori i Antikontrabandës. Të nesërmen Maçit i është komunikuar urdhëri i shkarkimit. Të humbur dolën dhe dy kamerierët, pasi Nano i tha i nervozuar administratorit të restorantit që, përse ia hapën me servilizëm derën doganierit.

---------------------
Prokuroria: Nisën hetimet për shitje mallrash kontrabandë


--------------------------------------------------------------------------------

Prokuroria Tiranës ka nisur tashmë çështjen penale në ngarkim të pronarëve të restorantit që u gjet pa liçencë dhe "guxoi" t'i shesë një shishe verë 380 mijë lekë Kryeministrit të vendit. Dokumentacioni i plotë është hartuar nga Policia Tatimore, e cila të enjten e kaluar, një javë pas darkës fatale të Nanos, zbuloi veç të tjerash dhe 990 shishe verë pa pullë fiskale. Me këtë çështje tani po merren punonjësit e krimit ekonomik të institucionit të akuzës. Padia që pritet të ngrejë ky institucion është ai i "tregtimit të mallrave kontrabandë". Veprimet e Policisë Tatimore u kryen me një shpejtësi "për t'u admiruar". Sapo përfunduan përpilimin e aktit të kontrollit dhe pasi konfiskuan gjithë mallin e gjetur në lokalin që mendohet se është i Arben Kokomanit, Policia Tatimore ka çuar menjëherë dosjen në prokurori.

-------------
Një muaj më parë u shkarkua Klosi


--------------------------------------------------------------------------------

TIRANE

Pas dështimit të tentativës së parë për shkarkimin e Fatos Klosit në shtator të vitit 1998, ish-kryeministri i asaj kohe Fatos Nano ia arriti qëllimit në gusht të vitit 2002, pas rikthimit të tij në krye të ekzekutivit shqiptar. Në shtator të vitit 1998, Fatos Nano i kërkoi Klosit të jepte dorëheqjen dhe ish-presidentit Mejdani, që ta shkarkonte ish-shefin e SHIK-ut. Kërkesa u bë pas arrestimit të 6 funksionarëve të lartë që ishin në kohën e PD-së dhe që u akuzuan për genocid. Mejdani, i cili është njohur si një nga mbështetësit e Klosit, refuzoi të firmoste shkarkimin. Në korrik të këtij viti nga dy partitë opozitare PD dhe PS u kërkua ngritja e një komisioni hetimor për të hetuar veprimtarinë e tij. Por ishte përsëri Nano ai që mundi ta rrëzojë kreun e Shërbimeve Sekrete Shqiptare. Ai i paraqiti një kërkesë presidentit Alfred Moisiu, në të cilën i kërkonte shkarkimin e Klosit. Arsyetimi i vërtetë i paraqitur nga Nano tek Moisiu për shkarkimin e ish-kreut të Shërbimeve Sekrete ishte se, Klosi jo pak herë i kishte tejkaluar kompetencat e tij. Klosi akuzohej edhe për përgjim të bisedimeve që çuan në zgjidhjen e presidentit të ri të vendit.

-------------
petrua dhe i vetem trim ne lufte.
Kryetari i Komisionit të ligjeve mbrohet: Petro bën mirë të vizitohet

PS, Plasin sërish polemika
Koçi: Braho ndihmoi trafikantët e drogës


--------------------------------------------------------------------------------

al.kre

TIRANE

Petro Koçi dhe Spartak Braho shkëmbyen polemika dje mes tyre. Dy deputetët e së njëtës parti duhet të jenë shumë larg, ndërsa përmendin fjalët "ndihmoi trafikantët e drogës" apo "i sëmurë psikik".

Kjo ndodhi dje kur ish-sekretari organizativ i PS dhe kryetari i lëvizjes për qeverisje me duar të pastra, Petro Koçi, përmendi emrin e deputetit Braho, si njeriu ndaj të cilit kryesia e PS duhet të merrte masa dhe jo të penalizonte ata që mendojnë ndryshe. "Kryesia e PS duhet të shqyrtonte dhe të propozonte masat që duhen marrë për deputetin Spartak Braho, i cili rezultoi se ka ndihmuar trafikantët e drogës", kështu u shpreh dje Petro Koçi. Ai është bazuar tek çështja e paraqitur pak javë më parë në shtyp, ku u publikua një shkresë e paraqitur nga deputeti Spartak Braho në Ministrinë e Jashtme me anë të së cilës ai kërkonte që të ndërhyej për pajisjen me viza të dy shtetasve, një prej të cilëve një muaj më pas kapet me 21.5 kilogramë drogë në Itali. Ky skandal nuk ngeli pa u sqaruar nga ana e Ministrit të Jashtëm Ilir Meta, emri i të cilit ishte përdorur nga ana e Brahos për marrjen e vizave. Personi i arrestuar sipas shkresës së paraqitur nga Braho, duhet të ishte shoferi i Metës. Në një njoftim të Ministrisë së Jashtme u tha se, deputeti Spartak Braho kishte pranuar se ishte ai që e kishte paraqitur kërkesën për vizat e dy personave. Këtë përmendi edhe Koçi dje. Spartak Braho i pyetur në lidhje me deklarimin e Koçit tha se, nuk dinte gjë dhe se "mbase Koçi duhet të vizitohet tek mjeku". Dje kryetari i lëvizjes për politikë të pastër tha se kryesia e PS duhej që të merrte një vendim në lidhje me këtë çështje sepse gjithçka kaloi në heshtje. Nga ana tjetër ai e krahasoi këtë me kërkesën e Nanos për të mos e kritikuar qeverinë. "Më mirë një qeveri e dështuar se sa kufizim i fjalës së lirë", tha Koçi dje. Ai ka reaguar ashpër ndaj vendimit të dhënë, i cili në radhë të parë rrezikon anëtarët e lëvizjes që drejtohet prej tij.
------------



Jepi NANO se ti ja di zanane ketire jo si Berisha qe ja kalonin miun nen mustaqe dallkauket e tije qe sot bejn qejf ne PDR te Pollo-Tritanit e AD te Neritanit e Pashko Koplikut.
----------

Ja dhe trafikantet e vajzave te vogla qe jane natyrisht pronare te Benzave luksoze protestojne kto dite..
-------
GSH
-------
E kam blerë makinën time në Greqi, thotë Mynyr Avduli, 22 mijë euro dhe e kam të mbyllur në mëshirë të fatit në polici që prej 3 ditësh

FIER/ "S'i kemi blerë për t'i mbyllur". Policia: Presim përgjigje nga Interpoli

Makinat e bllokuara, protestojnë pronarët


--------------------------------------------------------------------------------

Aurora Damini

FIER

Dhjetëra pronarë makinash kanë qëndruar dje para Drejtorisë së Policisë së Qarkut të Fierit dhe kanë kundërshtuar me forcë qëndrimin në oborrin e kësaj drejtorie të gati 145 makinave luksoze kryesisht "Benz", dhe disa marka fuoristradash, prodhime të dy viteve të fundit.

Ata kanë protestuar duke nxjerrë para duarve dokumentacionet e rregullta të makinës, çertifikatat e shitblerjes etj., si dhe duke kërkuar takim urgjent me nëndrejtorin e policisë së Drejtorisë së Fierit. "E kam blerë makinën time në Greqi, thotë 36-vjeçari Mynyr Avduli, nga lagjja "Liri", 22 mijë euro dhe e kam të mbyllur në mëshirë të fatit në polici që prej 3 ditësh. Policia na tha se pret konfirmim nga Interpoli. Kjo nuk është e drejtë, pasi përgjigjja mund të vonohet edhe 9 ditë të tjera". Shumë prej pronarëve të tregojnë dokumentin e blerjes në Itali të makinave me kilometrazh zero dhe thonë se, i kanë për punë e jo për t'i mbajtur mbyllur komisariateve të policisë. Nëndrejtori i policisë u tha pronarëve se "në bazë të urdhrit nga lart, asnjë makinë nuk do të zhbllokohet pa u marrë përgjigjja nga Interpoli Zviceran, nëse këto makina janë të vjedhura ose jo. Ky është një urdhër i prerë, duan apo s'duan poseduesit e makinave".

Që prej disa ditësh nga fillimi i aksionit ka arritur në 145 numëri i makinave luksoze të bllokuara në Drejtorinë e Policisë së Fierit.Deri tani janë bllokuar dhe mbajtur në oborrin e kësaj drejtorie 145 makina, të gjitha prodhim i viteve 2000-2001. Nga këto, 82 janë bllokuar nga Komisariati i Policisë së Fierit, 46 nga Komisariati i Lushnjës dhe 17 nga Komisariati i Mallakastrës.

-------