Finalizohet shitja e Albtelekom kompanisë turke

[Albo]

Pas auditivit të bërë për shitjen e Albtelekomit, do të jetë qeveria që do të thotë fjalën e fundit

Berisha: Fati i Albtelekomit do të vendoset nga një grup qeveritar


N. Perndoj

TIRANË- Kryeministri Sali Berisha ka deklaruar dje se qeveria që ai drejton është duke formuluar qëndrimin përfundimtar lidhur me kontratën e shitjes së Albtelekomit, për të cilën kompania që ka bërë auditivin ka shprehur mangësi te mëdha. “Qeveria shqiptare është duke formuluar qëndrimin përfundimtar të saj dhe ju siguroj se do ta bëjë atë publik. Ndërkohë, kjo nuk ka e penguar dhe nuk e pengon reformën më të thellë të ndërmarrë ndonjëherë për liberalizimin e tregut të komunikimit elektronik në Shqipëri”, - tha Berisha. Megjithatë, një deklaratë e tillë ka sjellë edhe një tjetër reagim të përfaqësuesve të medias për të qenë me konkret lidhur me këtë çështje. I pyetur konkretisht nëse do të ketë një riformulim të kontratës me firmën turke apo do të bëhet një tender i ri, kryeministri Berisha u përgjigj: “Kjo do të vlerësohet nga një grup qeveritar dhe qeveria do të vendosë për këtë. Vendimi do të jetë shumë transparent. E ritheksoj se reformat po vazhdojnë në thellësi dhe shpejtësi në fushën e komunikimit elektronik”, - shtoi ai. Megjithatë, lidhur me këtë çështje, duket se kryeministri Sali Berisha nuk do të japë asnjë qëndrim deri në përfundim të vizitës së tij në Turqi, ku do të takohet me kryeministrin Turk Taip Erdogan, por edhe me biznesmenë të ndryshëm. Pak ditë më parë, kompania turke “Calik Enerji”, ka deklaruar se nuk do të tërhiqet nga kontrata e bërë me qeverinë e fundit socialiste për blerjen e Albtelekom. Presidenti i kompanisë, Ahmet Çalik, u shpreh se problemet me kontratën nuk kanë të bëjnë me Calik Enerji, po me qeverinë shqiptare. Duke folur për raportin hetimor të Deloitte &Touche, Calik u shpreh se përfundimet janë të pavërteta. Ndërkohë, një dokument konfidencial i raportit hetimor të kompanisë Deloitt&Touche vinte në dukje se në kontratën me Calik Enerji dhe në procedurat e ndjekura për privatizimin e Albtelekom, ka shkelje të konsiderueshme. Në raport thuhej se konsorciumi turk, i prezantuar në privatizimin e Albtelekom, nuk ka garanci për shërbimin që duhet të kryejë si operator i telefonisë. Kjo kompani është vlerësuar gjithashtu si një investitor jostrategjik dhe i aftë për të blerë një kompani të përmasave të Albtelekom. Në muajin maj të vitit të kaluar, kur në pushtet ishin ende socialistet, qeveria e atëhershme firmosi një kontratë me konsorciumin turk, për të shitur 76 për qind të kompanisë shtetërore Albtelekom, për shumën e 120 milionë eurove. Anastas Angjeli, ministri i Ekonomisë së asaj kohe, firmosi me Calik Enerji Telekomunikasyon një konsorcium, i përbërë nga Calik Enerji dhe Turk Telekom, sipas tenderit ndërkombëtar të fituar në maj të 2005-ës. Calik Enerji ishte kompania e vetme ndërkombëtare që bëri një ofertë për të blerë aksione të Albtelekomit.

Shekulli

[Lioness]

Kryeministri ndryshon qëndrim përballë homologut turg Erdogan për shitjen e Albtelekomit

Berisha i rikthen turqve Albtelekomin

“Zoti Çalik ka treguar vullnet të angazhohet në rinegociimin e kontratës. Jam optimist në rezultatin e negociatave”


TIRANË- Të gjitha qëndrimet e deritanishme të mazhorancës lidhur me kontestimet e vazhdueshme për privatizimin e Albtelekomit bien poshtë. Kryeministri Sali Berisha ka deklaruar dje në Turqi pas takimit të zhvilluar me kryeministrin turk Tahip Erdogan se Albtelekom dhe Calik Enerji, do të rinegociojnë kontratën e nënshkruar por me disa ndryshime. Berisha theksoi se ky ishte edhe përfundimi i ekspertizës për këtë kontratë. “Unë e informova kryeministrin Erdogan se kompania e konsulencës ndërkombëtare ka mbaruar ekspertizën e saj. Sipas gjykimit të ekspertëve mbi këtë ekspertizë, kontrata ekzistuese ka nevojë të rishqyrtohet në nene të caktuara. Jam informuar se zoti Ahmet Çalik ka treguar vullnet të plotë të angazhohet në rinegociimin e kontratës dhe unë jam optimist në rezultatin e këtyre negociatave. Negociatat janë çështje të kompanisë Çalik dhe Telekomit. Jam në dijeni se ekziston vullneti i përbashkët për t’i shqyrtuar problemet që mbeten për t’u zgjidhur”, - tha ai. Pak ditë më parë, kryeministri Sali Berisha i pyetur pikërisht për këtë çështje në një konferencë për shtyp, nuk bëri me dije vlerësimin që kishte qeveria rreth raportit, duke lënë të kuptohet se një gjë e tillë do të zbardhej vetëm kur kreu i ekzekutivit do të zhvillonte vizitën në Turqi. Dokumenti i raportit hetimor të kompanisë Deloitt&Touche, që kishte mëse dy jave që ishte në tryezën e kryeministrit Sali Berisha, vinte në dukje se në kontratën me Calik Enerji dhe në procedurat e ndjekura për privatizimin e Albtelekom, kishte shkelje.

Raporti

Në raport (referuar një pjese të botuar në media) thuhej se konsorciumi turk, i prezantuar në privatizimin e Albtelekom, nuk kishte garanci për shërbimin, që duhet të kryejë si operator i telefonisë dhe se ajo ishte vlerësuar gjithashtu si një investitor jostrategjik dhe i aftë për të blerë një kompani të përmasave të Albtelekom. Megjithatë, Presidenti i kompanisë, Ahmet Çalik, i cilësoi si të pavërteta konkluzionet në fjalë, në një nga deklarimet tij të kohëve të fundit. Ish-qeveria e PS-së firmosi një kontratë me konsorciumin turk, për të shitur 76 për qind të kompanisë shtetërore Albtelekom, për shumën e 120 milionë eurove. Calik Enerji ishte kompania e vetme ndërkombëtare që bëri një ofertë për të blerë aksione të Albtelekomit, ndërkohë që lidhja e kësaj kontrate u kontestua ashpër nga opozita e atëhershme e PD-së e cila e cilësonte absurde dhe qesharake shitjen e Albtelekomit për një shumë sa më sipër. Megjithatë me ardhjen në pushtet të PD-së, qëndrimet u zbuten duke ia lënë në dorë një kompanie te huaj kontrollin. Në analizën gjashtëmujore, pas përfundimit të raportit, Ministri i Ekonomisë, Genc Ruli, dha dy variante lidhur me kontratën e shitjes. Ai theksoi se në rast se në raportin e kompanisë Deloitt&Touche janë respektuar procedurat për privatizimin e Albtelekom-it, atëherë qeveria shqiptare do të rinegocionte drejt përfitimit më të madh në favor të shitësit që në këtë rast është qeveria shqiptare. Në të kundërt, sipas tij, në fund të këtij viti Albtelekom sh.a do të kalonte edhe një herë në proces privatizimi.

[Forumisti]

Ore si ka mundesi qe Berisha ndryshoi qendrim keshtu papritur???

[Forumisti]

me sa duket as ja ndjeka njeriu per telekomin
sikur humbim shume nja 200 milion euro sjane gje
zere se ja falem Berishes ose Argites
fundja fundit 500-1000 euro per familje i bie

[njemik]

Po ca tjua ndjej
Shikoje fillimin e temes te kuptosh se shumica ca s
kane shkruar qe kjo mareveshje vjen era korupsion dhe i bie qe tja fusin vetes
nuk me kuptove??
Ja po te pregatis disaq shembuj me poshte duke zevendesuar emrin e nanos me te Berishes

[njemik]

JA SI DO TA SHKRUANTE RD ARTIKULLIN NESE DO TE ISHTE E INTERESUAR PER FATIN E PARAVE TE SHQIPTAREVE DHE JO PER SALI BERISHEN
Shenim Artikulli eshte origjinal i Gazetes rd dhe vetem eshte ndruar emri i Nanos me ate te Berishes

Berisha zhvat paratë e Telekomit për zgjedhje

Fatos Berisha ka privatizuar tetë javë para zgjedhjeve parlamentare një nga ndërmarrjet publike kryesore të vendit, atë të Albtelekomit. Vlera e shitjes së këtij institucioni është mjaft qesharake, po të kihet parasysh se çfarë përbën në vetvete ky institucion. Sipas ministrit të Ekonomisë dhe Privatizimeve, 76% e aksioneve të Albtelekomit janë shitur me një vlerë prej 120 milionë Euro, një shifër krejt qesharake po të kihet parasysh se cili është tregu për një ndërmarrje të tillë. Maqedonia e ka shitur Telekomin e saj katër vjet më parë, katër herë më shtrenjtë se sa e ka shitur dje qeveria "Berisha". Diferenca është mjaft e madhe dhe kap shifrën e 360 milionë Eurove. Telekomi i Çekisë, vend i cili ka rreth 11 milionë banorë, u shit dy javë më parë për 2.7 miliardë Euro dhe kjo shifër u konsiderua mjaft e vogël nga opozita e atij vendi. Kuptohet lehtësisht se sa lirë është shitur Telekomi shqiptar nga qeveria "Berisha".

Oferta e '95-ës ishte 500 milionë USD

Oferta në '95-ën për privatizimin e 51% të aksioneve të Telekomit shqiptar ishte 500 milionë USD. Në atë kohë, Telekomi shqiptar kishte gjysmën e abonentëve që ka sot dhe nuk kishte liçensë mobile. Sot ka një liçensë mobile, liçensë ekuivalente që i është shitur katër vjet më parë Vodafonit, me një vlerë 38 milionë Euro. Por vlera e shitjes nuk kap as vlerën e investimeve që janë bërë në këtë institucion gjatë këtyre 15 viteve të fundit. Investimet në Telekom gjatë viteve '92-'97 kapin shifrën e 100 milionë USD, ndërsa gjatë këtyre viteve investimi ka qenë po kaq, rreth 100 milionë Euro të tjera. Po t'i shtohen kësaj edhe vlerat e godinave, kullave për radiorele, që ka në të gjithë territorin e Shqipërisë si dhe troje të ndryshme, vlera e Telekomit e parë vetëm në këtë këndvështrim shkon mbi 300 milionë Euro. Ndërkaq, xhiroja vjetore e dy viteve të Telekomit kap shifrën e 150 milionë Eurove.

Por Albtelekom është një institucion, i cili rezulton me fitim prej vitesh. Fitimi tetë vjet më parë, në '97, ka qenë rreth 20 milionë Euro. Albtelekomi vazhdon të jetë monopol në shërbimet e telefonisë fikse. Ka një numër prej 280 mijë abonentësh. Ndërsa kompania turke, e cila ka privatizuar Telekomin, është një kompani shtetërore. Në privatizim duhet të merrnin pjesë kompanitë amerikane AT&T dhe gjigandë të tjerë europianë të telekomunikacionit, Telekom Italia, Deutche Telekom, France Telekom, British Telekom etj., të cilat nuk janë ftuar nga qeveria "Berisha".

Berisha, vjedhjet e minutës së fundit

Kryeministri Berisha ka ndërmarrë gjatë këtyre javëve të fundit aq vendime për privatizime, sa qeveria socialiste nuk ka mundur të bëjë gjatë tetë viteve të saj në qeverisje. Megjithë thirrjet e vazhdueshme të opozitës për të ndërprerë të gjitha privatizimet në prag të zgjedhjeve, hovi i Fatos Berishas për të zhvatur sa të jetë e mundur nga pasuritë publike, nuk është ndalur. Nga njëra anë, këto privatizime të shpejta tregojnë se vetë kryeministri Berisha është i bindur se ai nuk do të mund të gëzojë një mandat të ri qeverisës me partinë e tij, se e ka të sigurt opozitën, ndaj po bën të gjitha përpjekjet për të grabitur sa më shumë t'i jepet mundësia. Nga ana tjetër, gropa e madhe që i krijohet shtetit, duke mos arritur të mbledhë të ardhurat e duhura nga këto privatizime, është mjaft e madhe. Të gjitha privatizimet e bëra, siç është edhe ai i dy ditëve më parë me Albtelekomin, flasin qartë për abuzime skandaloze të Fatos Berishas me ndërmarrjet publike. Të gjithë tenderat kanë qenë të dyshimtë. Ato janë bërë sa për sy e faqe, ndërsa fituesit janë përcaktuar prej kohësh nga ana e Fatos Berishas. Të gjitha këto vjedhje para zgjedhjeve vënë në pikëpyetje dhe destinacionin e këtyre parave. Gjatë zgjedhjeve parlamentare të katër viteve më parë, Guvernatori i atëhershëm i Bankës vuri kujën për përdorimin e të gjithë fondeve të investimeve për fushatën elektorale të PS. Ndërsa tani, kuja më e madhe është se po vidhen ndërmarrjet kryesore publike nga një uzurpues i vetëm që e ka emrin Fatos Berisha. Nuk është vetëm Telekomi në radhë që pret privatizimin, por është edhe "Armo", një tjetër kompani shtetërore, të cilës Berisha ia ka gjetur pronarin, por që pret ta shpallë gjatë ditëve të ardhshme në një tjetër ankand farsë, si ai i dy ditëve më parë për Albtelekomin.

RD

[njemik]

Ja dhe Brari
edhe ketu kemi bere zevendesimet respektivisht nanon me Berishen dhe Xhoanen me Lirine

Nuk i duall kot Liria Erdogan efendise.. me ferexhe..

Kushedi sa kan xhvatur Berish ortodoksi me Erdogan musulmanin ne xhepat e tire..
Ca prandaj vene ne kisha e xhamija..
qe o Allah e Krisht na fal hajdutlleqet tona..
na ngfjit dora skemi cbejme..

[njemik]

Tani eshte rradha e Antimafias
ketu keni parasysh qe Ben Ahmetajn mund ta zevendesoni fare mire me keshilltarin e Berishes Ylli Panariti i cili ashtu sic ahmetaj kishte Hermesin ka nje kompani AOL e cila ben te njejten pune... lexim te mbare

Don Qorri ( padrinoja i mafies shqiptare Fotiadh Berisha) me shitjen e Albtelekomit, vret me nje gure dy zogj.

1- Duke privatizuar Albtelekomin i heq te drejten Kontrollit te Larte te Shtetit, qe te kete mundesi te hetoj me vjedhjet qe i jane bere Albtelekomit shqiptar nga duart e gjata te Berishas, Dhimitraq Rafterat dhe Arben Ahmetajt. (KLSH kontrollon vetem kompanite shteterore,ama nuk ka te drejte te kotrolloj dekumentacionin e nje kompanie private)

Pse permenda Arben Ahmetajn?!?!


Arben Ahmetaj (sot kandidat per deputet tek 21-Dhjetori, perball Lulzim Bashes) eshte pronari i firmes telefonike "Hermes".

Firma "Hermes" eshte nje firme qe ofron sherbim telefonik brenda per brenda Shqiperise dhe me konkretisht ne zonat rurale. Kjo firme ka rreth 7 mije abonent.

Tani vjen me absurdja.

Firma "Hermes" me 7 mije abonent te zonave rurale, ka patur nje xhiro vjetore ne 2002,2003, 2004, 3 here me te larte se Albtelekomi.

D.m.th.

7 mije katunare nga Dibra, Burreli, Librazhdi, Vlora apo ku ta di une se ku, kane folur me njeri tjetrin ne telefon p.sh. 30 mil. minuta/vit.

Kusuri i Shqiperise duke perfshire edhe mijra te punesuar ne administraten shteterore ( qe e kane telefonimin pa para nga xhepi i tyre, por me parate e shtetit) kane folur vetem 10 mil. minuta/vit.



2- Duke shitur Albtelekomin disa here nen vlere, futet ne veprim ligji i pashkrur : hajdut-bleres.

Sipas ketij ligji qe gjen veprim kudo ne boten, hajduti perfiton 1/3 e vleres, qe ka nje mall po te blihej ne rruge legale ( perndryshe bleresi nuk ka pse ta blej)

Pra ne qofte se Albtelekomi ka patur nje vlere reale 500 mil. € dhe per to u paguan 120 mil. $ ateher kemi 500-120= 380 mil. $

380 mil. /3 = 126,66 mil. $ eshte vlera qe perfiton hajduti Berisha.

Per te qene brenda me llogarite e mija, po them:

100 milion $ kane kaluar ne llogarite bankare te Fatos Berishes.

[njemik]

Brari ke ndonje koment apo ska shkruar gje repka rdja a 55 lidhur me kete teme

[njemik]

O Albo dje hapa nje teme per shitjen e re te albtelecom nga Berisha
E paske fshir pa derguar as ate mesazhimn qe tema transferohet ne koshin e forumit
me sa kam pare edhe disa tema te tjera qe jane hapur per te njejten ceshtje nuk jane lejuar
Mendoj se jo vetem duhet ti lejosh por duhet te ishe ti ai qe duhet ta hapje te njejten cesshtje
jane qindra milione leke te shqiptareve qe zhduken plako.
nuk te duket arsye per te zhvilluar nje debat ne forum

te ftoj te reflektosh si shqiptar dhe te mendosh si shqiptar qe ka si fe shqiptarin dhe jo berishizmin
flm