Cmimet "KULT"

[liliella]

Çmimet “Kult” shpallen emrat e kandidatëve


Konkursi

Nuk janë më të panjohur kandidatët për Çmimet “Kult”. Në një konferencë për shtyp, organizatorët e këtij aktiviteti kanë bërë publik dje 48 emrat e kandidatëve, mes të cilëve do të zgjidhen 12 fitues për 12 fusha të artit, duke filluar që nga filmi më i mirë, aktori i vitit, piktori, këngëtari, regjisori, shkrimtari, etj. Në këtë listë emrash, përzgjedhur prej një jurie profesioniste, e cila është bazuar jo në karrierën e këtyre artistëve, por në aktivitetet e tyre gjatë vitit 2004, shquhen artistë të njohur e më pak të njohur. Kështu mes kandidatëve janë Edmond Budina, Artan Minarolli, Mevlan Shanaj e Gjergj Xhuvani për regjinë filmike, Ema Andrea, Yllka Mujo, Olta Daku, Robert Ndrenika, Roland Trebicka, Ndriçim Xhepa, Fatos Sela për aktrimin, Gazmend Leka, Najada Hamza, Ardian Isufi, Orion Shima për pikturën, Roland Tasho, Albes Fusha, Rudina Memaga, Agron Mesi për fotografinë, Hervin Çuli, Mehmet Xhelili, Kiço Londo dhe Mihallaq Luarasi për regjinë, Artan Fuga, Ervin Hatibi, Ardian Vehbiu, Frederik Rreshpja për librin më mirë, Ardit Gjebrea, Pirro Çako, Irma Libohova dhe Redon Makashi për albumin më të mirë muzikor, Edi Blloshmi, Enada Hoxha&Gerd Vaso, Eva Seraj kandidat për balerinin e vitit, Nora Çashku, Fatos Qerimi, Merita Rexha dhe Astrit Selita për instrumentistin më të mirë, Sidri Bejleri, Vikena Kamenica, Suzana Frashëri dhe Mariana Leka për këngëtarin më të mirë lirik, Fatos Baxhaku&Esat Mysliu, Saimir Kumbaro, Arben Milo dhe Anila Varfi për dokumentarin. Sipas Ylli Sulës, një nga organizatorët e aktivitetit, me çmim “Kult” nuk duhet kuptuar një çmim karriere, apo inkurajimi për më të rinjtë. Fituesit do të jenë më të vlerësuarit për aktivitetin që ata kanë zhvilluar gjatë vitit të shkuar. Prezantimi i 48 emrave të kandidatëve, ka shënuar mbylljen e fazës së parë, e cila do të pasohet nga një tjetër fazë, ku futen në lojë 5 juritë e tjera, si ajo e gazetarëve, institucionale, e artistëve, e menaxharëve të artit etj. Një rol të veçantë do të luajë edhe vota e publikut, e cila ka një vlerë gati të barazvlershme me votën e jurive të tjera. “Çmimet “Kult” nuk janë çmime akademike, por të publikut. Kjo është arsyeja pse kemi shpallur edhe disa juri”, - është shprehur Ylli Sula. Ndarja e çmimeve do të bëhet në datën 9 prill gjatë një spektakli që do të zhvillohet në “Pallatin e Kongreseve”. Sipas producentes dhe prezantueses Rudina Magjistari, do të jetë një mbrëmje ku nuk do të mungojnë personalitetet e njohur, të ftuarit dhe elementë të veçantë regjisorialë e skenikë. Aktiviteti i ndarjes së çmimeve “Kult” realizohet me mbështetjen e Ministrisë së Kulturës, Rinisë dhe Sporteve nga revista “Kult” dhe shoqata “Art Grup”.
a.mile


kjo besoj ja vlen te diskutohet ...

[Henri]

Mehmet Xhelili fitoi për regjinë teatrale, kurse Xhuvani për regjinë filmike.
Ndriçim Xhepa nga aktorët, Yllka Mujo nga aktoret.
Fatos Qerimi për instrumentistët
Gazmend Leka për pikturë
Frederik Rreshpja për librin më të mirë
Ardit Gjebra për ....
Enada Hoxha & Gerd Vaso për balerinin më të mirë
Fatos Baxhaku & Esat Mysliu për dokumentarin më të mirë.

Kaq mora vesh nga MSN unë, si dhe faktin që Ardit Gjebrea çmimin prej 300'000 lekë të reja që fitoi ia kishte dhuruar të gjithin një vajze nga Lezha që po humbet shikimin.

[Orion_DYRRAHU]

Brravo i qofte Arditit!

Digjitheçka-je, mire ti?

[Henri]

Ti hiqmu sysh, tre mesazhe e s'më ke kthyer asnjë pipëtimë. :)

Ndonjë artikull për ty kur do ta shkruaj unë, ose ndonjë intervistë ekskluzive, se më duket ka ardhur koha për informacion të ri nga arti i sportit.

Fituesit e tjerë u shpallën në ndonjë gazetë?