Kreshnik Qato, kampion bote në boks

[manoklla]

Deri sa te mundi ndonje boksier amerikan te njohur ne MSG ose ne Vegas, si psh Witherspoonin, sme mbushet mendja. E si mund te shpallesh kampjon bote ne Durrse, ku nje gjyqtar ishte shqiptar? Kampjon behesh vetem ne Amerike kur ndeshjen e jep ESPN, jo te Ramazan Njala.

[White_Angel]

22 Mars Ambasadori Kastriot Robo: "Qato, krenaria e të gjithë
shqiptarëve në Mbretërinë e Bashkuar"

Shqiptarët e Londrës, pritje madhështore Kreshnik Qatos

Nga Londra
Muhamed Veliu

Qato: "Ndjehem më shumë shqiptar në Londër mes këtyre njerëzve, se
sa u ndjeva në Shqipëri"

Fundjava për emigrantët shqiptarë në Londër ka qenë e veçantë. Ata
kanë pritur në mënyrë madhështore mbërritjen e kampionit Kreshnik
Qato, në aeroportin e Heathrowt të shtunën, ashtu siç i ka hije
kampionëve. Ndërsa të dielën në rrugën "West Green", pub-i "The
Dome" është shndërruar në një mini pallat sporti, ku është parë nga
monitorët televizë ndeshja e zhvilluar më 5 mars në Durrës, ku Qato
fitoi titullin kampion bote.

Mbërritja

Rreth 100 shqiptarë që jetojnë e punojnë në Londër, plot gëzim dhe
krenari, duke valëvitur flamurin shqiptar, kanë mbërritur në
aeroportin më të madh të Anglisë, atë të Heathrowt. Nuk po niseshin
për të ndjekur ndonjë ndeshje të Kombëtares tonë, siç e kanë bërë
shumë prej tyre herët e tjera, por kishin dalë për të pritur njeriun
që i bëri të ndihen kampionë. Boksierin durrsak Kreshnik Qato.


Aeroporti

Është hera e parë që ambientet e brendshme të aeroportit kanë kaq
shumë shqiptarë, ku shumica janë veshur kuqezi. Një grup policësh
kuriozë dhe mbi të gjitha "vigjilent", bisedojnë me një grup prej
tyre, të cilët i tregojnë se po presin një boksier, një
bashkëpatriot të tyren, që është kampion bote në boks. Sqarimi ka
qenë mëse i mjaftueshëm për policët e aeroportit. Kur akrepat e orës
shënojnë 19:00, në ekranin e mbërritjes së avionëve disa minuta më
pas shënohet ulja e avionit me të cilin ka udhëtuar Qato. Emocionet
shtohen për të gjithë, më shumë për Nik Berishën, presidentin
e "Alban Travel", i cili së bashku me biznesmenin tjetër të nderuar,
Toni Sinan, themelues i kompanisë "Progressive Protection", për herë
të parë sollën në Shqipëri boksin profesionist. Minutat duken orë
për shqiptarët, të cilët janë grupuar përballë daljes së
pasagjerëve. Janë emocione të përjetuara tellë nga ata. Shumë prej
tyre tregojnë se kanë vite që nuk e kalojnë pragun e aeroportit, kjo
nga mospasja e dokumenteve. "Do të kishim shumë dëshirë ta ndiqnim
ndeshjen në Durrës, por ja që s'kemi letrat", thotë Taulanti nga
Berati, që mban një flamur në dorë. Njerëzit që dalin nga aeroporti
shikojnë me habi grupin e shqiptarëve, pa e ditur misionin e tyre.
Dhe ja, mes tyre është parë Qato, ai për të cilin bashkëkombasit e
tij në formë respekti kanë dalë për t'i uruar mirëseardhjen. Vetë
Kreshniku nuk e kishte parashikuar një surprizë të tillë, e cila iu
është mbajtur sekret.

Limuzina

Të gjithë duartrokasin për Qaton, duke u shtyrë për ta përqafuar dhe
bërë fotografi. Vetë Qato është i emocionuar. Por surpriza për të
nuk ka qenë vetëm pritja me flamuj dhe brohoritje në aeroport, që pa
dyshim ka qenë një gjest prekës për kampionin. Një limuzinë e bardhë
priste te dera e aeroportit, njësoj sikur të priste një nuse dhe një
dhëndër, siç e ka bërë shpesh shoferi i saj. Por, në fakt, kësaj
radhe do të ishte Kreshnik Qato ai që do të meritonte të ulej në
brendësi të saj, duke u shoqëruar me blicat e shumtë të aparateve
fotografikë, që shkrepeshin pareshtur të gjithë në një kohë.


diela mbushur me vizita bashkatdhetarësh

Pa u shplodhur ende nga një natë e gjatë pa gjumë, Kreshnik Qatos i
është dashur që të dielën të jetë i angazhuar në një tjetër
veprimtari. Kësaj radhe qytetarit të nderit të Durrësit do t'i duhej
të përshëndetej me qindra shqiptarë në veri të Londrës, që kishin
ardhur për ta uruar. Pub-i "The Dume" është mbushur plot. Të gjithë
janë krenar, se mes tyre më në fund një shqiptar theu akullin, duke
u dëgjuar për mirë. Vetë numri i diplomacisë shqiptare në Londër,
ambasadori Kastriot Robo, kishte anuluar planet e një dite pushimi
me plot diell në Londër, për të nderuar me prezencën e tij dhe
stafit të ambasadës veprimtarinë. Nderimi i kampionit duhet të
shkonte deri në fund. Një grup djemsh e kanë sjellë atë me limuzinë,
njësoj si në ceremonitë madhështore me tapet të kuq, ku VIP-at e
kinematografisë mbërrijnë në premierat e filmave në kinemanë "Odeon"
në qendër të kryeqytetit britanik. Qato zë vend pranë një tavoline
në krye të pub-it, vetëm atëherë kur i ka shtrënguar duart me të
gjithë. Nik Berisha së bashku me Toni Sinan, mikpritësit e kësaj
ceremonie, pasi kanë falenderuar të pranishmit, ia kanë dhënë fjalën
ambasadorit Robo. "Është nder i veçantë për mua dhe për kolegët e mi
diplomatë të jemi sot mes jush, këtu në veri të Londrës, për të
përgëzuar dhe uruar Kreshnik Qaton. Fitorja e tij është shumë domethënëse për boksin shqiptar, në veçanti për komunitetin shqiptar
në Britaninë e Madhe, i cili ka nevojë për individë të suksesshëm që
të përfaqësojnë denjësisht vendin tonë dhe të shërbejnë si shembull,
se në mes jush ka individë të suksesshëm. Pa ndrojtje mund të
deklaroj se, Kreshniku është krenaria e të gjithë shqiptarëve në
Mbretërinë e Bashkuar. Puna jonë si ambasadë është forcimi dhe
organizimi i komunitetit shqiptar, ku pa dyshim një vend të veçantë
ka zënë dhe do të zërë në të ardhmen promovimi i shqiptarëve të
suksesshëm, siç është Kreshnik Qato në boks, apo edhe shumë të tjerë
në fusha të ndryshme", ka thënë ambasadori Robo. Emocionet shtohen,
pse jo ato bëhen më të forta kur nga ekranet e vendosura në dy anët
e pub-it fillon të transmetohet ndeshja e 5 marsit. Qato vështron me
kujdes ekranin, njësoj sikur të mos ishte ai heroi i atyre 12
raundeve që sollën suksesin. Por, Qato në një minikonferencë shtypi
me gazetarët, pranon faktin se ka mbetur i shtangur nga e gjithë kjo
pritje madhështore. Ai tha: "Jo vetëm unë, por edhe i gjithë stafi
im i trajnerëve kanë mbetur të shtangur nga kjo ceremoni. Ndjehem
shumë mirë, mbi të gjitha se e mbajta fjalën se nuk do të zhgënjeja
askënd. Respekti që kanë treguar ndaj meje shqiptarët e Londrës
është mbresëlënës". Megjithëse të nesërmen e shpalljes kampion bote,

pushtonte faqet e para të gazetave të Tiranës, u shpall "Qytetar
Nderi" i Durrësit, u prit nga politikanët më të lartë në Shqipëri, u
duartrokit dhe u brohorit gjatë nga bashkëqytetarët e tij, nuk
ngurron të pohojë me sinqeritet: "Ndjehem më shumë shqiptarë këtu në
Londër mes këtyre njerëzve, se sa u ndjeva në Shqipëri. Këta njerëz
janë pikërisht ata, të cilët ma shtojnë motivacionin për ta çuar
përpara punën time".




White_Angel

[Permeti_Boy]

Bravo Kreshnik......Ke Bre nje Sakrifc ...Te madhe .....Zoti Te ndihmofte.....Dhe te Uroj Suksese

[Jimy]

Edhe pse nuk e due boksin si sport e shikova krejt meçin.
Me ju thene te verteten se komentator sporti ne jeten time nuk kam degjuar si ate te TVSH-se!
Ai aq emocioni kishte sa nuk e dija a eshte ai ka bokson apo Kreshniku ose Niko siç e quante ai.

Per ju qe skeni pas mundesi ta ndjekni ne ekran te ju them se ky komentator e kishte zerin e Sali Berishes por fliste 10 here me shpejte. Ndoshta e imagjinoni.

Urime Kreshnikut se ishte nje boksier inteligjent dhe besoj qe edhe ne te ardhmen nuk do ti mungojne sukseset.
URIME!

P.S.
Edhe breket e tij me ate shqiponje me imponuan dhe me shtune ta shikoj gjer ne fund.

Ai qe komentonte ndeshjen quhet Ahmet GOLEMI, ka qene nje nga boksjeret me te mire te shqiperise(balerina e boksit shqiptar) dhe me pas tranjer ku ka nxjere talente te reja.Une ndeshjen e kam pare me kureshtje te madhe, dhe Niku e meritonte fitoren, dhe ashtu siç godiste bukur dinte te mbrohej edhe bukur.Me vjen mire qe di te vleresosh komentatorin . Meti (keshtu e therrasin) gjate gjithe kohes i jepte zemer Nikut per te mos u mposhtur, dhe i thoshte : kujdes mbrohu mire ai eshte nje skile e vjeter, nje keshtjelle qe nuk do te mposhtet, por edhe ti Niku nen hijen e nje keshtjelle je rritur,mudohu hiqja gurret nga poshte dhe gjithshka rezohet vete.

Sa per dijeni komentatori eshte xhaxhai im,e pershendes nga Franca.

LA VIE LA VRAI

[Shpirt Njeriu]

Kreshnik Qato kampioni shqiptar i botës në boks!!

--------------------------------------------------------------------------------

Fiton Kreshnik Qato, gjakoset rusi Donestkity


--------------------------------------------------------------------------------

Nga i dërguari ynë Muhamed Veliu


Kreshnik Qato kampioni shqiptar i botës në boks, ka dalë fitimtar të dielën nga ringu i sallës Ekuinoks në qendër të Londrës, pas një ndeshjeje të vështirë me Ruso- Britanikun Dhimitri Donestkity e vlefshme për eleminatoret e Federatës botërore të Boksit ËBF. Në një sallë ku dominote ngjyra kuq e Zi në prezencën e rreth 800 shqiptarëve dhe shumë britanikëve, Qatos i ka buzëqeshur fitorja, në raundin e gjashtë. Kundërshtari është tërhequr nga loja në këtë raund pas një goditje të fortë nga Qato që në raundin e 5 i shkaktoi çarjen e vetullës së djathtë. Atëherë kur duheshin vetëm 40 sekonda nga përfundimi i raundit të fundit, gjyqtari anglez duke parë gjendjen e rënduar të rusit dhe daljen e gjakut papushim nga vetulla, ka ndërprerë ndeshjen. E ndërsa rusi me kokë të ulur, i sakatosur nga grushtet e kampionit shqiptar i është drejtuar cepit të ringut për të marrë ndihmë mjekësore, salla ka gumëzhirë nga triumfi i yllit shqiptar të boksit Kreshnik Qato. Vetëm një minutë më vonë katër gjyqtarët anglezë të ndeshjes kanë dhënë rezultatin me pikë 60-me 55, në favor të Qatos. Ka qenë një moment i jashtëzakonshëm që ka provokuar një "uragan" brohoritjesh, Niku kampion- Niku kampion, valëvitje flamujsh pse jo dhe lot për të pranishmit në sallë.

Atmosfera
Shqiptarët e Anglisë kanë bërë histori të dielën,pasi për herë të parë në këto 15 vitet e fundit arena e boksit në diskon Ekuinoks ka përjetuar një atmosferë kaq energjike në mbështetje të Qatos. Ka qenë një atmosferë e zjarrtë, e cila nuk krijohet shpesh në sallën e diskos Ekuinoks e kthyer në një arenë boksi, dhe kjo falë 800 mbështetësve shqiptarë në sallë. Organizatorët anglezë të ndeshjes janë shprehur se është hera e parë në këto 15 vitet e fundit që ata janë dëshmitarë të një supermbështetjeje kaq të madhe, krijuar nga shqiptarët e Anglisë, ekskluzivisht për Qaton.

Kronologjia
Si edhe në ndeshjet e tjera kampioni Qato ka hyrë në ring duke mbajtur të lidhur pas shpatullave flamurin kuq e zi. Ai është shoqëruar në ring nga një bukuroshe indiane, e cila valëviste flamurin shqiptar. Ekzekutimi i himnit përpara ndeshjes, i kënduar nga të gjithë të pranishmit në sallë, ka ngjallur emocione të paimagjinueshme dhe habi tek joshqiptarët e pranishëm, të cilët asnjëherë nuk kanë parë aq shumë entuziazëm në sallën e Ekuinoksit. Ruso-Britaniku Donestkity, i cili jeton në qytetin e Southamptonit, pa asnjë mbështetës në sallë është ndjerë përballë një presioni psikologjik të jashtëzakonshëm, si pasojë e supermbështetjes që gëzonte kundërshtari i tij shqiptar. Raundi i parë ka qenë me plot emocione për Qaton nga vetë superatmosfera e krijuar nga shqiptarët. Kundërshtari rus ka shfaqur ashpërsi, duke goditur më shumë se Qato, duke i krijuar atij probleme. Në raundin e dytë Qato ambientohet shpejt me lojën e kundërshtarit dhe është ai që merr në dorë frenat e lojës, duke u treguar më taktik dhe më i kujdesshëm në mbrojtje. Raundi i tretë ka qenë i ekuilibruar për të dy boksierët. Ndërsa raundi katërt do të fliste tërësisht për Qaton, nga ku rusi Dhimitri Donestkity mori një mori grushtesh, por nuk e humbi kontrollin, duke rezistuar mirë. Raundi i pestë do të ishte vendimtar për fitoren e durrsakut Qato, në minutën e dytë të tij një goditje me të djathtën nga doreza kuq e zi do të bënte çorientimin e rusit dhe do shkaktonte çarjen e vetullës, megjithatë ai nuk është dorëzuar dhe ka përfunduar raundnin.


Pas ndeshjes boksieri flet për "Gazetën Shqiptare"

Qato: Është fantastike, jam krenar
Menjëherë pas përfun dimit të ndeshjes Qato u shpreh për "Gazetën Shqiptare": "Kisha shumë emocione, pasi nganjëherë tifozeria ndikon negativisht. Dua të pranoj se në raundin e parë isha në pozitë të vështirë, por e mora veten duke dalë nga një situatë aspak e favorshme për mua. Kisha shumë përgjegjësi mbi vete pasi salla ishte me mbushur me shqiptarë dhe nuk doja t'i zhgënjeja". Pyetjes nëse ai e priste fitoren, mbreti shqiptar i boksit i është përgjigjur me fjalët "E prisja fitoren. Jo në këtë mënyre siç u zhvillua, ndeshja ishte e vështirë e prisja më të lehtë. Por në boks asnjëherë nuk ka qetësi dhe lehtësira'. Ndërsa për kundërshtarin rus, Qato ka komentuar se "Ai ishte më i fortë seç e mendoja. Puna përgatitore dhe eskperinca bëri që t'ia dilja mbanë". Qato nuk ka harruar që të falënderojë mbështetësit e zjarrtë, duke deklaruar: "Sportdashësit që më kanë mbështetur dua t'i falënderoj. Është një shans për mua, për Shqipërinë që unë boksoj në Londër. Ata padyshim kanë pjesë të padiskutueshme në fitoren time. Gjithsesi, trajneri legjendar Luigi Leo priste më shumë nga boksieri i tij 'Një fitore e madhe, por isha përgatitur për një paraqitje edhe me të mirë nga Kreshniku. i thashë në përfundim të raundit të parë, vetëm qetësohu dhe përqendrohu, se do ta mposhtësh kundërshtarin". Sa për publikun, italo-briraniku thekson: "Kam njëzet vjet këtu në Londër që ndjek dhe zhvilloj ndeshje të ndryshme dhe një publik të tillë asnjëherë s'e kam ndeshur. Është fantastike të kesh në krah njerëz të tillë, kaq shumë, shumë entuziast". Dy menaxherët e Qatos, Anton Sinan-Prenga dhe Nik Berisha, të rrethuar nga gazetarët e mediave angleze, kanë dhënë disa deklarime të shkurtra mbi ndeshjen. Nik Berisha është shprehur se "Pjesë e fitores janë shqiptarët që e kanë mbështesin vazhdimisht dhe kjo do të bëjë që Kreshniku të fitojë tituj të tjerë në të ardhmen. Kundërshtarin nuk e njihnim mirë, por mund t'ju them se Kreshniku ka kohë që po kryen një stërvitje intensive dhe falë punës së tij, mbështetjes së shkëlqyer nga të gjithë të pranishmit në sallë, ia doli mbanë".

[Fiona]

waww...shume suksese....dhe ishalla te degjojm gjera sa me te mira per shqiptaret ne bot!!! E kam dhe patriot pale!!!

[rrushi D]

fiona,nga cven je nga durrsi?

[Davius]

Boksieri shqiptar Kreshnik Qato ka shënuar fitoren e tij të 10-të ndaj francezit Laurent Goury 04-04-2006

Qato, tjetër fitore në ringun profesionist

Aida Tuci

Boksieri shqiptar Kreshnik Qato ka shënuar fitoren e tij të 10-të të dielën në arenën Londineze, te "York Hall" duelin ndaj boksierit francez Laurent Goury, i cili ka një rekord prej 18 fitoresh.

Shqiptari Qato ka arritur në fitojë në fund të 6 raundeve me pikë ndaj kundërshtarit të radhës me rezultatin 65-54, duke shnëuar kësisoj fitoren e tij të 10-të në boksin profesionist. Ky duel ishte i vlefshëm për ngritjen e Kreshnikut në rang listën botërore të boksierëve profesionistë. Kampioni ynë i botës në versionin IBC për peshën super të mesme dhe kampioni i Europës Lindore ËBA Kreshnik Qato e mund francezin Goury pas përfundimit të 6 raundeve me një diferencë prej 11 pikësh, (65 54) në një ndeshje të gjykuar nga Lee Cook. Kjo diferencë tregon që Kreshnik Qato pati përballë një kundërshtar të fortë. Tashmë boksieri ynë ka 10 fitore, ndërkohë që kundërshtari i tij, francezi Goury, ka një rekord prej 18 fitoresh. Dueli së dielës në mbrëmje ishte mjaft i fortë dhe dhuroi emocione të forta te sportdashësit e shumtë shqiptarë që kishin mbushur arenën londineze të boksit profesionist.

Gjatë duelit, francezi Goury tregoi një nervozizëm të theksuar, çka si duket ndikoi edhe në rezultat. Ai u qortua disa herë nga gjytari i ndeshjes, sepse e godiste Kreshnikun disa here me sup. Epërsia e boksierit shqiptar filloi të dukej qartë, sidomos pas raundit të 4-t kur boksierit francez iu tërhoq disa herë vëmendja nga gjyqtari për gabime teknike, aq sa mund të rrezikonte dhe skualifikimin. Vetë boksieri shqiptar, në një intervistë për një gazetë shqiptare që botohet në Londër, do të shprehej fill pas ndeshjes: "Fitorja ishte fryt i stërvitjes së palodhur, i vendosmërisë psikologjike për të arritur fitoren dhe i boksdashësve të shumtë që më kanë përkrahur gjithmonë në duelet e mia. I falënderoj të gjithë." Gjatë karrierës së tij në boksin profesionist, që e ka nisur aty nga viti 2001, Kreshnik Qato është mbajtës i dy brezave, atë të kampionit të botës në peshën super të Mesme, akorduar nga International Boxing Council në qytetin e tij të lindjes, Durrës dhe titullin e kampionit të Europës Lindore të versionit EEBA.

[Dj-GabrieL]

Une se kam ndjekur si ndeshje,por dua te them vetem qe kur e kam degjuar ne lajme me eshte bere vertet shume shume qejfi dhe aty e kam ndjer vetem me zemer te madhe SHQiptar.

Bravo Qatooooooooooooooooo

[Davius]

Kënga e tifozëve dhe flamuri kuq e zi më dha zemër për fitoren

Kampioni i Diasporës dhe i të gjithë shqiptarëve në sportin burrëror të boksit profesionist, Kreshnik Qato, ka marrë fitoren e radhës, duke e ngritur lart edhe një herë tjetër flamurin kuqezi. “Mbreti” shqiptar i ringut profesionist, krijoi edhe një herë tjetër një atmosferë festive, ku brohoritjet dhe krenaria kombëtare, bashkë me muzikën shqiptare jehuan furishëm në ringun e boksit britanik. Kësaj radhe, mrekullia ndodhi pikërisht në arenën londineze të “York Hall”, e cila njihet ndryshe edhe si “Shtëpia e Boksit Britanik”.

Këshilla që trajneri i mirënjohur Luigji Leo, ish-kampion i Britanisë së Madhe, i dha para përballjes historike Kreshnikut ishte: “Kjo është ndeshja që do të hapë derën e suksesit, prandaj duhet të japësh më të mirën”. Kjo derë do të hapej vetëm me fitore dhe Kreshniku nuk kishte rrugë tjetër veçse ta mposhtte kundërshtarin e radhës për të shtruar rrugën e tij drejt suksesit.

Dhe në fakt kështu ndodhi. Pas një hyrje të furishme në ring me disa dopjo goditje që i dha kundështarit, Kreshniku dukej në një gjendje të shkëlqyer fizike dhe psikologjike. Për nga dëshira, mundi dhe djersa e derdhur gjatë stërvitjes, Kreshniku e kishte të “shkruar në ballë” se do të triumfonte. Natyrisht që edhe kundështari i tij, ishte po aq i vendosur për të fituar sa edhe Kreshniku. Në një prononcim që Qato bëri para se të hynte në ring, ai u shpreh: “Dy boksierë stërviten për muaj të tërë për të konkuruar në një ndeshje, prandaj fitorja varet më shumë nga forca psikologjike, pasi ajo fizike është simetrikisht e barabartë”. Kësaj radhe “kreshta” e boksit profesionist shqiptar, i madhi Qato, u ndesh me francezin Laurent Goury, të cilin e mundi me një diferencë prej 5 pikësh, (60-55) në një ndeshje të gjykuar nga gjyqtari Lee Cook.

Kjo diference minimale, tregon qartë se Kreshniku pati përballë një kundërshtar tepër të fortë dhe kësisoj, ja rrit edhe më shumë vlerat fitores. Në fakt, Courey u tregua hileqar dhe u qortua disa herë nga gjyqtari i ndeshjes, sepse ai e goditi Kreshnikun disa here me sup. Madje, u dëgjua që gjyqtari ti deklaronte se do ta skualifikonte direkt nga ndeshja, nëse ai do ta përsëriste veprimin e ulët. Raundet 3-minutëshe kalonin shpejt dhe me shumë ankth, por Kreshniku sa vinte e i afrohej më shumë fitores. Epërsia e boksierit tonë filloi të shihej qartë, por dihet që në ring ndeshja nuk mbaron deri në sekondën e fundit. Goditjet e Qatos vërshonin pa reshtur mbi trupin e kudërshtarit dhe çdo grusht shndërrohej në një brohoritje të larmishme polifonike, që vinte njëherësh nga disa qindra zëra që e kishin ndezur atmosferen në sallë. Dukej qartë se rreth 500 tifozët e zjarrtë të pranishëm gjatë “betejës”, nuk do pranonin veçse fitoren.

Dhe heroi kuqezi jua shpërbleu entuziazmin shqiptarëve, duke marrë një fitore të bukur, që i hap atij dyert për suksese të mëtejshme. Në një bisedë telefonike që arritëm të realizonim me kampionin tonë pas ndeshjes, Kreshniku shumë i emocionuar, u shpreh: “Fitorja ishte fryt i kombinimit të stërvitjes time disa mujore me atmosferen dhe brohoritjet e boksdashësve shqiptarë përgjate gjithë minutazhit të një dueli klasik. Falënderoj në radhë të parë të gjithë mbështetësit, trajnerin, menaxherët, si edhe organizmin sportiv nga “Tifozat Kuq e Zi”, për mbështetjen morale më kanë dhënë, duke më dhuruar uniformën zyrtare të ringut, të cilën e kam shumë për zemër. Brohoritja “O sa mirë me qenë shqiptar” më ka dhënë një emocion të madh, që më dha edhe më shumë guxim gjatë takimit”.

[Davius]

Për arsye dëmtimi në ring përballë Qatos nuk është ngjitur Paddy Ryan por Simon Lukas

Kreshnik Qato fitorja e 5-të rradhazi në ringun profesionist

Kreshnik Qato që përfaqëson Shqipërinë në ringun botëror, ka zhvilluar mbrëmë ndeshjen e tij të 17-të ndaj anglezit Simon Lukas. Kundërshtari i duelit të mbrëmshëm në fakt ka qenë një surprizë.

Në vend të tij në ring duhej të ngjitej anglezi Paddy Ryan, por një dëmtim i këtij të fundit gjatë stërvitjes ka sjellë përballë Qatos në ringun e ngritur në Londër një tjetër boksier anlgez, Simon Lukasin. Lukas ka një karrierë modeste në ringun profesionist krahasuar me Qaton. Dueli i vlefshëm për eliminatoret e titullit kampion Anglie mes Kreshnik Qatos dhe Simon Lukas është mbyllur pas 4 raundeve me fitoren e boksierit shqiptar me rezultatin 11-6. Fitorja e djeshme e Qatos e kualifikon atë në finale për titullin kampion Anglie. Dueli është zhvilluar nën brohoritjet e mijëra tifozëve shqiptarë që kishin mbushur sallën e "York Hall" në Londër. E veçanta e këtij dueli ishte se për herë të parë dueli i një boksieri shquptar u transmetua direkt në një nga kanalet më prestigjoze të Anglisë dhe pikërisht Sky Sports.

Kjo është bërë e mundur pak javë më parë nga Frank Maloney ish-menaxheri i legjendës së boksit profesionist Lenox Ljuis. Ishte pikërisht Maloney që mundësoi lidhjen e kontratës me përfaqësuesit e Sky Sports për transmetimin e duelit të 26 majit të boksierit shqiptar. Boksieri shqiptar Kreshnik Qato është mbajtës i dy brezave, atë të kampionit të botës në peshën Super të Mesme, akorduar nga International Boxing Council (IBC) në qytetin e tij të lindjes në Durrës dhe titullin e kampionit të europës lindore të versionit EEBA.
Pas fitores së mbrëmshme Qato është dhe pretendi kryesor për titullin kampion i Anglisë në peshën Super të Mesme.

[indigo]

quick question?
why is it I can't find this IBC rankings at ESPN nor BBC Sport ?

[indigo]

I can't even find what the F is IBC ??\
another one ... why do we go after titles that no one knows??