Close
Duke shfaqur rezultatin -19 deri 0 prej 16
  1. #1
    Shpirt Shqiptari Maska e Albo
    Anëtarësuar
    16-04-2002
    Vendndodhja
    Philadelphia
    Postime
    30,122
    Postimet në Bllog
    17

    Petersen: Ndarja e Kosovës nuk është opsion

    Kryeadministratori i Kosovës është takuar të hënën në Bruksel me ministrat e jashtëm të 25 vendeve anëtare të Bashkimit Evropian.

    Pas këtij takimi, ai i tha BBC-së se pret nga Bashkimi Evropian që të zhvillojë një politikë koherente dhe proaktive dhe se ndarja e Kosovës nuk është një opsion me të cilin mund të ecim përpara.

    Ragip Luta bisedoi me zotin Jessen Petersen dhe fillimisht e pyeti se me çfarë mendimi kishte dalë nga takimi i sotëm me ministrat e jashtëm të Bashkimit Evropian?

    BBC. Zoti Petersen, sa i kënaqur jeni me takimin e sotëm me ministrat e jashtëm të Bashkimit Evropian?

    Petersen. Së pari është shumë e qartë se jam i lumtur që pata dy orë me 25 ministrat e jashtëm të BE-së për Kosovën; e dyta jam i lumtur, sepse kjo u bë një ditë para takimit të BE-së me presidentin Bush ku Kosova do të jetë në axhendë dhe siç e dëgjuat këtu nga zoti Solana, do të jetë pjesë me rëndësi në axhendë.

    Sigurisht, jam i lumtur që pata shansin t'i them BE-së se unë pres që BE-ja që të zhvillojë një politikë koherente, proaktive, unike, se nuk mund të presë shumë, sepse do të ngecë prapa, dhe së katërti përsëri është rast i mirë që t'u them ministrave të jashtëm të BE-së se para se të kalojmë në bisedimet për statusin, duhet të pajtohemi për një çështje: ajo është se ndarja e Kosovës nuk është opsion në rrugën përpara. Më duhet të them se ky ishte rast shumë i mirë për Kosovën.

    BBC. Jeni në rrugë për në Nju-Jork ku do të paraqisni raportin për gjendjen aktuale në Kosovë para Këshillit të Sigurimit të OKB-së dhe raporti do të jetë pozitiv?

    Petersen. Raporti është bërë publik tashmë. Çdokush mund ta lexojë dhe nëse e lexoni, ai është raport shumë i balancuar. Ne flasim për shumë zhvillime pozitive e inkurajuese që nga raporti i fundit në nëntor në fushën e implementimit të standardeve, decentralizimit, transferimin e kompetencave dhe fusha të tjera. Por raporti po ashtu vë në dukje disa të meta që janë kryesisht të lidhura me implementimin e disa prej standardeve për minoritetet, kryesisht lirinë e qarkullimit dhe kthimin e të zhvendosurve ku kemi parë shumë pak progres. Është raport i balancuar dhe pozitiv që tregon rrugën përpara, por që po ashtu thotë se ka shumë punë të rëndësishme për t'u kryer për raportin e ardhshëm për të theksuar qartë se kemi vepruar lidhur me disa çështje të minoriteteve.

    BBC. Por ju jeni optimist se këto të meta nuk do të ndikojnë në marrjen e një vendimi pozitiv për fillimin e bisedimeve për statusin?

    Petersen. Nëse qeveria vazhdon të punojë, ashtu siç ka punuar që nga tre dhjetori, nëse komunat vazhdojnë të punojnë po ashtu, dhe pas edhe udhëzimeve të kryeministrit, besoj se do fillojnë të shihen rezultatet.

    Nëse puna e zellshme vazhdon dhe nëse, nuk ndodhë ndonjë çrregullim i madh në Kosovë, atëherë unë kam shumë besim se do të jemi të gatshëm për një vlerësim pozitiv këtë verë.

    BBC. Çfarë çrregullimi të madh keni parasysh kur thoni këtë?

    Petersen. Në këtë etapë nuk është sekret, sepse thuhet publikisht, është folur shumë për ngritje padish. Shpresoj se kjo nuk do të ndodhë. Nëse ndodh, natyrisht ekziston rreziku se në ndonjë mënyrë mund të vonojë apo çrregullojë procesin. Unë kam besim se të gjithë tani e dinë se cili është rreziku, prandaj nuk do të çrregullohet apo vonohet procesi.

    Ka edhe zhvillime të tjera që mund të venë këtë proces në rrezik. Unë gjithmonë e kam thënë se jam i shqetësuar për dhunën nga ata që shohin dhunën si rrugë të vetme për të bllokuar progresin.

    Por është po aq e qartë se nëse do të ketë dhunë nga ata që thjesht kanë për qëllim të bllokojnë procesin, atëherë kjo nuk do të përdoret kundër atyre që duan ta çojnë përpara Kosovën.

  2. #2
    i/e regjistruar Maska e tani_26
    Anëtarësuar
    11-09-2002
    Vendndodhja
    Ne vendin e shqiponjave ku tani ka vetem korba!
    Postime
    1,113
    Duke pasur parasysh gjithmone realitetin ballkanik jam i mendimit qe Kosova duhet te ndahet dhe te fitoje pavarsine...
    Si e kuptoj une kete ndarje?
    Mendoj qe duhet te jete nje ndarje territoriale...Ti jepet Serbise nje pjese e vogel e Veriut te Kosoves pra nje enklave serbe qe ndodhet atje dhe ti bashkohen Kosoves rajonet e Medvegjes, Bujanocit dhe Presheves...

    Nese nuk realizohet kjo nuk do te kete paqe ne rajon....
    Personalisht do me pelqente qe te mos kishte nacionalizma ne rajon dhe popujt te jetonin ne paqe por tani per tani shqiptaret me serbet nuk jane te gatshem per bashkejetese paqesore....
    Nuk e di cfare mendimi do te kishte hapesi i temes per kete ceshtje, mgjse. ai tani nuk ndodhet ne Ballkan por nga njera ane kjo e ndihmon ti shohe gjerat nga nje kendveshtrim tjeter dhe kjo mund ta ndihmoje te kete nje mendim me realist....
    Miqesisht..
    Nuk ka njerez te perkryer ka vetem qellime te perkryera!

  3. #3
    Larguar.
    Anëtarësuar
    04-08-2003
    Postime
    2,152
    Le te vazhdoj qendrimi dhe influenca e rolit nderkombetar, por statusi duhet zgjidhur.
    __________________________________________________ _____
    James Dobbins: Zgjidhja e statusit të Kosovës, urgjente


    Mirela Bruk
    20-02-2005
    VOA


    Një ekspert dhe ish zyrtar i administratës amerikane thotë se ka ardhur koha që Kosova të vihet në krye të listës së shqetësimeve dhe që vemendja të drejtohet tek zgjidhja e statusit të saj përfundimtar. Komentet i bëri për Zërin e Amerikës James Dobbins, Drejtor i Qendrës së Studimeve Ndërkombëtare për Politikat e Sigurimit dhe të Mbrojtjes në Korporatën Rand. Ai ka qenë i dërguar i posaçëm i administratës amerikane për Kosovën, Bosnjën, Haitin, Somalinë dhe Afganistanin.

    42 Mendoj se aktualisht, gjendja në Kosovë është më e paqendrueshmja në Ballkan. Kjo, në një farë kuptimi është një lajm i mirë sepse nënkupton që disa nga vendet e tjerë që ishin më të paqendrueshëm 5 vjet më parë janë bërë më pak të tilla. Për shembull, Maqedonia, Mali i Zi dhe Bosnja, janë më të qendrueshme sot se sa ishin para 5 vjetësh. Ne e shtymë vendimin për statusin përfundimtar të Kosovës 5 vjet më parë sepse ishim të shqetësuar për efektet që mund të kishte pavarësia e Kosovës mbi këto vende të tjera. Por sot, ka ardhur koha që Kosova të vihet në krye të listës së shqetësimeve tona dhe që vemendja të drejtohet tek zgjidhja e statusit të saj përfundimtar. Mendoj se ky status përfundimtar do të jetë dhe duhet të jetë pavarësi brenda kufijve të saj të tanishëm, por një pavarësi në të cilën pakicat, duke përfshirë pakicën serbe, të kenë garanci dhe siguri. Për këtë ndoshta do të duhet vazhdimi i rolit ndërkombëtar.

    I pyetur nëse Shtetet e Bashkuara duhet të vazhdojnë të tregohen aktive në Ballkan megjithëse Lindja e Mesme është në krye të përparësive të tyre, ish zyrtari i Departamentit amerikan të Shtetit, James Dobbis, tha: "Natyrisht, është diçka e mirë që Ballkani nuk është burim konflikti tani për tani. Është diçka e mirë që Ballkani nuk dominon më titujt e lajmeve. Por mendoj megjithatë se sidomos Kosova kërkon vazhdimin e vemendjes amerikane. Ky nuk është një problem që mund t’i lihet vetëm Evropës, por kërkon bashkëpunimin amerikano-evropian. Megjithatë, në pjesën më të madhe, Ballkani është bërë një rajon më i qetë dhe më normal që kërkon më pak vemendje nga Shtetet e Bashkuara dhe kjo është diçka e mirë".
    Ndryshuar për herë të fundit nga Veshtrusja : 22-02-2005 më 19:18

  4. #4
    Creator Spiritus Maska e Dito
    Anëtarësuar
    02-04-2004
    Vendndodhja
    Ne Bahçen time
    Postime
    3,882
    Ndarja e kosoves eshte nje gjykim absurd ne mendjet nacionaliste ekstreme dhe besoj se do rrise me teper urrejtjen kundrejt dy nacioneve gje e cila eshte e pa tolerueshme si zgjidhje, te mendojme faktin e thjeshte qe shume familje jane te detyruara me pas te braktisin vendlindjet e tyre nga te dy kahet e krahines qe do ndahet, e kujt i sherben kjo?! Mendoj se duhet te udhehiqemi nga nje politike e kujdesshme paqedashese dhe mirekuptimi per gjithcka ndodhi dhe te hedhim pas kraheve te shkuaren, perse mos jetojme si dy fqinje te mire kushdo qofshin ata serbe, greke, maqedonas, apo italiane.

    Dito.

  5. #5
    i/e regjistruar Maska e King_Gentius
    Anëtarësuar
    24-11-2004
    Vendndodhja
    Boston
    Postime
    485
    Mua me duket se burimi i te gjith gjakut qe eshte derdhur ne Kosove eshte se edhe serbet e duan gjith kosoven per vete edhe ne te gjith per vete. Historia ne njeqind vjetet e fundit na meson se bashkejetesa nuk funksionon per arsye te ndryshme dhe ka pas beteje pas beteje. Prandaj ndaheni token dhe shpetoni jete se mos plase lufte tjeter.

    Besoj se pakica serbe ne Kosove do jet gjithmone problem per qeverine e Kosoves. Sic ankoheshin shqiptaret kur kosova ishte nen administraten serbe, ashtu do ankohen dhe serbet nga qeveria kosovare (nuk do ishte surprize te ankoheshin kot). Edhe Serbia do jet gjithmone gjemb ne prapanice per mbrojtjen e serbeve atje.

    Provojeni nje here te ndani popullsine. Ne nje ane te kufirit te kete vetem shqiptare, e ne anen tjeter vetem serbe. Besoj se keshtu plaget do te mbyllen me shpejt dhe bashkepunimi midis vendeve ballkanike do te lulezoje.

    Do na duhej nje ballkan tjeter te kenaqnim aspiratat e gjith vendeve ballkanike. Arrini nje kompromis.

    Dhe mos u kini shum besim europianeve se ata duan ta zgjidhin ceshtjen sic u intereson me shum atyre dhe jo kosovareve. Menyra qe ata duan ta zgjidhin eshte e tille qe ata te mund te nderhyjne vazhdimisht ne punet tona. Kete mund ta bejne ne qofte se ekziston nje pakice serbe qe ata do pretendojne se duan te mbrojne.
    Ndryshuar për herë të fundit nga King_Gentius : 22-02-2005 më 20:51

  6. #6
    Gezuar Kosoven e Pavarur Maska e dodoni
    Anëtarësuar
    07-11-2002
    Postime
    3,393
    Ne të gjithë do pajtoheshim me ndarjen mbi baza etnike por kjo nënkupton shkëmbimin e Luginës së Preshevës (qytetet e Preshevës, Bujanocit dhe Medvegjës që ende qeverisen nga Serbia) me qytetet e Leposaviqit, Zubin Potokut, dhe Zveçanit që qeverisen nga shqiptarët. Serbët nuk besoj që do të pajtoheshin me një ndarje të tillë sepse Lugina e Preshevës është pikë shumë strategjike dhe nëpër të kalon edhe korridori i 10-të paneuropian. Nëse do të pajtoheshin me një ndarje të tillë, nuk besoj që dikush nga ne do ta refuzonte këtë.

    Por nëse ata duan të qeverisin me Luginën e Preshevës atëherë duhet të pajtohen me faktin që këto komuna serbe (Leposaviqi, Zubin Potoku dhe Zveçani)të qeverisen nga shqiptarët.

    Megjithëse, nuk besoj që do kemi ndarje të tilla, por pakica serbe do të detyrohet të respektoj autoritetet shqiptare dhe Dardania do fitojë pavarësinë këtë vit. Pastaj, na ngelet që pas disa kohësh ta ribashkojmë me Shqipërinë.

    Tung
    Leje mos m'trano, pashe zotin!!!!

    Rrofte Shqiperia Etnike

  7. #7
    Shpirt Shqiptari Maska e Albo
    Anëtarësuar
    16-04-2002
    Vendndodhja
    Philadelphia
    Postime
    30,122
    Postimet në Bllog
    17
    Duke pasur parasysh gjithmone realitetin ballkanik jam i mendimit qe Kosova duhet te ndahet dhe te fitoje pavarsine...
    Vetem me kete rreshte qe ke shkruajtur, tregon se sa perciptas e njeh situaten ne Kosove. Po te bej tre gjera te qarta:

    1. Qeveria e Beogradit, eshte e vetmia inisiatore e ndarjes territoriale apo ne enklava brenda territorit te Kosoves. As qeveria e Kosoves, as faktori nderkombetar nuk e kane hedhur apo marre ne shqyrtim nje ide te tille. As vete qeveria e Greqise nuk eshte per "ndarjen e Kosoves", vend qe ti jeton dhe me poshte do te shpjegoj pse.

    2. Faktori nderkombetar dhe shtetet ballkanike i tremben "ndarjeve territoriale" per dy arsye: a) Precedenteve te keqija te ndarjeve territoriale Ballkanike, qe jane gjeneza e konflikteve qe ne po hasim dhe po mundohemi te zgjidhim sot. b) Nese ndarja e Kosoves merret ne shqyrtim, kjo hap kutine e Pandores ne Ballkan, pasi te gjithe popujt dhe shtetet Ballkanike jane te ndare: Mali i Zi (Serbi + Shqiperi), Maqedoni (Bullgari + Greqi + Shqiperi), Cameri (Shqiperi + Greqi), Bosnja + Hercegovina (Serbi + Kroaci + Bosnje). Nese ndarja ofrohet si zgjidhje, atehere te gjithe popujt Ballkanike do te kerkojne ndarje dhe kjo nuk e stabilizon por e destabilizon Ballkanin dhe me gjere.

    3. Komuniteti nderkombetar e ve theksin tek krijimi i shteteve demokratike ne Ballkan krahas prezences 10-vjecare te tyre ushtarake ne Bosnje + Maqedoni + Kosove. Ideja eshte qe tu ofroje vendeve sigurine dhe stabilitetin e nevojshem politik, ne menyre qe keta popuj te mund te hedhin themelet e shoqerive demokratike, pra krijimin e shteteve demokratike. Vete prezenca ushtarake e NATO ben qe ballkanasit te heqin dore tashme nga lufta dhe ti kthehen punes. Nese vitet 90 ishin vitet e shkaterrimit te Balkanit, mijevjecari i ri duhet te jete mijevjecari i ndertimit te Ballkanit te Ri.

    Ajo qe e mban pezull tashme realitetin e ri Ballkanik eshte fati i unionit Serbi-Mali i Zi. Shpallja e pritshme e pavaresise nga Mali i Zi vitin qe vjen, do te shenonte mbylljen e procesit te shperberjes se ish-Jugosllavise.

    Prandaj tregohuni me te kujdesshem kur ofroni ndarjen si zgjidhje pasi ndarja nuk ka per te ndalur pretendimet serbe ndaj Kosoves.

    Albo
    Ndryshuar për herë të fundit nga Albo : 23-02-2005 më 06:18

  8. #8
    i/e regjistruar Maska e tani_26
    Anëtarësuar
    11-09-2002
    Vendndodhja
    Ne vendin e shqiponjave ku tani ka vetem korba!
    Postime
    1,113
    Citim Postuar më parë nga Albo
    Vetem me kete rreshte qe ke shkruajtur, tregon se sa perciptas e njeh situaten ne Kosove. Po te bej tre gjera te qarta:

    1. Qeveria e Beogradit, eshte e vetmia inisiatore e ndarjes territoriale apo ne enklava brenda territorit te Kosoves. As qeveria e Kosoves, as faktori nderkombetar nuk e kane hedhur apo marre ne shqyrtim nje ide te tille. As vete qeveria e Greqise nuk eshte per "ndarjen e Kosoves", vend qe ti jeton dhe me poshte do te shpjegoj pse.

    2. Faktori nderkombetar dhe shtetet ballkanike i tremben "ndarjeve territoriale" per dy arsye: a) Precedenteve te keqija te ndarjeve territoriale Ballkanike, qe jane gjeneza e konflikteve qe ne po hasim dhe po mundohemi te zgjidhim sot. b) Nese ndarja e Kosoves merret ne shqyrtim, kjo hap kutine e Pandores ne Ballkan, pasi te gjithe popujt dhe shtetet Ballkanike jane te ndare: Mali i Zi (Serbi + Shqiperi), Maqedoni (Bullgari + Greqi + Shqiperi), Cameri (Shqiperi + Greqi), Bosnja + Hercegovina (Serbi + Kroaci + Bosnje). Nese ndarja ofrohet si zgjidhje, atehere te gjithe popujt Ballkanike do te kerkojne ndarje dhe kjo nuk e stabilizon por e destabilizon Ballkanin dhe me gjere.

    3. Komuniteti nderkombetar e ve theksin tek krijimi i shteteve demokratike ne Ballkan krahas prezences 10-vjecare te tyre ushtarake ne Bosnje + Maqedoni + Kosove. Ideja eshte qe tu ofroje vendeve sigurine dhe stabilitetin e nevojshem politik, ne menyre qe keta popuj te mund te hedhin themelet e shoqerive demokratike, pra krijimin e shteteve demokratike. Vete prezenca ushtarake e NATO ben qe ballkanasit te heqin dore tashme nga lufta dhe ti kthehen punes. Nese vitet 90 ishin vitet e shkaterrimit te Balkanit, mijevjecari i ri duhet te jete mijevjecari i ndertimit te Ballkanit te Ri.

    Ajo qe e mban pezull tashme realitetin e ri Ballkanik eshte fati i unionit Serbi-Mali i Zi. Shpallja e pritshme e pavaresise nga Mali i Zi vitin qe vjen, do te shenonte mbylljen e procesit te shperberjes se ish-Jugosllavise.

    Prandaj tregohuni me te kujdesshem kur ofroni ndarjen si zgjidhje pasi ndarja nuk ka per te ndalur pretendimet serbe ndaj Kosoves.

    Albo
    Qeveria e Beogradit nuk kerkon ndarje territoriale por ndarje ne enklava.....

    Une e shpjegova ndarjen, nese nuk e kuptove lexoje prape....

    Persa i perket Ballkanit, ky do te gjente qetesi nese zgjidhej drejt ceshtja shqiptare....
    Une nuk besoj se do kete qetesi Kosova ne kete pozite qe eshte sot, por nese ajo do ndahej dhe fitonte pavaresine sic e shpjegova me siper atehere kjo pjese e Ballkanit do qetesohej....
    Megjithate mbetet problem FYROM pasi atje shqiptaret jane rreth 35-40%...

    Persa i perket Greqise kjo e fundit duket se nuk ka nje politike te qarte per Kosoven...I trembet nje Kosove te pavarur por nga ana tjeter kohet e fundit nuk e permend si pjese te Serbise...As mish as peshk me pak fjale..

    Komunitetit nderkombetar me qendrimin qe mban duket se me teper i "intereson" destabiliteti se sa stabiliteti ne Ballkan..,,,Perderisa ky Komunitet nuk i njeh pavarsine Kosoves nuk ka per te patur stabilitet ne Ballkan..Vete qendrimi i trupave te NATOS ne keto momente do te thote se ky rajon eshte i destabilizuar dhe nese nuk do kete ndryshim kufijsh menjehere pas largimit te ketyre trupave do nisnin prape konfliktet.....

    Eshte e drejte qe sllavet e Maqedonise (bashke me shqiptaret e atjeshem )me nje popullsi 2milion banoresh te kene shtet te pavarur kurse shqiptaret e Kosoves afro 2 milion te mos kene shtet?

    Sllovenet, kroatet, boshnjaket, "maqedonasit" qe jane popuj sllave u ndane prej Serbise, shqiptaret qe jane nje komb tjeter pse duhet te qendrojne nen Serbi?
    Nuk ka njerez te perkryer ka vetem qellime te perkryera!

  9. #9
    Shpirt Shqiptari Maska e Albo
    Anëtarësuar
    16-04-2002
    Vendndodhja
    Philadelphia
    Postime
    30,122
    Postimet në Bllog
    17
    Qeveria e Beogradit nuk kerkon ndarje territoriale por ndarje ne enklava....
    Qeveria e Beogradit i ka planet gati ne sirtare per ndarjen e Kosoves dhe pervetesimin e Kosoves veriore, sidomos qytetit te Mitrovices, qe eshte nje prej zonave me pasuri dhe me te indrustrializuara ne Kosove. Teoria e Koshtunices per "enklavat serbe brenda Kosoves", eshte plani B i serbeve, kur u perballen me nje JO te prere te faktorit nderkombetar per ndarje territoriale te Kosoves.


    Une nuk besoj se do kete qetesi Kosova ne kete pozite qe eshte sot, por nese ajo do ndahej dhe fitonte pavaresine sic e shpjegova me siper atehere kjo pjese e Ballkanit do qetesohej....
    Ti mund te besosh shume gjera, por kjo nuk do te thote se ajo qe beson ti eshte ajo qe besojne palet ne rajon dhe faktori nderkombetar qe thote fjalen e fundit per gjithcka. Nga te ka lindur kjo ide se nese u jepet nje thele serbve, Kosova do te fitoje pavaresine? Kush ka qene ai burre shteti qe ka dale me nje plan te tille? Cili eshte ai shqiptar qe ka dale me parullen e ndarjes se Kosoves pervec Tanit nga Athina? As vete qeveria e Beogradit nuk ka dale me nje plan te tille, pasi nese nuk e di, Beogradi nuk ka hequr dore nga pretendimet e tij mbi Kosoven.


    Komunitetit nderkombetar me qendrimin qe mban duket se me teper i "intereson" destabiliteti se sa stabiliteti ne Ballkan..,,,Perderisa ky Komunitet nuk i njeh pavarsine Kosoves nuk ka per te patur stabilitet ne Ballkan..Vete qendrimi i trupave te NATOS ne keto momente do te thote se ky rajon eshte i destabilizuar dhe nese nuk do kete ndryshim kufijsh menjehere pas largimit te ketyre trupave do nisnin prape konfliktet.....

    Kosova eshte problemi me i vogel i Ballkanit krahasuar me Bosnje Hercegovinen dhe Maqedonine. Kosova eshte e banuar 90% nga shqiptare dhe eshte nje popullsi homogjene jo heterogjene sic eshte Bosnja apo Maqedonia. Pavaresia e Kosoves nuk vjen nga faktori nderkombetar, vjen nga puna dhe perkushtimi i qeverise se Kosoves ne reformat demokratike ne vend qe ngrejne dhe konsolidojne institucionet e vendit. Dhe faktori nderkombetar e ka bere pikerisht ate, e ka asistuar dhe vazhdon te asistoje qeverine e Kosoves ne rrugen e nisur. Pavaresia nuk eshte nje akt, as nje referendum, as nje firme dhe as nje vule, eshte nje proces i shtrire ne kohe qe fillon me ngritjen e shtetit, dhe kurorezohet me njohjen nga komuniteti nderkombetar i realitetit ne Kosove, sovranitetit te vendit qe mbrohet nga institucionet demokratike te Kosoves.

  10. #10
    i/e regjistruar Maska e tani_26
    Anëtarësuar
    11-09-2002
    Vendndodhja
    Ne vendin e shqiponjave ku tani ka vetem korba!
    Postime
    1,113
    Citim Postuar më parë nga Albo
    Qeveria e Beogradit i ka planet gati ne sirtare per ndarjen e Kosoves dhe pervetesimin e Kosoves veriore, sidomos qytetit te Mitrovices, qe eshte nje prej zonave me pasuri dhe me te indrustrializuara ne Kosove. Teoria e Koshtunices per "enklavat serbe brenda Kosoves", eshte plani B i serbeve, kur u perballen me nje JO te prere te faktorit nderkombetar per ndarje territoriale te Kosoves.




    Ti mund te besosh shume gjera, por kjo nuk do te thote se ajo qe beson ti eshte ajo qe besojne palet ne rajon dhe faktori nderkombetar qe thote fjalen e fundit per gjithcka. Nga te ka lindur kjo ide se nese u jepet nje thele serbve, Kosova do te fitoje pavaresine? Kush ka qene ai burre shteti qe ka dale me nje plan te tille? Cili eshte ai shqiptar qe ka dale me parullen e ndarjes se Kosoves pervec Tanit nga Athina? As vete qeveria e Beogradit nuk ka dale me nje plan te tille, pasi nese nuk e di, Beogradi nuk ka hequr dore nga pretendimet e tij mbi Kosoven.





    Kosova eshte problemi me i vogel i Ballkanit krahasuar me Bosnje Hercegovinen dhe Maqedonine. Kosova eshte e banuar 90% nga shqiptare dhe eshte nje popullsi homogjene jo heterogjene sic eshte Bosnja apo Maqedonia. Pavaresia e Kosoves nuk vjen nga faktori nderkombetar, vjen nga puna dhe perkushtimi i qeverise se Kosoves ne reformat demokratike ne vend qe ngrejne dhe konsolidojne institucionet e vendit. Dhe faktori nderkombetar e ka bere pikerisht ate, e ka asistuar dhe vazhdon te asistoje qeverine e Kosoves ne rrugen e nisur. Pavaresia nuk eshte nje akt, as nje referendum, as nje firme dhe as nje vule, eshte nje proces i shtrire ne kohe qe fillon me ngritjen e shtetit, dhe kurorezohet me njohjen nga komuniteti nderkombetar i realitetit ne Kosove, sovranitetit te vendit qe mbrohet nga institucionet demokratike te Kosoves.

    Skrimi i mesiperm ka kunderthenie dhe nga deshira per te treguar influnce gjykimi kalohet ne cektesi.....
    Nuk e di nese z. Pappa per shkak se dikur rreth disa temave te shkuara se kishte replikuar me mua vazhdon te kete akoma "meri" dhe cdo mendim te timin e gjykon si negativ

    Anyway keshilla ime do ishte qe prepara se te replikohesha te lexohesha me me teper kujdes....

    Thuhej me siper....
    Qeveria e Beogradit i ka gati planet ne sirtare per ndarjen e Kosoves......

    me poshte thuhet ,,,
    as vete qeveria e Beogradit nuk ka dale me nje plan te tille.....

    Nese nuk ke dijeni me mire hesht se sa te thuash gjera te pasakta...

    Milloshevici e afroi kete ndarje por kerkonte gati gjysmen e Kosoves, ndersa sipas mendimit tim personal une mendoja qe te behej ndarja e mesiperme(postimi)...

    Gjithashtu ISH KRYEMINISTRI GREK MICOTAQIS E PUBLIKOI KETE FAKT PARA PAK KOHESH, duke thene se Milloshevici ne vitet '90 i propozoi ndarjen e Kosoves dhe Maqedonise..
    Kosova jugore sipas tij do ti dhurohej Shqiperise ndersa Maqedonia Jugore Greqise.... Vetem se Greqia duhet te ishte e gateshme te pranonte nje vale te shperngulurish nga kjo ndarje territoresh.....Sigurisht pala greke nuk e pranoi kete propozim, gjithmone sipas Micotaqis....


    Mendoj se gjithekush ka te drejte te kete mendimin personal dhe ta shprehe ate se ketu shprehim mendimet personale e jo ate cka thone pale te ndryshme...Jemi ketu ne kete forum si persona e jo si "burra shtetesh" apo zedhenes te paleve te ndryshme....
    Ti nese e mendon veten si te tille mund te thosha se jeton me iluzion dhe keshilla ime do te ishte ti futeshe politikes se vertete e jo forumit...

    E dyta, une nuk di te jete krijuar ndonje shtet para se te fitoje pavaresine?!!!!

    Me sa di une ne fillim fitohet pavaresia e me vone ndertohet shteti........

    Krijohet shteti duke patur ne territorin e tij nje ushtri te huaj? Nje udheheqje te huaj?
    Nuk ka njerez te perkryer ka vetem qellime te perkryera!

  11. #11
    Shpirt Shqiptari Maska e Albo
    Anëtarësuar
    16-04-2002
    Vendndodhja
    Philadelphia
    Postime
    30,122
    Postimet në Bllog
    17
    Kur une shkruaj ne kete forum qe injoranca e shqiptareve per ceshtjen tone kombetare eshte rreziku me i madh per ceshtjen tone kombetare dhe per pavaresine e Kosoves, disa e marrin si ofendim, disa e marrin si sharrje, kur nuk eshte as njera dhe as tjetra.

    Kjo eshte nje nga temat e shumta qe kjo ilustrohet dukshem: Kryeadministratori nderkombetar Petersen i UNMIK ne Kosove shprehet ne publik se ndarja e Kosoves nuk eshte fare opsion, mirepo na del nje shqiptar si Tani nga Athina apo Dodoni nga Amerika qe na e kthejne ndarjen e Kosoves ne opsion.

    Mesoni te lexoni prononcimet e burrave te shtetit dhe te ndiqni zhvillimet hap pas hapi, ne menyre qe te keni idene se per cfare behet fjale dhe te mos filloni e trilloni skenare fantastiko-shkencore ne mendjet tuaja.

    Albo

  12. #12
    Perjashtuar Maska e Hit`Em-Up
    Anëtarësuar
    29-12-2004
    Postime
    33
    Fjale me vend Albo zduhet marre me gojedhena kot e duke pa media jo serioze.

  13. #13
    Shpirt Shqiptari Maska e Albo
    Anëtarësuar
    16-04-2002
    Vendndodhja
    Philadelphia
    Postime
    30,122
    Postimet në Bllog
    17
    Petersen: Ndarja e Kosovës nuk është alternativë

    Shefi i UNMIK-ut, Soren Jessen Petersen, ka paraqitur raportin e tij tremujor për gjendjen në Kosovë para Këshillit të Sigurimit.

    Në takimin e mbajtur në Nju-Jork, zoti Petersen vlerësoi se bisedimet për statusin përfundimtar të Kosovës mund të hapen në gjysmën e dytë të këtij viti.

    Ai këtë pohim e mbështeti në siç vlerësoi "përparimet që janë bërë në përmbushjen e standardeve", megjithëse siç tha ai, mbetet mjaft për të punuar në kthimin e të zhvendosurve dhe lirinë e lëvizjes së pakicave.

    "Vlerësimi im është që kemi gjasa të mira t'i përmbahemi kalendarit dhe që procesi që çon te bisedimet për statusin do të mund të fillonte në gjysmën e dytë të këtij viti," tha zoti Petersen.
    Ndarja e Kosovës nuk është alternativë reale derisa ecim përpara.


    Kreu i UNMIK-ut Petersen

    "Në të njejtën kohë duhet të kuptojmë se duke ecur drejt procesit të statusit mund të krijohen edhe tensione," tha ai.

    Kryeadministratori i Kosovës tha se nuk dëshironte të paragjykonte statusin përfundimtar të Kosovës, por pohoi se ndarja e Kosovës nuk është alternativë reale.

    Sipas tij, kjo zgjidhje vetëm sa do të tensiononte raportet ndërmjet shqiptarëve dhe serbëve dhe do të hapte plagët.

    "Ndarja e Kosovës nuk është alternativë reale derisa ecim përpara, shoqëria të cilën mundohemi ta ndërtojmë në Kosovë duhet të ketë hapësirë për të gjitha komunitetet si një demokraci shumëetnike dhe tolerante," tha zoti Petersen para Këshillit të Sigurimit.

    "Ndarja do të tradhtonte vlerat evropiane të integrimit dhe bashkëjetesës, ndarja po ashtu do të sakrifikonte 60 përqind të serbëve të Kosovës që nuk jetojnë në veri dhe të njejtën kohë do të rihapte plagët që kanë filluar të shërohen anekënd rajonit," tha ai.

    Duke folur për gjendjen në Kosovë gjatë muajit nëntor, dhjetor dhe janar, zoti Petersen nënvizoi se çështja e sigurisë mbetet një çështje e ndjeshme.

    Në këtë kuadër ai theksoi se pakicat shpeshherë ndjehen të pasigurta dhe siç u shpreh janë edhe viktimë e informacioneve joreale.

    Jessen Petersen mirëpriti vendimin e NATO-s që në Kosovë të vazhdojë të mbajë një numër të njejtë të paqëruajtësve.

    Nga ana tjetër numri një i adminisrtarës së OKB-së në Kosovë, pohoi se kryeministri Ramush Haradinaj është bërë shembull për të tjerët duke iu qasur pakicave me deklarata publike dhe me takimet që ka mbajtur me personat e kthyer në pronat e tyre.

    Zoti Petersen ka përshëndetur edhe vendimin e presidentit Ibrahim Rugova që të tërhiqet nga posti i kryetarit të Lidhjes Demokratike të Kosovës, por ka shprehur keqardhje që përfaqësuesit serbë po bojkotojnë punën e institucioneve të Kosovës.

    "Për fat të keq serbët janë duke qëndruar jashtë shumë proceseve politike dhe demokratike pas mbajtjes së zgjedhjeve," tha zoti Petersen.

    "Megjithatë është bërë një përparim," shtoi ai. "Një serb i Kosovës i është bashkuar qeverisë së Kosovës si Ministër për Kthim."

    "Unë kam përshtypjen se shumë serbë të Kosovës janë të zhgënjyer dhe kanë duke pritur sinjale më pozitive nga Beogradi, ata e dinë se e ardhmja e tyrë është në Kosovë," tha zoti Petersen.

    Ai i ka kumtuar ambasadorëve të Këshillit të Sigurimit rifillimin e dialogut ndërmjet Prishtinës dhe Beogradit më 10 mars pas 12 muajsh të mosgadishmërisë së Beogradit zyrtar.

    Ai poashtu ka folur për punën e bërë në procesin e decetralizimit.

    Kreu I UNMIK-ut ka theksur nevojën e përfshirjes së të gjitha palëve në këtë proces, duke aluduar në opozitën.

    Zoti Petersen tha se pas krijimit të tri ministrive të reja dhe bartjes së disa kompetencave në fushën e ekonomisë, UNMIK-u është duke shqyrtuar mundësinë e kalimit të kompetencave edhe në fushën e policisë dhe drejtësisë.

    Nga ana tjetër ai ka shprehur shqetësim për ngecjen e zhvillimit ekonomik.

    "Papunësia është e madhe, nuk ekziston ndonjë strukturë e duhur sociale dhe gjithë kjo paraqet një kërcënim për stabilitet," nënvizoi kreu i UNMIK-ut.

    Pas fjalimit të zotit Petersen, fjalën në Këshillin e Sigurimit e ka marrë shefi I Qendrës Bashkërenduese Serbe për Kosovës, Nebojsha Çoviq.

    Ai është përpjekur të minimizojë përparimet e bëra në Kosovë, ndërkohë që edhe ambasadorë të shteteve tjera kanë folur për gjendjen në Kosovë.

  14. #14
    i/e regjistruar Maska e Harudi
    Anëtarësuar
    08-09-2004
    Postime
    622
    Përshëndetje!

    Meqë është tema për dhe rreth Kosovës,po i japë të drejtë vetes që edhe unë të shtojë disa fakte,fakte të cilat nuk përkasin me dëshirën e serbeve për ndarje territoriale të Kosovës dhe,poashtu përse nuk ka gadishmëri të institucioneve të Kosovës së bashku me Bashkësin Ndërkombëtare për një qasje të tillë.
    Të kthehemi më herët,kur në ish-Jugosllavinë filluan luftërat.
    Menjëherë pas Sllovenisë,ku "lufta" zgjati jo më shumë se dy javë,arena luftarake u përqëndrua në Kroaci.Mes kroatëve dhe serbëve.
    Një pjesë e mirë e Kroacisë u "pushtua" nga serbet dhe ushtria jugosllave.Bashkësia (Diplomacia) ndërkombëtare ndërhyni për ndërprerjen e luftës dhe propozoi marrëveshjen në mes palëve për zbatimin e planit Z4 (katër pika).Kroatët pranuan,kurse serbet jo.Pra dështoi ky plan dhe luftimet vazhduan deri te largimi i gjithë serbëve të uniformuar (ushtri,paramilitar,polici,rezervistë etj) dhe civilëve serb,e gjithë kjo ndodhi gjatë aksionit-operacionit ushtarak "oluja"e drejtuar nga ushtria kroate.
    Në ndërkohë filloi lufta në Bosnjë e Hercegovinë mes serbeve të bosnjes dhe boshnjakëve (muslimanëve),kurse më vonë në luftë përfshihen edhe kroatët.Pra bëhet një luftë në mes të serbeve,kroatëve dhe boshnjakëve (muslimanëve) dhe kjo luftë vazhdon deri kur arrihet marrëveshja e Deytonit.
    Fillon lufta në Kosovë dhe përfundon me marrëveshjen e Rambujes(Parisit).
    Fillon lufta në Maqedoni mes shqiptarëve dhe maqedonasve.Përfundon me arritjen e marrëveshjes së Ohrit.
    -Marrëveshja e Deytonit u nënshkrua nga kroatët(Kroacia)-serbet(Serbia) dhe boshnjakët muslimanë(B e H).Prej të gjitha pikave të kësaj marrëveshje po e përmendi atë që na intereson neve.
    Nuk ka ndarje të B e H (ruhen-garantohen kufijtë administarativë që i kishte në ish-Jugosllavi).Pjesa e kontrolluar nga forcat serbe nuk guxon t'i bashkohet Serbisë,sikurse vlenë edhe për teritoret e kontrolluara nga kroatët që nuk guxojnë t'i bashkohen Kroacisë.Konfederata mes Boshnjakëve (Bosnës) dhe Kroacisë,me këtë marrëveshje bjen poshtë.
    -Marrëveshja e Rambujesë (si dhe marrëveshja ushtarake e Kumanovës në mes të KFOR-it dhe UJ) për Kosovën,poashtu garanton kufijtë administartiv të Kosovës që i kishte në ish-federatën jugosllave.Pra nuk ka ndarje.
    -Marrëveshja e Ohrit,poashtu nuk lejon ndarje-copëtimin e teritorit të Maqedonisë në mes të maqedonasëve dhe shqiptarëve.Pra nuk ka ndarje.
    Pra,siç po shihet të gjitha luftërat në teritorin e ish-Jugosllavisë,kanë përfunduar me një marrëveshje mes palëve në luftë me ndërmjetësimin dhe garantimin nga Bashkësia Ndërkombëtare,të cilin garantim e kontrollon dhe e mbronë nëpërmjet organizmave administartiv-civil si dhe me forca ushtarake-policore ndërkombëtare.
    Kur jemi tek Kosova,BN përveq garantimit të tërësis territoriale i'a ka bërë me dije Serbisë se Kosova më nuk do të kthehet tek atje ku ishte në vitin 1999.(Dje në NY pranë KS të OKB-së i'a bënë të ditur edhe përfaqësuesit serb Qoviq,të gjitha shtetet e BE (edhe Greqia).Raportin e lexoi përfaqësuei i Luksemburgut që kryeson BE-në).
    Meqë Serbia e ka të kjartë se Kosova është e humbur për të,atëherë vjen në shprehje se,thiut të paktën hiqja një qime,ose ta themi më kjartë: Kosova u humb,por të paktën të heqim një pjesë territori nga Kosova.¨
    Nëqoftëse Institucionet e Kosovës do të pranonin një kërkesë apo më mirë të themi një provokim të tillë nga ana e Serbisë,për shkëmbim territoresh,Kosova do të bjen ndesh me Bashkësin Ndërkombëtare e cila ka bërë aq investime në njerëz dhe financa që të arrijë këtu ku janë,si me Kosovën B e H,Kroacinë e Maqedoninë.
    Andaj për fund,t'i bashkangjitemi dëshirës së Serbisë për ndarje apo shkëmbim territoresh don të thotë të bëjmë Kosovën që të ngjajë si lëkura e Leopardit,gjë që Serbia do ta bënte me gjith dëshirë!
    Ndryshuar për herë të fundit nga Harudi : 25-02-2005 më 19:40
    Pijetoret janë vendet ku çmenduria shitet me shishe! (Uendell Filips)

    Lista e injorimit: Llapi

  15. #15
    i/e regjistruar Maska e tani_26
    Anëtarësuar
    11-09-2002
    Vendndodhja
    Ne vendin e shqiponjave ku tani ka vetem korba!
    Postime
    1,113
    Citim Postuar më parë nga Albo
    Kur une shkruaj ne kete forum qe injoranca e shqiptareve per ceshtjen tone kombetare eshte rreziku me i madh per ceshtjen tone kombetare dhe per pavaresine e Kosoves, disa e marrin si ofendim, disa e marrin si sharrje, kur nuk eshte as njera dhe as tjetra.

    Kjo eshte nje nga temat e shumta qe kjo ilustrohet dukshem: Kryeadministratori nderkombetar Petersen i UNMIK ne Kosove shprehet ne publik se ndarja e Kosoves nuk eshte fare opsion, mirepo na del nje shqiptar si Tani nga Athina apo Dodoni nga Amerika qe na e kthejne ndarjen e Kosoves ne opsion.

    Mesoni te lexoni prononcimet e burrave te shtetit dhe te ndiqni zhvillimet hap pas hapi, ne menyre qe te keni idene se per cfare behet fjale dhe te mos filloni e trilloni skenare fantastiko-shkencore ne mendjet tuaja.

    Albo

    Ketu themi mendimet tona dhe nuk jemi zedhenesat e atyre "burrave te shtetit"....

    Sa per ceshtjen kombetare, me mire te mos permendej sepse ketu kemi lexuar per mendimet dhe pikepamjet e disave rreth, ngritjes se lapidareve greke ne territorin e Republikes se Shqiperise e shume gjera te tjera......

    Qe te mos zgjatem une kam pikepamjen time rreth Kosoves....

    Ishte Europa ajo qe e ndau nga trungu i Shqiperise dhe eshte deryre e kesaj Europe qe ti jape pavarsine....
    Filozofirat e tipit Albo jane kotesira......
    Nuk ka njerez te perkryer ka vetem qellime te perkryera!

  16. #16
    Larguar.
    Anëtarësuar
    04-08-2003
    Postime
    2,152
    Ish Sekretari Amerikan i Mbrojtjes Karluçi komenton mbi Kosovën


    Isabela Çoçoli
    Washington
    28-02-2005

    Frank Carlucci, ish sekretar i Mbrojtjes së Shteteve të Bashkuara dhe kryetar nderi i firmës investuese Carlyle Group, thotë se e vetmja zgjidhje afat gjatë për çështjen e Kosovës është vetëm pavarësia e saj, që eventualisht do të sillte edhe stabilitetin në Ballkan. Ai e ka trajtuar ditët e fundit këtë çështje në një artikull të botuar në gazetën The New York Times me titull “Lufta që ne nuk kemi përfunduar”.

    Zëri i Amerikës: Zoti Sekretar, kohët e fundit ju keni bërë një deklaratë fare të hapur në mbështetje të pavarësisë së Kosovës. Çfarë ju nxiti që ta bëni këtë deklaratë?

    CARLUCCI: Kjo ka qënë diçka për të cilën kam menduar për një kohë të gjatë. Kam biseduar me kolegët e mi në ish Këshillin për Veprim në Ballkan dhe në Grupin Ndërkombëtar për Parandalimin e Krizave. Është e qartë se tensionet po shtohen dhe mund të mbërrijnë një pikë shpërthimi në pranverë, kur në rajon fillojnë trazirat. Mendova se do të ishte e dobishme për të bërë një paralajmërim, në mënyrë që njerëzit t’i presin rrugën dhunës dhe të angazhohen në atë proces që do të çonte në zgjidhjen e disa prej tensioneve etnike.

    Zëri i Amerikës: Natyrisht kjo është e dëshirueshme për shqiptarët e Kosovës, por jo për sërbët. Si mund t’i pajtojnë të dy palët qendrimet lidhur me këtë çështje?

    CARLUCCI: Nuk duhet harruar se një nga çështjet që unë kam trajtuar është një proces për të garantuar të drejtat e pakicave. Ky duhet të jetë një nga kriterit që duhen plotësuar gjatë procesit për përcaktimin e statusit përfundimtar të Kosovës. Ky nuk është një proces që u jep vetëm shqiptarëve të Kosovës atë që duan, por është një proces që çon drejt pajtimit të fraksioneve të ndyshme etnike.

    Zëri i Amerikës: Zoti Sekretar, ju jeni i mendimit se pavarësia është e vetmja zgjidhje e çështjes së Kosovës. Ju përjashtoni çdo variant tjetër, ndarjen e saj, bashkimin me Shqipërinë dhe kështu me radhë. A mund të flisni pak më gjatë lidhur me këtë ide?

    CARLUCCI: Shumica e ekspertëve janë dakord se ndarja e Kosovës do t’i acaronte tensionet etnike ekzistuese. Ndarja teritoriale nuk është një zgjidhje e mirë. Ndoshta pas negocimit të statusit përfundimtar, në qoftë se entitetet e pavarura duan të shkëmbejnë teritore, apo të arrijnë ndonjë tjetër marrëveshje, kjo është një çështje krejt tjetër. Por për mendimin tim, përpjekjet për ndarjen e vendit tani do të ishin një proces zjarrvënës.

    Zëri i Amerikës: Administrata e tanishme amerikane ka folur mjaft për plotësimin e standardeve para diskutimit të statusit. A jeni i mendimit se administrata duhet të bëjë një deklaratë edhe më të hapur lidhur me çfarë do të jetë statusi i Kosovës?

    CARLUCCI: Patjetër. Ekziston rreziku i rënies në letargji, duke u përqendruar në standardet, që janë të shumtë, dhe pa krijuar një proces që do t’u ngjallte shpresat të dy palëve, shqiptarëve dhe sërbëve të Kosovës, një proces që do t’u jepte zgjidhje disa prej çështjeve që ata kanë përballë. Për mendimin tim, kjo është koha e përshtatëshme për të folur për statusin përfundimtar. Jam i mendimit se Grupi i Kontaktit ka përgjegjësinë për ta bërë këtë, prandaj dhe duhet të veprojë. Ndoshta rusët do të kundërshtojnë, por ne duhet të merremi me këtë çështje kur të vijë koha.

    Zëri i Amerikës: A do t’i shërbente zgjidhja e statusit të Kosovës stabilitetet në Ballkan dhe më tej?

    CARLUCCI: Ne e dimë se statusi i tanishëm është faktor destabiliteti. Askush nuk mund të parashikojë me siguri nëse pavarësia e Kosovës do ta stabilizojë gjendjen, por patjetër që do ta përmirësojë atë, gjë që eventualisht do të çonte në stabilizimin e saj. Aktualisht, de-jure, Kosova është pjesë e Sërbisë dhe është nën kontrollin e saj, gjë që kosovarët e kundërshtojnë. Tensionet janë në ngritje, dhe në qoftë se do të bëheshin përpjekje për t’ia kthyer Kosovën Sërbisë, do të dilnin probleme të tjera, si për shembull përfaqësimi në parlament, ëndërra ekonomike, mënyra e përdorimit të forcës ushtarake, e shumë të tjera, që mund të çojnë në një gjendje shpërthyese, siç ishin trazirat e marsit të vitit të kaluar. Në një rast të tillë sërbët mund të kërkojnë ndërhyrjen e Sërbisë, dhe kështu do të kishim përsëri një luftë në shkallë të gjerë. Për t’i prerë rrugën kësaj, të paktën siç e shikoj unë, duhet përvijuar një proces për negociatat mbi statusin përfundimtar të Kosovës.

    Zëri i Amerikës: Zoti Sekretar, si do ta vlerësonit rolin e Kombeve të Bashkura në Kosovë?

    CARLUCCI: UNMIK-u ka patur vështirësi me qeverinë e përkohëshme. Ajo ka tani disa përfaqësues të rinj që po mbajnë një qendrim të ri. Tani UNMIK-u po ndjek një strategji veprimi me statusin përfundimtar si objektivin e saj final. Për mendimin tim, UNMIK-u po ecën në drejtimin e duhur.

Tema të Ngjashme

  1. Vrasja e Kolonel Ahmet Krasniqit..
    Nga Brari në forumin Historia shqiptare
    Përgjigje: 47
    Postimi i Fundit: 04-10-2010, 04:41
  2. Paketa e propozuar nga Ahtisari për statusin final të Kosovës
    Nga Nice_Boy në forumin Çështja kombëtare
    Përgjigje: 451
    Postimi i Fundit: 21-10-2007, 12:59
  3. Kush jane vrasesit?
    Nga Brari në forumin Çështja kombëtare
    Përgjigje: 17
    Postimi i Fundit: 10-03-2004, 21:54

Regullat e Postimit

  • Ju nuk mund të hapni tema të reja.
  • Ju nuk mund të postoni në tema.
  • Ju nuk mund të bashkëngjitni skedarë.
  • Ju nuk mund të ndryshoni postimet tuaja.
  •