Klubi I Juventinave

[SUPERSTAR_N1]

Te gjithe Tifozat e Juventusit Jane Te Mirepritur Te Shkruajne Ketu flm! FORZA JUVENTUS!!!!!!!!!!!!

[Gabriela]

Te lumte goja si gjithmon Juventus

[SUPERSTAR_N1]

hahaha Te lumte dora Gabriela postin tend te pare ketu e shkruajte muahhhh bravo bravo te uroj mireseardhjen ne klubin tone!

[Vinny_T]

Ne klubin e mirnjohur te Juves historia ka shkrojtur tre yje franceze, i pari Michel Platini qe ngelet dhe me efikasi dhe me i adhuruari nga tifozat juventine.. i dyti ZZ Yazid Zidane ose i njohur me emrin Zinedine Zidane qe ngelet aktualisht lojtari me i madh i ketij dhjetveçari si dhe qendersulmuesi francez me origjine argjentinase David Trezeguet qe eshte nga sulmuesit me efikase te te gjitha koherave, dhe pse stili i tij ngelet atipik.
Qe nga vitet 80 Juvja ka qene ne kulmin e saj kur ka pasur ne ranngun e saj lojtare francez.

[SUPERSTAR_N1]

Juve-River, pakt "i artë"

Juventusi dhe River Plejti kanë bërë një marrëveshje. Pas një mbledhjeje të gjatë midis drejtuesve bardhezinj dhe presidentit të klubit argjentinas, Hoze Maria Aguilar, i shoqëruar nga sekretari i tij, Mario Izrael, palët vendosën të caktojnë një çmim për Fernando Kavenagin dhe Andres D'Alesandron. Por jo vetëm kaq. Në të vërtetë, juventinët mund të kenë në duar shumë shpejt kartelat e të gjithë lojtarë të rinj dhe të talentuar argjentinas.
Çmimi i vendosur për Kavenagin u caktua rreth 12 milionë dollarë. Lojtari mund të vijë në Itali në dhjetor, por nuk përjashtohet mundësia e dhënies hua te Rexhina. Po ashtu ka dalë në pah edhe emri i Martin Demikelisit. Bëhet fjalë për një mbrojtës 21-vjeçar që luan edhe si qendërmbrojtës edhe si mbrojtës i majtë. Nuk harrua as D'Alesnadro, që i pëlqen shumë Umberto Anjelit, po që përjetoi momente negative në turneun e Klausurës. Talenti i tij është i padiskutueshëm dhe Juvja nuk kërkon ta humbasë këtë mundësi.

[SUPERSTAR_N1]

Disa Lajme Per Merkaton E deritanishme Te Juventus!

[SUPERSTAR_N1]

Moxhi: Davidsi, asnjëherë në merkato

Drejtuesi bardhezi, Luçiano Moxhi, ka folur rreth merkatos aktuale dhe është ndalur duke shpjeguar krizën financiare që ka përfshirë futbollin italian. "Juventusi ka fituar kampionatin e fundit, - ka shpjeguar Moxhi - dhe ne kemi treguar se jemi skuadra më e fortë. Në një merkato që nuk po arrin nivele të larta, lëvizjet e lojtarëve janë të reduktuara në maksimum, prandaj nuk kemi asnjë arsye të forcohemi. Le të forcohen kundërshtarët tanë, ne s'kemi nevojë". Moxhi më pas shtoi: "Klubi ka si objektiv që fitoret në fushë t'i shoqërojë me një bilanc pozitiv në aspektin financiar. Këtë rrugë kemi bërë edhe vitin e kaluar, kështu që s'kemi përse ta ndryshojmë strategjinë që na mban larg nga krizat financiare që kanë pushtuar klubet kryesore evropiane."
Drejtuesi juventin ka shpjeguar disa prapaskena lidhur me problemet e hasura me River Plejtin për trasferimin në Torino të dyshes së të rinjëve D'Alesandro-Kavenagi: "Kemi arritur një pakt me River Plejtin dhe me presidentin e saj, Aguilar. I pranishëm në takim ishte edhe Sivori. Bëhet fjalë për një raport që u shërben argjentinasve në aspektin financiar dhe neve në atë sportiv. Gjatë muajve të ardhshëm do të vendosim nëse të rinjtë e tyre, për të cilët flitet aq shumë, mund t'i vlejnë Juves. Takimi i ardhshëm do të vendosë shumë gjëra. Ai pritet të mbahet në fund të shtatorit." Moxhi i hedh poshtë alternativat e Dakurdit dhe të Eribertos: "Dakurdi te Juventusi? Tratativë që po përfundon? Le të mos bëjmë shaka. Shihni emrat e tanishëm të mesfushës juventine dhe do të kuptoni zgjedhjen tonë. Eriberto? Kemi blerë Kamoranezin. Të vazhdosh të flasësh për brazilianin është e kotë." Dy fjalë i kushtohen edhe portierit Karini: "Është një portier i madh, që e meriton të luajë në një skuadër të madhe. Deri tani nuk na kanë ardhur oferta serioze nga ekipe të elitës." Ndërsa Zauri nuk do të vishet bardhezi. "Nuk do të vijë, sepse kanë qenë shumë gjëra që na kanë penguar. Kemi blerë Moretin, një të ri me të ardhme të sigurt, që mund të luajë i qetë nën urdhrat e Lipit." Fjalët e fundit i shkojnë holandezit Edgar Davids: "Davidsi nuk është hequr nga merkatoja, sepse nuk ka qenë asnjëherë në merkato. Juventusi nuk ka ndër mend ta shesë holandezin. E presim të paraqitet në grumbullimin e ekipit. Presioni i Romës? Ndoshta e ka bërë mbi lojtarin, sepse ne s'kemi biseduar asnjëherë me Sensin, ose me të dërguarit e tij. Edhe në rast se verdhekuqtë na e kërkojnë zyrtarisht, ne nuk kemi për ta shitur Davidsin."

[SUPERSTAR_N1]

Lipi, kombëtarja e ardhshme italiane

Federata Italiane ka rinovuar besimin e saj te Xhovani Trapatoni, por e ka bërë gati edhe zëvendësuesin e tij. Bëhet fjalë për Marçelo Lipin, i cili e ka ëndërr të hipën në fronin e trajnerit të kombëtares së kaltër. Duke u bazuar edhe në kritikat e Vierit në drejtim të Trapatonit, Lipi mund ta marrë detyrën fill pas përfundimit të këtij kampionati, nëse kualifikimi italian vështirësohet, ose ndoshta në përfundim të Evropianit portugez të 2004-ës. Kritikat e ngritura nga shumë specialistë pas botërorit aziatik, po i japin frytet e para. Këshilli teknik pranë Federatës Italiane ka shprehur një besim jo të plotë ndaj Trapatonit. Përveç Lipit, atje u përmend edhe emri i Fabio Kapelos. Duke parë palmaresin e pasur të tij, duket se mund të jetë një kanditaturë mjaft e vlefshme. Kapelo ka fituar katër kampionate, një kupë kampionesh, një kupë interkontinentale, dy superkupa Italie, një superkupë Evrope dhe një kupë Italie. Për më tepër, publiku italian i adhuron këta dy trajnerë, që kanë fituar gjithçka atje ku kanë qenë. Duke pasur parasysh faktin që Kristian Vieri është lideri i kësaj kombëtareje, ai ka propozuar në drejtim të saj Lipin. Tekniku bardhezi duket favoriti i stafetës së stolit italian. Me sa duket, opininoni i Vierit do të jetë shumë përcaktues, sepse, siç pohohet nga shumë burime, dëshirat dhe kërkesat e futbollistëve ndikojnë shumë në zgjedhjen që bën Federata Italiane. I vetmi problem për Lipin mund të jetë kontrata me Juventusin. Tekniku ka firmosur me të deri në fund të sezonit 2005, por klubi bardhezi nuk do të kishte kundërshtim për ta lënë të lirë. Për më tepër, për Juventusin do të ishte një nder i madh që trajneri i kombëtares të zgjidhej nga ata. Kjo do të pasuronte traditën e klubit, që shpeshherë ka pasur trajnerë nga më të mirët, që më pas kanë kaluar në drejtimin e kombëtares italine. Njëri nga këta është pikërisht trajneri aktual, Xhovani Trapatoni.

[SUPERSTAR_N1]

Juve: Mbetet Turami, Kanavaro...lamtumirë

Turami, edhe vitin e ardhshëm, do të jetë bardhezi, kështu që Juventusi del nga skena në luftën për mbrojtësin e Parmës, Fabio Kanavaro. Ajo që i ka mbyllur përfundimsht dyert këtij transferimi duket pikërisht marrëveshja midis Lidsit dhe Mançesterit për Roi Ferdinantin dhe Fergusoni nuk ka më nevojë për Turamin, kështu që francezi, kampion Evrope dhe bote, do të mbetet sërish nën urdhrat e Marçelo Lipit. E vetmja alternativë e vlefshme për bardhezinjtë për shitjen e Turamit ishte Mançesteri, bazuar kjo edhe në dëshirën e lojtarit. Parma tashmë është në vështirësi, sepse ka si alternativë për shitjen e Kanavaros vetëm Milanin, i cili e kërkon lojtarin borxh me detyrimin për ta blerë një vit më vonë. Kështu që çështja "Kanavaro", ashtu si ajo "Nesta", ka hyrë në një udhëkryq të vështirë, ku nuk mund të këtë shumë zgjidhje. Është vetë presidenti Tanci, i cili nuk është i kënaqur nga konditat e Milanit. Kanavaro, personalisht, nuk dëshiron të luajë jashtë Italisë, por Interi tenton Nestën, Juventus mban Turamin, prandaj e vetmja alternativë për napoletanin është Milani. Pas përgjigjes negative që i dha Saki Berluskonit, duket se Parma është e vendosur përfundimisht të mos i bindet dëshirës së Milanit, pasi nuk është e lehtë t'i thuash "jo" të madhit Berluskoni, i cili, siç e ka treguar historia, gjithmonë kur ka dëshiruar një lojtar, e ka marrë. E vetmja mundësi e Juventusit për të tentuar sërish Kanavaron është të shesë Turamin te Reali i Madridit. Drejtuesve spanjollë nuk i pëlqen Turami, por janë vendosur nën një presion të madh nga Zinedin Zidane, që kërkon të luajë përkrah patriotit të tij. "Francezi kushton një djall e gjysmë,"- ka thënë Valdano, duke përpjekur të largojë zërat që e degdisin Turamin në Madrid. Fjalë të çuditshme këto, kur i dëgjon nga goja e atij që është mësuar me çudira. Si alternativë e fundit për Tancin do të ishte kalimi i Kanavaros tek Interi, por vetëm në rast se këta të fundit nuk arrijnë të përfundojnë tratativën "Nesta".

[Alban]

Doni erdhi ne juve a po jo?
juvenusi eshte skuadra e zemës sime

[master]

Ky eshte lajm...lipi trajner i kombtares.
Juve eshte historia...eshte 10 000 000 tifoza ne Italia qe e ndjekin.
Jemi te paret dhe te thojne ca te duan te tjeret.

Superstar...bravo se na gezove. Na duhet ,mentalitet tjeter per kombtaren.

[Eros]

Lol master po ti je milanist apo juventin se nuk po e kuptoj.

[master]

**JUVENTIN...ti je milanist apo jo?
S'ka gjo mos u merzit... .

[HELIAND]

O CUNA SKA NJERI NE BOTE QE E SHAN JUVEN.KOT SI KA YJET MBI FANELLE DHE KOT SESHTE SKUADRA QE KA ME SHUME TIFOZE NE BOTE.DHE ATIJ MILANISTIT I THEM MOS TA HAPI SI SHUME GOJEN SE PASTAJ

F O R C A J U V E

[SUPERSTAR_N1]

Vetem Juventus mer !!!!!

[SUPERSTAR_N1]

Me Poshte mendova tju sjell ca foto te lojtareve Juventin gjate trofeut tim ku juventius ka qene pa fat po prap se prap ajo ka mundur Inter me penalltti por pafat gjate ndeshjen me Milanin ku u munden 1:0

[SUPERSTAR_N1]

Dy Luftim GJigandesh Nedved Kunder Zanneti

[SUPERSTAR_N1]

Camoranezi duke Goditur Topin me koke .....

[SUPERSTAR_N1]

Ku eshte topi!?!?!?

[SUPERSTAR_N1]

Zanneti e Trezege Duke U Munduar me cdo menyre per te goditur topin.