Jeta dhe çfarë mendoni për te?

[Poeti]

desha që këtë temën time ta ilustroj edhe me këtë poezi të shkruajtur sot.

LYPSARËT
1.
Sikur ëndërr e keqe është jeta
Tej çdo mase e trishtueshme,
Atë që ajo na ofron përherë
Janë vetëm ditët e mjerueshme!

2.
Trotuareve, nëpër çdo skaj
Duar të shtrira ndihmë kërkojnë,
Me lotë në sy dhe brengë në zemër
Çdo kalimtarë të rastit vështrojnë!

3.
Dhe rrallë kush kurrizin përkulë
Që të ju vej një lek në grusht,
E mbëmja vjen, fëmijët presin
Lypsari i ngratë është zënë ngusht!

4.
Dhe të tillët shtohën pa pra
Rrugët janë të mbushura plotë,
Që mallkojnë çdo ditë që vjen
Bashkë me ditën kur erdhën n'këtë botë!

5.
Askush kokën për ta nuk qan
Në gji të vetin nuk i don kush,
E zemra e lypsarve është e ngrirë
Kurse koka iu digjet prush!

[Poeti]

Çfarë emri t’i vejmë kësaj që po e kalojmë: Jetë e ka emrin, por jetë nuk është?!
Sikur është një mundim i kotë, një çmenduri jetësore, një vegim, një humbje në dallgë, një HIQ me germa të mëdha.

[FLOWER]

e si mund ta themi me mire se sa miti i famshem -jeta seshte vecse nje gur qe rrokulliset perposht sapo ne e ngjisim ne maje.

[Dito]

Arrij te jetoj edhe nen erresiren e erret pus, arrij te jetoj edhe mbi akujt e ftohte sepse dua te jetoj.

Dito.

[EDUARDI]

Poeti


Per mua jeta eshte nje ekuacion qe ka zgjidhje vetem po ditem ta jetojme sepse dikush mendon qe jeta eshte loje,por jo jeta eshte shume e bukur vetem ne qofte se do dim ta jetojme vella

SHPRESOJ QE TA KUPTONI JETEN ME NDJENJEN QE KENI NE ZEMREN TUAJ

KJO ESHTE JETA DHE JETOJE

[La_Lune]

Jeta...eshte nje parajse per ata qe e dashurojne me pasion...

[Poeti]

FLLOVER, Odeon relax, EDUARDI dhe LORUSHJA,
Ju falemiderit shumë që keni gjetur kohë të shprehni mendimin tuaj të çmuar në këtë pyetjen time mjaft domethënëse.
Patjetër se këndëvështrimet tona mbi jetën dallojnë, dhe është mirë që dallojnë,e ato dallojnë shkaku i kushteve , apo rrethanave në të cilat jetojmë (kurse ato janë shumë të ndryshme).
Për fat të keq, jeta nuk na ka pranuar të gjithëve njësoj në gjiun e saj, për disa ka qenë nënë kurse për të tjetrët njerkë??
Unë jam shumë i kënaqur kur jetën e merrni me relaksim, dhe që të njejtën e doni ashtu sikur është, ju lumtë për vullnetin që keni, vetëm vazhdoni kështu!

[Poeti]

I rikthehemi sërish jetës, apo thënë më mirë, i kthehemi vetvehtes!
Jeta është vargëzim vitesh në shiritin e halleve, një marathon drejt fundit, një nënqeshje nën buzën e vrarë, një barrë e rëndë mbi kokën e zbardhur.
Por…. Jeta është edhe një vegim dashurie, një rreze ngrohëse që depërton thellë në zemër, një rrënqethje që nga koka gjer tek thembrra, një fluturim në krahët e lumturisë.
Jeta eshtë gjithëçka, dhe njëkohësisht, është edhe asgjë!!

[StormAngel]

Jeta eshte si "final countdown"

Nje ore e madhe gjigande ne te cilen secili ka vendin e vet per te be tik tak dhe ne fund ose harxhohen baterite apo thyhet ora.

[Poeti]

Jeta...eshte nje parajse per ata qe e dashurojne me pasion...

Pajtohem me ty La_Lune, por çfarë të themi për ata që nuk e dashurojnë çfar është jeta për ata?
Apo të themi kështu: Ata që kanë dashuri, çdo moment i jetës së tyre ka kuptim, kurse për ata që dashuria iu mungon, këto momente janë vuajtje dhe atë pa ngushëllim….
Po për ata që dashuria iu kthehet me urrejtje??